رواية شباب طفلة الجزء الثاني الفصول 11-20



قصة شباب طفلة الجزء الثاني بقلم إسراء محمود الفصل الحادي عشر

يجلس كل من كريم وملك يتناولون اطراف الحديث

كريم: احم ملك انا عايزه اقولك على حاجه
ملك: اتفضل
كريم: فاكرة امجد
ملك: ايوا ماله
كريم: انا قبل ما اعرف انك قريبتى يعنى هو كان عايز يعمل فيكى مقلب وكدا عشان حلقتيله وانا كنت هساعده
ملك: حلقتله ازاى يعنى؟!
كريم: يعنى عشان كان عايز يتعرف عليكى ويصاحبك وكدا وانتى كسفتيه
ملك: دا عيل بارد
كريم:انا اسف انى كنت هساعده بس والله ما كنت اعرف انك قريبتى
ملك بابتسامه: عادى ولا يهمك على الاقل دلوقتى لو عملى حاجه انت هدافع عنى
كريم بعفويه: اكيد طبعا
ملك:ههههههه ماشى ياعم البطل
كريم:هههههه والنعمه انتى عسل ياملك وكمان قلبك طيب
ملك:الله يخلبك
كريم بتنحنح:ملك


ملك:نعم

كريم: معلش يعنى سؤال يخيف
ملك:قول
كريم: هو انتى وآسر يعنى ..
ملك: يعنى اي
كربم:يعنى مرطبتين بتحبو بعض
ملك: لاطبعا آسر دا اخويا احنا تقريباً متربيين مع بعض
تنهد كريم بفرح: اوك
ملك: ليه السؤال دا ؟
كريم: عشان كنتى بتكلميه يعنى
ملك: انا حسيت انه زعل وعشان هو اخويا وكمان عشان انا مش بحب حد يزعل منى كلمته اشوفه زعلان ولا لأ
كريم :مش مهم المهم انكوا اخوات
ملك:ههههههه لأ زى الاخوات بس انا بعتبرة اخويا زيك كدا بالظبط وزى اسلام ونور
كريم بمرح: ما احنا كنا ماشين حلو ايه الرخامه دى بقي
ملك: ايه فى ايه
كريم: ايه بهزر
ملك: ماشى
بس علفكرة انت رخم
كريم: لييه
ملك: انت هتنام عالسرير وانا هنام على الكنبه
كريم بمرح: طب ماتيجى تنامى جمبى
ملك:لا ظريف اوى ،اسكت بقي عشان اعرف انام
كريم:انتى هتنامى
ملك: اها
كريم: ماتقعدى معايا شويه
ملك: والله ماقادرة هموت وانام
كريم: بعد الشر
ملك:اسكت بقي

فى اليوم التالى

نيرة: يلا ياحبيبى عشان تفطر
آسر: مش جعان يا ماما
نيرة: طيب ياحبيبى انا واسراء هنروح لملك لما تجوع الاكل فى المطبخ سلام
آسر: سلام

فى المستشفى

خديجه: يلا يا ولاد اصحوا كيمو ملك اصحوا بقى
كريم: صباح الخير يا جوجو
خديجه: صباح النور ياقلبى ،ملك اصحى بقي
ملك: اه يا رقبتى
خديجه: ايه ياحبيبتى مالك
ملك: النوم هنا صعب اوى
كريم: ههههههه ملعش
ملك: اضحك اضحك ما انت نايم ومأنتخ على السرير
خديجه: ههههه انا هروح اشوف الدكتور عشان نشوف هنخرج ولا لأ
كريم،ملك: اوك
تخرج خديجه تشوف الدكتور وتقابل نيرة واسراء
خديجه : نيرة حبيبتى ازيك ،ازيك يا اسراء
نيرة: الحمد لله
اسراء:الحمد لله ياطنط
نيرة:انتى رايحه فين
خديجه: هروح اشوف الدكتور
نيرة: طيب انا هاجى معاكى
اسراء: طب انا هروح لملك
نيرة: اوكى
-
تدخل اسراء ومتخودش بالها من كريم وتقعد تكلم ملك
اسراء بمرح: ملااااااااااك
ههههههههههههههه انا تخيلت شكلك وانتى بتقعى على الواد كريم هههههههههههههه والله ما قدرت امسك نفسى من الضحك .هههههههههه فطستى الواد الله يكون فى عونه
ملك : بس بس اييه راديو واتفتح
اسراء : هههههههه يااااااه وانتى متشعلقه كدا هههههه
ملك: بااااااااااااااس . معلش يا كريم اعرفك دى اسراء صحبتى
كريم وهو بيضحك : اهلا وسهلا
اسراء وهى محروجه: اهلا بيك . انت بقى كريم من كدا
كريم: ههههههههه اه اللى ملك فطستوا
اسراء: هههههههه ياعينى عليك يابنى
ملك: ما خلاص بقى انتوا الاتنين
كريم واسراء: يضحك
ملك: بطلوا بقي الدكتور جه اهو
_
فى فيلا عادل
بسنت: هو كريم راجع امتى يابابا
عادل: انا كملت ماما وهما جايين فى الطريق ياحبيبتى ،انتى استنيهم وانا هروح الشغل
بسنت: اوكى

فى فيلا فريد السباعى

إسلام: ايه يابنى الوش الخشب اللى انت ضربه من الصبح دا
آسر: بقولك ايه انت كمان انا مش فايقلك خالص يا ايلام لو سمحت سبنى فى حالى
اسلام:براحتك انا كنت عايز ابلغك ان ملك جايه فى السكه
اسر: طيب

فى مكان بعيد

يدخل شخص يبدوا من ملابسه انه سواق
السواق: تمام يافندم هى خلاص طالعه من المستشفى دلوقتى
: تمام اوى خلى اللى بيراقب يفتح عينه كويس اوى عليها
السواق: حاضر يا بيه

فى الطريق

ركبت ملك مع نيرة واسراء
وكريم ركب مع مامته
عند نيرة
اسراء: ايه دا احنا مش هنروح ولا ايه
نيرة: لا هنروح مع خديجه نطمن على كريم وبعدين نروح
اسراء: اوك
عند خديجه
كريم: ماما
خديجه: نعم ياحبيبى
كريم: هو انتى ممكن يعنى هو ينفع
خديجه: ايه ياكريم عايز ايه قول
كريم: هو ينفع تخلى ملك تقعد معانا النهارده
خديجه: ليه فى حاجه
كريم: لاعادى بس كنت عايزها تقعد مع بابا شويه وتتعرف علينا اكتر وكدا
خديجه: صدق فكرة حلوة لما نوصل هخليها تقعد معانا النهارده
كريم بفرح: اوك

فى شركة عادل المنياوى

السكرتيرة: مروان بيه مستنى حضرتك برا
عادل: خلية يدخل بسرعه
_تخرج السكرتيرة ويدخل مروان
مروان وهو داخل: الناس اللى مش بتسال على صحابها
عادل: وحشنى والله يا مروان
مروان: وانت كمان والله ،عامل ايه فى الشغل
عادل: كلو تمام
مروان: قولى بنت اختك طلعت عايشه بجد
عادل: اه الحمد لله
مروان: الحمد لله
عادل: انت لازم تيجى تتغدى معايا النهاردة
مروان:لا معش اعزرنى النهاردة خليها يوم تانى
عادل: لا مفيش اعزار انت هتيجى يعنى هتيجى
مروان: امرى لله ماشى ياسيدى
يضغط عادل على زر المكتب تدخل السكرتيرة
عادل: ادى الملفات دى لحسام
السكرتيرة: حاضر يافندم

توصل خديجه ومعاها نيرة البيت

نيرة: حمدلا على سلامتك يا كيمو
كريم: الله يسلمك ياخالتو
نيرة: احنا هنمشى بقي ياخديجه
خديجه: مع السلامه
يغمز كريم لمامته انها تقول لملك تيجى
خديجه: ايه
كريم بشويش: ماما ملك
خديجه: اه ماشى
،نيرة
نيرة: نعم
خديجه: بقولك سيبى ملك عندنا النهاردة واحنا هنجبها بالليل
نيرة: ليه فى حاجه
خديجه: يعنى تقعد معانا شويه تتعرف علينا اكتر وتاخد علينا
نيرة: بس فريد ا عادل
خديجه: متخافيش عادل مش هنا وحتى لو هنا دا مهيصدق انه يشوف ملك انتى مشوفتيش شكله كان عامل ازاى لما شاف ملك ، اما فريد فانا هجيبها متقلقيش
نيرة: ماشى ياخديجه بس على مسؤليتك
خديجه: متخافيش
نيرة: طيب سلام ،سلام ياملك
ملك: ايه دا انتوا هتمشوا وتسيبونى
كريم :متخافيش مش هنكلك
ملك بضيق:ماشى
قصة شباب طفلة الجزء الثاني بقلم إسراء محمود الفصل الثاني عشر

اسراء: هكلمك لما اروح

ملك: اوك
يغادر كل من نيرة واسراء المكان بينما تبقي ملك مع كريم وخديجه
كريم :ايه يابنتى مالك خايفه كدا ليه كأنك داخله بيت رعب
ملك بخوف: مش عارفة قلبى مقبوض ليه
كريم: متخافيش انا معاكى
ملك: ياعم روح كدا بدراعك المكسور دا
كريم: وهو مين اللى كسرة ان شاء الله
ملك: ههههههه انا
كريم: هههههه فالحه

فى شركه فريد السباعى وبالتحديد مكتب ساهر

يوسف(صاحب ساهر): الندل اللى مش بيسال
ساهر: يوسف حبيبى ازيك
يوسف: الحمد لله انت اخبارك ايه
ساهر: ماشى الحال
يوسف:الواد بيتكلم اكن عنده ٥٠سنه
ساهر: ما انت عارف انى مسكت الشغل وانا فى سن صغير ومن ساعه ماعرفت الشغل ماشى ازاى بقي كله فوق راسى
يوسف: ربنا معاك ياسيدى ، بس احنا عايزين نقعد مع بعض النهارده انت واحشنى اوى
ساهر: ان شاء الله



خديجه: ماش ياحبيبى سلام

كريم: مين ياماما
خديجه: دا بابا ياحبيبى بيقول ان اونكل مروان هيجى يتغدى معانا النهارده
ملك لكريم: مروان اللى انت وريتهولى فى الصورة
كريم: اها
خديجه: انا هروح المطبخ اساعد نعمه فى تجهيز الغدا
كريم: ماشى
تخرج بسنت من اوضتها تلاقى كريم وصل
بسنت: كرييييييييييييم تجرى عليه وتحضنه جامد
كريم: اه براحه ايدى
ملك: هههههه
بسنت: سورى ، ازيك ياملك
ملك: الحمدلله يابسنت انتى اخبارك ايه
بسنت: كويسه
كريم: ملك تعالى افرجك على البيت
ملك: تعالى معانا يا بيسو
بسنت: اوكى
كريم لنفسه (الاهى تنشكى فى دراعك يابييو): يلا
_اخذ كل من ملك وبسنت وكريم يتجولون فى ارجاء المنزل وبعد مرور بعض الوقت
بسنت لملك: دى بقي اوضتى
ملك: الله جميلة اوى يابيسو
بسنت: ميرسى يالوكا
كريم: ياختى حلوة
ملك،بسنت:
كريم لملك: تعالى اوريكى الأوضه بتاعتى
ملك: يلا يابيسو
بسنت: يلا يالوكا
ملك بمرح ونظرة تكبر لكريم: ورايا
بسنت وهى بتبصله وتضحك: وراها
يضربها كريم على راسها
بسنت: اه
ملك: فى حاجه يابيسو
كريم بمرح: لامفيش حاجه جايين وراكى اهو
_تتفرج ملك على الاوضه
ملك بابتسامه: حلوة لايقه عليك
كريم وهو بيقلد اخته : بجد ميرسي يالوكا
ملك: العفو يابيسو
بسنت: ههههههههههه
كريم: طب يلا بيتك بيتك انا تعبان وعايز اغير هدومى
ملك: صدق وانا كمان بس مش معايا هدوم
بسنت: تعالى وانا اديكى بجامه من عندى
ملك: حبيبتى يابيسو
كريم: يابسنت؟!
بسنت: نعم
كريم: نادى لماما خليها تيجى تساعدنى عشان مش عارف اغير هدومى
ملك :ياحرام
بسنت: ياعينى
كريم: اخلصوا بقي
بينت: حاضر يلا يالوكا

فى اوضة بسنت

بسنت: خدى دا كدا شوفيه على قدك ولا لأ عللى ما اروح انادى لماما تروح لكريم
ملك: اوك
_تخرج بسنت وملك تدخل الحمام

بسنت: ماما ياماما

خديجه:نعم ياقلبى
بسنت:كريم عايزك عشان تساعديه يغير هدومه لانو مش عارف
خديجه: حاضر
كملى انتى يانعمه
نعمه: حاضر ياهانم
•••
فريد: ليه يانيرة سبتيها ليه
نيرة:هى عند حد غريب يافريد دى عمتها وخالها يعنى مفيش اى حد غريب
فريد: انتى مش عارفه اللى بينى وبين عادل
نيرة: لا عارفه عشان كدا انا مش خايفه لانو مستحيل يعملها حاجه وهى فى بيته
فريد بتنهيده:ماشى يانيرة اللى يريحك
_تغلق نيرة الخط مع فريد و...
آسر لنيرة: فين ملك
نيرة: عند خديجه وكربم فى بيتهم
اسر: نعم؟! ليه ان شاء الله
نيرة: عادى يا آسر فيها ايه يعنى هتيجى بالليل
آسر بعصبيه مكتومه: انا هروح عند سيف
نيرة: ماشى ياحبيبى

فىفيلا عادل المنياوى

وصل عادل ومعاه مروان
خديجه: اهلا اهلا يا مروان اتفضل
مروان: اذيك ياخديجه هانم
خديجه: الحمدلله بخير اتفضل
عادل: فين كريم
خديجه: فوق فى اوضته
اتفضلوا العصير 5 دقايق والاكل يكون جاهز

عند ملك

بسنت: بابا شكله وصل يالوكا
ملك بفرحه: بجد انا عايزه اسلم عليه
بسنت:طب تعالى ننزل تحت اكبد جاى عشان يتغدى مع اونكل مروان
ملك بتردد: طب هو انا ينفع افضل هنا لحد ما مروان دا يمشى
بسنت: طيب مش هتتغدى معانا
ملك: لا انتى انزلى وانا هروح اقعد مع كربم شويه ولو جعت هبقي انزل
ماك: اوك
_تنزل بسنت لبباها وتروح ملك لكريم وتخبط على الباب
كريم: مين
ملك: انا ملك
كريم: ادخل
ملك بتوتر: صحيتك من النوم ولا حاجه
كريم: لا ابدا انا كنت صاحى
ملك: طب هو انا ممكن اقعد هنا شويه
كريم: اه طبعا اتفضلى
ملك بابتسامه خفيفه: شكرا
_تقعد ملك على الكرسى وتفضل ساكته وسرحانه يقطع يكوتها صوت كريم
كريم: ايه مالك ساكته ليه
ملك: قلبى مقبوض اوى
كريم: لسه مقبوض، هو البيت مش عاجبك ولا ايه
ملك: لا بالعكس داجميل اوى بس مش عارفه خايفه من ايه قلبى مقبوض
كريم: طب فين بسنت
ملك: نزلت تحت تتغدا مع خالو
كريم: طب منزلتيش معاها ليه
ملك: اصل مروان دا موجود تحت
كريم: طب فيها ايه مكسوفه يعنى
ملك: اصل انا مش بعرف اتكلم اوى مع حد فقولت اقعد هنا احسن
كريم: يعنى مش هتتغدى
ملك: لا لو جعت هبقي اكل
كريم: انتى فطرتى اصلا
ملك: لا
كريم: طب بصى انا هخلى ماما تجيب لينا الاكل هنا وناكل سوا
ملك: طب مين هينادى عليها
كريم: هكلم بسنت وهى هتجيبوا
ملك: ماشى

عند عادل ومروان

بسنت: اونكل مروان ازيك
مروان: بيسو حبيبت اونكل اخبارك ايه
بسنت: تمام
خديجه: اتغضلوا الاكل جاهز
_اوشكت بسنت على القيام حتى قاطعها هاتفها بوصول رساله جديده من كريم
وتدول كالتالى
- انتى يازفته
-عايز ايه
-قولى لماما تجيب لينا اكل انا وملك فوق
-ماتنزل تاكل تحت
-مش قادر تعبان
- وملك
-هى كمان دمغها بيوجعها
-طيب حاضر
-تسلميلى يابيسو يارب
-عد الجمايل

بسنت بصوت منخفض: ماما

خديجه: نعم
بينت: بيقولك كريم ابعتيله اكل ليه ولملك فوق عشان مش قادرين ينزلوا
خدبجه: حاضر
عادل: ايه مالكم بتتوشوشوا فى ايه
خديجه: لا ابدا دى بسنت بتقولى اطلع لكريم وملك اكل عشان تعبانين شويه
عادل: ايه دا ملك هنا
خديجه: ايه رايك فى المفاجأة دى
عادل بفرح: حلوة اوى
مروان متدخلا فى الموضوع
مروان: مالو كريم فى ايه
عادل: دراعه مكسور
مروان: انا لازم اسلم عليه بنفسى
خديجه: كمل اكلك الاول يا مروان وبعدين اطلعله ،اقعدى اتغدى يابسنت على ما اودى الاكل لكريم
بسنت: ماشى
قصة شباب طفلة الجزء الثاني بقلم إسراء محمود الفصل الثالث عشر

كريم: خلاص ماما هتجيب الاكل هنا

ملك: شكرا
كريم: لسه بردوا قلبك مقبوض
ملك: يعنى شويه
_تحضر خديجه الطعام ثم ترحل
ملك: شكرا جدا ياعمتو
خديجه: شكرا على ايه يابت انتى يلا عشان تتغدوا انتم مكلتوش حاجه من الصبح
كريم: تسلم ايدك ياماما
خديجه: تسلم ياحبيبى من كل شر
علفكرة ياملك عادل عرف انك هنا وفرحان اوى وبعد الغدا هيطلع يسلم عليكى ومعاه مروان
_ترحل خديجه وتضع ملك الطعام على الطاوله
ملك: تعالى عشان تاكل
كريم: حاضر
كريم بترجى: ملك ممكن تساعدينى فى تقطيع الاكل
ملك: حاضر
كريم: شكرا
ملك: تشرب شوربه
كريم: ياريت مش هعرف هتقع عليا
ملك بمرح: ياتى بيضه هتوقعى الشربه على نفسك يابيضه
كريم: كيرى كيرى كر كر المفروض اضحك يعنى
ملك: هههههه خلاص متزعلش هساعدك واحفظ الجمايل دى
كريم: ماشى


ينتهى كل منهما من تناول الطعام وتذهب ملك لغسل يديها ، جلس كريم على فراشه بينما ظلت ملك واقفه

كريم: ماتقعدى هتفضلى واقفه كدا كتير
ملك: شويه وهقعد
كريم: براحتك
_يفتح كريم هاتفه ويتقلى رساله من ميدو انه قادم له اليوم ليطمئن عليه وتبدا المحادثه
•-هجيلك النهارده بالليل
-تنور يابونت
-بنورك ياحبيب قلبى
-الباب بيخبط شكل فى حد جاى هكلمك بعدين
-اوك باي•
تفتح ملك الباب
ملك بغرحه: خالوووو وتحتضنه
عادل: حبيبت خاله عامله ايه دلوقتى
ملك: الحمد لله
عادل: تعالى يامروان ادخل
مروان لملك: ازيك ياملك
ملك بقلق:الحمد لله
عادل: كريم صاحى
ملك: ايوا ياخالو اتفضل
_تدخل ملك وتقف جمب كريم ويدخل بعدها عادل ومروان
مروان: الف سلامه عليك ياكيمو
كريم: الله يسلمك يا اونكل
مروان:شد حيلك كدا ،امال كان ايه اللى حصلك
كريم: حادثه بسيطه كدا وعدت على خير
يقعدوا يتكلموا شويه

بينما احست ملك بخوف فظيع من مروان ونظراته لها اخدت دقات قلبها تتسارع

مسكت ايد كريم جامد وفضلت واقفه جمبه وقربت منه لدرجه ان بقب نصف جسدها وراء ظهر كريم
(اكنها كانت مستخبيه من شئ وكريم بالنسبلها كان الحائل المانع لوصول هذا الشئ لها)
حس كريم برعشه فى ايد ملك لما مسكت ايده بس معرفش يسالها ففضل يسالها لما مروان ينزل
مروان: طب انا لازم استاذن بقي
عادل: لسه بدرى
مروان: معلش عشان الشغل بقي
عادل: طب استنى انا جاى معاك
عادل لملك: ملك خليكى هنا انا هاجى كمان شويه وهقعد معاكى
ملك بابتسامه مصطنعه: حاضر
_يخرج عادل ومروان ويبدا كريم بالكلام
كريم: فى ايه ياملك حسيت انك كنتى خايفه اوى وكمان ايدك كان فيها رعشه كدا ،قوليلى حصل ايه
تجلس ملك وفى عيونها دموع أبت ان تخرج وبدات تتنفس
ملك بصوت خافت: انت مشوفتش كان بيبصلى ازاى
كريم بعدم فهم: ازاى ؟! دا انتى اد بنته
ملك: لا دى مش بصة عاديه ولا بصه اب لابنته ولاحتى بصة حد بيكره حد

اكملت والدموع تتساقط من عيناها: دا كان جايبنى من فوق لتحت نظرة عينه فيها ضحكه ان لقى حاجه مش بتاعته كان نفسه فيها وخدها من غير مايتعب ،انا خايفه منه اوى مش مستريحاله خالص

كريم: اهدى بس ،ان شاءالله خير متقلقيش
ملك: نظرة وحشه اوى انا حاسه انى ممنتش لابسه حاجه قدامه
كريم بطريقه مرحه ليخفف من روعيها: يابت خلاص بقي اقوم اضربهولك عشان تهدى
ملك بابتسامه من عيونها الباكيه: هتضربوا ازاى وايدك مكسورة
كريم: مهو دا اللى مجننى
ملك: انا هنزل
كريم: راحه فين
ملك: بصراحه بصراحه
كريم: ايوا بصراحه بصراحه
ملك: عايزه انام هروح عند بسنت وانام عندها
كريم بهزار: طب ماتنامى هنا
ملك:امشى يلا

تنزل ملك لبسنت وتطلب منها انها تدخل اوضتها ترتاح فيها شويه

بسنت: طبعا يابنتى من غير ما تستأذنى
ملك بابتسامه: شكرا
خديجه متدخله فى الحوار: دا بيتك ياملك مش محتاجه تستأذنى عشان تعملى حاجه
ملك: ربنا يخليكى ليا ياعمتو ،انا هطلع بقي
خديجه: ماشى حبيبتى
بسنت: وانا روح النادى
خديجه: متتاخربش عشان ملك هنا
بسنت: حاضر

تطلع ملك الاوضهتحاول تنام مش عارفه تفضل قاعده على السرير ومسكت تليفونها وكلمت اسراء عالواتس

ملك: اسراء اسراااء اسراااااااااء
اسراء: ايه يازفته
ملك: مش انتى قولتيلى لما اروح هكلمك ايه كل دا فى الطريق
اسراء: نسيت ،قوليلى ايه الاخبار عندك
ملك: تمام ،اخبار اللى عندك ايه
اسراء: عادى مشوفتش حد كلهم فى الشغل
ملك: واسر
اسراء: مشوفتوش

سيف: ايه يابنى انت هتفضل رايح جاى كدا كتير

اسر بعصبيه: عايزنى اعملك ايه يعنى
سيف: اهدى كدا فيها ايه تبات معاه فى المستشفى اوحتى تقعد عندهم فى البيت شويه هى عند حد غريب دا بيت عمتها وخالها
اسر: مهى دى المشكله يعنى لو باتت هناك عادى
سيف: طب ماعادى
اسر: وكريم اللى معاها دا
سيف: ابن عمتها وابن خالها
مسك اسر المخده وحدفه بيها واكمل بعصبيه: انت هتجنناااى
سيف: هههههه خلاص والله كنت بهزر معاك

ملك: كريم انت صاحى

كريم: ايوا تعالى ياملك
ملك: انا مش عارفه انام على السرير دا فلو انت مش هتنام انزل اقعد معايا تحت فى الجنينه عشان بسنت مش هنا
كريم: لا انا تعبان ومش قادر
ملك: اوك سلام انا هنزل لعمتو اخليها توصلنى او السواق يوصلنى
كريم: ايه دا انتى هتمشى
ملك: ايوه انا زهقت اوى وكمان البيت واحشنى اوى
كريم: طب تعالى انتى صدقتى انا كنت بهزر معاكى يلا ننزل
ملك: لا خليك انت تعبان انا همشى
كريم: بهزر معاكى والله يلا بقي
ملك: ممم ماشى

خديجه: ايه ياولاد رايحين فين

كريم: هنقعد فى الجنينه
ملك: تعالى معانا ياعمتو
خديجه: ماشى

فى مكان تانى بعيد خالص يمكن تكونوا نسيتوه

سلوى بدموع: خلاص هتسافر
طه: لازم ايافر عشان الشغل عايز كدا
تترمى سلوى فى حضنه باكيه: هتوحشنى اوى ياطه
طه: وانتى كمان والله هتوحشينى اوى
عماد: تروح وتيجى بالسلامه ياطه
طه: الله يسلمك يا ابو نسب
احمد: يلا بقي عشان متتاخرش
مريم: انا هاجى معاكو ،سلوى خلى بالك من الولاد
سلوى: حاضر

اسر لنيرة واسراء: ملك لسه مجتش

اسراء: لا ليه
نيرة: هتيجى كمان شويه
اسر: انا هروح اجيبها
نيرة: ماتسيبها شويه يا آسر
اسر: هى اكيد تعبانه يا ماما ومحتاجه ترتاح
اسراء: استنى هاجى معاك
اسر: لا خليكى انتى
قصة شباب طفلة الجزء الثاني بقلم إسراء محمود الفصل الرابع عشر

عند ملك

جلست تتحدث مع عادل وخديجه وبسنت وكريم
ملك: بس وبعد كدا سامى اللى كنت فكراه بابا قال انه سمع المعلم بتاعه بيتكلم مع الشخص اللى هطفنى بس مش فاكره اسمه دلوقتى
عادل: حبيبتى الهم انك بقيتى معانا دلوقتى
بسنت: انا هروح اجيب شوكولاتا
ملك: هاجى معاكى
خديجه: خلى بالكم من نفسكم يابنات
بسنت: حاضر

ملك لبسنت: هو بعيد

بسنت: لا مش اوى هنتمشى شويه واحنا بنرغى
ملك: هههههه ماشى

عادل: اخبار دراعك ايه

كريم: الحمدلله
عادل: هو ايه اللى عمل فيك كدا
كريم: هيييييح بص ياسيدى
بدأ كريم فى قص ماحدث له عندما ذهب ليعطى لملك الهديه



عند ملك اشتروا الحاجه وهما راجعين فى الطريق تليفون ملك رن

بسنت: مين الزنان دا
ملك: دى اسراء مش عارفه عايزه ايه
ثم اكملت ضاحكه: هههههه الو يا ايسو
اسراء: الو ياختى
لم تكمل كلامها حتى سمعت صوت ضراخ
عاااااااااااااااااااااااااااااا
اسراء بخضه: ملك الو الو ملك ردى

تأتى سيارة من خلفهم بسرعه هائله متجه نحو ملك ،وملك كانت بتتكلم فى التليفون ومش واخده بالها

بسنت بضريخ: ملااك حاسبى
ملك: عااااااااااا
تقع ملك على الارض مغشى عليها والتليفون يقع منها وينكسر

بسنت ببكى: ملك ياملك بت اصحى

ياربى اعمل ايه لسه فاضل شويه عالبيت ومش هعرف اسيبها لوحدها اه اه هكلم كريم
تطلع تليفونها بسرعه وتكلم كريم هى بتبكى

كريم:بس هو دا اللى حصل

عادل: الحمدلله انك بخيى
تليفون كريم يرن
كريم: دى بسنت عايزه ايه المجنونه دى
خديجه: رد عليها
كريم: الو يابيسو
بسنت بعياط: كريم الحقنى
كريم:فى ايه يابنتى مالك
بسنت:فى عربيه كانت هتخبط ملك وهى دلوقتى واقعه على الارض ومش بترد عليا
كريم: انتى فين
بسنت: احنا فى الشارع اللى قدام البيت
كريم: طب انا جايلك حالا ،خليكى عندك متسبيش ملك لوحدها
عادل: فى ايه
كريم: فى عربيه كانت هتخبط ملك وهى فى الشارع دلوقتى انا رايحلها
عادل :استنى اجى معاك
خديجه: اللهم انى لاأسألك رد القضاء ولكن اسألك اللطف فيه

يجرى كريم ووراها عادل فيخبط فى ميدو

ميدو: ايه يابنى بتجرى كدا ليه
كريم وهو بيجرى: مش وقتوا ياميدو
ميدو: فى ايه بس ويجرى وراه

عند اسراء

نيرة:فى ايه بتصرخى ليه
اسراء: ملك كانت بتكلمنى وبتضحك فجأة سمعت صوت صريخ وحد بيقول ملك حاسبى والخط قطع
نيرة: انتى بتقولى ايه
اسراء بعياط: دا اللى حصل
تتصل نيرة بخديجه بس ماترودش تتصل بملك تانى مقفول
اسر نزل من فوق: انا لبست ورايح اجيب ملك ،مالكوا فى ايه
نيرة: خدنى عند ملك بسرعه
اسر:ليه فى ايه
نيرة بعصبية: انت لسه هتسال يلا
اسر: حاضر اتفضلى
تجرى نيرة على العربيه
اسراء: طمنينى عليها ياطنط
يركب اسر وفى الطريق
اسر:ماما هو فى ايه

عند بسنت

يوصل كريم ووراه ميدو
كريم: ملك ويحاول يشيلها بس ميعرفش عشان دراعه
ميدو: استنى انا هشيلها
شالها وراحوا على البيت وحطوها فى اوضة بسنت
جابت البرغيوم بتاعها كمحاوله منها انها تفوق ملك وفاقت
خديجه: ملك انتى كويسه
ملك: اه انا ايه هو ايه اللى حصل انا حصلى ايه
كريم: انتى تمام متخافيش
عادل: تعالوا نسيبها ترتاح شويه
ملك: لا متسبونيش لوحدى
بسنت: خلاص روحوا انتوا اناهقعد معاها
ينزل عادل وخديجه تحت وكريم وميدو يروحوا اوضه كريم
ميدو لكريم: اناجيت فى وقت مش مناسب صح
كريم: بالعكس انت جيت فى وقتك لولا انت شلت ملك مكنتش هعرف اشيلها

ملك بهستريه ضحك: ههههههه انا ايه اللى بيحصلى دا

بسنت: الحمدلله انك كويسه
ملك: هاربيض اسراء اناكنت بكلمها فين تليفونى
بسنت: انكسر
ملك: انا حاسه بوجع فى رجلى اتعورت ولا ايه
بسنت: ملك انتى رجلك بتنزف
ملك: هههههههههه
تجرى بسنت لمامتها تنادى عليها: ماما ياماما
خديجه: ايه يابسنت
بسنت: تعالى بسرعه رجل ملك بتنزف
خديجه بعد ماطلعت: فين القطن والشاش
بسنت:عند كريم
خديجه:انتى لسه واقفه هاتيه بسرعه
تروح بسنت لكريم وتفتح الباب من غير ماتخبط
بسنت:كريم
كريم:مش تخبطى الاول
بسنت:مش وقته فين القطن والشاش اللى هنا
كريم:ليه
بسنت:ملك رجليها بتنزف
كريم:نعم
ميدو:استنى اناجاى اشوفها(لان ميدو طالب فى كليه طب)
يروحوا لملك وملك عماله تضحك مش عارفه من ايه
يربطلها ميدو الحرج ويطهوا
••
توصل نيرة واسر
عادل:اهلا نيرة هانم اتفضلى
نيرة:فين ملك
عادل:فوق مع خديجه
نيرة:هى كويسه مش كدا
عادل:الحمدلله
نيرة:لو سمحت ممكن تطلعلها تقولها انى هنا
عادل: طب اتفضلى

ميدو: اناخلصت يفضل انك متتحركيش دلوقتى خالص عشان ميحصلش نزيف تانى

ملك:ههههههههههههه والله العظيم ههههههههههههه
بسنت:اهدى بقي
ملك:هههههههههههه
كريم:اسكتى بقي
ميدو:طب انا همشى واجيلك وقت تانى ياكريم
كريم:تعالى اوصلك
يدخل عادل
عادل:نيرة تحت ياخديجه وعايزه ملك
خديجه:ملك مش هينفع تروح معاهم النهارده
ملك ليه عماله تضحك والدموع فى عنيها: هو اسر معاها
عادل:ايوه
ملك:واحشنى اوى

ينزل كريم مع ميدو يسلم على نيرة واسر ويطلع يوصل ميدو

بعدها تنزل خدبجه لنيرة
خديجه:اذيك يانيرة
نيرة:الحمدلله فين ملك
خديجه:معلش هى هتبات هنا النهارده
نيرة:ليه
خديجه بتوتر حكتلها اللى حصل
ثم اكملت:فهى هتنام مع بسنت الهنارده وبكرا هجبها ان شاءالله
آسر واقف وسامع كل دا ومضايق اوى انها هتنام عندهم كان بيغلى
نيرة بحنين:طب ممكن اطل اطمن عليها
اسر:عايزين نشوفها
يكون كريم وصل ميدو وجه وقف معاهم
خديجه:طبعا اتفضلوا
كريم:تعالى ياآسر

عند ملك

بسنت: يابت اتهدى بقي ايه مزهقتيش
ملك: هههههههههههه
تدخل خديجه ونيرة ومعاهم اسر وكريم
نيرة:حبيبتى ايه اللى حصلك
ملك وهى بتصحك: هههههه متخافيش ياعمته انا حلوه
آسر: انتى كويسه
ملك وهى بتضحك:آسر وحشتنى اوى
اسر:وانتى كمان وحشتينى اوى ،كنا جايين ناخدك ثم اكمل بضيق لكن شكلك هتباتى هنا
ملك بضحك هستيرى:مش قولتلك ياكريم وانا داخله انى خايفه وفلبى مقبوض ههههههههه
كريم:خلاص معلش اهدى
نيرة:ملك حبيبتى مالك عماله تضحكى جامد كدا ليه
ملك:هههههههههه مش عارفه
خديجه: خلاص يانيرة سبيها ترتاح وبكره هتيجى
نيرة:ماشى خلى بالك من نفسك ياملك وتبوسها
اما آسر ....
قصة شباب طفلة الجزء الثاني بقلم إسراء محمود الفصل الخامس عشر

مسك آسر ايد ملك وقعد قدامها وبنظرة كلها حب:خلى بالك من نفسك

ملك ابتسمت ليه وكانت هتعيط بس مسكت نفسها
باس آسر راسها ومشى مع نيرة

اول مايمشوا يتقلب ضحك ملك لبُكى

بسنت:لا انتى بجد هتجنينى شويه ضحك وشويه عياط فى ايه
كريم:مالك بقي
ملك:انا خلاص والله تعبت مش قادرة
بسنت:معلش ياملك
ملك:بسنت ممكن كوباية مايه
بسنت:حاضر
ملك لكريم:انا مش قولتلك ياكريم ان قلبى مقبوض اول مادخلت
كريم: ايوا
ملك:شوفت بقي انا عايزه امشى من هنا والنبى عايزه اروح عند آسر
كريم:احم مينفعش عشان رجلك بكرة انا هوصلك البيت بنفسى
ملك:مهو انا مش هعرف انام هنا
كريم:خلاص بقي دا هو يوم واحد
ملك:انا هفضل محبوسه هنا لوحدى
كريم:لا هقعد معاكى
ملك: انا عطشانه


كريم:ما بسنت نزلت تجبلك مايه ،اهى جت اهى

بسنت:اتفضلى
ملك بابتسامه:شكرا
تجلس بسنت مع ملك وكريم ويحكون لها بعض المواقف المضحكه لكى يخرجوها من الحاله التى اصابتها
كريم:علفكرة بقي انتى لازم تسافرى تغير جو عشان تفصلى عن كل اللى حصلك دا
ملك:مش لما اعرف اقف على رجلى الاول تقولى اسافر
بسنت:ههههههه حته كسفه
كريم: احم ليه الاحراج دا
ملك بطفولة تلقائيه:هى فين الشوكولاتا
كريم:انتى فى ايه ولافى ايه
ملك:يعنى ادفع تمن الشوكولاتا دى عمرى وفى الاخر تروح كدا
بسنت:هههههههه لا يافالحه مرحتش محطوطه تحت
ملك:طب انا عايزة شوكولاتا ولا اقولك عايزه آكل ولا خلاص خلاص انا هاكل لوحدى وانتو هتاكلوا تحت انا مش عايزة آكل خلاص بس انا جعانه هاتولى الشوكولاتا
كريم وبسنت بيبصوا لبعض شويه وبعدين بيصوا لملك
بسنت:شكل كدا الخبطه اثرت عليها
كريم:بااااااااس خلاص ابوس ايدك افصلى ،خليكى معاها يابسنت انا نازل وجاى
ملك:هات الشوكولاتا وانت جاى
بسنت:هههههههه

كريم:ماما خلى نعمه تجهز العشا سندوتشات وتعالوا كلنا فوق نتعشى مع ملك

خديجه:حاضر ياحبيبى
كريم:اه صح هى فين الشوكولاتا
خديجه:على الكرسى ليه
كريم:ملك عيزاها
خديجه:طب ياحبيبى اديهلها

بعد مرور 4 اسابيع

ملك كانت خلاص رجليها والكدمات خفتوعلاقتها بكريم وبسنت بقت كويسه جدا بس مكنتش بترضى تروح عندهم البيت خالص
اما آسر فكان لسه فيه حته الغيرة من كريم بس مكنش بيظهرها اوى لان كريم مهما كان قريبه
اما عادل فأشترى تليفون جديد لملك بدل اللى انكسر فى الحادثه واتعلق بيها اوى لانها بتفكروا بأخته الله يرحمها

فى النادى

كريم:علفكرة بقي احنا لازم نسافر
إسراء:فين
بسنت:شرم
نور:حلوة شرم ،فكرة حلوة يابيسو
بسنت:ميرسى
ريم:انا معنديش مانع بس ماما
بسنت:متقلقيش هخلى ماما تقنعها
إسلام:انا معنديش مانع ولا ايه رأيك ياآسر
آسر:انا موافق
الكل:وانتى ياملك
ملك:مليش مزاج
الكل:نعم؟! يعنى ايه
ملك:مش عايزه اسافر
كريم:لا هتسافرى
ملك:هو بالعافيه
بسنت:يالوكا احنا كلنا عايزين نسافر وانتى لو رفضتى اهلنا مش هيوافقوا يرضيكى
ملك بضيق:خلاص موافقه
إسراء:ياحبيبتى يالوكا وهنجيب ساهر كمان
كريم:خلاص بكرة نجهز الشنط ونسافر
بسنت:بالطيارة
ملك:لا بالعربيه
كريم:ماشى
نور:طب يلا نروح عشان نجهز الشنط
ملك:استنوا
الكل:ايه تانى
ملك:انا عايزه آكل
اسراء:امشى يابت من هنا
بسنت:هتروحى فين
ريم:يارب اشكوا اليك
ملك:خلاص راديوا واتفتح
كريم:يلا يابت من هنا
ملك:بتقول لمين يابت
كريم:لبسنت
اسراء:غورى
آسر:ملك
ملك بحنيه:نعم
آسر بابتسامه ساحرة:يلا نروح
ملك بابتسامه طفوليه:يلا
آسر:ههههههه يلا

_الكل يتفق على السفر اسبوع لشرم

(كريم اسراء ملك اسر نور بسنت اسلام ريم)

ماشى ياحبايبى توصلوا بالسلامه بس خلوا بالكم من ملك

قالتها نيرة لآسر واسراء وملك
اسراء:هى هتنخطف
اسر:حاضر
ملك:حبيبتى ياعمتو

عند شرين

شرين:هو اسبوع واحد بس مش اكتر من كدا
اسلام،نور:حاضر يا احلى ام فى الدنيا
_
عند خديجه
اوك بس خلى بالك من اختك وملك ياكريم
كريم:فى عنيا ياماما
بسنت بصوت واطى لكريم:انا ولاملك
كريم:ملك طبعا
بسنت:كدا ياماما
كريم:خلاص اسكتى انتوا الاتنين
بسنت:وسع كدا هقول لماما حاجه تانيه ياماما
خديجه:نعم
بسنت:ممكن لو سمحتى تتصلى بمامت ريم اقنعيها خليها تيجى معانا
خديجه:حاضر
بسنت:دلوقتى
خديجه:طيب يابسنت هاتى التليفون
بسنت:ياحبيبتى ياماما هجيبه حالا

خديجه:الو ياسمية ازيك

سميه:الحمدلله ازيك ياخديجه الولاد عاملين ايه
خديجه:الحمدلله بخير انا كنت عيزاكى فى موضوع
سميه:خير اتفضلى
بعد شويه اقنعت خديجه سميه ان ريم تسافر معاهم ووافقت عشان عارفه بسنت وكريم هيكونوا معاها
تقفل سميه مع خديجه وبعدها ريم توصل
ريم:ماما
سميه:نعم ياحبيبتى
ريم:انا كنت عايزه اطلب منك طلب
سميه بابتسامه:ماشى ياريم انا موافقه بس هو اسبوع واحد بس
ريم بفرحه:ايه دا بجد هى طنط خديجه اتصلت بيكى
سميه:ايوة ويلا روحى عشان تلحقى توضبى شنطتك
ريم:ياحبيبتى ياماما يا احلى ام فى الدنيا
سميه:يلا يابكاشه

ملك:بكرة الساعه10

كريم:لا النهارده
اسراء:انا معاك النهارده
نور:انا موافق
اسلام:وانا كمان
اسر:بكرا ليه بس ماتخليها النهارده يالوكا مدام الكل جهز شنطته
ملك:انا لسه محضرتهاش
آسر:هاجى اوضبهالك بنفسى
اسراء:وانا هساعدك ياآسر
بسنت:خلاص ملكيش حجه
كريم:لا خلاص خليها بكرة
بسنت:انت مش كنت بتقول النهارده
اسلام:خلاص انا عندى حل
اسراء:ايه
اسلام:هنسافر بعد الفجر حل وسط اهو
بسنت:حلو الحل دا
ملك:مشى موافقه
نور:اخيرا وافقتى على حاجه
ملك:يلا يلا روحوا ناموا

عند ساهر

اسراء بضيق:بردوا مش هتيجى معانا ياساهر
ساهر:اناآسف ياإسراء والله غصب عنى الشغل كتير اوى وانتى عارفه مفيش حد مصدر ثقه بما يكفى بس اوعدك انى هحاول اجيلكم فى نص الاسبوع كدا
اسراء:ماشى ،هروح اوضب الشنطه
ساهر:هتمشوا امتى
اسراء:بعدالفجر
ساهر بابتسامه:خلى بالك من نفسك
اسراء:حاضر

عند ملك تفتح الباب

ملك بابتسامه:تعالى يا آسر فى حاجه
آسر:ابدا حسيت ان بقالى كتير مقعدناش سوا قولت اجى اقعد معاكى شويه
ملك:طب اتفضل
آسر:علفكرة ياملك انتى اتغيرتى كتير
ملك بمزاح:اوى اوى يعنى
اسر:ايوه
ملك:من ناحيه ايه بقي
آسر:كنتى ديما .
قصة شباب طفلة الجزء الثاني بقلم إسراء محمود الفصل السادس عشر

آسر:كنتى ديما بتيجى تتكلمى معايا ونحكى سوا فى اى حاجه ونسهر مع بعض انما من ساعت ماإسراء وكريم ظهروا وانتى مش معبرانى خالص ياملك

ملك:أما اسفه ياآسر مش قصدى بس إسراء معايا على طول وماصدقت انها رجعت من برا.

اما كريم دا قريبى كان لازم اتعرف عليه اكتر وكمان هو طيب اوى وحد جميل من جوا زيك كدا بالظبط وبعدين انتم كلكم اخواتى وبحبكم كلكم

واكملت بدموع انا اسفه انى مقصرة معاك اوعدك بعد كدا انت كلمتى او لا انا هاجى اتكلم وارغى كتييير انا اسفه

آسر:أنا مش بقولك كدا عشان تبكى أنا اسف بجد ان خليت دموعك تنزل ملك انا ..

_اسراء تدخل عليهم
اسراء بمرح:الله الله ايه اللى بيحصل هنا دا قلبى الصغير لايحتمل
آسر:بطلى رغى انا كنت جاى اقعد مع ملك شويه
ملك:اها
إسراء:طب يلا بقى عايزين ننام ورانا سفر الفجر
آسر:حاضر تصبحى على خير ياملك
ملك بابتسامه:وانت من اهل الخير
يخرج اسر ويفقل الباب
إسراء لملك:بت ياملك خديها كلمه منى الواد آسر دا بيحبك اوى
ملك:بيحب مين يابت دا اخويا
إسراء:ماشى بكرا نشوف
ملك:نامى يابت

فى اليوم التانى

يستيقظ الجميع فى الفجر ويصلوا الفجر ويتصلوا ببعض ويتفقوا يتجمعوا عند بيت ملك
آسر لملك:ايه الحلاوة دى
ملك:الله يخليك
نيرة:خدوا السندوتشات دى كلوها فى الطريق ومعاهم مايه وعصير خليها معاكوا
إسراء:ربنا يخليكى لينا ياطنط ديما مظبطانا
نيرة:ادى دول لإسلام ونور يكلوهم فى الطريق
ملك:ماشى سلام
نيرة:سلام ياحبايبى

عند العربيات بعد خناقه خفيفه بين اسر وكريم عشان ملك

ملك:خلاص بقي خلاص انا هركب مع نور وإسلام وريم وإسراء اركبى مع اسر وكريم مع بسنت وكلمه كمان والله ما هاجى
بسنت:خلاص تمام
ملك بجديه:اسر
آسر:نعم
ملك بمرح:هات السندوتشات بتاعتى
اسربضحكه ساحره:هههههه اتفضلى
ملك:وبتاعت اسلام ونور كمان
اسر:خدى
يركبوا العربيات ويمشوا كلهم ورا بعض يطلع اسر وبعده اسلام وبعده كريم

فى الطريق

عند آسر
إسراء:آسر ممكن اسالك سؤال
آسر:اتفضلى
إسراء:هو انت بتحب ملك مش كدا
آسر:مين قالك كدا
إسراء:انا لاحظت دا وقولت لملك
آسر بلهفه:وقالتلك ايه
إسراء:قالتلى بيحب مين دا اخويا
اسر.بضيق:فعلا اخوها
إسراء:انا كدا عرفت
اسر:عرفتى ايه
إسراء:انت واقع لشوشتك يامعلم
اسر:طب اكتمى بقي احسن اعمل بيكى حادثه
اسراء:ياباى اهو كتمت

عند كريم

بسنت كانت بتكلم ريم على الواتس: ها بتعملوا ايه
ريم:قاعدين فى العربيه
بسنت:ياخفه ماانا عارفه
ريم:طب اقولك ايه يعنى
بسنت:نور بيعمل ايه
ريم:ملكيش دعوه
بسنت:يارخمه
ريم:ميرسى ميرسى
كريم:بتكلمى مين
بسنت:بكلم ريم
كريم:طب ماتشوفى ملك كدا
بسنت:ملك اوف لاين

عند اسلام

ملك كانت حاطه الهاندفرى فى ودنها ومشغله الموسيقى ومغمضه عيونها وفى عالم تانى
وإسلام كان بيتكلم مع نور وريم
نور:انتى صاحبة بسنت من زمان
ريم:ايوا احنا اصحاب من الحضانه اصلا
إسلام:انا وآسر بردوا كدا
ريم:بصرة ،ايه دا ملك بتعيطى ليه
نور:ملك مالك
ملك:مفيش حاجه ياجماعه افتكرت حاجه بس مش اكتر
اسلام:افتكرتى ايه
ملك:عادى بقي،كملوا انتوا كلامكم انا تمام والله
(ملك افتكرت سلوى ومريم وطه وزكرياتها معاهم زمان)

بعد 4.5 ساعات وصلوا شرم

وراحوا الفندق
كريم:لو سمحت عايزين 8 غرف
الموظف:تحت امرك يافندم ،عايزهم فردى
كريم:ايوة
الموظف:كام يوم
كريم:اممم اسبوع ولااقولك خليه مفتوح
الموظف:تمام ،استاذن بس حضرتك تملى البيانات
كريم:ماشى
الموظف:محمد
محمد(موظف آخر):نعم
الموظف:وصل الأساتذة على الغرف دى
محمد:حاضر
ملك لنفسها وهى ماشيه مع البنات:معقول هو لالا مش هو انا خرفت ولا ايه ،وطلعت
_اوضة ملك كانت جمب اوضتة كريم وبعدها بسنت وبعدها إسلام
اما الغرفه اللى قصادها كانت لآسر وبعدها اسراء ونور وريم
كريم:اتفضل اتفضلى اتفضلى اتفضل خدى
الكل اخد مفتاح اوضته ودخلها عشان يستريح
ملك:إسراء انا مكسلة اوضب هدومى ماتيجى توضبيها معايا
_شافت اسراء الرساله وردت عليها
اسراء:امشى يابت من هنا انا مش قادرة اعمل حاجه
ملك:عشان خاطرى
اسراء:لا
ملك:طيب
دخلت ملك اخدت شاور ولبست فستان ساده ازرق وعليه طرحه حمرا زى الكوفيه ونزلت تتمشى على البحر شوية وبعدين تقعد على البحر
الجرسون:تشربى حاجه يافندم
ملك:اه عصير برتقال لو سمحت
الجرسون:تحت امرك يافندم
تمسك ملك الروايه بتاعتها تقرأ فيها

اوكى ياجماعه الحفلة النهارده على الشاطئ والدعوه عامه للجميع

قالها عمر لكل اللى على الشاطئ اللى تقريبا كلهم اصحابه بس ملك هى اللى كانت قاعده وسطهم
خالد لعمر:عمر بص فى واحده جديده قاعده وسطنا
عمر:فين دى
خالد:هنالك اللى لابسه فستان ازرق
عمر:استنى هروح اشوفها

عند ملك وهى بتقرأ

عمر:هاى
نزلت ملك الكتاب:اهلا
عمر:حضرتك تعرفينى
ملك:لا اول مرة اشوف حضرتك فى حاجه
عمر:اصل المكان دا بيقعد فيه اصدقائى وانتى قاعده هنا فحبيت اسالك تعرفينى ولا لا
ملك:انا اسفه جدا معرفش انى فى مكان يخص حضرتك
قامت ملك وقفت وكملت كلامها:على العموم انا هقوم اقد فى مكان تانى
عمر:لا انا مش قصدى عادى اتفضلى ولو مش صحاب نبقي اصحاب
ملك: اهلا بحضرتك تشرفنا، بعد اذنك
تغادر ملك المكان بينما يأتى اليه صاحبه خالد
خالد:ايه اللى حصل
عمر:مفيش اعتزرت ومشيت
خالد:سبتها تمشى لا فالح
عمر:مش مشكله بقي يلا عشان نكمل تحضيرات الحفله
خالد:يلا

المراقب:تمام يافندم هى دلوقتى على الشاطئ لوحدها

....:خليك متابعها واى جديد بلغنى
المراقب:حاضر

فى المساء

ريم:هنروح فين
بسنت:احنا ننزل نتعشى وبعدين نتمشى شويه على البحر او ممكن نلاقى حفلات كتير هنا نروح اى واحده فيهم
اسلام:تمام
ينزلوا يتعشوا فى المطعم و...
ملك:علفكرة بقي مكنش ليها لازمه نيجى هنا انا زهقانه اكتر وقلبى مش مطمن
كريم:ابوس ايدك بلاش الكلمه دى انتى بتقوليها من هنا وبيحصل مصيبه
بسنت:هههههه اه والله فاكرة يوم الحادثه دا انتى كنتى زى ما يكون واخده حبوب هلوسه شويه تضحكى كتير اوى وبعدها تبكى كانك بتموتى
ملك:بس بقي متفكرونيش
اسراء:خضتينى عليكى خضه انا قطعت الخلف بعدها
الكل:ههههههههه
بس
قصة شباب طفلة الجزء الثاني بقلم إسراء محمود الفصل السابع عشر

بسنت:ماتيجوا نرقص الاغنية دى حلوة اوى

نور:يلا
اسراء:كريم ممكن ترقص معايا
كريم:اكيد اتفضلى
قام كل من اسراء وكريم وبسنت ونور واسلام وريم عشان يرقصوا
قام آسر وانحنى لملك وبابتسامه ساحرة:تسمحيلى بالرقصه دى
ملك:ههههه اسمحلك

وهما بيرقصوا

آسر:انا مبسوط اوى انى برقص معاكى ياملك
ملك:هههههه ليه
اسر:بصراحه بصراحه
ملك:ايوا بصراحه بصراحه
اسر:عشان انتى دلوقتى بين ايدى وفى حضنى
ملك وقد احمر وجهها خجلا:شكرا
اسر بإبتسامه فرحه رقص معاها بسرعه
ملك:علفكرة دا سلو مش رقص بلدى اهدى شويه
اسر:ههههه حاضر



بعد انتهاء الاغنية

ملك:ياعيال انا عايزه انزل البحر
اسراء:ماتنزلى
ملك:اولا مش بعرف اعوم ثانيا احنا بالليل
كريم:خلاص بكرا الصبح هعلمك
ملك بفرحه:ايه دا بجد
كريم:هههه اها
__من بعيد شويه
خالد:مش دى البنت اللى كانت على الشاطئ الصبح
عمر:اه هى
خالد:ما تروح تعزمها تيجى الحفله بتاعتنا
عمر:بس انا مش عارف اسمها
خالد:لماتروح ابقى اعرفه
عمر:ماشى

عند ملك وهى وافقه معاهم

وعمر جاى عليهم سمع حد بيقولها ياملك
فعرف اسمها
عمر:انسه ملك!
ملك:ايوه ايه دا انت؟!
عمر:احم انا عمر فكرانى
ملك:اه فكراك ،خير المكان دا بتاع حضرتك بردوا
عمر:لا فهمتينى غلط ،انا بس كنت حابب انك تشرفينى فى حفلتى
ملك:بس انا معايا ناس مش هينفع اسيبهم
بص عمر ليهم ورجع بصلها تانى: مش مشكلة يتفضلوا معاكى
ملك:اوك يلا
يمشوا وكريم واسر فى صوت واحد: ملك مين دا
ملك تقف تبصلهم وتفطس من الضحك
عمر:فى حاجه ياملك
ملك:لالا ابدا ،انا جايه اهو
كريم وآسر يبصوا لبعض ويتغاظوا من ملك اوى ويمشوا وراها
عمر لملك وبسنت وريم واسراء:عجبتكم الحفله
بسنت،ريم،اسراء:اها اوى
عمر وانتى ياملك
ملك:جميلة
عمر:انتى الأجمل اكيد
ملك:شكرا
اسلام ونور وكريم واسر
نور راح لبسنت:بسنت
بسنت:نعم
نور:تعالى عايزك
بسنت:حاضر بعد اذنكوا
وإسلام كذلك بس مع ريم
فضل كريم وآسر ،ومع عمر اسراء وملك
اسراء: عن اذنكوا ،ملك انا طالعه فوق شويه
ملك:ليه
اسراء:هكلم ساهر
ملك:سلميلى عليه اوى وخليه يجى بسرعه
اسراء:حاضر
تغادر اسراء المكان بينما يسال عمر ملك
عمر:ملك ممكن سؤال
ملك:اتفضل
عمر:هو مين ساهر دا
ملك:بتسال ليه
عمر:انا اسف
ملك:هههه انا بهزر ساهر دا اخويا واللى هناك دا اسر ابن عمتى والى جمبه كريم ابن خالى وابن عمتى بردوا واللى هناك مع بسنت دا نور ابن عمى واسلام بردوا ابن عمى يعنى احنا كلنا عيلة واحده مش زى ما انت فاكر او معتقد
عمر:فاكر ايه!
ملك:يعنى تكون فاكر مثلا اننا مجموعه شباب وبنات متصاحبين وجايين يقضوا يومين
عمر:مين قالك بقي انى فاكر كدا؟
ملك:محدش بس باين فى عينك عادى
عمر:ماشى ياست ملك
ملك:صح انت عرفت اسمى ازاى مفتكرش انى قولتلك اسمى
عمر:وانا جاى اعزمك سمعت اسراء بتقولك ياملك بطلى بقي فعرفت اسمك
ملك:هههههه ماشى
اتى آسر اليهم ومعه كريم
اسر:اجيب اتنين لمون
ملك بمرح:انت عارف انى مش بحبه
كريم:امال بتحبى ايه المانجه
ملك:اها بموت فيها هههههه
_ واحده تيجى عليهم وهما قاعدين على الترابيزه
انجى(صاحبه كريم):ايه دا كريم اذيك عامل ايه واحشنى اوى
سلمت عليه وحضنته
كريم:انجى اذيك انتى بتعملى ايه هنا
انجى:انا جاية مع بابا اغير جو وانت
كريم:انا بردوا بس جاى مع قرايبى
انجى:مساء الخير
الكل:مساء النور
كريم:دى ملك ودا اسر قرايبى ودا..
قاطعته مكمله: عرفاه طبعا عمر اسماعيل ابن صاحب الفندق تشرفنا
الكل:شكرا
انجى:تعالا معايا دا بابا هيفرح اوى لما يشوفك
كريم:اوك يلا ،بعد اذنكم
يأتى خالد لعمر
خالد:عمر انت قاعد هنا والشلة كلها قالبة الدنيا عليك
آسر بدهشه:خالد مصيلحى
خالد بصدمه فرح:آسر نبيل
اسر:واحشنى ياصاحبى
خالد:وانت كمان يا اسوره واحشنى اوى اوى عاش من شافك ياجدع
عمر:ايه دا انتو تعرفوا بعض
خالد:عز المعرفه
اسر:من ايام المدرسه
خالد:تعالا انت واحشنى اوى
اسر:بعد اذنكوا
عمر،ملك:اتفضل
(ملك حست انها فرحانه اوى لما شافت اسر فرحان انه شاف صاحبه بس مش عارفه ليه حست بكدا)

عند اسراء

اسراء بحزن:يعنى ايه ياساهر مش هتيجى
ساهر:بصي لو جيت اخر الأسبوع ممكن نمد الأجازه شويه يومين كمان
اسراء:ماشى ياساهر براحتك
ساهر:خلاص بقي والله غصب عنى والله بعمل اقصى جهد عشان اخلص الشغل اللى عليا بدرى والحق اجيلك
اسراء:ربنا معاك ياساهر يارب
ساهر:يااااه احلى دعوه من احلى بنت فى حياتى ،هو فرحنا امتى بقي
اسراء:مش عارفه اسال اونكل فريد
ساهر:هههه عونايا
اسراء:ملك بتلم عليك كتير وبتقولك تعالا بسرعه
ساهر:طمنينى عليها هى كويسه
اسراء:اها الحمدلله
ساهر:خلى بالك منها

رانيا:عمر انت فين يابنى بدور عليك من بدرى ايه دا مين دى

عمر:دى ملك ملك دى رانيا
ملك:اهلا
رانيا بقرف:اهلا
تشد رانيا عمر من ايده:يلا بقي يا بيبى عشان نرقص
عمر:لا روحى انتى
رانيا:مش هينفع يلا بقي
ملك:ممكن عادى تتفضل
عمر:ماتيجى معانا
ملك:لا شكرا
_يمشى عمر مع رانيا وتفضل ملك لوحدها
يأتى شخص الى ملك ليحدثها
طه:ملك
ملك بصدمه تجعلها تُوتهته فى الكلام: ط طه انت بتعمل ايه هنا
طه:انا بشتغل هنا ،انتى اللى بتعملى ايه هنا
ملك بعيون حمرا: أ أجازة مع قرايبى
طه بضيق:قرايبك ،طب بعداذنك
ملك: أ أستنى بس
طه:نعم
ملك:هو هو سلوى ومريم والولاد اخبرهم ايه
طه:الحمدلله كويسين
ملك:واستاذ سامى
طه بحزن:تعبان اوى ياملك
ملك بدموع:هو فى السجن مش كدا
طه:ايوه وماما كمان
تسمع ملك كلمت ماما تنفزع وتفتكر الكوابيس اللى كانت بتحلم بيها
طه:ملك انا عارف انهم غلطانين بس مكنش لازم يحصل كدا معاهم وهما فى السن دا
ملك: انت كنت عارف انى مش اختك صح
طه:ايوا
ملك وقد ازدادت دموعها:وكنت عادى كدا بتسبنى انام معاك فى الأوضة
طه:يعلم ربنا عمرى ماشوفتك غير اختى اختى وبس
جلست ملك على الكرسى وهى فى حالة انهيار وبدات تبكى بصوت واضح جدا والدموع فى عيونها زى الشلالات
طه يمسك اديها: ملك اهدى عشان خاطرى لو اضايقتى انك شوفتينى انا مستعد اختفى من هنا ومتشوفيش وشى تانى ،انا اسف مش قاصد اضايقك
ملك بدموع:انا افتكرت حجات كتير..
قصة شباب طفلة الجزء الثاني بقلم إسراء محمود الفصل الثامن عشر

ملك بدموع: انا افتكرت حجات كتير اوى

طه: طب لو ليا خاطر عندك اهدى
ملك بتهتها: حاحاضر ااهو ههديت اهو اهو
وبدأت تمسح دموعها بشكل عشوائى
فى ذلك الوقت يكون قد وصل كريم بعد ان سلم على محمود والد انجى ويرى ملك وهى تبكى وشخص ما مُمسك بيدها
كريم بخضه: ملك مالك فيكى ايه
نظر لطه ثم قال بإنزعاج: انت مين؟!!!
طه: انا طه اخو (كان على وشك ان يقول انه اخو ملك وسرعان ما سحبها)
اقصد بشتغل فى الفندق
كريم بعصبيه: بتعمل ايه هنا روح على شغلك يلا
ملك وهى لزالت تبكى: استنى ياطه
كريم:انتى تعرفيه
ملك:ايوه
تكون اسراء انهت المكالمه ونازله لملك
اسراء: ملك حبيبتى مالك بتعيطى كدا ليه فى ايه
ملك:دادا طه

اسراء بتعجب:طه! هو ايه اللى جابو هنا

كريم:ماتفهمونى فى ايه اسراء:هفهمك بعدين
تقوم اسراء بالإتصال بآسر لأنها تعلم انه الوحيد قادر على تهدئتها
فى ذلك الوقت يكون قد وصل الجميع بما فيهم آسر
آسر:ملك ملك اهدى ياحبيبتى
طه:ملك امشى عشان تهدى
ملك:لا خليك
آسر:خلاص اهدى دا مش هيحصل تانى صدقينى شيلى كل الأفكار دى من عقلك مفيش اى كوابيس هتجيلك تانى
ومن ثم اخدها فى حضنه واكمل بصوت هادئ: اهدى اهدى مفيش حاجه خلاص
بدأت ملك تستعيد هدوئها آسر:طه لو سمحت روح على شغلك
عمربتعجب: طه انت عملت ايه لملك خلاها كدا
طه:والله ما عملت حاجه
عمر بلهجه آمر: اتفضل حسابى معاك بعدين
طه: حاضر يافندم
ملك لعمر:لو سمحت ياعمر ماتعملوش حاجه هو ملهوش اى ذنب انا اللى افتكرت حاجه ضايقتنى
عمر:خلاص اهدى انتى بس
يأخد عمر ملك ويطلعها اوضتها ومعاهم ريم
اما الباقى جلس واخذت اسراء تقص عليهم ماحدث مع ملك واكمل آسر حديثها موضحا ما عانت منه من كوابيس وانها افتكرت كل ما حدث لهما عندما رأت طه ابن ثريه
بسنت:ياحبيبتى ياملك
اسلام:علفكرة بقي احنا لازم نخرجها من المود دا بأى طريقه ومنسبهاش لوحدها وفى نفس الوقت نبعد طه عنها من غير ماتلاحظ دا
نور:صح ،هى لو فضلت كدا هيحصلها حاجه
كريم:خلاص من بكره نبقي نبطشيات معاها المهم منسبهاش لوحدها
اسراء:عندك حق وانا معاك ،انا هطلعلها فوق وانام معاها النهارده
آسر:ماشى
ثم اكمل بخنقه وخلى عمر ينزل من عندها عشان تعرف ترتاح
اسراء:حاضر
بسنت:استنى انا هاجى معاكى
اسراء:تعالى

عند ملك

عمر:اهدى بقي وفوقى كدا انا طلبتلك عصير عشان تهدى
ملك:لا انا هنام مش قادرة
ريم:خلاص براحتك بس اهم حاجه انك ترتاحى
_الباب يخبط وتدخل اسراء وبسنت
اسراء بمرح:لوكا حبيبتى عامله ايه دلوقتى
ملك:الحمدلله
بسنت بمرح:شوفتيش انتى كريم كان عامل ازاى لما بكيتى كان عامل زى المجنون
اسراء لعمر: استاذ عمر ممكن طلب
عمر:اتفضلى
اسراء:بما ان حضرتك صاحب الفندق او بمعنى اصح ابن صاحب الفندق
ممكن الغى الحجز بتاع الأوضه بتاعتى عشان هفضل مع ملك فى اوضتها
عمر:بس كدا تحت امرك
اسراء:متشكرة جدا
عمر بإبتسامه:العفو على ايه استأذن انا بقي عشان ترتاحى ياملك
ثم يغادر
اسراء لملك:علفكرة مفيش نوم دلوقتى خالص
ملك:ليه بقي ان شاء الله
ريم:يابت سبيها ترتاح
اسراء بمرح:لالالالا انا قولت مفيش نوم السهرة هتبقي صباحى دا حتى دا اول يوم لينا هنا
ملك:هنعمل ايه!
اسراء لريم: ريم انزلى نادى للعيال من تحت وانتى يابسنت اطلبى عصاير وشبسيات وانا هروح اجيب هدومى من الأوضه التانيه وأجى
ثم اكملت وهى تنظر لملك :وانتى يافالحه غيرى هدومك عشان هنقعد كتير
ملك:ماشى
_ذهب الجميع لينفذ ماقالته إسراء
وبعد وقت قصير يكون جميعهم قد اجتمعوا
ويبدؤا السهرة
ثم ينتهى اليوم

فى اليوم التالى

يخرجوا كلهم يتفسحوا ويلفوا شرم
وملك تبقي فرحانه اوى لأنها اول مرة تشوف الأماكن دى
ويعدى اليوم على خير بدون اى مشاكل والكل ينام مبسوط

فى اليوم الذى يليه

كريم:النهارده انا عايز اخرج مع ملك لوحدينا
بسنت:ليه بقي ان شاء الله
كريم:احم عايزها فى موضوع
اسراء بمرح:احلف
كريم:بطلوا رخامه بقي وبعدين انتو مالكو انتو انا هخرج معاكو ولا معاها ،ها ايه رأيك يالوكا
ملك:معنديش مانع
ريم بهزار: الله يسهلوو
كريم بضيق:انتو عيال فظيعه
إسراء لملك بصوت غير مسموع للجميع: يسلام لو كان آسر هنا دلوقتى وسمعه كان قلب الدنيا
ملك:ليه انشاء الله هو غريب كريم دا اخويا
كريم يتدخل فى الحديث: انا سمعت اسم كريم
اسراء بضحك: كانت بتقول كريم دا اخويا
كريم بضيق: والله طب كويس
ملك:جداً
عمر بابتسامه من بعيد شويه:ملك
ملك: اهلا ياعمر اذيك

فى مكان تانى

عند آسر
آسر: عايزك بقي توضبلى المكان دا ويبقى رومانسى كدا اخر جاحه ويكون بعيد عن دوشه الحفله
خالد: ايوه بقي ليك ولملك صح
آسر بخجل: احم يعنى مش اوى
خالد بضحك:مش اوى حاضر ياعم كل اللى انت عايزه هيكون جاهز
آسر: تسلم ياحبيب قلبى
قصة شباب طفلة الجزء الثاني بقلم إسراء محمود الفصل التاسع عشر

فى القاهره

نيرة لشرين:العيال دول وحشونى اوى
شرين:فعلا وحشونى جدا ،ماتكلميهم يانيرة
شرين:هكلم ملك اكيد الباقى معاها

كانت ملك جالسه برفقة عمر واولاد عمها ثم يرن هاتفها

ملك بفرح:الو عمتووو وحشانى اوى
نيرة:وانتى كمان ياروح قلبى وحشانى موت ،عاملين ايه كلكو طمنونى عليكو
ملك:الحمد لله ياعمتو كلنا بخير
نيرة:الحمدلله ياحبيبت قلبى
شرين لنيرة:خليها تديكى اسلام ونور عايزه اكلمهم
نيرة لملك:اسلام عندك شرين عايزه تكلمهم
ملك:ايوه هنا خديه معاكى اهو، اسلام كلم طنط شرين
اسلام:الو ياماما وحشانى اوى
شرين بلهفه:الحمدلله ياحبيبى وانت كمان واحشنى اوى اخبارك ايه انت ونور
اسلام:الحمدلله كلنا بخير. نور معاكى اهو
عمر لملك: دى عمتك
ملك:ايوه

عمر:سورى فى السرال يعنى هى مامتك متوفيه؟

ملك:ايوه
عمر:الله يرحمها
ملك:يارب

فى المساء

كانت اسراء واقفه امام غرفة ملك تناديها
اسراء:اخلصى يابنتى بقي دا كله بتلبسى
ملك:خلاص انا جاهزه اهو
اسراء بدهشه:اوباا ايه الحلاوة دى شكلك حلو اوى
ملك:هههه اموره مش كدا
اسراء بمرح:مش اوى يعنى
ملك بمرح:طب يلا ننزل عشان ميزعقوش

كريم لملك:ايه الحلاوه دى

ملك:ميرسى ميرسى
آسر بكل حب لملك: ملك تعالى فى حاجه عايزه اوريهالك
كريم:لا ملك جايه معايا انا ،انا اللى عازمها عالعشا
ملك: علفكره لسه بدرى على العشا ،هروح مع آسر ولما اجى نتعشا سوا
اسراء بمرح: هاهاها كسفه
كريم بضيق:بس يابت انتى
اسر بفرحه:يلا يالوكا
ملك بابتسامه:يلا
كريم بخنق:عجبكوا كدا نقيتوا عليا اهى راحت مع آسر
بسنت:ههههه تستاهل احسن
ريم:فيها ايه اكيد عايز يقولها حاجه
اسراء بحب:يابختك ياملك عندك حد بيموت فيكى
نور:مين دا؟
اسراء:هو فى غيرة آسر طبعا
اسلام:فعلا انا كمان شايف كدا
شعرت بسنت بضيق كريم فقالت:خلاص بقي بطلوا رغى

وصل كلا من آسر وملك الى مكان حيث الموسيقى الهادئه والسماء الصافيه

مكان تملأه الشموع من جهه ويحاوطه البحر من الجهه الاخرى
ملك بابتسامه مبهرة:الله المكان جميل اوى
آسر بحب:عجبك
ملك:اه جدا
آسربحب: دا علشانك انتى بس
ملك وعيناها لامعه بفرحه: انا؟
آسر بابتسامه جذابة:ايوه

فى القاهره

إياد: الى انت حكيته دا متاكد منه
ساهر:ايوه طبعا
اياد بستغراب: يعنى خالك وخال ملك ايمه عادل؟
ساهر:ايوه فى حاجه
قام اياد من مقعده وهو يقول اثناء سيرة:

قام اياد من مقعده وهو يقول اثناء سيرة:الاسم دا انا سمعته قبل كدا بس مش فاكر فين

ساهر:ليه فى ايه
إياد وهو يحاول ان يتذكر
Flach Back
اياد وهو يستجوب سامى: انت فاكر اسمه ايه
سامى: اه تقريبا سمعت المعلم بتاعنا وهو بيقوله ياعادل بيه
Back
اياد: افتكرت
ساهر:ايه
اياد:احنا لازم نروح السجن حالا
ساهر:فى ايه
اياد:هقولك فى الطريق بس بسرعه دلوقتى
ساهر:ماشى
اياد:استنى معاك صورة لخالك
ساهر: اه ملك كانت بعتتلى ليه صوره
اياد:طب تمام يلا

ملك:بجد شكرا ليك اوى يا آسر انا مش عارفه اقولك ايه انت ديما اى حاجه بتعملها بتكون حلوه اوى

آسر وقد بدى عليه التردد: ملك انا عايز اقولك حاجه
ملك بإستماع:اتفضل طبعا سماعك
(كادت ضربات قلب آسر ان تخترق اضلعه فهو ليس قادرا على مواجهة ملك بحبه الشديد لها)
آسر بتوتر محاولا ازالته بابتسامه: امم تسمحيلى بالرقصه دى
(وضعت ملك يدها على فمها مذهوله وقالت بأعين تشع بالبهجه والفرح)
ملك بابتسامه صافيه: اسمحلك
(ارتسمحت ابتسامه واسعه على شفتى آسر وأمسك يدها برفق وشرع فى الرقص سويا)

فى القاهر

وصلا كلا من اياد وساهر السجن وذهبوا مسرعا الى حيث سجن سامى
ساهر:مش هتفهمنى بقي انت جايبنى هنا ليه وايه اللى حصلك؟
اياد: هقولك ،انت قولتلى ان خالك الى طلع ليكو فجأه دا اسمه عادل
ساهر:ايوه
اياد:الاسم دا كان سامى والد ملك اللى كان خاطفها قاله قبل كدا فى التحقيقات وان اللى اجر البلطجيه عشان يخطفوا ملك دا كان اسمه عادل لانه سمع معلمهم بيناديلو بيه
ساهر بتشكك: قصدك ايه؟
اياد:قصدى ان ممكن يكون خالك عادل هو اللى بعت ورا اختك عشان يخطفها
ساهر:لاطبعا هو هيعمل كدا ليه
اياد:الله اعلم على العموم هنعرف دلوقتى
ساهر:طب احنا فى السجن ليه
اياد:مش انت معاك صوره خالك هنوريه لسامى هو كان قايل انه عارف شكله لو عرفه يبقى هو اللى خطف ملك
ساهر بعجله:طب مستنى ايه يلا نروحله بسرعه
اياد للعسكرى:هاتلى المسجون سامى سالم من الزنزانة
العسكرى:امرك يافندم

(فى غضون لحظات وصل سامى اليهم)

اياد:اقعد ياسامى
سامى بملامح هزيله:امرك يابيه
اياد:كنت قولتلى قبل كدا ان اللى كان عايز يخطف ملك اسمه عادل وانك لو شوفته هتعرفه مش كدا
(سمع سامى كلمه ملك وصمت وكأنه يطوق مقابلتها)
اياد:حج سامى انت معايا
افاق سامى من غفلته وقال: ايوه يابيه هعرفه
قصة شباب طفلة الجزء الثاني بقلم إسراء محمود الفصل العشرون

فى شرم

اخذ آسر يتبادل الحديث مع ملك واحيانا يلمح لها آسر بأنه يحبها
ولكن ملك كانت ولازالت لا تفقه شئ
_ وبينما كانوا يتحدثان كان هناك من يراقب تحركاتهم ينتظر لحظه الصفر مشهراً سلاحه فى اتجاه فريسته التاليه

فى السجن

اياد لساهر:هات الصوره
ساهر:خد
اياد: هو دا عادل اللى قولت عليه
سامى بلهفه ونبرة ثقه: ايوه يابيه هو دا
*تسارعت دقات قلب ساهر وكأنه لم يكن يريد سماع ان خاله هو من قام بخطف اخته واراد قتلها ،ولكن حدثت المفاجأة حينما سمع اياد يخاطبه قائلا..*
اياد:مش دا عادل قصدى اللى جمبه
سامى:لا يابيه دا اللى أجر على ملك وأشار بيده على صورة مروان الواقف بجوار عادل فى الصوره.

ذهب ساهر مسرعا الى حيث الصورة

اياد:ياحج سامى ركز هو دا عادل
سامى بثقه: يابيه انا مركز كويس اوى هو دا عادل واشار بيده على مروان وأكد، هو دا اللى كان بيتكلم والمعلم بتاعنا كان بيقوله ياعادل بيه
* نظر اياد الى ساهر بينما كان ساهر ينظر الى الصوره وعيناه تشع شراراً حينما علم ان مروان هو من كان يريد قتل اخته
وتذكر حينها كلام ملك*

Flach Back

ساهر:يابنتى انتى مالك خايفه كدا ليه
ملك بضيق:مش عارفه ليه بخاف اول مابشوف مروان دا بحس انه بيبصلى بصات مش طبيعيه ،بخاف منه اوى
Back
ساهر بغضب:يابن ال...
اياد:ساهر اهدى
(اخذ العسكرى سامى ليرجعه الى سجنه)
بينما مضى ساهر مسرعا للخارج
اياد:ساهر استنى رايح فين

ساهر وهو يسير:رايح لملك اكيد فى خطر عليها

اياد:طب استنى انا هاجى معاك
ساهر وهو يركب سيارته:لاخليك انت هنا انا هروح لوحدى
اياد:طب خلى بالك
*انطلق ساهر مسرعا وكانه يسابق الزمن*
وفى طريقه لشرم قام ساهر بالإتصال بملك عده مرات ولكنها لم ترد
ساهر بعصبيه وصوت مرتفع وكأنه يخرج معه كل ما يحمله من خوف وقلق: ردددددددددددى بقى

فى الحفلة وسط الضجه العارمه

لاحظ كريم هاتف ملك وكان ساهر من يتصل فقام ورد عليه..
كريم:الو
ساهر بلهفه:الو ملك
كريم:انا كريم مش ملك
ساهر بعصبيه افقدته السيطره:فيييييييييين ملك
كريم بقلق:ملك مع اسر بعيد شويه
ساهر بصوت مرتفع:روحلها وادهالى بسرررعه
كريم:حاضر حاضر
ساهر:يلا

عند ملك

تلقى القناص مكالمه هاتفيه
__:نفذ
القناص:تمام
اغلق القناص الهاتف
امسك جيدا بسلاحه محددا هدفه المراد تصفيته
^بالحركه البطيئه^
تنطلق الرصاصه لتستقر بقلب__

تذهب الرصاصه الى حيث الحبيبين لتستقر بقلب آسر ليقع إثرها على الأرض مغشى عليه

ملك بصراخ :آآآآآسااااااااار
آسر فوق يا آسر فوق
& لم تمر لحظات لتجد ملك من يمسك يدها بشده ليأخدها الى عربه بيضاء&
ملك بصراخ: ايه دا لا سيبونى آآساااار خليهم يسيبونى آسااااار آسااااااااار يا آساااااااااااار

°ذهب كريم مسرعا الى ملك ليرى مشهدا لم يتصور قط انه قد يراه فى يوم ليقف مذهولا للحظات ليستوعب ماذا رأى

فقد رأى آسر ملقا على الارض وسط الدماء
واناس آخرين ممسكين بملك وهى تصرخ بحرقه ليلقوا بها فى سياره لم يراها من قبل
كريم بفزع: ملااااك واخذ يركض مسرعا نحو السيارة ولكن دون جدوى فعاد مسرعا الى آسر

سمع ساهر صوت كريم وهو يصرخ مناديا ملك

فصرخ هو ايضا بإسمها وادرك ان مكروه ما قد اصابها
فزاد سرعته الى حد الجنون كأنه يسابق الزمن ليصل الى اخته

عندما عاد كريم الى اسر وجده لايزال ينزف فصرخ مستغيث يارب

وذهب مسرعا الى اصدقائه لينقذوا آسر
اسلام: ايه يابنى مالك بتجرى كدا ليه
كريم يتنفس بسرعه غير قادر على الكلام
اسراء: ماتنطق في ايه
كريم: آسر انضرب بالنار
الجميع بدهشه: اييييه

ذهبوا جميعا اليه وقام عمر باحضار الاسعاف ونقلوه الى المستشفى

وهناك قص لهم كريم ماحدث
اسراء بإنهيار: يعنى ايه فين ملك ومين الناس دى
كريم: مش عارف
اسراء: يعنى ايه مش عارف انا عايزه ملك هاتولى ملك
ريم: اهدى يا اسراء ان شاء الله خير
اسراء بعصبيه: خير ايه ملك اتخطفت انا عايزه ملك
بسنت لكريم:گلم إسلام وعمر شوفهم عملوا ايه
اخرج كريم هاتفه واتصل بعمر
عمر: الو

كريم: عملت ايه

عمر: انا كلمت البوليس وانا واسلام بندور عليها هنا
كريم: لوفى اى جديد كلمنى
عمر: اكيد سلام
اسراء وهى فى حاله بكاء هستيرى انا لازم اكلم ساهر

سمع كريم كلمه ساهر تذكر انه كان يحادثه عندما ذهب الى ملك

كريم: ينهار اسود ساهر كان معايا على الخط ياربيي
كان ساهر قد اوشك على الوصول ليجد اسراء تتصل به فاجاب على الفور
ساهر: اسراء ملك حصلها حاجه
اسراء: ساهر الحقنا
ساهر بفزع: ملك حصلها ايه

اسراء ببكاء: ملك اتخطفت وآسر انضرب بالنار واحنا فى المستشفى دلوقتى

وقع عليه الخبر كالصاعقة أحس بأن اطرافه قد تجمدت لوهله ظن بانه قد فقد ملك اخته الصغيرة
اسراء: ساهر انت سمعنى
ساهر: انا جاى حالا انتو فى مستشفى ايه

قامت اسراء بالاغلاق معه ولكنها مازالت تبكى

وبعد دقائق خرج الدكتور من غرفه العمليات فذهبوا اليه مسرعين
كريم: هو بخير صح
الدكتور: يؤسفنى إنى اقولكم ان الوع حرج جدا الرصاصه فرقت حاجه بسيطه جدا عن القلب كان ممكن يموت لولا انكم لحقتوه
اسراء: يعنى هو كويس ولا ايه
الدكتور: خلينى اكون صريح معاكوا احنا خرجنا الرصاصه اه لكن الوضع لسه مش مستقر ادعوله يقوم بالسلامه
إسراء ببكاء: يارب

عند ملك

قام بعض الأشخاص غريبوا الاطوال بتخدير ملك ومن ثم نقلها الى سياره اخرى متجهه نحو المطار
وفى خلال دقائق معدوده كانت ملك على متن طائره خاصة تقودها الى خارج مصر تحديدا فرنسا

باسم بثقه: البروف بتاعنا

مروان: وصلت ولالسه
باسم وهو ينظر فى ساعته: كلها ربع ساعه وتكون هنا سعادتك
مروان: برافو خلى بالك منها
باسم بمكر: فى عنيا يابروف، حضرتك هتوصل امتى
مروان: فى كام حاجة كدا فى مصر هخلصها وآجى، باسم لتانى مره بقولك خلى بالك من ملك بلاش الحركات بتاعتك دى عشان لو عرفت انك عملتلها حاجه مش هيحصل كويس

باسم: امرك يابروف

(باسم شاب فى اواخر العشرينات الذراع الايمن لمروان يعرف كل حاجه عن مروان او معظمها يعنى شخصيه ذكيه جدآ وجذاب جدا جدا لدرجه ساحره)

فى مصر

وصل ساهر المستشفي وذهب مسرعا اليهم ليجد كريم ونور واقفان واسراء فى حاله لاتحسد عليها وبجوارها ريم وبسنت
وما ان رأته اسراء حتى ذهبت مسرعه اليه بأعين حمراوات لترتمى فى احضانه وتبكى بحرقه
فيقوم بتهدأتها
ساهر: اهدي ياإسراء عاشان خاطرى انا مش ناقص
اسراء: انا عايزه ملك
ساهر: طب اهدى عشان اعرف اتصرف
نظر ساهر الى كريم وكاد ان يتحدث حتى رأى عمر قادم بصحبه اسلام ليخبراهم بآخر الأخبار
عمر: للأسف دورنا فى كل مكان ملهاش أثر
كريم لساهر: داعمر ابن صاحب الفندق

شرد ساهر للحظات ثم قال: عمر تعالى عايزك

عمر: ماشى اتفضل
~~ فى مكان بعيد عنهم شويه
عمر: خير فى حاجه
ساهر: ايوه كنت عايز اعرف حد نزل عندكوا الفندق باسم مروان بهجت او فى فندق من الفنادق اللى حواليك
عمر: مم هسألك حاضر بس ليه
ساهر: بعدين اقولك شوفلى بس بسرعه فى حد نزل ولا ولما توصل لحاجة كلم كريم
عمر: حاضر

ْ°ذهب عمر بينما عاد ساهر اليهم

كريم:هو راح فين
ساهر: فى حاجه قولتله يعملها، المهم آسر عامل ايه
بسنت: حالته خطر اوى ربنا يستر
ساهر: يارب، حد اتصل بيهم فى البيت قالهم حاجه
كريم: لا
ساهر: كويس محدش يقولهم حاجه لحد مانشوف هنعمل ايه

فى الفندق

الموظف: فى حاجه ياعمر بيه
عمر: اخبار المكان ايه
الموظف: حضرتك البوليس لسه شغال فى المكان اللى حصل فيه الحادث
عمر: طيب شوفلى نزيل هنا باسم مروان بهجت
الموظف: لايافندم مفيش حد بالإسم دا
عمر: ابعت حد للفنادق اللى جمبنا يسأل عن الأسم دا ولو لقيته كلمنى فورا
الموظف: تحت امرك يافندم

(وفى وسط هذه الأحداث وظهور الأمن فى المكان قام احد الصحفيين المرتزقين بإرسال الخبر الى الجريده ومرفق معه صوره لآسر وهو غارق فى دمه ليكون هذا الخبر هو المانشت الرئيسى للصحيفه غداً وباقى الصُحف ايضاً

*اختطاف ابنة رجل الأعمال المشهور المهندس فريد السباعى وإصابة ابن اخته بطلق نارى*

فى الفندق

جلس عمر فى انتظار المكالمة
قام الموظف بالإتصال بعمر ليخبره انه قد وجد اسم مروان وعرف فى اى غرفه قد نزل
اخد عمر التفاصيل وعلى الفور انطلق مسرعا للمشفى ليخبر ساهر
وما ان اخبره حتى ذهب مسرعاً اليه وعينه لاتبشر بالخير

وباقي الفصول اتباعا كل يوم

iklan banner

Abdulrhman Sayed
كاتب المقالة
كاتب ومحرر اخبار اعمل في موقع قصص وروايات .

جديد قسم :