رواية فارس عشقي للكاتبة سحر فرج الفصل الواحد والعشرون

عادل كان وصل هو والبنات اودام باب المستشفى فاركن العربيه ونزلوا منها .. بس افتكر حاجه مهمه المفروض يعملها فاستأذن من سلمى ورغد انه هايرجع تانى يجيب حاجه مهمه .


سلمى باستغراب .. حاجه ايه اللى عاوز تجيبها دلوقتى يا عم انت زمان فارس وصل هو وهمس من بدرى .

عادل .. يا بنتى عاوز اروح اجيب بوكيه ورد وعلبه شيكولاته انا متاكد ان فارس مش هايفتكر حاجه زى كده من اللى هو فيه .. هاروح بسرعه واجى .
سلمى .. ااااه فى كده عندك حق يا عادل .. بس هاتروح لوحدك ولا ايه ؟ مش عاوز حد معاك وعنيها جت على رغد .
عادل فهم قصد سلمى ايه .. فقرب من رغد وقال .. لو مش يدايقك ممكن تيجى معايا وتنقى بوكيه ورد على زوقك يا رغد لو سمحتى انتى اكيد عارفه زوق همس كويس .

رغد بخجل .. مفيش مانع بس نرجع بسرعه .

عادل بفرحه ... وانا موافق هو انا هاخطفك يا بنتى ولا ايه .. هانروح نجيب الحاجات دى ونرجع فوريرة .
سلمى بضحك ... فوريره يا باشمهندس .. فى حد لسه بيقول فوريره هههههههه انا مش عارفه هندسه ايه اللى انت اتخرجت منها دى .
عادل ومالها فوريره يا هانم .. هى وحشه يا رغد ولا ايه .
رغد بابتسامه ... لا ابدا حلوة ولذيذه كمان بدام منك .
عادل اتغاظى بقى يا سلمى اهى عجباها .

سلمى .. وانا مالى يا اخويا هو انا هاتجوزك .. افضل ارغى كده كتير لحد ما كتب الكتاب يتكتب واحنا بنتناقش فى كلمه فوريرة بتاعتك دى .. انا هاخد البت جنه واطلع على فوق وخليكم انتم اتناقشوا براحتكم سلام يا هندسه ... ولا اقولك .. روحوا وتعالوا فوريرة ههههههههه .

عادل مالها البت دى هو انا قولت حاجه غلط ولا ايه .
رغد بضحك .. انا مش عارفه انتم على طول كده زى القط والفأر بتنأروا فى بعض كده على طول .
عادل .. والله انا غلبان هى اللى بتجرجرنى للكلام الفاضى ده على طول .

رغد .. طيب يالا بينا بقى بسرعه علشان شكلنا كده مش هانلحق الكتب كتاب .

عادل قرب من باب العربيه وفتحه وقال .. اتفضلى سياتك .
وفعلا ركبوا وراحوا على اقرب محل ورد واشتروا الورد واشتروا كمان علبه شيكولاته وحاول عادل انه يستغل الفرصه دى انه يقولها انه معجب بيها .
عادل .. ممكن اقولك حاجه مهمه يا رغد .
رغد بخجل .. اه طبعا اتفضل .

عادل .. انا الصراحه كده ومن غير لف ودوران معجب بيكى وبدأت احبك من فترة وعاوز اعرف رايك علشان عاوز اجلكم البيت واطلب ايدك من الحاجه.

رغد بكسوف ووشها احمر من الخجل .. اااااااا
وسكتت خالص .
عادل .. افهم ايه انا من ... ااااااا بتاعتك دى .
رغد عيونها على الارض وقالت .. انا موافقه .
عادل ... وانا اسعد انسان النهارده .. وبما ان فارس هايكتب كتابه النهارده ايه رايك نكتب كتابنا احنا كمان .
رغد .. لاااا طبعا .. لازم تيحى عندنا البيت وتطلب ايدى من ماما الاول .

عادل .. يا بت انا بهزر .. ومسك اديها وباسها .

وبعد شويه كانوا وصلوا اودام المستشفى ونزلوا وخدوا بوكيه الورد وعلبه الشيكولاته وطلعوا على فوق .
واول لما تطلعوا قال للكل انه هايخطب رغد والكل بدأ يبارك ليهم .
سلمى .. ايوااا بقا يا فوريرة .. مكنتش اعرف ان هى الباس ورد بتاعكم يا حلوين ههههههه.
الكل كان فرحان للعرسان دول وكانوا فى انتظار العرسان الاصلين .
وعمر قرب من جنه وقالها عقبالك يا جنه انتى كمان وقريب اوى
جنه بخجل .. قوم انت الاول بالسلامه .

نيجى بقى لعرسانا .

همس .... عاااااااااااااا فااااااارس
الحقنى يا فااااااااارس .
وفجاه الخط اتقفل وفارس اتصدم اول لما سمع صوت همس بتصرخ ومش عارف فى ايه او ايه اللى حصلها وفضل ينادى عليها ويصرخ همممممممممممس همممممس ردى عليا يا روحى
همممممممس .
وبسرعه شد مفاتيح العربيه وخد مسدسه ونزل من اوضته .

الام .. فى ايه يا ابنى بتجرى كده ليه حد حصله حاجه .

فارس ما كنش سامع اى حاجه ولا شايف اى حد غير صوت همس وهى بتصرخ وبتنادى باسمه ... وركب بسرعه عربيته وشغلها وساق باقصى سرعه تتخيلوها وكذا مرة كان هايعمل حادثه فى الطريق وفضل يكلم نفسه بصوت عالى ويقول .. جايلك يا حبيبتى جايلك والله متخافيش يا همسى وفضل يفكر فى حاجات كتير وحشه حصلت لها .. وفضل على الحال ده كده لحد ما وصل وراح على الفيلا عند همس .

ركن ونزل من العربيه بسرعه ودخل من باب الفيلا وهو داخل شاف البواب مرمى على الارض وغرقان فى دمه .. فخاف جدا وقلبه اتقبض وحس ان ممكن يكون حصل حاجه وحشه لهمس فاجرى ولقى الباب مفتوح ومفيش اى حد نهائى موجود فى المكان فاطلع على فوق وطبعا مش عارف انهى اوضه من الاوض دى كلها اوضه همس.


فافضل يدور ويفتح باب باب لحد ما لمح باب مفتوح فاطلع مسدسه بشويش و راح ناحيه الباب واول لما وصله شاف حاجات كتير متكسرة على للارض وصوره همس بلبس الطيران متعلقه على الحيطه فاتأكد ان دى اوضه حبيبته .

فضل يدور فى كل مكان ولمح على الارض سلسله دهب بتاعه همس كانت على طول لبساها فى رقبتها وعليها اسمها بالانجليزى .
قعد على الارض ومسك السلسله وضمها بايده اوى وباسها ودموعه نزلت واتاكد ان همس فهد خطفها .

طلع بسرعه موبيله واتصل على عادل اللى كان وصل المستشفى من بدرى هو ورغد والكل كانوا مستغربين ان العرسان لسه ما وصلوش لحد دلوقتى .

اخيرا العريس ظهر اهو انا خايف لا يكون عملها من بره بره وسافر فى اى حته هو وهمس .
عادل بهزار رد على فارس وقال .. ايه يا عم انت .. اتأخرت كده ليه يا عريس فينكم كل ده وفين العروسه .
فارس بحزن ووجع والم قال ... همس اتخطفت يا عادل همس اتخطفت .
عادل بصدمه ... انت بتقول ايه .. همس اتخطفت ازاى ومين اللى خطفها انطق يا فارس .

لكن فارس من صدمته من اللى حصل قفل الموبيل .

كل اللى كان موجود فى الاوضه اتصدم .
الام ... بنتى حبيبتى حصلك ايه يا عمرى ومين عمل كده .
عمر بغضب .. اكيد الحيوان اللى اسمه فهد خطفها لما عرف انها هاتتجوز فارس .. انا هاموتك يا فهد هاموتك لو لمست شعرة من اختى .
عادل اهدوا يا جماعه وخلينا نفكر هانعمل ايه بس دلوقتى .
سلمى .. لازم نبلغ البوليس هو اللى هايقدر يرجع همس .

عادل انا هافضل ورا فارس لحد ما يرد عليا واعرف حصل ايه بالضبط ومين اللى عمل كده وانتم خليكم كلكم هنا واللى يعرف حاجه يقول للتانى .

الام .. وانا هاتصل برضوان واقوله ان همس اتخطفت و اكيد فهد الزفت ده اللى خطفها .
عمر فضل يضرب ايده فى السرير لانه مش عارف يتحرك من ساعه واقعه السلم وحس انه لاول مرة عاجز ومش قادر يعمل حاجه لاخته .
جنه شافته فى الحاله دى فاقربت منه وحاولت تهديه وتطمنه انه يطمن وهمس هاترجع تانى ان شاء الله .
رغد وسلمى حاولوا يرنوا على موبيل همس وكان بيرن بس للاسف مفيش حد بيرد .

وحاولوا كذا مرة تانى وفجاه حد رد عليهم .

سلمى .. ايوا يا همس يا حبيبتى انتى فين .
فارس ... ايوا يا سلمى .. انا فارس والموبيل بتاع همس هنا فى اوضتها .
سلمى بخضه .. هى اتخطفت من الفيلا يا فارس ولا ايه وايه اللى حصل بالضبط .
فارس بحزن وقلب مجروح .. اقفلى يا سلمى وانا جايلكم على المستشفى .
سلمى .. ماشى يا فارس واحنا فى انتظارك وعادل نزل يدور عليك .
وفعلا قفل فارس معاها ونزل وركب عربيته وراح على المستشفى .
سلمى اتصلت على عادل علشان يجى وبلغته ان فارس جاى على المستشفى .

فى مكان تانى خالص وبالتحديد فى قصر على البحر كانت همس نايمه على سرير و موجوده فى اوضه ومقفول عليها بالمفتاح .

همس بدأت بشويش تفوق وتفتح عنيها واستغربت اوى هى فين وايه المكان ده . وفضلت تبص لكل حته فى الاوضه .
فحاولت تقوم بس كانت لسه داخيه فقامت ووقفت وقربت من شباك جنب السرير وفتحته واتفاجأت اول لما فتحته .
شافت جنينه كبيرة اوى وفيها شجر عالى ونخل كتير والبحر اودامها على طووول .

اتصدمت بالمنظر اللى شافته وراحت ناحيه الباب وحاولت تفتحه بس للاسف كان مقفول بالمفتاح .

همس فضلت تصرخ وتخبط على الباب علشان حد يفتلحها لحد ما تعبت من كتر الخبط وقعدت على الارض وضمت رجلها عند صدرها وفضلت تعيط .
وفجاه حست برجلين جايه جنب الباب فاقامت ووقفت ورجعت لورا خطوتين والباب اتفتح واتصدمت اول لما شافت اللى دخل .
همس بصدمه.... فهد .. انت اللى بعت رجالتك وخطفونى .. انا هاوديك فى ستين داهيه يا حيوااااااان .. وقربت منه ولسه هاتضربه بالقلم على وشه بس للاسف كان هو اسرع منها ومسك اديها وضمها لصدره .

همس فجاه لقت نفسها فى حضن فهد فحاولت تزقه وتبعده بس هو كان اشد منها وضمها لصدره اكتر واقرب وشه منها اوى ونفسه كان نااااار على جسمها وفضل يشم ريحتها ويقول ... اخيرا بقيتى فى حضنى يا همس .. ومفيش حد فى الكون هايخدك منى .. انا فهد الجبالى ومحدش يقدر ياخد حاجه انا عينى عليها .. انا كنت هاتجوزك علشان اخد اللى انا عاوزه منك وبعد كده كنت بفكر ارميكى للكلب فارس الحسن .


بس بعد اللى كنتى عاوزه تعمليه معايا وتتجوزى فارس من ورايا ومفكرانى مش هاعرف .. انا مش هاتجوزك و هاخد اللى انا عاوزه وهنا ودلوقتى كمان .

همس اتصدمت من كلامه وفضلت تصرخ وتنادى على اى حد ينقذها من فهد .. بس للاسف مفيش اى حد جه .
فهد بكل غرور .. لو فضلتى تنهدى من هنا لبكرة مفيش حد هايسمعك يا قطه .. القصر ده فى اخر الدنيا ومفيش اى حد ساكن قريب منه .. دى منطقه على البحر وبعيده جدا عن العمار .

همس اتصدمت من كلامه فرجعت لورا بسرعه ومسكت فازه على التربيزة اللى فى وسط الاوضه وحدفتها فى دماغ فهد .

فهد بغضب ... عااااااا يا بنت المجنونه فتحتيلى دماغى .. انا مش هاسيبك وهاخد اللى انا عاوزه منك ودلوقتى وبدا يقلع فى هدومه .. وقرب منها وشدها لحضنه تانى وهى بتقاوم وهو يحاول ولسه كان هايقطع لها هدومها .

فهد سمع الباب بيخبط فقال .. عاوز ايه يا حمااااار .

بلال .. عاوز حضرتك فى شىء ضرورى يا باشا .
فهد .. غووور انت وانا نازل وراك يا بهيم .
وفعلا نزل بلال على تحت واستنى فهد انه ينزله .
فهد .. بدا يلبس هدومه تانى وقال لهمس .. راجعلك يا قطه .. اشوف البهيم ده عاوز ايه وارجعلك على طول سلام مؤقت يا حلوه وفتح الباب وخرج وقفل تانى بالمفتاح.

همس كانت منهارة وحاولت تعدل هدومها وتلم شعرها وفضلت تعيط بحرقه اوى اوى .. وتقول .. انت فين يا فارس .. انا بمووووت من غيرك يا حبيبى .. تعال يا فارس تعال بسرعه قبل ما اضيع منك يا حبيبى .


نزل فهد على تحت وكان بلال واقف مستنيه وبلغه ان رضوان اتصل اكتر من مره عليه وعاوزه ضرورى .

فهد .. شد بلال من بدلته وبغضب وعيون حمرا .. انت مجنووون يا حماار انت .. تخرجنى من المود اللى كنت فيه علشان تقولى سى زفت اتصل عليا كذا مرة ..
ما يتصل ولا يتحرق بجاز حتى اهببله ايه وقام ضربه بالقلم على وشه .
بلال بصدمه .. انت بتضربى يا فهد بيه بعد العمر ده كله .. ده انا من سن والدك الله يرحمه .
فهد بعزم ما فيه ضربه تانى بالقلم وقاله .. انت بترد عليا يا كلب .. انت مش عارف انا مين وممكن اعمل فيك ايه دلوقتى .
بلال بزل .. انا اسف يا باشا مكنتش اقصد .. سامحنى يا باشا ابوس ايدك .

فهد زقه من اودامه وقاله غووور من وشى وهاتلى كام ازازه وكوبايه .. عاوز اعمل مزاج عالى اوى .. انا ورايا مهمه صعبه والبت دى مش هاتيجى غير بالعافيه .. ومتنساش تطلع لها اكل تاكله زمانها جاعت .

بلال .. اللى تؤمر بيه يا بيه هانفذه حالا .
وفعلا راح بلال وجابله من المخزن كام ازازة ويسكى وكوبايه وتلج ووداهم ليه .
فهد .. ما تنساش الاكل تطلعه للبت اللى فوق دى عاوزها جامده وشديده .
بلال .. حالا يا افندم هاتطلعه بسرعه .

وفعلا بلال راح على المطبخ وجاب صينيه وعليها اكل لهمس وعلبه عصير وطلع بيهم على فوق .

فتح الباب بالمفتاح ودخل وعينه جت على همس اللى كانت قاعده على الكرسى ومنكمشه فيه وحالتها تصعب على الكافر .
بلال .. الاكل اهو يا بنتى .. كلى ولو عزتى حاجه اطلبيها منى .
همس حست ان بلال ممكن يكون شخص مختلف عن فهد ده وممكن يتعاطف معاها .
فقامت وقفت وقربت منه وقالتله بترجى .. لو سمحت خرجنى من هنا ارجوك .. انا همس بنت رضوان المحامى بتاع فهد واكيد انت تعرفه .. ارجوك خرجنى من هنا وكل اللى تطلبه هادهولك .

بلال .. انا لو عملت كده فهد بيه يموتنى يا بنتى .. ده انسان معدوم الضمير ومعندوش رحمه ولا يعمل حساب صداقه ولا قرابه .. كل همه نفسه ومزاجه وخلاص .

همس .. طيب ممكن تدينى الموبيل بتاعك وانا اتصل باهلى وابلغهم انا فين بالضبط وهما يجوا ينقذونى بنفسهم .
وفجاه اتصدمت همس من الصوت اللى سمعته واترعبت عاااااا
رواية فارس عشقي للكاتبة سحر فرج الفصل الثاني والعشرون

همس .. طيب لو سمحت ممكن تدينى الموبيل وانا هاتصل باهلى وهما هايجوا وينقذونى من فهد .. ارجوك لو سمحت وحيات اغلى حاجه عندك .. انت معندكش ولاد .. اعتبرنى بنت من بناتك .. وفجأه سمعت صوت عالى اوى وده الى خلاها تتصدم من الصوت ده وتصرخ اول لما سمعته لانه اخر حاجه ممكن تتوقع انه يكون موجود هنا .


همس .. عاااااااااااا ايه ده ؟؟؟ ده صوت أسد !!!!

بلال .. اهدى يا بنتى ايوا صوت أسد .. فهد بيه مربى أسد هنا فى القصر بقاله كام سنه .. هو غاوى تربيه الحاجات دى .. بس ما تخفيش هو جوه قفص كبير اوى واستحاله يخرج منه لانه مقفول عليه كويس اوى .

همس بصدمه .... أسد ازاى ده معقول فى حد يربى أسد فى بيته ده انسان استحاله يكون طبيعى دا اكيد مجنون .

بلال .. فى ناس كده كتير يا بنتى بيوصل بيهم التكبر والغرور لتربيه الحيوانات المفترسه دى .. وده مكنش اسد واحد دول كانوا اتنين متربين مع بعض من صغرهم ومن ساعه ما واحد فيهم عور راجل من رجالتنا .. فهد بيه قتله بالمسدس فى قلب القفص .. ومن ساعتها والاسد ده مبقاش طبيعى .. حتى الحارس اللى بيربيه بدا يخاف منه.

همس برعب .. وحيات اغلى حاجه عندك هربنى من هنا ابوس ايدك .

بلال .. سامحينى يا بنتى مش هاقدر اعملك حاجه بخصوص الهرب ده .. انا لازم انزل قبل ما فهد بيه يحس انى لسه هنا ولو عزتى حاجه نادى عليا وانا اجيلك على طول .. لان مفيش فى القصر ده غيرى انا وفهد بيه وانتى .
همس .. ابوس ايدك اوعى تسبنى هنا .. فهد مش ممكن يسبنى .. انا خايفه منه . ارجوك هربنى من المكان ده او ادينى الموبيل وانا اتصل على حد من اهلى ويجيلى .. اعتبرنى زى بنتك والنبى ارجوك وبدات تعيط جامد .

بلال سمع صوت رجل فهد طالع على السلم وخاف اوى لو عرف انه لسه واقف مع همس وكمان بيتكلم معاها .. فاستأذن من همس بسرعه وقالها فهد طالع معلش يا بنتى مش هاقدر اساعدك سامحينى .

همس .. ارجوك اوعى تسيبنى .. ارجوك لو سمحت .
بلال .. سامحينى يا بنتى ومشى وسابها وخرج من الاوضه بسرعه .
همس خافت اوى ومعرفتش تعمل ايه غير انها تاخد المفتاح من الباب من بره وتدخل بسرعه و تقفل الباب عليها بالمفتاح .

فى المستشفى عند عمر كان الكل قلقان وزعلان على اللى حصل لهمس .. ومش عارفين يعملوا ايه او يتصرفوا ازاى .. والكل كان حاسس انه متكتف ومش قادر يعمل اى شىء .

فارس كان وصل من بدرى وحاول انه يوصل لاى حته ممكن يكون فهد مخبى همس فيها .
ورضوان كان وصل اول لما مراته بلغته باللى حصل وراح على الاوضه ومكنش واخد باله مين موجود .. لانه كان قلقان على بنته لاول مرة تحصل .. وحاول انه يتصل بفهد كذا مرة بس للاسف كان الموبيل بتاع فهد بيرن فى الاول وبعد كده كان بيدى انه خارج التغطية .

عمر .. انت هاتفضل قاعد كده يا بابا وماسك الموبيل ومش قادر تعمل حاجه ولا تقولنا فهد ده بيته فين .. مش كفايه انى عاجز ومش قادر اتصرف ولا اعمل حاجه وانا عارف ان اختى مخطوفه .

عادل .. اهدى يا عمر واحنا موجودين وان شاء الله هانقدر نوصل لها .
فارس اللى كان واقف ومش سامع اى شىء خالص لانه كان فى دنيا تانيه خالص .. وكان هايتجنن على همس وبيسأل نفسه يا ترى انتى فين والحيوان ده عمل فيكى ايه.

وفاجأه رضوان خد باله من وجود فارس وبص عليه اوى ووجه ليه الكلام وقال .. انت بتعمل ايه هنا ؟

فارس بغضب ... انت بتكلمنى انا الكلام ده .
رضوان قرب منه ووقف اودامه وقال ايوا بكلمك انت يا فارس الحسن.
فارس قرب منه اوى وبكل غضب قال ... وانت مالك .
عادل شاف فارس قلب خالص وكان على اخره اصلا وخاف يحصل مشكله بينه وبين رضوان .. فقرب من فارس وقاله .. اهدى يا فارس .. الموضوع مش ناقص تعقيد اكتر من كده .. ياريت نهدى خالص علشان نقدر نرجع همس .

رضوان بغضب .. انت بتكلمنى انا كده يا استاذ .. انت صلتك ايه اصلا بهمس ومالك ومالها .. ليك عندها ايه .

عمر ... بابا ارجوك مش وقته الكلام ده خالص.. اهم حاجه دلوقتى اننا نعرف فهد خطف همس وخباها فين ولازم نكون كلنا ايد واحده .
رضوان .. ماشى يا سى عمر لما اشوف اخرتها ايه وياكم كلكم .
انا نازل وهاحاول اوصل لاى حاجه توصلنى بفهد ولو عرفت اى شىء هاكلمكم على طول .
فارس .. وانا جاى معاك .

رضوان .. وتيجى معايا بصفتك ايه بقى ان شاء الله يا بيه .

فارس لسه هاينطق ويقول .......
عادل .. قال ماشى يا عمى .. ولو قدرت توصل لاى حاجه رن عليا على طول وخد رقمى معاك اهو .
رضوان بغيظ من نظرات فارس ليه قال .. مش عاوز رقم حد ولو عزت حاجه هارن على موبيل عمر .
يالا سلام .

ام همس بدموع وحرقه على بنتها .. حسبى الله ونعم الوكيل .. حسبى الله ونعم الوكيل .. انت اب انت روح يا شيخ الله يسامحك .

عمر .. اهدى يا امى لو سمحتى وان شاء الله همس هاترجع ونفرح بيها هى وفارس .. وبابا ده ربنا هايحاسبه على اهماله لينا السنين دى كلها لان همه الوحيد كان الفلوس والشغل وبس .. محسناش فى يوم انه اب خايف على حد فينا او همه حد فينا للاسف .
جنه بحزن على عمر قربت منه وقالت .. لو سمحت يا عمر ماتزعلش نفسك ارجوك علشان صحتك .

عمر .. غصب عنى يا جنه .. انا تعبت اوى وحاسس بالعجز لاول مرة فى حياتى .. همس اتخطفت ومش قادر اعمل اى حاجه ليها .

عادل.. خلاص بقى يا عم عمر خلينا دلوقتى فى همس وبس .. ولسه هايلف نفسه ويشوف فارس .. للاسف ملقاش فارس واقف مكانه .
فخرج بسرعه يشوفه واقف بره .. بس كأنه فص ملح وداب.
عادل .. ايه ده معقول يكون نزل ورا رضوان بيه ؟؟؟

الكل بصدمه ... مش معقول ربنا يستر وما يعملوش مشكله مع بعض لو رضوان بيه عرف ان فارس ماشى وراه او بيراقبه هايعمل مشكله وممكن فارس بحالته دى يعمل جنايه .

عادل .. انا عارف دماغ فارس كويس .. اكيد هايفضل يراقبه علشان يوصل لاى حاجه توصله لهمس .. لانه اكيد عارف كل الاماكن اللى ممكن فهد يروح فيها .
وفعلا زى ما توقع عادل بالضبط .. فارس كان نزل وراء رضوان وركب عربيته وفضل ماشى وراه فى اى مكان يروحه ويدور على فهد فيه وفجاه لقى نفسه داخل على طريق اسكندريه الصحراوى .. فكمل وراه بعربيته وبعد اكتر من ساعه تقريبا كان رضوان ماشى سريع جدا وفارس كذلك هو كمان كان سريع جدا .. وفجاه فرده كاوتش من عربيه رضوان انفجرت ومن شده السرعه قلبت العربيه تلت مرات وفى الرابعه جت مقطورة وداست عليها.

وعند همس اللى كانت قافله على نفسها بالمفتاح وكانت مرعوبه وبتدعى ربنا انه يكون معاها ويحميها من فهد .


لكن كان وصل فهد وفضل يخبط جامد ويحاول يفتح الباب وينده على همس ويقول بصوت سكران .. افتحى يا همس

افتحى البااااااب بقولك افتحى الباب بدل ما اكسره .
همس بعياط وخوف .. مش هافتحه مش هافتحه .

فهد .. افتحى بقولك ... متفوقنيش من اللى انا فيه .. مزاجى عاااالى اوى .. وهابسطك اوى اوى يا قطه .. يالا افتحى بقى متفوريش دمى .

همس برعب .. مش فاتحه .
فهد .. طيب اما وريتك .. وبكل عزم فيه كسر الباب ودخل وكان منظره بشع .
واقف ومش لابس غير شورت وباقى جسمه مكشوف .

همسه اول لما كسر الباب ودخل فضلت تصرخ وتجرى من اودامه وتترجاه انه يبعد عنها .. لكن هو للاسف معندوش اى احساس بالرحمه وحاول انه يمسكها اكتر من مرة وهى تجرى منه بس فى الاخر مسكها وحاول يشدها لصدره ولسه هايقطع هدومها ويبوسها جه بلال من ضهره وخبطه على راسه بشومه ووقع فهد على الارض وغرق فى دمه .

لكن همس من الصدمه ومن اللى حصل اودام عنيها فضلت تصرخ وتصرخ لحد ما وقعت على الارض وفقدت الوعى .

وعند فارس اللى نزل بسرعه من عربيته اول لما شاف اللى حصل اودام عيونه لرضوان جرى وقرب من العربيه بتاعته اللى كانت عبارة عن كتله حديد من شده الحادثه فاحاول هو وبعض الاشخاص اللى اتواجدوا فى مكان الحادث انهم ينقذوا رضوان بس للاسف كان عباره عن اشلاء .

فحاول انه يجمع نفسه من المنظر اللى شافه وبعد شويه ووقف فى ذهوووول تام .. وبعد شويه طلع موبيله علشان يتصل
بعادل ويبلغه باللى حصل وقاله ان يبلغ اللى عنده كلهم .

عادل اتصدم من كلام فارس وحاول يعرف بالضبط ايه اللى حصل .. بس للاسف فارس قاله مش وقته خالص يا عادل وبلغه بمكان الحادثه وطلب منه انه يجيله على هناك بسرعه علشان يشوفوا هايعملوا ايه .. وانه يطمن عمر انه موجود بداله فى حاجه زى كده .

عادل قفل معاه وشاف فى عيون كل اللى حواليه الف سؤال وسؤال .
عمر .. فى ايه يا عادل همس حصلها حاجه .
عادل بتوتر ... مش همس يا عمر ؟

عمر بخوف وعلامات استفهام كتير قال .. انطق يا عادل فى ايه بالضبط .

عادل بتردد ... للاسف رضوان بيه عمل حادثه فى طريق اسكندريه الصحراوى وى.............
عمر .. انطق يا عادل .
عادل .. البقاء لله .. رضوان بيه اتوفى فى الحادثه .
الكل اتصدم ومحدش كان مصدق ان رضوان اللى كان لسه معاهم من حوالى ساعه .. يعمل حادثه ويموت كده فى ثوانى .
الام بصدمه و بعيون كلها دموع من الخبر ده ... ان لله وان اليه راجعون .. ان لله وان اليه راجعون .
عمر .. يعنى ايه ؟؟ بااابا مااات .. وهمس مخطوفه ومعرفش هى فين ؟؟ وانا نايم على سرير فى مستشفى وعاجز ومش قادر اتحرك .. ليه كده يااارب .. ليه كده يارب .. ااااااااااااه .
ااااااااااه .

عادل جرى عليه هو ونه وحاولوا يهدوه ويصبروه على اللى هو فيه . لكن للاسف ومهما يكون ده واحد وفقد والده مهما كان الاب ده وحش او مش كويس .. او بعيد عنهم .. بس هو ابوه .. طلع وكبر وهو عارف انه حته منه ومن لحمه ودمه .


همس كانت وقعت على الارض من الصدمه .

بلال هو اللى جه من ضهر فهد وضربه على راسه بشومه كبيرة .
همس بعد شويه كانت فاقت وفتحت عيونها وقامت من على الارض وافتكرت كل اللى حصل اودام عنيها وشافت الدم فى كل مكان وبدات تعيط جامد وعدلت هدومها اللى اتقطعت ولمت شعرها .

وقربت من الباب وخرجت بشويش .. وبرضه كان الدم فى كل مكان فامشيت براحه علشان محدش يحس بيها .

وفضلت ماشيه لحد ما شافت سلم ونزلت عليه وعيونها كانت فى كل مكان حاسه ان ممكن حد يشوفها ويأذيها .. او فهد يطلع لها من اى مكان .
نزلت السلم براحه وشافت باب القصر مفتوح ومفيش حد واقف خالص .
فراحت عند الباب وشافت جنينه كبيرة وكلها شجر عالى ومفيش اى حد من رجاله فهد فى المكان كله .. فافضلت تدور على باب للخروج من المكان ده وباسرع وقت ممكن .

راحت ناحيه اليمين وبشويش خالص فضلت تدور على باب تخرج منه .. بس للاسف شافت اودام عنيها منظر استحاله تنساه طول حياتها .

همس بصدمه عاااااااااااااااااا
وفضلت تصرخ اوى اوى وباعلى صوتها اول لما شافت قفص حديد كبير وفيه أسد كبير وضخم وبيأكل فى بعض اجزاء شخص بيصرخ.

بلال جرى عليها وحاول يهديها ويطمنها .. متخافيش يا همس .. متخافيش يا بنتى .. انا ريحتك من فهد وريحت العالم كله من شره .

هى دى اخرته .. هو يستاهل اللى بيحصله دلوقتى .. ياما ازى ناس كتير ويتم اطفال كتير وخرب بيوت ناس كتير .. وياما جاب ناس صاحيه ورماهم للأوسود دى وهما عايشين .. وكان بيقف ويفرح اوى وهما بيتكلوا اودام عنيه .. والاهم ان مفيش دليل ولا شرطه يدوروا وراهم لانهم اتكلوا من الاسود .
فهد بيصرخ بأعلى صوته والأسد للاسف أكل جزء من رجله وايده وفهد بيزحف على الارض وبيترجى ويتوسل بلال انه ينقذه .
فهد .. ارجوكى يا همس .. افتحوا الباب بسرعه .. وانا اوعدك انى مش هاجى جنبك تانى .. ارجوكى خدى المفتاح من بلال وافتحيلى قبل ما الأسد يجى جنبى .. وبيزحف على الارض اللى كانت غرقانه دم .. ابووووس ايديكم افتحوا الباب .. هايكولنى ... افتحوا الباااااااب .

بلال طلع مفتاح عربيه من جيبه واداه لهمس وقالها .. اهربى بسرعه من هنا .. وخدى الموبيل ده واتصلى باهلك يقبلوكى .. بسرعه يا بنتى .. بسرعه اخرجى من المكان الملعوووون ده .

فهد بتوسل .. افتحيلى يا همس .. افتحيلى ابوووس ايدك .. الاسد هاياكلنى
لكن مع بشاعه المنظر همس جريت بعد ما خدت مفاتيح عربيه بلال وموبيله وشافت بوابه كبيرة اوى ..قربت منها وفتحتها بصعوبه .. وشافت العربيه واقفه فجريت عليها وفتحت الباب وركبت بسرعه وشغلت العربيه وساقتها باقصى سرعه .
وبعد شويه حست انها بعدت عن القصر ده خالص واطمنت فامسكت الموبيل واتصلت على
فااااااااااارس

فارس كان قاعد فى عربيته ومستنى عادل يوصله بعد ما بلغه بخبر وفاة رضوان .

سمع موبيله بيرن وشاف رقم غريب عليه .
فسابه يرن مرة واتنين وتلاته لحد ما بطل رن .
بس حس باحساس غريب اوى .. وحس ان قلبه بيدق جامد ولسه هايفتح ويرد .. كان اللى بيتصل قفل السكه .
فارس مسك الموبيل واتصل هو بالرقم اللى كان بيتصل واول ما فتح سمع ... فااااااااارس .
فارس بصدمه ... همس .. حبيبتى انتى فين .. عمل فيكى ايه الحيوان ده .. قوليلى بسرعه انتى فين يا عمرى .
همس كانت ماشيه باقصى سرعه بالعربيه وقابلت لوحه عليها الكيلو 22 .

همس برعب .. حبيبى انا كويسه اطمن .. انا جايه فى طريق اسكندريه الصحراوى ودلوقتى فى الكيلو 22.

فارس ... بجد .. انا جنبك على طول انا فى الكيلو 18 خليكى عندك وانا هايجيلك على طول يا حبيبتى .
همس بالهفه وخوف .. بسرعه يا فارس محتجاك اوى اوى يا حبيبى .
فارس .. خليكى معايا على الموبيل لحد ما اوصلك اوعى تقفلى .. انا معاكى وجنبك يا عمرى .
رواية فارس عشقي للكاتبة سحر فرج الفصل الثالث والعشرون

همس بخوف وتوتر ... تعال بسرعه يا فارس ارجوك .. انا محتجاك اوى اوى يا حبيبى ومحتاجه اكون فى حضنك انا خايفه اوى .

فارس بشوق ... متخافيش يا قلب فارس من جوا .. مسافه السكه واكون عندك اهدى انتى خالص وانا تلت دقايق بالضبط واكون عندك يا روحى .. وخليكى معايا على الموبيل علشان تكونى مطمنه .

همس .. ماشى يا حبيبى .

وفعلا فضلت همس هى وفارس مع بعض على الموبيل بيحاول انه يطمنها ويحسسها بالأمان بعد كل اللى هى مرت بيه .. وهمس كانت قالتله على العربيه اللى هى معاها وعلى نوعها ولونها علشان يعرفها .
وفجاه وهى بتكلمه الصوت راح خالص والموبيل كان مفتوح وده اللى جنن فارس اكتر وقلق عليها .
فارس برعب .. همس .. همس روحتى فين يا حبيبتى .. همس هممممممس .. فذود السرعه اكتر .

وعدى تلت دقايق بالضبط وباقصى سرعه بالعربيه من فارس كان لمح العربيه اللى همس قالته عليها فى الاتجاه التانى بس كانت فاضيه وهمس مش موجوده والباب بتاعها مفتوح على اخره .

ومع اول فتحه قابلته لف ووصل للعربيه اللى كانت مع همس .
وركن اودامها على طول ونزل بسرعه راح للعربيه وملقاش فعلا همس موجوده .. وشاف الموبيل واقع جنب العربيه على الاسفلت.
دقات قلبه زادت جدا واعصابه باظت وكان هايتجنن ومش عارف يتصرف ازاى او يعمل ايه .

عادل كان وصل لمكان الحادثه بتاعه رضوان وكان فيه ناس كتير وبوليس واسعاف وشاف منظر العربيه اللى عباره عن كتله حديد وشاف بعض اشلاء من رضوان داخل العربيه وخارجها وهما بيحاولوا يجمعوها ويدخلوها عربيه الاسعاف .

ومن شده بشاعه المنظر حط ايده على عينه وبدا يدور على فارس وعلى عربيته بس للاسف مكنش موجود .
عادل استغرب ان فارس مش موجوده فطلع موبيله واتصل عليه علشان يعرف هو فين بالضبط .

فارس اللى كان واقف جنب عربيه همس ومش عارف هى اختفت فين وبدأ يقلق جدا عليها وخاف لا يكون حد عمل فيها حاجه تانى . وفجاه سمع صوت حد بيتألم ويتوجع من شده الوجع والصوت ده كان قريب من العربيه فابسرعه لف من وراء العربيه واتصدم اول لما شاف همس واقعه على الارض .

فارس من الصدمه جرى عليها بسرعه وقرب منها ورفع راسها لفوق وحاول يفوقها .

همس بحركه ضعيفه رفعت راسها وعيونها جت فى عيون فارس وابتسمت .. ومع الابتسامه كانت دموعها نازله على خدها .

فارس بلهفه وشوق .. حبيبتى انا جنبك ومعاكى متخافيش من اى حاجه ولا اى حد اطمنى يا عمرى كله .. انا كنت هاتجنن عليكى لما جيت وملقتكيش فى العربيه اتصدمت .

همس .. خدنى من هنا يا فارس ارجوك .. ابعدنى من المكان ده بسرعه .. ودينى عند عمر .

خدنى فى حضنك يا فارس وضمنى لصدرك .. نسينى كل اللى مريت بيه .
فارس .. حبيبتى انا جنبك وانتى بين ايديا عاوزك تنسى كل اللى فات وتعتبريه كابوس ويالا بينا نبعد عن هنا خالص قومى اقفى .
همس بضعف .. مش قادرة اقوم اقف يا فارس حاسه انى مش هاقف تانى على رجلى من اللى شوفته ومريت بيه .
فارس بحزن .. قومى يا حبيبتى .. ولا اقولك .. فتح باب العربيه وفجاه لف ايده حاولين راسها وايده التانيه حولين جسمها ورفعها لفوق من الارض ودخلها العربيه وقرب منها وباسها من خدها وقفل الباب تانى بشويييييش .

همس خدت نفس كبيييييير وبدات تحس بالامان اول لما شافت فارس عشقها اودام عنيها .

فارس لسه هايلف ويركب العربيه .. سمع الموبيل بيرن فامسكه وعرف ان عادل هو اللى بيرن عليه .. وافتكر اللى حصل لرضوان وانه طلب من عادل انه يجيله على مكان الحادث.

فارس وهو بيقرب من باب العربيه يفتحه رد على عادل وقال ... ايوا يا عادل انت وصلت .

عادل .. ايوا يا عم انا جيت من شويه انت فين مش شايفك ليه .
فارس .. انا مع همس لقيتها .. وهاروح بيها على المستشفى عند عمر .. خلص انت كل الاجراءات اللى عندك وحصلنى على هناك فاهمنى يا عادل .
عادل باندهاش .. ايه ده معقول انت لقيت همس .. وهى عامله ايه دلوقتى طمنى عليها .
فارس .. الحمد لله هى بخير سلام دلوقتى واعمل اللى قولتلك عليه وفى اسرع وقت وخلص كل حاجه .
عادل .. ماشى يا فارس .. انا فهمت كل حاجه من غير ما انت توضح انا عارف ان همس معاك ومش قادر تتكلم براحتك ..بس اطمن هاخلص الاجراءات كلها واجيلكم على هناك .

فارس .. ماشى يا عادل يالا سلام .

وقفل فارس مع عادل وشغل العربيه ومشى بيها وكانت همس جنبه وباين عليها الارهاق والتعب .. فامد ايده ليها وضمها لحضنه اللى هايمووووووت وتفضل جوه حضنه كده على طول .

فى الاوضه عند عمر كان الكل لسه موجود وطلب عمر من جنه ورغد وسلمى انهم ينزولوا يرجعوا على البيت لان الوقت بدا يتاخر .

سلمى .. انت بتقول ايه بس يا عمر احنا استحاله ننزل غير لما نطمن على همس ونشوف فارس هايقدر يوصل ليها ولا لا .
الام اللى كانت قاعده على كرسى جنب عمر وحزينه مهما كان على اللى حصل لرضوان .. بس مهما كان دى عشرة سنين طويله عاشوها مع بعض وعمرها ما هاتنساها فى ثوانى .

فكانت حزينه ومتاثرة بموته وبالشكل البشع ده .

وفى نفس الوقت قلبها كان بيتقطع على همس اللى اتخطفت ومش عارفه عنها اى حاجه لحد دلوقتى .
والوحيد اللى كان هايوصلهم بفهد كان رضوان ومات خلاص .
عمر كان حزين برضه لفقد ابوه .. بس كان خوفه على همس اشد واكتر ومأثر عليه اكتر .. وده اللى خلى جنه تقرب من رغد وتقول ...
رغد ممكن لو سمحتى ترجعى انتى على البيت علشان خاطر ماما اللى سايبنها لوحدها من الصبح وانا هافضل هنا معاهم .

رغد ... بس يا جنه لازم افضل انا لحد ما اطمن على همس.. قومى انتى روحى وخليكى جنب ماما علشان خاطر علاجها برضه .

سلمى كانت سامعه الحوار بين رغد وجنه فقالت ... قومى انتى وهى وارجعوا على البيت علشان تكونوا مع طنط ورتبوا حالكم انتم الاتنين وابقوا تعالوا الصبح .
حتى علشان عمر يستريح هو وطنط شويه .. انتم عاجبكم حالهم إللى من الصبح ده .. من فضلكم قوموا يالا .. ولو عرفت اى حاجه عن همس هاتصل بيكى على طول يا رغد .. ماشى يا بنتى .

رغد بصت لجنه وقالت .. سلمى عندها حق يا جنه .. تعالى نرجع على البيت احنا الاتنين ونشوف ماما ونجهز لبكره ونشوف هانعمل ايه لانه هايكون يوم طويل .

جنه عيونها جت على عمر .. وعمر خد باله وبنظره منه وإشاره براسه .. وافقت انها تقوم مع اختها ويرجعوا على البيت .
وفعلا قامت البنتين وسلموا على الكل وخدوا نفسهم ونزلوا وخرجوا من باب المستشفى وركبوا تاكسى .

وفى نفس الوقت كان فارس وصل بالعربيه اودام باب المستشفى ونزل وفتح الباب لهمس وقرب منها وقال .. تحبى اشيلك واطلعك على فوق بنفسى .

همس بتعب ... لا يا حبيبى انا بقيت احسن وهاقوم واطلع بنفسى متقلقش عليا .. وربنا يخليك ليا يا عمرى .. وده اللى خلى فارس يمد ايده ليها ويمسك اديها ويبوسها ويقول .. تمام يا قلبى يالا بينا .

وفعلا نزلت همس ومسكها فارس بشويش بكل حنيه وحب وقفل الباب ودخلوا على المستشفى .

ووصلوا لحد الاسانسير ودخلوا ووصلوا للدور اللى فيه اوضه عمر .
خرجت همس وفارس وراحوا على اوضه عمر ودخلوا على طول .
عمر ووالدته وسلمى اتفاجوا وفرحوا جدا اول لما شافوا فارس داخل ومعاه همس .
همسسسسسسسسسسس .

همس جريت على حضن امها واترمت فيه واتفتحت فى العياط بصوت عالى وكانها ما صدقت لقت الحضن ده بالذات واترمت فيه .

عمر من السرير بفرحه نسته موت ابوه ... همس حبيبتى . حمد الله على السلامه يا قلبى .. طمنينى عليكى .
همس اول لما سمعت صوت اخوها سابت حضن امها وجريت واترمت على صدره وفضلت تعيط وتحضن فيه .
عمر .. طمنينى عليكى حبيبتى حد عملك حاجه .. فى حد اذاكى .
همس .. اطمن يا عمر انا كويسه يا حبيبى .

سلمى .. وانا ماليش نصيب من الاحضان دى كلها ولا ايه يا هانم يالى قلقتينى ورعبتينى عليكى .

همس ابتسمت وراحت على سلمى وحضنتها وفضلوا يعيطوا هما الاتنين .
فارس ... خلاص بقى يا سلمى كفايه عليكى كده حوشى شويه لبعدين .
سلمى بضحك .. اطلع منها انت يا عم فارس وما متخفش هاسيبلك شويه
وفجاه افتكرت سلمى موضوع موت رضوان وانكسفت من الكلام اللى قالته واتاسفت لمامت همس وعمر .

سلمى .. معلش يا طنط والله انا اسفه .. انا من فرحتى بهمس نسيت ....... وسكتت

الام بحزن ... ولا يهمك يا سلمى يا بنتى المهم عندى ان همس رجعت تانى لينا .. وشوفتها بعيونى واطمنت عليها .
همس باستغراب .. هو في ايه يا سلمى وبتتأسفى ليه لماما .. هو حصل حاجه وانا مش موجوده .. وبابا فين مش شيفاه معاكم يعنى ولا هو اصلا معرفش اللى جرى ليا .. ومشغول فى شغله وبس !!!!!! ؟؟؟؟ لا بس بابا مش معقول يعرف اللى حصلى ومايكنش موجود فى وسطكم دلوقتى .. اكيد راح يدور على الحيوان فهد .
الام بدات تعيط وعمر حاول يهرب بعيونه من همس .. وهمس حست من نظرات الكل ان فى شىء كبير مخبينه عليها مش مجرد انها اتخطفت وبس .. فقربت من سلمى وعيونها جت فى عيون سلمى وقالت .. قوليلى انتى يا سلمى فى ايه بالضبط !!!!؟؟؟؟

سلمى بتوتر ... قولها انت يا فارس لو سمحت .

فارس عيونه جت على عمر وعمر هز راسه على انه موافق انه يبلغها بوفاه رضوان فاقرب منها فارس ووقف اودامها ومسك اديها وقال ... البقاء لله يا همس فى باباكى .
همس بصدمه
انت بتقول ايه يا فارس بابا ماااااااااات .
ازاى معقول ده حصل عااااااااااااااااااا .
فارس .. اهدى يا حبيبتى ارجوكى .. رضوان بيه عمل حادثه وهو بيدور عليكى وعلى فهد الزفت علشان يوصلك ويلحقك منه .. باباكى كان خايف عليكى جدا وكان بيحبك اوى يا همس .. ربنا يرحمه .

همس فضلت تعيط اوى واترمت فى حضن فارس وفارس فضل واخدها فى حضنه لحد ما هديت خالص والكل كان بيعيط على حاله همس وصدمتها من الخبر ده.

وبعد شويه هديت همس وبدات تحكى ليهم على كل التفاصيل اللى هى مرت بيها
وعلى اللى فهد عملوا معاها من ساعه ما رجالته خطفوها من الفيلا .. وكان لسه عاوز يعمل اكتر من كده وعلى مساعده بلال ليها ووقفته جنبها وانه لولا بلال كانت همس ضاعت وضيعت اغلى حاجه عند اى بنت .

الام .. ربنا يمهل ولا يهمل وزى ما عمل فى الناس اتعمل معاه بالضبط .

سلمى ... ياااااه موته بشعه اوى ربنا انتقم منه اشد الانتقام .
الكل حمد ربنا على رجوعها و
عدى ساعه وبدا عمر وفارس يتفقوا هايعملوا ايه ويتكلموا فى كل الاجراءات بتاعه الدفن اللى قرروا يعملوها اول لما النهار يطلع .
بس اصعب حاجه حس بيها عمر انه مش هايقدر يقوم ويقف على رجله ويحضر دفن ابوه ويحضر العزاء بتاعه .

فارس حس بالحاله اللى فيها عمر دلوقتى واحساسه وشعوره باااالنار اللى جواه فراح قعد جنبه على السرير وقال ... عمر انا عاوز اقولك انى هاعمل كل شىء هاتطلبه منى واطمن انا بدالك وموجود انا وعادل ومش هانأثر ابدا وكانك موجود بالضبط .

عمر .. انا عارف والله يا فارس .. ربنا ما يحرمنيش منك ومن وقفتك معايا .. ومن زمان كنت بتمنى ان يكون ليا اخ وفعلا انا بعتبرك من هنا ورايح اخ وسند .
فارس مد ايده وحطها على كتف عمر وقال وده شىء يسعدنى طبعا .. ويشرفنى انى اكون من هنا ورايح اخوك .
عدى الوقت بصعوبه عليهم وعادل كان وصل وطمن فارس وعمر انه نفذ كل شىء بخصوص بكرة وجاب تصريح الدفن.

وبعدها فارس خد همس وسلمى ووصلهم للفيلا علشان يستريحوا من اليوم الطوووووويل ده وساب والدة همس مع عمر وبلغها انه هايعدى عليها من بدرى علشان تحضر دفن رضوان .

وصل فارس مع البنات ودخل بيهم على الفيلا ومرديش يمشى غير لما يطمن عليهم خالص .
سلمى حبت تسيبهم مع بعض لوحدهم شويه فقامت بحجه انها هاتطلع تاخد شور وتغير لبسها وتشوف حاجه من لبس همس وتلبسه .
اول لما طلعت سلمى فارس قام وقعد جنب همس وعيونه جت فى عيونها وقال ...

حبيبتى حمد الله على سلامتك يا روحى .. انا مش مصدق انى ممكن كنت اخسرك وتضيعى منى .. انا هافضل احمد ربنا انه رجعك ليا تانى .. انا من غيرك يا همسى ممكن امووووت او اتجنن .. ربنا ما يحرمنى منك ابدا وتفضلى معايا ونفضل نحب بعض لاخر نفس فى حياتنا.

همس خدت نفس كبييييير وبكل براءه وعشق قالت.. انا بحبك اوى يا فارس.. ومش حب لا ده عشق واقسملك بالله انى بعشقك فعلا وهافضل اعشقك لاخر دقيقه فى عمرى .

انت قلبى وروحى وحياتى وكل ذرة فى همس بتعشقك .

فارس قرب من وشها ولمس خدودها بايده وقال .. انا اللى بعشقك يا همسى وقرب وباسها من جبينها بمنتهى الرومانسيه .
وقالها .. اسيبك بقى تنامى وتستريحى علشان بكرة هايكون للاسف يووووم طويل .
تصبحى على خير يا روح قلب فارس .
همس .. عندك حق يا فارس .. انا مش مصدقه خالص كل اللى حصل ده .. وان بابا ماااات خلاص ومش هاشوفه تاتدنى .. بس ده امر الله وربنا يرحمه ويسامحه على كل شىء عمله ..

فارس .. امين يارب العالمين .

همس .. يالا قوم ارجع على البيت ونام واستريح انت كمان تعبتك معايا يا حبيبى .
فارس حط ايده على شفايف همس وقال .. ما تقوليش كده تانى .. ياريت التعب كله يكون بالطعامه دى.
ويالا اطلعى على فوق بسرعه قبل ما اتهور ووووو............
سلمى من فوق وصوت عالى ... قبل ما ايه يا فااارس بيه انت لسه هنا وروحتش .
فارس ... اعوز بالله من الشيطان الرجيم .. بتطلعى امتى يا سلمى .. يالا يا همس تصبحى على خير يا حبيبتى قبل ما سلمى تنزل ونسمع كلمتين من لسانها الطويل .
همس بضحكه بسيطه .. وانت من اهل الخير يا حبيبى .

وفعلا قام فارس واستاذن وخد مفاتيح عربيته وموبيله ومشى .

وبعدها قامت همس وقفلت وراه الباب كويس وطلبت من الشغاله انها تعمل ليها فنجان قهوة وتجيبه ليها فى اوضتها وتشوف سلمى تشرب ايه .
وبعدها طلعت على فوق .. بس اول حاجه عملتها انها دخلت على اوضه باباها .

واول لما دخلت شافت صورة كبيرة لباباها على الحيطه فقربت اكتر ووقفت اودمها وبدات تفتكر كل لحظه مرت بيها وهى صغيرة واجمل ذكريات ليها مع ابوها .

واد ايه كان حنين عليهم وهما صغيرين وكان دايما معاهم وهما كل حياته .. بس للاسف الشهرة والشغل والاهم ليه الفلوس خدته منهم .
وفاقت همس على صوت سلمى وهى بتقول ... الله يرحمه يا حبيبتى .. اطلبى ليه الرحمه يا همس .. ويالا يا بنتى ملهاش لزوم الوقفه دى .. انتى زمانك ميته من التعب وبعدين الشغاله جبتلك القهوة وانا كمان طلبت قهوة .. تعالى ندخل اوضتك ونشربها مع بعض .

فى مطار القاهرة .. كانت طيارة شريف وصلت من الرحله اللى فضل فيها اسبوع .. واول حاجه عملها انه يروح على المكتب بتاعهم .. وفتح الباب على اساس انه هيلاقى حد بس للاسف استغرب جدا لما ملقاش حد خالص من البنات موجود .. ولما سأل عليهم زمايل تانيه عرف بكل اللى حصل لان سلمى كانت بلغتهم الصبح انها هى ورغد فى اجازة علشان هايحضروا خطوبه همس على فارس .

شريف بصدمه هزت كيانه... بتقولوا خطوبه مين همس وفارس .
رواية فارس عشقي للكاتبة سحر فرج الفصل الرابع والعشرون والأخير

شريف اتصدم اول لما عرف بخطوبه همس من فارس وحس ان كل احلامه فى لحظه انهارت .

استاذن من زمايله وخد شنتطه وخرج بره المطار وركب عربيته علشان يرجع على بيته .
وطول الطريق وهو مش مصدق ان همس هاتكون لحد غيره .. وكان ناوى انه يصارحها بأعجابه بيها اول لما يرجع من رحلته دى .. بس للاسف الظاهر انه ملحقش همس وهاتبقى لحد تانى غيره .

ليه يا همس .. لييييييه يا همس .. مش قادرة تستنى انى اعترفلك بمدى أعجابى وحبى ليكى .. وبحزن وقلب مكسووور قال .. بس يالا كل شىء نصيب وربنا يكتبلك كل خير يا همس .. اللى بيحب حد بيتمنى ليه السعاده حتى لو مش هاتكون معاه .

اتمنالك كل السعاده يا همس .. وربنا قادر انى الاقى انسانه تكون فى رقتك وتربيتك بأذن الله .

فى الفيلا عند فارس اللى كان وصل وطلع على اوضته واترمى على سريره من كتر التعب واليوم الطويل .. راح فى النوم العميق اول لما حط راسه على المخده .

وبدا يحلم كأنه فى مكان كبييييير جدا عباره عن شاطىء ورمله كتير حواليه بس خارج منها شوك كتير .. وبحر لون ميته سودا وموجه عالى اوى اوى .
وكان فى شجرة صغيرة فى وسط الشاطىء ده وكان شايفها من على بعد .. فقرر انه يروح لها ويشوفها وكل لما يقرب منها خطوه يحس انها بتكبر اودام عيونه وغصونها بتكبر واورقها بتزيد لحد ما بقى واقف اودمها واتفاجاه انها اتحولت لقلب كبير .

وشاف ان القلب ده اتفتح فتحه كبيرة وسامع صوت حد بينده عليه فااااارس .. فاااااارس فقرر انه يدخل جواه .

اول لما دخل جواه شاف بنت جميله جدا بس حزينه قاعده على كرسى ومربوطه من اديها .
فقرب منها واتاكد من ملامحها وحس انه يعرفها من زمان بس مش فاكر فين شافها او عرفها .
البنت بسعاده لما شافته .. انت جيت يا فاااارس .. انا مستنياك من زمان يا حبيبى ليه اتأخرت عليا .. انت مش عارفنى .. انا همس حبيبتك .. خطفونى منك وبعدونا عن بعض من سنين .. وكل ده وانا مستنيه اللحظه اللى تلاقيتى فيها يا فارس عشقى .

فارس كأنه فاقد الذاكرة ومش فاكر اى كلمه من اللى هى بتقوله عليها .. بس كان حاسس انه شافها قبل كده بس مش قادر يفتكر شافها فين.

البنت .. انا همس يا فارس حبيبتك من سنين انت مش عارفنى .. هات ايدك اوريك دليل كلامى .
وفعلا فارس مد ايده ليها وطلبت منه انه يفكها لانها كانت مربوطه من ايدها .. واول لما فكها شاف سلسله فى اديها فامسكها وقالتله الدليل اهو .
مد ايده ومسك السلسله كانت عباره عن قلب اخضر فافتحه وشاف صورة البنت دى وصورته بلبس زفاف ابيض فى ابيض .
وحس بلغبطه فى دماغه وحاجات كتير مر بيها .. فى اللحظه دى افتكر كل شىء وقال همسى حبيبتى

وفجاه حسوا ان فى شىء بيجذبهم وطلعهم بره القلب ده وشافوا نفسهم على الشاطى اللى اتملا شجر وورد وزرع كتير والبحر بقى لونه ازرق وموجه هادى .

عيونه جت بعيونها اللى تشبه لون البحر فقرب منها اوى ومد ايده على جسمها وقربها منه بشويش وضمها لصدره .. وقرب بشافيفه من شفايفها ولسه هايبوسها حس بحاجه على شفايفه فعلا وبجسم غريب على صدره فاصحى مخضود من نومه واتنطر من على السرير .
فارس بخضه .. بوسى !!!!!! انتى بتعملى ايه هنا .. صحتينى من اجمل لحظه حراام عليكى .

اظن انتم كمان كان نفسكم فارس يكمل الحلم مع همس .. بس بعينكم

طلع النهار والشمس نورت المكان بنورها وضوءها لتعلن عند بدا يوم جديد بس للاسف حزين بالنسبه لهمس وعمر ووالدتهم لفقد والدهم .
مهما كان ومهما يحصل ده اب ومات .. والشعور بفقده شىء كبير جدا ويكسر القلب .
حتى لو كان الاب ده مش قريب منهم وكان كل همه هو الشغل والفلوس ومصالحه وبس .. وعياله وبيته واسرته اخر شىء يفكر فيه .
وحتى لو الاب ده كان هايبيع بنته لواحد من سن ابوها لمجرد ان في مصالح مشتركه بينهم .. وايه كان عارف كل البلاوى بتاعته و انه انسان مجرم ومعندوش رحمه .. وبرضه كان هايبيع بنته ومش مهم عنده سعادتها او حياتها اكتر من مصلحته هو وبس .
اول حاجه عملها فارس اول لما القطه بوسى صحته من نومه انه يتصل بهمس ويطمن عليها .

وفعلا مسك موبيله ورن عليها .

همس كان الحزن مسيطر عليها وعلى نفسيتها لسبيبين اولهم موت ابوها وتانيهم اللى فهد عمله معاها واستحاله تنساه فى يوم من الايام .
كانت لسه على سريرها ويادوبك نامت حوالى ساعتين بالعافيه لانها افتكرت كل اللى مرت بيه وختم بموت الاب .
فتحت عيونها على رن الموبيل وبشويش قامت ومسكته وعرفت انه فارس .. وبصوت منعوس قالت .... صباح الخير .
فارس.. صباح الفل يا حبيبه قلبى .. انتى لسه نايمة ولا ايه وانا اللى صحيتك .

همس بتعب .. لا ابدا يا فارس .. اصل انا فين وفين لما جالى نوم وعرفت اغمض عينى وانام .. مبطلتش تفكير فى كل اللى حصل امبارح ومش مصدقه ان ربنا انقذنى من فهد واللى كان ناوى يعمله معايا.. وكمان موت بابا مش قادره اصدق لحد دلوقتى انى خلاص مش هاشوفه تانى .

فارس .. حاسس بيكى يا حبيبتى والحمد لله انها عدت على خير .. وموت بابا دى حاجه مش بأيد حد غير ربنا وربنا يرحمه .. المهم دلوقتى جهزى نفسك انتى وسلمى علشان انا هانزل كمان عشر دقايق بالضبط واروح على المستشفى اجيب طنط عندكم علشان تجهز نفسها هى كمان ونروح كلنا على الجنازة .. لان عادل جهز كل شىء وزمانه فى انتظارنا من بدرى .

همس .. ماشى يا فارس .. عقبال لما تيحى انت وماما هاكون صحيت سلمى وجهزنا نفسنا ونمشى على طول .

فارس .. ماشى حبيبتى ولو عزتى اى شىء اتصلى عليا .. يالا سلام .
وفعلا قفلت همس مع فارس وراحت على الاوضه بتاعه عمر اللى كانت سلمى نايمه فيها علشان تصاحيها .
لكن سلمى كانت صحيت من بدرى من النوم واتصلت على كل زمايل همس فى المطار وبلغتهم بوفاه رضوان علشان يحضروا الجنازة ويكونوا جنب همس فى حاجه زى كدة وبالمرة تاخد اجازة تانى ليها النهارده .

والاهم من ده كله انها تطمن على وصول شريف اللى كانت عارفه وحافظه ميعاد وصول رحلته بالدقيقة .

ومسكت موبيلها تانى ورنت على شريف علشان تبلغه بوفاه رضوان .
شريف كان لسه نايم طبعا لان رحلته وصلت متأخر وبدا يفوق على لما سمع صوت الموبيل بيرن ورد وقال .. صباح الخير.
سلمى قلبها بدا يدق جامد اول لما سمعت صوت شريف وحست بحاجات غريبه بتحصل لها .. فحاولت تجمع نفسها وتقاوم احساسها وقالت .. صباح النور يا شريف .. حمد الله على السلامه .

شريف .. الله يسلمك يا سلمى .. خير مش عاويدك تتصلى عليا بدرى اوى كده فى حاجه ولا ايه .

سلمى .. معلش انا اسفه انى بتصل بيك بدرى كده وانا عارفه انك راجع من الرحله متأخر بس كنت عاوزة ابلغك بوفاة رضوان بيه والد همس وان الجنازة هاتكون بعد شويه ولازم نكون كلنا موجودين جنبها .
شريف بصدمه .. بتقولى مين .. رضوان بيه والد همس ماااات امتى .
سلمى .. مات امبارح فى حادثه فى طريق اسكندريه الصحراوى .

شريف .. امبارح !!!!!! طب ازاى وانا عرفت ان خطوبه همس كانت امبارح برضه .

سلمى .. لااااااا ده موضوع كبير ومش وقته خالص انى احكيلك عليه .. بعدين هاقولك على كل اللى حصل .. المهم دلوقتى .. فوق وجهز نفسك وتعال علشان تحضر الجنازة .. وانا هابقى ابعتلك الابلكيشن بتاع المكان الى هانتجمع فيه .
شريف .. ماشى يا سلمى .. مسافه السكه اكون عندكم .. ومتشكر جدا انك بلغتينى بكده .
سلمى ... ولا شكر ولا حاجه يا شريف .. ده واجب وكلنا لازم نقف جنب همس فى ظرف زى كده .. احنا زمايل وعشرة ولازم نقف مع بعضنا .
شريف .. عندك حق يا سلمى ومرة تانيه شكرا ليكى .. سلام .
وفعلا قفل شريف مع سلمى .. وسلمى فضلت ماسكه الموبيل وقربته من شفايفها وقالت .. ااااااه لو تعرف انا بحبك اد ايه يا شريف

الكل حضر صلاه الجنازة على رضوان .. فارس وهمس ووالدتها اللى الحزن كان مسيطر عليهم .. والدموع كانت سيده الموقف واللحظه دى .. وعادل وسلمى ورغد وجنه وشريف وكل زمايلها فى الشغل حضروا .

همس كانت مش مبطله عياط وكانت واقفه جنب والدتها بتحاول تواسيها.
شريف من على بعد شاف همس فحاول يقرب منها ويعزيها .
شريف بحزن مد ايده لهمس وقال .. البقاء لله يا همس .. انا زعلت جدا لما سلمى بلغتنى بوفاه والدك .
همس مدت ايديها لشريف وقالت .. ونعم بالله يا شريف ومتشكره جدا لحضورك .

كان فى واحد من على بعد بيراقب الموقف وشايف نظرات شريف طول الوقت لهمس ومن ساعه حفله عيد ميلادها وحاسس ان نظرات شريف لهمس فيها حاجه ومش طبيعية .. فابدأت الغيرة تسيطر عليه وعيونه ووشه بيدل على غضبه .. وبالذات لما فضل شريف ماسك ايد همس وهو بيتكلم معاها وواقف قريب اوى منها ..

عادل خد باله من فارس ومن وشه اللى اتقلب فجاه .. وشاف عيونه اللى بقت زى الدم والشرار بيخرج منهم وحس ان فى مصيبه ممكن تحصل بعد شويه .
عادل قرب من فارس وبصوت هادى قال .. مالك يا ابنى .. انت اتحولت فجاه كده ليه .. فى حاجه حصلت .

فارس بغضب وعيونه على شريف وهمس قال .. انا مش عارف الحيوان ده عاوز من همس ايه .. ومقرب منها اوى كده ليه .

عادل ... بزمتك ده وقته الكلام ده .. طيب استنى ندفن الراجل الاول واعمل اللى تعمله . لكن هو طبعا كان عارف من سلمى ان شريف بيحب همس .. بس طبعا مش هايقدر يبلغ فارس بكده فحاول يهدى الموقف وقال .. فى ايه يا عم انت .. احنا فى ايه ولا ايه .. زميلها وزعلان على موت ابوها وبيعزيها .. جرى ايه يا عم فارس .. مش وقته تفكيرك اللى زى الزفت ده .

فارس بصوت شبه عالى قال .. بقولك ايه يا عادل انا مش ناقصك سيبنى فى حالى دلوقتى انا هاروح واشوفه عاوز منها ايه .. ولسه عادل هايمسكه من دراعه .. كان مشى فارس وقرب من همس ومن شريف وعيونه بطلع نااااار .

همس لاحظت كده وشافت فارس بالمنظر ده فحاولت انها تهديه وقالت اول لما فارس وصل .. تعال يا فارس .. احب اعرفك بشريف زميلى .. اكيد انتم شوفتم بعض فى حفله عيد ميلادى .

ده فارس خطيبى يا شريف .. كانت خطوبتنا امبارح .. وجه حصل اللى حصل لبابا .

فارس من مجرد كلام همس هدى خالص ومد ايده وسلم على شريف وقال .. اهلا شريف وشكرا على حضورك .
عادل حاول ينهى الموقف وبلغهم ان العربيات جاهزة لبقيه إجراءات الدفن و الجنازة .
وفعلا بعد الصلاه راحوا على مدافن الاسرة بمدينه سته اكتوبر وقاموا بدفن رضوان وقراءة ايات من القران الكريم على روحه .
بعد الدفن الكل بدا يمشى .. وفارس خد همس ووالدتها فى عربيته وراحوا على عمر ..اللى زمانه زعلان انه محضرش حاجه زى كده ووقف وحضر جنازة والده .
عادل كان اخد سلمى ورغد وجنه ووصلهم للبيت .. وبعد ما رغد نزلت نزل وراها عادل وقرب منها وقال ... رغد لو سمحتى .. ممكن رقم الموبيل بتاعك .. انا عارف انه مع سلمى .. بس حبيبت اخده منك انتى شخصيا .

جنه سمعت كده فاستاذنت وسبقت رغد على فوق .

رغد اتكسف اوى وقالت .. ماشى يا عادل مفيش مشكله ومدت اديها ليه وخدت منه الموبيل بتاعه وسجلت عليه الرقم بتاعها .
عادل .. متشكر اوى يا رورو يالا علشان ما خلكيش تقفى اكتر من كده فى الشارع .. يالا سلام .
رغد بخجل .. عندك حق يالا سلام .
فارجع عادل على العربيه وقفل الباب وراه وعيونه فضلت على رغد لحد ما دخلت بيتها واطمن انها دخلت وقام مشغل العربيه ومشى بيها وفضل سرحان فى رغد .
سلمى طبعا مش هاتعدى المشهد الرومانسي ده بسهوله فحبت ترخم عليه وقامت ضرباه على صدره فجاه وقالت ... ايه يا عم عادل سرحان فى ايه يا حبيبى.
عادل اتخض وقال ... الله يخرب بيتك .. الله يخرب بيتك يااااا سلمى .. فى ايه يا بلوة سرعتينى .

سلمى فطست على نفسها من الضحك من منظر عادل وقالت ... ايه اتخضيت يا روميو .. مكنتش اعرف انك رهيف كده يا عادوله .

عادل برخامه .. عادوله .. عارفه انا ممكن دلوقتى ارميكى من قلب العربيه على الحركه بتاعتك دى .. بس عامل حساب العيش والملح اللى بينا وحته القرابه كمان .
سلمى مش قادرة تتكلم من كتر الضحك وقالت ... يا شيخ طب اعملها كده يا عادل وانا هاقول لرغد على كل البلاوى بتاعتك .
عادل فرمل فجاه ووقف العربيه ولف نفسه ليها وقال .. بت انتى .. لمى نفسك احسنلك .. واياك اى حاجه عنى تقوليها لرغد .
سلمى بضحك .. ياض بهزر معاك .. متخفش .. انا جدعه ومش هاقول حاجه .. بس يالا بقى علشان انا ميته من التعب وما تقلقش سرك فى بير يا هندسه . ولا اقولك يا فوريرة.

عادل برخامه ... لا ظريفه يا بت .. ابوووو شكلك .

وفضلوا على الحال ده لحد ما وصلوا لحد باب العمارة .

عدى حوالى اسبوعين وكانت حاله عمر بدات تتحسن بالعلاج الطبيعى ووقوف جنه جنبه يوميا .. وبدا يحرك الجزء اليمين من جسمه ورجع على البيت .. ورجعت همس لشغلها تانى بس فى المطار وبس وكانت بتعتذر عن اى رحله خارج البلد لحد ما نفسيتها ترجع تانى زى الاول .

فارس وهمس قربوا من بعض اوى خلال الاسبوعين دول وكان بيتصل بيها فى الساعه اكتر من مرة .. وبيقابلوا بعض باستمرار بعد شغله وشغلها .
وده كان بيقربهم من بعض اكتر واكتر وكانوا بيفضلوا طول الليل يحبوا فى بعض .. مع بعض المشاجرات الصغيرة اللى بينهم زى الفلفل والشطه كده وفى اسرع وقت كانوا بيصالحوا بعض .

بس طبعا مفيش اى حاجه تمت بينهم غير لما تعدى فترة على موت بابها وده كان قرار من همس وفارس وافق بيه .

وعادل ورغد قربوا من بعض اكتر .. وراح طلب اديها من مامتها وقروا الفاتحه .
عمر حب جنه اكتر من الاول بكتير لوقفتها جنبه فى الظروف اللى مر بيها دى .. وهى اللى شجعته وقوته على العلاج لحد ما رجع وبقى احسن من الاول ورجع لشغله فى النادى تانى .

ووعد جنه انه هايروح ويتقدم لها ويخطبها من مامتها بس بعد سنه من وفاه ابوه .

شريف حاول انه يشغل نفسه بشغله ورحلاته علشان يقدر ينسى همس وده اللى كان مخلى سلمى حزينه على طول لانها عارفه هو بيعمل كده ليه .. بس فى نفس الوقت مقطعتش الامل انه فى يوم من الايام هايحس بيها وبحبها ليه .

فضلوا على الحال ده وعدى سنه وهما على الوضع ده

فارس وهمس
عادل ورغد
عمر وجنه
وللاسف كانت سلمى هى الوحيده اللى فضلت لوحدها لحد ما فى يوم كانت فى شغلها لوحدها فى الاوضه ودخل شريف وعلى وشه ابتسامه جميله فقرب منها .
شريف .. ازيك يا سلمى عامله ايه .

سلمى من مجرد انها تسمع اسمها منه قلبها بيدق جامد وبتتوتر .. فقالت ... الحمد لله يا شريف بخير .

شريف قرب اكتر وقال .. سلمى انا كنت عاوز اقولك على حاجه مهمه ولازم تعرفيها كويس .. انا الفترة اللى فاتت دى كنت لازم اشغل نفسى بالشغل والسفر علشان امسح وانسى اى شىء جوايا وفى قلبى كنت فى يوم من الايام حاسس بيه تجاه شخص دخل حياتى وكان مجرد اعجاب من طرف واحد علشان ابدا افتح قلبى تانى لشخص انا معجب بيه من فترة ولازم اعترفله بكده .

سلمى بدات تتوتر ومش مصدقه انها فى يوم هاتسمع الكلام ده ومن شريف بالذات اللى بتعشقه بقالها فترة كبيرة .. وعمرها ما فقدت الامل انه هايحس بحبها ده .

شريف بدون اى مقدمات .. تتجوزينى يا سلمى.
سلمى اتفاجات من كلام شريف وعيونها اتملت بالدموع وقالت ... اخيرا يا شريف حسيت بيا وبحبى ليك .
شريف بحب .. اه حسيت انك الانسانه الوحيده اللى مش ممكن اقدر ابعد عنها خالص او تكون لحد غيرى .. بحبك يا سلمى اوى اوى اوى ومد ايده ومسح دوموعها .
رواية فارس عشقي للكاتبة سحر فرج فصل ختامي

اصوات كتير وهيصه وزحمه .. وناس طالعه وناس نازله والمكان بقى عباره عن مسرح كبييير .

بعد تفكير طويل بين فارس وهمس وعادل وعمر ورغد وسلمى وشريف وجنه .. وصلوا اخيرا وقرارو انهم هايعملوا كلهم فرحهم مع بعض فى ليله واحده وقاعه كمان واحده .



وكمان اشتروا فيلا كبيرة اربع ادوار فى التجمع الخامس وهايعيشوا كلهم مع بعض فى نفس الفيلا .. وفرشوا الشقق كلها على احدث طراز .

الكل كان فرحان للقرار ده واختاروا اكبر قاعه للافراح فى القاهرة وفى اجمل فندق على النيل .
وطبعا قررت البنات انهم يتجمعوا كلهم عند همس فى الفيلا ويعملوا اجمل ليله حنه ليهم هما الاربعه بشرط ان الشباب مفيش حد فيهم يحضر الحنه .. ويشوفوا مكان تانى خالص بعيد عن الفيلا ويتجمعوا فيه هما كمان .

طبعا الشباب كانوا معترضين للقرار اللى وصلتله البنات وكان نفسهم انهم يحضروا ليله الحنه دى ويكونوا مع بعضهم .

لكن طبعا راى البنات وقرارهم هو اللى مشى وبدؤا كمان ينفذوه .
وكانوا قبلها حجزوا مع اكبر ميكب ارتست للعرايس .. وانها تروح ليهم الفيلا ويطلعوا عرايس من هناك .

الشباب طبعا كانوا قاعدين ومتجمعين عند عادل فى شقته ومش عاجبهم الوضع كله على بعضه .. بس طبعا مش قادرين على قرار البنات وفى النهايه وافقوا وقرروا هما كمان انهم يسهروا هما الاربعه فارس وعادل وعمر ومعاهم شريف اللى راح واتقدم لسلمى وطلب اديها من عادل ووافق طبعا علشان عارف ان سلمى بتحبه .

فقرروا انهم كمان يعملوا سهرة شباب أخيرة ويودعوا فيها العزوبيه .

وبالنسبه لام عادل وام فارس وام شريف وام رغد وجنه كانوا صحيوا من بدرى وراحوا علشان تجهيزات ليله الحنه ويكونوا موجودين قبل ما اى حد يوصل من المعزومين على الحنه وطبعا كانوا بعض بنات عائلاتهم واهلهم وبعض الزملاء والاصحاب للبنات كلها .

الفيلا كانت عبارة عن شعله حركه ونشاط وكل واحد مسوؤل عن حاجه بينفذها .

لكن فى اوضه همس واوضه عادل كانت الدنيا مقلوبه ومتشقلبه واللبس فى كل مكان وكل ركن من الاوض الاتنين .. بسبب البنات واختيارهم للفساتين اللى كانوا هايلبسوها فى ليله الحنه وبعض اللبس الهندى والنوبى والبدوى والخليجى اللى هايلبسوه للحنه .

البنات كانت فرحانه جدا ومش مصدقين انهم كلهم هايتجوزا فى ليله واحده بالمنظر ده .
وكانوا قرروا مع الشباب ان الموبيلات هاتتقفل منهم اول لما حفله الحنه تبدا وأنهم مهما عملوا او حاولوا يتصلوا بيهم عن طريق حتى الأمهات مش هايردوا عليهم ولا يشوفوهم غير وهما لابسين لبس الفرح وفساتين الزفاف .

سلمى .... حلال فيهم والله الموبيلات اللى هاتتقفل دى خليهم يشتاقوا لينا .. يالا بينا نقفل الموبيلات كلنا من دلوقتى علشان محدش يتصل بينا واحنا بنلبس .

همس.. لسه بدرى يا سلمى انتى مستعجله على ايه بس .. لاحسن يعوزوا حاجه ولا بتاع وما يعرفوش يوصلوا لينا .
رغد .. همس عندها حق يا سلمى مستعجله على ايه .
جنه .. انا من راى سلمى .. وبعدين هما متجمعين عند عادل من بدرى فى الشقه واحنا مش على بالهم خالص وزمانهم بيجهزوا للسهرة بتاعتهم هما كمان .
همس ... يا خوفى من السهرة بتاعه الشباب دى انا بسمع انهم بيعملوا حاجات غريبه فيها وكمان ممكن يشربوا اى حاجه .
سلمى .. ياريت تيجى على الشرب وبس يا اختى .. ده ممكن يكون معاهم كمان .......
رغد وهمس وجنه فى نفس واحد... اوعى تقولى بنات .

سلمى .. احتمال والله .

همس .. لااااااا الا كده ده انا اموته
رغد .. وانا كمان
جنه .. وانا هاموته وبعدين اموت نفسى والله
سلمى ... كل شىء جايز ربنا يستر .
همس.. انا عندى فكرة حلوة اوى .
الكل !!!!!!!!؟؟؟؟؟؟؟؟
ايه قولى .

همس .. ايه رايكم بعد لما نخلص الحفله هنا وليله الحنه دى .. نطب عليهم فى الشقه عند عادل ونشوف هما بيعملوا ايه ؟؟؟

سلمى ... والله فكرة حلوة .
رغد ... ياريت علشان نقبض عليهم متلبسين .
جنه ... ياااااريت .. بس يا بنات هانخرج من هنا ازاى ونقول لامهاتنا رايحين فين فى الوقت المتأخر ده .

سلمى .. سيبولى انا المهمه دى .. ويالا بينا دلوقتى نبدا نجهز نفسنا للحفله قبل ما حد يوصل من البنات .

وفعلا قامت البنات كلها وبدؤا يستعدوا لي ليله الحنه ويلبسوا فساتين الوان واشكال ومكياج .. و السماعات والاغانى كانت شغاله فى كل ركن من الفيلا .
والتربيزات اللى عليها جميع انواع الحلويات والمشروبات .
والامهات قامت وبدات تستقبل الضيوف وترحب بيهم .
وبدأت ليلتهم والكل كان فرحان وسعيد بيهم
وكانوا مش مبطلين رقص ولا غناء مع الاغانى اللى شغاله .. ولا رقص مع امهاتهم اللى كانوا فرحانين اوى بيهم .

وكانوا جايبين واحده نوبيه وفرقه بنات معاها وطبول ودوف و حاجات كتير لزوم الليله دى .

وفضلوا على الحال ده اكتر من خمس ساعات لحد ما الناس بدأت تمشى والكل رجع على بيته الا الامهات والبنات اللى كانوا فاصلين من كتر التعب والارهاق اللى حسوا بيه فى اليوم ده .. وبدأوا يطلعوا على اوض النوم اللى فوق وكل اتنين مع بعض فى اوضه .. لكن البنات كلها اتجمعت فى اوضه همس علشان يخططوا لباقى الليله دى ويروحوا ينقضوا على الشباب فى شقه عادل .

سلمى آخر واحده دخلت الاوضه عند همس بعد ما اطمنت ان الامهات فعلا ناموا من كتر الارهاق والتعب اللى شافوه .

سلمى .. اخيرا اطمنت انهم كلهم ناموا ومش هايقوموا خالص دلوقتى .. يالا بسرعه منك ليها غيروا لبسكم ده وتعالوا هنا وانا هاقولكم هانعمل ايه فيهم لأنى وصلت لحته دين خطه ما تخورش الميه .
بس اهم حاجه عاوزين اربع عبايات سودا واشربات سودا بسرعه .
الكل باستغراب!!!!!!!!!؟؟؟؟؟؟؟؟
ليه يا سلمى ناويه على ايه بالضبط .. احنا عندنا فرح يا بنتى مش جنازة .

سلمى .. نفذى يا هانم منك ليها وبكرة تدعولى على اللى خططت ليه .. المهم دلوقتى اننا نلاقى اربع عبايات سود .

همس بعد تفكير طويل ... دى محلوله ولقيتها يا بت منك ليها .. انتم نسيتوا ان الست النوبيه جابت لينا هدوم كتير علشان نغير فيها ونلبسها لزوم ليله الحنه .. ومن ضمن الهدوم فى اربع عبايات بدويه سودا والاشربات بتاعتهم وغطا كمان للوجه وكده ممكن نلبسهم .. لانها قالت انها هاتبعت بكرة عربيه تخدهم .. واديها فرصه اننا نلبس العبايات دى .

البنات .... يا بنت الايه يا همس .. اه صح .. تصدقى اننا نسينا العبايات دى .. يالا بسرعه نجيبهم ونلبسهم ونشوف هانعمل ايه تانى .. الساعه داخله على اتنين باليل منك ليها .

وفعلا البنات جابت العبايات ولبسوها ولبسوا معاها الاشاربات وحطوا حاجه زى النقاب او غطاء للوش علشان مش يبان غير العيون وبس .. ولبسوا بعض الاكسسورات النوبيه
سلمى ... يا لهووووى على منظرنا .. احنا عرايس و فرحنا ودخلتنا بكرة.

ولا احنا زى ريا وسكينه بالمنظر والعبايات دى .

البنات بضحك .. اه والله يا سلمى منظرنا فظيع والشباب لو شافونا كده ممكن يرجعوا فى كلامهم .
همس .. طيب يالا يا اختى منك ليها خلينا نشوف الاساتذه دول بيعملوا ايه بسرعه قبل ما يضيعوا مننا.
ومن خوفهم من كلام همس استعدوا فعلا وخدوا مفتاح عربيه همس وفتحوا الباب بشويش خالص علشان محدش يحس بيهم ونزلوا واحده واحده وراء بعض لحد ما نزلوا وفتحوا باب الفيلا براحه وخرجوا كلهم وراحوا على العربيه وركبوها .
واتحركت همس بالعربيه وخرجت من باب الفيلا الخارجى وراحوا على العمارة الى فيها شقه عادل بعد ما وصلوا لخطه هاينفذوها معاهم .

فارس كان قاعد ولابس شورت من تحت وصدره كله مكشوف.

وعادل كذلك شورت وبس .
وعمر وشريف كل واحد فيهم لابس شورت وفانله حماله .
فارس كان فقد الامل هو والشباب ان البنات ترد عليهم لانهم حاولوا كتيييييير جدا انهم يتصلوا بيهم ويطمنوا عليهم لكن للاسف البنات كانت قافله الموبيلات كلها .
وبعد فترة من فقد الامل اتجمعوا وقعدوا على الارض .
وكانوا متجمعين فى الصالون كلهم . والهزار والضحك كان على ودنه ومشغالين اغانى اجنبيه عاليه جدا .. وللاسف كان معاهم مشروبات مش عاديه لزوم السهرة وعادل اللى جابها ليهم.

وفعلا شربوا كتير وكل لما يخلصوا اللى اودامهم حد يروح يجيب من التلاجه تانى ويجيب مزات بتتاكل مع المشروبات دى .

الشباب بدؤا يفقدوا توازنهم وعقلهم وجالهم حاله من هسيتريا الضحك .
فجاه قام عادل وبدا يمد ايده لفارس ويقول .. تسمحيلى بالرقصه دى يا حلوة .
فارس رفع وشه وبص لعادل ومد ايده ليه وقال .. ماشى يا قطه شدينى بايدك الحلوة دى .
وقام فارس مع عادل وفضلوا يرقصوا وعمر وشريف ميتين من كتر الضحك .
وبعدين عمر قام وقف وفضل يدور على حاجه يتحزم بيها علشان يرقص لحد ما شد مفرش تربيزة الصالون واتحزم بيه وفضل يرقص .
شريف بقى قام وقف فوق تربيزة السفره وفضل يتهز ويتمايل ويرقص على الاغانى .
وفجاه.

سمعوا جرس باب الشقه بيرن .

فارس لعادل... هو جرس الباب بيرن ولا انا بتهيئلى يا حبيبتى .
عادل مش مجمع نفسه ولا فيه توازن خالص .. اه يا حلوة شكل الباب بيخبط .. استنى هاقول لعمر يفتح .
عادل ... يا عاااادل .. يا عادل قصدى يا.....
انت ياض ياللى لابس فانله .. اسمك ايه.

فارس ... لا استنوا انا هاروح افتح .

وفعلا فارس راح ناحيه الباب وهو بيطوح ومش ماسك نفسه وفضل يسند على الكراسى والتربيزات لحد ما وصل لباب الشقه .
وصل للباب وحط ايده على الاوكرة وفتح .. واول لما فتح شاف واحده اودامه لابسه اسود فى اسود وعامله زى العفريت .
لان البنات كانوا غيروا مكياج عيونهم علشان مش يبانوا ويتقفشوا .. ومحدش يعرفهم من الشباب وحاولوا يغيروا كمان اصواتهم .
سلمى اللى كانت واقفه واتصدمت من الحاله اللى فيها فارس ومنظره .

وبصوت مغيراه قالت .. لو سمحت .. اختى مريضه جدا ومش عارفه اتصرف معاها ازاى .. واحنا معاكم هنا فى العمارة وكنت نازله بيها على المستشفى بس للاسف وقعت منى على الارض اودام الشقه بتاعتك حتى شوف .

فارس مش مركز اصلا فى الكلام اللى بتقوله وفجاه قرب من سلمى ومد ايده ومسكها من ايديها ودخلها على جوا وقفل الباب .
سلمى .. انت بتعمل ايه يا استاذ انت.. لو سمحت سيب ايدى .. لو سمحت ارجوك .
وفارس ولا هو هنا ودخل بيها على جوا عند الشباب .
سلمى اتصدمت من الحاله اللى فيها الشباب كلها وشافت مناظرهم كده وشافت شريف بيرقص فوق التربيزه ومش مصدقه انه شريف وكانت مكسوفه ومش عارفه تتصرف ازاى .



شريف اول لما شاف سلمى بالمنظر ده نط من فوق التربيزة وقرب منها وفضل يلف حواليها رايح جاى .

همس برة هى ورغد وجنه استغربوا جدا من اللى حصل وقامت همس وقفت اودام الباب وخبطت جامد ومشلتش اديها من على الجرس .
شريف انتبه للجرس وراح يطوح ناحيه باب الشقه وركز شويه وفتح الباب .. واول لما فتح شاف همس اودامه وقال... مش انا سايبك جوه دلوقتى .. انتى جيتى هنا ازاى ومسك اديها ودخل وقفل تانى الباب وراه .

مسك ايد همس ودخلها على الصالون واول لما دخلت شافت سلمى واقفه والشباب كلهم بيلفوا حواليها وبيرقصوا على الاغانى .

سلمى جريت على همس وقالت ... الحقى يا همس .. العيال عملوا ايه فى نفسهم .
والشباب ما ادهومش فرصه انهم يتكلموا مع بعض فامسكو ايد البنات على طول وفضلوا يرقصوا على الاغانى .
وكل ده ورغد وجنه واقفين بره ومش عارفين اى حاجه عن اللى بيحصل جوة .. وبدأوا يرنوا الجرس كتير لحد ما راح عمر بشويش وبراحه لانه كان دايخ ومش قادر يوصل للباب الا بعد محاولات كتير لحد ما وصل وفتح الباب وشاف الاتنين واقفين اودامه متنحين على منظره ومن غير ما حد ينطق ولا كلمه منهم ولا منه مسك ايد الاتنين ودخلهم هما كمان على جوا ورزع الباب وراه .

البنات دخلوا واتصدموا من اللى شافوه اودام عنيهم وخافوا جدا لان الشباب مش فى وعيهم كلهم والخطه اللى اتفقوا عليها انهم ينفذوها باظت خلاص ومش عارفين يتصرفوا ازاى .. فاجريوا ووقفوا مع همس وسلمى والشباب علت الاغانى اكتر وفضلوا يلفوا حوالين البنات .

سلمى ... يا نهار ابيض .. ايه اللى هببوه فى نفسهم ده .
همس .. انا اول مرة اشوف فارس وعمر فى المنظر ده .. الحل ايه دلوقتى يا شملوله منك ليها .
رغد .. انا مصدومه من اللى شيفاه اودام عيونى ودماغى وقفت عن التفكير خالص .
جنه ... احنا لازم نتصرف ونشوف حل بسرعه .. دى كلها كام ساعه والنهار هايطلع واحنا هنا كلنا وبالمنظر ده .. وكده ولا هايبقى فى فرح ولا هايبقى فى دخله للاسف.

همس طيب ايه رايكم ناخدهم على الحمام كلهم ونفتح عليهم الدش لحد ما يفوقوا .

سلمى .. فكرة والله بس انا خايفه لما يفوقوا ويشوفونا اودامهم .
رغد .. انا عندى فكرة تانيه .. ايه رايكم ندخلهم فى اوضه كلهم ونقفل عليهم علشان ما يشربوش اى حاجه تانى من القرف ده كله.

جنه .. لا الحل بتاع همس هو عين العقل .. لان لو دخلناهم اوضه وبالمنظر اللى هما فيه ده وننزل ونسيبهم ايه ضمنا انهم هايصحوا قبل ميعاد الفرح .. دول بشكلهم ومنظرهم ده ولا يومين تلاته علشان يوفوقوا من الى هما فيه .

همس .. طيب بالا بينا نشيل الاشاربات والحاجات الى لابسنها دى وكويس اننا لابسين من تحت لبسنا ونشدهم واحد ورا التانى وندخلهم على الحمام يالا بينااااا .
وفعلا البنات كل واحده مسكت ايد خاطبها وحاولوا انهم يدخلوهم على الحمام بس للاسف .
همس مسكت ايد فارس .. فافارس ما صدق وقرب منها وحاول يشدها ليه ويبوسها اول لما شاف وشها وقال ... هممممممس انتى جيتى يا حبيبتى .
همس .. اهدى يا فارس .. انت هاتعمل ايه يا مجنون .. ارجوك فوووق وشدته على الحمام .

رغد شدت عادل من ايده فافاجأها وشالها وراح على اوضه وكان لسه هايقفل الباب وراه لولا جنه وسلمى صرخوا ووقفوا بسرعه اودام الباب وشدوه على الحمام .

وبالنسبه لعمر وشريف اللى كانوا متبهدلين جدا من كتر الشرب .. اتفجأت سلمى وجنه لما رجعوا من الحمام انهم دخلوا البلكونه فراحوا بسرعه ناحيه البلكونه على مصدر صوتهم واتصدموا من اللى شافوه .

سلمى .. الحقى يا جنه عمر واقف فوق سور البلكونه .. المجنون هايقع فى الشارع .

جنه ... يا لهوى وشريف كمان بيحاول يقف جنبه اهو وطالع على الكرسى احنا لازم نتصرف بسرعه .
سلمى... طيب خليكى واقفه هنا بسرعه واوعى حد يقع لحد لما اشوف عادل او فارس فاقوا ورجعوا لوعيهم وهما اللى هايقدروا ينزلوهم .
جنه ... يا لهوى يا سلمى انا ميته من الرعب افرضى حد وقع .
سلمى .. هاروح بسرعه وارجع استنى هنا وخلى بالك .

وفعلا راحت سلمى جرى وشافت فارس وعادل قاعدين على الارض ورغد وهمس ماسكين الدوش ومغرقينهم بالمياه علشان يفوقوا .

سلمى .. الحقوا يا بنات عمر وشريف طلعوا فوق سور البلكونه وعمالين يرقصوا . الحقوا بسرعه قبل ما يقعوا من الدور الخامس .
همس ورغد .. يا نهار ابيض وبسرعه سابوا عادل وفارس على الارض ورموا الدوش وكانوا غرقانين بالمياه وراحوا على البلكونه واتصدموا من منظر عمر وشريف وهما واقفين على سور البلكونه .

همس قربت بشويش من عمر وحاولت تتكلم معاه وتنزله وبعد محاولات كتير نزل معاها وخدته بسرعه على الحمام وقعدته جنب فارس وقفلت عليهم الباب ورجعت للبلكونه .

واول لما رجعت شافت سلمى بتحاول تنزل شريف اللى مكنش عاوز ينزل خالص ومصمم انه يكمل رقص .. وبعد محايلات من سلمى ودموعها اللى بدات تنزل من كتر خوفها نزل معاها براحه وخدته على الحمام .
دخلوا شريف بعد ما فتحوا الباب بالمفتاح ورزعوه على الارض هو كمان مع باقى الشباب وبدأوا يفتحوا عليهم المايه تانى لحد ما بهدلوهم من كتر المياه اللى فتحوها واتبهدلوا هما كمان معاهم لحد ما الشباب فاقت خالص واتصدموا من اللى هما فيه واتصدموا من منظرهم ومنظر البنات والحاله اللى وصلوا ليها بسبب الشرب.

البنات اول لما شافوهم فاقوا بصوا ليهم بغضب واستحقار على الحاله اللى وصلولها فى يوم زى ده وخرجوا من الحمام بسرعه وراحوا ناحيه باب الشقه وفتحوه .

ولسه هايخرجوا الشباب قاموا جرى وحاولوا يصلحوا الوضع ويعتذروا ليهم .. بس للاسف البنات ما سمعتش منهم وما ادتهمش فرصه حتى للاعتذار وخرجوا بسرعه ورزعوا الباب وراهم .
الشباب كل واحد فيهم قعد فى مكان واتصدموا من المكان واللى كان معمول فيه ..
وتخيلوا الحاله اللى البنات شافتهم فيها ووصلولها وهما شاربين .

النهار طبعا كان طلع والشمس بدات تشرق والبنات كانت وصلت للفيلا وحمدوا ربنا ان الامهات كانت لسه نايمه .. فابسرعه دخلوا على اوضه همس بشويش خالص وقفلوا وراهم الباب .. وبداوا يدخلوه واحده ورا التانيه على الحمام علشان تغير لبسها اللى كان متبهدل على الاخر وغرقان مايه .

عدى حوالى ساعه عقبال لما كلهم خلصوا واترموا على السرير زى الميتين واتفقوا انهم مش هايعدوا اللى حصل ده على خير ولا بالساهل وهايطلعوا عيون العرسان بس بعد ما الفرح هايخلص و هايمنعوهم انهم يقربوا منهم لما يتقفل عليهم باب اوضه واحد ليله الدخله .. وانهم هايكونوا طبيعين اودام الناس .. وده اقل عقاب ممكن يعملوه معاهم على كل اللى حصل .
ومن كتر التعب والارهاق اللى شافوه الكام ساعه الاخيرة دى راحوا فى سابع نومه بعد القرار اللى وصلوله ده .

الامهات كانت صحيت واستغربوا ان البنات لسه نايمه لحد دلوقتى والميعاد بتاع الميكب ارتست قرب علشان تلحق تمكيجهم كلهم لانهم كذا عروسه .

وبعد محاولات كتير من الامهات الاربعه للعرايس .. صحيوا معاهم بالعافيه وطبعا ما حكوش الليله اللى قضوها مع الشباب والحاله اللى كانوا فيها .
وفعلا بعد شويه كانت وصلت الميكب بتاعتهم وبدات تمكيجهم ولبسوا فساتين الفرح الجميله وبقوا زى الاميرات فى الحواديت كلهم اجمل من بعض .
وطبعا الشباب حاولوا يوصلوا ليهم باى طريقه علشان يعتذروا عن اللى حصل .. بس للاسف البنات فضلت قافله الموبيلات كلها .
الوقت عدى وميعاد وصول العرسان جه وفعلا وصلوا الفيلا عند همس علشان يخدوهم ويطلعوا على القاعه اللى فيها الفرح .
وكان العرسان طالعين حلوين اوى لما لبسوا البدل وطالعين زى القمر كلهم وبالذات فارس.

اول لما دخلوا سلموا على الكل والكل هناهم وبارك ليهم ..وفضلوا فى انتظار البنات ونزولهم مع ابوا فارس وابوا شريف و اتفاجأت الشباب بالبنات اللى كانت جميله جدا وحلوين اوى بفساتين زفافهم .. بس اللى استغربوه ان البنات عاديه جدا ومبتسمه و كأن مفيش اى حاجه حصلت .. فحمدوا ربنا انهم مش زعلانين من اللى حصل وما يعرفوش طبعا بالقرار اللى وصلولوا وهايتفاجؤا بيه بعدين لما يدخلوا اوضهم فى الفندق اللى كانوا حاجزين فيه .

كل واحد مسك ايد حبيبته وباسها وبارك لها وخرجوا وطلعوا بره وركبوا العربيات وراحوا على الفندق اللى فيه القاعه .
بدا الفرح واشتغلت الاغانى والرقص والكل كان فرحان و سعيد .. والبنات كانت عاديه خالص ولا كأن فيه حاجه حصلت . وده اللى ريح الشباب واطمنوا ان الليله هاتعدى على خير .

وبعد كذا ساعه اشتغلت الاغنيه الاخيرة لانتهاء الفرح وكل واحد قرب من عروسته وبدؤا يرقصوا على الاغنيه دى .

شو كانت حلوة الليالى
والهوى يبقى ناطرنا
وتيجى تلاقينى
اه يا سهر الليالى
اه يا حلو على بالى
غنى اه
غنى اه
غنى على الطرقات
ياى يا سهر الليالى ياى يا حلو على بالى غنى
اه غنى غنى على الطرقات .
وانتهى الفرح وكل واحد خد عروسته على اوضته بعد ما ودعوا امهاتهم واهلهم .
والكل أتمنى ليهم حياه سعيده .

طلع كل واحد فعلا على اوضته واتقفل عليهم باب واحد .. وللاسف ياريته ما اتقفل لان البنات اتحولت خالص وبقوا بنات تانيه خالص .

شريف لسه هايقرب من سلمى اتصدم من اللى سمعه .. انت بتعمل ايه انت مالكش دعوة بيا .. اوعى تكون مفكر اللى حصل هايعدى بسهوله لا انسى خالص انى هاسمحلك تيجى جنبى .
ومن اول نظرة ولمسه من شريف لسلمى وعيونه جت فى عيونها استسلمت خالص ورفعت الرايا البيضه .
وعند عمر وجنه .. عمر قفل الباب ولف نفسه شاف جنه قعدت على السرير ووشها احمر من كتر الخجل والكسوف ويادوبك عمر قرب منها نسيت كل اللى هما اتفقوا عليه وبادلته نفس مشاعره.

عادل قفل الباب وشاف رغد واقفه فى مكانها وباصه فى الارض وجسمها بدا يرجف من كتر الخجل اللى حاسه بيه .

عادل قرب منها وحاول يهديها بس هى بعدت عنه .. فقرب عادل تانى وحاول بكام كلمه حلوة انه يهديها ويطمنها .
لحد ما قرب اكتر وعيونه جت فى عيونها وبدا يلمس وشها وقرب من شفايفها وباسها بمنتهى الرومانسيه ونساها الدنيا والى فيها والخطه اللى كانوا متفقين عليها كلها .
اما بالنسبه لابطالنا الرئيسين فارس همس
فالليله كانت مختلفه خالص .

اول لما دخل فارس وقفل الباب وراه ولف نفسه .. شاف همس واقفه فى وسط الاوضه وحاطه ايديها فى وسطها وقلبت واتحولت لانسانه تانيه خالص .

فارس بابتسامه صغيرة .. خير يا حبيبتى فى ايه !!!!!!؟؟؟؟؟؟
همس مرة واحده ... اطلع بره يا فارس واقفل الباب وراك علشان انا تعبانه وعاوزة انام واستريح .
فارس بدا يضحك وقال ... لاااااا انتى اكيد بتهزرى يا همسى .

همس قلبت اكتر وقالت بصوت عالى .. اطلع برة يا فارس وكفايه اوى اللى انا شوفته امبارح والحاله اللى انتم كنتم فيها انت والبهوات التانيه .. واحمد ربنا انى كملت الفرح اصلا .. لكن اللى انت بتفكر فيه يحصل استحاله هايحصل يا فارس .

فارس مصدوم من كلام همس وحاول يقرب منها ويفهمها كل اللى حصل بس للاسف هى رفضت انه يفسر اى شىء ليها وكفايه اوى اللى هما عملوه .
فارس .. لا لازم تسمعينى يا همس وانا هاشرحلك كل شىء .. وبعدين ده شىء عادى وبيحصل لاى واحد بيودع العزوبيه وانتم اصلا ايه اللى جابكم على الشقه عندنا .
همس .. انا مش عاوزة اعرف حاجه واتفضل اخرج يا فارس بره وسيبنى لوحد....
وملحقتش تكمل كلامها لفارس علشان فاجئها بيبوسه فى شفايفها نهت كل الحوار وحطمت قلعه وحصون همس ودابت بين ايد فارس وراحوا فى عالم تانى خالص للعشق والحب والرومانسيه واللهفه والشووووق .

انتهت روايتنا رواية فارس عشقي


تقول الكاتبة سحر فرج في نهاية روايتها:


يارب اكون اسعدتكم بها وقدرت اوصل ليكم حاجه مهمه بخصوص الاب وبعده عن بيته واولاده .. وان الشغل والفلوس مش هايعوضه عنهم .

لكل اب ... بيتك واولادك هم اهم شىء فى الحياه عن اى حاجه تانيه .. والحب والحنيه والعطف واللمه والعيله اهم من الفلوس ومن الشغل حتى لو كانت العيشه بسيطه وعلى الاد .

وبالنسبه لفهد مش هاقول غير ( ربنا يمهل ولا يهمل )

وبالنسبه لبلال واللى حصل معاه هافسر ده ان شاء الله فى الجزء التانى من الروايه وهايكون بعد العيد الاضحى بأذن الله .
ياريت اشوف تعليقاتكم وتشجعكم وريفيوهاتكم علشان احتفظ بيها وتكون بالنسبه ليا دافع لكتابه الجزء التانى.

موعدكم مع فارس عشقي الجزء الثاني بعد عيد الأضحى.

iklan banner

Abdulrhman Sayed
كاتب المقالة
كاتب ومحرر اخبار اعمل في موقع قصص وروايات .

جديد قسم :