رواية ما بعد الرحيل الفصول 11-20 للكاتبة ياسمين أحمد





رواية ما بعد الرحيل للكاتبة ياسمين أحمد الفصل الحادي عشر

تانى يوم الصبح قررت داليا انها تروح القصر بحجه انها عاوزة تتطمن على جاسم راحت ورنت الجرس والخادمه فتحت لها .

داليا بعجرفه : سيدك صحى ولالسه .
الخادمه : ايوة ياستى صحى .
داليا : طب انا طالعه له اهوة وحضرى لنا الفطار علشان انا عاوزة افطر معاة .
الخادمه : حاضر ياستى تأمرينى بحاجه تانيه .
داليا : لا خلاص روحى شوفى شغلك انتى .

داليا طلعت سلالم القصر وراحت لحد اوضته وخبطت مرة واحدة وجاسم اذن للطارق بالدخول .

جاسم : اتفضل .
داليا دخلت بمسكنه ودلع واترمت فى حضنه وبتمثل زعلها علشانه اما تحت فى المطبخ فكانت الخادمه دخلت علشان تعمل الفطار وكانت الدادة جت ودخلت علشان تساعدها .
ام ايمن : البيه صحى ياعدلات .
عدلات : ايوة ومعاه الست داليا انا بعمل الفطار اهوة وهاطلع بيه للبيه والست هانم .
ام ايمن : لاروحى شوفى كنتى بتعملى ايه وانا اللى هاحضر الفطار بنفسى .
عدلات : ماشى انا هاشوف ايه اللى ناقص اشتريه عن اذنك ياست ام ايمن .
ام ايمن : ماشى اتفضلى انتى .

عند داليا .

داليا بدلع : حبيبى عامل ايه النهاردة مش احسن شوية .
جاسم ببرود : انا الحمد لله كويس .
داليا بمسكنه : تؤتؤ شكلك مش كويس خالص مالك بس حبيبى متضايق ليه .
جاسم بصلها بشك : كنتى فين وقت المسابقه بنص ساعه ياداليا.
داليا بصتله بصدمه وحست انه كشفها فاتكلمت بعدم تبرير : انت بتشك فيا ياجاسم ؟
جاسم بصلها بشك : برضه ماجوبتنيش على سؤالى كنتى فين قبل ماتبدأ المسابقه؟

داليا بصتله واتكلمت بدلع :اخص عليك انت بتشك فى حبى لك ايه .

جاسم بصلها وضيق عينه واتكلم بضيق :ايوة ايوة بشك فيكى لانك ماكنتيش موجودة قبل المسابقه ماتبدأ ومع ذلك مصرة انك تكدبى.
داليا بزهق :لا طبعا انا مابكدبش عليك
جاسم بعصبيه : لا بتكدبى وفى اللى شافوكى وانتى واقفه مع شريف بتتكلموا مع بعض كنتو بتتكلموا فى ايه ومن غير كدب.

داليا بعصبيه وبتبرير كملت: لا دة كتير اوى انا مش هاسمح لك انك تشك فيا اكتر من كدة اوك وبعدين اللى شافونى دول عندك دليل ولو واحد فى المليون انى ماكنتش موجودة ؟ ثانيا شريف ماكنش فاضى لانه كان بيستعد علشان يركب الحصان بتاعه فماكنش فاضى علشان اتكلم معاة وعلى العموم أنا فى التوقيت دة كنت قاعدة كمتفرجه زى باقى المتفرجين واللى بلغك الكلام دة كداب وبعدين هى تصرفاتى هاتعجبك ليه ماأنت خلاص لقيت اللى هاتضيع وقت فراغك .

جاسم بتحذير : اوعى تانى مرة تكلمينى باللهجه دى انتى سامعه ولالا وبلاش اسلوبك المستفز دة معايا وخليكى صريحه ودوغرى تقصدى مين بكلامك دة .

داليا بغيظ وبتجز على اسنانها : وهايكون مين غير ست مايسه اللى شايفه نفسها ست الحسن والجمال وهى ماتسواش بصله واللى شقلبت حالك من يوم ماظهرت فجاه .

جاسم بحدة : حاسبى على كل كلمه بتقوليها علشان مايسه بنت مؤدبه
داليا بعصبيه : يعنى هى اللى مؤدبه وانا اللى قليله الادب ماشى ياجاسم .
جاسم بنفاد صبر : انا تعبان اتفضلى بقى من غير مطرود.
داليا بصدمه واتكلمت بنرفزه :انت بتطردنى ماشى بس لازم تعرف انى بحبك سواء صدقتنى ولالا ومش هاسمح لاى واحده تانيه انها تاخدك او تخطفك منى حتى لو قتلتها بايدى.
جاسم بصلها وصعق من كلامها والغضب بان فى عينيه.
داليا : مالك حبيبى سكت كدة ليه .
جاسم :داليا اتفضلى لو سمحتى اطلعى برة.
داليا بغل : ماشى ياجاسم انا ماشيه بس ابقى خلى ست مايسه تنفعك.

سابته وهى النار بتأكل فيها شويه وام ايمن طلعت وهى شايله صنيه الاكل داليا خبطت فيها والاكل وقع على الارض وداليا بصت لها بقرف واتكلمت بعجرفه : مش تفتحى ياعاميه ........ وطلعت تجرى وهى بتقول ياشر شيطان اما ام ايمن فشالت الصنيه ورجعت تانى المطبخ وعملت اكل تانى ودخلته تانى لجاسم بس لقيته قاعد وسرحان وبيعيد ترتيب كل اللى حصل من يوم حادثه المسابقه وقربها من شريف وبيفكر فى كلام صاحبه امجد اللى دايما كان بيحذرة منها .

ام ايمن : مالك يابنى؟
جاسم انتبه : ها لاابدا يادادة مافيش .
ام ايمن : عاوز الحق ؟ الست داليا دى عمرى مااستريحت لها .

جاسم بحزن : لا وانا اللى كنت فاكر انها بتحبينى طلعت بتضحك عليا وكمان اتفقت مع شريف انهم يخلصوا منى.

ام ايمن ضربت بايدها على صدرها بصدمه : يالهوى معقول ياجاسم يابنى اللى بتقوله دة ؟
جاسم : هو دة اللى حصل يادادة .
ام ايمن : طب وبعدين يابنى .
جاسم : ولا قبلين يادادة خلاص انا هافسخ خطوبتى بيها اللى تتأمر ضدى ماتنفعش تكمل معايا انا هواجهها هى وشريف بس حاليا مقدرش لانى زى ماانتى شايفانى مكسور ومتجبس انا بس بلوم نفسى على انى حبتها فى يوم من الايام .
ام ايمن طبطبت على كتفه بحنان : ماتزعلش يابنى مسيرك تلاقى بنت الحلال اللى تسعدك .
ام ايمن حطت الاكل وهو اكل لقمتين وساب باقى الاكل وبان فى عنيه الحزن اكتر وبيلعن قلبه اللى حبها ووثق فيها.

مايسه كانت فى العزبة واستاذنت من ابوها علشان تروح تتطمن على جاسم .

طه : مش هاوصيكى يابنتى تخدى بالك من نفسك اوى انتى بنت وبخاف عليكى وبتروحى لبيت واحد اعزب .
مايسه : يابابا ياحبيبى ماانا بروح بعمله الاكل وبرجع على طول ماتخافش عليا .
فوزية : خدى دول يابنتى .
مايسه : ايه ده ياماما ايه لازمته الاكل دة .
فوزية : دى تصبيرة كدة لحد ماترجعى روحى القصر اطمنى على جاسم واعملى اللى هو عاوزة ومش تتاخرى علينا علشان مانبقاش قلقانين عليكى انا وابوكى .
مايسه : ماتخافيش عليا ياماما بنتك بميه راجل .

فوزية : ربنا يحميكى لشبابك يابنتى بس معلش الحذر واجب انتى عارفه ان الراجل والست لما بيكونوا لوحدهم بيبقى الشيطان ثالثهم .

مايسه : حاضر ياماما .
طه :لازم تخدى بالك كويس اوى يابنتى واوعى جاسم يقرب منك هو صحيح مسكور ومتجبس بس برضه هو قوى لو بس قرب منك تصديه على طول فاهمه .
مايسه بضحك : حاضر يابابا سلام بقى .
طه وفوزية : لااله الاالله .
مايسه : محمد رسول الله .
مايسه ركبت مع السواق الخصوصى لمحمد ابو جاسم علشان يوصلها القصر وبعد ساعتين كانت مايسه راحت ورنت الجرس وفتحت لها الدادة .
مايسه بابتسامه عذبه : ازيك يادادة .
ام ايمن : تسلمى وتعيشى اتفضلى يابنتى .

مايسه : معلش انا شوفتك المرة اللى فاتت وملحقتش اتعرف عليكى .

ام ايمن : وانا تحت امرك واعذرينى اصل المرة اللى فاتت كانت بنتى لسه متجوزة وكنت مشغوله معاها عقبالك يابنتى .
مايسه : فى حياتك ان شاء الله يادادة انما قوليلى هو جاسم صحى ولالسه .
ام ايمن بضيق : ايوة صحى والست داليا كانت عندة من شويه .
مايسه بضحك : طب وانتى متضايقه ليه يادادة واحد وخطيبته فعادى يعنى انها هاتكون معاة .
ام ايمن : بصراحه يابنتى الست داليا صعبه اوى.

مايسه : معلش سيبك منها وقوليلى هو جاسم اكل ولالسه .

ام ايمن : معرفش والله يابنتى انا يدوبك حطيت له الاكل وبعدين مشيت على طول .
مايسه : طب انا طالعة له اطمن عليه وهانزل تانى .
ام ايمن : ماشى يابنتى اطلعى له هو محتاج اللى تخفف عنه
مايسه : ماشى يادادة حضرى الاكل وانا هحاول ااكله بنفسى
ام ايمن : ياريت يابنتى يمكن يسمع كلامك ويرضى يأكل .

مايسه طلعت السلالم وهى مترددة وبتقدم رجل وتاخر التانية لحد ماوصلت قدام اوضه جاسم وكانت مترددة تخبط ولالا خبطت لكن ماكنش فيه رد خبطت تانى وفتحت الباب بشويش لقت جاسم مغمض عينه قربت منه وقعدت جنبه .


مايسه : ازيك دلوقتى ياجاسم ؟

جاسم فتح عينه لقى مايسه قاعدة جنبه ومبتسمه له ابتسم هو كمان لها واتكلم: يااااااه اخيرا والله إنتى بنت حلال.
مايسه بصت له واتكلمت ببلاهة :انا مش فاهمة حاجه .
جاسم : انا جعان اوى مايسه .
مايسه باستغراب : ليه هو انت مااكلتش من امبارح ؟
جاسم : لا مااكلتش وياريت تقعدى تاكلى معايا علشان تفتحى نفسى .
مايسه : ثوانى هاروح اعمل لك الاكل .طلعت من الاوضه وهو فضل مبتسم لحد مابعدت عنه وراحت علشان تجهز له الاكل هى وام ايمن .
ام ايمن :بنت حلال يلا تعالى ساعدينى فى الاكل علشان جاسم على لحم بطنه من امبارح وانتى اللى هاتفتحى نفسه للاكل .

مايسه بدات تحضر فى الاكل وخلصته بسرعه واخدته وطلعت تانى اوضه جاسم وخبطت بالراحه وجاسم طلب منها انها تدخل

مايسه : احممم انا اسفه انى رجعت تانى اتفضل الاكل اهو بدل اللى وقع دة .
جاسم بعتاب : تعالى يامايسه اكلينى انتى عارفه انى تعبان ومكسور ومش هاعرف اكل لوحدى وبعدين الاكل هايبقى تحفه من ايديكى الحلوين .
مايسه بضيق: جاسم بيه الاكل عندك عن اذنك .
جاسم بصدمه : جاسم بيه ؟ليه الالقاب دى بقى ممكن افهم السبب .
مايسه : مافيش ممكن تسيبنى بقى امشى .
جاسم : لا مش هاتمشى غير لما اقولك امشى تعالى وبطلى شغل العيال والعند ده .
مايسه راحت وقعدت جنبه : نعم ادينى قعدت اهوة .

جاسم ابتسم : خلاص يلا اكلينى بقى .

مايسه : حاضر امرك لاحسن انا بصراحه خايفه اقولك لا تقوموا تقطعوا عيش بابا وتطردوة من عزبتكم .
جاسم بحزن : اخص عليكى والله انا كدة زعلت بجد ليه الكلام اللى يجرح دة هو فى زى عم طه ابوكى راجل كويس ومحترم وعندة عزة نفس وعمرة لاكان ولاهايكون شغال عندنا احنا محتاجينه مش هو اللى محتاج لنا بلاش يامايسه تقولى كلام يجرح ويوجع ........ وفجاه جاسم صرخ .
جاسم بالم : اااااااااه .
مايسه بخضه : مالك ياجاسم رد عليا ارجوك .
جاسم : ضلوعى يامايسه واجعانى اوى وجسمى كله تاعبنى .
مايسه بقلق : طب قولى اعمل ايه او اتصرف ازاى ؟
جاسم : هتلاقى على الكومدينو اللى جنب التسريحه مرهم هاتيه وتعالى .
مايسه : حاضر ....... مايسه فضلت تدور على المرهم لحد مالقيته : هو دة ؟

جاسم : ايوة هو دة .

مايسه : قولى بسرعه اعمل ايه .
جاسم بمكر : قلعينى التى شيرت .
مايسه ببلاهة : افندم قلت ايه ؟
جاسم بخبث : زى ماسمعتينى قلعينى التى شيرت علشان تتدهنيلى مكان الالم .
مايسه : بس انا معرفش فين هو المكان اللى بتشتكى منه .
جاسم مسك ايديها ومشاها على جسمه وفضل يحرك بايدها لحد المكان اللى المفروض بيشتكى منه وقلعت له التى شيرت وبدأت تدهن له المكان بالراحه وبرقه .
جاسم بمكر : ممكن لو سمحتى تدهنيلى ضهرى كمان .

مايسه بضيق : لا بقى انت بتهزر صح .

جاسم بدلع: مايسه انا تعبان انتى ليه مش راضيه تصدقى كلامى انا مابهزرش .
مايسه : ماشى لما نشوف اخرتها معاك .........مايسه بدأت تدهن له ضهرة ومع كل لمسه من ايديها على ضهرة كان جاسم بيستمتع بلمسه صوابعها على جسمه غمض عينه لحظه وتخيل لو كانت معاة وبين ايدة وفى حضنه كميه مشاعر مش قادر يسيطر عليها .
مايسه : خلاص خلصت لسه حاسس بوجع .
جاسم : لا خلاص انا بقيت كويس تسلم ايديكى بس معلش كملى جميلك ولبسينى التى شيرت تانى علشان مش هاعرف البسه لوحدى .

مايسه بقله حيله : حاضر ....مايسه قربت منه علشان تلبسه التى شيرت لحد مابقت قريبه منه اوى جاسم اول ماقربت منه اوى شدها له بدراعه السليمة لحد مابقت فى حضنه وباسها بوسه رقيقه من خدها وبعدين قرب بشفايفه من شفايفها ولسه هايبوسها بس هى كانت اسرع منه وزقته وضربته بكل قوتها فى بطنه وبعدته عنها وبصتله وهى بتعيط .


مايسه بغضب وعيونها مليانه دموع: تصدق انى فعلا غلطانه ايوة غلطانه لانى صدقت تمثيلك السخيف دة وانك تعبان وبتتوجع انا اسفه اوى ياجاسم بيه لانى ببساطه مش من نوع البنات اياهم اللى تفرط فى نفسها كدة بسهولة واللى بتتسلى مع كل واحدة شوية وبمشاعرهم وبعدين ترميهم بجد انا مش عارفه اقول عنك ايه بس اوعدك من النهاردة مش هاتشوف وشى تانى ............ ولسه هاتمشى بس جاسم حس قد ايه هو طلع ندل وسخيف معاها لانه عارف انها مش من النوع السهل دة اتالم علشانها وحس بالسخف من نفسه .


جاسم بضيق من نفسه وأتكلم بأسف : انا متأسف يامايسه والله انا اسف جدا على الموقف السخيف اللى حصل من شويه ...... سكت شويه وبعدين رفع وشه وبصلها والحزن كان باين فى عينيه : ارجوكى يامايسه مش تسيبنى وتمشى انا محتاجلك جنبى حقيقى محتاجلك.

مايسه بصلته بحده : اسمعنى كويس ياجاسم اذا كنت هاتعاملنى كواحدة من اللى كنت بتعرفهم فانا متاسفه انا مش من النوع دة خالص ولا هاكون ابدا .

جاسم ابتسم وبصلها بحنان جارف : مين قالك كدة بس انتى احسن واحده شافتها عينيا لحد دلوقتى اقصد يعنى انتى اول واحده اشوفها نضيفه وجميله ورقيقه كدة فى الحقيقه هما حاجه وانتى لوحدك حاجه تانيه خالص انتى بجد عليتى جدا فى نظرى مايسه انا بجد بشكرك انك صديتنى وعلشان كدة بطلب منك تفضلى جنبى انا فعلا محتاجلك طب انتى عارفه انا طردتها ليه.

مايسه بنفس الحدة : دة شىء يخصك مش يخصنى انا.

جاسم : لا يهمنى انك تعرفى ليه لان ببساطه كنت كل ما ببوسها ماكنتش بتمانع فى فرق مابينك ومابينها زى السما والارض هى رخصت نفسها ليا وسمحتلى انى اتمادى معاها بعكسك انتى ضربتينى ودافعتى عن نفسك بالرغم انك عارفه انى تعبان ومع ذلك حميتى نفسك منى.


مايسه : غريبه الحكايه دى ليه هى مش خطيبتك .


جاسم اتنهد بضيق : هى صحيح لسه خطبيتى بس اللى ترخص نفسها لواحد يدوبك لسه خطيبها ممكن ترخص نفسها لغيرة وغيرة انا عاوز واحده تحافظ على نفسها وتصون شرفها لحد ماتبقى ملكى انا وبس وتبقى مراتى وشايله اسمى ويبقى كل حاجه فى النور مش فى الضلمه وبعدين سيبك بقى من الكلام ده كله وتعالى اكلينى انا جعان ممكن .

مايسه : ماشى بس اياك تفكر بس تعمل حاجه كدة ولا كدة تاني والا انا اللى هاكسرلك دراعك السليم.
جاسم بضحك : ههههههههه لاياستى انا مش مستغنى عن عمرى .
مايسه ابتسمت وابتسامتها خلت جاسم يبادلها ابتسامتها وبدأت تاكله بايديها وهو فرحان وسعيد جدا بوجودها معاة وعينه مانزلتش من عليها احساس جديد عليه عمرة ماحسه مع داليا .
جاسم ضحك : يااااااه تسلم ايديك بجد الاكل تحفه انتى على كدة طباخة ماهرة.
مايسه : يعنى مش اوى بالف هنا وشفا .

جاسم : ربنا يخليكى.

مايسه كانت كل شويه بتبص فى ساعتها بقلق .
جاسم : زهقتى ؟
مايسه : ها لاابدا بس اصل بابا قالى ماأتاخرش .
جاسم : باباكى عندة حق.. وبضحك كمل : يلا اتفضلى بقى من غير مطرود آة استنى هاطلب من امجد يوصلك بنفسه ويطمنى عليكى ........جاسم اتصل على امجد وطلب منه انه يجى له القصر وبعد نص ساعه امجد وصل القصر وطلع علشان يطمن على جاسم .
امجد : ازيك دلوقتى ياجاسم عامل ايه .

جاسم : الحمد لله ياامجد انا بقيت كويس اوى .امجد ممكن بعد اذنك معلش ياريت توصل مايسه لحد باب العزبة الساعه قربت على 5 وفاضل ساعه ونص والدنيا تليل وانا مش عاوزها ترجع لوحدها .

امجد : ماتقلقش ياجاسم انا هاوصلها لحد ماتدخل العزبة واطمن انها بقت فى امان عاوز حاجه تانية منى .
جاسم : ربنا يخليك ياصاحبى واقدر اسدد ولو جزء بسيط من جمايلك دى .
امجد عيب تقول الكلام دة لاحسن ازعل منك انت صاحبى وتؤامى .......سكت شويه
وبعدين بص لمايسه : مش يلا ياانسه مايسه .
مايسه : ماشى اتفضل يلا ........ مايسه جت تمشى بس جاسم ندة عليها .

جاسم : مايسه ابقى طمنينى عليكى اول ماتوصلى ..لااله الاالله .

مايسه : حاضر .......محمد رسول الله ......... مايسه مشيت مع امجد ووصلها لحد العزبة ورجع على الشركه واول ماوصلت اتصلت على جاسم علشان تطمنه .
جاسم : حمدا لله على سلامتك نورتى العزبة والقصر ضلم .
مايسه ضحكت واتكلمت : الله يسلمك تصبح على خير بقى .
جاسم اتنهد : وانتى من اهل الخير .
مايسه قبل ماتقفل فونها كانت فاتحه الاسبيكر وابوها جه من وراها واتكلم بحده .
طه بغضب : يعنى مش مكفيكى كل المدة اللى كنتى فيها عندة وجايه كمان تكملى كلام فى المخروب الموبايل دة .دة مايرضيش ربنا ابدا .
جاسم : مايسه باباكى اللى بيتكلم صح ؟

مايسه باحراج : ايوة .

جاسم : طب من فضلك خلينى اكلمه لو سمحتى .......مايسه اعطت الفون لابوها علشان يكلمه .
جاسم : انا اسف ياعم طه انى اخرت مايسه عليكم وارجو ان حضرتك تقبل اعتذراى .
طه : متأخذنيش يابنى الصح صح ولازم تقدر موقفى دى بنتى ولازم اخاف عليها .

جاسم بضيق : مقدر وعارف كل حاجه ياراجل ياطيب وانا بتاسف لك كمان مرة وياريت بعد اذن حضرتك ماتخليش الانسه مايسه تيجيلى تانى انا الحمد لله بقيت كويس وام ايمن هى اللى هتاخد بالها منى لحد ماافك الجبس تصبح على خير .


طه : حصل خير يابنى ..... وانت من اهل الخير .

جاسم قفل التليفون معاة وهو متضايق جدا وفضل فترة طويله بيحارب النوم بس مش عارف لحد ماغلبه النوم بعد ليل طويل اوى مر عليه كأنه دهر .

وبتمر الايام ومايسه نفسها تروح تشوف جاسم وتطمن عليه ودة نفس الحال بالنسبه لجاسم الايام بتمر عليه بطيئه ملهاش لا طعم ولا لون نفسه يشوفها ويملى عينه منها احساس قاتل اصابه بص للدبله بتاعه داليا اللى فى ايدة وخلعها وحطها جنبه من غير حتى اى اهتمام لصاحبه الدبله كل همه وتفكيرة بقى منصب على مايسه وبس نفسه لو حتى يسمع صوتها الرقيق اللى كان بينسيه اى حاجه فى الدنيا حاول يشغل تفكيرة عنها لكن خلاص هى استحوذت على النصيب الاكبر من عقله وقلبه وكان حزين لان ابوها رفض انها تروح له تانى .


جاسم وهو بيكلم نفسه : ياااااه يامايسه لو تعرفى قد إيه انتى واحشانى قد ايه بعدك عنى تاعبنى اوى ياحبيبتى.

مايسه كانت قاعدة جنب حوض الورد حزينه ومهمومه نفسها توصل لجاسم او حتى تسمع صوته وتطمن عليه ندى راحت وقعدت جنبها ولاحظت شرودها وحزنها .
ندى : ياترى الجميل سرحان ليه وزعلان من ايه ؟
مايسه انتبهت : ها لاابدا مافيش .
ندى بضحك : امممممم عليا انا برضه مايسه انا بقيت بفهم شرودك خلاص حفظتك احكيلى بقى مالك زعلانه ليه .

مايسه بحزن : بابا ياستى مانعنى انى اروح اطمن على جاسم اوحتى اشوف هو محتاج حاجه ولالا .

ندى : اممممم قولتيلى هههههههههه وحشك مش كدة .
مايسه بارتباك : ها اااااااا لا طبعا هى كل الحكايه انى عاوزة اطمن عليه مش اكتر .
ندى بمكر : طيب هو المفروض انى هاروح له اشوفه النهاردة وقلت لبابا وهو موافق واهوة فى واحد هايودينى له تحبى تيجى معايا .
مايسه بحماس ولهفه : بجد ...... اقصد يعنى هو بابا هايرضى يوافق .
ندى بثقه : لا سيبلى بقى الموضوع دة عليا .

مايسه بحماس اكتر : هاتعملى ايه ؟

ندى : انا هحاول اقنعة انك تروحى معايا ..........وراحت ندى علشان تكلم عم طه راحت للشقه اللى كانوا قاعدين فيها خبطت وطه فتح لها الباب .
ندى : ازيك ياعم طه حضرتك عامل ايه .
طه : فضل ونعمة يابنتى اتفضلى .
ندى بأمتنان : متشكرة .......... دخلت ندى وهى مش عارفه تبدأ منين او ازاى اخدت نفس طويل وبعدين اتكلمت : عم طه ممكن اطلب من حضرتك طلب وارجو انك مش تقول لا .
طه : طبعا اتفضلى يابنتى انا تحت امرك اامرى .

ندى : اصل انا هاروح اشوف جاسم النهاردة وبصراحه كدة السواق الخصوصى بتاعى اللى كان بيوصلنى كل مرة مراته تعبت وعلى وش ولادة فمش هايعرف يسيب مراته ويوصلنى وطبعا بابا رافض فكرة انى اروح لوحدى مع اى سواق وكدة فكنت يعنى بطلب من حضرتك ان مايسه يعنى تيجى معايا واهى هاتبقى ونس معايا وامجد صاحب جاسم هو اللى هيوصلنا ويرجعنا تانى فايه راى حضرتك .

طه : ممكن اسالك سؤال يابنتى ؟
ندى : اتفضل ياعمى .

طه : امممم هو انتى فعلا راحه تتطمنى على اخوكى ولا مايسه هى اللى شارت عليكى و طلبت منك انها تروح فانتى سمعتى كلامها وعاوزة ترضيها وخلاص .

ندى : لا طبعا ياعم طه بس انا فعلا محتاجه اشوف اخويا واطمن عليه وانا فهمت حضرتك اسبابى لعدم مراوحى لوحدى انا عارفه ومتفهمة مخاوفك كويس ان ماينفعش مايسه تروح لواحد عازب بيته بس المره دى انا هابقى معاها يعنى مش هاتبقى لوحدها ومتخافش انا هاخد بالى منها كويس.
طه بقله حيله :ماشى يابنتى خلاص مادمتى هاتبقى معاها يبقى مافيش اى مشكله .
ندى بارتياح : ربنا يخليك ياعم طه والله انت جميل ......... وندهت على مايسه اللى راحت بلهفه كبيرة .
ندى : خلاص ياستى باباكى وافق خلاص انك تيجى معايا .

طه : ندى يابنتى مش هاوصيكى تاخدوا بالكم من بعض ومش تتاخروا علشان مااقلقش عليكم .

ندى : اوعدك ياعم طه انى هاخد بالى من مايسه لانى بعتبرها اخت ليا .
طه : ربنا يحفظكم ويحرسكم من العين يابنتى .......... بعد شويه ندى اتصلت على امجد وطلبت منه انه يوصلهم هى ومايسه القصر بس نبهت عليه انه مايجبش سيره لجاسم لانها حبت تعملها له مفأجاة وبعد نص ساعة امجد جه واخدهم ووداهم لحد القصر .
ندى خبطت وام ايمن فتحت لها الباب .
ندى : ازيك يادادة .

ام ايمن : حمدا لله على السلامه يابنتى .

ندى : الله يسلمك بقولك هو جاسم نايم ولا صاحى .
ام ايمن : لا لسه نايم تحبى اصحيه .
ندى : لا خليكى انتى وانا طالعه له اهو علشان اصحيه ........ بصت لمايسه : تعالى معايا يامايسه .
مايسه بارتباك : ايه انا لالالا اطلعى انتى وابقى طمنينى عليه .
ندى : لا انتى هاتطلعى يعنى هاتطلعى معايا ......... وشدتها من ايديها لحد ماوصلوا الاوضه بتاعة جاسم جاسم كان نايم وندى دخلت وصحته .
ندى طبطبت عليه بالراحه : جاسم اصحى انا ندى .

جاسم فتح عينه وابتسم : ازيك ياندوش عامله ايه .

ندى : انا الحمد لله كويسه طمنى عليك انت عامل ايه دلوقتى .
جاسم بحزن : تعبان اوى ياندى .
ندى : سلامتك مالك بس ؟
جاسم بضيق واتنهد : ابدا مافيش هايكون مالى بس .
ندى بصت لاخوها وفضلت ساكته شويه وبعدين اتكلمت :اه بالحق عندى مفاجاه هاتعجبك .
جاسم : مفاجاه ايه دى ؟

ندى : فى حد عاوز يشوفك .

جاسم بتعب : وانا مش عاوز اشوف حد .
مايسه بحزن وهى بتحاول تخفى دموعها : حتى انا كمان ياجاسم ؟
جاسم اول ماسمع صوتها قلبه دق بسرعه وبعنف اخيرا واقفه قدامه فتح عينيه وحس براحه كبيرة ملت قلبه الا انه بصلها ببرود وجمود ورد بحدة : نعم عاوزة ايه وجايه هنا ليه ؟
مايسه : ابدا انا حبيت اطمن عليك مش اكتر وعلى العموم بكرر اسفى عن اذنكم .
جاسم بعصبيه: ابوكى طلب منى انك ماتجيش ليا تانى وانا بحترمه ولازم اسمع كلامه من فضلك ماعنتيش تيجى هنا سامعه ولالا .

مايسه كانت بتحاول تمنع دموعها انها تنزل وفى الاخر استجمعت نفسها وردت .

مايسه : وانا لتانى مره بعتذرلك واسفه جدا انى جيت ياجاسم بيه .......هربت من قدامه وندى بصتله بحده .
ندى : ليه عاملتها كدة ياجاسم حرام عليك .
جاسم بضيق من نفسه : انا بخاف عليها اوى ياندى .
ندى : كنت ممكن تكلمها باسلوب احسن من كدة انا هاروح اجيبها .
جاسم بلهفه : اه ياريت تلحقيها بسرعة قبل ماتمشى .
ندى خرجت وراحت لمايسه اللى كانت دموعها نازله على خدها .
ندى : تعالى يامايسه .

مايسه : لا ياندى خدى راحتك مع اخوكى وانا هاستناكى تحت فى جنينه القصر لحد ماتخلصى كلامك معاة ؟

ندى شدتها من دراعها : بقولك تعالى معايا ماتبقيش رخمه يلا تعالى .
ندى رجعت هى ومايسه وحاولت تتجنب جاسم الا انه عينه مانزلتش من عليها وفى الاخر اتكلم .
جاسم : تعالى يامايسه .
مايسه بعناد : متاسفه مش هاجى ...... وبصت لندى : ندى انا هاستناكى برة لحد ماتخلصى كلام مع اخوكى
جاسم بعصبيه : مش هاكرر كلامى كتير قلتلك تعالى اقعدى .
مايسه راحت قعدت جنبه بس كانت متجنباة .
ندى : طب اااااااا هاروح اشوف ام ايمن بتعمل ايه وراجعه تانى ...... ندى طلعت من الاوضه .
جاسم بيبص لمايسه بشوق واتكلم : وحشتينى .

مايسه : متشكرة .......... وجت علشان تقوم بس جاسم كان اسرع منها وشدها من دراعها بايدة السليمه وبصلها بعشق : بقولك وحشتينى يارخمه .

مايسه بصت لايدة اللى كانت لسه ماسكه دراعها واتكلمت بحدة : لتانى مرة بقولهالك من فضلك لو سمحت سيب دراعى مايصحش كدة .
جاسم بعد عنها وفى اللحظه دى دخلت ندى تانى وبصلته بمكر : احممممم احمممم .
جاسم بصلها وضيق عنيه: ماشى يارخمه انتى التانيه امشى يابت من هنا .
ندى :تؤتؤ مقدرش امشى عم طه طلب منى اخدها وارجعها صاغ سليم.
جاسم اتنهد بضيق : ويعنى انا هاكلها مش فاهم والله ايه دة اووووف .
مايسه ضحكت ماردتش .

جاسم بصلها بغيظ : انا نفسى افهم انتى بتضحكى على ايه .

مايسه : ها لاابدا عن اذنكم هاروح اساعد ام ايمن ......... سابتهم على راحتهم وراحت لام ايمن بحجه انها هاتساعدها فى عمل الاكل .
ندى بتكلم اخوها : جاسم انت مالك مش على بعضك ليه ؟
جاسم : ازاى يعنى مش على بعضى ماتوضحى كلامك ياندى انتى عارفانى مش بحب طريقه الالغاز دى فى الكلام .
ندى بصت لاخوها اللى عينه كانت بتتكلم وبتحكى كل اللى جواة .
ندى : انت بتحبها صح .
جاسم بارتباك من سؤالها : ها هى مين دى اللى بتتكلمى عنها ؟

ندى ضحكت وبصت لاخوها : اكيد يعنى مقصدش داليا يافصيح .

جاسم : وبعدين معاكى ماتتكلمى كويس معايا .
ندى : انا سؤالى واضح جدا بس انت اللى ماجوبتنيش .
جاسم فهم معنى كلام اخته واتنهد اوى : ايوة ياندى ايوة حبيتها امتى وازاى وليه مش عارف .
ندى : امممممممم طب وداليا هاتعمل ايه معاها .
جاسم : هافسخ خطوبتى بيها وخلعت الدبله من ايدى فعلا انا خلاص ماعنتش بحبها ماعنتش بشغل تفكيرى بيها زى الاول لانى اكتشفت انها انسانه انانيه دة غير أنى شاكك فيها هى وشريف من يوم مااتكسرت وعم سعد قال انه شاف واحد ملثم وهددة ومش بعيد يكون حد منهم ياداليا ياشريف وفى كل الحالات معنديش الادله الكافية ضدهم.

ندى بتحذير : بس خد بالك ياجاسم انت لو سيبتها دلوقتى هاتفتح على نفسك ابواب جهنم وهاتدخل فى متاهة ومشاكل كتيرة انت مش قدها .

جاسم بتأكيد : عارف بس معدش يهمنى لاهى ولاغيرها انا كل اللى يهمنى دلوقتى هى مايسه وبس لانى خلاص حبيتها اوى لابحبها ايه بس الحب كلمه قليله اوى عليها دة انا بعشقها ياندى بحبها اوى وشايف انها هى اللى هاتسعدنى وتملى عليا حياتى .
ندى بضحك : اخيرا طبيت بس ياترى هاتعرف مايسه انك سيبت داليا .
جاسم : هاعرفها بس لما افك الجبس وارجع العزبة وساعتها هابقى اعرفها.
ندى بضحك : هههه ماشى ياعم العاشق.

بعد شويه كتير رجعت مايسه وكانت واقفه بالصدفه برة الاوضه وسمعت اعترافه بحبه لكنها ماسمعتش انه ساب العقربه داليا...... حطت ايديها على قلبها وبتحاول تهدى من ضرباته اللى كان بيدق بعنف لانها هى كمان خلاص حبته ومعدتش قادرة على بعدة خبطت تانى وهى ماسكه صنيه الاكل وحطتها قدامه وقعدت وبدأت تأكله بايديها .

جاسم والشوق مالى عينه : تسلم ايدك يامايسه ماتحرمش من وجودك فى حياتى .
مايسه بصت فى الارض بخجل وهو رفع وشها بايدة وبصلها بعشق وابتسم لها وهى اكتفت بابتسامه على وشها خلته يبقى مهووس بيها .
فضلت ندى ومايسه اغلب الوقت مع جاسم وكلامهم ماكنش بيخلوا من الهزار والضحك وفى نهايه اليوم رجعوا تانى العزبة .

جاسم حاول ينام لكن حبه لمايسه كان خلاص اتمكن منه ومن قلبه اللى كان بيصرخ باسمها عدت ايام كتير اوى تقريبا فات اسبوع وكانت مايسه بتروح تتطمن عليه يوميا هى وندى وفات 3 اسابيع كانت داليا بتحاول تزورة فيها الا انه كان بيعاملها بجفاء لحد ما الحمد لله فك الجبس ورجع تانى على شغله الا من مطاردة داليا له كل وقت والتانى

ورجع العزبة وهناك طه وفوزية قابلوة بترحاب .
طه : حمدا لله على السلامه يابنى نورت العزبة من تانى .
جاسم بص لمايسه بشوق وحب وبعدين رجع بص لطه : العزبة منورة بيكم انتو ياعم طه .
طه : ربنا يخليك يابنى ربنا يديم الود والمعروف .

شويه ومحمد راح واخد ابنه بالحضن .

محمد : حمدا لله على السلامه يابنى .
جاسم : الله يسلمك يابابا .
محمد اخدة على جنب : ها برضه مش هاتتصرف فى اللى حط المنشطات للحصان بتاعك علشان يخلص منك .
جاسم وضيق عينه واتكلم بضيق : ماتقلقش يابابا والله ماهرحمه وهفرمه تحت ايدى وبكرة تشوف بس الصبر لأن للاسف الادله اللى فى ايدى ضدة ضعيفه بل تكاد تكون معدومة استنى بس لحد مااوقعه فى شر أعماله .

محمد : خد بالك يابنى من نفسك التعابين كتيرة وجه الوقت اللى لازم تخرج من جحرها .

جاسم بتأكيد : هايحصل يابابا هايحصل ماتقلقش كله بأوان .
محمد : ربنا يسترها معاك يابنى ويكفيك شر اذاهم .
جاسم : ان شاء الله ربنا هايسترها .

الفصل خلص... ورجعت العزبة تشتغل من تانى جاسم قلبه اتعلق اوى بمايسه ومايسه كمان اتعلقت بحبه ولوجودة فى حياتها بعد ماانجرحت مرتين وحست ان الدنيا ابتسمت لها من تانى بس ياترى الدنيا هاتفضل مبتسمه لها ولالا ....
رواية ما بعد الرحيل للكاتبة ياسمين أحمد الفصل الثاني عشر

الامور استقرت فى عزبة المنصورى والاجواء نوعا ما مستقرة وفى هدوء حذر او كما يسمى بالهدوء ماقبل العاصفه مايسه واهلها فى الشقه الصغيرة اللى فى العزبه كالعادة وجاسم وعيلته فى الشقه الكبيرة الخاصه بيهم جاسم كان محتاج يتمشى فى العزبة بعد فترة كبيرة من الغياب .وطبعا داليا كانت متواجدة معاهم.

جاسم كان بيكلم ابوة :بابا انا هاتمشى شوية فى العزبة عاوز احرك رجلى.

محمد : وماله يابنى انت محتاج تتحرك كتير من بعد مافكيت الجبس ......... بص لداليا وبعدين رجع بص لابنه : ربنا بقى يجازى ولاد الحرام .سكت شويه وبعدين كمل كلامه : جاسم .

جاسم : نعم يابابا .
محمد : كنت عاوزك تعدى على عمك طه تقولة انى محتاجه ضرورى علشان محتاج نعرف ايه اللى ناقص من الاسمدة علشان المحصول والزرع مش يبوظ .
جاسم : حاضر يابابا تحب ابلغه بحاجه تانية .
محمد :لا يابنى شكرا .

داليا كانت متابعه كلامهم وراحت لجاسم واتكلمت بدلع : حبيبى ينفع اجى اتمشى معاك شويه .

جاسم بصلها بضيق :مافيش مشكله واهو بالمرة فى كلام كتير مهم عاوز اقولهولك واتكلم معاكى فيه .
داليا بفرح :بجد حبيبى ...... وبصت لمحمد : طب عن اذنك ياعمى .
محمد بضيق : اذنك معاكى .
داليا جت تحط دراعها فى دراع جاسم بس هو كان بيبعدها عنه طلعوا يتمشوا وهو ساكت كتير وكان بيبعد دراعه عن دراعها.
داليا بضيق : ممكن افهم ليه كل مااحط دراعى فى دراعك تسحب نفسك منى حبيبى هو انا عملت حاجه اقصد يعنى عملت حاجه زعلتك منى .
جاسم اتنهد وبص لداليا بضيق: داليا بلاش استعباط انتى فاهمة وانا فاهم كويس اوى الاسباب فبلاش تمثيل.

داليا بزهق واتكلمت بعصبيه: اووووف انت لسه برضه شاكك فيا.انا سبق وقلتلك انى مليش دعوة باللى حصل لك يوم المسابقة.

جاسم مسك دراعها بعنف وبصلها بتحذير واتكلم بهمس: اولا وطى صوتك علشان ماتبقاش فضيحه لكى وسط العمال اللى شغالين فى العزبة ولاتحبى اقول لهم بصوت عالى انك كنتى واقفه مع شريف قبل المسابقه بتخططوا ضدى علشان تخلصوا منى ؟

داليا بعصبيه وبعدت ايدها واتكلمت بنرفزة: ايه دليلك ضدى ها هات دليل واحد انى كنت عاوزة اخلص منك ولاانت بترمى كلام فى الهوا وخلاص .

جاسم بصلها بغيظ : انا مش برمى كلام وانا متاكد انك لكى يد فى اللى حصل لكن للاسف الادله اللى معايا ضدك انتى وابن خالتك ادله ضعيفه ومش كافيه ولو كانت الادله اللى معايا قويه كان زمانك مرميه انتى وابن خالتك فى السجن دلوقتى.

سكت شويه وبعدين طلع من جيبه دبله داليا واعطاها لها .

داليا بصدمه : ايه دة ياجاسم انت كمان خلعت دبلتى من ايدك ؟
جاسم بزهق : بصى ياداليا انا بقول بلاش نضحك على بعض كتير لاانا عنت بحبك ولاعاد يهمنى امرك وبالصراحه كدة خطوبتنا من الاول كانت غلط فى غلط على العموم الجواز دة قدر وكل شىء قسمه ونصيب .
داليا بذهول : انا بجد مش مصدقه الكلام اللى قولته ليا دلوقتى انت جاسم اللى حبيته وفى الاخر تعمل فيا كدة.
جاسم : داليا انا خلعت دبلتك من ايدى من زمان واظن انتى عارفانى كويس انا من النوع الجد مابحبش الهزار لا فى الارتباط ولاالجواز .

داليا بمسكنه: جاسم والله العظيم انا بحبك مش ممكن ابدا ااذيك.

جاسم بتريقه : لاارجوكى كفايه تمثيل لانى كرهته دورى على حجه مقنعه لانى خلاص ماعنتش هاصدقك دبلتك اهى وربنا يرزقك باللى يقدر يصدقك دة اذا لقيتى حد يصدق كل تمثيلك وكدبك.
داليا بدموع التماسيح : كدة ياجاسم اهون عليك اهىء اهىء اهىء اهىء دة انا بحبك.
جاسم بنرفزة : تانى تانى هاتقوليلى بتحبينى قلتلك بلاش كدب انا هاتصل بالسواق بتاعنا دلوقتى يجى يوصلك الفيلا واظن انا كدة عدانى العيب وعملت اللى عليا خلاص معدش لكى وجود فى حياتى .
داليا : جاسم انا لسه بح...

جاسم قاطعها بحدة : عارف عارف خلاص حفظت الكلام كله اللى ملهوش لازمه كفاياكى تمثيل بقى دة مش حب انتى كنتى بتتسلى بيا وفى الاخر كنتى عاوزة تخلصى منى بس ربنا كان رحيم بيا واكتشفت زيفك ومؤامرتك الدنيئه ضدى عارفه انا بلعن اليوم اللى فكرت وحبيتك فيه لكن انتى طلعتى اكبر كدابه شوفتها فى حياتى .

داليا :خلاص يعنى دة اخر كلام عندك ؟
جاسم : ايوة دة اخر كلام عندى انتى هاتبقى بالنسبه ليا مجرد ماضى بس للاسف هاتبقى مجرد ماضى اسود نقطه سودة هاتمنى انى اطويتها لانى باختصار مش هاقبل ابدا ان اللى تشيل اسمى تبقى عاوزة تتخلصى منى.
داليا بتوعد : بقى كدة ياجاسم ماشى بس افتكر انى حبيتك عمرى كله وعمرى ماحبيت زيك .

جاسم بصلها بقرف وكمل بتريقه : اكيد هافتكرك بكل خير ........ اتصل بالسواق وبعد نص ساعه كان السواق جه .

السواق : تحت امرك ياجاسم بيه .
جاسم : عم عبد السلام من فضلك خد الانسه داليا ووصلها لحد بابا فيلتهم .
السواق : امر جنابك اتفضلى ياست هانم .
داليا بهمس : ارجوك ياجاسم خلينى معاك حقك عليا وادينى فرصه تانيه .
جاسم بزهق : انا مش هاعيد كلامى تانى ياداليا ..........بص للسواق وكمل كلامه : عم عبد السلام زى ماقلتلك ووصيتك توصل الانسه لو سمحت .
السواق : حاضر يابيه يلا ياانسه .

داليا بصت لجاسم بنظرة مليانه بالكره والوعيد وطلعت من العزبة وركبت العربيه وجاسم اتنهد بارتياح اما هى فالسواق وصلها لحد باب الفيلا وجريت رنت الجرس وفتحت لها الخادمه وطلعت جرى على ابوها وهى بتمثل الزعل وعماله تعيط وتشتكى له .

داليا بغيظ : شوفت يابابى .
محمود : خير ياداليا داخله بزعابيبك ليه وبتعيطى ليه ؟
داليا بدموع مزيفه : خلاص يابابى كل خططنا باظت .
محمود : اشمعنى عملتى ايه تانى.

داليا : جاسم فسخ الخطوبه اللى بينى وبينه خلاص كل الخطط اللى كانت هأتم بمجرد جوازى منه كلها راحت علينا.

محمود :ماهو اكيد انتى عملتى حاجه غلط والا ماكنش فسخ خطوبته بيكى هو انتى هببتى ايه بالظبط علشان يفسخ الخطوبه دى .
داليا : جاسم بيشك فيا قال وايه عندة ادله ضدى انا وشريف لكن الادله اللى معاة مش كافيه .
محمود : طب وبعدين ايه الحل هانتصرف ازاى ؟
داليا : معرفش يابابى ماهو انا جيت اهوة علشان اسالك ايه الخطوة اللى ممكن نقوم بيها بعد كدة.
محمود سكت شويه وبعدين كمل بهمهة : اممممممممم.
داليا : قولى يابابى بتفكر فى ايه .

محمود : قوليلى ياداليا ايه طبيعه علاقتك بجاسم قبل حادثه الاسطبل .

داليا : عادى يابابى علاقه اى أتنين مخطوبين ببعض.
محمد : يعنى مافيش مرة باسك او ...
داليا فهمت تفكير ابوها وبعدين اتكلمت : بابى انت عاوز توصل لاايه.
محمود : انا سالتك وانتى مش جاوبتينى يعنى لمسك .
داليا : لا طبعا يابابى هو انت مش واثق فيا ولاايه ؟

محمود : الصراحه لا لانى حاسس انك بتكدبى .

داليا : والله ماحصل حاجه وبعدين انت علمتنى ازاى اعرف اسيطر على نفسى كويس كل اللى حصل انى ضعفت شويه علشان كدة سمحت له انه يحضنى ويبوسنى وكدة يعنى لكن ماحصلش بينا اكتر من كدة دة غير انى حبيته قبل ماالزفته اللى اسمها مايسه ماتظهر.

محمود بتريقه : داليا يابنتى بلاش تضحكى عليا انتى عمرك ماحبيته .

داليا بعدم تبرير : حبيبى انا اقصد يعنى انى بحب فلوسه وكنت بخطط علشان خاطرك علشان تقدر تضربه فى السوق وساعتها تستعيد الشركات الخسرانه وتقدر تكسرة هو وابوة .
محمود : امممممم طب والعمل ايه دلوقتى ؟
داليا : معرفش بقى يابابى حاول انت تتصرف بقى.
محمود بتفكير : امممممم بس لقيتها .
داليا : هى ايه ياحبيبى ؟

محمود : هاتصل بابوه واقوله ان ابنك غلط مع بنتى ولازم يصلح غلطته .

داليا بسؤال : طيب ودى هاتعملها ازاى بس ؟
محمود : بسيطه نعمل اى كشف عذريه مضروب علشان يبقى الدور مسبوك صح وانك فقدتى عذريتك على ايد ابنه وانه لازم يصحح غلطته دى بانه يتجوزك .
داليا : ايوة يابابى بس الشهادة دى هاتجيبها منين ؟
محمود : الا قوليلى ياداليا البوس والحضن اللى حصل مابينكم كان من امتى بالظبط ؟
داليا : زى ماقلتلك ودة من قبل مايعرف البت مايسه.
محمود : طيب قوليلى فى حاجه تثبت دة اقصد يعنى صورتيه مثلا بالموبايل وهو بيحضنك اويبوسك .
داليا باسف : لا للاسف .

محمود : جميل انا بقى هاقول هانعمل ايه بصى ياستى ........ وبدا محمود يحكى مخططه الشرير فانه ازاى عاوز يكسر جاسم ويجبرة انه يخضع لهم كنت داليا قاعدة بتسمع له وهى مبسوطه ماكنتش بتفكر فى اى حاجه غير انها تشمت فيه وكمان كانت عاوزة تعمل المستحيل علشان محدش يكشفها او يكشف لعبتها القذرة اللى نفذتها هى وشريف علشان يقضوا عليه اما ابوها التعبان فماكنش يهمه فى الموضوع دة كله غير انه يشوف محمد وابنه مذلولين وبيفكر ازاى يقدر بكل طريقه يستولى على مصانعهم بطرقه الغير مشروعة ويحولها لاعماله المشبوة والغير شرعيه .


داليا بابتسامه شر : طب والله فكرة كويسه ومش بطاله بس التنفيذ هايتم امتى ؟


محمود : ادينى يومين بالكتير على اما اظبط الامور صح .

داليا : طيب وليه مش نبدأ من دلوقتى ؟
محمود : بلاش سربعه ياداليا ومتوجعيش راسى انا عارف وفاهم انا بعمل ايه كويس وكمان علشان البت مايسه دى تتاكد ان جاسم شاب تلفان ومش جاد وتعرف كمان انه بيخونها فهمتى .
داليا : طب وفى اليومين دول هاكون فين هنا مش كدة .
محمود : ايوة لاننا هانستدرجه هنا وكله هايتم هنا علشان يبقى زى ماقلتلك الدور مسبوك كويس .
داليا بمكر : حبيبى والله انت يابابى اموت انا فى خططك الجهنميه دى .
محمود : خلاص يبقى تسكتى خالص وتسيبنى اتصرف صح وكمان مش عاوزك فى اليومين الجايين دول تتصلى بجاسم نهائى الا لما اعطيكى الضوء الاخضر ماتتصرفيش من دماغك فاهمه .

داليا : اممممم .

محمود بضيق : مالك يابت عاوزة تقولى ايه تانى .
داليا : طيب افرض يعنى بالفرض ان الخطه دى فشلت .
محمود : مش هاتفشل .
داليا بزهق : يابابى انا بقولك افرض انها فشلت وجاسم اكتشف اللعبه .
محمود : ساعتها نبقى نفكر ازاى نخلص من الزفته مايسه دى لو هاتبقى عقبه فى طريقنا .
داليا : نفسى والله بس ازاى .
محمود : ساعتها نبقى هانشوف بطلى رغى بقى .
داليا : اوك يابابى زى ماتحب بس يارب الخطه تنجح .
ونسيب داليا العقربه وابوها التعبان ونرجع تانى للعزبة .

فى العزبة .

كان جاسم بيتمشى لوحدة وكل تفكيرة فى مايسه وفجاه هى جت من وراه .
مايسه : احم نحن هنا ممكن اعرف سيادتك سرحان فى ايه ؟
جاسم ابتسم اول ماسمع صوتها والتفت لها وابتسم لها براحه:مايسه والله انتى بنت حلال تعرفى انا كنت لسه بفكر فيكى وعمال اقول فينك دلوقتى يامايسه فجأة طلعتى ليا زى حوريه البحر .
مايسه ضحكت والغمزتين اللى فى خدودها بانت فزادها جمال فوق جمالها .
مايسه بضحك : اتارى وانا بقول ليه شرقت ههههههههه.
جاسم سرح فى جمالها واتكلم بعشق : مايسه انا مش عارف انتى عملتى ايه فيا بس بصراحه كل مابشوفك ببقى نفسى الوقت مش يمشى ........ وقرب منها وفضل يملى عينه منها وجه علشان يبوسها بس هى بعدته عنها.

مايسه : جاسم ارجوك بلاش اللى انت بتعمله دة .

جاسم بصلها بحب : تتجوزينى يامايسه ؟
مايسه بصدمه : ايه انت قلت ايه ؟
جاسم بعشق : بقولك تتجوزينى يامايسه .
مايسه : انت بجد فاجئتنى وبصراحه كدة ماكنتش متوقعه طلبك للجواز منى بالسرعة دى انا محتاجه وقت للتفكير طب وداليا ؟
جاسم بضيق : مالها داليا .........سكت شويه وكمل: اه صحيح دة انا نسيت اقولك انى فسخت خطوبتى بيها وندى عارفه الكلام دة .
مايسه : طب انت فسخت خطوبتك بيها ليه ؟

جاسم : مش متفقين مع بعض وبعدين سيبك بقى من داليا والكلام دة كله وخليكى معايا انا .

جاسم قرب منها وحوطها من خصرها وبث شوقه لها واتكلم بعشق وابتسم لها : ها عاوزة دليل اكتر من كدة على حبى لكى .
مايسه : جاسم انا مش عارفه اقولك ايه الحب والجواز مسؤليه كبيره مش كلام وخلاص .
جاسم بعتاب : يعنى انتى مش واثقه انى قد كلامى الله يسامحك لعلمك بقى انا قد كلمتى اوى ولما بقولك انا بحبك فانا فعلا بحبك ومن زمان من يوم ماعينى جت فى عينك ها بقى يابنت الحلال ريحى قلبى وقولى انك موافقه .

مايسه : مش عارفه اقول ايه بجد انا محتاجه وقت للتفكير.

جاسم بزهق : انتى لسه هاتفكرى مايسه وبعدين معاكى مش تغلبينى انا بحبك قولى انتى بقى.
مايسه : هى ايه بس .
جاسم : انك انتى كمان بتحبينى وموافقه انك تتجوزينى قولى بحبك .
مايسه اتكسفت ووشها جاب ميه لون فزادها جمال اكتر ووشها احمر من كتر الكسوف وحطت وشها فى الارض من كتر الخجل .
جاسم رفع وشها وفضل يملى عينه منها ووهو لسه ضممها : انطقى بقى يابت انتى تعبتى قلبى حرام عليكى3
مايسه بكسوف: بحبك والله العظيم بحبك .

جاسم ضحك : ايوة كدة اهو انتو ياستات كدة لازم الواحد يشد عليكم علشان تعترفوا بالحب ههههه.

مايسه بغيظ: تصدق انك رخم فعلا .
جاسم غمز لها بشقاوة : اسكتى يااوزعة هههههه........ وضمها تانى لصدره وبصلها بحب وعشق واتكلم بحنان:تيجى تركبى تانى معايا خيل .
مايسه بضحك: ههههه انت مجنون خيل اه والله .

جاسم بشوق : وانا بعشق فراستى وانتى احلى فرسه جميله شافتها عينى ........ وبصلها وهو عينه على شفايفها وقرب منها باسها برقه مايسه دابت فيها وكانت هاتقع من تاثير مشاعرة لها بس هو اسرع ومسكها بايدة وسندها بقوة علشان مش تقع منه واخدها وشالها وركبها على حصانه وركب قدامها وهى وراه واتمسكت بيه بقوة وفضل يلف بيها المزرعه كلها وسط ضحكتها وابتسامتها معاة لكن ابوها سمع صوتها وشافهم مع بعض هى وجاسم على ظهر الحصان ومحمد لاحظ شرودة .


محمد : مالك ياعم طه سرحت فى ايه .

طه بسرحان: ها لاابدا ياسعادة البيه .

محمد : امال انا بكلمك من فترة وانت مش مركز معايا خالص ياترى ايه اللى شاغلك .

طه بارتباك : انا يعنى حضرتك كنت عاوز اقول يعنى اااااا ....... ولسه هايكمل محمد لاحظ هو كمان ضحك مايسه واخد باله ان جاسم مركبها معاة الحصان والاتنين منسجمين مع بعض .
محمد اتنرفز ونده على ابنه : جاسم .
جاسم وقف بحصانه ونزل ونزل مايسه وراح لهم .
محمد بص لابنه وأتكلم بحدة : عيب اوى اوى اللى بتعملة دة يابنى انت مش عيل صغير دى تصرفات عيال.
جاسم ببرود : وانا عملت ايه يابابا وفين العيب اللى عملته .
محمد بغضب وزعق : عيب اوى انك بتستغفلنا انا وعمك طه وتركب بنته معاك الحصان وهى معاك بالشكل دة انت اكيد اتجننت رسمى بقى هو دة الادب اللى علمتهولك دى بنت يابنى يعنى لازم تحافظ عليها ابوها يقول ايه معرفتش اربى ابنى.

جاسم قرب من طه واتكلم بثقه : انا متاسف اوى ياعم طه بس انا فعلا بحب بنتك واتمنى ان مايكونش عندك اى مانع انى اخطبها منك رسمى .

طه بصدمه : ايه تخطب بنتى؟ .... وبص لمحمد بذهول وسكت ومردش .
محمد بحده : لا أنت فعلا كدة اتجننت رسمى ؟
جاسم بهدوء : ليه بس يابابا علشان بحبها ابقى اتجننت.

محمد بص لابنه بتحذير واخدة على جنب بعيد عن طه وبنته : جاسم انت فاهم انت بتقول ايه؟ واعى للكلام اللى انت بتقوله دة عاوز تخطب بنت عم طه!

جاسم بهمس: يابابا انا مش فاهم ايه وجه اعتراض حضرتك مالها بنت عم طه على الاقل بنت محترمه وبحبها بجد مش زى داليا اللى كانت عاوزة تخلص منى بعد الحب اللى حبتهولها بابا انا خلاص عرفت سعادتى هاتكون مع مين ومعنديش اى استعداد انى اسيبها حتى لو حضرتك مش موافق وبعدين انا عارف ان هانى كمان بيحب اختى يبقى ليه بقى الرفض ....رجع تانى للمكان اللى كان واقف فيه عم طه وبنته و بص لمايسه بحب وكمل : انا خلاص لقيت اللى هاتملى عليا حياتى واكمل معاها نص دينى .......... بص لطه وكمل : ها ياعم طه قلت ايه موافق تجوزنى بنتك ولالا .
طه : يابنى المواضيع دى ماتتخدش قفش كدة على الاقل سيبنى افكر او حتى اسال امها وبعدين هى موافقه عليك ولالا .

جاسم ابتسم : هى طبعا موافقه .

طه بضيق : وانا طبعا كنت مختوم على قفايا وكنت اخر من يعلم مش كدة ... بص لابنته بلوم : ليه كدة يابنتى ليه تعملى كدة وتصغرينى قدام محمد بيه الراجل الطيب اللى كرمنا وفتح لنا بابه بقى دى اخرة تربيتى لكى .
مايسه : يابابا انا ماعملتش اى حاجه تغضب ربنا انا بح....
طه قاطع بنته بحدة : اسكتى يامايسه مش عاوز اسمع منك اى كلام اتفضلى ارجعى للشقه اتفضلى يلا.... وبص لجاسم : انا اسف يابنى معنديش بنات للجواز ........ اتفضل حضرتك ارجع لخطيبتك وانسى بنتى تماما .

جاسم : ارجوك ياعمى افهمنى بس انا خلاص اخدت قرار انا ماعنتش هارجع لداليا انا خلاص حبيت بنتك ومتمسك بيها وهى كمان بتحبنى يبقى ليه بقى الرفض .

طه : المشكله انك سيبت خطيبتك علشان خاطر بنتى .
جاسم : والله العظيم ابدا مش علشان بنتك ولاحاجه وانا فعلا سيبت داليا لاسباب كتيرة مش حابب اتكلم فيها وبصراحه كدة ماتصلحش انها تكون مراتى وشريكه حياتى ارجوك ياعم طه فكر كويس حرام عليك تكسر قلبى وقلب بنتك لمجرد اننا بنحب بعض فكر كويس ياراجل ياطيب وبعدين ماتخافش عليها لانى هاعوضها الحب اللى نفسها فيه .

طه بص لمحمد وبعدين رجع بص لجاسم : والله يابنى مش عارف اقولك ايه .

جاسم : قول انك موافق بس.
طه : طيب يابنى على الاقل اقعد مع ابوك واتشاوروا .
جاسم بص لابوة : ها يابابا قلت ايه موافق ولالا لانكم لو رفضتوا او اصرتوا على الرفض انا ممكن اخدها واتجوزها غصب عنكم ومن وراكم وانا مش حابب اعمل كدة .
محمد بحدة : لوى دراع يعنى ياجاسم .
جاسم : لا طبعا مش لوى دراع بس انا بحبها ومش ممكن اتخلى عنها تحت اى ظرف من الظروف .
محمد ابتسم لانه اتاكد ان ابنه وقع فى الحب اللى هاتسعدة وكمل: والله انا عن نفسى موافق مبدئيا لانى عارف عم طه وعارف اخلاقه كويس وعارف انه مربى بنته كويس بس زى ماقال لازم يسال والدتها وياخدوا وقت وقرار للتفكير دة جواز ومسؤليه .
جاسم : وانا قد المسؤليه دى يابابا ......... بص لطه : وتاكد ياعمى ان بنتك هاتعيش سعيدة ومبسوطه معايا فكر فى طلبى للجواز منها ارجوك.

طه : ربنا يقدم اللى فى الخير يابنى .

جاسم : طيب عن اذنكم اسيبكم تكملوا كلامكم وتفكروا على مهلكم ........سابهم وركب حصانه وفضل يلف شويه وباليل رجع طه الشقه اللى قاعدين فيها علشان يتشاور مع مراته بخصوص طلب جاسم للجواز من بنته .
فوزية بصدمه : مش ممكن يتجوز بنتى انا ؟ طب ازاى وبعدين هو مش خاطب داليا .
طه بضيق : ماهو دة اللى مجننى اكتر ..... وندة على بنته وتكلم بحدة وزعق : بت يامايسه انتى يابت .
مايسه جت جرى وراحت لابوها : نعم يابابا خير ياحبيبى بتزعق كدة ليه ؟
طه بزعيق : دة انا ازعق واكسر دماغك كمان تعالى هنا وفهمينى بقى انتى عملتى لجاسم ايه يابت انتى سحرتيله ولا عملتى ايه بالظبط واتكلمى دوغرى ومن غير لف ولادوران .
مايسه بضحك : ههههههه ايه الكلام دة يابابا وبعدين ايه سحرتله دى لا طبعا جاسم بيحبنى وانا كمان بحبه .
طه قرب من بنته ومسك دراعها بعنف وهزها جامد : اوعى يابت يكون لمسك ولاعملك حاجه كدة ولاكدة اقطع رقبتك .

مايسه بنرفزة : لا طبعا يابابا ايه الكلام الغريب اللى بتقوله دة جاسم انسان محترم وعندة اخلاق لا اطمن يابابا لاجاسم جه جنبى ولالمسنى خالص .

طه بارتياح : الحمد لله احمدك يارب بس قوليلى انتو امتى حبتوا بعض وازاى .
مايسه : من ايام ماكنت بخدمه وهو مكسور ودة قرب المسافات بينا وحبينا بعض .
طه بضيق : اهو دة اللى كنت خايف منه انه يحصل .
مايسه : انا مش فاهمه انت حضرتك خايف ورافض موضوع ارتباطنا رسمى ببعض ليه دة المفروض انك تكون فرحان مش زعلان .
طه : يابنتى دول من اغنى اغنياء مصر كلها اشهر من نار على علم واحنا يدوبك ناس غلابه على قد حالنا وبنخدمهم ابوة يقول عليا ايه دلوقتى يقول اننا طمعانين فيهم .

مايسه : وانا مايهمنيش كلام حد انا كل اللى يهمنى جاسم وبس وانا ان شاء الله هاقدر اسعدة وهو كمان هايسعدنى ارجوك يابابا ياحبيبى خد الامور ببساطه وبلاش تعقيد .

طه : ربنا يقدم اللى فيه الخير يابنتى .
جاسم بعد ماخلص لف بالحصان رجع شقتهم وراح لابوة واخته .
جاسم : ها يايابا لسه بتشاور عقلك ولاايه .
محمد : والله يابنى ماانا عارف انت على طول ليه متسربع كدة وبتاخد قرارت من دماغك دايما مش صح انا قلتلك انى موافق مبدئيا لكن بنت عم طه؟
جاسم :مالها بس بنت عم طه دى أطهر من بنات كتير عرفتهم قبلها وبحبها وهى الوحيدة اللى وقفت جنبى وانا تعبان صدقنى يابابا أنا مش هلاقى سعادتى غير معها أرجوك يابابا قول أنك موافق أنت أكيد هاتفرح لما تلاقى أبنك سعيد مع واحدة بيحبها.

محمد اتنهد بقله حيله : اعمل ايه بعد الحاحك دة مش قدامى غير انى اوافق بصراحه الراجل ابوها خدمنى اوى وسمعته حلوة وكمان مريحنى على الاخر بس عارف ياجاسم لو البنت دى جت فى يوم واشتكت منك محدش هايقف قصادك غيرى .

جاسم بضحك : هههههه طبعا مين يشهد للعروسه .
ندى : مبروك ياجاسم .
جاسم : عقبالك ياقمر وعن قريب ان شاء الله .
ندى بامل : يااااااااااارب .
محمد قام اخد ابنه بالحضن وبارك له وجاسم بادله نفس الحضن وتانى يوم اخدها هو وندى وطلع بيهم على اكبر محل مجوهرات علشان يشترى شبكتها .
مايسه : انا عاوزة افهم انت تلف بقالك ساعتين بالعربيه ومش راضى تقف فى مكان محدد ممكن اعرف انت ليه بتلف بالعربيه من غير هدف .
جاسم : مين قالك كدة ....جاسم وقف قدام محل المجوهرات ونزل ولف وفتح لها الباب .

جاسم : خلاص وصلنا انزلى .

مايسه : طيب بس افهم ليه .
جاسم : علشان هاشتريلك شبكتك طبعا ياحبيبتى .
مايسه : جاسم انت بتهزر صح .
جاسم : لا طبعا ياقلب جاسم انا فى الامور دى مابهزرش خالص فيها يلا بقى انزلى انتى وندى ونقى كل اللى نفسك يه .

مايسه نزلت هى وندى وجاسم من العربيه ودخلوا المحل .

ندى : بصى يامايسه شوفى دى شكلها حلوة ازاى .
مايسه : هى الصراحه حلوة اوى بس غاليه جدا ياندى .
جاسم بحب : مافيش حاجه تغلى عليكى يا مايستى ياحبيبتى وعمرى كله .
مايسه : ايوة ياجاسم بس .
جاسم : من غير بس ياحبيبتى وانتى ياندى خدى مايسه ونقوا مع بعض وعلى ذوقك ماشى .

مايسه فضلت تنقى لحد مااختارت شبكه بسيطه جدا ومتواضعه وسعرها معقول .

جاسم بصلها باستغراب : ايه دة يامايسه انتى اكيد بتهرجى صح ليه عاوزة تلبسى شبكه بسيطه ورخيصه .
مايسه بحب : حبيبى الشبكه دى مجرد هديه من الخاطب لخطيبته هاتفرق ايه غاليه او رخيصه .
جاسم بزهق : لا بقى بقولك ايه انتى تسمعى كلامى انا هاجيبلك احلى شبكه لأحلى مايسه ومن فضلك تسمعى الكلام وريحى قلبى قال شبكه متواضعه قال .
ندى : خلاص اهيه ياستى احلى شبكه لاحلى عروسه .... جاسم عجبته الشبكه اللى نقتها ندى واشتراها لمايسته ورجعوا تانى العزبة والكل احتفل وكانت فرحه عم طه ومراته ببنتهم لاتوصف .

مايسه : بابا حبيبى انت تفرح تعيط تحزن تعيط .

طه بدموع : دى دموع الفرح ياحبيبتى .
مايسه : ماتحرمش منك ياسيدى الكل انت وماما حبيبتى .
فوزية : الف مبروك ياحته من قلبى .
مايسه : الله يبارك فيكى ياماما.... وحضنت ابوها وامها بحب وحماها اعطاها علبه هديه .
محمد : خدى يامايسه يابنتى .
مايسه : ايه دى ياعمى .

محمد : دى بقى هديتى منى لكى .

مايسه بدموع : انا مش عارفه اشكر حضرتك ازاى .
محمد بضحك : انتى تشكرينى لما تخلصينى من الواد المزعج اللى قاعد على نفسى دة .... وشاور على ابنه .
جاسم : احم احم انا كدة هابدا اغير .
محمد : ياشيخ اتنيل .
جاسم بضحك : حاضر هاتنيل اهوة .
طه بحزن : كان نفسى يكون هانى موجود معنا دلوقتى .
هانى كان وصل فعلا العزبة وحب يعملها مفأجاة لهم وراح لهم والكل اتفجأ بيه.
هانى : انا جيت اهوة ياحبيبى .

طه جرى على ابنه وحضنه وباسه : حمدا لله على سلامتك يابنى امال انت جيت امتى؟

هانى : لسه واصل حالا اهوة وسمعت ان جاسم هايخطب اختى ......... هانى راح لجاسم واخده بالحضن اوى وبارك له.
هانى : الف مبروك ياجاسم .
جاسم : الله يبارك فيك ياهانى عقبال ماافرح بيك انت كمان .
هانى وبص لندى بحب وهى اتكسفت وحطت وشها فى الارض من كتر الكسوف: انا عن نفسى جاهز بس القمر يؤمرنى وانا انفذ .
محمد بص لهانى واتكلم بحدة : هانى ياابن عم طه انا قلتلك قبل كدة ماتجيش جنب بنتى غير لما تكون مستعد وجاهز وجايبلها شبكه محترمه وتيجى تخطبها منى رسمى .
هانى : اتفضل اهيه شبكه بنتك ياعمى .....هانى طلع من شنطه سفرة علبه شبكه قيمه واعطاها لمحمد .

هانى : شبكه ندى زى ماطلبت منى بالظبط يعنى هو انا عندى كام ندى هى واحدة بس .

محمد فتح العلبه وعجبته الشبكه بتاعه بنته اللى اشتراها هانى والدبل وعليها الاسامى .
محمد : الشبكه وشوفتها وعجبتنى لكن اللى انا مش فاهمه انت اشتريت الدبل بناء عن ايه وازاى عرفت المقاس ايد بنتى ها افهم بقى مش يمكن تطلع الدبله ضيقه او واسعه عليها .
هانى بمكر وبص لمحمد بثقه : عملت حسابى وبنتك اعطتنى خاتم على قدها بالظبط وطلبت من الجواهرى يعمل دبله بنفس المقاس اظن كدة ياعمى حجتك بطلت .
محمد بضيق : اتلم ياواد انت انا لسه ماوافقتش .

جاسم قرب من ابوة وهمس فى ودنه : وافق يابابا علشان تبقى الفرحه فرحتين انت عارف انى بحب مايسه وهانى كمان بيحب ندى وانا شايف ان هانى الاجدر بيها وهايقدر يسعدها .

محمد بقله حيله : خلاص امرى لله مبروك ياولاد .
فوزية زغردت بسعادة لفرحه اولادها وتانى يوم عملوا حفله خطوبه على الضيق .
جاسم وهو بيلبس لمايسه شبكتها : الف مبروك ياحبيبتى عقبال الجواز ...... وباسها من جبينها .
مايسه بكسوف : الله يبارك فيك ياجاسم .
هانى : مبروك ياندوشتى .

ندى بخجل : الله يبارك فيك ياهانى .

محمد : مبروك ياعم طه اولادك خطفوا ولادى ربنا يبارك فيهم بقى ويرزقهم بالذريه الصالحه.
طه بدموع : الله يبارك فى حضرتك يامحمد بيه ربنا يخليك يارب .
هانى ومايسه راحو لابوهم وحضنوة وكانت الفرحه سايعه الجميع عدى يوم الخطوبه حلو وجميل وفرحه شامله الكل وتانى يوم هانى ودع ندى واهلة ورجع لرحلاته تانى وجاسم وفضل شويه مع مايسته ورجع على شركته .

عند داليا فى الفيلا كان الغل والحقد مالى قلبها كعادة قعدت فطرت هى وابوها ومسكت الجريدة تتصفحها واصبيت بصدمه لما لقت خبر خطوبه جاسم بمايسه ضغطت على الجريدة بغل ومزقتها ونفخت بغضب.

داليا بشر وحقد:شوفت ياسى بابى شوفت البيه جاسم مصدق انه خلص منى وخطب الزفته مايسه ازاى.
محمود : وانتى عرفتى ازاى ؟
داليا اعطت الجريدة لابوها واتكلمت : بص اهو ناشر صور له معاها هاموت هاطق .
محمود : اهدى ياداليا كدة وخلينا نفكر بالراحه وعلى مهل علشان خططنا تنجح وماتفشلش.
داليا : ماانت كل يوم تقولى بكرة هو بكرة دة مش هايجى بقى .
محمود : خلاص يبقى نبدا من دلوقتى .
داليا بخبث : ايوة فعلا لازم نبدا من دلوقتى ونطرق على الحديد وهو سخن .
محمود : تعجبينى ياحبيبه بابى طالعه لابوكى بصحيح .

خلص الفصل والشر مالى قلوب محمود وبنته ياترى هايقدروا ينجحوا فى تنفيذ مخخطهم الشرير وانهم يفرقوا مابين قلبين بيحبوا بعض بجد ولا هايحصل ايه .
رواية ما بعد الرحيل للكاتبة ياسمين أحمد الفصل الثالث عشر

مر يومين على خطوبه جاسم بحبيبته وكان قاعد جنب مايسه عند حوض الورد ومحاوطها بدراعاته بحب وعشق.

جاسم بهيام : ياااااه يامايسه انا لحد دلوقتى مش مصدق انك خلاص بقيتى خطيبتى وملكى .
مايسه : عارف ياجاسم هاقولك على حاجه اول مرة تعرفها انا معرفتش معنى الحب اللى بجد غير معاك ربنا يخليك ليا انت اكبر نعمه من ربنا عليا . سكتت شويه وبعدين كملت كلامها : حبيبى ممكن اطلب منك طلب .

جاسم بابتسامه عذبه : حبيبتى تأمر وانا عليا التنفيذ اامرى ياقمر .

مايسه : الامر لله بص هو ممكن يعنى تفضل قاعد معايا النهاردة .......... النهاردة وبس .
جاسم بشوق جامد : حبيبتى انا لو عليا عاوز افضل جنبك كدة على طول بس ماينفعش انتى عارفه انى لازم ارجع الشركه من تانى وكمان الشغل والحمل بقى كتير اوى على امجد الفترة اللى فاتت دى وهو كتر خيرة شايل الشركه لوحدة معلش حقك عليا بس اوعدك هاعوضك مرة تانيه وفى اقرب فرصه.

مايسه بان فى عينيها الحزن : خلاص ماتشغلش بالك اهم حاجه راحتك عندى بالدنيا ومافيها وانا ان كان عليا نفسى افضل معاك وجنبك ومش اسيبك بس الشغل اهم طبعا علشان مش يتعطل اكتر من كدة .


جاسم حس بزعلها وقرب منها وباسها برقه من غمازتها ولسه هايقرب منها اكتر علشان يبوسها من شفايفها بس هى كانت أسرع منه واحطت ايدها على شفايفه علشان تمنعته .


مايسه : حبيبى ماينفعش كدة اولا انا مش عاوزة حد يغلطك وكمان علشان بابا لو شافنا فجأه هايبقى الوضع مش تمام ثانيا ودة الاهم انك سيبت داليا علشان كدة علشان كانت بتطاوعك على كدة وعارفه ان اللى بتعمله معاك عادى بالنسبه لها وواخده الامر ببساطه لكن بالنسبه ليا انا لا ماينفعش على الاقل لحد ماابقى على ذمتك .


جاسم بصلها بحب وفرح فى قرارة نفسه انه اختار صح المرة دى فضل يملى عينه منها وابتسم ابتسامه عذبه على شفايفه وبعدين اتكلم : عارفه يامايسه انتى كل يوم بتعلى فى نظرى وبتخلينى احبك اكتر واتمسك بيكى اكتر واكتر علشان بتمنعينى منك بس اعمل ايه جننتينى فى حبك انا معاكى مابقدرش اقاوم نفسى مايسه انا بحبك ولازم تبقى عارفه وفاهمه دة كويس .


مايسه : والله العظيم انا عارفه كل الكلام دة كويس بس الاكيد ان حبك اللى بتعبرلى بيه هايبقى احلى واجمل ميه مرة لما ابقى مراتك.


جاسم ابتسم لها بحب وبص فى عينيها بعشق : وانا بستنى اليوم دة بفارغ الصبر مايستى انتى مش بس حبيبتى دة انتى نور عينيا وروح قلبى لادة انتى كمان الهوا اللى بتنفسه ولما ببعد عنك شويه ببقى هاتجنن لانك بتوحشينى فى كل لحظه..... سكت شويه وكمل كلامه بطريقه طفوليه : صبرنى يارب على البت دى بس لحد مااكتب كتابى عليها .... وبعدين رجع وغمز بعينه لها بشقاوة : دة انا عندى كلام انما ايه هايعجبك اوى كلام هابقى هاقولهولك بس بعدين لما نتجوز .........وقرب منها وهمس فى ودانها وهى وشها جاب ميه لون .


مايسه بكسوف : على فكرة انت قليل الادب اوى .

جاسم ضحك واتكلم بحب : وهو انا لسه قلت حاجه بس.
مايسه بضيق : جاسم وبعدين معاك يلا بقى اتفضل روح شغلك وعلشان بابا ولاماما مش يشوفك وانت مقرب منى وبتكلمنى كدة .
جاسم مسك كف ايدها وباسها برقه : حاضر يامايسه قلبى يااحلى ماسه سلام ياحبى .
مايسه بحب : مع السلامه حبيبى خد بالك من نفسك لااله الاالله .
جاسم : محمد رسول الله .

مايسه فضلت تبص عليه لحد ما ركب عربيته واختفى من قدامها ومشى وابوها كان جه من وراها واتكلم بضيق.

طه : وبعدين معاكى يابنتى انا غلبت معاكى كلام اللى بتعمليه دة غلط انا خايف عليك ودة مهما كان راجل وللمرة المليون قلتلك انتى بنت والصراحه خايف ان مشاعرك تسيطر عليكى وتضعفى معاة قبل جوازكم .
مايسه ألتفت لابوها واتكلمت : بابا حبيبى ماتخافش من الناحيه دى اطمن انا عارفه جاسم كويس اوى وعارفه انه بيخاف عليا اكتر من نفسه وكمان قد كلمته وبعدين انت مش واثق منى ولاايه .

طه : لا طبعا واثق منك بس يعنى الامر مايسلمش انتى بنتى والحذر واجب مش كدة ولاايه .

مايسه ابتسمت لابوها : ايوة يابابا عندك حق كلامك مظبوط عن اذنك بقى هاروح اشوف ماما محتاجه حاجه ولالا .
طه اتنهد بيأس : ماشى يابنتى وربنا يسترها معاكى وعليكى ويهديك ياجاسم يابنى وتقدر تحافظ عليها وتصونها .

فى فيلا السويفى .

كان محمود وداليا قاعدين بيخططوا ازاى يستدرجوا جاسم لحد الفيلا .
محمود : اسمعينى ياداليا انا حطيتلك الكاميرا الصغيرة اهى ورا السرير اللى بتنامى عليه والكاميرا جاهزة علشان تصوركم صوت وصورة وانتى بقى عليكى تكملى اللى اتفقنا علية الكورة دلوقتى بقت فى ملعبك خدى الحبايه دى وخلى معاكى واحدة احتياطى ولو حسيتى ان جاسم شك فيكى او اكتشف لعبتنا يبقى عليكى بتنفيذ الخطه البديله واعتقد انى قلتلك عليها قبل كدة مش عاوز غلطه فاهمه ياحبيبه بابى عاوزين نجبرة انه يتجوزك ونحطه قدام الامر الواقع اما انه يكتب كتابه عليكى او نفضحه قدام ابوة والبت مايسه اللى خاطبها من يومين...... سكت شويه وكمل : دة فى حاله لو رفض انه يخضع لنا انا عاوزك تخليه زى الخاتم فى صابعك وفى حضنك كانكم بتقضوا وقت حلو وجميل مع بعض ساعتها بس اقدر اخد منه كل حاجه ويبقى يقابلنى لو قام منها تانى .
داليا بمكر وخبث: مايكونش عندك فكرة يابابى كله هايبقى فى السليم .

محمود : فهمتى الخطه كويس .

داليا : ايوة ايوة فهمت ........ سكتت شويه وبعدين كملت كلامها : انما حضرتك رايح فين كدة ؟
محمود : عندى شغل كتير مهم لازم اخلصه .
داليا : ماشى حبيبى انما قولى هو الشغل اللى انت رايح له مهم اوى كدة؟.
محمود :فوق ماتتخيلى المهم اسيبك علشان تنفذى المطلوب وزى مانبهت عليكى قبل كدة تمشى الخدامين كلهم وتفضل معاكى واحدة بس وبعد ماتخلص مهمتها تطلع من الفيلا بسرعه خلاص .
داليا : حاضر يابابى انا كدة خلاص ضمنت جاسم ومش هايفلت من ايدى ابدا .

محمود : شاطرة ياحبيبه بابى يلا سلام بقى .

داليا : باى .
محمود طلع من فيلته وركب عربيته وراح شركته علشان يتابع اعماله المشبوهة نزل من عربيته واستقلبه الامن اللى بره الشركه وحيوة وركب الاسانسير ووصل لحد مكتبه واول حاجه طلبها من سكرتيرته انها متدخلش اى حد عليه الا باذن منه وكان اول حاجه يعملها انه مسك موبايله واتصل بحازم .

فى شقه متواضعه كان حازم نايم من كتر الشرب لدرجه انه ماكنش سامع صوت الفون بتاعه وهو بيرن وفضل فونه يرن اكتر من مرة وكان عارى الصدر وواحده ساقطه من احدى الكباريهات اتعرف عليها نايمه فى حضنه وبعدين فتح عينه ورد بالعافيه على محمود .


محمود بغضب : انت يازفت الطين انت سنه على ماترد عليا اصحى كدة واتعدل معايا .

حازم بخمول وماسك دماغه من كتر الصداع : محمود باشا صباح الفل اامرنى .
محمود بحدة : صباح الزفت على دماغك .
حازم بضيق :مالك بس ياباشا مين اللى زعلك بس .
محمود بغضب: مابتردش عليا ليه على طول ؟

حازم بخمول: معلش ياباشا اصل الليله كانت صباحى اتفضل انا سامعك اهوة .

محمود بقرف : سيبك من القرف اللى انت بتعمله دة واغسل وشك وصحصح كدة وتعال لى حالا عاوزك وتيجى على وجه السرعه مفهوم ولااقول تانى .
حازم اتنهد بزهق: حاضر ياباشا ادينى نصايه كدة واكون عندك .... وقفل معاة السكه ونفخ بزهق.
لوسى بدلع وهى عماله بتمشى ايدها على صدر حازم العريان : ايه يابيبى مالك متضايق ليه ورايح فين وسايبنى .

حازم اتكلم بعصبيه وزهقها بعيد عنه : وانتى مال اهلك رايح فين ولاجاى منين لوسى اوعى تنسى نفسك انتى مجرد واحده ساقطه بقضى معاها ليله وخلاص واتفضلى اهوة الكام ملطوش بتوعك والبسى هدومك من سكات وهوينى بقى .


لوسى بحزن مصطنع : كدة ياحازومتى بقى لوسى حبيبتك تعمل فيها كدة .

حازم بنفاذ صبر وشدها من شعرها بعنف : انتى زيك زى غيرك كل اللى يهمك الفلوس وبس زيك زى اى واحدة عرفتها انا بحاول انسى ندى بأى واحده وخلاص اتفضلى بقى غورى من وشى وماشوفش خلقتك دى تانى لاحسن ويمين الله لقتلك وادفن جثتك ومحدش يعرف لكى طريق جرة يلا امشى من هنا جتكم البلاوى نسوان هم .

لوسى بتوعد : ماشى ياحازم بيه بس خليك فاكر كويس اوى مش لوسى اللى يتلعب بيها وبعدين ترمينى اه انا لحمى مر اوى.


لوسى لبست هدومها ومشيت وهى بتتوعد لحازم انها هاتفضحه بس لما يجى الوقت المناسب .

بعدها حازم اخد شاور سريع ولبس ونزل وكب عربيته ووصل شركه السويفى وطلع ووصل لحد مكتب محمود خبط ودخل .

حازم دخل علشان يسمع التعليمات من محمود وينفذها بالحرف الواحد: انا تحت امرك يامحمود باشا اامرنى

محمود : اقعد ياحازم علشان محتاج اتكلم معاك شويه .
حازم قعد وكان الصمت مخيم عليهم هما الاتنين لحد مامحمود اتكلم : حازم انت ايه علاقتك بندى اخت جاسم ؟
حازم اتنهد واستغرب جدا سؤاله لكن رد على سؤاله بهدوء : كنت هاتجوزها بس محصلش نصيب انما حضرتك بتسال ليه؟

محمود بحقد : عاوزك تحكيلى كل حاجه عنهم اقصد يعنى ندى كانت بتتكلم معاك بخصوص اخوها او بخصوص شغله يعنى اى حاجه تخصه مثلا شركاته مصانعه كدة يعنى وكام مصنع شغال كويس والربح بتاع كل مصنع وكل شركه قد ايه .


حازم بصله واتكلم بمكر : والله اللى عرفته منها انه عندة 3 مصانع والثلاثه بتوع مواد غذائيه ولحوم وفى شركات كتيرة منافسه لجاسم فى السوق ومع ذلك تعامله معاهم على احسن مايكون دة غير ان سمعته فى السوق ممتازة جدا وهو وابوة شركاء فى المصانع والشركات دى اللى بتساوى ملايين الجنيهات .


محمود بغل : طيب تمام تعرف توصل لى للمتعاملين معاة اكيد فى شركه ولااتنين من اللى بينافسوة يهمهم ضرب جاسم فى السوق .


حازم باستغراب وحك ذقنه وكمل بخبث:بالرغم انى تقريبا مش فاهم حاجه بس ياريت حضرتك توضح لى اكتر .


محمود : بص ياحازم انا عاوزك تعرف اسم كل شركه من دول يمكن اتعاون معاهم اواعمل بيزنس بينى ومابينهم يمكن اقدر اوصل معاهم لتفاهم اننا نضرب جاسم من تحت الحزام يعنى مثلا اقدر اورد اغذيه فاسدة ومضروبه وغير صالحه للاستخدام الادمى واخلى مندوبين من عندى يدخلوا الاغذيه دى عن طريق مصانعه ساعتها بس اقدر اطلب فريق من الامن الغذائى والشرطه يشمعوا المصانع دى لانها غيرمطابقه للموصفات الصحيه وبكدة اشفى غليلى منهم حتى ولو كان بجزء بسيط .


حازم بخبث: لا من الناحيه دى اطمن سعادتك فى خلال يومين هاعرفلك اسم الشركات دى وكله هايبقى فى التمام .


محمود ضيق وكمل بمكر: مش عاوز جنس مخلوق يعرف بالكلام اللى دار بينى ومابينك مفهوم ياحازم ويلا ابدا التنفيذ.

حازم : حاضر ياباشا وعلى العموم ماتقلقش كله هايبقى تحت السيطرة ومحدش هايحس بحاجه عن اذنك بقى علشان انفذ المطلوب منى .
حازم دة واحد من رجاله محمود او زى مابيقولوا عليه الكلب المطيع بينفذ المطلوب منه وبس.

ونرجع تانى لشركه جاسم .

جاسم راح شركته ودخل مكتبه وسرح فى مايسته بحب وبعدها بشويه وصل امجد وكان اول حاجه يعملها انه يروح يسلم على جاسم دخل واخده بالحضن وبارك له.
امجد : حمدا لله على سلامتك ياجاسم والف مبروووووك فرحتلك والله العظيم بس انا زعلان وواخد على خاطرى منك علشان معرفتنيش بموضوع الخطوبه دة .

جاسم باسف: معلش ياامجد الموضوع جه بسرعه ملحقتش اعزم حد.

امجد : ولايهمك ياصاحبى بس فى عريس يسيب عروسته كدة بعد يومين من الخطوبه طب كنت على الاقل اخدت لك اسبوع وبعدين ارجع .
جاسم : لا كفايه كدة ياامجد انا بقالى شهر رجلى ماخطتش الشركه والشغل كتير عليك وفى كمان شغل متعطل .

امجد بضحك : عيب عليك وهو معقول ابقى موجود والشغل هايتعطل وبعدين انت نسيت اننا اصحاب وشغالين مع بعض فى نفس الشركه يعنى اكيد مش هاسمح بتعطيل الشغل ماتقلقش ياجاسم الشركه شغاله ميه فل و14 وانا كنت واخد بالى من الشركه والشغل لحد ماترجع بالسلامه .


جاسم بامتنان : انا مش عارف اشكرك ازاى انت فعلا ونعم الصديق الوفى ربنا يقدرنى واقدر اسدد ولو جزء بسيط من اللى بتعمله معايا .......... سكت شويه وكمل كلامه : الا قولى انت هاتتجوز امتى ؟

امجد بضحك : انت مابتنساش حاجه ابدا .

جاسم : لا طبعا ماانت عارفانى مش بنسى اى حاجه قولى بقى فرحك امتى .

امجد : بعد شهر ان شاء الله ياسيدى نجلاء خطيبتى وجعت دماغى وهى بصراحه عندها حق البنت فضلت صابرة عليا سنتين خطوبه كفايه عليها كدة لاحسن تخلل منى هههه.

جاسم بضحك : الصراحه معاها حق انا لو منها كنت فسخت خطوبتك على طول انا مش عارف خطيبتك مستحمله فتره الخطوبه دى ازاى ربنا يسعدكم ويهينكم ببعض بس خد بالك انا معزوم على فرحك ماشى .


امجد : على فكرة انت هاتكون اول المدعوين على فرحى من غير منافس .

جاسم قام من على مكتبه ولف ناحيه صاحبه واخدة بالحضن وطلع من جيبه ظرف فى فلوس واعطاة له .10

جاسم : خد ياامجد دى حاجه بسيطه كدة بمناسبه جوازك .

امجد بخجل : انت بتعمل كتير معايا اوى ياجاسم انت جمايلك بقت كتيرة اوى عليا .
جاسم : عيب عليك متقولش كدة تانى علشان مزعلش منك وبعدين احنا مش بس اصدقاء دة احنا عشرة عمر واخوات كمان .

امجد : ربنا يديم الود والمعروف والصداقه دايما يارب

جاسم : ياااااااارب يلا بقى سيبك من الكلام دة علشان ورانا ميتنج مهم هايبدا دلوقتى .

امجد وكأنه افتكر : آه بالمناسبه ياجاسم الشركه اياها رجعت بتهددنا تانى لو مش بعتنا لهم فاكس دلوقتى انا مش فاهم اشمعنى الشركه دى بالذات اللى كل شويه عامله مشاكل معنا مع العلم انها مجرد شركه صغيرة مش كبيرة .


جاسم بثقه: دة الطبيعى انه يبقى فى منافسه مابين الشركات وبعضها فى السوق فى اللى هتلاقيه بيتعاون معاك من غير غرض وفى اللى هتلاقيه عاوز ينافسك بطريقه ملتويه وفى اللى هايضربك من تحت الحزام علشان يخسرك فى السوق مش كله زى بعضه .


امجد بشك : امممممم ماظنش اكيد الشركه دى مسنودين على حد او حد بيحرضهم على المشاكل دى.

جاسم : لا ماافتكرش انهم مسنودين من حد على العموم من باب الاحتياط ابعت لهم الفاكس دة حالا وقول لهم ان شحنه اللحوم والاغذيه فى طريقها لهم وربنا يهديهم بقى المهم سيبك منهم علشان الاجتماع مش يتاخر اكتر من كدة .
امجد بقله حيله : ماشى امرى لله ......وبعت لهم الفاكس وراح على الاجتماع .

فى فيلا السويفى

داليا امرت الخدامين كلهم انهم يمشوا وبعد مااتاكدت انها لوحدها رنت على جاسم وهو فى الوقت دة كان فى الميتنج وشاف موبايله بيرن طلعه من جيبه ولقى المتصل داليا كنسل عليها وقفل موبايله وكمل الميتنج.

داليا بغل: كدة ماشى بس برضه هافضل وراك لحد ماتفتح وترد ......رجعت ورنت عليه تانى لحد تقريبا ماالاجتماع ماانتهى وخلص وفى النهايه جاسم فتح موبايله ولقى 10 مكالمات و3 رسايل منها .

جاسم بزهق : اووووووف عاوزة ايه دى كمان ؟ انا قلت لها ملهاش دعوة بيا.
امجد : مين اللى بيرن عليك ياجاسم ؟
جاسم : دى داليا مابطلتش زن ومكالمات ورسايل من ساعه مابدأنا الميتنج لحد ماخلص والمهم انى سبق وطلبت منها انها تنسانى وبرضه مافيش فايدة .

امجد : والله مش عارف اقولك ايه خلاص ريح نفسك وماتردش عليها.

جاسم : هى راضيه تبطل زن عماله ترن ترن زهقتنى.
امجد : خلاص تعالى على نفسك ورد لما نشوف ايه اخرتها معاها .
جاسم بنفاد صبر واتنهد : ماشى امرى لله .
جاسم رد بعد اخر رنه لها وفتح وهو مجبر .
جاسم بضيق: نعم عاوزة ايه انا مش قلتلك انسينى وملكيش دعوة بيا؟
داليا وهى بتمثل انها تعبانه وبتكح : جاسم الحقنى انا تعبانه اوى .
جاسم بزهق : سلامتك تعبانه مالك ؟

داليا بمكر : عندى دور برد شديد اوى وحاسه بتكسير فى جسمى ومافيش حد موجود معايا ارجوك ياجاسم تعالى انا تعبانه خالص .

جاسم : وفين الخادمين ؟.
داليا بخبث افعى : كلهم واخدين اجازة وانا لوحدى يرضيك انى افضل تعبانه ورقدة فى السرير من غير علاج؟
جاسم ببرود: والمطلوب ؟
داليا بغيظ : تيجى على الاقل تشوفنى ولا نسيت الايام الجميله اللى كانت بينا ولو نسيت افكرك .
جاسم بعصبيه : ولاتفكرينى ولاافكرك اذا كنتى تعبانه فحاضر هاجى اشوف عاوزة ايه واجيبلك الدوا كمان غير كدة ماعنديش حاجه تانيه علشان تتقال .

داليا وظهرت على وشها ابتسامه خبث ونصر :طيب تيجى بالسلامه .

وقفلت معاة الموبايل وبدات تجهز نفسها لتنفيذ خطتها الشريرة وجاسم قفل معاها لكن الشك ساور قلبه وحس باحساس غريب هو مش عارف يفسرة بأيه وفضل ساكت كتير .
امجد : مالك ياجاسم في ايه ومالها داليا ؟
جاسم : مش عارف ياامجد هى بتقولى انها تعبانه وعاوزة حد يجيب لها علاج .بس ااا.
امجد وهو بيبص لصاحبه : بس ايه و مالك ملامحك اتغيرت ليه من بعد ماقفلت معاها .
جاسم : معرفش عندى احساس غريب مسيطر عليا وحاسس ان فى حاجه مش مظبوطه اوملعوب من الاعيبها والصراحه انا مش عارف هى بتفكر في ايه او غرضها ايه.

امجد : حاجه زى ايه يعنى انها مثلا ماتكونش تعبانه وانها بتمثل عليك ؟

جاسم : يجوز اظن ان من بعد شكى فيها ومن بعد مافسخت خطوبتى بيها انها مش هاتسكت .
امجد : تفتكر مثلا تكون موضبه لك حاجه مش تمام او عاوزة توقع فى الغلط .
جاسم : يمكن اصل اللى زى داليا بحكم خبرتى البسيطه بيها الا انى مش مستريح لها .
امجد : خلاص يبقى بلاها وبلاش تروح .
جاسم : ماينفعش لانى لسه قايل لها قدامك انى هاروح اجيب لها العلاج .بس كل اللى طلبه منك حاجه واحدة بس .
امجد : ايه هى ؟

جاسم : انك تيجى معايا .

امجد : خلاص مافيش مشكله نخلص الشغل اللى ورانا الاول وبعدين نبقى نروح مع بعض علشان لو بتخطط لحاجه ماتعرفش تنفذها
جاسم : تمام يلا نكمل الشغل واما نشوف اخرتها معاها ايه.
امجد : طيب ماشى .

جاسم وامجد بعد يوم طويل وشاق من العمل نزلوا من الشركه وراحو لداليا على فيلا ابوها واول ماوصلوا كانت داليا لابسه قميص نوم قصير وروب من نفس خامه القميص وحاطه مكيب اب وروج احمر نارى اللى يشوفها مايقولش ان دى شكل واحدة تعبانه واول ماشافت عربيه جاسم من شباك اوضتها جريت على طول على سريرها وبتمثل التعب وهو وامجد رنوا الجرس وفتحت لهم الخادمه ودخلوا .


جاسم بهدوء وبرود : ستك هنا ؟

الخادمه بتوتر اول ماشافته هو وامجد : ايوة يابيه وهى فى اوضتها فوق بس يعنى هى طلبت انك انت بس اللى تطلع لها .

امجد بضيق : وانا مش واحد غريب على فكرة انا صاحبه ومش هامشى من هنا .

الخادمه بخوف اكتر : ايوة يابيه بس اصل يعنى ااااااا.
جاسم : ولااصل ولافصل ستك فوق وخلصنا اطلعى بلغيها انى انا وامجد هانطلع نطمن عليها وهانمشى على طول .
الخادمه بقله حيله : تحت امرك يابيه على العموم اتفضلوا ارتاحوا على ماابلغها واعملكم عصير .
جاسم : لا ملهوش لزوم العصير .
الخادمه : لاطبعا يابيه ماينفعش انت عاوز الست الصغيرة تزعل منى وتطردنى .
جاسم بعصبيه : وانا قلتلك مش عاوزين نشرب عصير ايه مابتفهميش اتفضلى خلصينا وبلغى ستك اننا هنا ولو محتاجة دوا او حاجه اجيبهولها وبعد كدة هانمشى .
الخادمه بتوتر وخوف : حاضر حاضر يابيه .
طلعت الخادمه وبلغتها بوجود جاسم وصاحبه امجد .

داليا بنرفزة : يوووووة هو انا كنت ناقصه سى امجد دة كمان طب قوليلى اتصرف ازاى .

الخادمه : علمى علمك ياستى انا فوجئت زيك بالظبط ان سى جاسم مش جاى لوحدة .
داليا بعد تفكير : اممممم طيب بصى خدى حطى الحبه دى فى عصير سيدك جاسم والحبه التانيه دى فى عصير امجد وخدى بالك اوى من الحبايتين واعرفى انتى بتحطى كل واحدة فين وفى مكانها مش عاوزاكى تتوترى او تغلطى ماتودنيش فى داهيه فاهمة ولالا وآة بعد مايطلعوا وتقدمى لهم العصير تطلعى فورا من الفيلا مفهوم .
الخادمه بارتباك : حاضر ياستى تأمرينى بحاجه تانيه ؟
داليا : لا متشكرة وخدى دول....... واعطت لها فلوس وكملت كلامها : وزى ماتفقنا تنفذى المطلوب منك وتمشى من سكات .

الخادمه اخدت منها الفلوس بسعادة : ياخد عدوينك ياستى وحاضر من عينيا هاخلص اللى امرتينى بيه وبعدين هامشى اى خدمه تانيه منى قبل ماامشى .

داليا : لا انزلى وقولى لهم انى جاهزة لاستقبالهم هو وصاحبه .
الخادمه : حاضر ياستى عن اذنك بقى .

الخادمه نزلت وبلغتهم انهم يطلعوا لها لانها تعبانه ومش قادرة تقوم من سريرها جاسم وامجد طلعوا لها وخبطوا على اوضتها وهى سمحت لهم بالدخول واول مادخلوا وجاسم شافها حاطه الميك آب والروج استغرب شكلها لان شكلها ماكنش يحوى انها تعبانه بالمرة ومع ذلك قعدوا وهما الاتنين بيبصوا لبعض ومستغربين جدا الا ان جاسم اتكلم معاها بمنتهى الادب والشياكه معاها .


جاسم : الف لابأس عليكى سلامتك .

داليا بمكر وخبث وبتدعى التعب : جسمى واجعنى اوى ياجاسم تعبانه جدا .
جاسم قرب منها وحط ايدة على راسها وتحسس حرارتها لكنه لقاها عاديه جدا ووقتها احساسه مكدبش بجانب الميم آب الصارخ اللى كانت حطاه فهم ساعتها ملعوبها .

جاسم ببرود وبصلها بشك: حرارتك عاديه جدا داليا انا مش شايف اى ارتفاع فى درجه حرارتك يعنى.

داليا بتوتر : ها آة وماهو انا اصلى اخدت دوا مخفض للحرارة قبل ماتيجى على طول بس مش هو دة العلاج المناسب ليا .

امجد بضيق :ولما انتى تعبانه والخادمه موجودة اهوة ليه ماتلبطيش منها تجيبلك الدوا ؟

داليا : اصلها يعنى ست مسكينه وعاوزة تروح بسرعه علشان بنتها تعبانه ولازم تروح تشوفها .
جاسم بص لاامجد وبعدين رجع بصلها وضيق عينه لها : خلاص ياامجد احنا جينا خلاص هانقعد حبه معاها وبعدين اجيب لها الدوا وبعدها نمشى .

الخادمه خبطت ودخلت وايديها بترتعش وهى بتقدم العصير وكان عبارة عن عصير فراوله ودى كانت بتاعه جاسم والتانيه عصير مانجا وكانت بتاعه امجد .

جاسم بضيق وزهق : قلتلك للمرة التالته مش عاوزين نشرب عصير انا مش عارف ايه سبب اصرارك الغريب دة .
داليا وهى بتمثل وبتكح : معلش ياجاسم انا اللى طلبت منها تعمل العصير لانكم ضيوفى علشان خاطرى ماتكسفنيش بقى .
جاسم : ماشى .

داليا غمزت بعينها من غير ماياخدوا بالهم : خلاص ياست سنيه حطى العصير على الترابيزة واتفضلى انتى علشان مش تتاخرى على بنتك .

الخادمه : حاضر ياستى ....... وبصت لجاسم وامجد : عن اذنكم يابهوات .
امجد بتريقه : اذنك معاكى يااختى .

الخادمه طلعت من الاوضة ونزلت على السلالم جرى وطلعت من الفيلا بسرعه واتنهدت براحه وفضلت تتلفت حواليها واخدت السكه كلها جرى اما داليا فاخدت كؤوس العصير واعطتهم لاامجد وجاسم .


داليا وهى بتكح: اتفضل ياامجد اشرب عصيرك .

امجد : متشكر اوى بس انا مابحبش المانجا انا بحب الفراوله .
داليا اتوترت وصوتها تقريبا اتحبس وكانت بتبلع ريقها بصعوبه : اصل دة كان كان اخر عصير فراوله موجود عندنا فى التلاجه وانا عارفه ان جاسم بيحب عصير الفراوله .

جاسم : خلاص ياامجد مافيش مشكله نبدل العصاير انت خد عصير الفراوله وانا هاخد عصير المانجا ولاتزعل نفسك خالص .

داليا بتوتر واتكلمت بسرعه : لالا ....... اقصد يعنى ماينفعش انا عارفه انك بتحب عصيرالفراوله مش المانجا ......... وصوتها كله كان مليان خوف وتوتر .

جاسم ضيق عينه وحدثته نفسه انها بتكدب الاول تقول انها تعبانه وبعدين لما دخل لقاها عاديه ولابسه ومتذوقه وتانى حاجه اصرارها الغريب على انه يشرب العصير طب ياترى ليه ولما امجد طلب انه يشرب العصير بتاعه اتوترت وارتبكت ودة خلى الشك فى قلب جاسم يزيد اكتر واكتر .


جاسم وهو بيبص لداليا وبيتفرص ملامحها المتوترة : اوك ياداليا انا هاشرب من عصير الفراوله وانت ياامجد معلش تعالى على نفسك واشرب عصير المانجا اصلها مش قصه هيا خلينا نمشى ورانا مشاغل كتير.


داليا بمسكنه : اخص عليك وكمان مش عاوز حتى تقعد معايا شويه دة انا بقولك انى تعبانه ياجاسم .

جاسم بصلها ببرود : الف سلامه عليكى بس احنا فعلا مضطرين نمشى علشان امجد مش يتأخر على خطيبته وكمان انا سايب مايسه من الصبح وحتى مارنتش عليها وزمانها قلقانه عليا .
داليا بدموع التماسيح : اهىء اهىء خلاص اشربوا وامشوا ماهو اصلى انا ماليش حد يخاف عليا اهىء اهىء .

جاسم اخد من ايديها العصير وقرب الكاس من شفايفه وهو متعمد انه يبص لها علشان يشوف ملامحها وايه هايكون رد فعلها بس كل ماكان بيقرب الكاس علشان يشربه كل مابيزيد توتر داليا اكتر واكتر وفجأة اتعمد ان الكأس يفلت من ايدة ووقع العصير فعلا بس على هدومه وعلى الارض .


جاسم بتمثيل وبيدعى الاسف : اوووووووبس اخص عليا انا اسف جدا يا داليا العصير وقع من ايدى غصب عنى .


داليا نظراتها كلها بقت مليانه خوف ورعب ظهر على وشها اما امجد فشرب من عصيرة بوق صغير جدا وبعدها حس انه مش مركز جاسم قام من مكانه وقرب من داليا والشرر طالع من عينه ومسك دراعها بعنف وهزها واتكلم بصوت رعبها اكتر .


جاسم بصوت جهورى : العصير دة كان فى ايه بالظبط ياداليا يابنت السويفى ومن غير كدب .

داليا بخوف وتوتر بس حاولت انها ماتبينش خوفها منه : يعنى هايكون فيه ايه بس ياجاسم .
جاسم وهو لسه ماسكها من دراعها بقوة : انتى عارفه كويس اوى كان فيه ايه فخليكى صريحه معايا وبلاش لف ودوران عليا اتكلمى كنتى حطالى ايه فى العصير دة .
داليا بخوف : والله مافيه حاجه وهو انا يعنى هاكدب ليه ؟

جاسم ساب دراعها وبعد عنها وفضل يدور بعينه فى الاوضه كلها لحد مالمح كاميرا صغيرة محطوطه ورا سريرها ومثبته خلعها من مكانها وكسرها وبص لداليا وهو فى قمه غضبه والدم بيغلى فى عروقه والعرق اللى كان فى رقبته بان لدرجه انها بانت من كتر ماكان بيجز على اسنانه ورجع ماسكها من دراعها بعنف من تانى .


جاسم بغضب: ودة بقى اسمه ايه ها حطالى كاميرا بتصورنى انطقى لاحسن قسما بالله ليكون آخر يوم فى عمرك النهاردة .


داليا بخوف ورعب من جاسم : هاقولك حاضر هاقولك بس ارجوك سيب دراعى .

جاسم ارخى ايدة من عليها شويه وبدأت تحكي له المؤامرة اللى حبت تنفذها بس بعدت شكوكها عن ابوها وماذكرتش اسمه فى الموضوع .

جاسم بغضب وحدة : الله الله يعنى سيادتك حطيتلى منشط جنسى فى العصير مش كفايه جرجرتينى لحد عندك عاوزة كمان تلبسينى فضيحه لا وكمان عاوزة تقلعينى هدومى وتصورينى وانا عريان وانتى فى حضنى طب ليه كل دة علشان ايه علشان سيبتك ومش فضحتك يوم المسابقه وارتبطت بمايسه دة انتى جريئة جدا ايه كميه الغل والكرة اللى فى قلبك دى اعوذ بالله.


داليا بغل وحقد : يعنى عاوزنى اعمل ايه ماهو انا اضطريت انى اعمل كدة من كتر حبى لك وانت بكل بساطه سيبتنى وروحت لها كنت عاوزاك ترجعلى بأى طريقه .


جاسم كان بلغ الغضب منتهاة منها وكان فى قمه ثورته وشدها من شعرها بعنف : ملعون ابو الحب اللى بالشكل دة وهو انتى فاكرة انك لما تعملى كدة هاتخلينى احبك انتى اكبر كدابه عرفتها فى حياتى عارفه انا المفروض اعمل فيكى ايه دلوقتى انا المفروض انزع من عليكى الهدوم واغتصبك مش هو دة مرادك بس ساعتها بقى ياحلوة هاصورك وافضحك واوري الصور دى لابوكى واللى انا متأكد منه انك انتى وهو اتفقتوا مع بعض ضدى بس لا مش انا اللى اوسخ ايدى بواحده زيك وهاكون اكرم منك هاسيبك ياداليا وخصوصا بعد الموقف الزباله اللى حطتينى فيه النهاردة انا فعلا بلعن اليوم اللى عرفتك فيه لانى ماكنتش متوقع انك بالسفاله والدنائه دى وآة اعتبرى من النهاردة انك ماتعرفنيش وان اى حاجه حلوة كانت بينا انتهت خلاص .


داليا بعياط ولفت ايديها حوالين رقبه جاسم الا انه زقها بعيد عنه ووقعت على الارض وجاسم جاب ازازة من على الكومدينو برفان ورش على وش امجد علشان يفوق امجد بعد مافاق وقف جنب جاسم وهما الاتنين كانوا بيبصولها بقرف .


امجد : جاسم المجرمه دى عملت لك حاجه ؟

جاسم : لا اطمن هى فعلا كانت محاوله يائسه منها بس محصلش حاجه وربنا اظهرها على حقيقتها يلا بينا احنا من هنا لانى خلاص ماعنتش طايقها ولاحتى طايق ابص فى خلقتها .

جاسم كان بيبص لها بغضب وقرف : على فكرة انتى مش تعبانه انتى تعبان انتى وابوكى انتى بجد انسانه مريضه يستحسن تروحى لدكتور نفسى يعالجك من القرف اللى انتى فيه دة .


ولسه هايشمى هو وامجد راحت داليا هاجمه عليه وضربته فوق رأسه بفازة كانت جنب التسريحه ووقع جاسم على الارض فضلت تبوس فيه بكل الحقد والغل اللى عمى قلبها وشدته من هدومه لكن امجد كان اسرع منها وماسكها من دراعها وكتفها وهى بتحاول تصرخ وتصوت بهستريه أكنها بتتعرض للاغتصاب جاسم قام وشدها من شعرها بعنف وفضل يضرب فيها بكل كره وغضب سيطر عليه .1


جاسم باحتقار لها: انتى انسانة بجد حقيرة انا بجد ندمان انى فكرت فيكى فى يوم من الايام انا بلعن اليوم اللى شوفتك وحبيتك فيه ....... بص لصاحبه وكمل : يلا ياامجد من هنا لانى بصراحه مش هاضمن نفسى لانى ممكن اخنقها فى ايدى دلوقتى .

جاسم وامجد سابوها وهى بتتوعد لهم .

داليا بكره : ماشى اماوريتك ياجاسم مين هيا داليا مابقاش انا وبكره هاتشوف منى ايام عمرك ماشوفتها مش هاخليك تتهنى باللى ماتتسمى مايسه وعاجلا اواجلا هاخد منك كل حاجه سواء كان بمزاجك او غصب عنك مش بنت السويفى اللى تتهزم بسهوله .


جاسم طلع من الفيلا هو وامجد وهو فى قمة غضبه ركب العربيه من سكات وامجد هو اللى ساق العربيه لحد ماامجد قطع الصمت دة .

امجد بحزن على حال صاحبه : معلش ياصاحبى ماتزعلش عليها ابدا واحمد ربنا انه كشفها على حقيقتها قبل ماتقع الفاس فى الرأس
جاسم ضحك بتريقه : لا وانا اللى رايح لها على انها تعبانه اتاريها كانت بتخطط لتشويه سمعتى كان المفروض من الاول مش نروح لها مرواحنا كان غلط فى غلط .

امجد : معلش المهم بعد كدة تاخد بالك منها وتاخد حذرك منها .

جاسم بضيق : ربنا يسترها بقى ياامجد .
ساد الصمت من تانى وامجد كل شويه بيبص على صاحبه اللى كان شارد وحزين ومهموم لانه ماكنش متوقع منها الخسة دى وخصوصا انه كان بيحبها فى يوم من الايام وهى خانت ثقته فيها مرتين مرة يوم مسابقه الخيل لما حبت تخلص منه والمرة دى لما ادعت المرض .

خلص الفصل بس شر داليا فاق الحد ياترى هى كدة خلاص هاتبطل وتبعد عن جاسم ولالا وياترى ايه اللى بتفكر فيه وناويه عليه تانى وهل جاسم هايقدر يحمى نفسه منها ومن شرها دة وهل هايقدر يحمى مايسه حبيبته اللى لقى الحب اللى بجد معها . بس الاكيد ان لسه فى كتير منتظر ابطالنا ..
رواية ما بعد الرحيل للكاتبة ياسمين أحمد الفصل الرابع عشر

جاسم وامجد وصلوا العزبة وكان جاسم متضايق جدا من الموقف السخيف اللى اتعرض له بسبب العقربه داليا .

امجد بص لصاحبه بحزن وطبطب على كتفه بحنان : جاسم ارجوك افرد وشك ماينفعش تدخل العزبة وانت كدة ملامحك كلها باينه وهاتفضحك معلش علشان خاطرى تعالى على نفسك وماتبينش لحد اى حاجه لان محدش يعرف باللى حصل من داليا .

جاسم وهو بيفرك ايدة بعصبيه واتكلم بقهر : غصب عنى ياامجد كل ماافتكر الموقف اللى اتحطيت فيه النهاردة بسببها وانا دمى محروق من ساعتها ربنا يحرق دمها .

امجد كان بيهديه: معلش ارجوك تهدى شويه وبلاش عصبيتك دى وبعدين اهلك ومايسه ذنبهم ايه لازم تنسى اللى حصل ولو مؤقتا وثق تماما ان ربنا هاينتقم منها بس اهم حاجه تدخل وانت مبتسم ولا كأن حاجه حصلت اتفقنا .
جاسم اتنهد بضيق: ربنا يسهل ياامجد حاضر هحاول على قد مااقدر.

امجد : طب عاوز حاجه منى قبل ماامشى ؟

جاسم : لا متشكر ربنا يخليك .

امجد : طيب ماشى وانا هابقى اطمن عليك بكرة لما نتقابل فى الشركه .

جاسم ولسه الحزن مالى عينيه : اوك ياامجد اشوفك بكره ان شاء الله .
امجد : متزعلش وصدقنى ربنا هياخدلك حقك منها ماتستعجلش عن اذنك بقى سلام عليكم.
جاسم : وعليكم السلام ورحمه الله وبركاته .

امجد مشى وجاسم دخل المزرعه وكان بيتمشى وهو حزين ومهموم وحاسس بخانقه حاسس ان الدنيا ضيقه اوى عليه وكل مايقول الحياة بدأت تبتسم له ترجع تكشر عن انيابها من تانى مايسه شافته وراحت له ووقفت وراه واتكلمت بحمحة .

مايسه : احم احم .
جاسم انتبه : مايسه؟ معلش مااخدتش بالى انك موجودة انتى هنا من امتى ؟
مايسه : شوفتك واقف فى العزبة وسارح وشارد قلت آجى اشوفك مالك ولو انى عاتبه عليك .
جاسم بصدمه: عاتبه عليا انا ؟ اشمعنى ؟

مايسه بعتاب : يعنى وحشتنى وانت طول اليوم لااتصلت بيا ولاكلمتنى .

جاسم بضيق:معلش يامايسه اصل كان عندى ضغط شغل كتير وماعرفتش اتصل عليكى انا اسف ياحبيبتى حقك عليا وادى راسك ابوسها كمان ........ وباسها من راسها .
مايسه بكسوف : حبيبى انا مش يهمنى اى حاجه فى الدنيا دى كلها الاانت انا بس قلقت عليك مش اكتر .
جاسم بصلها بعشق ونسى حزنه : عارفه يامايسه انتى اجمل شىء حصلى لحد دلوقتى ربنا بيحبنى لانه عوضنى بيكى ربنا يخليكى ليا ياعمرى اللى جاى كله .
مايسه بصلته وهى ملاحظه انه حزين نفسها لو تداوى حزنه دة واستغربت انه قبل مايسيبها كان كويس وفضلت تكلم نفسها ياترى حصل ايه خلاة راجع حزين ومهموم للدرجه دى .

مايسه : حبيبى احكيلى مالك حزين كدة ليه وليه نظرة الحزن اللى فى عينيك دى؟

جاسم بحزن : ابدا حبيبتى مافيش حاجه والله هو زى ماقلتلك ضغط شغل مش اكتر.
مايسه فضلت باصه له كتير وساكته وبعدين اتكلمت : مش عارفه حاسه انك مخبى عليا حاجه طب مش هو انا مايسه حبيبتك يعنى المفروض تيجى وتحكيلى على اللى مضايقك ومزعلك كدة .

جاسم اتنهد بالم : لو فى حاجه هاقولك حبيبتى وبعدين سيبك بقى منى ........ وبص فى عينيها بحب وكمل كلامه : كفايه انى لما ببصلك بنسى الدنيا ومافيها .


مايسه ابتسمت والغمزتين اللى فى خدودها بانت ودة كان بيزودها جمال فوق جمالها خلت جاسم يهدى وينسى حزنه وقرب منها ودفن وشه فى رقبتها وباسها برقه وبكل الحب اللى جواة لها .


مايسه بخجل : عيب حبيبى لحد يشوفنا .

جاسم بعد عنها واتكلم بنرفزة : بقولك ايه يامايسه مش كل مااقرب منك تفضلى تقوليلى عيب ماينفعش مايصحش خليكى على طبيعتك معايا .

مايسه بصدمه : اخلينى على طبيعتى معاك؟ ازاى يعنى مش فاهمه ؟

جاسم : يعنى لما ابوسك او اقرب منك عادى انا خطيبك وانتى خطيبتى فين المشكله بقى.
مايسه بحده : لا على فكرة مش عادى وسبق وقلتلك انك ماينفعش تقرب منى بالشكل دة غير لما ابقى على ذمتك مش هو دة الصح ولاانا غلطانه .

جاسم بتريقه : الظاهر انك نسيتى انها مش اول مرة ابوسك فيها .

مايسه بحزن واستغربت رد فعله وطريقه كلامه معاها بالاسلوب دة حست ان دموعها بتهدد بالنزول واتكلمت بمرارة: وهاتكون اخر مره ياجاسم لو فضلت تعتبرنى واحده زى اللى كنت بتعرفهم قبلى .

جاسم اتنرفز عليها اكتر واتكلم بعصبيه مفرطه: يووووووة دى عيشه تقصر العمر كل دة علشان بوستك على العموم حقك عليا ياستى واوعدك مش هاكررها تانى ارتحتى كدة ......... وسابها وراح شقته الكبيرة ومايسه فضلت تعيط كتير هى معذروة لانها مش عارفه سبب عصبيته معاها .


ندى كانت بتتمشى ولمحت جاسم داخل شقتهم وهوعلى اخرة من غير حتى مايرد السلام راحت له وندهت عليه

ندى : استنى ياجاسم
جاسم بضيق : نعم ياندى عاوزة ايه انتى كمان؟

ندى باستغراب: ايه ياعم مالك واخد فى سكتك كدة ليه دة انت حتى ماردتش السلام وبنادى عليك كتير فى ايه مالك ؟

جاسم : معلش ياندى سيبينى فى حالى دلوقتى .
ندى بعند: لا مش هاسيبك فى حالك قولى مالك فضفض معايا انا اختك .
جاسم بضيق وحزن : ارجوكى ياندى مش تضغطى عليا اكتر من كدة انا فيا اللى مكفينى.

ندى باصرار: وانا عنديه ومش هاسيبك غير لما اعرف فيك ايه.

جاسم بتردد وفضل ساكت كتير بس بعد تفكير ملاقاش غير انه يفضفض مع اخته الوحيدة وهى اللى ممكن تخفف عنه حاله الحزن اللى هو فيها: اممم عندك حق انا محتاج فعلا اتكلم شويه يلا تعالى نتمشى مع بعض وهاحكيلك كل حاجه.

ندى : تمام يلا ياسيدى نتمشى.

جاسم اخد اخته وطلعوا يتمشوا فى العزبة وساد صمت كتير وبعدين طلع من صمته وبدا يحكى لها كل اللى حصل من اول ماراح لداليا ولحد مارجع العزبة تانى .
ندى بصدمه : يخربيتها معقول يكون وصل بيها مستوى الانحطاط دة عاوزة تفضحك وتسوء سمعتك .
جاسم بضيق : لا وانا بغبائى اللى كنت رايح لها بطيب خاطر ماكنتش متوقع انها بالسافله دى لا وكمان بتضحك عليا وتمثل انها تعبانه.

ندى بحزن على حال اخوها: بص ياجاسم بغض النظر عن كل اللى حكيتهولى ودة طبعا اللى كان متوقع منها بس سبق وحذرتك منها لو سيبتها هاتفتح على نفسك ابواب جهنم ومش بعيد تكون بتدبرلك مصيبه جديدة من غير ماتدرى علشان توقعك .


جاسم : ماهو دة اللى انا خايف منه ياندى وبعدين انتى كنتى عاوزانى اعمل ايه بعد ماحاولت تخلص منى يوم مسابقه الخيل طبعا ماكنش ينفع اكمل معاها.


ندى : ربنا يبعد عنك شرها وشر اذاها المهم دلوقتى تنساها وانسى انك عرفتها فى يوم من الايام .

جاسم : وغلاوتك عندى هايحصل انا خلاص طلعتها بره حساباتى ولاعاوز اشوفها ولاعاوز اسمع اى حاجه عنها وربنا يكفينا شرها .......... سكت شويه ونزلت دمعة من عينيه وبعدين اتكلم بالعافيه .
بس انا مكسوف من نفسى اوى ياندى .
ندى : ليه بس .
جاسم : ضايقت حبيبتى مايسه وانفعلت عليها .

ندى باسف مصطنع : تؤتؤ لا ملكش حق ليه كدة بس وبعدين هى ذنبها ايه علشان تتعصب عليها وتزعلها منك.

جاسم بضيق : بحبها بحبها اوى ياندى وهى تقلانه عليا وكل مااقرب منها تفضل تقولى عيب ماينفعش مايصحش ونسيت انى خطيبها وحبيبها دة بجانب انى طلعت كل انفعالى وعصبيتى عليها فى الوقت اللى انا متضايق من اللى حصل بسبب داليا .

ندى : معلش بس خد بالك هى عندها حق .

جاسم اتنهد بضيق : حتى انتى كمان بتقولى كدة اوف .

ندى : اسمعنى بس ياجاسم مايسه غير داليا خالص ومش معنى انك خطيبها انك تعمل اللى انت عاوزة معاها اظنك انك بتفهم فى الاصول كويس صدقنى مايسه بتحبك وهى عاوزة لما يكون بينك ومابينها حاجه يبقى بعد جوازكم معلش هى اكيد هاعتذرك لما تعرف اللى حصل .


جاسم ارتبك واتكلم بتوتر : لالا ياندى اوعى تحكى لها حاجه انا بخاف على مشاعرها ومش هاسمح انى ااذيها بكلام ملهوش لازمه ولا هاسمح ان اى حاجه تجرحها ارجوكى بلاش تتكلمى معاها حتى لو هى سالتك دة انا بحمد ربنا ان العقربه دى مانجحتش فى انها تضحك عليا اما مايسه فانا بخاف على زعلها واخشى انك لو كلمتيها تفهم الكلام غلط واخسرها وانا مش مستعد لدة بعد مالقيت معاها الحب اللى بجد اللى من غير مصلحه او غرض.


ندى لحظت ان مايسه كانت قريبه منهم وضحكت بصوت عالى وكملت: ياعينى ياعينى على الحب .

جاسم لاحظ مجأها عليهم وبصلها وهو لسه حزين وهى راحت له واتكلمت بعشق : حبيبى انا مصدقة كل كلمه قلتها وبحبك ومش هاصدق اى كلمه هاتقولها داليا عليك لانى عارفه انها كدابه .

جاسم بذهول : مايسه ؟ اااا انتى سمعتى انا اسف والله كان غصب عن....

مايسه جريت عليه وحطت ايديها على شفايفه علشان تمنعة انه يتكلم : حبيبى ماتكملش انا مصدقاك من غير ماتبرر موقفك .
جاسم باس ايديها اللى على شفايفه برقه وبصلها بعشق واتكلم: بس انتى عرفتى ازاى ؟

مايسه : بعد ماسيبتنى رحت وراك ولقيتك بعدها بشويه خارج انت وندى وفضلت ماشيه وراكم انا عارفه ان ماينفعش انى اعمل كدة بس مقدرتش انام وانت زعلان منى وانا مش عارفه سبب زعلك حبيبى انت مش ممكن تخونى ابدا وانت مغلطتش لما روحت لها بحسن نيه لانك ماكنتش تعرف ملعوبها القذر .....حطت ايديها الاتنين على وش جاسم وكملت بحب : حبيبى مافيش حد فى الكون دة كله هايقدر يبعدنى عنك .


ندى كانت انسحبت وسابتهم على راحتهم .

جاسم حوطها بدراعته من خصرها وحضنها بقوة وهى دفنت وشها فى صدرة وهو رفع وشها له وفضل يملى عينه منها وبعدين بعد عنها واخدها لحد جنينه الفاكهة اللى فى العزبة وكانوا بيتكلموا كتير عن مستقبلهم وازاى يقدروا يتجاوزوا كل العصاب علشان حبهم يبقى من غير اى منغصات.
جاسم باسف: مايسه حبيبتى انا اسف لانى انفعلت عليكى .

مايسه بحب : خلاص حبيبى انا مقدرة موقفك وحاسه بيك لانك كنت بتحب داليا فى يوم من الايام بس ارجوك ابعد عنها دى مؤذيه وممكن تأذيك .

جاسم : خلاص يامايسه هى انتهت بالنسبه ليا .

مايسه : المهم سيبك منها وارمى كل حمولك على الله .


جاسم ابتسم لها وشبك ايدة فى ايدها وحس براحه ملت قلبه وعقله وفضلوا ماشين شويه مع بعض وبعدين هى رجعت على الشقه الصغيرة وهو رجع على شقتهم وبعد شويه كان حماة عزمهم على الغدا هو وابوة واخته جاسم قعد جنبها وهى بدات تاكله بأيدها وابوها لاحظ دة وكان متضايق جدا بس سكت اكراما للراجل اللى كرمهم فى عزبته .


جاسم بحب: تسلميلى ياماسه قلبى مااتحرمش منك ولامن وجودك فى حياتى .

طه بص لابنته بتحذير وهى اخدت بالها واخدت باقى الاكل وطلعت هى وجاسممن تانى وقعدوا هما الاتنين جنب حوض الورد المفضل لهم وهما بياكلوا مع بعض وهى باصه له كتير .

جاسم بضحك : هاتفضلى بصه لى كتير كدة ؟

مايسه انتبهت واتلخبطت واتكسفت وبصت للارض بخجل ومعرفتش ترد .
جاسم بمكر : عارفه يامايسه انا نفسى فى ايه دلوقتى؟
مايسه رفعت وشها له بصتله بشك : خير ياترى .

جاسم كانت عينه راحه جايه على شفايفها وغمزلها بشقاوة : نفسى اكل شفايفك الحلوين دول .

مايسه بخجل : حبيبى احنا اتفقنا على ايه .
جاسم حاول يغير من الموضوع : بس انا لسه جعان ممكن تأكلينى من ايديك الحلوين دول طيب .
مايسه ابتسمت وغمازتها بانوا وكملت : بس كدة وماله.... مايسه قربت ايديها منه وهو عينه منزلتش من عليها .

مايسه بضحك : على فكرة انت كدة هاتشرق وانا مش مسؤله .

جاسم بشوق : مايسه انا بجد ماعنتش قادر اتحمل انك تبقى قدامى ومش قادر حتى اقرب منك بصى بقى انا عندى اقتراح كويس .

مايسه بحماس: قول .

جاسم : انا من دلوقتى ولمدة شهر بالكتير هاجيبلك كل اللى نفسك فيه وهاجيب لك احلى اوضه نوم وتنورى القصر عندنا لانى بصراحه كدة انا عاوزك تبقى مراتى فى اقرب فرصه علشان لما احب اقرب منك ماتقوليش ساعتها عيب ومايصحش اللى ماسكاها عليا دى.

مايسه : حبيبى وليه الاستعجال دة بس على راحتنا خالص .

جاسم بجديه : راحتى هاتكون معاكى لما تبقى مراتى وكل دنيتى وانا فعلا محتاجك تكونى جنبى على طول
مايسه : ايوة بس انت مش شايف ان شهر وقت قصير اوى بالنسبه للتجهيزات دى .

جاسم : حبيبتى انتى عارفانى بقالك شهور واظن انك حفظيتنى كويس وبعدين بينى ومابينك انا غيران ان امجد فرحه بعد شهر ليه مانعملش فرحنا معاة .

مايسه بتردد: ايوة بس يعنى كنت عاوزة اقول اننا ممكن نأجل موضوع الجواز حبه .

جاسم : وليه نأجله مايسه انا جاهز وعلى اتم الاستعداد وكل حاجتك مش هتاخد اكتر من يومين بالكتير.

مايسه بقله حيله : خلاص حبيبى اللى تشوفه صح اعملة .
جاسم بفرحه : يعنى خلاص وافقتى ان يكون جوازنا بعد شهر.

مايسه : والله انا رافضه فكرة الاستعجال فى حد ذاتها لكن مادمت هابقى معاك فتأكد ان دة شىء هايسعدنى طالما هاكون معاك وجنبك ان شاء الله نعيش فى عشه المهم اننا نكون مع بعض .

جاسم مسك ايدها وباسها برقه ونعومة بتخلى مايسه تدوب فيه .
جاسم : تمام خلاص انا هاروح لابوكى افاتحه فى موضوع جوازنا اوك .
مايسه بهيام : اللى تشوفه حبيبى .

فى فيلا السويفى

كانت داليا رايحه جايه زى المجنونه وهى بتتوعد جاسم بانها مش هاتسكت على اللى عملة فيها وضربه لها واخدت قرار على نفسها انها لازم تنتقم منه وكمان مش هاتخليه يتهنى مع مايسه .

داليا بحقد وغل : اما طربقتها على دماغك ياجاسم مبقاش انا داليا .

اتصلت بابوها وحكت له اللى حصل .
محمود بغضب وبصوت جهورى وزعق فيها: علشان انتى واحدة غبيه قلتلك خدى بالك علشان ماتكشفيش نفسك واهى جت على دماغك .

داليا بضيق : يابابى ما انا عملت كل اللى قلتلى عليه كان ممكن اعمل ايه تانى ومامعملتهوش .

محمود بحدة : ياغبيه انا قلتلك اعملى نفسك عيانه لكن ماقلتلكيش تحطى ميكب وروج يافالحه دة انتى المفروض انك واخدة دور برد وحرارتك مرتفعه واللى انتى عملاة فى خلقتك فضحك ياهانم وجاسم فهم انه ملعوب منك .

داليا بزهق :طب والحل يابابى هانسيبه يتمتع بكل حاجه هو والزفته مايسه دى .وكمان مش هتاخدلى حقى منه بعد ماضربنى واهنى .

محمود بغضب : وعاوزنى اعمل ايه ها اروح اموته يعنى .
داليا : حاول تتصرف بقى يابابى .
محمود : طب اقفلى دلوقتى وسيبنى لما افكر اشوف هاتصرف ازاى واياكى تفكرى تعملى حاجه من دماغك تانى ياداليا مفهوم ولاافهمك من تانى .
داليا بضيق : اوك يابابى ولما توصل لحاجه ابقى بلغنى اوك .
محمود بزهق من بنته : اوك اقفلى بقى ...... وقفل معاها السكه وهو بيسب ويلعن غباء بنته .

محمود بحدة ونرفزة : طول عمرك غبيه ياداليا طالعه للمرحومه امك كانت بنفس الغباء دة بس اعمل ايه انتى برضه بنتى اللى ماليش غيرها وبحبها بس الصبر عليا يامحمد يامنصورى اما كنتش اعرفكم مقامكم انت وابنك مبقاش انا محمود السويفى وحياة كل ضربه منك ياجاسم لابنتى لاادفعك التمن غالى وغالى اوى كمان .


محمود اتصل على حازم ورد بس بعد مدة طويله .

محمود بغضب : انا مش قلت ميه مرة ترد عليا على طول مش معقول كل ماارن عليك ماتردش كنت فين كل دة .

حازم : معلش ياباشا اصلى كنت بسال عن الشركات المنافسه لجاسم واللى يهمهم ضربه فى السوق زى حضرتك ماطلبت منى .


محمود باهتمام : ها وقدرت توصل لحاجه ؟

حازم : ايوة حضرتك وصلت لشركتين واحدة اسمها (..........) والتانيه اسمها شركه النعيم بس الشركه التانيه دى شركه لسه صغيرة وفى من ضمن شروط العقد بينها ومابين شركه جاسم شرط جزائى على انهم يوردو لهم الاغذيه اول بأول والا هايضطروا يلجأوا للقانون للفصل مابين الشركتين وكل مرة شركه النعيم يهدووا جاسم بقفل شركته والشركات التابعه له لو مش نفذ الشروط بتاعتهم فى ساعتها وفى الاخر بيستجيب لهم وبيبعت لهم الطلبيه فى الحال اما الشركه الاولانيه اللى كنت ذكرت اسمها لحضرتك فدى من اكبر شركات الاغذيه فى مصر كلها ولها اسمها ووزنها فى السوق فملهاش مصلحه انهم يعملوا مشاكل مع جاسم

محمود بمكر : كويس اوى سيبك من الشركه الكبيرة والمعروفه دى لان محدش هايقدر يرشيهم بالفلوس

خلينا احنا مع شركه النعيم دى لو وردنا لهم اغذيه فاسدة عن طريق مصانع جاسم هما اللى هايبلغوا عن جاسم وساعتها هو هيروح فى حديد بس انا طالب منك خدمه ياحازم ياترى هاتقدر تقوم بيها؟

حازم : اامرنى ياباشا وانا عليا التنفيذ .

محمود : عاوزك تحاول تستدرج مندوب من عندهم وياحبذا لو كان المندوب دة معندوش ضمير وبيحب الفلوس زى عينيه ممكن ساعتها يتعاون معنا ونقدر عن طريقه انه يبلغنا عن تطورات شركته او ممكن كمان نديله قرشين كويسين يقدر يتعاون معنا ضد جاسم فى الجفاء وندخل الاغذيه الفاسدة عن طريق المندوب دة ولما تدخل المواد دى المصانع بتاع جاسم ويتعمل لها عمليه تصنيع من اول وجديد وتنزل السوق والناس تاكل منها ويجى لهم تسمم ساعتها هانبلغ فيه البوليس يقفلوا شركاته وبعد مدة انا هاشترى الشركات دى فى مزاد علنى وباعلى سعر وساعتها هاتبقى بتاعتى وملكى وبكدة يكون خسر كل حاجه وابقى شفيت غليلى منه هو وابوة.

حازم : تعجبنى افكارك يامحمود باشا تحب نبدأ التنفيذ من امتى؟

محمود : ادينى يومين تلاته بالكتير لحد مااديلك الضوء الاخضر وهاقولك هاتعمل ايه بالظبط .
حازم بمكر : تحت امرك ياباشا انت تامر وكل طلباتك اوامر .

محمود : اوك سلام بقى ياحازم انا مضطر اقفل معاك علشان ورايا شغل كتير .

محمود قفل مع حازم السكه وبعدها اتصل بشريف ورد على طول .
محمود : ازيك ياشريف .
شريف :اهلا وسهلا ازيك ياعمى عامل ايه .
محمو بنرفزة : عما الدبب ياشيخ انت ياواد انت مش داليا دى بنت خالتك ويهمك امرها .
شريف بخبث: طبعا ياعمى وهى دى عاوزة كلام بس بنتك هى اللى سابتنى وجريت ورا البيه بتاعها اللى اسمه جاسم .
محمود بغل : واهو سى زفت جاسم ضربها وبهدلها ورينى شطارتك بقى .

شريف بدهاء تعلب: عمى ادخل فى الموضوع على طول .

محمود بحقد : عاوزك تحرق قلب جاسم على البت اللى خاطبها زى ماحرق قلب بنتى .
شريف باستفهام:ازاى يعنى مش فاهم ؟
محمود : اسمعنى كويس اوى ................... ياترى فهمت المطلوب منك ولا تحب اقوله تانى .
شريف بمكر : يااااااااه دى حاجه بسيطه جدا زى شكه الدبوس .
محمود : هاتقدر تعمل الكلام دة امتى ؟
شريف : على بكرة كدة واؤكد لك انت هاتشوف اسم المرحومه فى اخبار الحوادث وهاحرق قلبه على حبيبه القلب ولاتزعل نفسك خالص بس انا عندى شرط .

محمود بغضب : وانا مابحبش حد يتشرط عليا ياشريف واظن انت عارف كدة كويس .

شريف : بص انا هاعمل كل اللى حضرتك طلبته منى بس عاوز المطلوب منى يتم من بعيد لبعيد علشان مش عاوز اسمى او سيرتى تيجى فى الموضوع .
محمود : خلاص اللى تشوفه صح اعملة بس المهم انك تجيبلى خبرها اناعاوزة يبكى بدل الدموع دم .
شريف بشر: اوعدك ياعمى انى هاعمل المطلوب لانى بصراحه انا محروق من جاسم وكمان عاوز افش غليلى منه .

محمود : تمام يبقى اتفقنا...... قفل مع شريف وعينه مليانه خبث وشر.

محمود خرج من شركته وركب عربيته ورجع الفيلا ودخل لقى داليا عماله تعيط وبتندب حظها .

داليا بقهر : شوفت يابابى شوفت جاسم عمل فيا ايه ......... ووريتله كدمه فى دراعها.

محمود : ابن ال******معلش ياحبيبه بابى بس دى كانت غلطتك من الاول وعلشان هو كشفك بس ودينى لاربيه من اول وجديد ابن المنصورى ولاتزعلى نفسك ياقمر .
داليا بعدت عن ابوها والحقد والكرة والغل مالى قلبها من جاسم .
داليا باستفهام : هاتعمل ايه يابابى ؟
محمود بمكر : هارجعلك كرامتك ياقلب بابى وهاخد كل املاك جاسم وقريب جدا هاحرق قلبه وهانشمت فيه
داليا بحماس : بجد طب ازاى ؟

محمود وبص لابنته بثقه : وهو انا قلت حاجه قبل كدة ورجعت فيها ياروح بابى .

داليا : طيب قولى اوام ازاى .
محمود بضحكه خبيثه: بصى ياستى انا هاقولك ......................

داليا وباست ابوها من خدة : الله عليك يابابى تعجبنى ويعجبنى اسلوب مخططاتك .

محمود بخبث : اوعدك ياقلب بابى ان كل حاجه هاتبقى فى التمام خلاص هانت وفى خلال يومين هتلاقى جاسم وابوة مكسورين ومذلولين وبيترجونى اساعدهم وساعتها بس هاجيبهولك راكع تحت رجليكى.
داليا بمكر : وانا معاك فى كل اللى هاتقوله .

فى العزبه كان جاسم بيتمشى مع مايسته .

جاسم : عارفه ياحبيبتى انا من دلوقتى لحد مااتجوزك هافضل اعد اليوم اللى يجمعنى بيكى .
مايسه : امممممم طب افرض بابا ماوفقش .
جاسم : ماتقلقيش انا هاحاول اقنعة بصى تعالى معايا نروح نسأله دلوقتى .

مايسه بحب : انت مجنون ياجاسم بس تعرف انا بموووت فى جنانك دة .

جاسم بعشق : وانا كمان بموووت فيكى يابنت عم طه .
جاسم راح لابوها يفاتحه فى موضوع جوازة من بنته .
جاسم : احم لو سمحت ياعمى كنت عاوز اتكلم مع حضرتك شويه .
طه باستغراب : خير يابنى ؟
جاسم: يعنى انا ..انا كنت عاوز يعنى اطلب من حضرتك اننا نعجل بالجواز .
طه : طب وايه لازمته الاستعجال دة يابنى بنتى اهو وخطبتها يعنى لازم تصبر شويه.

جاسم بضيق : طب ممكن افهم الاسباب ؟

طه : يابنى مش بالسرعه دى فى حاجات وتجهيزات ولازم احنا كمان نكون جاهزين ومستعدين لها.
جاسم : ماتحملش هم ياعمى كل حاجه امرها سهل وكل حاجه هاتتجاب فى ساعتها وهاجيب لها كل اللى نفسها فيه وهاجيب لها احلى اوضه نوم واهو القصر كبير ويساع من الحبايب الف بس انت وافق .

طه : والله مش عارف اقول ايه طب على الاقل قول لوالدك وخد رايه .

جاسم : انا شاء الله هايوافق ومش هايمانع .
طه : ربنا يقدم اللى فيه الخير يابنى بس اسال والدك برضه الاول ولما يوافق انا معنديش مانع .

تانى يوم كانت مايسه بتتمشى فى العزبة بعد الفجر والكل كان لسه نايم وفى حاله من السكون راحت ووقفت علشان تأكل الحصان بتاع جاسم وفضولها دفعها انها تدخل اسطبل الحصنه والاسطبل كان مليان حصنه كتير من كل شكل ولون وكان الاسطبل كبير وبابه كبير وله فتحه تهويه من السقف فضلت تملس بايدها على شعر الحصان بحب وهى كل تفكرها فى جاسم واللحظات اللى بتقضيها معاة على ضهر الحصان بتاعه بس اللى ماكنتش عارفه وعاملة حسابه ان فى عيون كانت كلها شر متربصه بيها العيون دى كانت عيون داليا اللى دخلت العزبة وهى متخفيه علشان محدش لمحها.


داليا والشر ماليها : قولى بابى هو هاينفذ امتى اللى قلتله عليه ؟

محمود : زمانه جاى لكى المهم انتى فين دلوقتى؟

داليا بغل وحقد دفين جواها: فى العزبة اهوة بس بعيدة عن اسطبل الحصنه وعلشان محدش يشوفنى او ياخد باله منى آة يانارى نفسى اخلص من البت المزعجه دى .


محمود بيطمنها : ماتقلقيش ياداليا فى خلال ساعه واحده بس اوعدك ياحبيبه بابى ان الاسطبل هايولع بيها هى والحصنه وهايتحول لرماد المهم مافيش حاجه هاتعمليها دلوقتى غير انك تطلعى بسرعه من العزبة واتفرجى بنفسك على اللى هايحصل دلوقتى.


داليا بابتسامه نصر : اوك يابابى لما نشوف .


شويه وكان شريف وصل وكان لابس لبس ملثم ودخل العزبة علشان ينفذ مخطتهم الشرير من غير ما حد يحس بيه قرب من اسطبل الحصنه من غير مامايسه تلمحه وقفل باب الاسطبل بالراحه بقفل كويس ورمى حبه بنزين عليه وولع عود كبريت ورماه وطلع من العزبه بسرعه وركب جنب داليا العربيه علشان يراقبوا اللى بيحصل للاسطبل .


شريف شال الوشاح من على وشه واتكلم بخبث :الخطه ماشيه تمام وفى ثوانى هاتشوفى الاسطبل بيولع بمايسه والحصنه .

داليا بغل : ايوة احسن علشان ابقى خلصت منها .
شريف وباس ايديها بمكر: مايكونش عندك فكرة بكرة هاتقرأى فى الجرنال خبر وفاتها.

مايسه وهى واقفه فى الاسطبل لقت دخان كتير هى مش عارفه مصدرة منين بتبص وراها لقت النار مسكت فى القش اللى على ارض الاسطبل والنار عماله تزيد وباب الاسطبل مقفول حاولت تفتحه لكنها فشلت فضلت تصرخ وتستنجد باى حد لكن للاسف من كتر الدخان والنار اللى مولعة اتخنقت وصوتها ضعف وفى الاخر اغمى عليها اما من برة العزبة كان شريف وداليا بيبصوا على اللى بيحصل بغل ودم بارد وفرحت اكتر لما شافت الدخان والنار طالعه من سقف الاسطبل .


داليا : ايوة بقى علشان تبقى تتهنى ياجاسم بحبيه القلب .

شريف : خلاص نارك بردت يلا بينا بقى ياقمر .

داليا بحقد : لا انا مش هامشى من هنا قبل مااشوف جثتها بنفسى.

شريف : حبيبه قلبى انتى شفتى بعينكى الاسطبل وهو مولع وكمان مقفول كويس بقفل كبير يعنى مش هاتعرف تهرب من النار يلا بينا احنا بقى من هنا .

داليا بتردد: ايوة ياشريف بس.

شريف : لكى عليا ياستى هاكلف حد يعرف لنا ايه اللى حصل ويعرفنا اذا كانت ماتت ولالا او انا اعرف بنفسى المهم لازم نمشى من هنا حالا علشان محدش يشوفنا وينكشف امرنا.
داليا بقله حيله : ماشى يلا .

صوت صهيل الحصنه كان عالى اوى وصحى تقريبا كل اللى كانوا موجودين فى العزبة .

فوزيه: طه اصحى ياطه .
طه : فى ايه يافوزية مالك .
فوزية : سامع .
طه : فى ايه ياوليه .
فوزية : صوت الحصنه عالى اوى ياطه على غير العادة وشامه ريحه دخان جامدة اوى اطلع شوف فى ايه

طه طلع وشاف المنظر اترعب : يالهوى دة الاسطبل بيولع ..... سكت شويه وبعدين كمل كلامه : امال فين بنتك؟

فوزية : مش عارفه هى فى التوقيت دة بتبقى بتأكل حصان جاسم .
طه قلبه انقبض : دة انا حتى مش سامع لها صوت .
فوزية : يالهوى لاحسن تكون بنتك ...سكتت وطه جرى وراح ينادى على بنته.
طه :مايسه مايسه ....... بس محدش بيرد عليه جرى وراح خبط على شقه محمد وفتح له الباب وشافه فى حاله غريبه جدا .
محمد : مالك ياعم طه وشك مخطوف كدة ليه؟
طه : الحقنى يابيه الاسطبل بيولع ودورت على بنتى مش لقيها

جاسم سمع الكلام وماستناش يسمع باقى الحديث طلع جرى بس من حسن حظه ان الحصان بتاعه كان برة الاسطبل ركبه وحاول يكسر الباب لحد مانجح واقتحم بالحصان بتاعة وسط النار وهو بينادى على حبيبته فضل يدور بعينيه لحد ما لقاها مغمى عليها نزل من على حصانه وشالها وركب الحصان مرة تانيه وخرج من وسط النار باعجوبه والعمال كلهم جريوا على قدما وساق علشان يطفوا النار اللى مسكت فى الاسطبل وحاولوا يخرجوا الحصنه بأقل خساير ممكنه جاسم بعد ماطلع نزلها وحطها على الارض بشويش وبدأ يفوق فيها .


جاسم : مايسه حبيبتى ردى عليا ياضى عينى ....... بس مافيش رد منها فما كان من جاسم غير انه بدأ يعمل لها تنفس صناعى وقرب بشفايفه من شفايفها علشان يدخل لها هوا نضيف جوة رئيتيها علشان تقدر تاخد نفسها بعد فترة بدأت مايسه تفوق وتاخد نفسها فتحت عينيها لقت جاسم بيبصلها وهو مبتسم وضمها لحضنه جامد اوى وهى عيطت فى حضنه كتير.

جاسم فضل يطبطب عليها بحنان : هششششش هشششش انتى كويسه دلوقتى ياحبيبتى اهدى خالص.

مايسه بعياط وهى متمسكه فى هدومه بقوة : كنت هاموت ياجاسم .

جاسم : بعد الشر عليكى ياحبى ان شاء الله اللى يكرهوكى المهم انتى كويسه دلوقتى وعلشان اطمن اكتر هاتصل بدكتور اعرفه يطمنا عليكى .

طه بلهفه وحزن : ياحبيبتى يابنتى كنتى هاتضيعى منى .

جاسم بص لحماة : ماتقلقش ياعمى طول مابنتك معايا متخافش عليها ابدا .
بعد شويه وصل الدكتور وطمنهم انها كويسه وان اللى حصل لها كان مجرد اختناق من كتر الدخان وقله الهوا .

الدكتور بأعجاب شديد من جمالها .

ايمن: حمدا لله على سلامتك ياانسه .
جاسم والغيرة بانت فى عينه : دكتور ايمن اظن انك قمت بواجبك مع السلام بقى.
ايمن بفضول وقرب من جاسم وهمس له : بصراحه الانسه دى جميله اوى هى تقربلك ايه؟
جاسم بضيق وغيرة : تبقى خطيبتى ارتحت .
ايمن : يابختك بيها ياجاسم .
جاسم :وحياة ابوك بلاش نق.

ايمن بعد عن جاسم واتكلم بصوت واضح : على العموم ياانسه انتى احسن دلوقتى بس محتاجه راحه تامه .....وبصلها باعجاب ودة نرفز جاسم جدا وجز على اسنانه وزقه طلعة برة الاوضه اللى كانت مايسه فيها وهى ابتسمت لانها شافت فى عيون جاسم حب وغيرة .


جاسم من برة الاوضه وهو بيكلم الدكتور بعصبيه : خلاص يادكتور ايمن مش خلصت مهمتك اتفضل بقى من غير مطرود .


ايمن بيستفزة : الا قولى ياجاسم هى خطيبتك دى مالهاش قريبه حلوة زيها كدة .

جاسم مسح وشه بيدة وسكت علشان يتمالك فى اعصابه : لا يادكتور ايمن ملهاش طرقنا بقى .

ايمن ابتسم : ماشى ياعم جاسم بس لما تنوى تتجوز ابقى اعزمنى ماشى .

جاسم بضيق : ان شاء الله يادكتور ان شاء الله ....... مشى ايمن ورجع جاسم وقعد جنب حبيبته .
مايسه بصت له وفضلت تضحك : طب والله الدكتور دة حلو ودمه شرباااات .

جاسم بضيق وحده : نعم يااختى بتقولى ايه سمعينى كدة علشان ماسمعتش كويس .

مايسه بتستفزة : بقولك دكتور حلو ودمه شربااات .
جاسم : طب اتلمى بقى بدل مااعقابك وعقابى مش هايعجبك .
مايسه بصت له بصدمه واتكلمت بضيق : هاتعمل ايه يعنى ها افهم بقى هاتعمل ايه .
جاسم بصلها بخبث وغمزلها بشقاوة : هاعرفك ازاى بس لما نتجوز ياجميل .

مايسه : على فكرة انت قليل الادب اوى ياجاسم .

جاسم بضحك : ليه بس دة انا غلبان اوى والله .
مايسه بصت له بحاجب مرفوع : لا ماهو واضح اهو.
جاسم بحب : حبيبه قلبى انا بحبك اوى ياماسه قلبى .
مايسه : ياخوفى منك ياابن المنصورى .
جاسم : ههههههه يابت هو انا لسه جيت جنبك .

مايسه : جاسم بطل بقى لاحسن حد يدخل علينا فجأة .... شويه والباب خبط ودخل ابوها وجاسم بعد عنها.

طه : ازيك دلوقتى يابنتى .
مايسه : الحمد لله يابابا انا كويسه عمر الشقى بقى .
طه : ربنا يحميكى يابنتى ويسترها معاكى بس احنا لحد دلوقتى مانعرفش ايه اللى حصل وازاى الاسطبل ولع .
جاسم بشك : ماتقلقش ياعمى انا هاتصرف واعرف بنفسى ايه اللى حصل بالظبط لان احساسى بيقول ان دى عمليه مدبرة علشان يخلصوا من مايسه.
طه بحزن : احنا طول عمرنا فى حالنا يابنى ومالناش اى اعداء .

جاسم بضيق : انا عارف الكلام دة كويس ياعمى انتوا لايمكن يكون لكم اى اعداء علشان يأذوكم الاعداء جايين ليا انا عاوزين يكسرونى بموت مايسه بس اقسم بالله ماهرحمهم ولو اتأكدت ظنونى يبقوا كتبوا على عمرهم بس لازم اتاكد الاول علشان لما احاسبهم يبقى عقابى لهم عسير اوى....... راح لحماة وطبطب على كتفه وبحنان كمل كلامه : طب اسيب حضرتك انت وطنط مع مايسه ..... جاسم بص لمايسه بشوق وحب وسابها مع اهلها .


طه : جاسم دة شاب جدع وشهم تصورى كان قلقان عليكى وفضل يعمل لك تنفس صناعى علشان تفوقى ربنا معاة ويحميه .

مايسه ابتسمت من جواها لانها عارفه ان جاسم بيحبها وبيخاف عليها واتكلمت بأمل : يااااارب يابابا ياااااااارب.

خلصت حلقتنا ولسه عصابه الشر وكيدهم ماخلصش ياترى ايه اللى ممكن يعملوة تانى وايه اللى لسه مخبياة الايام لجاسم ومايسه ..
رواية ما بعد الرحيل للكاتبة ياسمين أحمد الفصل الخامس عشر

تانى يوم جاسم حب يطمن على مايسته وصل الشقه اللى قاعدين فيها أبوها وامها ورن الجرس وابوها فتح له الباب ورحب بيه بحفاوة كبيرة .

جاسم : ازيك ياعمى وازى مايسه عامله ايه النهاردة .
طه : الحمد لله يابنى مايسه احسن شويه الحمد لله اتفضل..... جاسم دخل وحمحم بحرج: احم ممكن يعنى ياعمى اطمن عليها .
طه : اتفضل اقعد يابنى على مااديها خبر ....... جاسم قعد على اقرب كرسى وابوها راح يبلغ بنته اللى اول ماسمعت ان جاسم جه علشان يطمن عليها حست بضربات قلبها بتدق بسرعه لبست لبس كويس علشان تستقبله وبعدها راحت له والشوق مالى عينيها.

جاسم بلهفه وشوق : احم ازيك يامايسه عامله ايه دلوقتى .

مايسه بصتله وابتسمت بخجل: الحمد لله انا دلوقتى احسن شويه .....سكتت شويه وبعدين اتكلمت بحزن: انا بس مصدومه من اللى حصل امبارح ولولا انك انقذتنى من النار انا كنت زمانى مو..... ولسه هاتكمل بس جاسم كان اسرع منها وحط ايده على شفايفها علشان يمنعها انها تكمل .

جاسم بضيق : هششش اوعى تكملى انا مقدرش اعيش من غيرك وكل ماافتكر انك كنتى هاتضيعى منى دة فى حد ذاته بيوجعنى .

مايسه ابتمست له بحب جارف : حبيبى انا بجد محظوظه بيك وبشكر ربنا ليل ونهار انك موجود فى حياتى ربنا يخليك ليا.

جاسم بعشق : ويخليكى ليا ياضى عينى .... سكت شويه وكان بيكلم نفسه : يااااه امتى بقى هايجى اليوم اللى تبقى فيه بتاعتى وملكى ........اما ابوها فكان بيراقبهم من بعيد هو عارف ومتأكد ان جاسم بيحب بنته بس كأى اب بيخاف على بنته وهو معذور فى دة .


طه حمحم بحرج: احم تعالى يابنى افطر معنا .

جاسم حس بالحرج من الموقف كله وانه تجاهل وجود ابوها بصلها وبعدين راح قعد جنب حماه واتكلم : بالف هنا لكم ياعمى ومعلش متشكر بس انا مش بفطر خالص دلوقتى انا بس كنت جاى اطمن على بنت حضرتك وكنت يعنى عاوزها تتمشى معايا شويه اذا ماكنش عندك اى مانع .

طه : مافيش مشكله بس لو سمحت مش تبعدوا بعيد .

فوزية نكزته فى دراعه وهمست له بضيق : بالراحه على خطيب بنتك ياطه مش كدة .
طه بنفس الهمس : يافوزيه اللى بيعملة دة مش صح .
فوزيه بضيق :وبعدين معاك.
طه : خلاص سكت اهوة .

جاسم بضحك : متخافش ياعمى انا بحبك بنتك وهخاف عليها حتى من نفسى على العموم ماتقلقش مش هانبعد بعيد .

فوزية همست لطه بضيق : عجبك كدة احرجت الواد .
جاسم ابتسم : ولااحراج ولاحاجه ياطنط عمى معاة حق انه يخاف على بنته ودة شىء طبيعى .. بص لحماة وكمل : بس تأكد ياعمى انى انا بخاف على مايسه من نمسه الهوا .

جاسم اخد منهم الاذن وطلع هو ومايسه يتمشوا فى العزبة وهو فرحان وسعيد انها معاة وقريبه منه وبيدعى فى قرارة نفسه ان جوازهم يتم فى اقرب فرصه علشان يحمى حبيبته وهما بيتمشوا لقى تليفونه بيرن كتير ومسدج من امجد فتح ورد عليه .


جاسم : ايوة ياامجد فى ايه عمال ترن ليه ؟

امجد اتكلم باسف: معلش ياجاسم بس اصل فى شغل كتير مش قادر اخلصه لوحدى .
جاسم بزهق : طيب ياامجد شويه وجاى . ....... قفل تليفونه وهو بينفخ.
مايسه : مالك حبيبى متضايق ليه؟

جاسم باسف: معلش حبيبتى انا مضطر اروح الشغل امجد اتصل عليا وبيقول فيه شغل كتير ومش هايعرف يخلصه لوحده .

مايسه : حبيبى يلا روح شوف شغلك ومش تقلق عليا .
جاسم بحب : هاتوحشينى على ماارجع .
مايسه ابتسمت :وانت كمان هاتوحشنى المهم تاخد بالك من نفسك لااله الاالله .
جاسم باس ايدها برقه وودعها : محمد رسول الله ....بعدها ركب عربيته وهى فضلت تتمشى لوحدها فى العزبة لكن الغريب ان فى عيون شريرة كانت بتراقبها من بعيد .

=: ايوة ياشريف بيه البنت اللى كنت كلفتنى انى اعرف اذا كانت عايشه ولالا واعطتنى صورتها بأكد لك انها لسه عايشه وشايفها قدامى اهو .

شريف بعصبيه :ازاى لسه عايشه ازاى .
=: معرفش ياسعادة البيه .
شريف بضيق : طيب اقفل انت دلوقتى وانا هاتصرف .

شريف قفل مع الشخص اللى كان بيكلمه وفضل متردد ومحتار كتير يروح يبلغ داليا ان مايسه لسه عايشه ولالا وبعدين فى الاخر قرر انه يروح بنفسه الفيلا بس كان لازم يتصل بداليا الاول علشان يمهد لها اتصل وهى ردت عليه بسرعه.

شريف : ازيك يا داليا .

داليا: ها ياشريف طمن قلبى وبردة البت المخفيه مايسه ماتت ولالا .

شريف : اممممم بصى انا مش عارف اكلمك من الفون انا قدامى بالظبط نص ساعة واكون عندكم.
داليا : ماشى ياشريف تعالى .... وبعد نص ساعه كان شريف راح لهم الفيلا وخبط على الباب وفتحت له الخادمه ورحبت بيه وطلعت بلغت محمود وبنته ان شريف فى انتظارهم بعدها راحوا له واستقبلوة وقعد وهو حيران وكان بيوزع نظراته مابين داليا وابوها .

محمود بتافف : هاتفضل ساكت كتير كدة ماتقول اللى عندك ياشريف .

شريف بعد صمت طويل : للاسف ياجماعة مايسه لسه عايشه واللى كلفته يعرف اذا كانت ماتت ولالا بلغنى انها لسه عايشه .
داليا اصيبت بصدمه وفضلت فترة ساكته وبعدين اتكلمت بعدها بعصبيه : طب ازاى دة حصل وانا وانت كنا شايفين الاسطبل وهو بيولع ازاى قدرت تطلع منه من غير مايحصل لها حاجه ازاى ماتتكلم ياشريف لانى خلاص قربت اتجنن .

شريف بارتبارك : معرفش ..معرفش ياداليا اللى وصل ليا الكلام أكدلى دة يجوز يكون جاسم لحقها وانقذها.

محمود بزهق : انا نفسى اخلص من اللى اسمه جاسم دة وارتاح دة بقى عقبه فى طريقنا .
شريف :والله ياعمى انا كمان نفسى اخلص منه لانى عمرى ماهانسى انه أهانى وكان عاوز يكسر دراعى واحرجنى قدام داليا وعلى الملأ .

محمود بعد تفكير: بس لقيتها الاول بس نخلص من مايسه الاول وبعدين نشوف هانخلص من جاسم ازاى

داليا وشريف بصوا لبعض باستغراب وبعدين داليا اتكلمت : ها قول بسرعه بابى .

محمود : انا هازرع واحد من عندى فى عزبة المنصورى ويدخل على انه محتاج شغل وبحكم خبرتى ان محمد مش هيمانع انه يشغل حد محتاج للشغل بعد مايشغله بيومين كدة هاكلفه انه يروح الشقه اللى موجودة فيها مايسه وعيلتها وينتهز فرصه انهم مش موجودين اوانهم برة فى العزبة مثلا ويدخل بالراحه من غير ماحد يحس بيه ويستخبى فى الاوضه اللى بتنام فيها ولما يجى الليل يحط لها تعبان سام ولما يتأكد انها نامت يخرج بالراحه ويقفل عليها الباب كويس ويهرب بسرعه ولما التعبان يلدغها وهى نايمه هاتموت فى ساعتها ومحدش هايحس بيها الا تانى يوم وبكدة نكون خلصنا منها .


داليا بغل :ايوة بقى يابابى اهو اهوة دة الكلام اللى بصحيح بس اااااااا.

محمود : بس ايه ياداليا .
داليا : معتقدش ان جاسم هاسيبها لوحدها وخصوصا بعد حادثه الاسطبل اكيد هايحميها ثم افرض ان الراجل اللى حضرتك بتتكلم عنه دة فشل انه يحط التعبان يبقى ايه الحل ساعتها .

محمود بقله صبر : داليا مش تحبطينى وعلى العموم انا عامل حسابى كويس ومنبه عليه ياخد حذرة انا عارف كويس اوى ان جاسم مش هاسيبها لحظه وعلى حسب علمى كمان انهم بيسهروا بالليل فى المضيفه الكبيرة بتاعه محمد ابو جاسم اللى انتى كنتى بتبقى ساعات متواجدة فيها ايام ماكان خطبك يعنى لازم يكون التفيذ بالليل ومش هاسمح بأى غلطه .


داليا باستفهام : الاقولى يابابى تفتكر ان جاسم عرف او حس اننا لنا يد فى حادثه الاسطبل زى ماهو شاكك فيا انا وشريف فى حادثه مسابقه الخيل ؟


محمود : ماعرفش يا داليا وحتى لو كان شاكك بس فين الدليل اللى ضدنا ويدينا ها متخافيش ياحبيبه بابى طول مافيش دليل واحد معاة ضدنا يبقى ماتشغليش بالك المهم نفكر نخلص من مايسه وبعدين الباقى هايجى بالتدريج.وبعدين تعالى هنا مش انتى وشريف اثناء ماكان الاسطبل بيولع كنتم برة العزبة .

داليا : دة صحيح احنا كنا بره العزبة وبعاد كمان .

محمود : خلاص يبقى مافيش اى خوف او قلق موت ياحمار على مايلاقى اى دليل ضدنا وعلى مايتأكد اننا لنا يد فى حاجه تكون البرنسيسه اللى خطبها ماتت وشبعت موت .

داليا : ربنا يستر بقى يابابى وماينكشفش الملعوب .

فى شركه جاسم

كان جاسم وصل الشركه ودخل مكتبه وطلب من السكرتيرة متدخلش اى حد عليه غير امجد وبس .
جاسم : مدام فطيمه مش عاوز اى حد يدخل خالص دلوقتى والغى اى مواعيد او مقابلات من العملاء ولو امجد جه ابعتهولى .
السكرتيرة : حاضر ياجاسم بيه اى خدمه تانيه تأمرنى بيها .
جاسم : لامتشكر وياريت معلش هاتعبك معايا ممكن تعمليلى فنجان قهوة لانى مصدع .
السكرتيرة : تحت امرك يافندم .

شويه وامجد وصل الشركه والسكرتيرة طلبت انه يدخل لجاسم ....امجد دخل مكتب جاسم بصله بس لقاه شارد ومهموم .

امجد : خير ياجاسم طلبتنى ليه ؟
جاسم :............
امجد :انت ياعم انت روحت فين .
جاسم بتوهان : ها كنت بتقول حاجه ؟
امجد : لا دة انت مش معايا خالص ايه سرحت فى ايه كدة.

جاسم بضيق : والله ما فيا دماغ لحاجه ولاهزار ياامجد .

امجد بضحك : مش معقول يابنى فى حد يكون لسه خاطب واحدة مهذبه وجميله ورقيقه زى مايسه ويكون وشه مقلوب كدة مالك ياجاسم فيك ايه احكيلى .

جاسم : اقعد وانا احكيلك ........... جاسم فضل يحكى لصاحبه اللى حصل من اول ماالاسطبل ماولع ولحد ماانقذ مايسه وحتى وصوله الشركه امجد كان قاعد ومذهول من الكلام اللى بيسمعه .

امجد : يااااااه كل دة حصل طب ليه مااتصلتش بيا كنت على الاقل ابقى معاك لو احتجت حاجه .
جاسم : ماحبتش ازعجك وبعدين يعنى انت كنت بايدك ايه هاتعملة بس .
امجد : كنت على الاقل اساعدك .

جاسم : اهو اللى حصل بقى انا ساعتها كنت مشتت ماكنتش حتى قادر افكر كل اللى كان فى تفكيرى ساعتها هو انى انقذ مايسه وبس .

امجد بشك : تفتكر داليا وابوها لهم يد فى اللى حصل؟
جاسم بثقه : دة مش شك ياامجد دة يقين ومتأكد كمان .
امجد بحدة وعصبيه : ولما انت متأكد اوى كدة ليه مابلغتش عنهم وخلصنا .

جاسم : اسمعنى بس ياامجد حتى لو بلغت عنهم ابوها دة راجل مش سهل دحلاب على راى بابا وهايطلع منها زى الشعر من العجين واول حاجه هايعملها انه هايقوم محامى كويس يدافع عنه وهايقول فين الادله اللى ضدى .


امجد حك ذقنه بضيق وكمل:طب والحل هانسيبهم يعملوا اللى هما عاوزينه واحنا ساكتين الناس دى شرهم كتر اوى ياجاسم والله اعلم هما بيفكروا يعملوا او بيدبروا لاايه تانى وبقولهالك اهوة من دلوقتى لازم تحمى خطبيتك واهلها من شر اذى الناس دول.


جاسم : والله انا فكرت احط غفير على باب العزبة ويكون حاطط عينه عليهم ويمنع اى حد غريب يدخل او يخرج .

امجد : وتفتكر يعنى ان الغفير اللى هاتحطه هايقدر يعمل حاجه دة اغلبهم زى قلتهم .
جاسم : ماعنديش حل تانى لو انت عندك حل تانى الحقنى بيه .
امجد بتوتر : لا للاسف معنديش المهم ربنا يسترها بقى .
جاسم بقلق : ربنا يسترها ياامجد ربنا يسترها .
امجد : طب تحب ادورلك على الغفير دة .

جاسم : والله لو تعرف حد كويس يقدر يحمى مايسه وعيلتها يبقى عملت فيا معروف عمرى ماهانسهولك .

امجد : مافيش مشكله انا هاحاول اتصل دلوقتى بشركه امن كويسه ولها صيتها الكويس تبعت فرد امن افضل من الغفير .

امجد اتصل فعلا بالشركه وطلب فرد امن وكان ردهم عليه ان افراد الامن مهمتهم الاساسيه هى حمايه المنشات العامة والخاصه والهيئات الحكوميه من السرقه واعمال التخريب اما حمايه الافراد فمن خلال الغفير وبس .


امجد قفل الفون بتاعه وبص لجاسم باسف : للاسف ياجاسم مش قدامنا حاليا غير اننا نحط غفير يحرس مايسه وعيلتها المهم بس يارب ينجح فى مهمته .على العموم على بالليل هايكون الغفير وصل العزبة .

جاسم بتنهيدة : انا خايف اوى ياامجد ومش عارف لحد امتى هافضل فى القلق دة على طول دة انا بخاف اسيبها واجى الشركه ببقى حاطط ايدى على قلبى من كتر خوفى عليها وعلشان كدة طلبت من عمى اننا نعجل بالجواز علشان على الاقل ابعدها عن الهم دة .

امجد بتريقه : وانت مفكر انك لو اتجوزت مايسه داليا هاتسكت وتسيبك فى حالك ابدا دة ساعتها ممكن تقتلك وتقتلها لو جت لها فرصه لدة علشان تخلص منكم انتو الاتنين.


جاسم بعصبيه : انت بتقفلها فى وشى ليه بس ؟

امجد : انا مش بقفلها فى وشك ولاحاجه انا بحذرك منها انها مش هاتسكت داليا تعبان وبترمى سمها فى كل مكان .
جاسم : طب قولى اتصرف ازاى ؟

امجد : انا من رايى تبلغ فيهم البوليس ونخلص منهم .

جاسم : ياعم افهم حتى لو بلغت عنهم فين الادله اللى تثبت ان داليا اوابوها متورطين مافيش حاجه دليل بح كل انا مملكش ولو دليل واحد ضدهم علشان اسجنهم.
امجد : بص مافيش مجرم بيعمل حاجه ومايسيبش دليل اكيد موجود .

جاسم : ولو افترضنا جدلا ان الدليل موجود زمانه اتحرق فى الحادثه امجد الاسطبل كان جمرة نار وولع كله وفين وفين على ماطفينا الحريقه صدقنى حتى لو بلغت عنهم السويفى هيلاقى الف مخرج ومخرج يبرأة سواء له او لابنته وفى كل اللى الاحوال برضه مش هايسكتوا .

جاسم اتنهد واتعدل من على كرسيه وقام علشان يمشى .
امجد : انت رايح فين كدة ماشى وسايبنى طب والشغل الكتير دة؟
جاسم : لازم اكون موجود فى العزبة قبل ماالغفير يوصل علشان افهمه هايعمل ايه بالظبط.
امجد : استنى بس ياجدع انت طب مين اللى هايكمل الشغل دة ؟

جاسم بضحك وطبطب على كتفه : البركه فيك بقى حاول انت تحل مشاكل الشركه مع الشركات التانيه.

امجد باستغراب : لا دة انت اكيد بتهزر بقى احل مشاكل ايه بس استنى يابنى انا مقدرش ياجاسم على الشغل الكتير دة لوحدى .
جاسم هز كتفه بلامبالاة : وانا مقدرش اسيب مايسه لوحدها سلام بقى .
امجد فضل يلعن اليوم اللى اشتغل فيه فى الشركه مع جاسم .
امجد : الله يسامحك ياجاسم دبستنى فى شغل بالهبل انا كان مالى ومال وجع الدماغ دة بس ياربى .

جاسم طلع من شركته ورجع على العزبة ووصل وعلى بالليل الغفير كان وصل فى حضور والدة واخته ومايسه واهلها .اللى كانوا مستغربين من وجود الغفير فى التوقيت دة بالذات .

محمد باستغراب : مين اللى بعت الغفير دة .
جاسم : انا يابابا.
محمد : ليه يابنى مافيش حاجه تستاهل لوجود غفير عندنا فى العزبة .

جاسم : لايابابا فى ان كان لاقدر الله مايسه تضيع منى وساعتها ماكنتش هاستحمل انه يجرى لها حاجه .

طه : يابنى مافيش داعى للقلق دة كله وبعدين ربك سترها ملهوش لزوم.
جاسم باصرار:وانا لسه عند موقفى الغفير دة هايحرسكم انتوا وحبيبتى مايسه على الاقل يبقى امان من ان اى حد يحاول يأذيكم او ياذيها .

مايسه بصت لجاسم واتكلمت بشوق قاتل : ربنا يخليك ياحبيبى مااتحرمش منك .

طه بص لابنته بتحذير ونظرات كانه هايأكلها بعينه وارتبكت وسكتت .
مايسه : اااااااا طب عن اذنكم لان الظاهر كدة والله اعلم ماما بتندة عليا ........... مايسه مشيت وجاسم عينه مانزلتش من عليها لحد مابعدت عنه .

طه بنرفزة : احنا كنا بنقول ايه ياجاسم يابنى .

جاسم انتبه : ها ابدا ياعمى انا بقول هاروح اتكلم مع الغفير علشان اقول له على المطلوب عن اذنك .
جاسم طلع من عندهم وراح للغفير علشان يفهمه هايعمل ايه .
جاسم :ها فهمت هاتعمل ايه مش عاوزك تغيب عنهم لحظه .
الغفير: ماتقلقش ياسعادة البيه انا هاخد بالى كويس اوى منهم .

جاسم بتحذير : ومش بس كدة تفضل على طول عينك فى وسط راسك وتاخد بالك من اللى داخل واللى طالع من العزبة اى حد غريب امسكه على طول وبلغنا مفهوم .

الغفير : حاضر يابيه مايكونش عندك فكرة وهاخد بالى جدا .
جاسم : تمام كويس اوى .

تانى يوم فى العزبة تليفون ندى رن وكان هانى قد ايه اشتاقت له فضل اسمه منور شاشه هاتفها فتحت وردت بشوق ووشها كان مبتسم ومليان سعادة ماتتوصفش

هانى بحب: ازيك ياندوشتى وحشتينى ياحبيبتى.
ندى بهيام : ازيك حبيبى وحشتنى اوى اوى انت ماتعرفش غيابك عنى تاعبنى قد ايه.
هانى بحب اكبر : معلش حبيبتى غصب عنى والله بس تعرفى انتى واحشانى اوى اوى .

ندى بعتاب : ايوة صح بدليل انك بقالك فترة ماسألتش فيا مش كدة .

هانى : حبيبه قلبى ماانا قلتلك انه غصب عنى انتى عارفه طبيعه شغلى كدة الرحلات مابتخلصش ياندوشتى قوليلى ايه الحل .
ندى بضيق : اووووووف هو انت كل مرة كدة تطلعلى اعتذارات وبس ياهانى وبعدين مش المفروض انك لك اجازات .

هانى : اكيد طبعا ياروحى بس انا بأشيل الاجازات علشان لما نتجوز ياجميل .

ندى عيطت ودموعها وجعت قلبه : طب ماتعرفش تنزل يوم واحد بس اشوفك فيه انت مش عارف غيابك بيقتلنى ازاى .
هانى حب يلطف الجو: ندى صدقينى انا لوعليا عاوز افضل جنبك على طول بس فى الحاله دى ياروحى بعد مانتجوز هانقعد انا وانتى نشحت على باب السيدة
رواية ما بعد الرحيل للكاتبة ياسمين أحمد الفصل السادس عشر

جاسم قاعد جنب حوض الورد والخوف والقلق مسيطرين عليه وبيفكر مابينه ومابين نفسه ياترى اللى حصل من خطف ندى ومايسه كان مجرد صدفه ولاكان من تدابير داليا وابوها علشان يكسروة بأى طريقه افكار كتيرة شغلت عقله طب لو كان حازم الندل نجح فى اغتصاب واحدة منهم ازاى كان هايقدر يواجه نظرة المجتمع له مابين شفقه البعض ومابين شماته البعض الاخر كل دة كان تعبه ومعصبه وبيفكر كمان ازاى قدرت داليا توقعه فى حبها واستغلته اسوء استغلال وافتكر كل اللى حصل منها من حادثه المسابقه ولحد ماراح لها وحطت له المنشط الجنسى فى العصير وبعدها حادثه الاسطبل واخيرا وليس اخرا محاولة اختطاف ندى ومايسه من قبل حازم كل دة مابطلش انه يفكر فيه وهو قاعد سرحان ومهموم جت مايسه من وراه وحبت تتكلم معاة علشان تخرجه من حاله الحزن اللى هو فيها.


مايسه : جاسم حبيبى هاتفضل مخاصمنى كتير كدة ومش عاوزة تكلمنى حقك عليا انا اسفه.

جاسم :..........
مايسه ببترجاة : ارجوك حبيبى وحياتى عندك علشان خاطرى اتكلم قول ايه حاجه بس ماتسكتش كدة سكوتك دة بيقتلنى وبيوجعنى.
جاسم رد عليها بعصبيه : مش انا قلتلك امبارح مش عاوزاسمع منك اى كلام انتى عاوزة ايه وجايه ورايا ليه ؟
مايسه بحزن : جيت اشوفك واطمن عليك .
جاسم ببرود : لا والله بجد طيب ياستى اديكى اطمنتى عليا خلاص اتفضلى بقى من هنا لانى مليش مزاج اتكلم معاكى ولامع ندى .

مايسه بحزن : ماشى ياجاسم اوك انا ماشيه بس لازم تعرف انى عملت كدة لانى خوفت على ندى من الندل دة اللى اسمه حازم..........سكتت شويه واتكلمت بنبرة كلها حزن : وبعد كدة يكون جزاتى انك تخاصمنى على العموم براحتك اوى عن اذنك.


جاسم غمض عينه بالم لان ماعندهوش اى استعداد انه يخسرها وهو مش حمل انه يخسر الانسانه اللى حبها بكل جوارحه مش مستعد خالص تحت اى ظرف من الظروف انها تضيع من ايدة اتنهد بالم وحاول يسيطر على مشاعرة ومايبينش لها ضعفه قدامها هو صحيح بيحبها بجنون لكن فى النهايه لازم يعاقبها لانها خرجت هى وندى من غير اذن حد وقبل ماتبعد عنه ندة عليها .


جاسم ببرود بعكس اللى جواة من غضب : استنى .

مايسه بصت له بعتاب : نعم افندم .
جاسم بنفس البرود : اعملى حسابك تستأذنى من باباكى علشان هاخدك انتى وندى علشان نعمل بلاغ فى حازم بعدم التعرض لكم .

مايسه حاولت تمنع دموعها اللى هددت بالانهيار لكن دموعها خانتها ونزلت على خدودها واتكلم باسف : طيب ..... وسابته وهى لسه دموعها على خدها ......جاسم اتنهد بضيق وعينه مانزلتش من عليها لحد مابعدت وراحت لابوها وهى بتعيط .


طه بص لابنته باستغراب من الحاله اللى فيها واتكلم: مالك يابنتى فى ايه بتعيطى كدة ليه؟

مايسه بدموع : جاسم مخاصمنى يابابا ومش عاوز يسمعنى او يسامحنى هه لا وفى الاخر يقوم يقولى روحى استاذنى من باباكى علشان نعمل بلاغ ضد حازم هو دة اللى ربنا قدرة عليه ؟

طه بص لابنته بعتاب وكمل :انتى عاوزة تسمعينى ولالا؟

مايسه اتعصبت واتكلمت بنرفزة: يابابا ارجوك اسمعنى انا معملتش حاجه غلط .
طه بحدة : لا عملتى انتى اخطاتى يابنتى كان المفروض تبلغينا علشان نقدر نتصرف قبل ماالجبان دة مايخطفكم بس انتى للاسف اتصرفتى من دماغك .

مايسه اتنهدت : حتى انت كمان يابابا بتدافع عنه وبتغلطنى انا دة بدل ماتسمعو منى وتعرفوا انا ليه اتصرفت كدة لانى كنت مابين نارين اما اسيب الندل دة يخطفها ويفترسها يااما انى اتصرف واستخبى فى شنطه عربيته علشان انقذها منه انا عملت كدة بدافع من خوفى على ندى وبرضه انا فى الاخر اللى ملامه منكم مش كدة .


فوزيه طيبت خاطرة وطبطبت على كتف جوزها واتكلمت بحنان ام: طه والنبى علشان خاطر بنتك روح واتكلم مع خطيبها وحاول تهدى منه وتوضح له وجه نظرها .


طه بص لامراته بضيق : فوزية هما احرار هو وهى هما هايتصافوا لوحدهم ملناش دعوة اننا نتدخل مابينهم وبعدين هو متضايق من بنتك ....بص لابنته وكمل : سيبيه لحد مايروق وماتفضليش تزنى عليه كل شويه وتطلبى انه يكلمك الراجل يابنتى لما بيتعصب مابيعرفش يفكر فى الامور صح الافضل انك تستنى عليه لحد مايهدى وبعدين ابقى فهميه وجه نظرك اتفضلى يلا روحى زى ماقال لكى علشان تعملوا بلاغ ضد حازم وبعدها بيومين انتى بنفسك هتلاقيه بيكلمك هو بيحبك بس الموقف نفسه اللى ضايقه منك ومن اخته .


مايسه بقله حيله : حاضر امرى لله عن اذنكم ..... وسابتهم ومشيت .

فوزيه بعتاب : كنت قاسى عليها اوى ياطه .
طه بثقه: بنتك غلطت يافوزية وبعدين انتى كنتى هاتعملى ايه لو لاقدر الله حصل لها حاجه .
فوزيه وضربت بايدها على صدرها : يالهوووووى دة كنت اموت بحسرتى عليها .

طه : شوفتى بقى انتى قلتى ايه وهى كانت هاتعرض نفسها للخطر هى وندى ..فوزية انا ساعات ببقى قاسى على بنتنا علشان خايف عليها مش اكتر .

فوزية رفعت ايدها ودعت لابنتها بالهدايه وصلاح حالها: ربنا يهديكى يابنتى ويوفقك ويسعد قلبك .

جاسم ركب عربيته هو وندى ومايسه من غير ولاكلمه وراحوا القسم و طلب مقابله الظابط فارس.

فى قسم الشرطه .
فى اوضه كبيرة فيها كراسى انيقه كان الظابط فارس قاعد على مكتبه وحاطط رجل على رجل وبيشرب شاى باللبن الباب خبط والعسكرى دخل وادى التحيه العسكريه .
العسكرى : تمام يافندم فى واحد برة طلب مقابله حضرتك .
فارس : مين دة ؟
العسكرى : معرفش يافندم .
فارس : ماقلش اسمه ايه ؟
العسكرى : لايافندم ماقلش اسمه هو طلب بس مقابله حضرتك .
فارس اتعدل فى قاعدته : طيب تمام دخله .

العسكرى : تحت امرك يافندم .......... وادى التحيه العسكريه ودخل جاسم .

فارس مد ايدة وسلم على جاسم : اهلا وسهلا اتفضلوا اى خدمه اقدر اقوم بيها .
جاسم : الاول اعرفك بنفسى انا جاسم المنصورى ابن ........

فارس قاطعه : اسنتى استنى ايوة افتكرتك انت ابن اكبر رجل اعمال فى مصر كلها مش كدة ؟

جاسم : ماشاء الله حضرتك ذاكرتك كويسه .

فارس : لا هو الموضوع مش كدة خالص كل مافى الامر ان والدك فعلا راجل له اسمه ووزنه فى السوق دة غير ان الصحافه والاعلام بتتكلم عنكم كتير وبسمع عنكم اكتر على العموم تشرفنا ياسيد جاسم اامرنى.


جاسم : الامر لله انا جاى النهاردة وعاوز اقدم بلاغ فى واحد اسمه حازم المنفلوطى ودة كان هايبقى خطيب اختى بس محصلش نصيب المهم ان الشاب دة اتعرض لاختى اكتر من مرة وكنت بحذرة مرة واهددة مرة بس الظاهر انه مابيتعلمش وصبرى عليه نفد .


فارس : انت عاوز تعمل بلاغ ضدة بعدم التعرض لاختك او لاى حد منكم مظبوط كدة ؟

جاسم : بالظبط كدة .
فارس بفضول : معلش بس ممكن افهم بالظبط هو عمل ايه علشان اقدر اخد الاجراء دة ضده زى ماانت عارف احنا مش من النوع اللى يقبض على اى حد كدة ولابنأخد اى اجراء قانونى ضد حد غير لما نعرف اللى مقدم فيه البلاغ عمل فيه ايه بالظبط علشان يبقى الاجراء ماشى قانونى وسليم فياريت تحكي ليا كل حاجه اذا سمحت .

جاسم : حاضر ..... وبدأ جاسم يحكى لفارس كل حاجه .

فارس : اممممم على العموم لازم الاول اخد اذن من النيابه علشان اقدر استدعيه بس ياترى لوعملت كدة واخدت القرار بعدم التعرض لكم الحل دة يرضيك ؟
جاسم : بس انا كنت عاوزك تسجنه .
فارس : ياسيد جاسم الامور فى جهاز الشرطه مابتتأخدش كدة خالص اوعلى الاقل بالنسبه ليا مابسجنش حد غير لما تكون الادله كافيه فى ايدى .انا ببساطه ممكن اعمل كدة فعلا بس كمان فى نقطه معينه انت مش واخد بالك منها .
جاسم : اللى هى ايه ؟

فارس : ان اللى زى حازم ممكن يقوم محامى يدافع عنه وممكن كمان يكدب اختك او خطيبتك ويقول انكم بتتبلوا عليه وكمان لو الادله اللى ضدة مش كافيه ممكن يطلع من القضيه بسهوله انا ممكن اسجنه بس للاسف المحامى اللى هيوكله هايقدر يلاقى اى ثغرة يطلعه منها .ممكن اعمل له قضيه اختطاف انثى وزى ماقلتلك هايبقى مجرد انذار له بعدم التعرض للانسات دول.

ندى : بس هو خطفنا فعلا.

فارس : والله اللى ممكن اعمله حاليا محضر ضدة بعدم التعرض لكم .ولو فكر انه يتعرض لكم تانى ساعتها هاصعد الامر ضدة .

جاسم بقله حيله : خلاص اللى تشوفه صح اعمله .

فارس : افهمنى بس ياجاسم مش اللى اشوفه القانون كدة وانا بنفذة بالحرف مقدرش اسجنه لمجرد انه كان عاوز يغتصب اختك وفشل فى كدة انا عارف انك متضايق وانا كمان متضايق وعاوز اساعدك لكن للاسف مش بايدى حاجه تانيه اعملها ارجوك حاول تتفهم موقفى .


جاسم : خلاص يافارس انت ادرى منى فى الامور دى .

فارس : يبقى خلاص انا هاطلب من النيابه امر استدعاء حالا وهاطلب منه يوقع بخط ايدة على عدم التعرض لهم .

بعد نص ساعه كان فارس نجح واخد امر استدعاء من النيابه وقام باستدعاء حازم وراح كذا عسكرى له وخبطوا على الباب وحازم كان نايم من كتر الشرب بعدها فتح الباب وهو لابس بنطلون وصدرة عريان واتكلم بنعاس . 2


حازم بنوم : ايوة نعم .

العسكرى : اتفضل معانا .
حازم بدا يفرك فى عينيه وبعدين استغرب مجموعة العساكر اللى وافقين على الباب : افندم اتفضل معاكم فين ؟
العسكرى : حضرتك مطلوب فى قسم الشرطه .
حازم بحده: انت ازاى بتكلمنى كدة انت مش عارف انت بتكلم مين ؟
العسكرى : انا بنفذ الاوامر اتفضل معانا من غير شوشرة .

حازم : انا مش هاتحرك من هنا غير لما اشوف امر الاستدعاء بنفسى واعرف ليه طلبنى فى القسم .

العسكرى : اتفضل امر الاستدعاء اهوة اما بخصوص انت مستدعى ليه فدة مش من وظيفتى انا بنفذ المطلوب منى وبس .

حازم بضيق وشاف امر الاستدعاء : طب ثوانى هاغير هدومى وانزل معاكم .

العسكرى : تمام .
حازم قفل الباب وهو بيكلم نفسه ياترى مين اللى بلغ عنه وليه لبس هدومه ونزل من العمارة وجه علشان يركب عربيته لقى عربيه بوكس واقفه قدام العمارة والعساكر طلبوا منه انه يركب معاهم من سكات ومن غير صوت لحد ماوصل القسم والعسكرى وصله لمكتب فارس الباب خبط وفارس اذن للطارق بالدخول .
العسكرى : تمام يافندم المتهم برة .

فارس : طيب دخله .

حازم بص للعسكرى وزعق : انا عاوز افهم بالظبط ايه اللى بيحص........ ولسه هايكمل كلامه سكت لما لقى جاسم قاعد ومعاة ندى ومايسه .
حازم بصدمة : جاسم ؟
فارس : اتفضل حضرتك اقعد.
حازم : مش لما اعرف الاول انتو مستدعينى ليه ؟
فارس : جاسم بيقول انك اتعرضت لاخته وخطيبته وهو جه علشان يقدم بلاغ ضدك.
حازم بكدب : محصلش ياباشا ثم ايه اللى يثبت انى عملت كدة .
فارس : اظن يعنى جاسم مش هايتبلى عليك ولاايه .

حازم : ياباشا هو اى حد يقدم اى بلاغ تقوم تستدعوة كده منكم لنفسكم اما حاجه غريبه والله وعلى فكرة انا مش هاتكلم غير فى وجود المحامى بتاعى .

فارس : اهدى ياحازم جاسم مش طالب منك غير انك تكتب اقرار بخط ايدك بعدم التعرض له او لاى حد يقربله .
حازم بص لندى ومايسه بشر وبعدين رجع بص لفارس : ياباشا دول كدابين انا مجتش جنبهم خالص انا صحيح مانكرش انى كنت بحب ندى فى يوم من الايام لكن علشان اختطفهم واحاول اغتصبهم دة مستحيل طبعا .
مايسه بحدة : انت كداب وعلشان تعرف انك اكبر كداب اتفضل ياحضرة الظابط شوف دى ........رفعت ياقه قميصه وورته عضتها اللى فى رقبته وكمان جرح الازازاة اللى باين فى وشه.
مايسه بغضب : دول اكبر دليل يافندم دة بيتهرب من فعلته وعلشان حضرتك تتأكد من كلامى اطلب امجد اساله بنفسك وهو هيأكدلك كلامى .

فارس : خلاص نطلب من امجد انه يجى ونسأله ونعرف منه بالظبط ايه اللى حصل ..........وبالفعل طلبوا امجد وراح واول ماوصل وشاف جاسم وندى ومايسه وحازم قعد وحكى لفارس اللى حصل بالظبط .

فارس : ها ياحازم لسه برضه مصر على انك معملتش حاجه اظن يعنى كل دول مش هيألفوا قصه من دماغهم
حازم بارتباك :ااااا انا معملتش حاجه ياباشا .
فارس بنفاد صبر : لاحول ولاقوة الابالله ماهو بص بقى من غير منهدة اتفضل اكتب اقرار على نفسك حالا بعدم التعرض للبنتين دول ولو فضلت تنكر اقسم بربى لاابيتك فى التخشيبه ها قلت ايه .
حازم بغل : حاضر ماشى بس صدقنى ياباشا انا مش ممكن اعمل كدة .

فارس مسح وشه بعصبيه واتكلم بزهق: صبرنى يارب ...... وشاور بايدة على رقبه حازم اشارة له بالجرح اللى على رقبته ووشه:امال الجرحين اللى فى رقبتك ووشك دول كانوا ايه كان فى حد بيهزر معاك مثلا امضى ياحازم فى يومك اللى مش فايت دة خلينا نخلص مش هانفضل طول اليوم فى منهدة انا مش فاضيلك ورايا قضايا تانيه .


حازم مضى الاقرار على نفسه وطلع من القسم وهو عينه بطق شرار وبيتوعد لجاسم انه مش هايسكت .

فارس بص لجاسم بتمعن فى عينه وحس انه مخبى عنه حاجه .
فارس :حضرتك مش عاوز تقولى حاجه ؟
جاسم بارتباك : ها حاجه حاجه زى ايه يعنى ؟
فارس : جاسم انت فى حاجه عاوز تقولها بس متردد.
جاسم : لامافيش حاجه عن اذنك ....... بص لندى ومايسه : يلا ياندى يلا يامايسه .
فارس : مع الف سلامه ......... سكت كتير وكان بيكلم نفسه : بس برضه احساسى صح فى حاجات كتير اوى محتاجه افهمها ومسيرى هاعرف كل حاجه بطريقتى .
***********************************
فى فيلا السويفى
كان محمود رايح جاى زى المجنون وعمال يتصل على حازم ومحدش بيرد عليه .
محمود بغضب : راح فين الزفت دة كمان .
داليا : مالك يابابى متضايق كدة ليه ؟
محمود : عمال ارن على حازم دة ومابيردش عليا .
داليا بضحك : يمكن ناموسيته كحلى .
محمود : ودينى لااوريه بس لما اشوف خلقتة لانى اكتر من مرة اقوله لما ارن عليك ترد بسرعه .
شويه والباب خبط وفتحت له الخادمه .
حازم بضيق : سيدك هنا .
الخادمه : ايوة اتفضل .
محمود راح له واتكلم بزعيق : طبعا ولاعلى بالك بتصحى على كيفك وعمال ارن عليك ومابتردش كنت فين يازفت انت .
حازم بحدة : لو سمحت يامحمود بيه من غير غلط .

محمود بغضب : انت اتجننت انت ازاى تكلمنى باللهجه دى حازم ماتنساش نفسك .

حازم : انا اسف ياباشا بس انا فيا اللى مكفينى وزيادة .
محمود : وانا مش قابل اسفك وبعد كدة شوف بتكلم مين انا محمود السويفى فاهم يعنى ايه محمود السويفى يعنى اقدر امسحك من الكون .
حازم : حقك عليا ياباشا بس اصلى انا على اخرى .
محمود : ماليش فيه ثم انا مالى باللى بيك وبالكلام الفارغ بتاعك دة ها .

حازم : اللى حصل ......... وبدأ يحكى له كل اللى حصل .

محمود بضيق : علشان انت غبى وحطيت نفسك فى موقف اغبى منك عاوزة يعمل ايه واحد وخطفت اخته وخطيبته كنت متوقع ايه انه يطبطب عليك مثلا كان لازم طبعا يقدم فيك البلاغ تستاهل بقى اللى يجرى لك.
حازم بضيق : اهو اللى حصل بقى المهم حضرتك كنت بترن عليا ليه ؟

محمود : اسمعنى كويس ياحازم وافهم اللى هايقوله لك وصحصح معايا ومش عاوز غلطه والا مش هايحصلك كويس عاوزك تنفذ اللى طلبته منك بالظبط ولو غلطت فانت اللى جنيت على نفسك ولو اتمسكت هاقول لهم ماليش دعوة بيه فاهم ولالا .


حازم بزهق : تحت امرك ياباشا .

محمود : عاوزك تروح بكرة لشركه النعيم وعاوزك تقابل مندوب من عندهم ويكون بيحب الفلوس وقول لهم انك عاوزة فى طلبيه تبع شركتنا وياويلك لو لعبت بديلك من ورايا انت عارف كويس اوى انى مابرحمش اللى يشتغل معايا ويغلط .

حازم بارتباك : حاضر حاضر ياباشا .

محمود : اتفضل بقى من غير مطرود لانك تعبت اعصابى .

حازم مشى وهو بيسب ويلعن اليوم اللى اشتغل فيه مع محمود فى شركته طلع وراح على شركه النعيم وكان رد الشركه ان المندوب فى اجازة لمدة يوم واحد حازم اتصل بمحمود وبلغه باللى حصل .

محمود : تمام يبقى من بكرة تجيبلى المندوب دة علشان نخلص الاوراق المطلوبه ونبدأ التنفيذ .
حازم : تمام سعادتك ياباشا .

تانى يوم حازم راح الشركه واخد المندوب من عندهم والمندوب اوهمة انه هاينفذ اللى هما عاوزينه بس بشروطه والمقابل فلوس كبيرة كعموله له.

حازم دخل شركه السويفى ومعاة المندوب وبعدين دخل مكتب محمود .
حازم غمز لمحمود وشاورله على المندوب : اتفضل ياباشا المندوب اللى حضرتك كنت طلبته من شركه النعيم بس لو سمحت قبل ماتقعد معاة كنت عاوز اتكلم مع حضرتك شويه كدة .
حازم طلع مع محمود برة مكتبه واتكلموا بهمس.
محمود : فى ايه حازم ؟
حازم بهمس : اصل اللى فهمته من المندوب دة انه مستعد يدخل شحنه الاغذيه الفاسدة فى سبيل مبلغ مالى كويس يعنى عاوز ربح له او زى ماتقول حضرتك كدة عاوز عموله له شخصيا على كل عمليه تفريغ او شحن المواد الغذائيه الفاسدة بعيدا عن شركته .

محمود : تمام مافيش مشكله المهم انه يسرع بالتنفيذ اهو على الاقل يكون منفذ لتسهيل دخول المواد الغذائيه دى عن طريق مصانع جاسم واقدر اضربله مصانعه .

حازم بغل وحقد : وانا كمان عاوز انتقم منه على كل اللى عمله معايا انا على اخر الزمن ادخل اقسام الشرطه وبسببه وكمان يعمل بلاغ ضدى .

محمود :كله بوقته ياحازم المهم يلا علشان المندوب مش يقلق وعلشان كمان نفهمه ايه اللى هايعمله بالظبط حازم : تمام حضرتك .

حازم ومحمود دخلوا المكتب تانى وقعدوا مع المندوب وطلبوا منه تسهيل كافه الاجراءات لدخول مواد غير صالحه للاستخدام الادمى لمصانع جاسم وعمل عمليه تدوير لها وتخرج من المصانع على المحلات بحيث ان اول ماالناس تاكل منها يحصل لهم حالات تسمم ويقدروا بعدها يعلموا بلاغ ضدة وضد مصانعة ويقفلوها .
المندوب فى نفسه : آة ياولاد ******* بتموتوا على الفلوس فى ضرب واذايه الناس بس ماشى انا هالعب معاكم للاخر .
محمود : انت ساكت ليه ؟
المندوب انتبه : ها لاابدا هو حضرتك تحب التنفيذ يكون امتى بالظبط ؟
محمود : الوقت اللى يناسبك انت .
المندوب : خلاص يبقى فى خلال يومين بس والشحنه اللى انتو عاوزينها جاهزة وهاتدخل مصانع جاسم اى خدمه تانيه .
محمود : مش عاوز غلطه ولك عليا اديلك العموله بتاعتك وفوقهم بوسه كمان .
المندوب : لاانا عاوزة العموله بس وخلي لك البوسه عن اذنك بقى علشان استعد ....... وسابهم ومشى .
محمود بحقد وابتسم بغل : قريب اوى هاخد منكم كل حاجه يامحمد يامنصورى شركاتك ومصانعك وجاسم نفسه.
*************************************
بعد مرور يومين فى العزبة كانت مايسه بتتمشى لوحدها وبتعيط شافتها ندى جريت عليها وطبطبت عليها
ندى : ايه يامايسو مالك ياقلبى ؟
مايسه مسحت دموعها بايدها : جاسم ياندى لسه زعلان منى ومش عارفه اعمل ايه انا بحبه اوى ياندى وصعبان عليا انه يفضل واخد منى موقف اصلى مش بحب اشوفه زعلان منى ومش عارفه اصالحه ازاى .
ندى وهى بتكلم مايسه لمحت اخوها واقف من بعيد وعينه كلها شوق ولهفه وحب وخوف غمز لاخته وهى فهمت فحبت تسيب لهم مجال للكلام مع بعض .

ندى بضحك : انتى متأكدة انه لسه زعلان منك ؟

مايسه : طبعا والا كان كلمنى انا بموت ياندى خصامه تعبنى اوى .
ندى : طب بصى وراكى كدة هتلاقيه واقف من بعيد وعينه مانزلتش من عليكى .
مايسه بصت لقت جاسم باصص لها وكأنه بيقول لها وحشتينى .
ندى : احم طب اسيبكم بقى لاحسن انا حاسه انى عزول مابينكم خدوا راحتكم بقى .
جاسم فضل يقرب من حبيبته وعينه كلها حب وعشق ومايسه مش مصدقه انه اخيرا سامحها .
جاسم بضحك : هاتفضلى باصه لى كتير كدة .

مايسه بدموع : صدقنى ياجاسم والله العظيم انا عملت كدة علش....... جاسم حط ايدة على شفايفها علشان يمنعها انها تكمل كلامها وبعدين بعد ايدة ومال على رقبتها وباسها برقه وبعدين قرب شفايفه من شفايفها وباسها بكل الشوق اللى جواة لها ومابعدش عنها الا علشان يعرفوا ياخدوا نفسهم وبعدين بعد عنها وبصلها بعشق جارف وبيتأمل ملامحها ووشها اللى احمر من كتر الخجل .


جاسم بعشق : اظن كدة أتاكدتى بنفسك انى سامحتك .

مايسه : انا بحبك والله بحبك ومش عاوزاك تزعل منى.
جاسم : وانا بعشقك يا حبيبتى بس لازم تعترفى انك غلطتى انتى وندى ومن غير اذن حد حصل ولالا .
مايسه حطت وشها فى الارض : حصل بس كنت لازم اتصرف .
جاسم رفع وشها وبصلها بحب : المهم انك مش تكرريها تانى لحسن زعلى المرة الجايه مش هايعجبك ......وبكل حب حبيب لحبيبته ضمها لحضنه اوى ومايسه حست بالراحه والامان وهى فى حضنه وفضلت دفنه وشها فى صدرة ومتمسكه بيه اوى .

جاسم : مكانك هنا ياحبيبتى ........ وشاور لها على قلبه وكمل : ومش ممكن اتخيل ابدا واحدة غيرك حبك خطفنى فى عالم وردى جميل انا بخاف عليكى اوى بخاف اصحى الاقى نفسى بحلم انا مش هاستحمل انى اخسرك فى يوم من الايام يامايسه او انى اخسر حبك معنديش اى استعداد انى اخسرك انتى الوحيدة اللى ملكتى قلبى وعقلى وكيانى كله انتى شقلبتى كيانى انا بحبك من كل قلبى .


مايسه بخوف : حبيبى انت ليه بتخوفنى كدة احكيلى ايه اللى تعبك وقلقك كدة فضفضلى يمكن ترتاح وتريحنى .

جاسم : مش عارف يامايسه صدقينى مش عارف خايف فرحتى بيكى تتسرق فى يوم من الايام .
مايسه بحب : ماتخافش حبيبى طول ماانا جنبك هابقى سندك وقت ضعفك قوتك وقت حزنك وهاكون لك حبيبه وزوجه وابنه هاكون كل دنيتك ياجاسم .
جاسم ضمها تانى لحضنه والخوف والقلق بيزيد جوة قلبه خايف فى يوم يفترقوا عن بعض .
جاسم بعشق : ربنا يخليكى ليا يااحلى ماسه .
مايسه : ويخليك ليا ياحبيبى .
*******************************
فى شركه النعيم المندوب دخل لصاحب شركته وحكى له المؤامرة اللى بيدبرها محمود لضرب مصانع جاسم .
مدير الشركه : يعنى محمود السويفى عاوز يضرب جاسم فى السوق ويبوظ له مصانعة .
المندوب : ايوة حضرتك .
مدير الشركه : الراجل دة مش مظبوط هو صحيح جاسم احيانا بيتأخر علينا فى توريد الطلبيه لنا بس مش معنى دة اننا هانعلب مع واحد زى محمود السويفى لعبه قذرة زية وبعدين انا من مصلحتى ان يفضل التعاون مشترك بينا ومابين جاسم من غير اى تعاون مع محمود دة راجل دحلاب ومش سهل ابدا وبصراحه مش هاخسر منافس شريف زى جاسم ومش ممكن ابدا اضربه من تحت الحزام اسمعنى كويس اللى هاقولك عليه
المندوب : تحت امرك يافندم .
مدير الشركه : انا عاوزك تطاوع اللى اسمه محمود دة فى اى حاجه يطلبها منك وبعد كدة احنا هانكشفه لجاسم .
المندوب : اتفضل قول وانا سامعك اهو .
مدير الشركه : بصى ياسيدى انت هاتعمل............
المندوب بدا يسمع كلام مدير شركته ويعمل اللى طلبه منه وطلب منه انه يسمع كلام حازم ومحمود .
المندوب : بس كدة دى حاجه بسيطه جدا مايكونش عندك فكرة .
************************************
عدى يومين جه واحد تبع شركه محمود واتقابل مع المندوب .
الشخص : تعالى بكرة المينا هتلاقى الشحنه جاهزة وكله تمام .
المندوب : اوك تمام ........ وفعلا نجح المندوب انه يدخل المواد الغذائيه المينا واتصل على مدير شركته وبلغه .
مدير الشركه : كويس اوى هانوقع محمود وحازم فى شر اعمالهم .
المندوب اتصل بمحمود وبلغه بكل حاجه .

المندوب بمكر : كل حاجه جاهزة سعادتك يامحمود بيه بس ادينى يومين كدة علشان اقدر ادخل الاغذيه دى واوعدك بعد ماتدخل مصانع جاسم والناس يأكلوا منها هانبلغ الشرطه ونقفله مصانعة .

محمود بخبث : تمام اوى كدة بس اكيد هاتعوز حازم معاك مش كدة.
المندوب بمكر وخبث : ها اكيد طبعا لازم يكون معايا فى كل حاجه .
محمود : طيب ماشى هابعتهولك ......... وقفل معاة .
المندوب بخبث : هانشوف مين اللى هايضحك على التانى يامحمود ياسويفى .
المندوب اتصل برقم واحدة وردت بمياعه .
المندوب : عرفتى هاتعملى ايه ؟
=: ايوة عرفت .

المندوب : لو غلطتى انتى حرة فاهمه ولالا .

= : فاهمه فاهمة خلاص بقى .
المندوب :اما نشوف .
بالليل فى البار حازم كان بيشرب كتير لحد مابيبقى طينه .
لوسى كانت قاعدة وجنبها واحدة زيها .
سوسو : بصى هناك يالوسى مش دة برضه الباشا اللى كنتى كلمتينى عنه قبل كدة ؟
لوسى لفت وشها للمكان اللى كانت بتشاور عليه صاحبتها .
لوسى بخبث : ايوة هو استنى انا رايحه له .

سوسو : انتى مجنونه يابنتى هاتروحى له بعد اللى عمله فيكى .

لوسى : اسكتى انتى انا عارفه انا بعمل ايه كويس .
سوسو : استنى بس .......... بس كانت لوسى راحت للمكان اللى بيشرب فيه حازم وملست على جسمه.
لوسى : يااهلا يااهلا ياحازم بيه الكباريه نور .
حازم بحدة : عاوزة ايه يالوسى انا مش هاخلص من زنك دة بقى .
لوسى : وحياتى عندك لااخليها لك احلى ليله عمرك ماشوفتها .
حازم : وماله بس مش عوايدك يعنى .
لوسى حطت ايدها على وشه وابتسمت بخبث : اصلك هاتوحشنى اوى .
حازم بشك : يعنى ايه بقى مش فاهم .

لوسى بارتباك : ها لا مافيش يلا نطلع فوق وانا هابسطك على الاخر .

حازم طلع مع لوسى وهو شارب ومتقل قلعته هدومه وهى كمان ونامت جنبه بس قبل ماتعمل كدة لزقت شريط تسجيل صغير تحت السرير وبدات تسجل عليه كل كلمه بيقولها ونجحت انها تاخد منه اعتراف ضمنى انه خطف ندى وحاول يغتصبها ومش بس كدة اعترف كمان انه بيتعاون مع محمود لضرب جاسم فى مصانعه وشركاته لحد ماراح فى النوم .
لوسى بصت له بقرف : نامت عليك حيطه يابعيد جتك القرف ياشيخ .... وبصقت عليه وقامت من جنبه واخدت شريط التسجيل وطلعت على القسم .
***************************************
فى القسم لوسى وصلت وطلبت مقابله فارس .
لوسى : لو سمحت عاوزة اقابل المقدم فارس .
العسكرى : عندك ميعاد معاة قبل كدة .
لوسى : لا بس محتاجه اقابله ضرورى .
العسكرى : ممنوع .
لوسى بحدة : هو ايه اللى ممنوع انا هاقابله يعنى هاقابله .
العسكرى : وانا بقولك طالما مافيش موعد سابق يبقى ممنوع .

لوسى زقت العسكرى ودخلت مكتب فارس بالعافيه .

فارس : ايه اللى بيحصل دة انتى اتجننتى يالوسى داخله كدة من غير اذن .
لوسى بعصبيه : انا طلبت اقابل حضرتك والفسل دة مرضيش يدخلنى اعمل ايه اضطريت ادخل .
فارس بضيق : اخلصى يالوسى عاوزة ايه اتمسكتى فى قضيه آداب جديدة وعاوزانى اطلعك منها ؟
لوسى بمياعه : توبت والله ياباشا والله توبت بس انا عندى الاهم .
فارس بنفاد صبر :فى ايه يالوسى ادخلى فى الموضوع على طول من غير لف ولادوران .
لوسى : فى دة ياباشا ....... واعطت له شريط تسجيل صغير .
فارس باستغراب : ايه الشريط دة يالوسى ؟
لوسى وهى بتمضغ اللبانه وبتتكلم بمياعه : دة شريط تسجيل ياباشا كنت بسجله لحازم وهو بيتكلم معايا عن مندوب شركه اسمها اسمها .اه افتكرت اسمها شركه النعيم والمندوب دة زبون دايم عندى واقنعهم انه بتاع فلوس وطلب منى اعرف من حازم خطته الشريرة عن طريق التسجيل دة بصوته واجى ابلغ حضرتك تتصرف قبل مايحاولوا يضروا سى جاسم بيه وشركاته .

فارس سمع الشريط والحوار اللى دار بينه وبين لوسى وهو تحت تاثير الخمرة .

فارس بنظرة ثعلبيه :مصايبك كترت اوى ياحازم انت ومحمود ......... سكت كتير وبعدين بص للوسى واتكلم : ماشى يالوسى اتفضلى امشى انتى دلوقتى وانا هاتصرف بطريقتى .
لوسى برجاء : بس ارجوك ياباشا اوعى تقول له عليا لاحسن دة شرانى وممكن يقتلنى .
فارس : ماتخافيش يالوسى انا مهمتى انى احميكى منه ماتقلقيش .
لوسى : طب عن اذنك بقى يابيه .
فارس : مع السلامه ..وآة .
لوسى : نعم ياباشا .
فارس : لو اتمسكتى فى قضيه دعارة تانى مش هاعتقك فاهمه ولالا .
لوسى بخوف : فاهمه فاهمه ياباشا .
تانى يوم الشرطه راحت على بيت حازم وخبطوا وفتح لهم .
حازم بضيق : نعم فى ايه تانى فى مصيبه جديدة عاوزين تلزقوهالى وخلاص .
العسكرى : اتفضل معانا من غير كلام ......... واخدوة على القسم .
فارس : منور ياحازم ههه غريبه دى تانى مرة تنورنا فى القسم .

حازم بضيق وحدة : انا مش عارف حضرتك جايبنى هنا ليه هو حصل منى حاجه تانيه لاسمح الله ياباشا .

فارس : دلوقتى هاتعرف ..... وسمعة الحوار اللى دار بينه وبين لوسى .
حازم بغيظ : آة يابنت ******** اما وريتك .
فارس : آة وبالمناسبه مندوب شركه النعيم اعترف عليك وقال انك ساعدته بأوامر من محمود السويفى علشان تضربوا جاسم فى السوق.
حازم بسخط: محصلش ياباشا دة كداب ابن كداب وعاوز اقابله علشان اواجهة .
فارس شاور للعسكرى علشان يجيب مندوب شركه النعيم .
وصل المندوب ودخل وفارس سأله .
المندوب : ايوة يافارس باشا الشخص دة ....... وشاور على حازم وكمل : بيحرضنى ضد شركتى بالاتفاق مع شركه السويفى علشان ندخل اغذيه مضروبه وفاسدة لمصانع جاسم قلت اضحك عليهم وانفذ اللى طلبوة منى بس للاسف كانوا اغبيه لان طول عمرى لحم كتافى من خير الشركه ومش من المعقول اعض الايد اللى اتمد لى واللى بشتغل فيها طول عمرى واعمل بيرنس من وراهم علشان ااذى شركه تانيه مع ناس بالقذارة دى .
فارس : خلاص متشكر تقدر تمشى انت دلوقتى .
المندوب : اى خدمه تانيه ياباشا .
فارس : لامتشكر ........... بعد ساعه استدعوا محمود اللى انكر معرفته بحازم .

محمود : معرفهوش ياحضرة الظابط دة تلاقيه واحد مدسوس عليا علشان يلبسنى تهمه وخلاص .

حازم بصدمه : ايه اللى بتقوله دة يامحمود باشا هو مش انت اللى امرتنى بكدة ؟
محمود بحدة : كداب انا معرفكش اصلا .
فارس بشك وحس ان محمود بيكدب بس اضطر يجاريه للاخر فطلب انه يمشى ويفضل حازم .
فارس وهو بيبص لحازم : ها يا حازم عندك حاجه تانيه عاوز تقولها انت دلوقتى لابس قضتين سقع واحدة خطف ومحاوله اغتصاب والتانيه تحريض ضد شركه جاسم .
حازم : اسمعنى بس ياباشا كلهم بقوا ضدى حضرتك ليه مش مصدقنى ؟
فارس : الصراحه لا مش مصدقك وكمان محمود ادلته ضعيفه وبالرغم من كدة انا مش قادر امسك عليه حاجه والادله ضدك اكتر انا اسف انا بنفذ القانون ...... وندة على العسكرى .
العسكرى : تحت امرك يافندم .
فارس : خد المتهم دة حطه فى التخشيبه .
العسكرى : اتفضل معايا .
حازم وهو بيبرطم : دة ظلم والله العظيم ظلم .
******************************************
بالليل الكل اتجمع فى العزبة مابين ضحكات مايسه وندى والكل فرحان وسعيد بس كان دايما فى اللى بيعكر صفو الاجواء ندى كانت ماسكه صور لجاسم وهو صغير واعطتها لمايسه وفضلت تضحك .
مايسه بضحك : كيوووووت خالص ياجاسم ههههههه.
جاسم بغيظ : بقى كدة ماشى خليكى اتريقى براحتك .
مايسه بضحك : انت زعلت ياقلبى ماتزعلش انا بهزر معاك .
جاسم بص لندى بغيظ وهمس فى ودنها : بقى بتفضحينى قصدها ماشى ياندى ماشى .
مايسه : طب والله شكلك حلو وانت صغير ولابس ههههههه بس صورة الصراحه مش ممكن كيوت خالص ياحبيبى هههههههههه .
جاسم بضيق : هاتى الصور دى يامايسه .
مايسه وهى بتغيظه : تؤتؤ انا هاحتفظ بيها معايا على طول ....وفضلت تضحك .
جاسم بهمس لندى : حسابك معايا بعدين اصبرى بس عليا .
طه كان بعيد عنهم نوعا ما ونفخ بغيظ : عاجبك اللى بتعمله بنتك دة .
فوزية : سيبهم ياطه انت عارف ان بنتك بتحب خطيبها انت زعلان ليه بس وبعدين ماهى ندى معاهم فكها بقى ياابو هانى واستغفر ربنا كدة خليهم يضحكوا .
طه اتنهد وسكت وفضلت ندى ومايسه يضحكوا وهى بتحكى لها مواقف اخوها وهو صغير .
رواية ما بعد الرحيل للكاتبة ياسمين أحمد الفصل السابع عشر

جاسم وندى ومايسه كانوا بيهزروا ويضحكوا فى مضيفه محمد الكبيرة اما الراجل اللى كلفه محمود دخل الشقه اللى بتنام فيها مايسه واهلها وبعد مااتاكد ان الغفير اللى بيحرسهم نام اتسحب بشويش ودخل الاوضه اللى بتنام فيها مايسه واستخبى تحت السرير وبعد مدة رجع طه ومراته وبنته علشان يناموا وبالفعل مايسه دخلت اوضتها ونامت على طول ولما الراجل اتاكد انها نامت طلع من تحت السرير وحط التعبان ومشى على طراطيف صوابعه لحد ماخرج من الاوضه وقفل الباب بشويش بالمفتاح وطلع من الشقه والعزبة بسرعه لحد مابعد بعيد واتصل بمحمود وبلغه ان كل شىء تم زى ماهو عاوزة .


الشخص : كله تمام سعادتك مش هايطلع عليها نهار والصبح هاتقرا عليها الفاتحه .

محمود بضحكه كلها شر : اما نشوف هاتعمل ايه المرة دى ياجاسم
مايسه كانت بتتقلب فى السرير وفجأة حست ان فى حاجه لدغتها وصرخت بأعلى صوتها.
مايسه : ااااااااااة دراعى .

طه صحى على صوتها وراح لها وحاول يفتح الباب لكن كان مقفول حاول انه يكسر الباب بكل قوته لحد ماكسرة فعلا ودخل لقى بنته بتصرخ وماسكه دراعها .

طه بخضه : مالك يامايسه فى ايه يابنتى مال دراعك .
مايسه بوجع : معرفش يابابا حسيت ان حاجه لدغتنى ........ طه بص لقى تعبان بيجرى فى الارض مسكه وفضل يضرب ويدوس عليه لحد ماموته .

طه باستغراب :ايه اللى دخل التعبان دة هنا .

فوزية بخضه على حال بنتها : بسرعه ياطه بلغ جاسم علشان نوديها المستشفى .
طه خوفه على بنته كان متملك منه راح بسرعه على الشقه الكبيرة بتاعه محمد وخبط وجاسم فتح له الباب .
طه وهو بينهج :جاسم يابنى ارجوك تعالى معايا حالا .

جاسم بان فى عينه الخوف وحس بانقباض قلبه وبص لحماة واتكلم بقلق : فى ايه ياعمى مايسه مالها حصل لها حاجه .

طه بخوف : معرفش يابنى احنا كنا نايمين وفجأة لقيتها بتصرخ روحت جرى اشوفها مالها خبطت على اوضتها فيها لقيت الباب مقفول بقفل وفين وفين على ماكسرت الباب دخلت لقيتها ماسكه دراعها وشوفت تعبان ماشى على الارض مسكته وموته بس معرفش التعبان دة دخل ازاى اوضتها ؟

جاسم باستغراب :غريبه اوى طب منين هايجى التعبان دة؟ سكت شويه وبعدين كمل : المهم يلا ياعمى نروح نوديها المستشفى بسرعه .

محمد كان نايم وصحى على صوتهم واتكلم بخوف ولهفه : فى ايه ياجاسم مالك يابنى ايه اللى حصل ... عم طه ؟ خير مايسه جرى لها حاجه ؟

جاسم بسرعه: معرفش يابابا عمى بيقولى ان كان فى تعبان فى اوضه مايسه و لدغها ولازم اوديها حالا المستشفى انا مش حمل خسارتها .سكت شويه وبعدين كمل : بابا لو سمحت عاوزك تطرد الغفير لانه مااخدش باله منهم وانا سبق ونبهت عليه انه يفضل صاحى وعينه منهم .


محمد : والله ماانا عارف ايه اخرة اللى بيحصل دة .

جاسم بضيق : اللى بيحصل دة انا مش هاسكت عليه ابدا : بص لحماة وطبطب على كتفه:يلا ياعمى على المستشفى بسرعه .
جاسم شال مايسه ودخلها عربيته وطلع هو واهلها لحد ماوصلوا المستشفى والدكتور اخدها وطلع سم التعبان من دراعها وفضلوا كلهم معاها لحد مااطمنوا عليها ومحمد طرد الغفير بسبب تقصيرة فى حمايه مايسه واهلها جاسم فضل جنب مايسه بيتأملها وهو حزين لحد ماالنهار طلع.

مايسه اتقلبت فى السرير وفتحت عينها لقت جاسم بيبص لها بشوق وعشق جارف .

جاسم : ها طمنينى عليكى عامله ايه النهاردة لسه دراعك وجعك ؟
مايسه : لا احسن شويه جاسم ماتقلقش عليا عمر الشقى بقى .

جاسم بضيق : مش وقت هزارك دة يامايسه انتى كنتى هاتضيعى منى بس اقسم بالله اللى عمل كدة ماهرحمه وهاحطه تحت جزمتى.

مايسه : صدقنى انا كويسه انسى بقى ياجاسم علشان خاطرى .
جاسم : لا طبعا انا مش هاانسى ومش هاسكت ........ ولسه هايكمل كلامه الباب خبط ودخل ابوة واخته وابوها وامها .
محمد : ازيك دلوقتى يابنتى عامله ايه ؟
مايسه : الحمد لله ياعمى متشكرة على اهتمامكم بيا .
محمد : لا عيب كدة ازعل انتى خلاص بقيتى واحدة من العيله .

مايسه : ربنا يخليكم ليا مااتحرمش من وجودكم ابدا بس ارجوك تخلى جاسم يهدى ومايقلقش كدة .

جاسم بعصبيه: ارجوكم محدش يقولى ماقلقش واللى عمل كدة هاربيه علشان يحرم يقرب منها تانى .

محمد : طب اهدى ياجاسم انت بالطريقه دى متعصب ومش هاتعرف تفكر صح .انا كمان مش ساكت وفضلت اسال العمال فى العزبة كلهم بس للاسف اكدولى انهم ماشافوش حد داخل او طالع من العزبة وبعدين انت عارفنى كويس مباخدش الامور بسرعه وكمان مش عاوز اظلم حد او اقطع عيشه ...... سكت شويه وبعدين خبط بايدة على جبينه وكأنه افتكر حاجه وكمل : ياااااااه ازاى فاتتنى دى ؟


جاسم بص لابوة باستغراب: فى ايه يابابا بتفكر فى ايه ؟


محمد : من يومين كدة كان فى واحد طلب انه يشتغل فى العزبة وقالى انه محتاج اوى للشغل وطبعا ماترددتش وساعدته وشغلته بس الغريبه انى لما كنت بكلم العمال النهاردة وبسألهم عن اذا كانوا شافوا حد دخل او خرج من العزبة لاحظت ان العامل دة بالتحديد مش موجود ولما سألت عنه قالوالى انه مجاش النهاردة مع العلم ان المفروض الشغل بيبدأ فى المزرعه من الساعه 7 ودة خلى الشك فى قلبى يزيد ومعنى كدة ان العامل دة بالذات ماكنش داخل يشتغل لوجه الله لادة كان داخل العزبة وهو عارف ومخطط لكل حاجه او فى حد كان بيحركه وبيقول له يعمل ايه ويتحرك ازاى اكيد هو اللى حط التعبان لمايسه .


جاسم : معنى كلامك دة انه اخد تعليمات من حد وبلغه انه ينفذ المطلوب منه وكان عارف بالظبط المواعيد نومنا وكمان كان بيراقبنا .

محمد : مظبوط كدة هو دة بالظبط اللى كنت بفكر فيه.الا اذا كان عندك منطق تانى .
جاسم : بالعكس يابابا تفكيرك منطقى جدا واكيد اللى طلب منه انه يحط التعبان طلب انه يخلص من مايسه علشان يوجع قلبى عليها .

محمد : دة اكيد.

جاسم بغضب : يبقى اكيد مافيش غيرها داليا وابوها بس انا بقى زهقت منهم ولازم احط حد للمهزله دى انا مش هاستنى لحد مايقتلوها قدامى وانا قاعد اتفرج ومش عارف احميها .
مايسه بخوف عليه :جاسم بلاش تتهور علشان خاطرى انا ابعد عنهم دول ناس مؤذيين وانا خايفه عليك ومش بعيد يحاولوا يقتلوك انت كمان وحياتى عندك ابعد عنهم وبعدين مش انا حب عمرك يبقى لازم تسمع كلامى وبلاش تواجههم .

جاسم : مايسه انا مش هافضل اخاطر بحياتك انتى غاليه اوى عندى ومش هخاطر بحياتك .... سكت وبعدين بص لحماة .

جاسم : عمى لو سمحت انا عاوز اعجل بالجواز طول ما مايسه فى العزبة هافضل خايف وقلقان عليها .
ندى قاطعته : حتى لو عجلت بالجواز برضه داليا مش هاتسيبكم فى حالكم .
جاسم بضيق : ابوس ايديكى مش تقفليها فى وشى .

طه : والله يابنى ماانا عارف اقولك ايه هى مال خطيبتك الاولانيه ببنتى .

جاسم : ياعمى ماتنساش ان داليا كانت فى يوم من الايام خطيبتى وانا متأكد انها مش هاترتاح غير لما توجع قلبى على مايسه .
طه : ايوة بس انا برضه خايف على بنتى ثم ذنبها ايه فى كل اللى بيحصل دة ؟
جاسم بضيق : مايسه ملهاش اى ذنب كل الموضوع انها بتردلى القلم علشان سيبتها هه يعنى بتقولى انا اهوة ومش هاتقدر تحميها ومش هاتقدر تخلص منى عاوزة تذلنى وتكسرنى علشان تثبتلى انى مش هاقدر اخلص منها مهما حصل.

طه بحزن : طيب يابنى طالما الموضوع كدة انا بقول احسن تفسخ خطوبتك ببنتى لانى معنديش غيرها وارجع لخطيبتك مش يجوز يابنى تكون بتعمل كدة علشان لسه بتحبك .

جاسم بتريقه : ياعمى اللى زى داليا دى ماتعرفش الحب وبعدين انا سبق وقلتلك انى مش هاسيب بنتك علشان ارجع لها دة امر مرفوض شكلا وموضوعا بس اطمن انا مش هاسكت وهاعرفهم شغلهم كويس اوى.......... فجأة تليفونه رن وكان رقم فارس فتحه ورد عليه بسرعه .

جاسم : خير يافارس ؟

فارس : ممكن تيجيلى شويه ياجاسم محتاج اتكلم معاك ضرورى .
جاسم بتردد : ايوة بس انا حاليا مع خطيبتى فى المستشفى ولازم افضل جنبها .
فارس باستفهام : ليه بعد الشر حصل حاجه ؟
جاسم : يعنى تعبت شويه .
فارس : لا الف سلامه عليها طب هى كويسه دلوقتى .
جاسم : اه احسن شويه .

فارس : طب مش ممكن تسيبها مع حد بتثق فيه وتجى شويه .

جاسم : واضح ان فى حاجه مهمة اوى صح ؟
فارس : مهمة جدا وخصوصا ان الموضوع يخصك .
جاسم باستغراب : يخصنى انا ؟ مش فاهم ممكن توضح لى اكتر لو سمحت ؟
فارس : لما تيجى هاتفهم كل حاجه .
جاسم : اوك ادينى ساعه كدة واكون عندك .
فارس: تمام وانا فى انتظارك ........جاسم قفل الفون بتاعه ومحمد ساله .
محمد : خير يابنى الظابط فارس عاوز منك ايه ؟

جاسم : معرفش يابابا بيقول لى ان الموضوع يخصنى معرفش فى ايه وعاوزنى ليه .

محمد : ربنا يسترها ويجيب العواقب سليمه.
جاسم : يااارب وبعدين بص لمايسه بحب : معلش يامايسه انا مضطر اسيبك دلوقتى هاروح اشوف فارس عاوزنى فى ايه واخلص وارجعلك .
مايسه بشوق : روح حبيبى وماتقلقش عليا .
جاسم قرب منها وباسها من جيبنها : ماتحرمش من وجودك فى حياتى ...... بص لابوة : اذا احتجتم اى حاجه بلغنى يابابا .
محمد : حاضر على العموم الدكتور جاى كمان شويه هايطمنا ولو كتب لها على خروج هناخدها معنا العزبة المهم روح مشوراك وماتخافش عليها .

جاسم طلع من المستشفى وركب عربيته وراح القسم ووصل لمكتب فارس والعسكرى دخله .

فارس : اهلا ياجاسم اتفضل اقعد .
جاسم قعد وهو باصص لفارس ومنتظر انه يتكلم .
فارس : ندخل بقى فى الموضوع الضرورى اللى كنت عاوزك فيه .
جاسم : اتفضل وانا سامعك .

فارس : الموضوع اللى طلبتك علشانه يخصك وحازم له يد فيه .

جاسم : حازم ؟ طيب وانا دخلى ايه؟ وايه علاقه حازم بالموضوع اللى حضرتك عاوزنى فيه.
فارس : باختصار شديد حازم ومحمود عملوا عليك مؤامرة لضربك فى السوق ودلوقتى هاسمعك شريط تسجيل بيعترف بلسانه ان النيه مبيته عندة وانه كان عاوز يغتصب اختك وكمان عاوز يدمرك عن طريق محمود ........... وحط شريط التسجيل قدامه وبدأ جاسم يسمع وكشر وملامحه اتغيرت والغضب بان فى عينيه.

جاسم بغضب : آة ياولاد*********** طب ليه كل دة ليه ؟

فارس : اهدى ياجاسم انا خلاص قبضت عليه واهوة دلوقتى محبوس .
جاسم بنرفزة : لو سمحت يافارس انا عاوز اشوفه .
فارس : بس توعدنى الاول انك تمسك اعصابك واوعى تتهور .
جاسم اتنهد : حاضر اوعدك .
فارس ندة على العسكرى علشان يوصل جاسم لحازم فضل ماشى لحد ماوصل له والشر والغضب متملك منه

جاسم بص له بحدة واتكلم بنرفزة : يعنى ماكفكش انك خطفت اختى ياندل لا وكمان بتتعاون مع محمود ضدى انتوا اقذر ناس شوفتهم فى حياتى ياااه ايه كميه السواد اللى فى قلوبكم دى للدرجه دى عاوزين تخلصوا منى ايه انتو شياطين .


حازم بغل : انا لو كان فى مقدورى انى اقتلك ماكنتش اترددت بس للاسف مقيد ومحبوس .

جاسم : عادى مااستبعدش عنك انك تعمل اى حاجه ما انت اصلك ندل وخسيس فاهتوقع ايه من واحد شيطان زيك ومش بعيد يكون لك يد وسلطت الراجل اللى حط تعبان لمايسه علشان تخلص منها وتكسرنى.

حازم باستغراب : تعبان ايه انا مش فاهم انت بتتكلم عن ايه بالظبط ؟

جاسم بحدة : لا بقولك ايه بلاش شغل الاستهبال بتاعك دة انا فاهمك كويس اوى .
حازم : والله مااعرف حاجه عن اللى بتقولها دى انا معلمتش حاجه غير انى تعاونت مع محمود ضدك علشان اشوفك مذلول اما حكايه التعبان اللى انت بتألفها دى علشان تلبسنى تهمه جديدة فانا معرفش عنها اى حاجه بس تعرف ياجاسم انا بجد شمتان فيك عارف ليه ؟ علشان حرمتنى من اختك لو كنت وافقت على انى اخطبها واتجوزها رسمى ماكنتش الامور بينا وصلت للوضع دة وماكنتش حطت ايدى فى ايد محمود علشان اضرك .

جاسم قرب منه والشر طالع من عينه: انت انسان مريض بيتمرش فيك حاجه فعلا ديل الكلب عمرة ماينعدل وبحمد ربنا ليل ونهار ان ندى ربنا نجاها منك لانك لاتسوى ........وسابه ولسه هايمشى .


حازم بوعيد : على فكرة الحساب اللى بينا لسه ماانتهاش ياجاسم والمعركه اللى معاك لسه ماخلصتش وهاتشوف منى كتير وهاعمل طعن واستئناف وهاطلع من السجن وهنتقابل من تانى سامعنى هنتقابل من تانى .

جاسم رجع ووقف قدامه واتكلم بمنتهى الثقه والتحدى : وانا مبتهددش يا... ياحازم ..... سابه ورجع تانى على مكتب فارس وكان مبين قدام الكل انه قوى وصلب بعكس مشاعر الخوف والقلق اللى سيطروا عليه.

جاسم : ممكن اسالك سؤال يافارس؟

فارس : طبعا اتفضل اسال .
جاسم : هو ممكن حازم يعمل طعن واستئناف على القضيتين المحبوس فيهم ويطلع بكفاله ؟
فارس : ممكن ليه لا اى حد ممكن يعمل طعن واستئناف بس خد بالك مندوب شركه النعيم اعترف عليه وشريط التسجيل بيدينه وكمان محمود انكر معرفته بيه بالرغم انى متأكد ان له يد فى محاوله ضرب مصانعك وشركاتك وهو مش سهل ابدا ولولا نزاهة المندوب دة كنت لبست انت القضيه وكمان ماتنساش محاوله اختطاف اختك وخطيبتك يعنى الادله اللى ضدة لابساه لابساه وبعدين فى حيثيات حكم والقاضى مش هايبرأة كدة بسهوله زى ماانت فاكر .

جاسم : يعنى برضه هايفضل الخطر موجود .

فارس : ماتقلقش ياجاسم كل حاجه محلوله باذن الله .
جاسم : طب ومحمود هل فى ادله ضدة علشان تسجنه ؟
فارس : للاسف لا الادله ضدة ضعيفه جدا واى محاوله منى للقبض عليه مش هاتكون فى صالحك .
جاسم : ليه بقى؟
فارس: لسببن .
جاسم : اللى هما ايه ؟

فارس : السبب الاول ان محمود ممكن يبيع ضميرة بالفلوس ووارد جدا يعطى محامى مخضرم فلوس كتير فى سبيل انه يطلعه من القضيه زى الشعر من العجين .

جاسم : والسبب التانى؟
فارس : السبب التانى انى عاوز العبه بطريقتى علشان اقدر اسجنه وقلبى مطمن .
جاسم بعصبيه : طيب وعيلتى؟ اسيبهم يتعرضوا للخطر كدة عينى عينك واقف اتفرج عليهم اى منطق دة ياحضرة الظابط .

فارس : اهدى ياجاسم انت متوتر وعصبى دلوقتى واى قرار غير محسوب هاتعمله ضد محمود صدقنى مش هايكون فى مصلحتك سيبنى اوقعه فى شر اعماله خلينى العب معاة واحدة واحدة والمفروض تساعدنى


جاسم : طب ممكن اعرف هاتعمل ايه؟

فارس : بص فى رجال اعمال اصدقاء ليا ممكن ببساطه اطلب منهم يعملوا بيزنس معاة ويبلغونى بتحركاته اول باول من غير مايحس انى براقبه ساعتها ممكن يعمل احتياطه منى انا بقى فى اللحظه المناسبه بعد مااكون جمعت الادله ضدة اقدر اقبض عليه متلبس مهما حاول المحامى بتاعه بيرأة مش هايقدر يطلع منها ابدا .
جاسم : طب ولحد ماتنجح فى دة ازاى احمى خطيبتى وعيلتها ؟

فارس : مافيش قدامك غير انك تتجوزها وبسرعه .....سكت شويه وكمل : جاسم انا مقدر موقفك وخوفك بس كمان لازم اعرف هو بيفكر ازاى ابو خطيبتك السابقه واضح انه ديب حويط معلش تعالى على نفسك شويه .

جاسم بقله حيله : خلاص اللى تشوفه عن اذنك .

جاسم خرج من القسم وهو حاسس بخيبه امل وكان بيكلم نفسه هى ليه الدنيا واقفه ضدة وهل فعلا احساسه صح ولاهو من كتر الضغط اللى عليه خيل له كدة رجع تانى المستشفى ولقى ابوة ومايسه واهلها واقفين فى الاستقبال بيخلصوا اجراءات طلعوها .


جاسم بحب : الحمد لله انا شايف انك احسن دلوقتى .

مايسه بحب : الحمد لله وبعدين وجودى فى المستشفى معدش له لازمه وبينى ومابينك انا مش بحب المستشفيات خالص .
جاسم وجه كلامه لحماة : عمى لو سمحت انا عاوز اتجوز مايسه الاسبوع الجاى .
طه : تانى ياجاسم يابنى اصبر شويه على الاقل لحد مامايسه تسترد صحتها ثم لازم على الاقل اعرف عمها وعمتها علشان يحضروا فرحها .
جاسم : خلاص يبقى الاسبوع اللى بعدة يعنى كمان اسبوعين لانى معنديش اى استعداد اصبر اكتر من كدة.
طه بضيق : والله ماانا عارف ايه لازمه السربعه دى .

جاسم : ماهو ياعمى انا مش هاقدر افضل على اعصابى شهر بحاله وكل يوم يحصل حاجه : بص لمايسه بكل العشق اللى جواة لها وكمل: انا مش مستغنى عن بنتك لانى بحبها وبخاف عليها.

طه بص لمحمد وبعدين رجع بص لجاسم : ربنا يسهل يابنى ويقدم اللى فيه الخير .

محمد : الا قولى يابنى هو فارس كان عاوزك ليه ؟

جاسم : ابدا يابابا دة كان بيحكي لى ان محمود وحازم اتفقوا ضدى علشان يضربونى فى السوق .

محمد : ولما هو الموضوع خطير كدة ليه مش بيقبض عليه ؟

جاسم : سالته نفس السؤال دة وكان ردة عليا ان الادله ضدة ضعفيه .
جاسم اخد مايسه وعيلتها ورجعوا العزبة علشان ترتاح وندى فضلت معاها لحد مانامت

جاسم ندة على اخته وهمس : طمنينى ياندى مايسه عامله ايه دلوقتى ؟

ندى : الحمد لله ياجاسم هى اخدت الدوا ونامت .
جاسم بقلق : ندى مش هاوصيكى تأخدى بالك منها كويس .
ندى بضحك : ههههه ياعينى على الحب .

جاسم بغيظ : مالكيش دعوة يالمضه وبعدين ايوة بحبها وبعشقها كمان ارتحتى كدة وبعدين انتى مش بتحبى هانى وبتبقى سعيدة وقلبك بيرقص لما بتسمعى صوته ولما بيرجع بتبقى عيونك بتلمع من السعادة صح ولالا


ندى عينها دمعت وحست ان هانى وحشها : طب تعرف انه واحشانى اوى .

هانى كان فى التوقيت دة واتكلم بشوق : بجد ياندوش بجد وحشتك .
ندى اول ماسمعت صوته لفت له وراحت له واتقابلت عينهم فى نظرة طويله مليانه حب وشوق .
ندى :حمدا لله على السلامه.
هانى حمحم بحرج وهى اخدت بالها وبعدت عنه .
هانى : احم معلش بقى ياندى انتى عارفه ظروف شغلى كدة.
جاسم بعدها عنه وقرب منه : حمدا لله على السلامه ياهانى.
هانى بتوتر : الله يسلمك ياجاسم.

جاسم بص لاخته : ندى روحى اطمنى على مايسه لو محتاجه حاجه .

هانى بخضه : ليه مالها مايسه؟
جاسم : تعالى نتمشى انا وانت شويه وهاحكي لك كل حاجه ..... وندى سابتهم .
هانى وجاسم اتمشوا مع بعض فى العزبة وحكى له اللى حصل من اول محاوله اختطاف ندى ومايسه ولحد محاوله التخلص منها عن طريق التعبان.
هانى : يااااه كل دة يحصل وانا معرفش طب على الاقل كنت تبلغنى وابقى عندى خلفيه باللى حصل .
جاسم اتنهد : وانت كنت بايدك ايه تعمله بس احنا عارفين ظروف شغلك واخدة كل وقتك اهو حازم اخد جزاءة واترمى فى السجن .

هانى : آة الكلب دة لو تسيبونى عليه كنت قطعته باسنانى .

جاسم : بقولك ايه ؟
هانى : قول .
جاسم : حاول تقنع باباك انه يوافق انه يعجل بجوازى من اختك لانه منشف دماغه .
هانى بضحك : واضح انك غرقان فى الحب ياعمنا .
جاسم : تصدق انك خنيق انت وندى بطلوا شغل الرخامه بتاعتكم دى .
هانى : خلاص مش تتعصب اوى كدة انا هاروح اسلم عليهم وهابقى امهد لهم الموضوع واحدة واحدة ماتقلقش انا هاحاول اقنعه بطريقتى .

جاسم : تمام يلا ورينا شطارتك.

هو وجاسم روحوا لمايسه واطمنوا عليها وهانى طبطب على اخته وملس على شعرها بحب اخوى.
هانى : حمدا لله على سلامتك حبيبتى .
مايسه : الله يسلمك ياهانى ربنا يخليك .
هانى : طيب احنا هانسيبك انا وجاسم علشان ترتاحى ....... هانى وجاسم طلعوا وقاعدوا وبعد السلامات هانى اخد ابوة على جنب علشان يفاتحه فى موضوع جواز جاسم من مايسه وجوازة من ندى .
هانى : قلت ايه يابابا .

طه : يابنى انت وجاسم مستعجلين ليه بس .

هانى : يابابا طول مامايسه فى العزبة هايفضل الخطر عليها اكبر واكيد بتخاف عليها صدقنى يابابا مايسه لما هاتتجوز جاسم هايكون امان لها اكتر .
طه : ربنا يسهل هابقى اقعد مع محمد بيه ونشوف هانوصل ايه .



فى فيلا السويفى

كان محمود قاعد وهو بينفخ وعمال يطوح كل حاجه تطولها ايدة بعصبيه وبيكسر كل حاجه بعنف دخلت داليا عليه فجأة وشافته وهو فى حاله هياج غير طبيعيه بالمرة .
داليا بذهول : ايه دة يابابى مالك فى ايه .
محمود بغل وغيظ : تصورى ياداليا الكلب حازم يفضحنى ويتسبب فى دخولى اقسام الشرطه انا محمود السويفى اللى الكل بيشيب منى ادخل على اخر الزمن قسم شرطه ويستجوبونى .

داليا : طب اهدى كدة حبيبى واحكيلى اللى حصل .

محمود : البيه كنت مكلفه بمهمة انه يتعاون مع مندوب احدى الشركات المنافسه لجاسم فى السوق علشان نضرب له مصانعه واقفلها له يقوم البيه يقول انى حرضته على كدة كل حاجه بتضيع منى ياداليا حتى الزفت اللى كنت مكلفه بانه يخلص من مايسه عمال ارن عليه ومابيردش .
داليا : طب والعمل يابابى هانسكت على كدة ؟
محمود بحقد :لا طبعا انا لازم اتصرف .
داليا : طب فاهمنى انت ناوى على ايه ؟

محمود : سيبنى افكر ياداليا ........شويه وتليفونه رن فتحه ورد .

=:ايوة ياباشا ايوة بس للاسف البنت اللى حضرتك طلبت منى انى اخلص منها بالتعبان لسه عايشه وانا اتاكدت من كدة بنفسى .
محمود ضرب بايدة سطح مكتبه بغل : ازاى دة انت مش قلت لى انك قفلت عليها كويس بالمفتاح ازاى عرفت تخرج .
= بارتباك : حصل ياباشا بس معرفش ايه اللى حصل بعدها .
محمود وصرخ بغضب : علشان مشغل معايا شويه اغبيه عارف لو اتمسكت وجيبت سيرتى فى الموضوع هاعمل فيك ايه هاقطع لك لسانك دة انت فاهم .
= بخوف : لا طبعا ياباشا وهو انا اقدر برضه .
محمود : طب يلا غور انا مش طايق اسمع منك حاجه ...... ورزع التليفون فى وشه .
داليا : فى ايه يابابى .

محمود بغل : لسه عايشه ياداليا .

داليا بصدمه : ازاى لسه عايشه .
محمود :معرفش معرفش .
داليا بخبيه امل : وبعدين يعنى هانسيب حته بت زى مايسه دى تلطش كل حاجه واحنا نطلع من المولد بلا حمص مستحيل ده على جثتى .
محمود : اهدى ياداليا لحد مانشوف هانعمل ايه ونتصرف ازاى بس المهم دلوقتى اخلص من حازم والمندوب وبعدين ابقى افكر فى فكرة جديدة نخلص بيها منها .

الراجل اللى كان محمود بيكلمه بعد ماقفل تليفونه لسه هايركب عربيته لقى عربيه بوكس نازل منها كذا عسكرى وراحوا له .

العسكرى : اتفضل معانا .
=: نعم اجى معاكم فين ؟
العسكرى : اتفضل معانا من غير كلام .
العسكرى اخد الراجل ووادة القسم تحت حراسه شديدة ووصله لمكتب فارس .
فارس بتريقه : اهلا ياعمروسى عاش من شافك .
عمروسى ببلطجه : خير ياباشا اناهنا ليه ؟

فارس : عليا انا برضه الا بالحق انت مش لسه طالع من السجن بقالك اسبوع بتهمة المخدرات اللى اتسحبت فيها 15 سنه سجن لحقت تعمل مصبيه جديدة .

عمروسى : مصيبه ايه بس ياباشا لاسمح الله .
فارس : لاوالله ماتعرفش خلاص مافيش مشكله انا اجيب كام عسكرى يدوك العلقه التمام علشان تعترف .

عمروسى : صدقنى انا مش عارف انت بتتكلم عن ايه .

فارس طلع التقرير الطبى بتاع مايسه والمستشفى اللى كانت محجوزة فيها .
فارس : ها هاتتكلم ولااظبطك يستحسن تعترف مين اللى طلب منك تخلص من مايسه واياك ثم اياك تكدب

عمروسى والف قضيه وهميه :بص ياسعادة الباشا من غير لف ولادوران كدة البت اللى اسمها مايسه كانت مضايقه بنتى من ايام الثانوى حبيت اعقابها علشان خاطر بنتى طبعا مانستش كل اللى عملته فيها وحطت لها التعبان علشان انتقم منها بس ادى كل اللى حصل.


فارس بصله بشك : بالرغم انى عارف انك كداب وانك بتألف قصه من دماغك بس هاعدى كل الكلام الخايب دة بس اقسم بالله لتتحط فى السجن تانى ومش هاتطلع منه .

عمروسى :طب وانا هاكدب ليه بس ياباشا .
فارس: علشان متعمد تتسر على مجرم خدة ياعسكرى ارميه فى التخشيبه .
العسكرى اخد عمروسى ورجعة السجن تانى وفارس اتصل على جاسم علشان يبلغه .
جاسم : ايوة يافارس ها وصلت لحاجه جديدة بخصوص اللى حط التعبان لمايسه ؟
فارس : ايوة بعت حد يجيب التقرير الطبى من المستشفى وكمان كلفت حد يراقب الراجل دة وقبضت عليه وهو دلوقتى مرمى فى السجن .
جاسم بفرحه : انت بتتكلم بجد .

فارس : ايوة وتعالى علشان تتعرف عليه

جاسم : نص ساعه وهاكون عندك .........قفل وبص للكل اللى كانوا قاعدين فى المضيفه الكبيرة واتكلم .
جاسم : فارس بلغنى انه قبض على المجرم اللى حاول يخلص من مايسه وطلب منى اروح اتعرف عليه قبل مايترحل على النيابه .
محمد : استنى يابنى انا جاى معاك .
هانى : وانا كمان جاى معاكم .
جاسم وابوة وهانى طلعوا على القسم وفارس طلب من العسكرى يجيب عمروسى من زنزاته .
العسكرى : تمام يافندم المتهم اهوة .

عمروسى دخل ولقى الكل بيبص له بغضب وجاسم مستحملش وهجم عليه وضربه .

جاسم بغضب : انطق يلا مين اللى حرضك على خطيبتى لاحسن اقسم بالله ماهعتقك من ايدى انطق .
عمروسى ببرود : معرفش حاجه .
محمد رد بسرعه : انت كداب انت طلبت منى انك تشتغل عندى فى العزبة وفتحت لك بابى واشتغلت وفى الاخر تقول ماتعرفش حاجه ....... ومسكه من هدومه بعنف : انطق من اللى سلطتك على خطيبه ابنى .
عمروسى ارتبك : انا اللى عندى قلته لحضرة الظابط .

فارس ضرب بايدة سطح مكتبه بغضب وزعق بصوت جهورى : خلاص حفظت التمثليه دى وعارف ان كلامك كله كدب فى كدب بس برضه انا مش هاسكت ومسيرى هاعرف مين اللى حرضك على كدة ... وندة على العسكرى

فارس : ياعسكرى خد المتهم دة رجعه الزنزانه بدل مااقتله بايدى ولحد ماتعترف ياعمروسى هاتفضل مشرف عندنا .
محمد : انا مش عارف اشكرك ازاى يافارس .
فارس بحزن : حضرتك تشكرنى لما اقبض على المجرمين دول واحد ورا التانى .
محمد بامل : ان شاء الله هاتقبض عليهم وبسرعه .
فارس : ان شاء الله.

فى فيلا السويفى محمود كان بيكلم واحد فى التليفون بتاعه .

محمود : فهمت هاتعمل ايه ؟
المجهول : فاهم سعادتك .
محمود : عاوزك تنفذ المطلوب منك بالظبط واظن انى فهمتك هاتعمل ايه .
المجهول : حاضر على بكرة بالكتير هتلاقى اسمه فى صفحه الوفيات .
محمود : كويس اوى.
المجهول : امر جنابك .......... وقفل معاة التيلفون .
رواية ما بعد الرحيل للكاتبة ياسمين أحمد الفصل الثامن عشر

باليل المجهول راح البار اللى بيسهر فيه مندوب شركه النعيم واستغل انه فى الحمام وحط له فى مشروبه سم السيانيد وخرج بسرعه من غير ما حد مايحس بيه بعدها بشوية خرج المندوب من الحمام وشرب الكأس المسموم مرة واحدة ومات فى ساعتها فما كان من صاحب البار غير انه اتصل بالشرطه وبعد نص ساعه كان فارس وصل ومعاة عربيه من الامن المركزى وطلب من الامن انهم يخلوا البار وفى خلال مدة بسيطه كان فضى من الزباين وفارس قعد على ركبه وشاف المندوب ميت وطالع من بقه رغاوى فارس ملس بايدة على فم المندوب واخد لعاب منه وشمه .


فارس بيكلم نفسه بصوت مسموع : اممممم المندوب مات بسم السينايد بس لازم اتاكد بنفسى .......فارس بص لواحد من العساكر اللى كانوا واقفين واتكلم بثقه.

فارس : عاوزكم تتصلوا بالاسعاف حالا وعاوز واحد من الطب الشرعى حالا علشان يعاين الجثه وامنعوا اى حد يجى ناحيه البار لحد ما الاسعاف تاخد الجثه وطوقوا البار مؤقتا بشريط امنى لحد ماتتشرح الجثه ونعرف بالظبط ايه اللى حصل .

العسكرى : حاضر يافندم اى خدمه تانيه .

فارس : لامتشكر ...... سكت شويه واتكلم بصوت واضح : واضح ان ولاد الابالسه دول كتير بس انا مش هاسكت ومش هيأس وهافضل وراهم وياانا ياهما .
المجهول استغل ان فارس مشغول بمقتل المندوب وراح القسم علشان يحاول يقتل حازم بس قضاء ربنا كان اسرع وهو بيعدى الشارع جت عربيه بسرعه مخيفه وخبطته وجسمه طار فى الهوا ووقع ميت فى ساعتها

فى مصلحه الطب الشرعى كان فارس مع الدكتور اللى بيشرح جثه المندوب .

فارس : معلش لو سمحت يا دكتور انا عارف أن المندوب مات متسمم بسم السيانيد بس كنت حابب اتاكد تانى منك اذا كان احساسى صح ولاغلط.
الدكتور : مظبوط كلامك بس مبدئيا احب اقولك ان سم السيانيد ده من أخطر أنواع السموم اللى أول مابيدخل عن طريق الفم وبعد وصوله للحنجره على طول بيكون اتسبب فى توقف عضله القلب وبعدين الوظائف الحيويه كلها بتقف وبتموت.

فارس: امممم طب بالنسبة للجثه هاتحطها فى التلاجه لحد مايجى حد من أهله يتعرف عليه صح.

الدكتور:أيوة أن شاء الله.
فارس وهو بيكلم الدكتور تليفونه رن فتحه ورد على المتصل.
فارس:ألو.
العسكرى وهو بيتكلم بفزع:الحقنى يا فارس باشا فى واحد خبطته عربيه قدام القسم وهو داخل عندنا.
فارس : تقدر توصفهولى؟

العسكرى:واحد كان داخل القسم وشكله كده مش ولابد يافندم.

فارس:عرفت أى حاجه عن هويته؟
العسكرى:حصل يافندم لما خبطته العربيه حاولنا نعرف اى حاجه عنه بس هويته غريبه اوى يافندم
فارس : ازاى يعنى هويته غريبه ؟
العسكرى : معرفش يافندم مكتوب فى البطاقه بتاعته أنه رجل متخصص فى التنظيف والتطهير الروحى وغالبا البطاقة مزورة ومضروبه ودى بيعملوها بطرق ملتوية بس انا شاكك أن الراجل اللى مات قدام القسم دة له علاقه بالقضية اللى حضرتك بتحقق فيها دلوقتى. 2

فارس :التنظيف والتطهيرالروحى إيه الوظيفه الغربيه دى ؟

العسكرى:معرفش يافندم هو مكتوب فى خانه هويته كده.
فارس بيكلم نفسه بصوت واضح :كده الأمور اتعقدت أكتر بس معقول يكون محمود السويفى ورا كل اللى بيحصل دة بس مافيش اى ادله ضده اووف الادله كلها طمست والمجهول مات ومعدش فى اى دليل ولو واحد فى المليون علشان أقبض عليه وبعدين بقى أنا زهقت .
الدكتور: بتقول حاجه يا فارس .

فارس إنتبه :ها لا أبدا يادكتور المهم تاخد بالك من جثه المندوب وعاوز تقرير طبى مفصل بعد تشريح الجثه.

الدكتور :حاضر هاخلص التشريح وأكتب التقرير النهائى وابلغك.
فارس:متشكر اوى.فارس طلع من مصلحه الطب الشرعى ووصل لحد القسم وهناك شاف جثه المجهول وفضل يدور على أى حاجه تدل عليه والعسكرى جه وأعطاه هويه المجهول.

العسكرى:تمام يافندم اهى البطاقة بتاعه المجهول اللى خبطته العربيه.

فارس فضل يبص للهوية أكتر مره علشان يفهم يعنى ايه متخصص فى التنظيف والتطهير الروحى.
فارس :حاجه غريبه فعلا أول مره فى حياتى أشوف مهنه زى دى.
فارس اتصل بالطبيب الشرعى وحب يستفسر عن معنى التنظيف والتطهير الروحى يعنى إيه.
الدكتور:معناه أن الراجل اللى مات عندك مهمته أن يقتل البنى آدمين ومش بيسيب اى اثر له بعد ارتكاب الجريمه وغالبا أن الشخص اللى مات ده له علاقه بقتل المندوب. 7

فارس بخيبه أمل :متشكر يا دكتور .وقفل معاه السكه.

فارس:المسأله كدة اتعقدت اكتر والاتنين ماتوا يعنى برضه مش هاوصل لأى نتيجه .
فارس طلب عربيه إسعاف علشان توصل جثه المجهول لمصلحة الطب الشرعى وبعد نص ساعه كانت عربيته وصلت واخدت جثه المجهول للطبيب الشرعى.

الدكتور اتصل على فارس واتكلم بحده:فارس بطل بقى تحول لى فى جثث .

فارس:وأنا مالى أنا ظابط وأنت دكتور ومسؤول همتك بقى معايا يا بطل.
الدكتور:ماشى يا فارس أقفل بقى لأنى على أخرى منك.
فارس: طيب .سكت شويه وكمل بجديه :دكتور من فضلك عاوز التقارير الطيبه للاتنين دول المندوب والمجهول.
الدكتور :على بكره أو بعده هاتكون وصلتلك التقارير سلام بقى.
فارس:مع السلامه.

ونرجع تانى لعزبه المنصورى.

كانت مايسه بتتمشى فى جنينه العزبة وجاسم بيراقبها من بعيد والشوق والخوف مسيطرين عليه وفضل يتامل ملامحها الجميله والحزينه فى نفس الوقت راح لها ووقف وراها حاوطها بدراعته بحب وضمها بقوة واتنهد بخوف عليها خوف بيزيد عن اليوم اللى قبله حاسس انه عاجز لاعارف يحميها ولا حتى قادر يخلص من شر داليا وابوها .

مايسة شهقت بخضه: اخص عليك انت مش هاتبطل تخضتنى كدة.

جاسم: أنا آسف ياعمرى انى خضيتك بس بجد أنا تعبت يامايسه أنا بحبك أوى وبخاف عليكى اوى وكل يوم يحصل حاجه شكل أنا محتاجك جنبى علشان محدش يحاول ياذيكى ياضى عينى.

مايسه لفت له وحطت ايديها على وشه واتكلمت بهمس وبصتلة بعشق:هو مش بابا قالك أسبوعين كده على ميعاد تحديد الجواز؟

جاسم: حصل بس حتى الأسبوعين كتير يامايسه....بصلها بعشق وكمل:أنا إذا كان عليا عاوزاك معايا وفى حضنى النهاردة قبل بكره منها .....ولسه هايبوسها من خدها وغمازتها بس هى منعته .

مايسه:جاسم وبعدين حبيبى بكره هابقى مراتك ومعاك على طول .

جاسم ضمها اوى لحضنه وهى لسه دفنه وشها فى صدرة قد ايه بتحس بالاطمئنان معاة هو بالنسبه لها بر الامان والملجأ لها وقت خوفها وحزنها جاسم بعدها عن حضنه وبصلها بحب واتكلم:مايسه أنا عديت معاكى مرحله الحب أنا بقيت بعشقك .سكت شويه وبعدين كمل بمكر:طيب ما تيجبى بوسه بسرعه كدة قبل ماحد ياخد باله هههه.
مايسه بتحذير:جاسم؟ .

جاسم:خلاص خلاص ........سكت شويه وعيونه على كل ملامحها بشوق وكمل :عارفه يامايسه انا قلبى بينبض باسمك حتى اسمعى كدة .......ومسك ايدها وحطها على قلبه.

مايسه بصت وضحكت : اه يامكار
جاسم بارتباك: المهم طمنينى إيدك عامله إيه دلوقتى.
مايسه:أحسن شويه الحمد لله.
جاسم بخبث:ورينى كده .......شدها من دراعها برقه وملس بايدة على مكان لدغة التعبان وفجأة عينهم اتقابلت فى نظرة طويله نظرات مليانه حب ولهفه وشوق وعشق ملهوش حدود جاسم حاوطها بدراعه وهى حطت راسها على كتفه وفضلوا قاعدين مع بعض فترة من الوقت وبعد كدة قام من جنب مايسه وقومها.

جاسم: تعالى نركب خيل أنا وانتى.

مايسه بضحك:ههههههه والله أنت مجنون خيل بس برضه بمووت فيك وفى جنونك دة.
جاسم بحب:بعد الشر عليكى من الموت اوعى تيجبى سيرة الموت دى تانى لاحسن ازعل منك.
مايسه:يااااه أد كده بتحبنى ياجاسم لدرجه خوفك وقلقك عليا على طول.

جاسم:طبعا يامايسه اما كنتش هخاف عليكى هخاف على مين انا ماليش غيرك انت اللى فى قلبى وبس ومافيش أى واحده ممكن قدرت تستولى على قلبى غيرك.


مايسه اترمت فى حضن جاسم من تانى وهو ضمها أوى وغمض عينه وبيتمنى لو كان فى مقدروة انه يخبيها جوة صدرة علشان محدش يأذيها رفع وشها له واتقابلت عيونهم من تانى وبعد خصله من شعرها وكمل كلامه :خلاص ياروحى كلها أسبوعين وتبقى فى حضنى على طول. تعالى يلا إما اركبك الحصان .جاسم اخدها ورفعها على ضهر الحصان وفضل يلف بيها وهو سعيد بوجودها فى حياته.


هانى وندى كانوا برضه بيتمشو مع بعض فى العزبة. وشبك ايدة فى ايدها وفضلوا يتمشوا مع بعض هو كمان كان بيبقى سعيد فى وجود ندى معاة.

هانى بشوق:وحشتينى أوى ياندى أنا تقريبا مابعرفش أتكلم معاكى اخوكى على طول كابس فوق دماغى.
ندى :معلش ياهانى هو بس بيخاف عليا.معلش اعذرة.
هانى:يخاف عليكى من مين منى ليه هو أنا هاكلك.
ندى:حبيبى متكبرش الموضوع وبعدين ماآنا قدامك اهوه وبقالك ساعه ماتكلمتش كلمتين على بعض غير دلوقتى.
هانى ارتبك :ندى إيه رأيك لو أنا وانتى نتجوز مع مايسه وجاسم ويبقى فرحنا مع بعض.
ندى:أنا عن نفسى معنديش مانع بس المهم ناخد رأى بابا واخويا.
هانى:ربنا يستر أنا عارف أنهم هايحطوا العقدة فى المنشار هايقولوا لى استنى لما تجيب لها شقه كبيره وتاسسها بفرش فخم وكتير.

ندى:هانى أنا مش عاوزة شقه كبيره ولاعاوزة أساس فخم أنا عاوزاك أنت يارب تيجبلى شقه عاديه وأساس عادى أنا راحتى معاك انت وبس ياحبيبى .

هانى :لا ياندى أنتى مش أقل من مايسه ربنا يقدرنى أن شاء الله وأقدر اجيب لك كل اللى نفسك فيه .
ندى بشوق:بحبك ......بحبك أوى ياهانى.
هانى بعشق:وأنا بعشقك يا قلب هانى بقولك إيه.
ندى :قول .

هانى:هى مجازفة بس هاحاول اتكلم مع ابوكى دلوقتى.

ندى:استنى بس ياهانى أصبر بس شويه .
هانى: أنا محتاجلك ياندى وبصراحه كده جاسم طول الوقت يفضل يقولى ماتتكلمش معها وماتجيش جنبها خنقنى الصراحه.
جاسم كان بيلف بمايسه على الحصان فى العزبة وسمع هانى بيتكلم عليه وقرب منهم واتكلم بحده.
جاسم: سمعتك على فكرة نعم مالى أنا.يعنى وضح كدة عاوز تقول ايه.
هانى بصوت همس:ها ولا حاجه

ندى:جاسم والنبى بالراحه على هانى وبعدين ماهى مايسه جنبك ومعاك سيبنى اقعد معاة حبه انا بشوفه كل فين وفين .

جاسم اتكلم بثقه:مايسه كلها أسبوعين وتبقى مراتى إنما انتى وهو لسه بدرى على ماتتجوزوا.
هانى: وانا ياسيدى مستعد اتجوز اختك بس المهم والدك هايوافق أنى اتجوز ندى ونعمل فرحنا معاكم؟
جاسم:والله روح وقول لبابا وشوف رأيه إيه ولو هو موافق خلاص أنا كمان موافق .
هانى :خلاص أنا هاروح واتكلم معاه دلوقتى .
ندى:استنى ياهانى أنا جايه معاك.

جاسم:ليه أن شاء الله هى سايبه تروحى معاه لوحدكم لا طبعا كلنا ها نروح مع بعض.

هانى هز راسه بيأس:اللهم طولك يا روح ماشى ياعم يلا نروح .
هانى راح لحماه علشان يطلب منه الاذن يحدد معاه أنه يعمل فرحه مع فرح جاسم.

محمد:أنا معنديش مانع بس يا ترى أنت جاهز أنك تتجوز بنتى فى خلال الأسبوعين دول جهزت كل حاجه جيبت لها شقه وعفش واوضه نوم تليق بيها.


هانى بص لندى ومط شفايفه بضيق ورجع بص لحماة :ياعمى أنا مش طالب من حضرتك غير موافقه مبدئيه بس وإذا كان على الشقه والعفش واوض النوم فإن شاء الله كله هايبقى تحت أمرها المهم حضرتك توافق بس.


محمد قام من مكانه وطبطب على كتف هانى بحنان : أنا عارف كويس اوى أنك بتحب بنتى بس أولا احنا محتاجين أننا نطمن على جاسم انه يتجوز أختك الأول فى اقرب فرصه علشان اللى بيحصل كل يوم فى العزبه ثانيا أوعدك أول ماتخلص وتجهز أنا بنفسى هاوصل ندى لحد عندك.


هانى:طب ياعمى مش ينفع نكتب كتابنا علشان أبقى مطمن وعارف أن بنتك هاتكون على ذمتى.


محمد:لا اله الا الله يابنى أنت مستعجل ليه بس.


هانى: ياعمى بصراحه كده ظروف شغلى على طول واخده كل وقتى وبعدين لو كتبت كتابى هابقى اتحجج بأى حجه علشان إعرف أخد إجازة وأقعد معاها براحتى من غير ما حد يلومنى علشان خاطرى ياعمى وافق وصدقني مش هاتندم.

محمد:ربنا يسهل ياهانى.

هانى:يعنى حضرتك موافق.

محمد بقله حيله : اعمل ايه بعد الحاحك دة مش قدامى غير أنى أوافق وأن شاء الله أنت وجاسم تكتبوا كتابكم على البنات مايسه وندى بس فرحك على بنتى هايتأجل شويه.
مايسه وندى الفرحه ماكنتش سيعاهم وحضنوا بعض .
هانى ابتسم براحه:متشكر ياعمى أنا ممنون لحضرتك.
مايسه :مبروك ياندوش.
ندى:الله يبارك فيكى يامايسو.مبروك حبيبتى.
مايسه:الله يبارك فيكى يا قمر
فوزية : مبروك ياحبيبتى .......... وباست بنتها بحب .
مايسه : الله يبارك فيكى ياماما .

محمد : مبروك ياعم طه عقبال ماتفرح بعيالهم .

طه : الله يبارك فيك يابيه ويخلي ولادك يارب وتفرح بعيالهم
محمد : يااااااااااااااارب
جاسم وهانى حضنوا بعض وكانت الفرحه شامله الكل.
هانى : مبروك ياجاسم مش هاوصيك تاخد بالك من اختى .
جاسم : دى فى عينيا ياهانى ماتخافش عليها المهم انت كمان تاخد بالك من ندى وتحطها فى عينيك .
هانى : من غير ماتقول ندى دى حته من قلبى وهخاف عليها برموش عينيا.
وعلت الزغاريد فى عزبه المنصوري.



تانى يوم فى فيلا السويفى

كان محمود بيفطر وكان فى ايدة الجرنال بيتصفحه لحد ما وصل لصفحة الحوادث وقرأ مانشت عريض مقتل مندوب شركه النعيم ومصرع مجهول أمام قسم الشرطه ومع المانشت صور للمندوب والمجهول.

محمود أبتسم بانتصار وخبث: أدينا خلصنا من الإتنين واهوة كدة أضمن ان محدش فيهم يجيب سيرتى بعد كدة.

داليا نزلت من على سلالم الفيلا بدلع وراحت قعدت جنب أبوها.
داليا: صباح الفل يابابى خير وشك يعنى منور النهاردة ياترى إيه السبب.
محمود :خلصنا من مندوب شركه النعيم حتى المجهول اللى كلفته بالمهمة مات هو كمان خبطته عربيه ومات فى ساعتها.
داليا:كويس أوى علشان محدش يجيب سيرتك خالص.

محمود:داليا إحنا محتاجين نهدى شويه علشان الشرطه مفتحه عينها وأكيد بيدوروا على كل صغيره وكبيرة بس أوعدك ياحبيبه بابى أنى أخلص من مايسه فى اقرب فرصه وهاجيب لك جاسم راكع تحت رجليكى بس شويه كده .لأنى مسافر دلوقتى اعمل شويه بزنس

داليا: دلوقتى يابابى.
محمود:أيوة ياداليا عندى شغل كتير.
داليا :هاتتاخر.

محمود:يعنى قدامى شهر ونص كدة.تحبى تقعدى عند خالتك وأهو بالمره تبقى ونس لكى.

داليا واختمرت فى دماغها فكره شيطانية وابتسمت بخبث.
داليا: بابى ماتشغلش بالك بيا المهم انت تاخد بالك من نفسك حبيبى.
محمود:خدى أنتى بالك من نفسك سلام ياحبيبه بابى .
داليا: مع سلامه اموااااة.محمود ركب عربيته وطلع على المطار وسافر وداليا طلبت شريف اللى اول ماشاف اسمها ظاهر على شاشه موبايله رد عليها على طول.
شريف:يا اهلا بالقمر بتاعى.
داليا:إزيك يا شريف. عاوزاك فى مهمه علشانى.
شريف:اامرى ياحبى.
داليا:بص ياسيدى..................

فى العزبه الكل كان مجتمع وبيفطروا جاسم كان بيقرا الجرنال وشاف صورة المندوب فى صفحه الحوادث.

جاسم باسف:لا اله الا الله لاحول ولاقوة إلا بالله البقاء لله.
محمد:مالك يابنى فى إيه.
جاسم:مندوب شركه النعيم مات فى البار إمبارح ومكتوب أنه مات مسموم بسم السيانيد الظاهر أن حد حط له السم فى المشروب. سبحان الله الأعمار دى بأيد ربنا ولو كل واحد فكر فى أن عمرة لحظه مكنش الناس بقت وحشه.
محمد:سبحان من له الدوام ربنا يرحمه.
جاسم:أنا هاتصل بفارس أعرف منه إيه اللى حصل بالظبط.
جاسم إتصل على فارس بس كان تليفونه مغلق.
جاسم بزهق:حبك تقفله دلوقتى.

محمد:فى إيه يابنى مالك متعصب كدة ليه؟

جاسم:فارس تليفونه مغلق.
محمد: معلش يمكن يكون مشغول ولا حاجه استنى شويه وبعدين ابقى أطلبه تانى.
بعد شويه حاول جاسم يتصل بفارس بس برضه محدش بيرد.
جاسم :محدش برضه بيرد يا ترى إيه اللى حصل.
محمد: الغايب حجته معاه.



فى قسم الشرطه

دخل راجل فى منتهى الاناقه والشياكه لمكتب العقيد عبد الله وطلب من العسكرى مقابلته .والعسكرى ادى التحيه العسكريه له.
=: لو سمحت عاوز اقابل العقيد عبد الله ضرورى.
العسكرى : حاضر تحب أقوله مين .
عادل:قول له اللواء عادل شكرى.
العسكرى : ثانيه واحدة .
العسكرى دخل وبلغ العقيد عبد الله ان فى واحد عاوز يقابله.
عبد الله للعسكرى : مقلش هو مين وعاوز ايه ؟
العسكرى : ايوة يافندم قالى اسمه اللواء عادل شكرى.
عبد الله : طيب تمام دخله .

العسكرى دخل الراجل الوسيم صاحب الهيبه لمكتب العقيد عبد الله.

عبد الله:مش معقول يااااااااه عاش من شافك ياوحش ازيك ياتعلب.
عادل: وانت اكتر ياعبد الله تعرف محدش بيقول ليا ياتعلب غيرك معلش احنا من زمان مش اتقابلنا بس انت عارف ان المشاغل كانت كتير اوى المهم مش هاعطلك كتير.
عبد الله :الاول قبل ماتقول حاجه تشرب قهوة ولاكابتشينو .

عادل: شكرا مش عاوز حاجه.

عبد الله : لايمكن انا بقالى كتير ماشوفتكش علشان خاطرى قول بقى تشرب ايه .
عادل: خلاص يبقى كابتشينو ويكون بوش .
عبد الله بضحك : مااتغيرتش خالص بس بجد وحشتنى .
عادل: ربنا يخليك احنا طول عمرنا اصدقاء من زمان.
عبد الله طلب من العسكرى يعمله قهوة وكابتشنو ووداهم له .
عبد الله : اتفضل اامرنى.

عادل:باختصار فى مؤامرة باغتيال كذا شخصيه مهمه فى البلد بأسمايهم وعنوانهم ومستهدفين بالاغتيال ....... واعطى له كذا صورة لمسؤلين فى البلد منهم رجل اعمال وسياسين ومراكز مرموقه ....سكت شويه وكمل كلامه : ورجالتى جاهزة بس محتاج كمان ظابط كفىء من عندك.


عبد الله :بسيطه انا عندى الظابط دة بس هو حاليا مشغول بحل قضيه مهمه ممكن ابعت له يجى .

عادل: تمام وانا قاعد معاك مستنيه بس عبد الله الكلام دة يفضل سر.
عبد الله : لا اطمن كله هايبقى فى طى الكتمان.
فى مكتب فارس.
وصلت تقارير الطب الشرعى عن الجثتين
فارس : تمام كده حلو اوى هابدا احاول افك الطلاسم المبهمة دى..... ضمهم لااوراق القضيه وحطها على مكتبه شويه ولقى تليفونه بيرن من المدير بتاعه فتح الفون ورد.

فارس:أيوة يافندم.

المدير:تعاليلى حالا يا فارس.
فارس:خير يافندم. فى حاجه.
المدير:تعالى ولما تيجى هاتفهم.
فارس :حاضر ثوانى وأكون عند حضرتك.
فارس راح مكتب المدير بتاعه وخبط ودخل لقى المدير وواحد قاعد معاه بكامل اناقته وهيبته.
فارس بص للمدير بتاعه وبعدين بص للراجل اللى قاعد مع مديرة واتكلم:مين حضرتك؟
عادل:اعرفك بنفسى انا اللواء عادل شكرى ظابط مخابرات متقاعد
فارس:اه اهلا وسهلا بحضرتك.

عادل: المهم ندخل فى الموضوع اللى أنا جاى علشانه

وبص لمدير فارس وقاله :بقى هو دة اكفء ظابط عندك.
العقيد عبد الله:مش بس اكفء ده كمان شعله نشاط وكمان اترقى لحد مابقى برتبه مقدم.
عادل:يااااه فين أيام زمان عارف يا فارس أنت بتفكرنى بنفسى لما كنت قدك كده كنت برضه شعله نشاط وكنت مش بسكت عن الحق .
فارس : ممكن افهم ايه المطلوب منى؟

عادل: بأختصار شديد عاوزك فى مهمه بره مصر.

فارس ببلاهه :افندم مهمه بره مصر طب ليه؟
عادل:جت لنا معلومات بتفيد أن فى كذا شخصيه مهمه حياتهم فى خطر وفى منظمه إجرامية دوليه عاوزة تصفيهم وواجبنا أننا نمسك المنظمة دى قبل مايعملوا حاجه.

فارس:معلش حضرتك الظاهر أنك فهمت غلط دى مش من وظيفتى وظيفتى حمايه الجبهة الداخليه والأمن القومى لمصر واعاده حقوق الناس الغلابة.


عادل:وهو مش حمايه الناس دول آمن قومى ولا ايه ياسيادة المقدم .


فارس:لا طبعا واجب وطنى وامن قومى بس الأكيد أن المجموعة بتاعه حضرتك من اكفء الظباط وأنا بالنسبة لهم ولا حاجه. وبعدين المفروض أن المهمه دى بيكون طالع فيها ظباط أمن دوله وظباط صاعقة وظباط مخابرات وأنا ظابط شرطه إيه اللى ممكن اعمله علشان افيدهم


عادل :أنت زيك زيهم بالظبط يا فارس. متقلش عنهم فى المهارة

فارس :أيوة يافندم بس أنا حاليا ماسك قضيه عاوز احلها بنفسى.
عادل بنفاد صبر:جرى إيه ياسيادة المقدم هو أنت بتعترض وبتناطح لمجرد الاعتراض وخلاص
العقيد عبد الله:ياجماعه اهدوا شويه مش كدة.
عادل:ياريت تقنعه علشان أنا خلقى بقى ضيق.
مدير فارس :فارس سلم القضيه لواحد صاحبك وخلاص.
فارس:يافندم محدش هايقدر يحل القضيه زيى.
عادل : قد كدة القضيه دى مهمة بالنسبه لك .
فارس : فوق ماتتخيل .

عادل: طيب ممكن تجيب ليا التقارير بتاعه القضيه دى اشوفها بنفسى.

فارس :ثوانى هاجيبهالك تقرأها. راح فارس فعلا مكتبه أخد القضيه ووارها له .

الظابط عادل قرأ التقارير وأوراق القضيه وأبتسم بثقه:بص يا فارس أنا ممكن أقبض على المجرمين دول بس للآسف الشديد مافيش حاجه تثبت ادله ضدهم وعارف أنك متحمس جدا علشان تحل القضية باسرع وقت بس أرجوك نفذ المهمه اللى انت مكلف بيها انا مش بلزمك بس دة واجبك قبل كل شىء ولما ترجع أن شاء الله حلها زى ما انت عاوز ولو عاوزنى اساعدك فيها معنديش مانع .


فارس:اللى تشوفه سعادتك يافندم.

عادل:كنت واثق منك يلا يا بطل علشان من بكره هاتسافر مع المجموعة بتاعتى. إنا بجد سعيد إنى اتعرفت على ظابط زيك إنت كنز يابنى ربنا يحميك
فارس: الشرف ليا يافندم بس كنت عاوز أعرف هاروح فين.
عادل:فينيسيا.
فارس باستغراب:فينيسيا ؟هما المجرمين اللى حضرتك عاوزنى اقبض عليهم بمساعدة مجموعتك من فينيسيا؟
عادل:لا من إسرائيل.ومقيمين فى فينيسيا.

فارس تنح وفضل ساكت شويه وبعدها اتكلم:لا كده الموضوع كبير بقى.

عادل :بالظبط ها هاتقدر تنفذ المطلوب وتنقذ الناس من الاغتيال يابطل.
فارس:أن شاء الله هاكون عند حسن ظنك يافندم عن اذنك بقى علشان اسلم القضيه لصاحبى واستعد للسفر .سابهم وطلع وهو على آخره سلم القضيه بتاعه جاسم لصاحبه واستعد للمهمه اللى كلفه بيها الظابط المخضرم.
عادل:ياريت محدش يعرف حاجه بالمهمة دى غيرنا ياعبد الله ولا حتى صاحب فارس.
عبد الله :لا متخافش هاتبقى القضيه فى طى الكتمان وانا وعدتك بكدة.
عادل بارتياح شديد :كويس كده طمنتنى.

فارس بعد ما طلع من مكتب مديرة وراح على مكتبه لقى 10 مكالمات من جاسم إتصل عليه وجاسم رد بسرعة.

فارس:آلو أيوة ياجاسم.
جاسم:أنا طلبت حضرتك كتير.
فارس: عارف معلش اعذرنى أصلى كنت فى اجتماع مغلق وكنت قافل الفون جاسم يؤسفنى انى اقول لك انى أنا مضطر أسلم قضيتك لواحد صاحبى لأنى مسافر فى مأمورية شغل برة ومعرفش هارجع إمتى بس ماتقلقش أول ماهرجع هاحل القضيه وهافتح كل الملفات دى وهاكشف المجرمين دول واحد ورا التانى أنا بتاسف لك كمان مرة.

جاسم:طب هو صاحبك مش ممكن يحل القضيه بالنيابة عنك.

فارس:مش هايحلها زى ماانا عاوز المهم ادعيلى تخلص مهمتى بسرعه علشان أرجع وأقدر أحلها.
جاسم:طب سؤال أخير أنت عرفت مين اللى قتل المندوب ؟
فارس:اللى قتل المندوب خبطته عربيه ومات فى ساعتها بس احساسى إتجاه واحد بس لكن كل الأدلة ضده بقت معدومة بس ماتقلقش أنا وراه وراه والزمن طويل .
جاسم بنتهيدة:أنت هاتسافر إمتى؟
فارس:على بكره الساعه 7الصبح.

جاسم:فى رعايه الله وخد بالك من نفسك لا اله الا الله.

فارس:محمد رسول الله .وقفل جاسم مع فارس التليفون اتنهد بألم وحزن لان كل مايقول انها هاتتحل تتعقد اكتر.
محمد بص لملامح إبنه الحزينه وسأله:فى إيه يابنى .
جاسم بضيق:فارس اللى كان ماسك القضية مسافر بكره فى مأمورية شغل ومش عارف هايرجع إمتى.
محمد: طيب ماقلش انه ممكن حد تانى يمسك القضيه باداله ؟
جاسم : للاسف اللى هايمسك القضيه مش هايعرف يحلها زى فارس.
محمد :ربنا يجيبها سلم يابنى .
جاسم:يااااارب.
رواية ما بعد الرحيل للكاتبة ياسمين أحمد الفصل التاسع عشر

فارس كان بيستعد علشان يسافر المهمة المكلف بيها بدأ يجهز شنطه سفرة كان بيتمنى لو يقدر يحل القضيه بسرعه ويزج بالمجرمين السجن لكن ماباليد حيله لكن اخد على عاتقه انه اول مايخلص مهمته ويرجع يحل القضيه اللى شغلته وشغلت تفكيرة.

نهى مراته:حبيبى خد بالك من نفسك وارجع لنا بالسلامه.

فارس:حاضر المهم انتى خدى بالك من نفسك يانهى وأبقى سلميلى على العيال.

نهى:هاتتاخر فى السفر.
فارس:معرفش حبيبتى تبع ظروف الشغل مش تقلقلى عليا. فارس ودع مراته واستعد علشان يسافر.
نهى : اوعدنى انك مش هاتتاخر عليا .
فارس : حاضر ان شاء الله .........لااله الاالله .
نهى بدموع : محمد رسول الله .

تانى يوم فى العزبه .

جاسم وابوة وأخته ومايسه وعيلتها كانوا بيفطروا مع بعض وكان الصمت مخيم عليهم لحد مامحمد قطع الصمت دة.
محمد:جاسم اعمل حسابك تاخد خطيبتك واخوها واختك علشان تيجبوا لبس كتب الكتاب.
جاسم بسعادة:بجد يابابا طب أمتى بقى كتب الكتاب.
محمد:فى خلال يومين من دلوقتى أنا وعمك طه اتفقنا امبارح على كده.

جاسم حضن ابوة جامد وباسه بحراره:ربنا يخليك يااعظم آب بس الأول هاروح الشركه أخلص شويه شغل ولما أرجع هابقى أنزل أنا وندى ومايسه وهانى.

محمد:تمام وانتوا يا بنات تبقوا جاهزين على ما يرجع جاسم من شغله.
مايسه:ربنا يخليك ياعمى ويطول فى عمر حضرتك انت زى بابا تمام.
طه:ربنا يخليكم لبعض يارب ياولاد.
ندى:ويخليك لنا ياعمى.

جاسم ركب عربيته وطلع على شركته واول ماوصل الشركه طلب من السكرتيرة انها مدخلش حد عليه غير امجد دخل مكتبه علشان يراجع بعض الاعمال المعطلة وسرح بعدها بشويه أمجد كمان كان وصل الشركه بس قبل مايروح لمكتبه راح على مكتب جاسم الاول خبط ودخل بس لقاة سرحان وحاطط ايدة على خدة ومشغول فى التفكير حتى الاوراق اللى كان بيطلع عليها محطوطه بعدم انتظام وامجد استغرب صاحبه اللى كان فى دنيا تانيه وفى الاخر قطع الصمت دة.


أمجد :صباح الخير ياجاسم عندى أخبار كويسه أوى هاتفرحك.

جاسم:............
أمجد:أنت يابنى.
جاسم انتبه وبص لامجد :ها كنت بتقول حاجه ياامجد؟

أمجد :يابنى أنا عمال باكلمك من الصبح ومش بترد عليا ياترى.ايه اللى شغلك اوى كدة.

جاسم:معلش ياامجد أصلى مشغول شويه فى التفكير .
أمجد :خير أن شاء الله كنت بتفكر فى إيه أكيد مايسه صح.

جاسم:أنا هاكتب كتابى فى خلال يومين ها تحضر كتب الكتاب ولالأ.

أمجد بثقه:طبعا يابنى أكيد هاحضر بس مش هو ده برضه اللى شاغلك مالك ياجاسم.فيك ايه احكى لى؟
جاسم بنتهيدة حارة :مندوب شركه النعيم مات مسموم ياامجد.
أمجد :عارف قرأت المانشت فى الجرنال النهاردة الصبح.
جاسم:فى حد قتله ياامجد وماستبعدش أن اللى قتله محمود أوعلى الاقل له يد فى كده أنا مش عارف ليه سلط حد أنه يقتله.

أمجد :باختصار بس علشان تكون فاهم محمود السويفى عاوز شركاتك ومصانعك وحاطط عينه عليهم وماتنساش كمان انه عاوز ينتقم علشان خاطر بنته داليا لأنك سيبتها وكمان ضربتها .

جاسم:عارف ياامجد اللى زى محمود دة ممكن يبيع ابوة علشان خاطر مصلحته ياااااه عندة كميه غل فظيعه 2

أمجد :يووووة فى كتير كدة بس تعرف رب ضرة نافعة.

جاسم:ازاى يعنى مش فاهم.
أمجد :يعنى من بعد موت مندوب شركه النعيم الشركه لغت الشرط الجزائى اللى كان بينا ومابينهم بس هما مش طالبين منك غير أنك تورد لهم الأغذيه فى الميعاد المطلوب وخلاص معدش فى بينا وبينهم أى خصومة ربنا بيرتبها من عندة.

جاسم:سبحان الله يعنى كان لازم المندوب ده يموت علشان يلغوا الشرط الجزائى ده.

أمجد :مش بقولك رب ضرة نافعة. بس برضه حاسس انك حزين ومهموم ليه يا ترى.
جاسم:الظابط اللى كان ماسك القضيه بتاعه حازم والراجل اللى حط التعبان لمايسه جتله مأمورية شغل بره ومش عارف هايرجع إمتى.
أمجد :طب ماهو أكيد يعنى أنه مسك القضيه لحد من أصحابه.

جاسم:بس برضه أنا مش بثق غير فى الظابط ده بالذات ومش عارف هل لو حد تانى مسك القضيه بداله هايقدر هايحلها زيه ولالا.

أمجد :ماتسبقش الأحداث ياجاسم ربنا هايحلها من عنده المهم ماتشغلش بالك إلا بحاجه واحده وبس كتب كتابك على مايسه .
جاسم :عندك حق......جاسم قام ولسه هايمشى أمجد نده عليه.
أمجد :أنت رايح فين وماشى كده؟

جاسم:معلش ياامجد هاضطر أمشى علشان لازم أجهز وعلشان هاخد ندى ومايسه علشان ينقوا فساتين كتب الكتاب معلش بقى البركة فيك تاخد بالك من الشغل .

أمجد :ان شاء الله متخافش الشغل هايستمر كأنك موجود بالظبط المهم بلغ سلامى لمايسه وندى على مااحضر يوم كتب الكتاب.
جاسم:يوصل أن شاء الله. السلام عليكم .
امجد : وعليكم السلام ورحمة الله وبركاته .

جاسم طلع من الشركه وركب عربيته وهو كل تفكيرة فى مايسه اللى سرقت عقله وقلبه فضل سارح فيها وفى كل لحظه بيقضيها معاها وبيدعى ربنا فى قرارة نفسه انه يتم جوازهم على خير بعد شويه اتصل على اخته وردت عليه على طول.

جاسم:ها ياندى جهزتم.
ندى:آه خلاص ياجاسم لبسنا وجاهزين ومستنينك على نار.
جاسم:طيب تمام انا هاجى فى خلال ساعه كده علشان تختاروا الفساتين اللى تناسبكم. شويه وسكت...:آه بالمناسبه ندى عاوز منك خدمه ممكن؟
ندى:قول ياجاسم.
جاسم:يعنى كنت عاوزك تقنعى مايسه انها تجيب مع فستان كتب الكتاب حجاب من نفس اللون .
ندى بصدمه:حجاب؟ أيوة ياجاسم بس ممكن إفهم ليه؟

جاسم: بما ان مايسه هاتبقى مراتى فمش حابب حد يشوف شعرها غيرى أنا الأول كنت متردد أفاتحها فى موضوع الحجاب ده فمن حقى أن محدش يشوف غير وشها وبس وحتى كمان مايشوفش وشها خالص أما كلها على بعضها تبقى ليا وبس.ملكى انا وبس.

ندى بضحك:امممم هانبدا نغير من اولها ولاايه ياعمنا ههههههه.
جاسم بضيق:ملكيش دعوة يارخمه .
ندى:طب علشان الشتيمة دى ماليش دعوة أبقى قول لها الكلام ده بنفسك.
جاسم اتنرفز واتعصب عليها:تصدقى انك بت رخمه بجد أنتى جايبه الرخامه دى منين خلاص مش عاوز منك حاجه.
ندى:ياعم بالراحه أنا بهزر حاضر هاقول لها حاضر.
جاسم:تمام كده على العموم أنا على وصول.

بعد ساعه كان جاسم وصل العزبه ودخل المزرعه لقى مايسه قاعدة فى الارض جنب حوض الورد وبتزرع ورد جميل فضل يتاملها من بعيد بشوق جارف وعينه مانزلتش من عليها وفضل يقرب منها ووقف وراها وبعدين قعد على ركبه لحد مابقى فى مستواها وحضنها بكل قوته . 2


جاسم:حبيبتى بتعمل إيه.

مايسه بخضه:ابوس ايدك ارحمنى كل مرة تخضنى كدة.
جاسم بضحك ولف لها وبصلها بهيام: حقك عليا المهم برضه مقلتليش بتعملى إيه.
مايسه :بص ياجاسم إيه رأيك.
جاسم تنح لما لقى مايسه زرعه ورد جميل بكافه الأنواع والألوان ومكتوبه باسمه

جاسم تنح لما لقى مايسه زرعه ورد جميل بكافه الأنواع والألوان ومكتوبه باسمه


جاسم:الله جميله أوى يامايسه أنتى اللى زرعتيها بنفسك أقصد يعنى محدش ساعدك فى الزرع ده.

مايسه:لا أنا اللى زرعته بنفسى ها حبيبى أيه رأيك بقى عجبك ؟
جاسم وفقها وحاوطها من خصرها بدراعته بقوة وحب وبصلها بعشق:طيب انتى عاوزانى اعمل ايه ها دة انا ماسك نفسى بالعافيه بصى الحل الوحيد انى اخدك حالا وطيران على المأذون واتجوزك دلوقتى ها قلتى ايه هههههه
مايسه بغيظ : جاسم اعقل ؟

جاسم :اعقل ايه بس هو انتى خليتى فيا عقل .

مايسه بضحك :هههههه انت مجنون ومتهور.
جاسم اتنهد بهيام :ماهو بصراحه انتى تجننى بلد يعنى انا عمال اصبر نفسى وانتى جيتى بكل بساطه كدة تكتبى اسمى على شكل ورد دة انتى تحمدى ربنا انى مانزلتش فيكى بوس.

مايسه اتكسفت ووشها احمر من الخجل وبصت فى الأرض من كلام جاسم الجرىء لها.

جاسم رفع وشها واتاملها بعشق جارف:ياهووو أموت أنا فى حبيبتى لما تبقى مكسوفه كدة.
مايسه:جاسم عيب حد يشوفنا.
جاسم بضحك:اللى هايتكلم هاقولهم مراتى وبحبها.
مايسه بحب: انت نعمة من ربنا ياجاسم وبتمنى يوم فرحنا يجى بسرعه علشان ابقى معاك على طول وفى حضنك.
جاسم:بقولك ايه اخزى الشيطان علشان مااتهورش.
مايسه بغيظ:إيه يعنى هاتعمل إيه ها.

جاسم غمزلها بشقاوة :هههههه تعالى أقولك فى ودنك علشان محدش يسمعنا.

وهمس فى ودنها.
مايسه برقت وشها جاب ميه لون من الخجل:على فكرة أنت قليل الأدب .........وطلعت جرى بسرعه من قدامه وسابته ومشيت.
جاسم بضحك على براءتها :ههههههه استنى بس انا لسه مخلصتش كلامى.

بالليل جاسم نزل هو وهانى مع البنات علشان يختاروا الفساتين وراحوا مول كبير اوى للخطوبه والزفاف والسهرة.

جاسم قرب من ندى وهمس:ندى مش هاوصيكى تقولى لمايسه على الحجاب.
ندى:حاضر .........وندهت على مايسه.
ندى:يلا يامايسه علشان ننقى الفساتين.
مايسه:ثوانى أنا جايه اهوة.

مايسه وندى اختاروا فعلا الفساتين اللى هايلبسوها يوم كتب كتابهم مايسه اختارت فستان من فوق لونه سكرى بأكمام ومن الخصر نبيتى بكرانيش ومتزخرف ومنقوش بورد مدهب وفستان ندى كان لونه موف فاتح بكرانيش وبورد فضى جميل.


مايسه :استنى ياندى دقيقه واحده.

ندى:رايحه فين .
مايسه:استنى فى حجاب حلو آوى عاجبى وعاوزة اجربه على الفستان.
ندى بصت لمايسه وتنحت.
مايسه بضحك:ههههههه إيه مالك بتبصيلى كده ليه.
ندى:أنتى بتتكلمى بجد يامايسه عاوزة تلبسى حجاب .
مايسه :أيوة ايه المشكله؟

وبصت لجاسم بحب:أيوة ياندى عاوزة ألبس حجاب علشان محدش يشوفنى غيرحبيبى ونورعينى.

جاسم أستغرب أوى من كلام مايسه ازاى عرفت بموضوع الحجاب دة هى قربت منه واتكلمت بهيام :جاسم اذا كنت مستغرب انا عرفت ازاى فببساطه ان ندى كانت فاتحه الاسبيكر بتاع التيلفون وأنا سمعتك بالصدفه وأنت بتقول لها تقولى على الحجاب وأنا كده كده كنت فعلا ناويه البسه بعد جوازنا بس طبعا حبيت أعملها لك مفاجأه والبسه يوم كتب كتابنا.

جاسم اعجب بيها وبطريقه تفكيرها لانه حس قد ايه هى عاوزة تسعدة حتى ولو على حساب نفسها :مايسه لازم تعرفى كويس أنى مش هلزمك بحاجه بس يهمنى كمان انك تكونى ملكى أنا وبس أنا بغير عليكى وبغير حتى من لمسه الهوا لما بتداعب شعرك فارجوكى تستحملى غيرتى دى.


مايسه:وأنا بعشق حبك وغيرتك دى.

جاسم:أحم طب يلا خلصوا علشان نرجع العزبة ننام شويه علشان من بكره نجهز علشان كتب كتابنا.
هانى بضيق:استنوا وانتى ياهانم فين الحجاب بتاعك ؟...... وكان موجه كلامه لندى.
ندى:هابقى البسه بعد جوازنا ياحبيبى.
هانى باعتراض :لا بقى معلش زي مامايسه هاتلبس حجابها فى كتب كتابها على جاسم أنتى كمان هاتلبسى حجاب علشان محدش يشوفك غيرى أنتى مش هاتتجوزى حضرتك كيس جوافه.

ندى استغربت من حدة وانفعال هانى واتضيقت اوى منه واتكلمت بعتاب:بالراحه ياهانى مالك الموضوع مش مستاهل كل ده.

جاسم بص لاخته بتحذير:على فكره ياندى هانى معاه حق لازم تلبسى انتى كمان الحجاب معدش ينفع ان أى راجل يشوفكم أو يشوف شعركم غيرنا أنا وهانى.
ندى تداركت الموقف وحبت تطيب خاطرة واتكلمت باسف .

ندى:خلاص بقى ياهانى متحبكهاش كده خلاص هالبس الحجاب متزعلش بقى وحياتى عندك .

هانى:أنا بحبك ياندى وكلامى لكى من باب خوفى عليكى مش اكتر ياحبيبتى.
ندى:أنا عارفه والله .بص اقول لك حاجه تعالى ونقى معايا ماشى .
بعد فترة كانت ندى ومايسه خلصوا ورجعوا العزبه تانى وناموا علشان يجهوزا لاحلى يوم فى عمرهم.

تانى يوم كانت فوزيه قاعده وسرحانه وبتعيط دخلت عليها مايسه وشافتها بتعيط وطبطبت عليها.

مايسه:مالك يا ماما زعلانه وبتعيطى ليه.
فوزيه:دى دموع الفرح ياحبيبتى أخيرا بقيتى عروسه جميله وكلها أسبوع او أسبوعين وتطلعى من حضنى وتبقى فى حضن جوزك.
مايسه:ياحبيبتى ما انا هابقى إجى ازورك أنتى وبابا وحياتى عندك بلاش دموع النهاردة كتب كتابى يعنى المفروض تفرحى.
فوزيه حضنت بنتها أوى وطبطب عليها بحنان ام :ربنا يسعدك يابنتى وتفرحى دايما يارب.... مايسه كمان حضنت أمها واستعدت لكتب كتابها على حبيبها.

الليل جه بسرعه ومايسه وندى لبسو الفساتين والحجاب وكانوا فى منتهى الجمال مع وضع ميكب آب بسيط أوى وجه المأذون وكتب كتابهم فى الجامع وعلت الزغاريد والمباركه لمايسه وندى وجاسم وهانى.وحضر أمجد كتب كتابهم.


أمجد :مبروك ياجاسم ألف ألف مبروك.

جاسم:عقبالك ياامجد.
أمجد :على فكره كتب كتابى على نجلاء الخميس الجاى يعنى الفرق مش كبير.
جاسم:ألف مبروك مقدما .
أمجد :الله يبارك فيك.

جاسم شاف مايسه واقفه بعيد وبتبص للقمر استأذن من أمجد وراح لها.

جاسم من وراها :تعرفى يامايسه أنتى أحلى بكتير من القمر اللى فى السما دة.
مايسه انتبهت والتفتت له وابتسمت ابتسامه ظهرت غمازتها اللى خطفت قلبه وعقله واتكلمت :بقى أنا أحلى من القمر برضه.
جاسم بهيام وعينه اللى مانزلتش على ملامحها: طبعا انتى القمر بنفسه مايسه أنا مهما وصفتلك حبى لكى من النهاردة لحد بكره مش ها قدر اوفيكى حبى ومشاعرى لكى.أنت جنتى اللى ببدا بيها حياتى.

مايسه:ياااااااه ياجاسم أنت بجد تعويض من ربنا ليا أنا مش عارفه ازاى كنت زعلانه على وائل إبن عمتى كنت فاكرة انى مش هاحب من تانى أنا حاسه أنى بحلم.حلم كان بعيد اوى واتحقق.

جاسم بخبث:طب إيه.
مايسه :إيه.
جاسم:طب بما أننا كتابنا كتابنا النهاردة ماتيجبى بوسه.
مايسه ضحكت والغمزيتن اللى فى خدودها بانت :هههههههههه جاسم أعقل بقى.

جاسم:لا بقى ماهو أنا هاخد منك بوسه يعنى هاخدها.......... مال على رقبتها و باسها برقه ونعومة مايسه دابت فيها وبعدين شفايفه عرفت طريق شفايفها واتعمق فى بوسته لها و بعد شويه بعد عنها وهى لسه تحت تاثير مشاعرة لها وكانت مغمضه عينها لكن بعدها فتحتهم ووشها احمر من كتر الخجل صحيح جاسم اصبح جوزها فى نظر الشرع والقانون لكن خجلها يبقى هو سيد الموقف جاسم ضحك لما شاف خجلها دة وفضل يتأمل ملامحها الجميله بحب. 2


مايسه بارتباك:جاسم ارجوك يلا نرجع العزبه علشان محدش يقلق علينا انت عارف بابا بيبقى على طول قلقان.

جاسم بنتهيدة:ماشى يامايسه خليكى اتقلى براحتك هانت كلها أسبوعين يانور عيونى وتبقى ملكى.
جاسم ومايسه رجعوا تانى العزبه وقضوا الليل كله وكلهم متجمعين مع بعض فى المضيفه الكبيرة وسط فرحه اهلها واهلة.



تانى يوم

فى فيلا السويفى كانت داليا بتقرا الجرنال.وشافت صور جاسم ومايسه مع بعض.
داليا بكره وحقد وغل :ودينى ماهاسيبك ياجاسم تتهنى باللى ماتتسماش دى وبكره لخليك تجيلى مذلول وراكع تحت رجلى واخد منك كل حاجه بعد مااخليك تشك فى حبيبه القلب بتاعتك وهاندمك ندم عمرك ماشوفته وبكره هاتشوف هاعمل ايه.

داليا اتصلت بشريف:أيوة يا شريف شفت الجرنال النهاردة.

شريف:أيوة شوفته.
داليا :اسمعنى يا شريف عاوزاك تجيلى حالا على الفيلا محتاجه اتكلم معاك.
شريف:أنا عيونى لكى يا قمر اامرى .
داليا:قدامك قد ايه.
شريف: امممممم أنا فى مشوار كده هاخلصه واجيلك.
داليا:ممكن أعرف المشوار ده فين.

شريف:أنتى عاوزة توصلى لا ايه ياداليا.

داليا:تعرف تخلصنى من مايسه.
شريف:ادينى نص ساعه وأكون عندك اعرف انتى عاوزة ايه بالظبط.
داليا:أوك وأنا مستنياك.
بعد نص ساعه وصل شريف لفيلا السويفى وفتحت له داليا بقميص نوم اسود مغرى شفاف وقصير وفرده شعرها الاسود الطويل اللامع. وشريف أول ماشافها تنح من جمالها.

شريف صفر باعجاب : ايه الجمال والشياكه دى قمر والنبى قمر .

داليا بدلع:اهو بس اللى يفهم المهم أدخل يا شريف.
شريف دخل وقعد على أقرب كرسى له ومنتظر انها تتكلم وبعد صمت طويل داليا اخدت نفس طويل وبعدين اتكلمت .

داليا:أنا عاوزاك تقتل لى البت اللى أسمها مايسه عاوزة انتقم منها واشفى غليلى منها.

شريف بعد تفكير :بس لقيتها .
داليا:إيه هى اللى لقيتها .
شريف :لقيت الطريقه اللى هانخلص بيها منها.
داليا:طيب قولى اوام.
شريف:انا هاقولك بصى ياستى ..........
داليا:قولى اوام انت بتفكر فى ايه ؟

شريف: بصى أنا وانتى هاندخل العزبه وهانعمل اللى اتفقنا عليه بس لازم تكون اعصابك حديد واوعى تغلطى والا هانروح فى داهيه .

داليا: طب ودى هانعملها ازاى بس ؟
شريف : انا عندى معلومات بتوصلنى عنها كل يوم بتأكد انها هى وعيلتها بيقعدوا فى المضيفه الكبيرة بتاع ابو جاسم وان المضيفه دى معموله مخصوص للحفلات والمناسبات وفى اخر اليوم ممكن يباتوا فيها وكمان فيها اضواء كتيرة هاستخبى فى حته وانتى عليكى تكملى الباقى وتخلصى منها .

داليا بخبث وشر :والله فكره مش بطاله بس التنفيذ هايكون امتى؟

شريف:ادينى يومين بالكتير وإحنا الإتنين نخلص منها ولو أنى شايف أنك بتتعبى فى نفسك على الفاضى ما إنا قدامك أهو يفرق أيه جاسم ده عنى على الأقل إنا ابن خالتك يعنى آنا أولى بيكى من الغريب.
داليا بضيق: يابنى آدم افهم أنا عاوزة اتجوزة علشان أرجع كرامتى اللى اتهانت بسببه وأخد كل املاكه وساعتها بقى.

شريف بفضول :وساعتها إيه ياداليا.

داليا:وساعتها بس أبقى لك ورهن اشارتك ياحبيبى.
شريف:وأنا عيونى لكى ياقمر.بس قوليلى افرضى خطتنا باظت.
داليا بمكر:ساعتها هاندور على خطه تانيه ماتشغلش نفسك أنا وراهم والزمن طويل أنا داليا السويفى ومسيرى هانتقم منهم إذا كانت هى أو هو.
شريف:تمام أوى على العموم أنا كمان عاوز أخلص من غريمى فى المطار.
داليا:مين هو.
شريف:أخو مايسه.

داليا :كويس أوى وبكدة نبقى ضربنا عصفورين بحجر واحد.

شريف:عن إذنك بقى يا قمر علشان ننفذ خطتنا .
داليا بدلع وقربت من شريف وحطت ايدها على خده واتكلمت بمسكنه:ماشى ياشريف.
شريف بهيام : عيون وقلب وروح شريف .
داليا ضحكت بمياعه وشريف حب يتقرب منها بس هى منعته.
داليا بخبث : حبيبى مش دلوقتى لما اعمل اللى فى دماغى الاول وبعدها هاكون لك ورهن اشارتك .
شريف : ماشى ياداليا هاصبر اما نشوف ايه اخرتها معاكى ...... وسابها ومشى .

تانى يوم فى العزبه .

هانى قاعد جنب ندى محاوطها بدراعته بتملك وهى حطها راسها على كتفه بصلها بهيام واتكلم باسف .
هانى:حبيبتى انا بتاسف لكى انا مضطر ارجع المطار بس مش تقلقى هأخد إذن وارجعلك على طول.
ندى:حبيبى خد بالك من نفسك وأبقى إتصل عليا على طول لحد ماترجع لى تانى.
هانى: حاضر ياندوشتى بحبك .
ندى:وأنا كمان بحبك ياروح ندوشتك.
هانى مسك ايديها وباسها برقه وبعدين ودعها ورجع المطار تانى.

عند جاسم ومايسه .

جاسم : تعالى نتمشى شويه فى جنينه الفاكهة .
مايسه :ماشى حبيبى يلا ...... جاسم اخد مايسه وراحوا لجنينه الفاكهة ولقوا ابوة وابوها هناك .
محمد : ابن حلال تعالى ياجاسم بص وقول لنا رايك .
جاسم باستغراب : بيت زجاجى ؟ حلو اوى الفكرة دى بس ياترى مين اللى قال لكم عليها .

محمد بص لمايسه : خطيبتك من زمان كانت قالت لى على الفكرة دى بس بعدها انت وقعت من على الحصان واتكسرت وفسخت خطوبتك من داليا وبعدها حصلت المشاكل الكتير اللى مرينا بيها ونسيت خالص اقولك على فكرتها .

جاسم بص لمايسه بحنان وحب : طول عمرها حبيبتى لها افكار جميله وحلوة زيها ربنا يبارك فيكى ياعمرى .
مايسه بصت للارض بكسوف وهو رفع وشها وهو بيتأمل ملامحها الجميله بشوق وعشق ملهوش حدود .
طه : ربنا يخليكى يامايسه يابنتى ويسعدك مع خطيبك يارب .

جاسم بضحك : خلاص بقى ياعمى بقيت جوزها .

محمد هز راسه بيأس : مش هاتبطل لماضه ياواد انت .
جاسم : الله مش هى دى الحقيقه .......... قرب من مايسه وباسها من جيبنها بحب وكمل : ربنا يخليكى ليا ومتحرمش منك ولا من وجودك ابدا فى حياتى وتفضلى منورة عليا دنيتى .
مايسه بحب اكبر : ويخليك ليا ياحبيبى ياكل دنيتى .

شريف خرج من عند داليا وكل واحد منهم جواة طاقه شر رهيبة يا ترى جاسم هايقدر ينقذ مايسه مراته وحبيبته من شر شريف وداليا.
رواية ما بعد الرحيل للكاتبة ياسمين أحمد الفصل العشرون

عدى يومين وبعدها هانى اخد اجازة من الرحلات لمدة اسبوع قضاهم وسط اهلة وندى اللى كان بيفرح جدا لما كان بيبقى معاها هى مش بس حبيبته ومراته لا دى هى كل حياتى وامله الجميل فى الدنيا كل يوم بيقضيه معاها كان بيلغى المسافات مابينهم اكتشف فيها صفات جميله جدا منها انها بتخاف عليه ومرحه ودمها خفيف كان معاها بيحس انه فى عالم تانى خالص وهى كمان اكتشفت فيه صفات حلوة منها خوفه عليها وعلى زعلها خلها تتمسك بيه اكتر وفى يوم وهما قاعدين مع بعض فى جنينه العزبة موبايله رن وكان واحد من زمايله مصر على الرن ولانه كان خايف على زعلها انه هايسيبها ويرجع الرحلات من تانى فقام من جنبها وبعد بعيد عنها ورد على صاحبه.


هانى : ايوة ياحسين مالك بترن عليا على طول ليه كدة ؟

حسين : معلش هانى القائد اتصل بيا وطلب اننا نكون متواجدين كلنا النهاردة .
هانى بضيق : طيب طيب ادينى ساعتين كدة وهاكون عندكم سلام .

هانى قفل موبايله والتفت لقى نظرة حزن فى عيون ندى حاولت تخفيها لكن دموعها فضحتها وعيطت بحزن هانى شافها كدة راح لها وطبطب عليها واتكلم باسف


هانى:معلش ياحبيبتى أنا مضطر أرجع المطار حالا علشان القائد طلبنا ضرورى.وأن شاء الله هاخلص بدرى وهارجعلك على طول.


ندى مسحت دموعها وابتسمت له:ماشى ياهانى بس خد بالك من نفسك ماشى وابقى طمنى عليك أول ماتوصل.

هانى بحب ومسك وشها بايدة.:حبيبتى أن شاء الله أول مااوصل هابقى ابلغك أنتى مالك كده ياندى قلقانة ليه.
ندى بقلق :معرفش ياهانى قلبى مقبوض وخايفه مش عارفة ليه.

هانى:طب أهدى دى مش أول مره أطلع فيها رحلات ولا أنتى بقى علشان بقيتي مراتى هاتقوليلى بتقابل مين من ورايا.ومتكلمش بنات والغيرة هاتشتغل عليا انا عارف هههه.


ندى بزعل: اخص عليك أنت بتسمى حبى وقلقى عليك غيرة ماشى أنا زعلانه منك....وجت تمشى بس هانى شدها من دراعها لحد مابقت فى حضنه وباسها من خدها برقه وملس بايدة على وشها بحب:أوعى تزعلى منى أنا مقدرش على زعلك منى.

ندى بعتاب:مادمت مش عاوزنى أزعل يبقى تطمنى عليك اول ماتوصل اتفقنا.
هانى بعشق:حاضر يا قلبى هابقى اطمنك عليا .
ندى ودعته:هانى لا اله الا الله.
هانى :محمد رسول الله.....ندى فضلت تراقبه لحد مااختفى عنها وهى اتنهدت براحه ورجعت شقتها من تانى.

فى المطار الكل كان مشغول بالرحلات وشريف كان كل تركيزة ازاى يتخلص من هانى لأنه أحسن وأفضل منه وانتهز فرصه أن الكل مشغول من مهندسين للكباتن برحلاتهم واتسحب بشويش من غير ما حد يشوفه وكان لسه فاضل ساعتين على ميعاد طيارة هانى طلع الطياره بتاعه هانى وعمل عطل فى اللاسلكي ومش بس كده ده كمان عمل خرم صغير جدا فى حجرة الوقود بآله حاده بس اللى ماكنش شريف واخد باله منه أن مجد كان بيراقبه من بعيد وكان بيصورة فيديو وهو بيلعب فى خزان الوقود بتاع الطياره اللى هايطلع بيها هانى.


شريف بخبث ومكر:أبقى ورينى شاطرك ياهانى ازاى هاتقدر تسوق الطياره وهى بايظه كدة ههه.

جه مجد من وراه واتكلم بصدمه : انت بتعمل إيه يا شريف؟
شريف انتبه:وانت مالك؟
مجد:والله عيب عليك اوى اللى أنت بتعمله دة عاوز تخلص من هانى صاحبك طب ليه.
شريف بحده:ملكش دعوة يامجد وخليك فى حالك دى حاجه بينى ومابينه حساب قديم بصفيه .
مجد بصدمه من كلام شريف :تقوم تخلص من صاحبك وعاوز تموته أنا لا يمكن أبدأ أسكت على كده.
شريف اتعصب عليه وزقه أوى لحد مازنقه فى الحيطه ومسكه من رقبته بعنف.

شريف بغل وبلغه تحذير :عارف يامجد لو فتحت بوقك ده هايكون آخر يوم فى عمرك انا سبق قبل كدة وحذرتك بلاش تقف فى وشى ياشاطر انت مش قدى .... مجد بعدة عنه وكان بياخد نفسه بالعافيه وبعدين فضل واقف قدام شريف بتحدى .


شريف خبطه بايدة على وشه خلطه خفيفه وكمل بتحذير: خد حذرك منى بقى.

مجد بتحدى:وأنا مش يهمنى لهجتك دى يا شريف ومابخافش منك........ولسه هايمشى جه عليهم هانى.
هانى:إيه ياجماعه هو أنتو على طول كده ناقر ونقير بطلوا بقى شغل العيال بتاعكم ده.
مجد بص لشريف بقرف وسكت.

شريف قرب وهمس فى ودانه:بلاش تلعب لعبه أنت مش قدها يامجد ها صدقنى هاتبقى جنيت على نفسك فاهم...........وسابه مشى.

هانى طيب خاطر مجد وطبطب على كتفه:مجد خلاص بقى متزعلش منه ماانت عارف انه طبعه كده بيتعصب بسرعه معلش.
مجد بحزن وقله حيله:ربنا يهدي كل واحد لنفسه ياهانى بس عندى رجاء صغير عندك ألغى الرحلات النهاردة أرجوك .

هانى :مقدرش ألغى الرحلات يامجد وسيبنى بقى علشان استعد.


بعد مرور الساعتين هانى سمع النداء الآلى لكن للاسف رفض يسمع لمجد حاول أكتر من مرة يمنعة من استكمال الرحله لكن للأسف هانى صم أذنه تماما :على جميع كباتن الرحلات التوجه إلى الرحلات فورا.


هانى:معلش يامجد انا لازم ألحق أركب طيارتى.

مجد مسك دراعه برجاء :بلاش أرجوك أطلب منهم اعفاءك من الرحله دى بأى شكل .
هانى:مالك يامجد فى إيه ماتتكلم وأيه اصرارك أنى ألغى الرحلات النهاردة؟
مجد:علشان خاطرى اسمع كلامى.
هانى:مجد انا بجد مش فاهمك وأنت كده بتعطلنى عن شغلى وكده ممكن أخد جزى أنت ترضى أنى أخد جزى.

مجد:لا طبعا مرضاش أنك تاخد جزى بس أرجوك فكر شويه أنا بتكلم علشان مصلحتك.

هانى باستغراب من صاحبه: مجد اتتكلم وخليك دوغرى فى إيه بالظبط.
مجد بيأس من صاحبه : مافيش حاجه .
هانى : خلاص مادام مافيش حاجه عن إذنك بقى علشان الحق ميعاد رحلتى سلام. 1

هانى ركب الطياره بمساعدة المساعدين اللى كانوا معاه وشريف ركب طيارة تانيه والركاب اللى فى طياره هانى ركبوا وهو طلع بيها وبعدها مجد راح علشان يبلغ القيادة فى المطار.

مجد وهو بينهج وبيتكلم بصعوبة:ياسيادة القائد لو سمحت الطياره اللى طلعت بايظه والكابتن هانى هو اللى راكبها أرجوك اتصرف قبل ما يحصل حاجه والطياره تقع بالركاب اللى عليها.

القائد بصدمه:أنت متأكد من الكلام اللى بتقوله دة يامجد.

مجد:زى ما انا متأكد أنى بكلم حضرتك يافندم.
القائد:يبقى مش قدامنا حل غير أننا نبلغ الطوارئ وبسرعه علشان لو فى حاجه حصلت نبقى جاهزين ومستعدين لها.
مجد:ربنا يسترها يافندم.
هانى بعد ربع ساعه من اقلاع الطيارة فقد السيطره عليها حاول يتفادى المطبات الهوائية لكن للاسف معرفش واحد من المساعدين شاف محرك من الطياره اتخلع من مكانه وولع واتكلم بفزع.
المساعد:ياكابتن فقدنا واحد من محركين الطياره.
هانى بارتباك:عارف ولسه شايفه والمشكله انى مش عارف اسيطر على الطياره والوقود بدا يخلص أما احاول إتصل بمقر القيادة فى المطار يزودنا بالوقود.

هانى جه يتصل باللاسكلى بس لقاة معطل.

هانى بفزع:حتى اللاسلكي معطل مش قدامنا حل تانى غير أننا نهبط هبوط اضطرارى علشان محدش من الركاب يحصل له أى حاجه سلامتهم عندى أهم من أى شىء.
هانى وهو بيحاول يسيطر على الطياره بعدها فقد المحرك التانى.
المساعد:ياكابتن فقدنا المحرك التانى.

الركاب بقوا فى حاله فزع وصراخ وعوايل اما هانى فحاول مايبينش خوفه وقلقه اللى اصابه علشان يعرف يسيطر على الموقف كله وساب مقعدة لواحد من المساعدين علشان يقودها بداله وطلع علشان يكلم الركاب: ارجوكم اربطوا الأحزمة كويس علشان احنا مضطرين نهبط هبوط اضطرارى لان حصل عطل فى الطيارة ومتخافوش أن شاء الله هأقدر اسيطر على الطياره وتنزلوا بسلام.


فى مقر القيادة مجد كان واقف خايف وقلقان على سلامه صاحبه .

القائد:ماشى ياهانى بس لما تنزل والله لتاخد جزى وتترفد كمان.
مجد باندفاع:هانى بريء يافندم الطياره كانت مصابه من قبل مايركبها وحذرته أن يلغى رحلات النهاردة بس للاسف ماسمعش كلامى.
القائد:كابتن مجد أنت كدة بتتستر عليه ودى تعتبر جريمه.
مجد : يافندم أنا مش بتستر عليه لأن دى هى الحقيقه هانى برىء يافندم ربنا يجازى اللى كان السبب.
القائد:إيه اللى يثبت كلامك ده.

مجد:الفيديو ده يافندم .......وطلع من جيبه موبايله وأعطاه للقائد

القائد :فيديو .......سكت شويه وعينه وسعت على اخرها لما شاف شريف : ايه دة الله !! ده شريف.
مجد:أيوة يافندم شريف انا شوفته هو بيلعب فى خزان الوقود علشان يلبس التهمة لهانى وكمان علشان يخلص منه.
القائد لواحد فى مركز القيادة فى المطار :حد يبعتلى شريف يجى حالا.
واحد من العاملين:يافندم شريف فى رحله دلوقتى.

القائد بعصبيه شديدة:أطلب منه ينزل بالطيارة فى مكان ويجيلى حالا.

الشخص:حاضر يافندم........واتصل على شريف وطلب أنه ينزل بالطياره فى أقرب مكان ويرجع للمطار.
بعد ساعه كان شريف نزل بالطيارة ووصل المطار وراح لمركز القيادة فى المطار.
شريف:تحت أمرك يافندم خير أن شاء الله.

القائد بحدة:لا مش خير تقدر تفهمنى معنى الفيديو ده إيه؟

شريف شاف الفيديو اللى كان مجد مصورة وهو بيخرم طياره هانى.
شريف بعدم تبرير:يافندم ده ماحصلش وبعدين أنا هأذى صاحبى ليه.
القائد:والله معرفش ياريت أنت تقول لنا ليه عاوز تخلص منه.
شريف بكدب:يافندم والله ما عرف حاجه عن الفيديو خالص ده أكيد فيديو مفبرك علشان هانى ومجد يخلصوا منى طول عمرهم بيكرهونى وبيحقدوا عليا انا مش ممكن اعمل كدة ابدا.

مجد:أنت كداب أنا شايفك بعينى دول وأنت بتخرم فى خزان الوقود علشان تخلص منه .

شريف:يافندم بالعقل كده حضرتك شوفت الفيديو صح.
القائد:أيوة شوفته.
شريف:أولا الطياره اللى كنت بخرم فيها خزان الوقود كانت قديمه وغير صالحه للطيران وكنت بخرمها علشان نستفاد من الوقود بتاعها احنا اولى بيه ثانيا الطياره اللى بيتكلم عليها مجد دى رقمها 465 والطياره اللى طلع بيها هانى رقمها 564 يعنى طياره تانيه خالص.

القائد فضل يبص فى الفيديو أكتر من مره وابتسم بثقه

القائد:أنت فعلا طلعت اكبر كداب يا شريف ودى طياره هانى مش طياره حد تانى أما الرقم اللى بتتكلم عليه ده هو هو نفس الرقم بس مجد لما صورك فيديو كان الموبايل فيه شاشه اماميه وخلفيه فالرقم بقى معكوس وبقى بالعكس اتفضل سلم شغلك وقيادتك فى المطار وكمان النيابة العامه هاتفتح معاك تحقيق موسع شامل وأعمل حسابك هنستدعاك كل يوم علشان ماتفكرش تهرب لحد ماتخلص التحقيقات .

شريف:اللى تشوفة يافندم......... وهو ماشى بص لمجد وشاور بايدة على رقبته كلغه تهديد ووعيد له

بعد نص ساعه هبط هانى بطيارته والطياره تقريبا فقدت كل محركتها وقدرت قوات الطوارىء والحمايه المدنيه بصعوبة أنهم يخرجوا الركاب بسلام وهانى أتنفس بعمق أنهم وصلوا المطار بخير ولما اتأكد من سلامه الكل راح على مقر القيادة.

هانى:أنا آسف يافندم أنا معرفتش اسيطر على الطياره ودى أول مره يحصل معايا كده انا مش عارف بالظبط ايه اللى حصل انا كل يوم بطلع بيها بس معرفش اشمعنى المرة دى.

القائد:الحمد لله ياكابتن قدر ولطف بس اللى ماتعرفهوش أن شريف هو اللى بوظ محركات طيارتك وخرم خزان الوقود ومش بس كده ده كمان قطع اللاسلكي علشان ماتعرفش تتصل بينا.

هانى بحزن: طب ليه دة انا عمرى ماعملت له حاجه اواذيته علشان يعمل معايا كده ده أنا طول عمرى كافى خيرى شرى وبحب الخير للكل ليه يعمل كده ليه.

القائد:الحمد لله ياهانى ربنا قدر ولطف المهم خلاص شريف انا طردته من المهنة دى لأنه مش يستحقها وأنا عاوزك تاخد يومين أجازة كده تغير جو وتبعد عن كل اللى حصل.
هانى بحزن:اللى تشوفه حضرتك عن إذنك يافندم.
القائد:مع السلامه.

هانى مشى وكان حاسس أن الدنيا بتدور وبتلف بيه ومخنوق لحد ما وصل العزبه ودخل المزرعه وكان للاسف رافض الكلام مع أى حد حتى ندى فضلت تندة عليه وهو تجاهلها وفضل ماشى فى العزبة سرحان وحزين. ندى فضلت استغربت انه متجاهلها ومكمل وبعدين وقفت قدامه علشان تمنعة .


ندى :مالك ياهانى فيك ايه حبيبى ؟

هانى:.................
ندى: رد عليا....بس هانى ساكت مش بيرد
ندى بدموع.كده ياهانى أبقى بكلمك ومتردش عليا .... وهو وكأنه جثه متحركه ماشى فى العزبة من غير اى هدف.
هانى:.............
ندى فضلت تهز فيه علشان يتكلم :هانى رد عليا بقى أنا بكلمك حرام عليك سكوتك قلقنى فى ايه يا حبيبى مالك.
هانى بص لندى بحزن :ندى ارجوكى سيبينى دلوقتى مش عاوز أتكلم فى أى حاجه خالص لو بتحبينى بجد سيبنى.
ندى بقلق:هانى أنا مراتك حبيبتك هاتخبى عليا .
هانى انفعل عليها واتكلم بعصبيه:قلتلك سيبنى دلوقتى لو سمحتى. وسابها ودخل من غير ما يرد على اى حد ودخل الشقة اللى فيها اهلة .

طه استغرب حاله ابنه اللى دخل بوجوم ووشه اللى كان يغنى عن اى سؤال ومش راضى يرد على حد:مالك يابنى فيك إيه اللى حصل.

هانى بحزن:مافيش يابابا أنا تعبان بس وعاوز أنام.
فوزيه:يابنى ريحنا وقول لنا مالك إيه اللى حصل.
هانى اتعصب وزعق:أرجوكم كفايه ضغط عليا ارحمونى بقى وسيبونى فى حالى . 7

طه وفوزيه سابوة وهو دخل الاوضه ورمى نفسه على السرير وانكمش على نفسه وصورة الطيارة وهو بيفقد السيطرة عليها ملازمة وكأنه شريط سينما بيعرض قدامه وجسمه كله بيرتعش راحت ندى علشان تطمن عليه هى وأبوها من بعد ماحكت له انه تجاهلها بعد رجوعة بالرغم انه لما ودعها الصبح كان كويس ولما رجع كانت حالته على غير الحال ودة زاد من قلقها عليه لكنها معذورة لانها ماتعرفش اللى حصل .

محمد دخل هو وبنته لهم وطه ومراته رحبوا بيه وبعدين ابوة راح علشان يبلغه ان حماة منتظره هانى قام وراح يستقبل حماة وهو لسه على حالته .

محمد :حمدا لله على السلامه يابنى.

هانى بحزن ووشه فى الارض:الله يسلمك ياعمى .
محمد شاف هانى فى حاله لاتغنى عن أى سؤال.
محمد:أحم ندى خليكى جنب هانى.

ندى:حاضر يابابا....... بعد شويه هانى استاذن منهم ورجع اوضته وندى راحت له وفضلت جنبه واخدته فى حضنها وهو دفن وشه فى رقبتها وفضل يعيط زى الاطفال لحد مانام وهو فى حضنها وهى فضلت قاعده جنبه وبتملس على شعرة لحد ماتاكدت أنه نام انسحبت بهدوء وطلعت قعدت مع أبوها وحماها وحماتها.


ندى بألم :المشكله أنى معرفش إيه اللى حصل.وسكوته تاعبنى اوى.

محمد:ماتفضليش تضغطى عليه يابنتى هو لما يروق هو هايحكى لنا إيه اللى حصل سبيه لحد ما يتكلم هوا.
ندى:حاضر يابابا ندى خرجت هى وأبوها من عند هانى وسابوة بهمه واللى حصله ماكنش سهل عليه.

بالليل شريف وصل لعربيه مجد وانتهز ان المكان فاضى ومحدش موجود ساعتها علشان يراقبه بوظ مكابحها بشكل محكم واستنى لحد ما مجد ركب عربيته وطلع بيها وشريف ساق عربيته هو كمان لحد ما وصل مجد لشريط السكه الحديد شريف جه من وراه بعربيته وفضل يزق فى مجد لحد مابقت العربيه قدام القضبان والإشارة قفلت عليه كان القطار جاى من بعيد بسرعة مخيفه مجد كان بيحاول يفتح باب العربيه بس للآسف معرفش حاول يكسر ازاز العربيه بس من غير جدوى اما شريف فركب عربيته بسرعه وبعد بعيد علشان محدش يلاحظ أنه عمل حاجه وبيراقب الوضع بمنتهى البرود وشاور له على رقبته كعلامه أنه حكم على نفسه بالموت وضحك بخبث وفضل يشوف القطار وهو بيقرب لحد ما دهس مجد والعربيه انفجرت واتفحمت وسط ذهول الناس اللى كانت ماشيه والعربيات واقفه من هول الصدمه.


شريف ابتسم بخبث وانتصار:لسه ماتخلقش اللى يهدد شريف البنهاوى يامجد بيه هههههه.


تانى يوم فى العزبه كان هانى لسه متجنب الكلام مع الكل.

ندى:وبعدين يابابا هانسيب هانى ساكت كده أنا قلبى بيتقطع علشانه ومش عارفه أعملة أيه.
محمد:روحى يابنتى اقعدى جنبه وحاولى تتكلمى معاه.
ندى:يابابا هانى من أمبارح وهو متجنب الكل حتى أنا رافض أنه يفضفض اويحكيلى أى حاجه.
محمد:معلش يابنتى روحيله تانى وحاولى تعرفى سبب حزنه.
ندى:حاضر يابابا .........ندى قامت وراحت لهانى وقعدت جنبه.
ندى مسكت إيد هانى بحب طبطبت عليه:هانى ارجوك اتكلم فضفضلى أما كنتش هاتحكي لى أنا هاتحكي لمين؟.

هانى بحزن وفع وشه لها واتكلم بمرارة:تصورى ياندى صاحبى كان عاوز يورطنى ويخلص منى انا لحد دلوقتى مش مصدق شريف باعنى كده بسهوله يخرم الطياره اللى هاركبها ومش بس كده ده كمان قطع اللاسلكي علشان ماعرفش أتواصل مع حد ولولا ستر ربنا كانت الطياره انفجرت بيا وبالركاب طب ليه كل ده أنا عمرى ما قدمت لحد أى إساءة يكون ده جزاتى طب ليه ياندى ليه .

ندى: معلش يا حبيبى بس فى حاجه مهمه أوى إنت نسيتها.
هانى:إيه هيا ؟

ندى :أن شريف يبقى أبن خاله داليا وممكن يكون اللى عمله فيك بأس منها علشان تخلص منك انت ومايسه

هانى بحزن:يلا أهو اتجزى واتطرد من شغله بس اللى حصل ماكنش سهل عليا ياندى صدقيني ماكنش سهل عليا ابدا.
ندى:معلش أنسى علشان ترتاح وعلشان خاطرى أنا ندى حبيبتك أطلع من الحاله اللى انت فيها دى.
هانى:حاضر ياحبيبتى حاضر علشان خاطر عيونك الحلوين دول.
ندى بحب: طب تعالى بقى لما نتمشى شويه علشان انت وحشتنى اوى.
هانى:أوك يلا.

هانى وندى اتمشو وبعدين رجعوا تانى المضيفه وفطروا كلهم مع بعض شويه وهانى فتح الجريدة كعادته بيتصفحه لقى مانشيت عريض بعنوان حادثه مفجعه ومروعة عن مصرع كابتن طيار تحت عجلات القطار ومحطوط صورة لمجد وهو جثته متفحمه .

هانى بحزن :لاحول ولاقوة إلا بالله الله يرحمك يامجد.
ندى:مين مجد دة ياهانى؟
هانى :ده صاحبى اللى صور شريف فيديو وهو بيخرم الطيارة. 3

جاسم بثقه:والله اللى انا شايفه ان موت مجد مش مجرد حادثه عاديه واحساسى بيقول انه بفعل فاعل.

هانى :تقصد يعنى أن شريف موته؟
جاسم:ده أكيد ومصلحه الطب الشرعى هاتقول إيه سبب الوفاة.بالظبط
هانى:أنا معرفش طب ولو شريف اللى عمل كده مصلحته إيه مش كفايه اللى عمله فيا ويخلص من مجد كمان والله حرام كدة كتير اوى عليا. 1

جاسم:فى ناس الحقد والغل مالى قلوبهم وأكيد أنه غيران منك وعلشان كده حب يخلص منك ولما فشل بعد مامجد كشفه وبين حقيقته قدام القائد بتاعكم حب ينتقم منه هو كمان.بس ماتقلقش مسير الحقيقه تبان.

هانى بأمل :يارب أمتى بس.
جاسم بثقه :قريب ان شاء الله ربنا هو المنتقم الجبار قادر يخلص لك حقك وحق مجد.

بعد يومين فى فيلا السويفى .

اتصلت داليا بشريف اللى كان نايم من كتر السهر ومتقل فى الشرب داليا فضلت ترن عليه لحد ما فتح.
شريف بنعاس:أيوة ياداليا.
داليا:أنت فين يا شريف.
شريف:فى البيت ليه.
داليا:طب تعالى علشان نشوف هانعمل إيه.
شريف بتوهان:نعمل إيه فى إيه.

داليا بعصبيه:لا بقولك إيه يا شريف أصحى وصحصح معايا كده .

شريف اتعدل من نومته واتكلم بزهق:انجزى ياداليا عاوزة إيه.
داليا :الظاهر أنك نسيت اتفقنا.
شريف:لا مانستش بس سيبنى يومين كده اظبط الأمور وبعدين اعملك اللى أنتى عاوزة.
داليا بعند:لا هاتيجى ودلوقتي يا شريف.
شريف بنفاد صبر:طيب طيب ادينى كده بتاع ساعه أقوم واخد شاور واجيلك اتفقنا.
داليا:ماشى يا شريف وأنا مستنياك.
بعد ساعه كان شريف وصل الفيلا فتحت له الخادمه ودخل.
شريف:ستك هنا.

الخادمه:آه ياسيدى ثوانى هاندها لك .بعد فترة جت داليا وقعدت معاة.

داليا:قولى بقى إيه اللى حصل.
شريف بدا يحكى لها كل اللى عمله علشان يخلص من هانى لحد ماطردته القيادة وفتحت معاة تحقيق موسع ولسه التحقيق شغال فى المطار.ولحد ماتخلص من مجد.
شريف:بس ياستى ده كل اللى حصل.بقيت خالى شغل بس اطمنى لأن بالرغم أن التحقيق لسه شغال معايا إلا أن الوحيد اللى شاف واقعه الطيارة مجد بس وأنا خلصت منه.

داليا بمكر وخبث أفعى :شريف نفذ اللى قلتهولك ولك عليا هأكلك الشهد.

شريف:أنتى جاهزة اللى طلبتيه منى.
داليا بمكر :أيوة جبت اللبس اللى هالبسه يوم مانوصل العزبه بس مش عاوزة أى غلطه تمام.
شريف :اامرى يا قمر بس هانعمل ده إمتى.
داليا:ياريت يكون النهاردة بالليل.
شريف:مش تقلقى هانخلص عليها.
داليا:ياريت يا شريف دى عامله زى القطط بسبع أرواح كل مره تنجى منها.
شريف بخبث :المرة دى ها تكون نهايتها على إيدك.
داليا:هايحصل وهاخلص منها.

بالليل فى العزبه الكل كان بيضحك والابتسامه مش بتفارق وشوش الجميع كانوا قاعدين فى استراحه كبيره والاستراحه دى فيها أوض للنوم .كان جاسم ومايسه قاعدين مع بعض بيهزروا ومعاهم هانى وندى أما محمد فكان قاعد يتكلم مع طه وفوزيه فى أمور أولادهم واستعدادت الفرح علشان يكون فرح جميل ويليق بيهم.الوقت عدى بسرعه والكل دخل اوضه علشان ينام ومن طبيعه مايسه أنها مش بتخاف من الضلمه وعلى طول بتنام والنور مطفى أوشبة موجود لكن اللى حصل بعد كده خلاها تخاف حتى من خيالها.


مايسه كانت نايمه ومستغرقه فى النوم وفجاه صحيت على أصوات غريبه جدا أصوات مرعبه حاولت تغطى وشها من الخوف ومع ذلك الأصوات دى بتعالى وبتقرب منها بدأت تخاف اكتر قامت ونورت النور اختفت الأصوات دى واستغربت نفسها لانها مش بتحب افلام الرعب طب ياترى ايه سبب الاصوات دى المهم تجاهلت الامر وطفت النور ورجعت علشان تنام تانى الأصوات رجعت أعلى من الأول طلعت من الاوضه وبصت لقت الأنوار بتطفى وتنور لوحدها .


مايسه بخوف:مين هناك مين.


بس للأسف محدش بيرد والأنوار عماله تطفى وتنور لوحدها وفجاه ظهر شكل واحده بلبس مرعب ومع الأنوار اللى بتطفى وتنور الواحده دى كل شويه بتقرب من مايسه والمسكينه بترجع بضهرها لورا وخايفه وفجأة انقضت عليها وعاوزة تخنقها وطبعا الوش المرعب دة ماهى الا داليا العقربه متنكرة فى لبس الست المرعبه اللى كانت فى فيلم الرعب THE Grudge أو الضغينه وفضلت تحاول تخنق فيها ومايسه بتصرخ وبتستنجد بأى حد ينقذها من ايديها .


مايسه :اااااااااااه جاسم الحقنى ياجاسم .......ولسه داليا بتخنق فيها مايسه حاولت تغرز ضوافرها فى رقبة داليا اوتشد اللبس من عليها بس فشلت وهى ايديها لسه على رقبتها لحد مافقدت وعيها وهربت بسرعه علشان محدش يشوفها اما جاسم فكان وصل على صوتها واتفزع لما شافها فاقدة الوعى .

جاسم بخوف وقلق:مايسه حبيبتى ردى عليا ردى عليا .
جاسم حاول يفوقها لكن مافقتش قاس نبضها لقاها كويسه بس مغمى عليها جرى وصحى ابوة.
جاسم فضل يهز فى ابوة:بابا بابا.

محمد قام بفزع:أيوة يابنى فى ايه تانى حصل ؟

جاسم:مايسه فقدت وعيها يابابا ومعرفش ايه اللى حصل بس فى على رقبتها علامه صوابع أنا لازم اخدها وأطلع بيها على المستشفى حالا لأنى حاولت افوق فيها وهى مش بترد عليا أنا خايف عليها أوى يابابا.
محمد:ماتقلقش يابنى خير أن شاء الله.

جاسم اخدها وشالها مابين دراعاته ووداها المستشفى وقلبه هايطلع من مكانه خوفا عليها.

جاسم بلهفه وخوف:عاوز دكتور بسرعه.
بعد شويه جه الدكتور وجاسم دخلها الاوضه والدكتور كشف عليها.
جاسم:مالها يا دكتور طمنى عليها.
الدكتور:جالها حالة إنهيار عصبى شديد وواضح أنها اتعرضت لصدمه كبيرة أوى وهاتفضل فى المستشفى يومين كده.لحد ماترتاح.
جاسم:طيب يا دكتور ممكن أفضل جنبها.

الدكتور:مافيش مشكله خليك جنبها لان الصدمة كانت قويه اوى عليها.

جاسم:أن شاء الله يادكتور.
مايسه كانت لسه تحت تاثير المنوم وفضلت تحت عين جاسم وماغبتش عنه لحظه قرب بشفايفه من رقبتها وبدأ يبوس مكان الكدمه ورجع قرب شفايفه من شفايفها واودع فيها كل مشاعرة لها. مايسه بالرغم من تعبها واللى حصل لها إلا انها صحيت وفتحت عينها بس كانت عامله نفسها نايمه وبعدين ضحكت ببراءة.
مايسه بتعب:مش عيب عليك لما تتحرش بواحده نايمه.
جاسم بصلها بضحك واتكلم بعشق:حبيبتى ألف سلامه عليكى دة انا كنت هاموت من قلقى عليكى.
مايسه اتعدلت واتكلم بثقه:الحمد لله ياجاسم طول ما انت جنبى هابقى كويسه وبخير.
جاسم:انا هاعمل المستحيل علشان محدش ياذيكى.

مايسه اترمت فى حضنه وفضلت تعيط وجاسم باس عينيها بحب ومسح دموعها.

جاسم:هشششش أوعى أشوف الدموع دى فى عنيكى تانى العيون الجميلة دى تضحك مش تبكى.......واخدها فى حضنه وطبطب عليها لحد ماهديت. بعد شويه الكل وصل المستشفى أبوها وامها وحماها واخوها وندى ودخلوا لها علشان يطمنوا عليها.
فوزيه بحزن على حاله بنتها:حبيبتى يابنتى... وحضنت مايسه.
مايسه:الحمد لله يا ماما أنا كويسه ماتقلقيش.

فوزيه:يابنتى كويسه ازاى بس دى علامات الصوابع معلمه فى رقبتك.

مايسه:عارفه يا ماما أنا حسيت أن اللى بتخنقنى النهاردة كأنها داليا.
طه: أن بعض الظن إثم يابنتى وبعدين داليا هاتيجى ليه العزبه بس ولية عاوزة تخنقك بلاش يابنتى كلام مرسل وخلاص علشان مش تاخدى عليه ذنب.
جاسم بضيق: لا ياعمى انا دلوقتى متأكد انها هى علشان تنتقم منى ومنها .
طه:يا بنى ماأنا من الأول قلتلك سيب بنتى وارجع لها بس أنت ماسمعتش كلامى.

جاسم:مع احترامى لحضرتك ياعمى أنا مش هارجع لداليا .أنا بحب بنتك ومش هاكمل حياتى غير معاها هى وبس لاداليا ولا غيرها يهمونى بشيء.

مايسه :ربنا يخليك ياحبيبى.
جاسم:ويخليكى ياحبيبتى ياحته من قلبى.
مايسه حست بالأمان فى حضن جاسم ونامت زى الأطفال فى حضنه من بعد ماالكل سابوها معاة.

iklan banner

Abdulrhman Sayed
كاتب المقالة
كاتب ومحرر اخبار اعمل في موقع قصص وروايات .

جديد قسم :