رواية ملكت قلبي للكاتبة نجوى مصطفى

الفصل الحادي عشر


حازم داخل مكتب نور بعصبية

حازم:مصيبة يانور مصيبة
نور:مصيبة ايه تانى
حازم:مفيش أثر لملف قضية المخدرات
نور:متقلقش
قاطعها حازم:مقلقش ازاى انتى بتهزرى دى قضية كبيرة
نور:اهداء ياحازم انا اللى اخدت الملف
حازم: ليه ومن غير اذنى
نور:اهداء حضرتك وانا هفهمك

فلاش باااك

نور اول ماوصلت المديرية توجهت الى مكتب اللواء بكر خبطت على الباب ودخلت
اللواء:خير يانور
نور:فى حاجه جديدة حصلت وكان لازم ابلغ حضرتك
اللواء:اقعدى وادخلى فى الموضوع يانور
نور:حضرتك انهاردة الصبح اول ماطلعت من البيت لاحظت ان فى عربية بتراقبنى وغيرت طريقى وقرارت اروح النادى وفعلآ دخلت النادى وقبلت يوسف وهو قالى انى لازم الاول امى تكون فى امان وانا كنت هخرج بس يوسف قالى انه هيكون معايا واحنا خارجين من النادى كانت فيه عربية جايه سريعه وواحد ضرب علينا نار ويوسف اتصاب

اللواء:يبقا اللى انا اتوقعته حصل

نور:فعلآ يافندم وانامستنيه اوامر حضرتك
اللواء:متعرفوش نمرت العربية او حتى نوعها
نور:للاسف معرفش لان يوسف هو اللى شافها وعلشان كده حاول يبعدنى بس اتصاب هو
اللواء:ملف القضية فين
نور:انا اخدته من حازم علشان اعرف التفاصيل وبعدين رجعته تانى
اللواء:الملف يكون على مكتبى فورآ
نور:بس حازم لسة مجاش
اللواء:روحى هاتيلى الملف بسرعه يانور لانه ممكن يكون ليهم حد هنا ويسرقوه
نور:حاضر يافندم دقايق ويكون عندك بعد ازنك

باااااااك

حازم:كل ده حصل
نور:أحنا لازم نتحرك بسرعه ونعرف مكان العصابه دى
حازم :بالليل على الساعة 9 لازم تكونى موجوده لان هنقترح افكار نقدر نوصل بيها للناس دى
نور:تمام وأنا شاء الله هكون عملت خطة توقع الناس دى كلها
حازم:اتمنى ذلك وخلى بالك كويس هما هيحاولو معاكى تانى طالما يوسف هو اللى اتصاب مش انتى
نور:أكيد

حازم:بس مش غريبة يانور

نور:ايه الغريب
حازم:أن يوسف ياخد رصاصة مكانك
نور :أنا ويوسف اصدقاء وبعدين مين قال انه يااخدها مكانى هو بس كان بيبعدنى فااتصاب
حازم:طيب متنسيش ميعاد بالليل وانا رايح للواء سلام
نور:سلام

بعد ماخرج حازم نور سرحانه وبتفكر هو فعلآ يوسف كان قاصد يتصاب بدالى ولا هو اصلآ كان بيبعدنى واتصاب بالغلط

وفاقت نور على دخول عسكرى اللى جاب القهوة
العسكرى:تؤمرى بحاجة تانى يافندم
نور:لا اتفضل
نور فضلت تفكر وتلعب بالمفاتيح بتاعتها وشربت القهوه وطلعت بسرعه

رودى وسارة قاعدين بيتغدو على البحر

سارة:الله يارودى على الجمبرى ده
رودى:علشان تعرفى بس انى مش حارماكى من حاجه
سارة:ههههههههههه قلبى والله
رودى:انتى صدقتينى انى معرفش مين اللى بعتلى الورد
سارة:صدقتك عارفه ليه
رودى:ليه

سارة:لانك عمرك ماخبيتى حاجه عليا

رودى:انتى اختى ياسارة
سارة:وانتى حبيبتى بس قوليلى اناحسيت بيكى امبارح دخلتى الاوضة وانتى متنرفزة بس مقدرتش اقوم اتكلم معاكى
رودى:كنت قاعدة فى حالى وجالى واحد يعاكس
سارة:وده اللى عصبك تلاقى شكله وحش
رودى :لاده زى القمر عيوون جميلة وابتسامته رؤعة ولادقنة حاجة قمر كده ولادمة خفيف اوووى تصورى قالى نتعرف قولت لا قالى انا طارق ومحاسب و ... و... ..و .. قولتله مبتعرفش على شباب كمان قالى جربى هتخسرى ايه

سارة:ههههههههههههه ههههههههههههههه هههههههههههههههههههه

رودى:بتضحكى على ايه
سارة بضحك:اصلة شاكلة مش عاجبك خالص هههههههه
رودى:ههههههههههه هو الصراحة حلو بس مش محترم
سارة:حتى لو مش محترم بعد اللى وصفتيه لو مش عاجبك هاتيه لصحبتك المسكينة وفضلت تضحك
رودى بغيظ:بقا كده اناغلطانه انى حكتلك

سارة بجدية:لالا استنى مش هضحك تانى تفتكرى انه هو اللى بعت الورد

رودى :يابنتى لا مفتكرش لانى وقتها كنت على البحر مش فى الاوتيل
سارة:ياأم الذكاء ممكن يكون مشى وراكى وشافك وانتى داخله الاوتيل وسآل فى الاستقبال عليكى
رودى:ممكن فعلآ
سارة:خلاص نخلص اكل الاول وبعدين نطلع نتفسح ونشوف موضوع طارق ولا نقول روميو احسن
رودى :هههههههههه يلا انامش هخلص منك اصلآ انهاردة

فى بيت سيف

نهى:أحلى حاجه نور عملتها انك هتقعدى معايا
هند:أنا مش مطمنة على بنتى يانهى
نهى:أطمنى ياحبيبتى احنا هنطمن عليها اول باول متقلقيش نور ضابط قد الدنيا واشهر من النار على العلم
هند:عمرها ماكانت خايفه عليا كده

نهى:اطمنى ياحبيبتى

نهى نظرها على الباب
نهى :واهو محمد جاء
محمد:ازيك يانهى
نهى:الحمدلله
محمد:ازيك ياهند مبتجيش ليه
هند:الحمدلله كويسه انا دايمآ هنا بس انت اللى فى الشغل ربنا يعينك
محمد:أخبار نور ايه

هند:كويسه بس قلقانى عليها

محمد:ليه فيه حاجه
هند:جابتنى هنا اقعد معاكم وقالت معاها مامورية واناقلبى مش مطمن
محمد:مامورية ايه دى
هند:والله معرف هى مبتحكليش على شغلها لانى بخاف عليها
محمد:متقلقيش نور بنت مفيش زيها وربنا يحفظها انتى جيتى امتا
هند:من يجى ساعه
محمد:طيب بعد ازنك انا هطلع اغير هدومى علشان معايا اجتماع
هند:اتفضل

مسعد:اللى انت عايزو حصل ياكينج

الكينج:انتو بهايم انا مشغل شوية بهايم عندى
مسعد:ليه ياباشا البنت زمنها فى خبر كان
الكينج :انا اللى هخليكم فى خبر كان يازفت انت وشويه البهايم اللى معاك
مسعد:ليه ياباشا ماللى انت عايزو حصل
الكينج:البت سليمه محصلهاش حاجه
مسعد:ازاى

الكينج:بتسالنى انا ازاى ياغبى

مسعد:خلاص فى خلال 24ساعه هتكون عندك جستها
الكينج:دلوقتى تهدو اللعب وسيبك منها لانهم هيفتحو عنيهم معانا اليومين دول
مسعد:امرك
الكينج :يلا غووور جاتكم البلاوى

نور وصلت عند يوسف ودخلت الاوضه

يوسف كان نايم وبيقول كلام كتير
قربت نور وبتحاول تفهم هو بيقول ايه
يوسف:نووور .........بحبك ...
....متسبنيش ......

..انتى حياتى...... كانت حياتى ناقصه قبلك

نور سمعت الكلام ده وسرحت فى ملامح يوسف كانها بتشوفه لاول مرة فى حياتها بتحقق اوووى فى ملامحه كانها بتحفر ملامحه جوها ولاول مرة تلاحظ ان سيف اللى كانت شايفه أحلى راجل فى الدنيا يوسف ملامحه احلى وجذاب اوووى
ومن غير ماتحس لقت نفسها بتلمس ملامح يوسف كانها بتحفظها فضلت كتير كده لحد مايوسف حس بيها
يوسف:خلصتى

نور بااحراج:انت صحيت امتا

يوسف:حسيت بايدك فصحيت
نور اتنفست باارتياح:ابدآ اصل الدكتور قالى انك جسمك هيسخن
يوسف :وسخن
نور:على فكرة انا جيتلك علشان لو محتاج حاجه
يوسف:بس
نور:قصدك ايه
يوسف:ايه الجديد
نور:فيه اجتماع انهارده بالليل علشان نعرف هنقدر نحدد المكان بتاعهم ازاى
يوسف :طيب هاتيلى حاجه الاول لانى جعان
نور:حاضر

يوسف :وليكى انتى كمان لانك واضح انك مااكلتيش

نور:فعلآ عايز حاجه معينه
يوسف:بيتزا وتكون فيها جبنة زيادة وفراخ
نور:حاضر
خرجت نور تطلب الاكل دليفرى
واتفاجاءت ان يوسف بينادى عليها تدخله بسرعه
نور جريت عليه بسرعه وفضلت واقفة ومش عارف تتكلم ...
رواية ملكت قلبي للكاتبة نجوى مصطفى

الفصل الثاني عشر


خرجت نور تطلب الاكل دليفرى

واتفاجاءت ان يوسف بينادى عليها تدخله بسرعه
نور جريت عليه بسرعه وفضلت واقفة ومش عارفه تتكلم
نور بذهول :ايه ده
يوسف:كل سنة وانتى طيبة ياحبيبتى
يوسف كان واقف وماسك ورد وهدية ملفوفه بورق احمر وفيه قلب صغير
نور:أيه ده يايوسف

يوسف:أنهاردة 6فى شهر 5

نور بفرحه:عيدميلادى
يوسف:عقبال مليون سنة ياحبيبتى
نور:أنت لحقت جبت التورتة دى امتا والورد والهديه أنت خرجت امتا وازاى
يوسف: ههههه براحه انامخرجتش انا طلبت كل حاجه ووصلتنى بس الهديه معايا من قبل حوار الاصابه دى
نور:أنت فكرت فى كل ده امتا

يوسف:حبيبتى اللى بيحب حد بجد ميعرفش امتا ولاازاى غير أنه يسعده وبس

نور:يوسف انامش عارفه اقول ايه
يوسف :متقوليش حاجه
نور اخدت الهديه والورد من يوسف باابتسامة جميلة
يوسف مسك ايد نور وباسها وقربها منها
نور بفضول:ياترى ايه الهديه دى
يوسف:افتحيها ويارب تعجبك

نور فتحت الهديه وفرحت بيها جدآ لانها كانت رقيقة وشكلها حلو

يوسف مسك منها السلسه اللى عبارة عن قلبين ♡♡واحد داخل فى واحد وسهم مكتوب عليه اسم يوسف ونور بس الحروف متداخله مع بعض مش اى حد يفهمهم
يوسف:ممكن البسهالك وليا رجاء عندك انك متقلعهاش ابدآ
نور:حاضر مش هقلعها ابدآ

يوسف قرب من نور اووى علشان يلبسها بس القرب ده خلى نور متوترة بس يوسف كان مبسوووط اووى ونفسة يفضل كده كتير بس خلاص لبسهالها ومفيش داعى للقرب ده

يوسف:أنا بحبك
نور بتحاول تهرب من نظراته :لكن عندى فضول مين اللى جاب التورته والورد
يوسف:يهمك اووى
نور:طبعآ

يوسف:ندى

نور:الضابط ندى
يوسف:ايوه طلبت منها وهى نفذت وبعدين انتى متعرفيش انك مهمه عندى اوووى
نور بهروب :اناقولتلك ان انهاردة هيكون فى اجتماع علشان نعرف هنوصلهم ازاى
يوسف :ههههههههههههه
نور:بتضحك ليه
يوسف:اصلى شكلك حلو اووى وانتى بتتهربى
نور بضحك:اصلآ انت بتكثفنى
يوسف:تعالى ناكل من التورته لانى بصراحه هموووت وادوقها
نور:يلا



عند بيت سيف

سيف:ماما كده هنتاخر على اونكل عاصم
نهى :أناجاهزة بس انت شوف ابوك
سيف : كلمتة وجاء فى الطريق
نهى:انت عرفت عنوانهم
سيف:سلمى بعتته على الابليكشن
نهى:يارب ياحبيبى تتم على خير
سيف:ياطنط هند لازم تيجى معانا
هند:معلش ياحبيبى انا انهاردة هروح بيتى علشان عيد ميلاد نور
سيف:اه صح انا نسيت ازاى
هند:ياحبيبى انت مشغول بخطوبتك
سيف:لا اناهكلم فندق واحد صاحبى هيحضرلى احتفال بالخطوبة وعيد ميلاد نور
هند:بس

قاطعه سيف:مبسش ارجوكى تعالى معايا انهاردة يوم مهم بالنسبالى

هند:حاضر ياحبيبى بس منتاخرش علشان الحق اجيب هديه لنور
سيف:متخافيش لانى اناكمان عايز اجبلها هديه
نهى :خلاص ياهند اجهزى بسرعه علشان منتاخرش كلنا
طلعت هند تجهز علشان خطوبة سيف
نهى :سيف عايزاك تعالى ورايا ودخلت الصالون
سيف:نعم ياماما
نهى:انت كنت عارف انه انهاردة عيد ميلاد نور
سيف :اناعارف تاريخ عيد ميلادها بس مكنتش فاكر انه انهاردة
نهى :طيب ياحبيبى
سيف:ليه ياماما
نهى :مفيش ياحبيبى كلم ابوك تانى
وجاءهم صوت محمد :أنا جيت اهووو انتو جهزتوا
نهى:اه بس هند لسه شويه ونازله

فى بيت سلمى

سلمى :بابى حلو كده
عاصم :حلو اوى ياروح بابى
سلمى :عارف انا زعلت اوووى من مامى علشان رفضت انها تحضر الخطوبة بس دلوقتى بقول احسن انها مجاتش
عاصم :ليه يعنى
سلمى :لانها لو حضرت هيا انت مكنتش هتيجى مصر ولا كنت هتحضر يبقا احسن ولالا
عاصم بضحك:أحسن فعلآ ههههه
سلمى :اناهكلم سيف يابابى اشوفه اتاخر ايه
عاصم :براحتك ياحبيبتى

رودى قاعدة على البحر سرحانه وسارة بتقراء فى مجلة

سارة:رودى أنا عايزة اركب مركب
رودى مردتش عليها
سارة بصوت عالى :رودى
رودى:ها كنت بتقولى حاجه
سارة:أنتى كنتى سرحانه مش كده
رودى:فعلآ بس كنت عايزة اسالك على حاجه
سارة:اسالى اهوو بنتسالى
رودى:إنتى احساسك تجاه مروان كان ايه
سارة:أشمعنا بتسالى دلوقتى
رودى :عايزة اعرف اعتبريه فضول
سارة:الحب الحقيقى اللى بجد لانى لسة مقابلتوش بس هقول لو عايزة
رودى بفضول:قولى والنبى

سارة برومانسية:


الحب الحقيقي!!!هو ان تزرع في طريق من تحبهم ورده حمراء وتزرع في خيالهم حكايه جميله وتزرع في قلوبهم نبضات صادقه ثم لاتنتظر المقابل

الحب الحقيقي!!!هو ان ترمي لاحبابك طوق النجاه في لحظة غرقهم وتبني لهم جسر الامان في لحظه الخوف .إنْك ترتاحى لّيه
وإنكْ تشتاقى لسماع صوتّه
وألأحساس بإنه طيفه دايمآ قدامك
و الشعور بالأمان معّه
وانك تحسيسيه بأنّك بتفهميّه جدا
وانك تتغاضى عن عيوبه وتتقبليها
و انك تشاركيه إهتماماتّه
والرومانسيّه
والألم أحياناً

: ان تعرفى وسيلّہ التقرب إليّه

و الشعور بالذنب عند القسوه عليّه الإحساس بإنه صنع منك إنسانا اخر
وهو كمان
الشخص اللى يحبك لايقارنك بالاخرين لانك ببساطه فى نظرة أحسن واجمل واحده فى العالم
الحب هو أهتمام خوف وسؤال تبادل أفكار متكتفيش فقط بكلمه بحبك
البنت لو لقيت مع الشخص اللى بتحبه الاهتمام والامان وبتلاقاه دايمآ وقت ماتحتاجه عمرها ماهتحتاج فى الدنيا لحد غيره
اللى يحبك ييخليكى أول حاجه فى حياته يا أما ميتسماش حب

الحب اللى بجد اللى يقويكى ميضعفكيش يديكى وميخدش منك يفرحك ميزعلكيش يعليك مينزلكيش اللى يغليكى ميرخصكيش يريحك ميتعبكيش يقربك ميبعدكيش يديكى أمل ميحبطكيش


عندما يكتمل كل هذا نستطيع ان نقول هذا هو الحب...
رواية ملكت قلبي للكاتبة نجوى مصطفى

الفصل الثالث عشر


عندما يكتمل كل هذا نستطيع ان نقول هذا هو الحب...

رودى:الله اجمل كلام سمعته عن معنى الحب
سارة:لما تحسى بكل ده يبقا انتى فعلآ بتحبى غير كده متتسرعيش
رودى:تفتكرى ممكن احس واعيش كل اللى انتى وصفتيه ده
سارة:واكتر كمان يلا نقوم بقا بقالنا كتير هنا
رودى:بفرحة يلا
سارة:رودى انتى قلبك دق
رودى:معرفش ممكن اه

نور قاعده مع يوسف بس بتهرب من عنيه

يوسف:نور
نور:ايه
يوسف:ناويه على ايه
نور:على ايه
يوسف بضحك:ده انتى حالتك صعبه اوووى
نور بصرامه:تقصد ايه

يوسف:على اجتماع بالليل

نور:أه أنا بفكر فى حاجه كده يارب تكون تمام
يوسف:ايه هيا
نور:مش هما كده كده شبكة كامل لعمليات الاجرام
يوسف:ايوه
نور:يبقا الطريق مش صعب
يوسف:أزاى
نور:هنستعين بمجموعه ضباط من الى مخلصين معسكر جديد يعنى مش مشهورين تمام
يوسف:تمام وبعدين

نور:هنحاول نعرف طريق مسعد من خلال الرجاله اللى اعترفوا تمام

يوسف:ها وبعدين
نور:وهنستغل ان الضباط دول مش معروفين وهندخلهم من ضمنهم ونخليهم يكتسبوا ثقتهم
يوسف:الخطة تمام بس فى حاجه مش هتنفع حد يدخل فيها علشان اكتساب الثقه اصلآ
نور:أيه هيا
يوسف:تجارة الاعضاء
نور:مشكلة طيب هنعمل ايه
يوسف:نفس الخطة بس مع اختلاف الادوار
نور:ازاى

يوسف:السلاح والمخدرات بيكون هما جزء من العصابه لكن الاعضاء هيكون على اساس واحد مريض وعايز يعمل عملية او يبيع عضو من الاعضاء

نور :برافووو فعلآ عندك حق وبكدة ممكن ندخل وسطيهم كلهم وفى نفس الوقت هيقعوا كلهم مرة واحده
يوسف:برافوو عليكى انتى لانها خطتك من البدايه اصلآ
نور:خطتنا مش خطتك تمام
يوسف باابتسامه :تمام
نور:خلاص هلحق ميعاد الاجتماع سلام
يوسف:خلى بالك من نفسك سلام
وخرجت نور من النادى ووصلت المديريه ودخلت الاجتماع .........



فى بيت سلمى

سلمى:بابى سيف وصل
عاصم:طيب ياحبيبتى خليهم يتفضلو وانانزلهم حالآ
نزلت سلمى ترحب بيهم وتبلغهم ان باباها نازل علشان يتعرف عليهم وسلمت على نهى اللى اخدتها فى حضنها ومبسوووطة بعروسة ابنها
او بنتها التانيه وسلمت على هند وسلمت على محمد وسيف مسك ايدها ودخلتهم وطلبت من الخدم يشفوهم يشربو ايه
دخل عاصم وسلم على الجميع
سيف:أناسيف ياعمى وعرفهم على بعض كلهم وكانوا مبسوطين جدآ وعاصم اطمن على بنته وسطيهم
عاصم:اهلآ بيكم حضراتكم شرفتونى

محمد:اهلآ بيك احنا اللى اتشرفنا اننا اتعرفنا على حضرتك

عاصم:الشرف ليا أنا مش عارف اشكركم ازاى على معاملتكم لبنتى
نهى:سلمى دى بنتى التانيه وربنا اللى يعلم أنا حبتها ازاى
محمد:أحنا انهاردة جينا نطلب ايد الانسه سلمى لسيف ابنى
عاصم:وانا يشرفنى
محمد:افهم من كده انك موافق
عاصم:طبعآ ربنا يسعدهم وانا اطمن على بنتى وسطيكم
هند :نقول مبروووك ونقراء الفاتحه
عاصم :نقراء الفاتحه

وقرأو الفاتحه واتفق سيف مع عاصم انه حجز قاعه الخطوبة بالليل

عاصم :اللى سلمى عايزه وتوافق عليه
سلمى:واناموافقه يابابا
عاصم:خلاص اللى انتو عايزينه اعملوه
سيف :يلا بينا بقا علشان نجيب الشبكة
عاصم : اتفضلوا اانتو ياولاد احنا هنقعد نتعرف على بعض اكتر
خرجت سلمى وسيف يشترو الشبكة وهند خرجت معاهم علشان تجيب هديه لنور

سارة ورودى مع بعض بيلعبو وبيضحكو اوووى

وسارة بتجرى و رودى بتجرى منها وفجاء رودى خبطت فى شاب
رودى:أنا أسفه ما.........وسكتت تمامآ وتوترت من عنية اللى مركزة فى عيونها وبس
طارق:اجمل أناأسفه سمعتها
رودى بتوتر:لو سمحت الزم حدودك
طارق :ايه

رودى:أنت مبتسمعش بقولك الزم حدودك

طارق:الزم حدودى طيب انا عملت ايه اصلآ انتى اللى خبطتينى
رودى:أيه ما أنا اعتذرت وخلصنا
سارة فضلت واقفه مستنيه رودى تيجى بس لما لقيتها اتاخرت رحتلها
سارة:رودى فيه ايه
رودى:مفيش يلا بينا

طارق:عجبك الورد

رودى وقفت وسارة كمان
رودى:أنت اللى بعتلى الورد
طارق:كنت بعبر عن اعجابى بيكى
رودى:أنامبحبش الاسلوب ده لو سمحت احترم نفسك وابعد عنى
طارق:أنتى بتحبى أيه وانا اعمل اللى انتى بتحبيه
سارة:لوسمحت الطريقة دى متنفعش ومش متحضرة اصلآ
طارق:لحظه ياأنسه

رودى بتحبى أيه علشان خاطر اعمل اللى انتى عايزه واعرف اقرب منك

رودى بتوتر:تبعد عنى ومش عايزه اتعرف عليك ولا اقرب منك
طارق:طيب انا عايز الفترة اللى هتقعدي فيها هنا خلينى اقرب أنا معجب بيكى
سارة مستنيه رد رودى اللى سكتت وكانها بتفكر وطارق عنده امل توافق
رودى بتردد:أنا عند كلامى مش عايزة أقرب منك ولا اتعرف عليك ابعد عنى لو سمحت
طارق:أنا أسف انى ازعجتك بعد ازنكم
رودى مسكت ايد سارة وجريت على الاوتيل كانها عايزة تستخبى ...

نور روحت البيت واخدت شاور وركبت العربية ونزلت عند المديريه دخلت وسالت عن حازم اللى كان فى قاعة الاجتماعات وركبت الاسانسير ووقفت فى الدور الرابع ونزلت بتوتر وخبطت على الباب ودخلت

حازم :اتاخرتى ليه
نور:معلش يافندم الطريق زحمة

حازم: اتفضلى ولو عندك حاجه عايزة تقوليها اتفضلى

نور: فعلآ عايزة بس نستنا اللواء الاول لان هو اللى هيسهلنا الخطة اللى انا رسمتها
وهنا دخل اللواء بكر
اللواء:هسهلكم ايه يانور
نور:يافندم فى حاجات كتير لازم بموافقة حضرتك لاننا هنعمل مجهود كبير علشان تبقا ضربة واحده وتوقع مجرمين كتير
اللواء :أشرحى يانور
نور بدات تشرح الخطة ونوعآ ما حازم عجبته لكن اللواء اقتنع بخطة نور وصمم انها تبدآ بتنفيذ الخطة فى اسرع وقت

يوسف :كان نايم على السرير بس مفتح عيونه وفى حد خبط على الباب

يوسف :أتفضل
ودخل سيف اللى يوسف استغرب وجودة جدآ وساله
سيف:أنا ابن خالة نور
يوسف:اتفضل تؤمر بحاجه
سيف:أناكنت عايز منك ..
رواية ملكت قلبي للكاتبة نجوى مصطفى

الفصل الرابع عشر


ودخل سيف اللى يوسف استغرب وجودة جدآ وساله

سيف:أنا ابن خالة نور
يوسف:اتفضل تؤمر بحاجه
سيف:أناكنت عايز منك توصلنى لنور
يوسف:طيب كلمها
سيف:رنيت عليها كتير مردتش
يوسف:ممكن علشان هى فى اجتماع بس
سيف:طيب اعمل ايه علشان اوصلها
يوسف:استنا تخرج من الاجتماع وكلمها
سيف:مش هتتاخر يعنى
يوسف:الله اعلم

سيف:طيب ماتكلم حد يكون حاضر الاجتماع

يوسف :حاضر لحظة
مسك يوسف تليفونه وفضل يقلب فى الارقام لحد مااستقر على رقم ورن واستنا لحد مارد عليه
يوسف:اخبارك ياحازم
حازم:تمام ياجو اخبارك انت والف سلامه عليك
يوسف:الله يسلمك ياحبيبى انا تمام
حازم:لو فيه حاجه عايزة اؤمرنى
يوسف:نور

حازم بأاستغراب وبص لنور :نور عايز نور ازاى يعنى

يوسف:اقصد عايز اكلم نور
حازم:اه ثوانى واخدت نور التليفون
نور باحراج:الوو
يوسف:ايه يانور مش بتردى على تليفونك ليه
نور:مشفتوش هو اصلآ صامت
يوسف:طيب خلصتى الاجتماع ولا ايه
نور:اه خلصنا وكنا لسه خارجين اهوو
يوسف:طيب سيف عندى وبيسال عليكى خدى اهوو معاكى
نور:طيب

سيف:يانور قلبت الدنيا عليكى

نور بخوف:ليه ماما حصلها حاجه
سيف:لا اطمنى طنط كويسه
نور:طيب فيه ايه
سيف:بعدين هتعرفى قدامك قد ايه وتكونى فى البيت
نور:لسه قدامى شغل انا وحازم
سيف:استاذنى لانها حفلة الخطوبة قربت تخلص
نور:خطوبة مين دى

سيف:يعنى هتكون خطوبة امى خطوبتى انا يانور يلا بسرعه والنبى

نور:بس انا بابلبس الشرطة
سيف: متقلقيش عامل حسابى
نور :قولى فين وهتلاقينى هناك
سيف وصفلها مكان القاعه وقفل
ونور استاذنت من حازم وخرجت بسرعه وهى جوها احسايس متلخبطة وكان اكثر شئ هى عارفه انها هتتعب اووى فى الخطوبة دى بس مش هينفع تسيب سيف فى اهم يوم عنده وده اللى خلها تتحكم فى مشاعرها.
سيف شكر يوسف جدآ أنه وصله بنور واستاذن وخرج بسرعه علشان يلحق عروستة ونور

عند القاعة وصلت نور وكلمت مامتها وقالتلها انها مستنيه سيف وقفلت ونور فضلت رايحه جايه وبتكلم نفسها

يوم عيدميلادى ياسيف ملقتيش غير يوم عيد ميلادى علشان يكون خطوبتك عايزنى افتكرها العمر كله والله أنامش ناقصة صدقت لما سندت نفسى ووقت من تانى لكن كان الدنيا حالفه لتنزل دموعى قدامه انا معقوله هستحمل أشوفه وهو فى حضن واحده .........ربنايسترها
...نور لقيت سيف قدامها وبيشدها من ايدها وبيجريها وراه لحد مانور وقفت وشدته

نور باانفعال شديد:أنت ايه اللى بتعمله ده انا مش عيله صغير معاك

سيف بااستفزاز:بس انتى فعلآ نور الحلوه والصغيرة اختى وحبيبتى وبير اسرارى كمان
نور:طيب فهمنى واخدنى على فين القاعه تحت ايه اللى جايبنا الدور التانى وعند الاوض
....سيف فتح اوضه وواقف قدام نور اتفضلى
نور:أتفضل ايه

سيف:أكيد حضرتك مش هتحضرى خطوبتى بلبس الشرطة ده أناحجزتلك الاوضه دى واشتريتلك فستان على زؤقى ادخلى بسرعه واناهوقف استناكى

نور:عشر دقايق واكون قدامك متقلقش
سيف:أقل انتى ضابط وعارفه قيمة الوقت
نور :طيب انزل واناهاجى وراك
سيف:حاضر نازل اهووو

سيف نزل ودخل القاعه وقعد جنب سلمى وبيهمس بحب

سيف:قمر ياناس اناخاطب قمر
سلمى بكسوف:ميرسى انت كمان جميل اووى
سيف:بقولك قومى نرقص
سلمى: يلا

راح سيف لبتاع اللى دى جى وطلب منه اغنيه رومانسيه

واشتغلت اغنيه ...محمد حسن غيرك مليش ...
ورقص سيف هو وسلمى وبعد مالاغنيه خلصت سيف شال سلمى ولف بيها
هنا باب القاعه اتفتح ودخلت نور اللى اتوجعت اوووى وحست انها ملهاش نصيب من الفرحه دى وهى جوها أحساس انها هتنهار فى اى لحظة وسرحت بحزن مع لف سيف بسلمى
سيف نزل سلمى وهو بيضحك اخد باله ان نور مركزه معاه اوى
مسك الميك وبيتكلم

سيف:أنهاردة يوم مميز جدآ بالنسبالى وشرفنا وجودكم ومشاركتكم ليا فرحتى بس أحب اقولكم هو يوم مميز ليه

أولآ لانه ده اليوم اللى كنت بتمناه من وقت ماقبلت حبيبتى لانها ملكت قلبى من اول نظرة وحبيتها لا لا انا عشقتها لان العشق هو اللى اقدر اعبر بيه عن مشاعرى ليها ولو الاقى كلمة توصف اللى جويا كنت قولتها بس أنا عايز اقولها أنا حياتى كملت بوجودك وحسيت بالسعادة معاكى وارجوكى متبعديش عنى ابدآ
سلمى قربت منه وحضنته اووووى
سيف:ثانيآ:أن ذى اليوم ده اتولدت اجمل بنت وضابط شرطة فى الدنيا هى اختى وصحبتى وبنت خالتى وحبيبتى وقلبى وكل حاجه لانها عوضتنى عن كل حاجه عن الاخ والاخت والصحبه واحيانآ كانت الحبيبة بس بمحبة اخت ل اخوها

...ونور كانت جوها بتنهار من كلام سيف اللى وصف كل حاجه عملتها معاه وفالاخر قال انه بدافع حب الاخوه قلبها بيصرخ وبيقول ده اسوء يوم فى حياتى اه ياقلبى أناجيت ليه منا دفنت نفسى فى الشغل وكنت مرتاحه ليه ياسيف انا سبتك فى حالك سيبنى بقا الملم بواقى قلبى اللى اتكسر مليوون حتة .............

..سيف بص لنور بيشاور على باب اتفتح ودخلت منه تورته عليها صورت نور والشموع وانطفاءت الانوار وفضل ضوء الشموع بس اللى موجود وسيف نادى على نور اللى مش سامعه ولاحاسه غير بوجع والم قلبها وبس
سيف:نور يانور تعالى
نور راحت عند سيف وقربت منه وقالت
ممكن تحضنى نفسى فى حضن واحد ودموعها نزلت...
رواية ملكت قلبي للكاتبة نجوى مصطفى

الفصل الخامس عشر


سيف:نور يانور تعالى

نور راحت عند سيف وقربت منه وقالت
ممكن تحضنى نفسى فى حضن واحد ودموعها نزلت
سيف:نور تعالى واقفه كده ليه
نور فاقت من شرودها على صوت سيف
نور:ها قولت ايه

سيف:مالك يانور انا بنادى عليكى ليا ساعه سرحانه فى ايه الكل منتظرك علشان نطفى الشمع

نور:حاضر يلابينا
نور سلمت على امها اللى اول مااخدتها فى حضنها دموعها نزلت وبسرعه مسحت دموعها وابتسمت لمامتها
هند:كل سنه وانتى طيبه ياحبيبتى
نور:وانتى طيبه يامامى

نور سلمت على خالتها وعلى جوزخالتها ووقفت علشان تطفى الشمع

سيف وسلمى ومامتها وكل الموجودين حوالين نور وبيغنوا

Happy Birthday



ونور مش معاهم اصلآ لحد ماخلصوا اغانى وهى طفت الشمع ومامتها قدمتلها هديه اللى كانت عبارة عن خاتم الماس رقيق اووى وفيه فص ازرق ونور لبسته وامها فرحت جدآ انه عجبها أما سيف جبلها هديه كانت سلسلة وطلب يلبسهالى وهى وافقت

سيف:أيه السلسله دى ممكن تقلعيها علشان هتبقا اجمل لوحدها
نور أفتكرت انها لابسه سلسلة يوسف وانها قالتله انها مش هتقلعها ابدآ
نور:معلش ياسيف مش هينفع اقلعها

سيف:هتلبسيهم على بعض

نور:لا بس انا هبقا البس السلسه بتاعتك بعدين وميرسى زؤقك جميل
سيف:اتفضلى ياحبيبتى
اماسلمى جابت علبة شوكلاته هديه لنور بس العلبة مدهبه جدآ وواضح انها زؤقها عالى اووى
سلمى:اتفضلى ويارب تعجبك دى من فرنسا
نور:أكيد هتعجبنى بس ليه التعب ده

سلمى :أنا حبيتك من وصف سيف ليكى ودى ابسط حاجه اقدمهالك

ونور كانت قاعده متوترة اوووى ومش سامعه اى شئ حواليها ولاشايفه غير سيف بس مامتها قاطعت الشرود ده
هند:مالك ياحبيبتى شكلك مش طبيعى ابدآ
نور:لا ابدآ اليوم كان صعب انهاردة
هند:أنتى نسيتى عيدميلادك
نور:أنافعلآ نسيته

هند:عقبال مليووون سنه ياحبيبتى

نور:ربنا يخليكى ليا
هند:ويخليكى ليا يارب
سيف بينادى على نور بس نور متجهلاه لحد ماجالهم ووقف قدامها
سيف:مبترديش ليه
نور: مااخدتش بالى فيه حاجه
سيف:تعالى نرقص كلنا مع بعض
نور:رقص لا

سيف:ممنوع الضباط يرقصوا ولا ايه

نور:أنا مبحبش جو الرقص ده
سيف:اومال بتحبى انه جو
نور بغيظ:جو الخناقات الضرب ايه حاجه كده عايز منها
سيف:لالا خلاص انا هسيبك ياعم انا ناقص ده انا عريس اصلآ المفروض ادلع مش اضرب
نور:طيب روح ياعريس لعروستك
نور قامت تسلم على نهى ومحمد علشان تستاذن وتمشى
نور:طنط نهى
نهى:نعم يانور

نور:أناعايزه استاذن ممكن لان ورايا شوية شغل لازم اخلصهم

نهى:طيب انتى لحقتى
نور:معلش خلينى على راحتى
نهى :طيب ياحبيبتى اتفضلى
وسلمت عليها وحضنتها وراحت تتكلم مع محمد لانها شايفه بيبصلها
نور:أونكل بعد اذنك انا ممكن امشى
محمد:لا مش ممكن ده مستحيل
نور بخيبة امل : ليه انابجد مش فاضيه

محمد:أنتى هتروحى معانا اصلآ مينفعش تمشى بدرى انتى اعتبرى نفسك بتامنى المكان هنا ههههههه

نور:هههههه امنه لاهو امان وتمام اووى
محمد:مصممة تمشى
نور:ياريت بعد ازنك يعنى
محمد:يابنتى خلى بالك من نفسك ومتخليش الشغل يأثر على حياتك
نور:خير ان شاء الله
محمد:قضيه ايه اللى انت مسكاها
نور بأستفهام :ليه

محمد:أبدآ اصل مامتك قلقانه عليكى جدآ وانا اول مرة اشوفها كده باين عليها قضيه كبيرة

نور:هى فعلآ قضية كبيرة بس اناقدها
محمد:أكيد انتى مش قليله ابدآ اتفضلى وابقى تعالى الشركة علشان عايز ادردش معاكى شويه
نور:حاضر هبقا اكلم حضرتك قريب ونحدد ميعاد بعد اذنك
محمد:اتفضلى
مشيت نور وسلمت على مامتها وروحت البيت أخدت شاور وقعدت تسرح بتفكيرها لحد ماالنوم غالبها ونامت



تانى يوم الصبح طلعت على المديريه وقاعده هى وحازم وقدامهم ملفات للضباط اللى محتاجينهم لتنفيذ الخطه

نور:أعتقد الضابط ندى هيكون ليها دور كبير فى الخطة لانها مش معروفه وحديثة التخرج
حازم:طيب نقول ندى معانا واحنا عايزين على الاقل 5 ومتنسيش منهم لتركيب الكاميرات والتسجيل للصوت ومنهم اللى هيكونوا مزروعين بينهم
نور:طيب ممكن حد يكون معانا من خارج الدخليه
حازم :مش فاهم يعنى ايه من برا الدخليه
نور:يعنى احنا المفروض اننا هنسافر اسكندرية علشان تجارة الاعضاء هناك واسلام شحن المخدرات هناك والاكيد ان السلاح بردو هناك
حازم:أنافاهم كل ده ادخلى فى الموضوع علطول
نور:يعنى هنحتاج تدريب وهنحتاج يوسف معانا
حازم:يوسف طيب هو ممكن يوافق

نور:متقلقش وبعدين يوسف بيعرف يتعامل مع الاصابات فى الاوقات الصعبه

حازم:أناعارف كل ده بس علشان اسرار المهمه ممكن اللواء يرفض
نور:انا هكلمه
حازم قلب فى الورق
حازم:احنا كده ممكن ناخد مازن واحمد وجاسر
نور:طيب تمام نكلمهم ونطلب من اللواء ينقلهم باسرع وقت
حازم:فاضل واحد
نور:مش محتاجينه

حازم :ازاى

نور:أنا رقم 5
حازم:أنتى كرت محروق معاهم
نور :فيه ناس احنا منعرفهاش وهى مش هتعرفنا اصلآ
حازم:بس دى مخاطرة
نور:اناعارفه بس انا لازم اكون معاهم
حازم ونور اتفقوا على كل حاجه وماشين
حازم:نور ممكن سؤال

نور:أتفضل

حازم:قبل مااتفضل احنا اصدقاء من سنين وانتى واثقة فيا
نور:طبعآ
حازم: هتجاوبى بصراحه
نور:أكيد طبعآ
حازم:انتى بتحبى يوسف
نور وقفت وابتسمت وبصت لحازم اللى منتظر ردها
نور:...
رواية ملكت قلبي للكاتبة نجوى مصطفى

الفصل السادس عشر


حازم: هتجاوبى بصراحه

نور:أكيد طبعآ
حازم:انتى بتحبى يوسف
نور وقفت وابتسمت وبصت لحازم اللى منتظر ردها
نور:أنايوسف مهم بالنسبة ليا كصديق واخ لكن جو الحب ده معرفش بس انابرتاح لما بشوفه وبحس معاه أنى مش ممكن حاجه تزعلنى ...بس
حازم:اتمنى انكم تحبو بعض
نور:ليه يعنى

حازم:يوسف أكثر ميزه فيه انه بحيب من كل قلبه يعنى مى الله يرحمها كان بيعشقها لماكانت تزعل يوسف مكنش بينام اصلآ ويفضل طول الليل يرن ويبعت مسج لما متردش يروح يخبط على بابهم الفجر ويجبلها ورد .شوكلاته .اى هديه تكون حاجه بتحبها علشان يرضيها أنامش عارف بقولك كده ليه بس انتى ذى اختى وصديقه ويوسف اخويا وعشرة وانامش هستحمل انى اشوفه مجروح وقلبه يتكسر خالص علشان كده بقولك يعنى لو حاسه نفسك مفيش امل تحبيه بجد متقربيش منه دى نصيحه يانور من اخ بيخاف على اخته يوسف لو اتجرح منك انتى هتفضلى تتعذبى لجرحه وهتندمى وعلى فكرة يوسف بيحبك.


نور:هو قالك كده

حازم:حسيتها من صوته اللى كان مبسوط وهو بيسالنى عليكى ولما اتصل وصانى قبل كده عليكى يعنى واضح من اهتمامه
نور:سيبها على الله بس تاكد انى مش هكون سبب جرح يلا بينا بقا نقابل ضباط المهمه
حازم:يلا بينا احنا هنروح النادى ونجتمع هناك علشان محدش يشوفهم هنا ويكتشف الموضوع قبل مايبدا
نور وحازم وصلو النادى وطلبى من الضباط انهم يجتمعوا علشان مهمه صعبه وعايزه تركيز دائم

رودى قضت كام يوم فى اسكندريه ومشفتش طارق تانى ونفسها بس لو تلمحه وسارة شاغلها بالخروجات والشوبنج والمكياج والاكسسوارات والى حد ما قارده انها تشغل تفكيرها عن طارق ده بس لما رودى مقدرتش اتوجهت الى موظف استقبال الاوتيل

رودى :مساء الخير
موظف:مساء النور يافندم
رودى:أناكنت عايزه اسال على محاسب بس مش عارفه موجود هنا ولا فى اوتيل تانى بس عايزاك تساعدنى لانه موضوع ضرورى
موظف:امرى يافندم مين اللى عايزه تسالى عليه
رودى:طارق هو تقريبآ عنده 25 سنه
موظف :تقريبآ مفيش عندنا محاسب اسمه طارق

رودى:متاكد

موظف :متاكد وحضرتك ممكن ميكونش موظف هنا ممكن نزيل فى الفندق
رودى:اه طيب حاول تعرف كده اى حاجه عنه
موظف:طيب ادينى الاسم بالكامل
رودى:للاسف معرفش بس ممكن اوصفهولك
موظف:اتفضلى

رودى وصف ملامح طارق وموصفاته كلها لانه حفظتها من كتر التفكير فيه

موظف:حضرتك ده مستر طارق مصطفى ابن صاحب الاوتيل اللى جنبنا واناعرفته لانه سال على حضرتك لما كان داخل وراكى وانا اللى قولتله على اسمك بس انا اسف مفتكرتش ممكن تكونى بتسالى عليه
رودى فرحت انها هتقدر توصله:طيب ممكن الاقيه فين دلوقتى
موظف:أنتى ممكن تدخلى الاوتيل اللى قولتلك عليه وهما هيقولولك
رودى :شكرآ جدآ لمساعدتك
جريت نور علشان تسال على طارق

رودى:مساء الخير

الموظفه:مساء الخير
رودى :انا عايزه اعرف استاذ طارق مصطفى فين
الموظفه:ثوانى يافندم ...........هو حاليآ موجود فى المطعم تحت ومعاه ضيوف يافندم
رودى:ميرسى جدآ جدآ
نزلت رودى المطعم وشافت طارق قاعد مع اثنين شباب وبنت وبيتكلم مع البنت رودى قربت منه وهو وقف وفضلوا وقت كبير بينهم نظرات وبس

يوسف طلب من الدكتور حمدى يكتبله على خروج لانه وراه حاجات مش هيقدر يوقفها

وفعلآ الدكتور حمدى كتبله على خروج بعد ماكشف على يوسف وقاله ان الجرح خلاص خف بس يحاول ميعملش مجهود كبير واول ماخرج يوسف من النادى كلم حازم ونور علشان يجهزو والخطه ويدخلو رجالتهم وسط العصابه
حازم:حمدلله على سلامتك ياجو
يوسف:الله يسلمك ايه الاخبار
حازم:تمام وانت
يوسف:كويس
نور:حمدلله على سلامتك يايوسف

يوسف بص كتير لنور :الله يسلمك

نور:انت كويس
يوسف:اه تمام الحمدلله
نور :أناكلمت جاسر ومازن واحمد وندى ونص ساعه والاجتماع يبدآ
حازم:أنا نص ساعه واكون موجود بس معايا مشوار الاول مهم وهرجعلكم
خرج حازم ونور ويوسف عيونهم مقابله لبعض نظرة يوسف شوق ومحبه ونظرة نور عتاب
نور:أتفضل يايوسف استريح

يوسف:وحشتينى

نور بصت ومعرفتش تنطق
يوسف :نور اناخايف عليكى
نور:خايف ..ليه
يوسف بخوف ممزوج بالم :مش هقدر اخسرك مهما يكون السبب
نور:احنا اتفقنا ومش هرجع فى كلامى ومتخفش انا مش صغيرة
يوسف :عارف انك مش صغيرة انا خايف عليكى لانك نبض قلبى لا قلبى وحياتى كلها ارجوكى سيبى القضيه دى لحازم وباقى الضباط انتى مامتك محتاجكى وانا يانور مش هقدر اتخيل حياتى من غيرك

نور بعصبيه وانفعال :القضيه دى بتاعتى وانا ناجحه وعمرى ماخسرت قضيه انا مش زيك انت فاهم انا مش زيك

يوسف اتصدم من كلام نور ووقف جامد قدمها
ونور استوعبت انها جرحت يوسف جرح كبير اووى انها بتفكرة بوقت وجعه وانه اتنازل علشان خايف على اهله بعد ماخسر خطبته وسكتت والسكوووت طال مابينهم ويوسف خارج من عند نور ونور جريت بسرعه عليه ووقفت على الباب ودموعها فى عنيها
نور بصمود:أنا أسفه مكنتش اقصد انت اللى استفزتنى وانت عارف انى بحب شغلى مش من حقك تخلينى استغنى عن مستقبلى
يوسف:...

نور:رد يايوسف زعق واعمل اى حاجه بس ارجوك متزعلش منى

يوسف مسك نور من دراعها وبعدها عن الباب وخرج ونور وقفت مكانها كتير

رودى قاعده مع طارق ولاتنين ساكتين وكانه مفيش كلام غير بالعيون

طارق :نعم
رودى :أنا فكرت
طارق :فى ايه
رودى :أننا نجرب نكون اصدقاء
طارق :وده ليه يعنى وامتا
رودى فقدت الامل:معلش ضيعت وقتك بس كان نفسى يكون بينا لحظه كويسه قبل ماسافر
طارق :ممكن سؤال
رودى:اتفضل
طارق:أيه اللى خلاكى تحاولى توصليلى وكمان قاعده معايا دلوقتى
رودى بكسوف :..
رواية ملكت قلبي للكاتبة نجوى مصطفى

الفصل السابع عشر


طارق :ممكن سؤال

رودى:اتفضل
طارق:أيه اللى خلاكى تحاولى توصليلى وكمان قاعده معايا دلوقتى
رودى بكسوف:هتصدقنى
طارق:مكنتش سالت
رودى :كنت عايزه اتكلم معاك قبل مسافر علشان لو سافرت من غير مااشوفك كنت هندم انى مديتش نفسى فرصه احكم عليك اذا كنت كويس ولا
طارق:ولا ايه عمومآ اناكمان كنت مسافر وممكن نتعرف على بعض اكتر

رودى بفرحه:بجد مسافر مسافر ليه

طارق:شغل وزيارة لواحد صاحبى الاتنين مع بعض
رودى:انامسافره بكرة الصبح وانت
طارق:خلاص نسافر مع بعض
رودى بسرعه:لا مش هينفع علشان سارة
طارق:براحتك انتى بتدرسى ولا

رودى :اخر سنة فى اعلام

طارق:برافو يعنى هتبقى مزيعه مشهورة
رودى:يارب
طارق :يارب انا مبسوط جدآ اننا اتكلمنا مع بعض
رودى: وانا كمان بس معلش هستاذن علشان هنجهز الشنط وهنصحا بدرى نسافر
طارق:اتفضلى بس الاول رقمك ممكن
رودى :حاضر
رودى هيا كمان اخدت رقم طارق ومشيت تحضر الشنطه علشان تسافر

سيف مع سلمى وحدد الفرح وخلاص بيجهزو فى كل حاجتهم لانه باقى على الفرح يومين بس وبيقلبو فى كاتلوج فساتين فرح

سيف:حلو ده ياسلمى
سلمى :مش حلو خالص
سيف:انتى ليه مش عاجبك حاجه خالص
سلمى :حبيبى انت زؤقك مش حلو
سيف:كده طيب مفيش غير ده جميل
سلمى باأعجاب :فعلآ بس هيبقا شكله ايه عليا
سيف:أنتى اى حاجه بتلبسيها بتبقى مميزة
سلمى:مميزة

سيف:عندك شك ياقمر ياعسل

سلمى:لا طبعآ بس بيعجبنى انك تعاكسنى
سيف:بس كده انتى حياتى كلها انا نفسى نتجوز انهاردة
سلمى بكسوف:ايه انهاردة انت مجنون
سيف:مجنون هتشوفى المجنون ده هيعمل ايه
وقامت سلمى تجرى وسيف يجرى وراها وبيضحكوا اوووى

مسعد :ياكينج اللى انت عايزه كلها تم

الكينج:والسواح هتوصل الصفقه بتاعته امتا
مسعد:بكرة بالليل وهنستلمها فى المخزن انا والرجاله
الكينج: فتح عنيك كويس وقول للسواح يزود سعر كل حاجه
مسعد:ليه بس ياباشا ده احنا اعلى سعر فى السوق
الكينج:افهم ياحمار احنا اللى معانا احسن بضاعه والسلاح ده لازم يكون خلاصه فى الاسعار علشان نعوض الخساير والحاجات اللى الحكومه صدرتها بسببكم ياشويه حوش
مسعد:اوامرك ياكينج تنفذ
الكينج:اخبار البنت اللى اسمها نور

مسعد:مفيش جديد غير انها بتقضى وقت طويل فى النادى بقالها 10 ايام هناك مبتخرجش غير بالليل

الكينج بااستغراب:نادى بتقضى فيه الوقت ده كله ليه
مسعد:يمكن علشان تمرينات علشان فاكرة نفسها هتقدر علينا
الكينج:هههههههههه ههههههههه طيب خليها ولما تيجى تحت ايدى همرنها انا ههههههه
مسعد:هههههههههه احلى تمرين ياكينج
الكينج:يلا غور من هنا شوف الرجاله وتنفذ كل حاجه

يوسف بعد كلام نور بعد عنها تمامآ لانها صحت جواه كل وجع السنين اللى فاتت وحس انها عندها حق ليه لا وايه اللى يخلى ضابط زى نور كفائه وليها اسمها ترتبط بواحد فاشل معرفش يجيب حقه ولاحق عروسته وساب منصبه اللى تعب علشانه سنين طويله بس ليه مهو كمان اتظلم ومسابش حقه بمزاجه هو كان خايف على اهلو ومكانش هينفع يضحى بيهم علشان نفسه


نور مع حازم وجاسر ومازن واحمد وندى واللى خلاص أنتهت تمرينهم وجمعوا معلومات كتيرة يقدرو يتسللو من خلالها ويدخلوا وسط العصابه

وده اخر لقاء ليهم علشان يتنكرو واتقسموا
ندى ومازن مع بعض هيدخلوا المستشفى بتاعت سرقه الاعضاء
وجاسر واحمد فى المخدرات

ونور فى السلاح وحازم وواحد صاحبه اسمه وليد المتخصص فى زرع الكاميرات وتركيب اجهزة التصنت

وخرجو ورا بعض من النادى اللى كانو بيتجمعوا فيه دايمآ الفتره اللى عادت
واخر واحده فضلت فى المكان نور اللى فضلت الفترة اللى فاتت كلها نفسها يوسف يرد عليها علشان تعتذرة ويتفهم انها متقصدش كل اللى قالته بس من انفعالها
نور قررت انها مش هتخرج من النادى غير لما تتكلم هيا ويوسف على الاقل يكون معاها لانه وجوده شئ مهم
فضلت ترن عليه كتير اوووى ومردش عليها

يوسف شايف نور بترن احيانآ بتصعب عليه ويكون عايز يرد عليها او يروحلها وياخدها فى حضنه بس كلامها بيرن فى ودانه وخايف ليرجع وفى يوم من الايام الكلام ده يتكرر لان يوسف مش هيستحمل بعد مايقرب منها يبعد تانى

فتح تليفونه على صورة نور وحس انها وحشاه اوووى ويرن عليها

نورفضلت ترن لما فقدت الامل انه يرد عليها

وقامت تتمرن لانها الفترة الجايه هتكون بعيده عن التمرين وعده وقت طويل وهى منسجمه جدآ وبعد ماخلصت لاحظت ان فيه حد داخل النادى جريت نور واستخبت وطلعت سلاحها ووقفت وشافت ظل الراجل ده بيقرب اووى منها ورفعت صمام الامان ووقفت قدامه وهو بعيد بس قصادها ومش شايفه من الضلمه
نور:أنت مين وعايز ايه
رواية ملكت قلبي للكاتبة نجوى مصطفى

الفصل الثامن عشر


نور:أنت مين وعايز ايه

يوسف:متخافيش انايوسف
نور نزلت سلاحها ووقفت
نور:مش خايفه هخاف من ايه
يوسف:لاواضح جدآ انك مش خايفه المهم اخبارك ايه
نور وقفت مكانها ويوسف دخل على مكتبه وقعد وبص لنور
يوسف:هتوقفى عندك كتير ولا ايه

نور دخلت وقعدت قدام يوسف من غير ماتتكلم وعيونها متعلقه بعنيه بالم

يوسف لاحظ نظراتها وتجاهلها
نور:إنت كويس
يوسف :أه كويس اووى
نور:مبتردش ليه عليا كلمتك كتير

يوسف مردش عليها ومشى وهيا مشيت وراه لحد مادخل صاله الحديد واشعل الانوار كلها وتجاهلها تمامآ وبيتمرن ونور وقفت تتفرج عليه ومن جواها عارفه ان الموضوع مش هيعدى بالساهل لان يوسف المرة دى اتجرح منها وفتحت الالم كتيرة جواه صعب انها تتلاشا

يوسف بيشغل نفسه بتزويد سرعه الجرى على الجهاز علشان لو ركز مع نور ومع لون عيونها الازرق إو مع شعرها اللى بيتطاير من الهواء ونازل على رقبتها كام شعره متمردة واللى بيعشقه مش هيعرف يتصرف ابدآ

نور:يوسف أناعارفه انى جرحتك بس جرحى ليك جرحنى اناكمان ووجعك بيوجعنى أنت مهم بالنسبه ليا و........

يوسف سامعها بس مش عايز يضعف من كلامها لانه حس بصدقها ولانه عارف ان نور مبتكدبش عليه ابدآ بس خايف يتنازل يبقا بالنسبه ليه جرحه سهل وبسيط وأخد قراره مهما تقول مش هيرد ولاحتى يتعاطف مع كلامها لان القسوة احيانآ بتبقا احسن

نور بعصبيه:أنت ليه مش عايز ترد عليا هاا ليه علشان اناقولتلك انى مش هتنازل عن مكانتى وعن القضيه بتاعتى وانى انا مش البنت الضعيفه اللى يتخاف عليها كل ده ليه يايوسف علشان من عصبيتى وغصب عنى قولتلك انى مش زيك ممكن اخسر مستقبلى بعدت عنى ومكلمتنيش

وكملت نور بدموع أنااعتذرتلك بدل المرة الف وكلمتك كتير وحاولت اقابلك وأنت خلاص علشان كلمه واحده بس بعدت عنى انا معاك انى غلطت بس انا بشر ايوه بشر اخطئ واصيب انا مش ملاك القلم بيغلط بس للاسف ده كان اخر حوار بينا بس اللى خالانى كلمتك كتير وكمان واقفه هنا دلوقتى واناكان عندى امل انك تيجى ووعدت نفسى انى مش همشى انهاردة غير لما اتكلم معاك واقابلك دلوقتى ولما شوفتك حسيت بذرة امل بس دلوقتى خلاص عارف كل ده كان ليه.
يوسف مردش

نور بعصبيه ودموع وصوت عالى :عارف كل ده كان ليه

يوسف بهدوء:كان ليه
نور بعصبيه :علشان عشرتنا مع بعض وعلشان انت كنت امانى وعلشااان حبيتك
يوسف:أيه
نور بدموع:حبيتك أنا حبيتك وكنت عايزه اقولهالك وقت مااجيبلك حقك وهيا ايدى فى ايدك أيوه كنت عايزه اقولك أنى بحبك وانك ملكت قلبى بس للإسف انا مليش مكان هنا

مشيت نور ويوسف لحقها ومسك ايدها

يوسف:بتحبينى وملكيش مكان ازاى ده انتى علشان حبتينى يبقا ملكيش مكان غير هنا ومعايا ومش هسيبك
نور بدموع:إنت خلاص سبتنى
يوسف قربها منه ومسح دموعها واخدها فى حضنه ولما حست نور بدقات قلبه حست انها مش هتقدر تبعد واستقرت فى حضن يوسف ومسكت هدومه جامد كانها عايزة تستمد قوتها منه
يوسف:عمرى ما أسيبك أبدآ وميبعدنيش عنك غير الموت فاهمه الموت بس
نور:بعد الشر عليك

يوسف باابتسامه:ربناميحرمنيش منك ابدآ ياقلبى

نور بعدت وبصتله
يوسف:بعدتى ليه
نور:أناقلبك
يوسف:قلبى وروحى وعقلى وكل حاجه فى حياتى انتى اوعدينى متبعديش عنى
نور:اوعدك بس ممكن طلب
يوسف:اتفضلى اطلبى وعليا التنفيذ
نور بهدوء :جعانه

يوسف ضحك اووووى وفضل يضحك

يوسف:محصلتيش ابدآ انتى معقولة بعد الاحساس ده كله تقولى جعانه
نور: أنت كنت زعلان منى ومكانش ليا نفس اكل مش هتكلنى
يوسف:لا طبعآ انا اقدر اسيب حبيبتى جعانه احسن مطعم فى الدنيا نتعشا فيه لان ده احسن يوم فى حياتى أتفضلى ياروحى قدامى
نور ويوسف خرجو يتعشوا مع بعض ولاول مرة فيه راحه تجاه بعض لان كل واحد فيهم عرف أيه مكانته فى قلب كل واحد فيهم

رودى وسارة صحيوا بدرى علشان يلحقوا يسافرو وعلشان رودى تلحق تجهز لفرح اخوها واللى زعل منها جدآ انها محضرتش خطوبته

سارة ركبت عربيتها ورودى كمان وانطلقت سارة بالعربيه
سارة:رودى ناويه على ايه
رودى: فى ايه
سارة: هيكون فى ايه يعنى فى طارق بتاعك ده
رودى:مش عارف انا هسيب الايام هى اللى تقرر

سارة:على فكرة أناكنت عايزه اقولك على حاجه بس خايفه انك تزعلى منى

رودى:ازعل ليه قولى اللى انتى عايزاه
سارة:يعنى انا مش مرتاحه لطارق ده نهائى اولآ مش حاسه انه ممكن يكون بيضحك عليكى
رودى:لامتقوليش كده طارق بنى ادم كويس ومحترم ومثقف انا حبيته اووى وتعبت علشان اوصله وانتى جايه تقولى مش مرتاحاله ليه كده
سارة:أنا مش قاصده اضايقك بس بجد الايام تثبت لانى حاسه انه كان قاصد يقابلنا خصوصآ انه قابلك اول يوم لينا فى اسكندريه واخر يوم قالك انه مسافر زينا ده ملفتش نظرك يعنى.

رودى بقلق:لا انتى مكبرة الموضوع اوووى طارق اصلآ عايش هنا ومسافر شغل وزيارة لواحد صاحبه

سارة:طيب حلو اووى انك مصدقاه بس انا رايي فيه مش هيتغير ابدآ
رودى:أنتى خليكى مركزة فى الطريق وأنا هخليكى تتاكدى ان طارق ده مفيش حد هيحبنا قده

طارق قاعد مع واحد كده اصغر منه فى السن

طارق:خلاص ياحسن جات برجليها
حسن:الله عليك ياابن خالتى
طارق:انا قولتلك مفيش بنت بتقدر تتغلب عليا ولاتقولى لا

حسن:أشمعنا شايفه نفسها علينا فى الكليه وعامله نفسها البنت المحترمه المهم هتخلص اللى اتفقنا عليه امتا

طارق :أتقل شويه علشان تثق فيا اكتر
حسن :أوعى تكون هتحبها انت عارف اتفقنا كان ايه
طارق:عارف ومستنى على نار لانى همووووت عليه دى بت صاروخ كده جمال ايه ورقه ايه تحسها حته كريم كراميل كده
حسن :هههههههههههه اناكده اتطمنت عليك
طارق:أنا كلها يومين بالكتير اووى وأجيبها وافرجك عليها

نور ويوسف وحازم ووليد مع بعض بيقررو أمتا هتظهر نور ويوسف هيامنها ويكون دايمآ مراقبها علشان يلحقها فى وقت الخطر

وهما مشغولين جاءهم اتصال مجهول على رقم نور
يوسف :ردى يانور ممكن تكون حاجه مهمه
نور ردت
نور:الووو

مجهول:أنتى يابت انتى ابعدى عن طريقى نهائى بدل مااخلى امك تتحصر عليكى فاهمه ياقطه

نور:أنت مين انت
مجهول:الكينج بعتلك الرساله دى والافضل انك تغورى من طريقه فاهمه سلام
قفل الخط ونور مسهمه
حازم:فيه ايه يانور مين كان بيكلمك
نور:ده ده ...
رواية ملكت قلبي للكاتبة نجوى مصطفى

الفصل التاسع عشر


قفل الخط ونور مسهمه

حازم:فيه ايه يانور مين كان بيكلمك
نور بتردد:ده ده نمرة غلط
يوسف :بس كان فيه حد بيتكلم وتعبير وشك بتقول انك مخبيه حاجه
نور:مفيش متكبرش الموضوع يايوسف
يوسف:ومن قال انى مكبرة هو واضح انه كبير لوحده
نور:مفيش يايوسف

حازم: نور من غير مقدمات كتير المكالمه دى تقريبآ فيها حاجه غامضه او من حد معين عايز يخوفك وده احنا سهل جدآ نعرفه لاننا ضباط ولا انتى مش فاهمه كده

نور بتردد:المكالمه دى كانت رساله من الكينج
يوسف:وفيها ايه
نور:تهديد انى لو مبعدتش عن القضيه دى ممكن اتاذى
حازم بعصبيه :ومخبيه ليه لما يكون فى حاجه كده قولى بدل ماتعرضى نفسك وتعرضينا كلنا للخطر معاكى انتى عبيطه يابنتى دول اى رساله لو حصل عكسها بتنفذ التهديد فورآ

يوسف:بعد اذنكم ياجماعه اناهطلع اشم هواء

خرج يوسف ونور استاذنت وخرجت وراه
نور بتجرى :يوسف يوووسف استنا
يوسف وقف:نعم
نور:مالك خرجت ليه
يوسف:ابدآ اتخنقت
نور:قصدك زعلت انا مكنتش عايزه اقولك علشان قلقك عليا ياحبيبى علشان خاطرى متزعلش

يوسف:أنامش زعلان يانور أناقلقان عليكى خايف عليكى يانور أنتى بالنسبه للناس كلها ميتخافش عليكى لكن انا غصب عنى بخاف عليكى مش بقلل من قدراتك ابدآ بس أنتى حبيبتى ولازم اخاف عليكى

نور بفرحه:خلاص ياسيدى متخافش أنت هتكون معايا وهكون فى امان
يوسف:ربنايستر أن شاء الله
نور:أن شاء الله يلا ندخل نكمل شغل وانت حلو كده
يوسف بضحك:يلا ياملكه
نور باستغراب:ملكه
يوسف:اه ملكه طبعآ
نور بدلع:طبعآ ملكه
يوسف::يلا يااختى
دخل يوسف ونور واتفقوا على المهمه واتفرقوا علشان يبدوا المهمه بسرعه



ندى ومازن بدوا مهمتهم وجمعوا معلومات عن صاحب المستشفى واذاى بيقدرو يسرقوا الاعضاء وبموافقة المريض ولالا

ندى:اه أنا تعبت من حركات المفتش كرومبو دى
مازن:ههههههههه أنا مش عارف انتى دخلتى شرطه ازاى اصلآ
ندى بضحك:كان يوم اسوود كان مالى انا بالكلام ده أنا كنت قاعده فى بيتنا ومرتاحه وباكل مش كده هموت من الجوع وتقولى شغل شغل
مازن:أنتى عارفه حازم ونور حاجه تقرف ومش بيبطلو يسالوا ايه الجديد وانا ملفى لحد الان زى الفل مش هتيجى انتى وتخلى فيه نقطه سودة
ندى :أنا ماشى كده زعلتنى

مازن:متزعليش ياستى يلا هغديكى

ندى:أيوه بقا الله عليك اكل وكده
مازن بضحك:أنتى عيله
ندى:ومالو عيله عيله المهم هتغدينى ولا رجعت فى كلامك
مازن:بفكر
ندى:أيه لاطبعآ انت هتغدينى يعنى هتغدينى
مازن:ههههههههههههه يلا

رودى من وقت ماوصلت البيت وهى مستنيه مكالمه من طارق وفضلت تفكر ترن هيا ولا لا وبعد مازهقت رنت

رودى:الو
طارق:مين حضرتك
رودى:انارودى
طارق:وحشتينى ياقلبى
رودى بفرحه:بجد
طارق:طبعآ

رودى بتردد:بس انت لسه معرفتنيش كويس

طارق:أناحبيتك من اول نظرة
رودى:أنت بتحبنى
طارق:أنابموت فيكى بس كنت عايز اعملهالك بطريقه رومانسيه بس اعمل ايه غصب عنى لما وحشتينى لقيت نفسى بعترفلك علطول
رودى:بطريقه رومانسيه كمان لا أنا حاسه انى بحلم أنامبسووطه اووى
طارق :وانامهمتى فى الحياة انى اسعدك

رودى:طيب مكلمتنيش احنا بقالنا مده رجعنا من السفر

طارق :معلش كنت مشغول جدآ وقولت اخلص الاول وبعدين افضالك ياجميل
رودى:عادى ولايهمك
طارق:طيب انتى ايه موحشتكيش
رودى:...........
طارق:طيب ينفع اقابلك
رودى:مش هينفع اكدب على ماما هى عارفه انى مش بختلط بشباب
طارق:ياحبيبتى انا حبيبك وكلها فترة صغيرة واتقدملك وتبقى مراتى وحياتى كلها يعنى انا اخاف عليكى اكتر من مامتك
رودى:مراتك وتتقدملى

طارق :ايه مش موافقه

رودى:مش قصدى بس انت ليه سريع كده يعنى لسه معرفناش بعض كويس
طارق:وهنعرف بعض ازاى وانتى مش عايزانا نتقابل
رودى :عندك حق خلاص هقول لماما
طارق بسرعه:لا متقوليش دلوقتى خليها وقت مانفهم بعض اكتر علشان تبقا مبسوطه بيكى
رودى:حاضر
طارق:نتقابل انهاردة الساعه 6 كويس
رودى :هحاول وارد عليك
طارق:اشطا باى ياقمرى



عند جاسر واحمد مع تجار المخدرات

الراجل الكبير :أنتو بتشتغلو فى الكار ده من امتا
أحمد:ده احنا فى الكار ده بقالنا خمس سنين يامعلم ولينا وضعنا
جاسر:متستقلش بينا وجربنا وأحنا كدها وكدود
الراجل الكبير :أنتو عجبتونى ولو كنتو تستاهلو هنطقكم فوق قووى
جاسر وأحمد:تمام ياكبير
الراجل الكبير:خلاص روحو عند الرجاله اقفوا معاهم

عند بيت سيف

سيف:ازيك يارودى
رودى:كويسه وانت
سيف:زى الفل انتى خارجه
رودى:اه هقابل سارة فى النادى
سيف بزعل:انتى ناسيه انهاردة ايه
رودى:لاطبعآ ياقلبى مش ناسيه بس انا مش هتاخر

سيف:أنهاردة فرحى وكنت فاكراك هتكونى مع سلمى فى البيوتى سنتر لان هيا مش معاها اصدقاء هنا

رودى:أنامش هتاخر والله وكمان مامى معاها وانا هخلص واروحلها انت جهز نفسك بس ومتقلقش
سيف:أوعى يارودى تسبيها لوحدها
رودى بضيق:خلاص ياسيف حاضر اى اوامر تانى
سيف باامتنان:لاحبيبتى تسلمى ياقمر
رودى:باى باى
سيف:رودى
رودى :ايه تانى

سيف مسك علبه كبيرة مدهبه وشيك جدآ

سيف:كنتى هتنسينى
رودى:ايه العلبه دى
سيف:فستان ولو عجبك ياريت تلبسيه انهاردة
رودى حضنت سيف :ربنا يخليك ليا يارب يااجمل اخ فى الدنيا يااحلى عريس
سيف:ويخليكى ليا ياحبيبتى يلا الحقى معادك علشان ترجعى بدرى
رودى جريت :سلام بئا
مشيت رودى وسيف واقف شويه وبعدين طلع اوضته يغير علشان يجهز ويجيب عروسته
رودى وصلت النادى ووقفت كتير تدور بعنيها على طارق ولمحته من بعيد مع واحده وقربت منهم بهدوء
رودى:هاى طارق
طارق:رودى اتفضلى اتاخرتى ليه
رودى :مين دى
طارق اخد باله انه مش لوحده
رودى :مين دى
طارق بضحك :دى تبقا .......
رواية ملكت قلبي للكاتبة نجوى مصطفى

الفصل العشرون


رودى :مين دى

طارق اخد باله انه مش لوحده
رودى :مين دى
طارق بضحك :دى تبقا سكرتيرتى
رودى براحه:اهلا
ياسمين :اهلآ بحضرتك اسمى ياسمين
رودى:طارق هى موجوده ليه هنا لو مش فاضين انا ممكن امشى
طارق:لا هى بس جابتلى اوراق مهمه علشان امضيها وخلاص خلصنا
ياسمين:تحت امرك يافندم ممكن استاذن

طارق:اتفضلى ياياسو

بعد مامشيت ياسمين رودى كانت على اخرها
رودى :ياسو لاوالله
طارق:عادى فيه ايه
رودى :لا ابدآ بعد اذنك اناعايزه امشى
طارق:انتى زعلتى ولا ايه
رودى:هزعل من ايه

طارق:يعنى مش غيرانه

رودى:انا هغير من مين دى اصلآ ولاحاجه
طارق:انامقلتش انك غيرانه منها
رودى بتوتر:كنت فاكراك بتتكلم عنها
طارق:انتى الى قصدتيها معنا كده افهم انك غيرانه عليا
رودى:أنا لا ابدآ
طارق:عمومآ انا متاكد انك كنتى غيرانه عليا لانى بحبك واللى بيحب بيفهم حبيبه
رودى:بجد

طارق:طبعآ ياروحى تشربى ايه

رودى:اى عصير فريش
طارق شاور للجرسون
الجرسون:نعم
طارق:فنجان قهوة وعصير اورانج فريش
الجرسون :تمام اى اوامر تانى
طارق :لا اتفضل
رودى:أنا مش هينفع اتاخر

طارق:ليه بس سبينى استمتع بالوقت معاكى

رودى بفرحه:غصب عنى لانه فرح اخويا انهارده
طارق بزعل:معزمتنيش
رودى:معلش مش هقدر هقول لماما ايه
طارق:عادى ياروحى بكرةنتعرف انا ومامتك وباباكى واخواكى
رودى:ازاى
طارق:علشان انهارده عايزك تفتحى الموضوع مع مامتك لما تروحى وتحددى ميعاد علشان نزوركم
رودى:بجد انا فرحانه اووووى اووى
طارق :بتحبينى

عند ندى ومازن

مازن:ندى عرفتى هنعمل ايه
ندى :يعنى انت مش خايف
مازن:هخاف من ايه يعنى ياندى ماأنا فهمتك كل حاجه
ندى :بس دى مخاطره على الاقل نكلم نور وحازم ونفهمهم الخطه علشان لو حصل حاجه يلحقونا
مازن:نور هى اللى سلمتنى الملف عن طريق واحد شغال فى المستشفى
ندى:امتا ده

مازن :فلاش باك

مازن دخل مول وبيتكلم فى التليفون
مازن:ايوه ياباشا معاكى
نور:ايه اخر الاخبار
مازن :مارقبينهم وقدرنا ندخل المستشفى بس للاسف مقدرتش اوصل لملفات الاتجار
نور:كنت عارفه كده علشان كده انا اتدخلت
مازن:مش فاهم ادخلتى ازاى

نور:فى دكتور كان شغال فى المستشفى وعرف اللى كل اللى بيحصل فيه من سرقه لشراء اعضاء وكانت تحت ايده الملفات دى وانا لاحظت ان فى ناس بتراقبه فوصلتله قبلهم وكشفت عن هاويتى فااطمن وسلمنى الملف فاضل غير انك تتدخلو تحت اخر دور وفيه غرفه فى اخر الطرقه عليها حراسه تحاولو تاخدو كل اللى تقدرو عليه من ملفات بااسماء اللى بيتاجرو

مازن:هحاول بس احنا ممكن نقبض عليهم بالملف طالما دليل
نور:مش كفايا دى شبكه اجراميه يعنى ممكن ببساطه يطلعه منها لازمنا ادله اكتر علشان تبقا لبساهم لبساهم
مازن :حاضر بس انا فيه خطه كده ممكن اقولها
نور:قول

مازن:انا وندى هنلبس هدوم فلاحين وهعمل نفسى رايح ابيع كليتى ونكون على اتصال دائم وكده يبقا متلبسين

نور:هتقدر
مازن:أن شاء الله ياباشا
نور طول كلامه مع مازن كانت قريبه منه ومازن لاحظ ده ومرديش يبص وراه علشان محدش يلاحظ

بااااااااااك

ندى:ياااااااه كل ده طيب احنا هنعمل ايه دلوقتى
مازن :احنا معانا حاجات كتير ممكن نستخدمها ذى المنوم لو حطينا منوم فى السكر اللى بيشرب منه الامن كل اللى هيعمل حاجه هينام وفى نفس الوقت علشان نآمن نفسنا هناخد رشاشه منوم
ندى:هنفذ امتا
مازن:احنا انهارده لازم نبدآ باول الخطوات علشان نخلص منهم
ندى:الاول لازم نظبط اجهزه ارسال الصوت علشان نقدر نتواصل من غير خوف
مازن :يلا بينا طيب
ندى:يلا

عند جاسر واحمد

أحمد:وبعدين ياجاسر
جاسر:عايز ايه
احمد :انا تعبت قوى على فكرة بقالنا كتير مستنين انهم يثقو فينا
جاسر:أثبت لازم الاول يطمنو من ناحيتنا
احمد:وهما لسه مااطمنوش
جاسر:الناس دى مش بالسهوله بتسلم رقبتها

أحمد :عندى فكره

جاسر:قول يافصيح
أحمد:أحنا نقوم نتكلم اننا ممكن نتاجر لوحدنا بس محتاجين مساعده الاول ان البضاعه تتوفر معانا وهما هيعرفو اننا كبار ومش محتاجين نكون تابع ليهم وهيخافو اننا نغطى عليهم
جاسر :الصراحه فكره بس مش اكيد انها هتنجح
أحمد :نحاول بس
جاسر :يلا نشوف الكلاب دول قاعدين فين
احمد:ههههههههههههههههههه يلا



سلمى فى مركز التجميل ومعاها نهى

سلمى:انا مبسووووووووطه اوووى ياطنط
نهى:ربنا يفرح قلبك ويسعدك انتى وسيف يارب وبعدين ايه طنط دى
سلمى :أسفه ماما واحلى ماما فى الدنيا كلها
نهى حضنتها اوووى: لوكنت لفيت الدنيا مكنتش هلاقى عروسه زيك كده لابنى ربنا يتمملكم فرحكم على خير
سلمى بدموع وفرحه:أنتى عوضتينى عن امى وفضلتى معايا انا مهما حكتلك انا كنت خايفه ازاى اكون لوحدى انهارده مش هتصدقى
نهى:وانا روحت فين ومتعيطيش ياحبيبتى انتى عروسه وانهارده فرحك عايزاكى تفرحى وتنسى اى زعل انتى الليله هتبداى حياه جديده
تليفون سلمى بيرن

سلمى:ايه ياروحى هتفضل كل عشر دقايق ترن

سيف:فيها ايه ياناس عروستى وحشانى اووى
سلمى بفرحه:انا بحب كلمة عروستى منك اووى
سيف:عروستى وحبيبتى وصحبتى وكلها ساعتين وتبقى مراتى وكلها شهور وتبقى ام اولادى
سلمى:براحه طيب عليا ايه كل ده
سيف:بحبك فوق الحب عشق
سلمى بضحك:انا مش فضيالك عايزه اخلص ميكب
سيف:انا اتفضل امتى اخد عروستى حضرتك
سلمى :ساعه ونص
سيف:لسه ساعه ونص
سلمى :سيف باى باى ياحبيبى
سيف:ضحك باى ياقلبى



عند رودى

طارق :بتحبينى؟
رودى:..........
طارق:سكتى ليه بتحبينى يارودى ؟
رودى بتوتر:مش عارفه بس بكون مبسووطه وانا معاك وبحب اكلمك واسمع صوتك ولو كان ده حب يبقا .....
طارق:يبقا ايه ؟
رودى بكسوف :... بحبك .....
طارق بفرحه :وانا كنت واثق انك بتحبينى وانا بعشقك يارودى بعشقك
رودى :ممكن توعدنى
طارق:اوعدك باايه

رودى:أنك متجرحنيش مهما يحصل

طارق بضيق:حاضر مش هجرحك ابدآ
رودى :اوعدنى
طارق:اوعدك
رودى بفرحه كبيره قامت وجريت من غير حتى ماتقول رايحه فين
طارق:رودى ياروووووودى يابنت المجنونه رايحه فين دى
رودى وهى بتجرى ومبسوطه خبطت فى حد هى تعرفه كويس وخافت ورجعت خطوتين لورا
رودى بخوووف :أنا أنا كنت عايزه اقولك بس بس

iklan banner

Abdulrhman Sayed
كاتب المقالة
كاتب ومحرر اخبار اعمل في موقع قصص وروايات .

جديد قسم :