حكاية كل بنت رواية للكاتبة مروة حجازي الفصل الأول

وفى صباح يوم جديد على الزوجان والحبيبان


احمد:اصحى بقا يا ميرو ياحبيبتى ...ايه كل دا نوم...انتى مكنتيش بتنامى قبل كدا ولا ايه....اصحى بقا ياحبيبتى

اميره وهى تفتح عينيها ببطء :ايه ياحبيبى سبنى نايمه شويه ......

احمد:يالا بقا بلاش كسل ياواد ياحلو انت

اميره:انا قولت بلاش تقولى ياواد انت دى...
احمد:انا اقول لحبيبى اللى انا عايزه عندك اعتراض يا اخ انت...
اميره تمسك بالمخده وتضربه....
احمد :خلاص ياميرو انا اسف ياحبيبتى انتى بنت وست البنات ياعسل انتى
اميره:يوه بقا بتكسف الله.
احمد:ياختى على مراتى وهى بتتكسف يالهوى ياناس
اميره وهى تشعر بالفرحه:ربنا يخليك ليا يا حبيبى ....يالا بقا انا اقوم احضر الفطار

احمد:ياحبيبتى انا جهزت كل حاجه انتى ملكتى وانا مجهز لملكتى وحبيبتى احسن فطار فى الدنيا يالا قومى نفطر ياحبيبتى يامراتى

اميره فى نفسها :وهى تحمد الله فى هذه اللحظه على نعمه الزوج التى انعم الله بها عليها عوضا عن تلك الايام التى مرت بها فى بيت والدتها وزوج والدتها الذى لطالما ضايقها كلما رأها امامه فهو كان سئ وذو تصرفات لا تطاق او تحتمل ولكن هى تحملت من اجل هذا الزوج وانتظرت ولم تستسلم لقبول اى شخص تقدم لها من اجل الزواج بل تصدت للظروف واستحملت ........
نرجع تانى لحديث الزوجين .....
اميره وهى تشعر بالرضا :ربنا يخليك ليا يا احلى واحن زوج فى الدنيا .

وبعد ذلك


يذهب الزوجين لتناول الفطار وبعدها يأتى اليهم الزائرين ويرحبون بهم ويعيشون اسعد اللحظات ...

وبعد فتره من الزمن اى مرور (11) عام على الزوجين ويكون معهم الذكريات السعيده التى عاشت معهم منذ الزواج وحمل اميره بطفلتها كما تمنت وتشبهها وتحمل من ابيها جمال لون العين وبياض الوجه من امها والخدود واشفايف الورديه وشعرها الذى اخذ لون الذهب اى انها طفله تفوق الجمال طفله ال(10) سنوات

نجمه :مامى .....مامى ......

اميره:ايه ياروح مامى فى ايه مالك؟
نجمه:مامى ممكن ننزل انا وانتى بكره عشان اشترى لبس على ذوقى
اميره:وماله يامامى البس اللى بيجيبه بابى
نجمه:مامى انا كبرت وعايزه واختار لبسى على ذوقى ،كل اصحابى بيعملوا كدا يا مامى

اميره وهى تبتسم لانها شعرت ان ابنتها تكبر امامها وتقول:ياروح مامى هنززل ونجيب كل اللى انتى عايزاه بس فى حاجه لازم ناخد بالنا منها .

نجمه :وايه هى يا مامى..؟
اميره :بصى ياروح مامى احنا مش لازم نبص ولا نقلد غيرنا لان كل واحد وليه تفكير ومش لازم يا مامى حد من اصحابنا يعمل حاجه نعملها زيه
نجمه : مامى انا اسفه متزعليش منى انا مش هبص لحد تاتى
اميره:روح مامى انا مش زعلانه منك انا بس بقولك اللى لازم نعمله .
نجمه:ماشى يامامى خلاص انا عندى لبس كتير ومش هجيب ومش هقلد حد
اميره:لا ياروح مامى احنا هننزل نجيب عشان مامى عايزه تشوف ذوق نجمه حبيبت مامتها
وتطبع اميره قبله على خد ابنتها المدلله وهى تشعر بالسعاده لان الله اعطاها الابنه المطيعه والزوج الحنون......

ويدخل احمد وهو يبتسم لويه لرؤيه زوجته وابنته وتذهب نجمه لحضن ابيها وتقول له بابى تعرف نجمه عملت ايه النهاردا فى المدرسه يابابى

احمد:عملت ايه حبيبت بابى فى المدرسه
نجمه:نجمه طلعت الاولى فى المدرسه فى الامتحان بتاع الشهر دا يابابى
احمد وهويببتسم وفخور بتربيته لصغيرته
احمد :مبروك يا حبيبت بابى عايز هديتك ايه بقا
اميره :انت كدا هتدلعها زياده اوى يا احمد
احمد:وماله لما حبيبت بابى تدلع على على بابها
نجمه وهى مبسوطه :ماشى ياسى بابا انا عايزه هديتى بقا تجبلى شكولاته كتير كتير
احمد:اممممم بس كدا يابابى حاضر

اميره وهى تشعر بالرضا :ربنا يخليك لينا يارب ياحبيبى ومنتحرمش منك

احمد:ويخليكوا ليا يارب
اميره:اه صحيح كنت هنسى بكره بعد مدرسه نجمه انا هاخدها ونروح نشتريلها لبس
احمد:ليه مش انا لسه شريلها
اميره:اه ياسيدى بس البنت كبرت بقا وعايزه تجيب على ذوقها وانا مينفعش من اول طلب انها تعتمد على نفسها ارفض ولا ايه ياحبيبى...؟
احمد :اه بقا قولتيلى روح باباها عايزه على ذوقها والله كبرت اهى ،خلاص خديها بكره وخليها تجيب اللى هى عايزاه
اميره:ماشى ياحبيبى يالا انت روح خد دش وغير هدومك وانا هجهز الاكل ماشى
احمد:ماشى تسلميلى ياحبيبتى

ويذهب احمد وتجلس اميره لبضع دقائق تحمد الله على نعمه الحياه التى انعم الله بها عليها وصفاء حياتها ولكن لا حياه تدووووووم بصفاء لابد وان يحدث شئ يعكر ذلك الصفاء




احمد راجع من الشغل ومتضايق ،اميره اول ما شفته سالته مالك احمد قعد واتنهد تنهيده جامده وقال:انا اترقيت فى الشغل

اميره :مبروك يا حبيبى بس ليه حساك متضايق مع انك المفروض تنبسط وتكون فرحان
احمد:انا مبسوط بس الترقيه جاى معاها نقل لمكان تانى اعلى وفى مكان تانى يعنى هنسافر اسكندريه ونسيب القاهره

اميره :ياحبيبى دى فرصه كويسه

احمد :يعنى انتى مش هتضايقى من اننا هنسيب البلد
اميره:لا ياحبيبى دا شغلك واحنا لازم نستحمل معاك احنا هنسافر امتا باذن الله
احمد :بعد بكره باذن الله هنروح شقه فى عماره سكنيه تبع الشركه
اميره :تمام ياحبيبى هبلغ نجمه ونجهز نفسنا متقلقش
احمد:ربنا يخليكى ليا
اميره بابتسامه :ويخليك ليا

هما هيسيبوا المكان بس المكان هيكون جديد على نجمه ياترى هتتعود عالمكان ولا هتتعب فيه ؟

يالا نشوف ......؟

بعد ان سافروا واستقروا فى المكان الجديد وكانت هناك المفاجأت الكثيره لنجمه حيث انها تعرفت على صديقتها وجارتها

نجمه :ساره يالا هنتاخر عالمدرسه
ساره:حاضر يابنتى انا مستنيه بس لما محمد يجى
نجمه :احنا فى مدرسه وهو فى مدرسه نستناه ليه
ساره :بابا مش بيوافق ان نمشى من غيره
نجمه :امممم ماشى بس يالا بقا هنتأخر
محمد:يالا خلاص انا خلصت انا مش عارفه انتى كرهانى ليه ....
نجمه :مش عارفه يعنى واحبك ليه اصلا
محمد:طب يالا يا لمضه انتى وهى
ساره :يالا يانجمه ماحنا متاخرين لوحدنا مش وقت خناق انتى وهو
نجمه :يالا ياستى

ساره ونجمه فى الصف السادس الابتدائى ومحمد فى الصف الثالث الاعدادى ومحمد ونجمه كانو ناقر ونقير ......


خلص اليوم الدراسى ومروحين كل واحد ع بيته ونجمه دخلت البيت بكل مرح وحيويه


نجمه :ماما حبيبتى انا جيت وهموت من الجوع

اميره :حاضر يالمضه الاكل جاهز بس ايه مش هنستنا بابى
نجمه :اكيد نستناه هغير هدومى واجى احط الاكل معاكى
اميره :ماشى ياحبيبتى

ويدخل احمد باشوكولا بتاع الدلوعه اللمضه وينادى عليها وهى تطلع تجرى عليه وتحضنه وتبوسه وتقوله:بابى حبيبى يالا ادخل غير بسرعه عشان انا هموت من الجوع ومستنياك مامى قالت ناكل قولتلها لا نستنا بابى حبيبى

اميره وهى تضحك :اممم اه صح هى قالت كدا بالظبط
احمد يضحك لانه عارف بنته المفجوعه: امممم طب يالا يا مفجوعه ندخل ناكل هغير هدومى واجى
نجمه :ماشى ياسى بابى انا مفجوعه

احمد:انا قصدى على مامى يانجمه يالا خدى الشوكولا

نجمه:حبيبى يا بابا وتطبع قبله على خده
ويدخلون للاكل وبعد الاكل تجلس اميره وتذاكر لنجمه وتدخل نجمه عالنوم

فى صباح يوم جديد وبيكون الجمعه يوم الاجازه تاتى ساره لبيت نجمه لكى تصطحبها لنزهه معها هى واخوها وتذهب نجمه معهم ويكون هى وساره ومحمد واحلام بنت خالت ساره ومحمد وهى بتكون فى سن محمد


احلام :تعالى يا محمد نشترى ايس كريم

نجمه :لا احنا هنروح نتمرجح الاول وبعدها نشترى ايس كريم
احلام :روحى انتى وساره اتمرجحوا وانا هروح انا ومحمد
محمد:لا خلاص نتمرجح ونروح كلنا سوا مع بعض
احلام وهى متغاظه من نجمه :ماشى يالا

ويذهبون ويستمتعون باليوم بس فى حد مش مستمتع خالص طبعا احلام اللى هتموت من الغيظ من نجمه بس نجمه مش فى بالها اصلا المهم


بعد قضاء اليوم يرجعون للبيت وهم فرحانين


يخلص اليوم والكل ينام بس فى حد بيحب (حب مراهقه) محمد بيحب نجمه بس نجمه ولا فى بالها بس خدتوا بالكوا انها مدتش فرصه لاحلام تاخد محمد شكلها التانيه مراهقه ههههههههه.
حكاية كل بنت رواية للكاتبة مروة حجازي الفصل الثاني

النهاردا يوم غير عادى على بطلتنا يوم مليان من الاخر من دراسه وامتحان وعزومه

المهم يالا نشوف ....
اميره:اصحى يانجمه يالا ياحبيبتى هتتاأخرى عالمدرسه
نجمه:صباح الخير يا ماما هو انا اتاخرت فى النوم

اميره:اه ياحبيبتى اول مره تعمليها

نجمه:مش عارفه بس نمت محستش بنفسى
اميره:طب يالا ياحبيبتى قومى اغسلى وشك والبسى عشان الامتحان وعلى فكره عازمين بيت عمو انور بابا ساره
نجمه:اه ياماما ادعيلى احل كويس ومتنسيش تعملى اكل اللى انا بحبه
اميره:ههههههه كل همك الاكل ،طب يالا قومى بسرعه
نجمه تقوم وتجهز وكالعاده تنزل لساره .......
وانتو عارفين ساره يعنى هتنزل لمحمد

بس تخيلوا المره دى محمد جاهو ومستنى نجمه اكيد عشان يشوف السندريلا بتاعته

نجمه :غريبه دى انت جاهز وساره لسه
محمد:اه ياستى شوفتى بقا عشان متفضليش تقولى يالا ياساره محمد هياخرنا يتحدث وهو بيقلد طريقه نجمه الطفوليه....
نجمه:ههههههههه ماشى ياسيدى متشكرين
ساره:يااااااااه غريبه دى محمد ونجمه وبيهزروا لا والف لا كدا فى حاجه غلط
محمد: طب يالا يالمضه انتى وهى عشان هنتاخر عالامتحان
نجمه:تمام يالا ربنا يستر وننجح يارب وندخل اعدادى
محمد:يارب وانا ادخل الثانويه واحقق حلمى وادخل شرطه

ساره: امممم وانا اخيرا هاخد الاجازه

محمد ونجمه فى صوت واحد :هههههههه شوف كل همها الاجازه
ساره :يعنى انتوا مش عايزين الاجازه
محمد :اكيد عايزين بس احنا بنحلم بالمستقبل
ساره :انا غايزه اتجوز واقعد فى البيت ياخويا ومذاكرش تانى
نجمه :ههههههه اخلصى يابت انتى مين هيتجوزك اصلا
محمد:على رايك دى اختى وانا عارفه هى بس عايزه تهرب من المذاكره
يوصلوا المدرسه ومحمد يروح مدرسته ويخلصوا امتحانهم ويروحوا بيتهم مبتسمين

وفى مساء اليوم كان جرس الباب يرن ببيت نجمه

اميره :قومى افتحى الباب يانجمه
نجمه :حاضر جايه اهو ياللى عالباب
وتذهب لفتح الباب ويكون بيت الاستاذ انور وصلو اللى هما (ساره ومحمد وانور والدهم وصفاء والدتهم)
صفاء :اهلا يانجمه عامله ايه ياحبيبتى

نجمه:كويسه ياطنط انتى عامله ايه وهمو عامل ايه ..؟

انور :الحمد لاه ياحبيبتى عملتى ايه فى الامتحان النهاردا ؟
نجمه :كويس اوى انشاء الله هطلع الاولى ياعمو
انور وصفاء فى صوت واحد: انشاء الله يا حبيبتى
محمد:وسعى كدا يارغايه بقا خلينا ندخل
نجمه:طب متزقش طب ياعم الله
محمد:متزقش وعم انتى بتجيبى الكلام دا منين ....
نجمه:من السوبر ماركت ههههههه
ويضحك الجميع على طريقه نجمه وبرائتها
اميره :اتفضلو ادخلو ياجماعه واقفين ليه
احمد:طول مابنتك دى واقفه هيدخلو ازاى يعنى
نجمه :ماشى ياسى بابا

اميره :اتفضلو طيب ادخلو الجو السفره جاهزه والاكل هيبرد

ويذهب الجميع للاكل وطبعا بطلتنا مش هتسكت دى اللمضه بتاعتنا ........
نجمه :ماما ممكن تحطيلى كفته من قدامك
محمد:ارحمى نفسك شويه يابنتى
نجمه : الله بقا متاكل وتسبنى اكل
صفاء:ايه يامحمد ماتسيبها تاكل وكل زيها
انور :هو محمد يقدر يقعد كدا وميجرش شكلها دا ناقر ونقير
محمد: خلاص خلاص كل دا عشان نجمه انا اسف ياسندريلا
اميره: لا ياحبيبى متتاسفش انت مش غلطان انت معاك حق هى مبتشبعش
نجمه :ياسلام يامامى بقا كدا طب هاتى بقا طبق الكفته كله
ويضحك الجميع ....

ويذهبون لمشاهده التلفزيون والاطفال يلعبون ويمرحون وهم فى جو لايخلو من الهزار


وبعد عده ايام تظهر النتيجه ويعم الفرح بسبب نجاح محمد فى الاعداديه بمجموع كبير ونجاح ساره ونجمه كالعاده الاولى .......ويفرح محمد كثيرا لنجاح ساره ونجمه


احلام : ماتيجى يا محمد نتفسح شويه احنا ف اجازه وناجحين ،انا مش مصدقه ان نجحت وهدخل ثانوى

محمد:ناجحه وجايبه مجموع بالعافيه
احلام:المهم نجحت وهبقا معاك ،ها يالا نروح نتفسح
محمد:ماشى هنروح البيت نجيب ساره ونجمه
احلام :انا مبحبش نجمه دى
محمد:ليه دى حتى عسوله ودمها خفيف
احلام: مين دى اللى عسوله دى حتى رخمه اوى
محمد: متتكلميش عن نجمه كدا يا حلام مره تانيه
احلام وهو تشعر بالغيظ: ماشى ماشى
محمد: هتيجى معاياوولا غيرتى رايك وهتروحى
احلام : هاجى معاك
طبعا ماهى بت بارد ومتقدرش تسيبه
المهم ...

محمد: ساره ..... بت يا سو

ساره : نعم يا محمد فى ايه ؟ محمد: روحى هاتى نجمه ويالا هنتفسح هديه منى على نجاحكو
ساره : انت استأذنت من بابا ومام الاول
محمد: انا هروح استأذن وانتى روحى لنجمه
ساره : خلاص ماشى
يذهب محمد لوالده ويستأذنه ووالده يوافق
وتذهب ساره لنجمه ولكن لم تتمن من الذهاب لشده اعيائها ....

ساره : طنط نجمه فين

اميره: نجمه تعبانه عندها سخونه جامده يا ساره
ساره: الف سلامه عليها ياطنط ،هى نايمه ولا ايه
اميره : اه نايمه يا حبيبتى
ساره : خلاص ماشى يا طنط انا كنت جايه اخدها هنتفسح
اميره :ياريت كانت صاحيه وراحت معاكم بس يالا بكره تصحى وتيجى معاكم
ساره: ماشى ياطنط انا هبقا اجى تانى اشوفها

فى بيت انور

ساره: يالا يا محمد
محمد: امال نجمه فين
ساره : نجمه مش هتيجى معانا
محمد: ليه هى طنط موافقتش
ساره: لا بس نجمه تعبانه شويه
محمد: ايه !..ليه كدا ؟ ....حصل ايه ؟.
...وتعبانه من ايه ؟.......

ساره : بالراحه بالراحه ايه دا كلو عندها سخونه عادى وطنط قالت هى نايمه

محمدوهو متضايق : طيب ماشى
احلام : طب ايه هى مش هتروح يالا احنا بقا
محمد: لا بقا خليها وقت تانى تكون نجمه خفت
ساره : لا يا محمد يالا بقا عشان خاطرى
محمد: خلاص بقا ياساره وقت تانى
انور : ايه يا محمد اختك بتتحايا عليك يالا روح فسحها هى وبنت خالتك
احلام وهى تشعر بالانتصار : يالا بقا يا محمد
محمد وهو متعصب (ياعينى عليك يابنى ): يالا ......

واثناء الخروجه لم يستمتع محمد ولم يذق طعم الراحه ويشعر بالضيق لعدم وجود نجمه التى كانت تجر شكله

احلام : ايه يا محمد فى ايه سرحان فى ايه ..؟
محمد: لا مفيش حاجه عادى
احلام : كل دا عشان ست نجمه المفعوصه مش معانا
محمدوهو على تكه وهيضربها : قولتلك قبل كدااااااا متكلميييييييش عن نجمه كدااااا مفهووووووم........
احلام وهى تشعر بالخوف من طريقته : ماشى ماشى
يالا روح هاتلى ايس كريم (بارده اوى البت دى )
محمد: روحى انتى هاتى يا احلام

احلام : ولو نجمه اللى طلبت كنت جبت فى اقل من ثانيه

محمد: اه لو نجمه كنت جبت بس انتى مش نجمه
احلام : ايه انت بتكلمنى كدا ليه
محمد: قولتلك متكلميش عن نجمه بطريقه مش حلوه انتى بقا مش عايزه تفهى
احلام : محمد انت فى ايه من ناحيتك لنجمه
محمد : ....
حكاية كل بنت رواية للكاتبة مروة حجازي الفصل الثالث

احلام :محمد انت فى حاجه من ناحيتك لنجمه

محمد : حاجه !قصدك ايه انا مش فاهم ؟
احلام : لا يا محمد انت فاهم وفاهم كويس اوى كمان انت تصرفاتك كلها بتقول انك بتحب نجمه

محمد: احلااااااااام انتى ايهواللى بتقوليه دا حب ايه انا لسه فى اولى ثانوى وهى فى اولى اعداى انتى فاهمه بتقولى ايه

احلام : اه يا محمد انت مش بتبقا شايف انت عامل ازاى
محمد: احلام يالا نمشى
احلام : خلينا شويه
محمد: روحى نادى ساره عشان هنروح
احلام : .........
محمد : ماشى متروحيش
ساره يا ساره يالا هنمشى
ساره : ايه يا محمد احنا لسه جايين خلينا شويه

محمد : يالا يا ساره انا تعبان ودماغى مصدعه

ساره : ماشى يا حبيبى يالا نروح
احلام : يالا يا محمد والف سلامه عليك
محمد: الله يسلمك ياختى
ويذهب محمد وساره واحلام تروح بيتها

محمد قاعد بيفكر مع نفسه : انا ليه اتضايقت على نجمه كدا معقول انا بحبها فعلا انا مش عارف ولا فاهم حاجه انا لازم ابعد نفسى عن نجمه ودا قرارى الاخير


ساره رايحه تطمن على نجمه والحمد لله نجمه كويسه .....

وبعد ماخلصت الاجازه ومحمد كان بيتحاشى نجمه وبيبعد غنها وهى حست بكدا وكانت متضايقه
وابتدت الدراسه ومحمد فى اولى ثانوى هو واحلام علاقتهم اتحسنت من بعد مابعد عن نجمه
اما نجمه كل شويه تسال محمد اذا كان زعلان منها وهو يقول لا بس هى زعلانه منه عشان هو تاركها ومش مهتم بيه وهى بتحب اهتمامه وجر شكله ودخلت المدرسه واتعرفت هى وساره على صاحبه جديده اسمها (ياسمين ) بس ساره محبتهاش وعلى طول تقول لنجمه بلاش تصاحبيها بس نجمه ببرائتها قالتلها : مالها يا ساره دى طيوبه خالص.

ساره : انا مش بحب البت دى مشفتيش بتقعد تهزر مع محمد اخويا ازاى مع انها لسه عارفاه

نجمه : انتى غيرانه على اخوكى
ساره : انتى بريئه اوى يا نجمه بس اديكى هتشوفى البت دى مش عجبانى
نجمه : طب بس لاحسن الميس دخلت
ساره : ماشى

وبعد انتهاء اليوم المدرسى يذهب الكل لبيته


نجمه : ماما انا جيت وعايزه اكل

اميره : حاضر يا حبيبتى بابا لسه مجاش

نجمه : ماشى انا هدخل اخد دش واغير يكون ابا جه

اميره : ماشى يا حبيبتى

احمد يجى ويدخل يطمن ع الدلوعه حبيبته ويجر شكلها ويسالها يومها عامل ازاى وهى تحكيله وياكلو ويجى ميعاد درس نجمه عند بيت ساره لانه المدرس عم ساره عشان كدا بياخدوا فى البيت ساره ونجمه وياسمين


فى بيت انور

ساره :ياسمين اتاخرت يا نجمه باقى 5 دقايق وعمو يجى
نجمه : الغايب حجته معاه اديها زمانها جايه
ويرن الجرس ويجى المستر قبل ماتيجى ياسمين بس المستر هيبدا مش هيستنى ويفوت ربع ساعه من الحصه ويرن الجرس وتكون ياسمين واللى هيفتح محمد
محمد: اتاخرتى يعنى
ياسمين : اعمل ايه يا حمو يعنى الطريق زحمه
محمد : حمو طب ادخلى يا ياسمين المستر بدأ من بدرى وبعدين نشوف حمو دى
ياسمين : هههههههه ماشى يا حمو
محمد : ادخلى ادخلى
وتروح ياسمين اللى طلعت فعلا زى ماساره حاسه طلعتى بتحسى ياساره .......ههههه

المستر : اتأخرتى ليه ياسمين

ياسمين : الطريق يا مستر
المستر : دى مش اول حصه يا ياسمين انا هتصل بوالدك عشان اقوله
ياسمين : اسفه يا مستر اخر مره
المستر : كل حصه كدا
نجمه: خلاص يا مستر اخر مره
ساره : ملناش دعوه احنا المستر يعمل اللى عايزه
المستر : بس بلاش دوشه يالا نبدأ
وياخدوا الدرس وتطلع نجمه ويشوفها محمد بس برضوا بيصدها

نجمه: محمد عامل ايه فى المدرسه

محمد: حلو
نجمه : انت هتفضل تكلمنى كدا
محمد: بكلمك ازاى
وتدخل ياسمين فى ايه مالكوا كدا دمكوا تقيل
محمد : عن اذنكوا يا جماعه
ياسمين : رايح فين يا حمو
محمد : هروح البس عشان عندى درس

وذهبت نجمه لبيتها وساره ذهبت لغرفتها ولكن ياسمين تتحدث بالهاتف

......: : وحشتينى
ياسمين : بكاش مانا لسه كنت معاك من شويه
........::بقولك اللى حاسس بيه يا ستى
ياسمين : اه صح دانت حتى مسالتش فيا وعملت نفسك مش عارفنى
محمد: لازم اعمل كدا عشان اختى ونجمه ميفهموش
ياسمين: ساره اختك دى مش بطقنى معرفش عملالها ايه
محمد: هى بتضايق من اى حد يهزر معايا

ياسمين : نجمه بتضايق اوى انك بتكلمه بالعافيه .الا صحيح انت بتكلمها ليه كدا دا حتى هى اولى من الغريب

محمد: نجمه زى اختى بس هى مش بتاع كلام فاضى
ياسمين : قصدى ان انا اللى ليا فى الكلام الفاضى
محمد: انا مقلتش كدا انتى بقا عايزه تفهمى كدا دا حاجه تخصك
ياسمين : ماشى يا محمد بكره نشوف اللى ملهاش فى الكلام الفاضى دا
محمد: قصدك ايه بالكلام دا ، ياسمين انا قادر ابعدهم عنك بس انا مش راضى وانتى فاهمانى
ياسمين : ولا قصدى ولا حاجه
محمد: طب يالا هقفل عشان الدرس بدأ
وينهوا المكالمه وياسمين تتوعد لنجمه بشئ ما

بعد مرور الترم الاول من الدراسه وبالنجاح ويبدأ الترم الاخر وتقربت ياسمين بشكل ملحوظ من نجمه واصبحت اقرب اليها من نفسها وهذا الشئ ضايق ساره كثيرا وانصحت ساره نجمه بالبعد عن ياسمين ولكن لا حياه لمن تنادى


ياسمين : تيجى نخرج النهاردا يا نجمه

نجمه : بابا مش هيوافق
ياسمين : حاولى تقنعيه باى حجه قوليله رايحه مع ياسمين تجيب ورق
نجمه: اكذب ع بابا لا طبعا
ياسمين : مش هتكذبى ولا حاجه مانا هجيب ورق
نجمه : خلاص اقول لساره ونيجى
ياسمين : بقولك ايه فكك من ساره لا هى بتطقنى ولا انا بطيقها
نجمه : ليه بس

ياسمين : يالا بقا يانجمه مره من نفسنا من غير ست ساره

نجمه : ماشى هروح استأذن بابا ونروح
ياسمين : متاخريش هستناكى
نجمه: اوك
وتذهب نجمه لوالديها وتطلب الاذن بحجه الورق
وتذهب هى وياسمين ويجلسان مع بعضهم فى احد النوادى ويتحدثان وفجأه
حكاية كل بنت رواية للكاتبة مروة حجازي الفصل الرابع

وبعد ان تذهب نجمه مع ياسمين بحجه الورق ويجلسون فى احد النوادى وفجأه ........

ياسمين : ايه انت بتعمل ايه هنا ؟
ياسين : انا جاى اقعد شويه مع واحد صاحبى انتى بتعملى ايه هنا ؟ ، ومين القمر دى !
ياسمين : انا كنت فى درس والمستر هيتأخر شويه فقولت نيجى نستناها هنا وبعدها هيرن عليا ونروحله

ياسين : طب ماتعرفينا

ياسمين : اه دى نجمه صاحبتنى معايا فى الدرس
ياسين وهو يمد يده ليسلم على نجمه : اذيك يا قمر
نجمه وهى متلبكه ومتوتره : اهلا اذيك
ياسين : طب بحيث ان صاحبى لسه مجاش انا هقعد معاكوا لحد مايجى
ياسمين : اه اه طبعا اقعد

ويجلس ياسين وياسمين ونجمه متوتره وقلقانه حد يشوفها وبعد فتره من الوقت يرن هاتف ياسمين وترد على انه المستر ( اه يا لئيمه ) ويكون المتصل ( محمد)

ياسمين : طب ثانيه هرد عالمستر واجى
ياسين : خدى راحتك ( طبعا ماهو معاه نجمه هيعمل ايه بياسمين )
ياسمين : ايوا يا حمو
محمد : ايوا يا ياسمين لقيتك رن عليا بس كنت نايم
ياسمين : اصل كنت طالعه انا ونجمه نتفسح كنت عايزاك تيجى
محمد: انتى فين وانا اجيلكم
ياسمين : لا خلاص مش هينفع انا اتصلت بواحد صاحبى هو جيرانا وجا معانا وهو قاعد مع نجمه
محمد: مين اللى قاعد مع نجمه
ياسمين : جارى قاعد معاها مانا قمت عشان ارد عليك وهو قاعد معاها
محمد: انتى بتستهبلى يا ياسمين صح انتى ازاى تسبيها معاه نجمه اكيد قلقانه انتوا فين
ياسمين وهى تشعر بالغيظ لثقه محمد بنجمه وتأكدها من انه يحبها تسرح للحظه وتقرر فى نفسها ان تكسر تلك الثقه

ومن جهه اخرى نجمه وياسين الذى اطلق النكت الكثيره وتقرب من نجمه وسمع ضحكتها التى ملأت قلبه بالسعاده وشعر ان نجمه ملاك ولابد ان يحفظ بعيد عن الاعين


محمد: بنت ال...... قفلت فى وشى انا اعرف منين دلوقتى هماا فين ؟.....

ابعدك ازاى يا نجمه عن ياسمين دى انتى متعرفيهاش انا لازم اعمل حاجه بس ازاى وانا متجنبك انا اكيد لو اتكلمت معاكى هتفهمينى !

ياسمين : ايه الضحك والهزار دا كلو

نجمه: اخوكى دمه خفيف قوى يا يا ياسمين
ياسمين فى نفسها : سهلتها عليا اوى يا ياسين

نجمه : ها مش هنمشى

ياسمين وهى مرتبكه : اه يالا المستر قال تعالو
نجمه: مستر ايه
ياسمين وهى تتضغط على يد نجمه وتقول : يالا سلام يا ياسين
ياسين : اجى اوصلكم
ياسمين : لا ياحبيبى متغلبش نفسك احنا هنروح دا المستر خطوه من هنا
ياسين : هشوفك تانى يا نجمه
نجمه : اكيد انشاء الله

وتذهب نجمه وتسال ياسمين : لماذا كذبتى على ياسين وقلتى اننا ذاهبون درس ونحن لسنا ذاهبون ياسمين : انتى هتفتحيلى س وج

نجمه : انتى بتكلمينى كدا ليه
ياسمين وهى شعرت انها ستضيع فرصه كسر الثقه بين محمد ونجمه : معلش انا بس مكنتش قايله لبابا ان هخرج قولتله عندى درس
نجمه : طب وكذبتى ليه على باباكى
ياسمين : خلاص بقا يا نجمه
ويذهبون وتذهب نجمه لبيتها وترى ساره تنتظرها وفى عينها نظره تسأؤل
ساره : كنتى فين كدا

نجمه : كنت مع ياسمين بتجيب ورق

ساره : ورق ايه دا انتى بتكذبى زيها
نجمه : اووووووف عايزه ايه ياساره
وفى هذا الوقت يدخل محمد ويراهم عالسلم ويتحدثون عن ياسمين فيستغل الفرصه ويطلب منها الابتعاد عن ياسمين
محمد: نجمه انتى كنتى بتعملى ايه مع ياسمين وخرجتوا مع مين
نجمه وهى مرتبكه فكيف علم بالامر : ها كنا بنجيب ورق
محمد : انتى كذابه انتى مكنتيش كدا ومين الولد دا اللى خرجتى معاه وكنت قاعده انتى وهو

نجمه : دا اخوها

محمد وشعر بالوجع لكذبها عليه فياسمين قالت انها جارها : كنتى مع اخوها والله طب استنى كدا انا هسمعك حاجه
ويتصل محمد بياسمين وترد وتقول
ياسمين : حمو عامل ايه
محمد وهو يمثل : حبيبتى وحشتينى وهنا تشعر ساره ونجمه بالكسوف وعدم التصديق بان صديقتهم هكذا

ياسمين : وانت اكتر

محمد: قفلتى وانا بكلمك دانا كنت هجيلكم اقعد معاكم بدل جيرانكم دا
ياسمين : ياريتك كنت جيت عالاقل كنت تونسنى لاحسن كانت نجمه واخده القعده كلها مع احمد جارنا
شعرت نجمه بانها تريد اخذ الهاتف وتكلم ياسمين وتطلب منها ان تاتى لكى تضربها
محمد: اه يعينى بقا كدا كنتى قولتيلى كنت اجيلك بس يالا بقا انتى قفلتى
ياسمين : لا دا الموبايل فصل
محمد : تتعوض انشاء الله هقفل دلوقتى واكلمك بعدين
ياسمين : باى يا حمو

محمد : ها لسه هتكذبى برضوا

نجمه : والله هى اللى كذابه دا كان ياسين اخوها وشافنا صدفه وانا معملتش حاجه غلط عشان اكذب
انت ازاى كدا انت معندكش دم انت بتحب ياسمين عشان كدا مش هتصدقنى

كاد محمد ان يقول لها انا احبك انتى ولكن اوقفه التفكير فى ان نجمه اصبحت مثلها مثل ياسمين كاذبه وتجلس مع الشباب وتحدثهم فتركها ورحل بعد ان نظر لها نظره احرقتها

وساره لم تكن قادره عالحديث بعد الذى سمعته
ولكن حاولت التخفيف عن نجمه التى كانت تبكى ولكن دون جدوى لان محمد اعتبرها كاذبه وصديقتها تبلت عليها ولا تعرف لماذا ولا تريد ان تعرف لانها كرهتها هى وذلك الذى لم يثق بها فلماذا تسأل وتستفسى هى تعرف نفسها ولا تريد ان تعرف شئ اخر

وبعد اسبوع جاء موعد الدرس الذى كانت نجمه لا تحضره وكانت متجنبه ساره و ياسمين ولم تعاتبها بشئ ولكن الشئ الذى استغربته كيف هو التمثيل وكيف اتقنته ياسمين فهى تتعامل بكل الحب معها وتريد ان تعرف مابها نجمه


وجاء موعد الدرس ودخول المستر وتاخر ياسمين كالعاده ولكن هذه المره انتقم الله لنجمه عندما اتت ياسمين قام المستر بطردها وتجنبها محمد وعلمت ساره انها حدثت مشكله وعلم اخاها عن علاقتها بمحمد وقام بضربها ضربا مبرحا ظهر على وجهها


ساره : الحمد لله ربنا انتقملك

نجمه : متتكلميش فى الموضوع دا يا ساره لو سمحتى
ساره : انتى اتغيرتى يا نجمه حتى طنط اميره كانت بتحكى لماما عنك وانك بقيتى بتقعدى ساكته وباباكى متضايقك لكدا ارجعى نجمه اللى كنا عرفينها انا ياما قولتلك تبعدى عن ياسمين ومسمعتيش كلامى
نجمه : متشكره يا ستى فكك منى بقا ع انا على اخرى ومش طايقه نفسى
ساره : انتى بتتكلمى كدا ليه
نجمه: سلام انا طالعه
ساره : انتى واحده غبيه
طبعا كانت نجمه طلعت

وبعد مرور الفصل الدراسى والامتحانات ونجاح ساره ونجمه ومحمد بس نجمه مش الاولى عشان اتاثرت طبعا ودخلنا للسنه الجديده ومحصلش فيها حاجه تذكر نجمه فى حالها ومع نفسها واتجنبت ساره وكرهت محمد ومتعرفش حاجه عن ياسمين وتعدى السنه بخيرها وبشرها وتيجى سنه تحديد المصير وتذاكر نجمه بجد واجتهاد عشان تدخل ثانوى وتحقق حلمها فى انها تكون اعلاميه كبيره ومشهوره.


وتدخل الامتحان وتنجح وتدخل الثانويه وساره كمان من المتفوقين ومسبتش نجمه بصراحه كانت بتطمن عليها ولسه بتحبها وبتتمنالها الخير ومحمد محققش حلمه فى ان يدخل شرطه ودخل كليه اداره اعمال واضطر يسافر محافظه تانيه يكمل فيها جامعه وبيكلم بنات كتير وبالنسبه ليه حب نجمه كان مراهقه وحاجه واتناست مع الايام وفى عقله ان اكيد مفيش حب والبنات كلها كذابه.


اما ساره فكان فيه واحد معاه فى الدرس وبيشاغلها كتير وهى اتعلقت بيه وبقت تحب الدرس العربى لما يجى عشان تروح تشوفه واحلام دخلت كليه الهندسه وبرضوا لسه بتحب محمد وهو ولا فى دماغه.


وتعدى السنين وتكبر نجمه وتدخل 3 ثانوى وتجيب مجموع وتحقق حلمها وتدخل كليه اعلام اللى هى نفسها فيها

وساره دخلت كليه علوم مجموعها مجباش طب
ولسه بتحب صاحبها وبتكلموا وبيتقابلو بس ياترى هو بيحبها؟.....

واول يوم هتنزل فيه نجمه وساره الكليه وعلاقتهم رجعت زى الاول


اميره : اصحى يا نجمه انتى كبرتى وبرضوا لسه بصحيكى يا ماما

نجمه : اكيد ياست الكل ربنا يخليكى ليا
اميره ويخليكى لينا يالا عشان بابا مصمم انه هيوديكى النهاردة مش مصدق ان بنته كبرت
نجمه : امممم قولتيلى الحاج عايز يودينى
اميره : ابتدينا فى كلام الشوارع دا اسمه بابا يا نجمه

نجمه: ماشى يا حاجه

اميره : يووووه انا غلبت معاكى

احمد : مال صوتك عالى ليه

اميره : البت دى كبرت وبرضوا مخها لسه صغير
احمد : هى هتفضل الصغيره بتاعتنا ربنا يخليهالنا دى هى اللى ربنا رزقنا بيها بعد ماتعبنا عشان نخلف تانى بس ربنا ماردش
اميره :اسفه يا حبيبى كنت نفسى اجبلد ولد بس الدكتور قال ان مينفعش اخلف تانى قلبى مش هيستحمل
احمد: ومين قالك ان عايز ولد معايا نجمه اهى ب100 راجل ربنا يخليهالنا وتكبر قدامنا ونفرح بيها ويخليكى ليا اهم حاجه عندى صحكتك
اميره : ربنا يخليك ليا يا حبيبى

نجمه : انا جاهزه يا بابا يالا عشان منتأخرش

احمد : يالا يا روح بابا

فى الجامعه وبعد مايوديها احمد ويسبها ويمشى تدخل الكليه وهى مبهوره من المنظر والناس الكتير وفرحانه انها فى المكان اللى نفسها فيه

وتروح تشوف جدول المحاضرات وتلاقى زحمه وهى قصيره بقا ومش قادره تجيبوا راحت الكافيتريا تشرب حاجه يكون المكان هدى وهى فى الكافيتريا تيجى واحده تكلمها وتسالها عن الجدول فتقولها انها لسه مجبتهوش ويتعرفوا على بعض.

نجمه : اهلا وسهلا يا ندى

ندى : اهلا بيكى يا نجمه اسمك حلو اوى وقليل
نجمه : بابا اللى سمانى كدا بيقولى ان انا بزين السما زى مابالظبط انا اللى مزينه البيت
ندى : ههههههه باباكى بيقول فيكى شعر ربنا يخليهولك
نجمه : ويخليلك باباكى
ندى : يرحمه يارب
ندى وهى تشعر بالحزن والاسف انها فكرتها : انا اسفه بجد ربنا يرحموا انتى عشان كدا لابسه اسود
ندى : اه مات من شهرين كان عنده القلب

نجمه: الله يرحموا يارب

ندى : كان هو عمرى كلو مش متخيله ان خلاص مات ومش هشوفه تانى عارفه كان بيقولى هوديكى اول يوم الكليه بس جيت من غيره يا نجمه
وتبدا تنزل منها الدموع وتحاول نجمه مواساتها وانه عند ربنا ارحم من الكل وتحاول ان تضحكها وتقول لها :
عارفه احنا نجيب الجدول ازاى انا اشبك ايدى وانت تطلعى ارفعك تجبيه هههههههه
تبتسم ندى على طريقه نجمه وتقول لها : انتى طيبه قوى
نجمه: انتى بتوهى يالا نجيب الجدول ويروحوا يجيبوا الجدول ويطلعوا المحاضره ويتفاجأوا هما الاتنين باغرب موقف ممكن يحصلهم من اول يوم
حكاية كل بنت رواية للكاتبة مروة حجازي الفصل الخامس

وبعد مانجمه وندى راحوا جابو الجدول وطلعوا المحاضره بس اللى حصلهم من اول يوم خلاهم يفكروا انهم ميتأخروش تانى عالمحاضره طلعوا مكان اول سكش ليهم فى الكليه


واول مادخلو...

الدكتور : انتوا من اول يوم متاخرين
نجمه : احنا اسفين يادكتور اخر مره والله
الدكتور : انا مبحبش حد يدخل بعدى اتفضلو اطلعوا برا ولو جيتوا المحاضره التانيه متاخرين هحرمكوا من دخول اى محاضره ليا
ندى : طب سامحنا المره دى ومش هنتأخر تانى
الدكتور : برااااااااااااااا

نجمه وندى ف نفس واحد : هههععههههههه

هنطلع من الجنه يعنى ( طبعا فى سرهم )
وبعد ماطلعوا ....... راحوا عالكافيتريا
ندى : من اول يوم مطرودين يانجمه منظرنا كان يفطس من الضحك هههههههه
نجمه : ههههههههه دكتور رخم اصلا
ندى : احنا برضوا اتاخرنا نعمل حسابنا بقا ونطلع تانى محاضره بدرى
نجمه : تمام يالا بقا عشان مش باقى غير 10 دقايق والمحاضره التانيه تبدا
ندى : يالا

ويروحوا السكشن ويكونوا اول الحاضرين ياحرام


وتدخل الدكتور وترحب بالجميع ويفوت اليوم

بعد هزار ورغى بين البنتين ويمشوا وتروح كل واحده بيتها ويحكوا اللى حصل معاهم وتنزل نجمه تقعد مع ساره شويه وتحكى ساره لنجمه ان حبيبها من اول يوم فى الكليه وهو بيتهرب منها
ساره : مش عارفه يانجمه ليه شريف من اول يوم وهو مكلمنيش ولا قضى اليوم معايا زى ماكنا متفقين بس لأ انا كمان شفته واقف مع واحده بقوله مين دى قالى دى كانت بتسال عن مكان السكشن وقفل على طول انا مش عارفه ليه بيعمل كدا ليه.

نجمه : انتى بتحبيه ياساره

ساره : اوى يا نجمه انا تعبانه اوى حساه متغير
نجمه: كل واحد وليه ظروفه هو اكيد هيكلمك
ساره : يارب يكون احساسى غلط
نجمه : انشاء الله هروح امشى بقا عشان متاخرش وعندى جامعه بكرا ولازم اروح بدرى
ساره : ههههههه بقيتى ملتزمه
نجمه : طول عمرى يابت
ساره : انا اتكلمت

نجمه : هههههه طول عمرك جبانه

ساره : بحترمك بس مش اكتر
نجمه : اه دا غصب عنك
ساره : مش اوى كدا يعنى
نجمه: ههههه ماشى يالا عايزه حاجه
ساره : لا يا حبيبتى سلام
نجمه : سلام.

وتمشى نجمه وتنام وتصحيها ولدتها كالعاده وتدخل الكليه وترن على ندى ويتقابلوا فى السكشن ويخلص اول محاضره وتروح نجمه تجيب حاجه يشربوها وهى راجعه تقابل واحد ويعاكسها وهى متسكتلوش

نجمه: ماتلم نفسك يا اخ انت ، انت ماشى ورايا ومش مبطل كلام ليه
.......: انتى اموره اوى اعمل ايه هو فى كدا
نجمه : انت قليل الادب على فكره
......: على فكره انا مش بعاكس انا معجب
نجمه تمشى وتفضل انها متاخدش وتدى معاه فى الكلام وهى ماشيه مش طايقه نفسها تخبط فى واحد.

..........: انا اسف يا انسه مقصدش

نجمه : انتوا شباب قليله الادب كلكوا كدا انتوا ايه دا
.......: على فكره انتى اللى خبطتينى وانا اتاسفت عشان انا واحد محترم بس الواضح انك من البنات اللى مش عندهم لا زوق ولا احترام
ولسه نجمه هترد يسيبها ويمشى .........
نجمه : اه فعلا واضح انك محترم وزوق.

وتروح نجمه لندى وهى ماشيه تلعن نفسها انها دخلت كليه وندى تشوفها وتسالها مالك تقولها : خدى اطفحى وانتى ساكته انتى كمان

ندى : ههههههه مالك عينك بتطق شرار ليه كدا ياباى الواحد يخاف منك
نجمه : كلمه تانيه وهعورك يابت انتى
ندى : لا وعلى ايه انا اشرب احسن
نجمه : اه احسن برضوا
ندى : طب عايزه احكيلك حاجه
نجمه وهى تنظر بنص عين : احكى

ندى : فى واحد جا كلمنى وبيقول ان معجب بيه بس ايه يا نجمه وتد امورررررررر مقولكيش ايه دا

نجمه وهى تضحك على طريقه ندى : ههههههههه انتى واقعه كدا ليه
ندى : انا اصلا غلطانه ان بحكيلك يابت انتى
نجمه : لا خلاص احكى كملى والنبى
ندى : انا كنت واخده بال منه واحنا فى السكشن من امبارح وهو جا وكلمنى النهاردا ومش عارفه اعمل ايه
نجمه : خدى وقتك واستنى بتاع كام يوم وشوفى احساسك وكدا وبعدها نشوف نعمل ايه
ندى : انا مانا قولت كدا برضوا
نجمه : لا والله وبالنسبه لواد امورررر دى كانت عليا انا مثلا

ندى وتمسك الكتاب وتضرب نجمه : جتك الارف ماحدش يعرف يفضفض معاكى

نجمه : ههههههههههه ابقا وريهونى الواد دا
ندى : بعينك
نجمه: ماااااااااااشى بكره تتحايلى عليا عشان اشوفه وهوافق طالما اموررررر بقا
ندى : بت انتى اتلمى انا بس اللى اقول امور
نجمه : الله من اولها هنغير
ويضحك البنات ويعدى اليوم ويفوت اسبوع وتانى اسبوع وتالت اسبوع وكالعاده مفيش جديد فى حياه نجمه بس ندى ارتبطتت هى وصاحبنا الامور
وفى الكليه ندى قاعده مع الامور

......: انتى بس قوليلها ياندى دا بيحبها والله

ندى : مش هقدر هى كذا شخص طلب منها وهى مبتوافقش
كريم : انتى بس حاولى
ندى حاضر هحاول

نجمه : انتى ايه اللى بتقوليه دا لا طبعا انا مش بحب كدا انا لازم اللى احبه يخطفنى كدا من اول ماشوفه

ندى : حاولى بس
نحمه : لا ياست انا مش بتاع محاولات انا عايزه احب

ندى براحتك ياجميل

نجمه : ايه شايفانى كريم ولا حاجه
ندى: بت اتلمى
نجمه : ههههههه طب ردى عالاخ بيرن عليكى
ندى: الو...... اه ....حاضر .....تمام ....انا جايه
نجمه : رايحه فين
ندى : هشوف كريم عايزنى فى ايه واجى
نجمه : تمام وانا هروح المكتبه
ندى : اوك سلام

وتروح نجمه المكتبه وتمسك كتاب هى اختارته بس فى ايد تانيه مسكته
حكاية كل بنت رواية للكاتبة مروة حجازي الفصل السادس

عندما ذهبت نجمه للمكتبه واخذت تبحث عن كتاب لقرائته واذا بشخص يمسك هو الاخر الكتاب

نجمه وهى تشعر باحساس غريب : انا اللى مسكته وعايزاه اقراه انا بدور عليه من زمان
......: بالراحه مالك فى ايه ؟

نجمه: مليش بس انا عايزه الكتاب عن بعد اذنك انا مش هسبهولك

........: ماشى خديه بس بعد ماتقريه تديهولى اقراه ممكن يا ......
نجمه : اه ممكن وفى سرها ( ايه العسل دا هو فى كدا )
نجمه : عن اذنك

وتمشى نجمه وتروح تقرا الكتاب وهى فى عالم تانى وبتسرح فى الشخص اللى كلمها وتقول لنفسها ( هو فى حد ذوق كدا )


ويجى حد يقطع تفكيرها وبتكون ندى : هااااى بتفكرى فى ايه

نجمه : فيه يا ندى انا لقيت اللى خطفنى ياسلام على عيونه ولا شعره ياندى ولا ذوقه
ندى : حيلك حيلك هو مين دا
وتفوق نجمه وتقول : ايه بتقولى ايه.... انا مش على حد ......انا على البطل بتاع القصه اللى فى الكتاب ......
ندى : اه مش كدا برضوا ماشى مسيرى هعرف هتروحى على فين ....

نجمه : ماشى قوليلى صح كريم كان عايزك فى ايه

ندى : بعينك احكيلى الاول
نجمه : ههههههه اخلصى هحكيلك بس احكى انتى الاول
ندى : امممم بصى ياستى كان جاى بيقولى انه عايز يخرج معايا فى عيد ميلادى وانا قولتله لا طبعا مينفعش قالى هنخرج شله انا وانتى ونجمه ومصطفى وباقى الشله وكدا

نجمه : اه وانتى عايزه ايه

مدى : خلينا نروح دا عيد ميلادى يا نجمه عشان خاطرى ومش هتبقى لوحدك الشله كلها طالعه ها وافقى والنبى
نجمه وهى تبتسم لفرحه ندى واصرارها : طيب طيب موافقه هستأذب بابا النهاردا
ندى : ربنا يخليكى ليا يا احلى صاحبه فى الدنيا
امين المكتبه : الصووووووووت يابنات
ندى : هو احنا مبنسدش فى مكان ابدا
نجمه :هههههههه يخربيتك كلو منك
ندى : طيب انا هروح افرح كريم

نجمه : ماشى وانا هدى الكتاب ل..... صحيح مش عارفه اسمه

ندى : ياااااه دانتى حكايتك حكايه احكيلى بقا
نجمه : روحى وهحكيلك فى السكه واحنا مروحين يالا عشان منتاخرش
ندى : تمام

وتمشى ندى وتروح نجمه ل........

وتديله الكتاب وتقوله : اتفضل
.......: قرتيه كلو بسرعه كدا
نجمه : تؤ مش كلو بس انا ماشيه
........: اممممم ماشى يا نجمه
نجمه : ماشى ....وتسكت شويه فتلاقى انه قالها نجمه وتبص عشان تسالوا عرفت اسمى منين متلقهوش

ياترى مين اللى خطفها كدا من مره ؟

وترجع نجمه وندى ويمشوا ونجمه تحكيلها كل اللى حصل وندى تقولها : يعنى متعرفيش عنه حاجه
نجمه : بقولك فص ملح وداب مشفتوش
ندى : اكيد هتشوفيه تانى باذن الله
نجمه : يارب يا ندى الواد ايه عسل كدا يخربيته
ندى : مفيش عسل غير كيمو
نجمه : امممم مش كدا برضوا

ندى : اهو انتى كدا

نجمه : طب يالا عشان وصلت البيت ، يالا سلام
ندى : سلام ، ومتنسيش
نجمه : هبقا اكلمك
ندى : اوك

وتدخل نجمه البيت وتسلم على باباها وماماتها وتهزر شويه معاهم

نجمه : بابا كنت عايزه اخرج بكره مع اصحابى
احمد : هتخرجوا فين كدا
نجمه : لسه محددناش
احمد: ماشى يابابا بس متاخريش
نجمه : حاضر يابابا

وتدخل نجمه تنام وبعد نوم عميق تصحا نشيطه عشان تروح كليتها وتشوف فارس احلامها بس تصحى مستغربه لانها حلمت بيه


وفى جهه اخرى

الشخص 1.: متقلقش ياعم انا مش هبوظ الدنيا ولا حاجه
الشخص 2 : برضوا مكنتش اتكلمت معاها وليه تقولها اسمها انت كدا عرفتها انك عارفها
الشخص 1 : يوه خلاص بقا ياعم حصل خير
الشخص 2 : خير منين انت معندكش صبر خالص
الشخص 1: متقلقش انا عارف بعمل ايه وهتحبنى يعنى هتحبنى
الشخص 2 : ثقتك دى هتضيعك
الشخص 1: طب يالا انت خلينى البس واجهز قفلتنى من عالصبح
الشخص 2 : سلام ياعم

وتدخل نجمه الكليه وتقابل ندى والشله ويخرجوا ويقضوا اليوم


ندى : نجمه ممكن تجبيلى مياه اشرب

نجمه : حاضر ياستى ماهو يومك النهاردا وعيد ميلادك
وراحوا واتفاجات ندى باجمل عيد ميلاد فى حياتها وجبلها كريم ساعه شيك جدا ونجمه جبتلها سلسله ايه الكرسى
ونجمه واقفه عالبحر وسرحانه فى فارس احلامها وفجأه حد يجى من ورا ضهرها
.......: انسه نجمه
نجمه وبتلف نفسها : نعم.........

نجمه : انت ......

.......: اه انا
نجمه : انت تعرف اسمى منين حضرتك
.......: حضرتك انا سمعت حد كان بيناديلك وانتى فى المكتبه قبل كدا وانا سمعته صدفه
نجمه : اه ماشى انا استغربت انك عارف اسمى
.......: لا متستغربيش حضرتك مش مشهوره فى الجامعه يعنى
نجمه : قصد حضرتك ايه
........: والله ماقصد حاجه كل الحكايه اللى اقصده انك فى حالك ومش بتختلطى عشان كدا محدش عارفك
نجمه : اه ماشى

......: اعرفك بنفسى انا مصطفى

نجمه : تشرفنا حضرتك
مصطفى : الشرف ليا بجد
وتنادى بسنت صاحبه نجمه
بسنت : نجمه تعالى عشان هنمشى
نجمه : بعد اذنك يا استاذ مصطفى وفى سرها بتقول ( ليه كدا يابسنت جتك الارف )
مصطفى : اتفضلى

وتيجى تلف نجمه عشان تمشى وتروح تتخبط فى حجر عالارض وتبقا هتقع بس يسندها مصطفى ويتبادلوا النظرات وتفوق نجمه من سرحانها على صوت بسنت

نجمه: انا اسفه بجد اسفه
مصطفى وهو مبتسم : لا ولا يهمك وفى سره ( يارب تقعى على طول وانا اسندك )
نجمه : طيب سلام
مصطفى : هشوفك تانى
نجمه : ربنا يسهل

وتمشى نجمه ويرن مصطفى على الشخص 2 : تمام كلو ماشى حسب الاتفاق
حكاية كل بنت رواية للكاتبة مروة حجازي الفصل السابع

تروح نجمه البيت وتقعد تذاكر شويه وتسرح شويه فى مصفى وبعدها تقوم مفزوعه من مكانها : صحيح هو ازاى عرف مكانى ، تؤ الى اسمه مصطفى دا فيه حاجه غريبه كدا ، وانا ليه مشغوله بيه اوى كدا


وتحاول تطرد الافكار دى من دماغها : اكيد شفته صدفه يعنى مش مراقبنى مثلا ، يارب اشوفه بكره


وتقوم تنام ويجى الصبح عليها وتقوم تاخد شور وتلبس احلى طقم عندها ( اهتمى بنفسك انتى بس عشان تعجبى الواد ) عباره عن جيبه واسعه وبلوزه مقسمه وحجاب بلون الجيبه والبلوزه وتحط ميكب خفيف يزدها جمال على جمالها


وتطلع من البيت وتقابل محمد ..........


محمد: اش اش ايه الحلاوه دى

نجمه : هههههه اذيك يا محمد عامل ايه واخبار الكليه انت نازل اجازه
محمد:اه فرح واحد صاحبى وجاى عشان احضره
نجمه : طيب تمام ابقا سلملى على ساره وقولها تبقا تطلعلى عشان عايزاها
محمد:حاضر تحبى اوصلك
نجمه : لا متتعبش نفسك انا هاخد تاكسى

محمد: ولا تعب ولا حاجه على طول بالعربيه انا كدا كدا نازل الجامعه اسلم على جماعه صحابى

نجمه وهى عايزه تتهرب : بجد طيب اصل انا لسه هستنى ندى صاحبتى ومش عايزه اخرك
محمد: ولا تأخير ولا حاجه حلوه صاحبتك دى
نجمه : بتقول حاجه
محمد: بقول رنى على صاحبتك دى
نجمه : انت مصمم تستنى يعنى

محمد : اه يالا رنى عليها

نجمه تطلع الهاتف وتتصل بندى : الو ايوا يا ندى ....ايه انتى مشيتى ......طيب طيب خلاص اشوفك فى الجامعه
محمد وهو بيبص بنص عين : يالا يا سندريلا اتفضلى اركبى
نجمه : متشكره

ويوصل محمد نجمه وهى تسيبه بحجه ندى وتطلع على محاضرتها ومحمد يروح لاصحابه اللى هو مفيش اصحاب اصلا دى حجه

محمد بينه وبين نفسه : كبرتى يا نجمه واحلوتى ومش هتفلتى من تحت ايدى

وتقابل نجمه ندى ويطلعوا المحاضره وتتفاجأ نجمه بمصطفى بيبص عليها وبيحضر المحاضره

نجمه : ندى هو دا معانا فى الكليه قدنا قصدى
ندى : مين دا
نجمه :بصى اهو اللى لابس قميص ابيض دا
ندى : اه قصدك مصطفى
نجمه : انتى عارفاه دا
ندى : اه دا صاحب كريم و........
نجمه: و ايه

ندى بتوتر : ايه قصدى وايه اللى مخليكى مركزه؟ معاه

نجمه بتلعثم : ايه مركزه ايه لا مش مركزه ولا حاجه
الدكتور : ندى ، نجمه اتفضلوا برا
نجمه:هو مفيش غيرنا فى الكليه اللى بنطرد
ندى : كله من سى مصطفى بتاعك

نجمه: شكلى ايه قدامه

ندى : ياختى خايفه على شكلك ماكريم كان فى الماضره برضوا
نجمه : طب اطلعى ياختى اطلعى جتك نيله بسى كريم بتاعك
ندى : بت اتلمى
الدكتور : بسرعه يا انسات متعطلونيش
نجمه : براحتنا بقا
ندى : ههههه طب ماتعلى صوتك وتسمعيه
نجمه : اسكتى ياندى
ندى : هاتى الموبايل معاكى
نجمه : حاضر

وبعد مايطلعوا يروحوا يقعدوا فى الكافيتريا ويشربوا حاجه وبعدها يروحوا المكتبه ويجى مصطفى يسلم على نجمه ويقعد معاهم ويسلم على ندى وبعدها يجى كريم ويقعدوا الاربعه وطبعا كريم هو وندى مركزين مع بعض ومصطفى بيكلم نجمه


نجمه : انت قدنا

مصطفى : اه معاكو سنه اولى
نجمه : اه قولتلى اصل اول مره اشوفك معانا فى السكشن
مصطفى : اه اصل كنت مسافر ولسه جاى من السفر
نجمه : بس انت كدا فيتك كتير من المنهج دا الامتحانات الاسبوع الجاى
مصطفى : مانا هخلى كريم يشرحلى ولا ايه رايك يا كيمو
كريم : بتقول حاجه يا درش
مصطفى وهو بيجز على اسنانه : بقول فاتنى حاجات فى المنهج وكانت عايزك تشرحهالى
كريم : انا لا عدينى ، اللى هيفيدك فى الموضوع دا هى نجمه
مصطفى : بجد ، ويوجه كلامه لنجمه : هتساعدينى

نجمه : ها .....

مصطفى : مش هاخد من وقتك كتير ساعه فى اليوم بس
نجمه : بس ، ساعه عايز ايه تانى
مصطفى : يعنى موافقه
نجمه : اممممم موافقه بس بشرط
مصطفى : شرط ايه انتى تؤمرى
نجمه : تروح تجبلى عصير فراوله حالا
مصطفى : حالا يكون عندك
نجمه : ههههههه ماشى
ويروح مصطفى وهو يشعر بالانتصار فقد بدأت نجمه تفقد السيطره على قلبها من ناحيته

مصطفى : احلى عصير فراوله وجاب بيبسى لكريم وندى وليه هو عصير فراوله


نجمه : جبت فراوله زى

مصطفى : اكيييييد انا بقلد معلمتى عشان ابقا شاطر زيها
نجمه : ههههههه انت ملكش حل
مصطفى : لا ليه
نجمه : ايه هو الحل
مصطفى : انتى
نجمه وهى تشعر بالخجل : انا
مصطفى زهو يدارى مشاعره : اه مانتى هتدرسيلى وهتبقى عارفه دماغى وتفكيرى وكدا بهزر انا بهزر ههههههه
نجمه : اه ماشى نبدأ من بكرا
مصطفى : تمام هكون جاهز
نجمه : يالا ياست جوليت عشان اتاخرتا
كريم : انا هاخدها النهاردا منك هنروح نتمشى وبعدين اوصلها
نجمه :احنا فينا من نداله
ندى : والله ماكنت اعرف لسه قايلى
نجمه : ماشى مش مشكله ربنا يسعدكم
، يالا سلام
مصطفى : انا كمان مروح استنى نروح سوا
نجمه : ماشى يالا
مصطفى راح ووقف تاكسى ومشيوا ووصلها وقالها هستناكى بكره يا معلمتى .......

نجمه روحت البيت ودخلت بس فى حد شافها ومش هيسكت


نجمه قعدت تفكر فى مصطفى وكنت فرحانه جدا ودخلت عليها مامتها لقيتها مبسوطه سالتها راحت نجمه حكت لمامتها ومامتها قالتلها ماتنجرفش فى مشاعرها عشان هو مصرحش بحاجه


تانى يوم نجمه راحت كليتها واتفأجات بمصطفى مستنيها وراحوا قعدوا فى المكتبه عشان تذاكرله وحط قدامها عصيرها الفراوله المفضل وهى فرحت جدا لاهتمامه بيها

مصطفى : عصيرك المفضل معلمتى
نجمه:هههههه انا كدا هاخد عالدلع دا
مصطفى : ولا يهمك انتى برنسيسه ولازم تتدلعى
نجمه : احم احم يالا نبدأ
مصطفى : ههههه ماشى ياعم الخجول
نجمه : ماشى
وتشرحلو وتتقابل النظرات والاتنين مبسوطين ونجمه فرحانه وبعدها طلعوا المحاضره وروحوا مع بعض واستمر الحال لحد الامتخانات واخر يوم فى الامتحان



مصطفى : نجمه انا بحبك


نجمه : هاااااااااااااااااا


مصطفى : انا بحبك ومن اول ماشفتك وبحب ضحكتك وعنيكى وابتسامتك وبرائتك

انا عارف ان فاجئتك بس انا مش عايزك تردى دلوقتى انا هستنا ردك عليا بكره لو جيتى بكره اول مكان شفتك فيه عالبحر هعرف انك بتحبينى ولو مجتيش هنسحب بهدوء

ومشيت نجمه وهى مبسوطه جدا وفرحانه وحكت لماما بس جا اللى ضايقها


احمد: نجمه حبيبتى رايحه فين

نجمه : خارجه هتمشى خلصت امتحان امبارح هروح اشم هوا
احمد : تاخدى فلوس
نجمه : لا يابابا معايا
احمد : ماشى يا حبيبتى متتاخريش
ونزلت نجمه عشان متتاخرش على معادها بس قابلت مييييييييييين

محمد: رايحه فين السندريلا

نجمه : انت بتتكلم كدا ليه خلى فى حدود فى الكلام
محمد: اشمعنا انا مانت سايبه الحدود عالاخر مع اللى بيوصلك دا
اتفاجأت نجمه من طريقه محمد : انت لسه زى مانت طريقتك وتفكيرك زباله من وانت صغير انا قولت انك كبرت وبقيت تفكر كويس ولولا ان احسبك اتغيرت لولا ان كلمتك تانى اصلا
محمد: حيلك حيلك انتى بتتكلمى كدا ليه متعمليش الخضرا الشريفه
نجمه : دا غصب عنك على فكره وياريت بعد كدا متتكلمش معايا تانى
محمد: انا اتكلم براحتى

نجمه وهى بتبص فى الساعه ولقت الوقت بيفوت : طيببعد اذنك

محمد: رايحه فين هتقابلى حبيب القلب
نجمه وهى متعصبه ضربت محمد بالقلم ( يالا يستاهل )
نجمه : القلم دا عشان انت فكرت تتجرأ وتقاوحنى فى الكلام انا مش نجمه الصغيره اللى سكتتلك زمان كنت عبيطه ومش فاهمه واوعى كدا من وشى وتزقه بعيد عنها وبصت فى الوقت لقته عدا نص ساعه قالت يارب الحقه

واخدت تاكسى ونزلت جرى بس ملقتوش وقعدت تلعن حظها لانها اكيد افتكرها مبتحبوش وخلاص هيطلع من حياتها وهى مينفعش تروح تقوله ان هى بتحبته واللى اخرها عليه محمد


ومن جهه اخرى

مصطفى : هى عامله ايه دلوقتى يا دكتور
الدكتور : هى الضغط على عليها شويه هكتبلها علاج تمشى عليه وهتبقا كويسه
مصطفى : اقدر اخدها وامشى
الدكتور : اه طبعا تقدر اتفضل

مصطفى ياخد والدته ويروحها البيت


والده مصطفى : معلش يابنى انا عارفاه انى تعباك حتى اليوم اللى طالع فيه تتفسح وتشم هوا حرمتك منه وجابوك على ملا وشك

مصطفى : ياست الكل انا مليش غيرك ربنا يخليكى ليا متعوليش انتى همى بس وامشى عالعلاج مظبوط
والده مصطفى : والله ماشيه يابنى بس مرات اخوك ترفع الضغط
مصطفى : ملكيش دعوه بيها يا ماما وانا هتصرف

والده مصطفى : ملكش دعوه باخوك هو ولا هيودى ولا هيجيب كلمته كتير ومبيسمعش كلامى هى مقوياه ومكرها فينا بيصدقها هى وانا لأ شفت يا مصطفى

مصطفى : متقلقيش يا امى انا هبعلوا نصيبى ونصيبك فى البيت وناخد شقه على قدى انا وانتى وهشتغل وابعدك عنها انا مليش غيرك وياريت توافقى يا امى
والده مصطفى : مش عايزه ابعدك انت واخوك عن بعض عايزاكم فى بيت واحد وقصاد بعض

مصطفى : فين دا يا ماما احنا مبنشفوش اصلا متشغليش بالك انتى وسبيها على الله خدى الدوا دا قبل الاكل واهجبلك حاجه تاكليها وبعدها ناخد العلاج التانى يا جميل

والده مصطفى : ربنا يخليك ليا ويحققلك اللى بتتمناه يارب
مصطفى : اه والنبى ادعيلى ، يالا هقوم اجبلك الاكل .
ويدخل مصطفى المطبخ ومرات اخوه تدخل وراه وتحاول تجر مع مصطفى كلام بس هو مش طايقها وتدلع عليه .

سحر : ايه يا درش عامل ايه

مصطفى : .........
سحر : رد عليا طيب
مصطفى : عايزه ايه ياسحر
سحر : مصطفى انت نسيت دانا اول حب فى حياتك مصطفى : حب ايه انتى تعرفى حب اصلا انتى ......
سحر : اه يا مصطفى حبيتك ولسه بحبك
مصطفى : احترمى نفسك يا سحر انتى مرات اخويا ولولا كلمه اخويا دى كنت زمانى ممواتك عاللى بتعمليه مع امى

سحر : والله يا صاصا مبعملش حاجه امك هى اللى كش بتحبنى مش عارف ليه

مصطفى : طب اوعى بقا من وشى انتى اللى اختارتى حياتك عشيها بقا وسبينى
سحر : انت حياتى يا صاصا
مصطفى ضربها بالقلم : احترمى نفسك واحترمى اخويا انا لولا خايف عليه كنت قولتله اللى بيحصل دا
سحر : انت خايف عليا انا لاحسن يموتنى وانت مش هتقدر تعيش من غيرى
مصطفى : هههههعههعه لو بايدى انا هموتك

سحر : يا مصطفى بابا هو اللى غصب عليا عشان اتجوز اخوك وخرجنى من المدرسه وانا مقدرتش اقول حاجه وقولت مش مشكله اهم حاجه اكون جمبك

مصطفى : اوعى ياشيخه جتك الارف
ويمشى مصطفى وهو قرفان ونفسه يمشى من المكان االى هو فيه

سحر : هتروح منى فين وراك وراك


مصطفى يروح ويأكل امه ويديها العلاج وتنام وهو يروح اوضته ويفكر فى نجمه وانها مجتش واستناها كتير وكان هيستناها كمان بس الجيران اتصلوا بيه لان مامته تعبت.
حكاية كل بنت رواية للكاتبة مروة حجازي الفصل الثامن

يوم جديد ونهار جديد بس كله حزن وخوف من الفراق ،اول حد تحبه وتتمسك بيه هيضيع منها بس هى قالت مش هستسلم وهستناك كل يوم فى نفس المكان ولو بتحبنى هتيجى وهتشتاق


نجمه وهى حزينه : دلوقتى احنا اجازه هشوفك ازاى انا هستناك فى نفس المكان والزمان


وتدخل والده نجمه : حبيبتى يالا عشان تفطرى

نجمه : مش جعانه يا ماما
اميره : ليه يانجمه مالك انتى رجعتى من برا امبارح متضايقه فى حاجه يا ماما
نجمه : لا ياماما متقلقيش انا بس مخنوقه
اميره : من ايه بس ؟

نجمه : ولا حاجه يا ماما يمكن عشان اتعودت عالجامعه والدراسه واحنا دلوقتى فى اجازه

اميره : طب يالا تعالى افطرى وبلاش دلع
نجمه: حاضر يا ماما

وتطلع نجمه وتفطر وباباها يهزر معاها ويطلعوها من حاله الحزن


عندبيت مصطفى ..........


عمر : يعنى ايه عايز نصيبك انت وماما مش فاهم ياسى مصطفى

مصطفى : انت خليك براحتك انت ومراتك وانا وماما هنبيع نصيبنا وناخد مكان لينا
عمر: هى امى زي ماهى امك برضوا ولا انت شايف حاجه غير كدا ، امى وهتفضل معايا عايز تمشى انت اتفضل
والده مصطفى : ياولاد مش كدا انتوا اخوات
عمر : اخويا يتمنالى الفرح مش يبعدنى عنك

مصطفى : ياعمر انا والله اتمنالك كل خير بس من الاخر مراتك بتضايق امى

عمر: انتوا بس اللى مش بتحبوها
والده مصطفى : مش هنحبها ليه يابنى ،مراتك متدلعه وانا مش حمل دلع انا ست كبيره ومش فيا حيل ولا قلبى حمل انكوا تقطعوا بعض خلاص يا مصطفى انا مش هروح فى حته دا بيتى وليا فى ذكريات وانا بكبركوا وبعلمكوا وابوك اللى يرحمه موصينى انكوا متفترقوش والبيت كبير يابنى
مصطفى بضيق : اللى تشوفيه يا ما بعد اذنك انا ماشى.

وفى حد بيتجسس على الكلام ايواااااا (سحر)

سحر: ماشى يا مصطفى وانتى ياسوسه ان مخلتكيش تقولى حقى برقبتى

ويطلع مصطفى ويروح عند كريم


كريم: بس دى كان باين عليها انها حبيتك

مصطفى : كل تخطيطى راح عالفاضى
كريم : انت حبيتها بجد وربنا هيقف جمبك
مصطفى : انا بحبها اوى يا كريم
كريم : انا هخلى ندى تسالها
مصطفى : لا يا كريم اوعى انا عايز اعرف منها هى
كريم: ربنا معاك ياصاحبى
مصطفى : هروح اقعد عالبحر شويه
كريم : اجى معاك
مصطفى : لا معلش سبنى لوحدى حابب اتمشى لوحدى

ومن جهه اخرى

ساره : ازاى محمد اخويا يعمل كدا
نجمه : اهو والله ماكنت مصدقه نفسى
ساره : بجد متخلف هو اتغير اوى يا نجمه ومش هو محمد اللى كنا نعرفه حتى بابا بيزعقله كتير على تصرفاته والبنات اللى بيكلمهم
نجمه: غيرى السيره لاحسن انا مش طايقاه
ساره : احم احم دا اخويا على فكره
نجمه : كلمه تانى وهقولك غورى انتى كمان
ساره : لا وعلى ايه اسكت احسن
نجمه : عامل ايه مع شريف
ساره : هااااااا بحبه اوى

نجمه: عامل ايه معاكى لسه منفضلك

ساره : ايه منفضلى دى غورى عبوشكلك
نجمه : ههههههههه والله ماقصد
ساره : المهم اتعرفت على اخته ومامته وبجد طيبين جدأ وقالى انها بيحبنى وانشاء الله هيتقدملى
نجمه: ربنا يسعدك يارب
ساره : ماتقومى نتمشى شويه
نجمه:مليش نفس هنزل على بعد المغرب كدا
ساره : يالا بلاش رخامه بقا
نجمه: خلاص يارغايه يالا

وتستأذن نجمه من مامتها ومامتها تفرح انها هتخرج من الكأبه اللى هى فيها وينزلوا يتمشوا


ساره : الله الجو جميل اوى

نجمه : اه جدا والله باجى قدام البحر وبحس ان برمى همومى فيه
ساره : انتى مقولتليش هتعملى ايه
نجمه: ولا حاجه مانا كنت عايزه انزل بعد المغرب عشان اشوفه يمكن يجى بس اعمل ايه فيكى
ساره : خلاص بقا خلى قلبك ابيض
نجمه: ماشى ياختى

ومن ناحيه اخرى


مصطفى : سحر انتى ايه اللى جابك هنا

سحر : انت لسه بتيجى مكانا كنت عارفه انك لسه بتحبنى
مصطفى : مكانا ايه انتى ايه حلى عنى بقا انتى بارده كدا ليه
سحر وهى تفترب منه : مصطفى انا بحبك ولو عايزنى اطلق اطلق
مصطفى : احنا فى مكان عام ومش عايز امد ايدى عليكى
سحر : طب حد يرفص النعمه اللى جاياله لحد عنده
مصطفى يسيبها ويمشى وهى تجرى وراه وتحضنه من ورا وتشوفه نجمه وهى مراقبه وقفتهم من الاول واول ماتشوفهم كدا تجرى عالبيت وتروح وتسيب ساره بس هى مكملتش للاخر

مصطفى : انتى فعلا قليله ادب وطاااااااااااخ بالقلم

ويسيبها ويمشى

وتعدى الايام ونجمه مش ناسيه المنظر وكرهت اليوم اللى حبت فيه مصطفى


ومصطفى سافر يشتغل عشان يرتاح من تصرفات مرات اخوه وفكر يقول لاخواه بس اخوه مش هيصدقه لانه بيحب حب اعمى ومش بيصدق غير سحر اللى طالها بالعافيه وسحر على فكره هى بتحب مصطفى بس اتجوزت غصب عنها فعلا بس هى بتلعب عالجانبين عايزه السلطه اللى فى ايد عمر وحب مصطفى


وجت الدراسه ونزلت نجمه الجامعه بالعافيه بعد اصرار ندى ومصطفى جا من السفر وعدا اول اسبوعين ليهم فى تانيه من غير ما تتقابل العيون بس فى السكاشن نجمه كانت بتشوفه ومحاولتش تكلمه وهو فكر انها اتجنبته عشان مش بتحبه وهو محبش يضايقها بنظراته وكتم حبه فى قلبه


الدكتوره فى السكشن : البحث اللى انا هطلبه دا لازم يكون عندى كمان اسبوع وافضل بحث يعتبر نفسه ناجح فى مادتى


طالب : البحث عباره عن ايه

الدكتوره : قضيه مهمه اللى هيبذل اقصى جهده هينجح وبيتكلم عن التحرش ضد الفتيات المشكله اللى بتقابلها كل بنت وتحددوا الغلط من البنت او الشاب بمراحل عمره
طالب: البحث هيكون فردى
الدكتوره : لأ جماعى عباره عن بنتين وولد والفريق هيكون اختيارى ومش عايزه بحث من عالنت عايزه بحث حيوى يعنى يكون استفسار حقيقى من اشخاص وكدا ، كل 3يعملوا فريق ويكون عندى الاسمأ على مكتبى بعد المحاضره

الطلاب: تمام يا دكتور


وبعد انتهاء المحاضره الكل يتم عمل فريقه وبقى فريقان كريم كتب اسمه واسم ندى وبسنت وقال لندى انها متعرفش نجمه انهم مضافوش اسمها معاهم وانهم ضفوها فى فريق مصطفى وبكدا تخلص حلقه النهاردا
حكاية كل بنت رواية للكاتبة مروة حجازي الفصل التاسع

وبعد ماعطوا اسماء الفرق للدكتوره وعرفت نجمه انها مع مصطفى راحت وزعلت مع ندى وندى قالتلها انها متعرفش حاجه عن الفريق وان كريم هو اللى كتبه وراحت نجمه عشان تبلغ الدكتور انها عايزه تغير الفريق والدكتور رفضت لان باقى الفرق بدأت فى البحث واضطرت نجمه انها تفضل فى الفريق وكل دا وكريم لسه ميعرفش ان نجمه فى فريقه.


نجمه وهى رايحه لمصطفى عشان تساله هتبدا البحث امتا

نجمه: لو سمحت
مصطفى وهو فرحان :نجمه اذيك عامل ايه
نجمه: كويسه وياريت كلامنا يكون فى حدود
مصطفى : نجمه ليه طريقتك معايا كدا انا مضايقك فى حاجه

نجمه: هاه طالما حطتنى فى فريقك غصب عنى ومن غير ماتاخد رايى يبقا تستحمل طريقتى

كريم وهو متفاجئ : بس انا لسه مقدمتش ولا كتبت اسمى يبقا ازاى اقدملك معايا
نجمه : متعملش نفسك برئ يا مصطفى معتدش اصدقك خلاص
مصطفى وهو بيملس على شعره وبيجز على اسنانه : نجمه طريقتك مش عجبانى وفيها غموض
نجمه: هنبدأ البحث امتا
مصطفى بطريقه منفعله : انا بسالك تجاوبى
نجمه بكل عند : معنديش اجابه
مصطفى بحنان : نجمه انتى مجتيش ليه
نجمه: ياريت نخلينا فى شغلنا
مصطفى وهى بيحاول يخفى عصبيته : وقت ماتحبى
نجمه: يبقا ياريت من بكره عشان نخلصه واخلص ، سلام
مصطفى بعد مابعدت نجمه خطوتين : نجمه انا بحبك
نجمه : ...........

مصطفى : لسه عند كلامى ليكى

نجمه: ياريت حضرتك تخلينا فى شغلنا وانا مش بحبك
الكلمه نزلت على مسمع مصطفى كالصاعقه
مصطفى : تمام عن اذنك
نجمه وهى غاضبه : بتكلم نفسها
انت زيك زى محمد بتعرف بنات كتير يا خساره انى حبيتك

ويعدى اليوم ومفيش اى جديد ورجعت نجمه لضيقتها وحزنها ونزلت الكليه تانى يوم وقابلت مريم البنت اللى معاها هى ومصطفى


مريم بنوته جميله يعنى اسم على مسمى عيون اسود كاتم جذابه وبياض الوجه يضيف جمالا على اعينها وذات جسد ممشوق


نجمه: هاى مريم

مريم :هاى ، مبسوطه انى معاكم فى الفريق انا قولت لكريم يضفنى مع مصطفى
نجمه: هو كريم اللى سجل الفريق ولا مصطفى
مريم : لا مصطفى مكنش موجود هو كتب اسمك انتى وكريم وانا قولتله يضفنى معاكوا
نجمه: اه يعنى كريم مش مصطفى ياخبر !
مريم : ها نجمه سرحتى فى ايه
نجمه: لا ولا حاجه
مريم : طيب يالا مصطفى رن عليا وقال مستنينا برا
نجمه : لا احنا هنشغل عالبحث على بنات الجامعه فى الاول وبعدها نطلع برا
مريم : اوك هرن عليه
الو......ايوا يامصطفى ......احنا هنشتغل هنا فى الاول .....نجمه هى اللى قالت .....تمام
نجمه : ها قالك ايه
مريم: قالى اشتغل بالنيابه عنه وبعدين نطلعله برا هو مش هيدخل جوا
نجمه وهى تشعر بالغيظ : اه ماشى يالا
ويروحوا يسألو البنات وفى منهم اللى جاوب على اسئلتهم وفيه اللى اتحرج ومرضيش يرد واتجاهلهم معظم ردود البنات كانت انهم اتعرضوا واتسبب لهم بخوف وفزع واشمئزاز

دا كانت ردود البنات فى الجامعه


مريم : ايوا يا مصطفى .......اه احنا برا .....تمام شفتك


نجمه: انتى تعرفى مصطفى من زمان

مريم : اه مصطفى زميلنا من اول يوم فى الجامعه
نجمه: ازاى

مريم : احنا شلتنا مصطفى وكريم وبسنت وانا وانتوا انضمتوا لينا بعد تعارف كريم بندى

نجمه: يعنى ......ويقطع كلامهم مصطفى
مصطفى : يالا يابنات انا هكون المصور من بعيد لبعيد عشان اللى بتسالوهم لو عرفوا اننا بنصورهم هيفهمونا غلط ويقولو اننا هنستخدم الفديو لحاجه تضرهم او اننا نذيع كلامهم
نجمه: تمام
مريم : انا زهقت والجو حر انا كرهت الكليه دى
نجمه: دى كليه جميله بتعرفى من خلالها مشاكل الناس
مصطفى : انا مع رأى نجمه

مريم : طب روح هاتلنا حاجه نشربه

مصطفى : طفسه من يومك
مريم : حبيبى ههههعهع
نجمه تكاد تنفجر من هزارهم وطريقتهم وتقربهم وتشعر بالغيره من مريم
يذهب مصطفى ويجلب علبتان عصير لنجمه ومريم وفراوله لنجمه وله
مصطفى : مانجه لمريم وفراوله ليكى يانجمه
نجمه : شكرا
مريم : من امتا وانت بتحب الفراوله
مصطفى : هاااا ......ا اااصل قووو لت اجربها وكدا
مريم : قولتلى طب يالا ياخويا
مصطفى: روحوا اسألوا مجموعه البنات دى
مريم : اوك

ويذهبوا ويسالوا البنات واجابه البنات كانت

البنت1: الولاد دول عيونهم زايغه ومبيخافوش ربنا سواء كان كبير او صغير كلهم فاكرين ان البنت ملكهم
البنت 2: الولاد فيهم يقول البنت هى اللى مش محترمه ومش بتراعى انى فى حد هيبص عليها
البنت3: مبيقولوش ليه ان ربنا زى ماقال للبنات احتشموا قال برضوا للولاد غضوا ابصاركم بيحللوا اللى على مزاجهم وبس
البنت 1: انا اعرف واحده جيرانا اتعرضت للتحرش ورفعت قضيه مامتها خربت الدنيا واصرت ان بنتها تتنازل عن المحضر ولما البنت صممت رايها انها متتنازلش مخدتش فى حياتها غير الاهانه والذل فى حياتها وكمان خطيبها سابها واتخلى عنها وفى الاخر والدتها خيرتها بينها وبين المحضر وفى الاخر اختارت مامتها وعاشت وهى جواها كره من الرجاله وكرهتهم اكتر من اى حاجه

البنت 2: عمرهم ماجربوا انهم يشفوا اختهم او امهم وهى بتتعرض للتحرش من واحد زيه زيه هو اصلا لو بيفكر مش هيعمل كدا

نجمه: بجد كل دا بيحصل
مريم : دى قضيه كبيره اوى كدا
نجمه: عشان كدا الدكتوره اختارت البحث عنها
نجمه: متشكرين يابنات واسفين اننا عطلناكم
البنات : اى خدمه لو ادوكم جوايز ابقا نقاسمها ههههعع
نجمه+مريم: هههههههه والله دمكوا خفيف
البنات : انتوا اللى عسل
نجمه: شكرا ، عن اذنكوا
البنات : اتفضلوا

ويروحوا عند مصطفى

مصطفى: بجد البحث بتاعنا هو اللى هيكسب كنتوا روعه
مريم : دا العادى يابنى
نجمه: احنا كدا خلصنا البحث ونقدموا بكرا عن اذنكوا همشى
مصطفى : استنى هنوصلك
نجمه: لا شكرا
مريم : استنى يابنتى هناخد تاكسى ونمشى كلنا
نجمه: ماشى يالا

ويروحوا ونجمه تسرح فى كلام البنات

نجمه: معقوله الرجاله كدا ،بجد مافيش احترام ولا ادب دول مش بنى ادمين اكيد حيوانات ، لا حيوانات ايه الحيوانات بتخاف وبتحس
اميره: مالك ياحبيبتى انتى بتكلمى نفسك
نجمه: لاةياماما وحكت لمامتها كل االلى حصل معاها والبنات
اميره: ياااااه الدنيا فيها كتير ربنا يبعد عنك ولاد الحرام يابنتى
نحمه: يارب
اميره : يالا نامى ياحبيبتى
نجمه: حاضر ياماما تصبحى على خير
اميره: وانتى من اهله ياحياتى
وتطلع اميره وتنام نجمه بس تفتكر كلام مريم عن مصطفى وانه زميلهم معنى كلامها انه عارفها من زمان وتفتكر كلام ندى قبل كدا



فلااااااااش بااااااك


ندى : فى واحد صاحب كريم بيحبك قوى يا نجمه

نجمه: انتى بتهزرى ياندى فكك من الكلام دا
ندى : جربى وحاولى
نجمه: انا لازم اللى احبه يخطفنى كدا من اول ماشوفه

رجوع للواااااقع


نجمه: معقول يكون هو

انتى شاغله نفسك بيه ليه ، انسيه بقا انسيه ، مش فاكره لما شفتيه بيحضن واحده غيرك وبيكلمه ، مايمكن اخته اساليه ، اتنيلى بس اخته ايه انتى مشفتهاش عامله ازاى ، انتى سمعتيهم متحكميش غير لما تسألى صاحب الشأن ، اكيد هيكذب هيقول ايه يعنى

كان صراع بين قلبها وعقلها بس فى الاخر عقلها انتصر وقالت : نامى يانجمه وانسييييييييه


فى صباح يوم جديد

فى الكليه قدم كل فريق البحث بتاعه والدكتوره ناقشت اجمل بحث وكان بحث مريم ومصطفى ونجمه والدكتوره قالت انه اكتر بحث حيوى وواقعى

الطلبه كانت تصفق بحراره لانه بحث يستاهل ومصطفى كان فرحان هو ونجمه ومريم وقال انه عازم كل الشله


كريم : انا اللى خطتكوا فى فريق واحد لو اعرف كنت انضمت ليكم هههههه

الجميع يضحك ..........
حكاية كل بنت رواية للكاتبة مروة حجازي الفصل العاشر

وبعد ماالبحث هو اللى كسب وقرر مصطفى يعزم الشله وكانو فرحانين


مصطفى:يالا ياجماعه عشان عازمكم

كريم: العب يعنى كله على حسابك ياسطى

مصطفى : هههههه ايوا ياعم

نجمه: طب استئذنكوا انا بقا عشان ماما رنت عليا
مصطفى : طب استئذنى منها
نجمه وهى تحاول الهروب : معلش يا جماعه
مريم : خلاص ياجماعه سيبوها على راحتها
مصطفى : تحبى اوصلك
كريم: والعزومه ياعم روميو
نجمه: لا خليك معاهم عن اذنكم

وتمشى نجمه وتروح البيت وتتصادم بمحمد تانى ويقولها ان بيحبها وعايز يرتبط بيها وهى تصده وتسيبه وتمشى

ونجمه تطلع اوضتها وترجع بذكرياتها

فلاااااااااااش باك

نجمه: محمد انا عمرى ماحبيت حد قدك
محمد: انا بحبك قوى يا نجمه
نجمه:طب وياسمين

محمد: ياسمين هى اللى كانت بتحبنى وكنت صغير دلوقتى انا فى اولى كليه وانتى بسم الله ماشاء الله فى اولى ثانوى واحلى بت فى مدرستها

نجمه: ياسلام مانت بعدت عنى زمان وخاصمتنى
محمد:والله كنت فى دراسه وانتى كنتى صغيره وخفت اتعلق بيكى وانتى لسه مكنتيش فاهمه حاجه

نرجع للواقع

نجمه : كان يوم اسود يوم حبيتك وصدقتك بس انا ليه كل ماحب حد يطلع خاين وبتاع بنات

ودموعه على خدها ذكريات محمد بتطاردها خايفه تحن ليه ،ولا مصطفى اللى قلبها مش قادر يصدق انه وحش ومش خاين بس ازاى هتكدب عنيها ،نامت نجمه وصحيت تانى يوم وكسلت عن كليتها بحجه انها تعبانه كلمتها ندى وقالتلها انها مش هتقدر


ندى: ليه يانجمه

نجمه:والله تعبانه مش قادره تبقا عدى عليا وانتى راجعه
ندى : هحاول بس ماوعدكيش عشان هروح اودى ماما للدكتور
نجمه: سلامتها،ماله
ندى:تعب عادى ،بس اهو اطمن عليها
نجمه:الف سلامه عليه
ندى: الله يسلمك يالا اسيبك تنامى سلام
نجمه: سلام

وتقوم نجمه تاخد دش وتفطر وتنزل تقعد عالبحر وتلاقى مصطفى قاعد حزين


نجمه نفسها تروحله تساله مالك بس مش قادره قررت تروح تساله ...

..بس غرورها وكرامتها منعوها ......

نجمه لفت ومشت بس سمعت اللى بيناديها


(نجمه)


مصطفى: نجمه استنى من فضلك

نجمه: نعم
مصطفى :احنا اه منفعناش اخوات بس احنا زملا مش لازم نتعامل بكره مع بعض
نجمه: كره ومين قال بتعامل بكره
مصطفى: انا حاسس بكدا
نجمه: لا انا بتعامل عادى والله
مصطفى : طب تسمحيلى اعزمك على عصير فراوله
نجمه وهى متردده: اممممم
مصطفى: متكسفنيش
نجمه: طيب
مصطفى: انتى منزلتيش الكليه ليه
نجمه: مخنوقه شويه قولت انزل اتمشى
مصطفى : مخنوقه من ايه يمكن اخفف عليكى
نجمه: لا عادى كدا من غير سبب
مصطفى : طب ايه رايك نقوم نجرى
نحمه: نجرى ههههههه
مصطفى: مبهزرش يالا بس
نجمه: انت بتتكلم جد
مصطفى : اه وجد الجد ومسك ايدها بتلقائيه وجروا

نجمه: ااااااه ياقلبى تعبت

مصطفى : بس ايه رايك دلوقتى احسن
نجمه: ههههههه انت مجنون بجد ، اه يانى مش قادره
مصطفى : ههههه مانا جريت زيك اهو متعبتش ليه
نحمه: انت رياضى ياعم انا على قدى
مصطفى ؛ :رياضى مره واحده ماشى ياستى
نجمه : ماشى هستاذنك امشى لاحسن اتاخرت
مصطفى: تعالى اوصلك
نجمه افتكرت محمد وكلامه: لا لا لا معلش
مصطفى وهو يشعر بالحرج : ماشى

وتروح نجمه البيت وهى مبسوطه وترمى نفسها عالسرير وهاتك ياضحك على منظرها هى ومصطفى


فى بيت مصطفى


سحر : انا زهقانه ياعمر عايزه اخرج اتفسح

عمر : عندى شغل ماشى فاضى للعب العيال دا
سحر : لعب عيال برضوا ماشى
عمر : ماشى ياختى
سحر فى سرها : انا اللى جبته لنفسى وانا اللى هنهيه
عمر : انا رايح الشغل وهتاخر النهاردا
سحرفى سرها : تروح ماترجع ياخى
سحر: مع الف سلامه يا بيبى
عمر : بيبى اعدلى لسانك والنبى مش لايق عليكى
سحر وهى رافعه حاجبها : روح طيب انت شغلك اش فهمك فى الرومانسيه
عمر: دانا رومانسى اوى
سحر : طب روح ياخويا

والده مصطفى : سحر تعالى هاتيلى الدوا

سحر: قومى هاتى لنفسك انتى متكسحتيش
والده مصطفى : حرام عليكى دا انا فى مقام امك
سحر : امى ماتت من زمان انتى قاعده ليه بقا ماتروحيله
والده مصطفى : اوف على لسانك

وبيفتح مصطفى الباب وسحر تحس بيه وهو جاى


سحر : خدى يا ماما يا حبيبتى الدوا


والده مصطفى : لا والله ماخد منك انا هقوم اجيبه

مصطفى : خدى دواكى ياماما
سحر : شوف يا مصطفى اديك جاى من برا وشايفنى بتحايل عليها تاخد علاجها وهى مش راضيه
مصطفى : هاتى ياسحر
والده مصطفى : يكرمك يابنى

وتاخد العلاج وتدخل تنام ...


مصطفى يدخل يغير هدومه وتدخل سحر عليه


سحر : مصطفى ياحبيبى وحشتنى وتحضنه

مصطفى : وانتى كمان وحشتينى اوى هو عمر مشى....
حكاية كل بنت رواية للكاتبة مروة حجازي الفصل الحادي عشر

مصطفى : هو عمر مشى .....

سحر : اه ياحبيبى مشى
مصطفى: انتى بتحبينى بجد ياسحر واتغصبتى على عمر يعنى انتى مسبتنيش باردتك

سحر: اه والله يا مصطفى انا عمرى ماحبيت عمر ولا لحظه

مصطفى : طب انتى ليه بتعاملى امى وحش طالما بتحبينى
سحر : انا ....انا .... عمرى ماعملتها وحش
مصطفى : متكدبيش عليا انا صاصا وعمرى مأذيكى انتى اهم واحده عندى فى الدنيا
سحر: ها....بجد ياصاصا

مصطفى: اه طبعا انتى عندك شك ف دا

سحر: انا مش مصدقه نفسى انا كنت متوقعه انك هتضربنى وتسبنى زى كل مره
مصطفى: انتى اكتر واحده بتحسى فيا مقدرش اكرهك
سحر وهى تحضنه: بجد انا بحبك اووووى

عمر : بجد انتى ازبل واحده انا عرفتها فى حياتى ،انتى زباله

سحر: ايه عمر شفت اخوك مصطفى بيعمل ايه قولتله انا فى مقام اختك ميصحش كدا بس هو قالى انه لسه بيحبنى
مصطفى : ههههههه انتى غبيه اوى ياسحر يعنى انتى متهيألك ان الدم عمره هيبقا مياه حبتى تكوشى على كل حاجه عايزه الحب والفلوس وتكونى الست هانم الكل فى الكل
عمر : مكنتش شايف غيرك قدامى

فلااااااااااااااااش بااااك

عمر : انت ليه يا مصطفى مش بتحب سحر لا انت ولا امك
مصطفى : انت مش هتصدقنى يبقى اسكت احسن
عمر: احكيلى ياخويا كل حاجه وانا هصدقك ،قولى ليه امك مبتحبهاش وهى بتعمل ايه لامك وانت بتكرهها ليه
مصطفى : انا كنت انا وسحر بنحب بعض وزى مانت عارف هى قدى
عمر:انت بتقول ايه
مصطفى: هتسمعنى للاخر ولا محكيش احسن
عمر :احكيلى

مصطفى: انا كنت فى تالته ثانوى وكنت بكلمها وكنت ناوى انا اخلص كليه واخطبها وعمرى ماضحكت عليها بسانت جيت اتقدمتلها وابوها طلعها من الثانويه وجوزهالك وهى بقا مرفضتش زى ماهى بتقول غصب عنها هى بصت للفلوس وللدهب واتجوزتك وبعد مابقا معاها الفلوس دورت عالحب اللى سبته زمان وخصوصا ان كنت قدامها وانت بحكم شغلك مكنتش شايف حاجه.


عمر:انت بتقول ايه انت كداب

مصطفى: انا مبكدبش فى ولا كلمه قولتلهالك ومستعد اثبتلك كل كلامى
عمر: اثبتهولى
مصطفى :ماشى انا موافق ،انا هخليك تسمع بنفسك

رجوع للواااااااااااقع

عمر : بطلى كدب بقا انا سمعت كل حاجه
سحر : ازااااااااى



فلاش بااااااك


عمر : طيب ماشى انا هتأخر شويه فى الشغل النهاردا

سحر : ماشى يابيبى

ويطلع عمر وبعدها على طول يدخل مصطفى ويكون سايب الباب مفتوح ويدخل عمر ويسمع كل حاجه


رجوع للواااااااااقع........


عمر : سحر ......انتى طالق .....طالق .....طالق

سحر : منك لله يا مصطفى حسبى الله ونعم الوكيل
مصطفى : انتى مراعتيش جوزك ولا خفتى من ربنا ولا خدتى بالك من المريضه اللى جوا وشفقتى عليها كنت لازم تنولى جزأك واديكى نولتى جزأك

سحر : هتندم والله هتندم

مصطفى :كنت هندم لو خبيت حقيقتك دى على اخويا
عمر : ب.....بس بسسسسس.....لمى حاجتك واطلعى براااااااا وورقتك هتوصلك ....انا معملتش فى دنيتى حاجه وحشه غير انى حبيتك وملقتش منك غير انك عميتى عينى عن اخويا وامى وصدقتك ياواطيه يازباله غوووووووورى من وشى

وتطلع سحر ومصطفى يواسى عمر ويضحكه وتصحى والدتهم ويحكولها وتحمد ربنا ان ربنا شال الهم من على قلب ابنها


عند نجمه..........

ندى :انتى ايه اللى غيرك من ناحيه مصطفى كدا احكيلى
نحمه: متفكرنيش الله يخليكى
ندى : احكيلى
نجمه: خلاص بقا هحكيلك لما اروق
ندى : طيب انا همشى انا بقا عشان متاخرش
نجمه: ماشى ابقا سلميلى على مامتك
ندى : يوصل احبى ،اموووووا سلام اشوفك بكرا

وبعد مرور اسبوع


كريم : ها مين طالع الرحله غيرى انا وندى

بسنت : انا طالعه
مريم :وانا كمان
كريم : ها يانجمه ،وانت يا مصطفى
ندى: نجمه طالعه معانا وش
نجمه:هسال بابا
مريم : ومصطفى طالع ،والنبى يا مصطفى
نحمه: وهى متغاظه :ها يا مصطفى طالع معانا
مصطفى :انتى طالعاها
نحمه:اه هطلعها باذن الله
مريم :اوووووووه كلنا طالعين يييييييس
كريم تمام معاد الرحله الاسبوع الجاى ...

يوم الرحله ...


ندى :يالا يانجمه هنتاخر

نجمه :حاضر انا نازله
وتيجى نجمه تنزل من البيت تعدى الشارع تلاقى مصطفى مستنيها ومفجأه ..
حكاية كل بنت رواية للكاتبة مروة حجازي الفصل الثاني عشر

وتيجى نجمه تنزل الشارع وتعدى الطريق وتلاقى مصطفى واقف قدامها ...


مصطفى :نجمه سامحينى

نجمه:اسامحك على ايه
مصطفى:ان سبتك تبعدى عنى
نجمه:انت بتقول ايه

مصطفى:انا عارف انك بتحبينى ،ندى قالتلى انك حبتيتى من اول يوم شفتينى فيه ،وانا زيك بالظبط انا بحبك من قبل انتى ماتشوفينى من اوى يوم شفتك فيه وانتى فى الكافيتريا


نجمه:مصطفى انا ..... انا ...

مصطفى:متقوليش حاجه انا هفهمك كل حاجه انا بحبك وعمرى ماهضيعك من ايدى

فلاااااااااش باك

مصطفى:كريم انا بحبها اوووى
كريم:بس دى سكتها صعبه ومحدش بيعرف يكلمها
مصطفى:بس انا مش هلعب ولا هتسلى انا بجد بحبها
كريم :خلاص انا هقول لندى وهى تشوفها
مصطفى:اتصرف .......

(حوار بين كريم ومصطفى )


كريم:شفيها ياندى هو بيحبها والله

ندى:هى مش هتحب الطريقه دى يا كريم
كريم:انتى ندى حبيبتى وهتحاولى عشان خاطرى مصطفى بيحبها بجد
ندى:عشان خاطرك هحاول

(حوار بين نجمه وندى )


ندى:جربى يانجمه

نجمه:اجرب ايه انا مش بحب الطريقه دى انا عايزه واحد يخطفنى كدا من اول ماشوفه
ندى:طب انتى شفتيه ،شوفى واحكمى
نجمه:فكك يا ندى

رجووووووووووع للواقع

مصطفى :وبعدها شفتينى وخطفتك زى ماقولتى لندى
نحمه:لا ماخطفتنيش ولا حاجه
مصطفى :انتى بتكدبى ،انتى ليه مجتيش كان نفسى تيجى
نجمه:انا جيت بس ملقتكش
مصطفى :والله استنيتك وكنت هستناكى لاخر اليوم بس ماما تعبت واتصلوا بيا و........وبعدين انتى بتقولى ايه .....انتى جيتى ههههههه .....انتى جيتى صح ......انتى قولتى جيتى ......يعنى بتحبينى .....

نجمه:ها .....ااانا ...

مصطفى:خلاص بقا انا اسف ان مشيت
نجمه:بس انا روحت تانى وشفتك مع واحده
مصطفى :واحده انا لما بروح مش بييقا معايا حد خالص
نجمه:شفت هتكدب
مصطفى وهو بيحاول يفتكر :طب كنت بكلمه ازاى ....قصدى يعنى
نجمه:كنت ماشى وهى جرت وراك وحضنتك .....
مصطفى وهو بيستفز نجمه عشان تغير عليه :اه حضنتى صح
نجمه وهى تجز على اسنانها :اه .....انا ...انا ماشيه
مصطفى :استنى يا مجنونه هحكيلك والله
نجمه:هتكدب
مصطفى:والله لا استنى بقا

نحمه تقف:ها احكيلى وبالتفصيل

مصطفى :يحكيلها كل حاجه حصلت
نجمه:يااااه هو فى كدا
مصطفى:اه والله ولو مش مصدقانى اوديكى لماما وتسأليها
نجمه وهى تلوى شفتيها :امممم لا مصدقاك
مصطفى:بجد والله .....يعنى بتحبينى .....وبتثقى فيا .......انا اكتر واحد مبسووووووووط
مصطفى وهو بينادى نجمه :نجمممممممممه
نجمه :وطى صوتك انا جمبك فى ايه
مصطفى :بحببببببببببببببك
نجمه :مجنون ،يالا هنتاخر عالرحله
مصطفى :اه .....انا نسيت

نجمه :طب يالا بقا

مصطفى :احنا مش هنطلع الرحله هنقضى اليوم سوا ايه رايك
نجمه :بس احنا اتفقنا ووعدناهم
مصطفى :خلاص بقا
نجمه:طب نكلمهم
مصطفى :اووووووك يا قلبى
نجمه:اتلم والله هضربك
مصطفى :مش هتلم بحبك بقااااااااااا
نجمه وهى تضربه على صدره :مجنون
مصطفى :بيكى
نجمه : الله بس بقا

ويطلعوا سوا ويقضوا اليوم ويرجعها مصطفى البيت وهى فى قمه انبساطها


مصطفى :تصبحى على خير يا حبيبتى

نجمه:وانت من اهل الخير
مصطفى :ها وبعدين
نجمه: وبعدين ايه
مصطفى :كملى
نجمه:اكمل ايه يا مجنون
مصطفى :مش انا قولت تصبحى على خير يا حبيبتى ،انتى قولى يا حبيبى
نجمه:هههههههه،دا بعيييييينك
مصطفى:هتقولى
نجمه: لا مش هقول يالا سلام
مصطفى:هتقولى ولا اعلى صوتى واصحى الناس واقول بحببببببك يا نجمه
نجمه:يخربيتك يا مجنون اسكت
مصطفى:قولى وااااااالاااااااا

نجمه:هقول هقول

مصطفى :يالااااا
نجمه:تصبح على خير يا ......ح..ح ح..حبيبى
مصطفى:الله اكبرررررر قالتها يا ناس
ونجمه تطلع تجرى على بيتها وعلى طووووووول تنام عالسرير وهى مبسوطه وفرحانه وتفوت الايام وتخلص سنه ثانيه وينجحوا وتعدى على خير ويدخلو تالته واخر ترم فى تالته عالامتحان وكل يوم حب نجمه ومصطفى بيكبر ومصطفى وعد نجمه يتقدم بعد 3كليه ومستنييين النتيجه وينجحوا سوا.

فى يوم ماهيتقدم مصطفى لنجمه


(فى شغل احمد والد نجمه )

عمر :احنا جايين نطلب ايد الانسه نجمه لمصطفى
احمد والد نجمه:بس هو لسه فى الكليه زيها هيصرف عليها منين
عمر :مصطفى بيشتغل معايا فى الشركه فى الاجازه واول مايخلص رابعه هيستلم مكانه معايا
احمد: ازاى اعلام وهيمسك فى شركه.

عمر :هو داخل اعلام بناءأ على رغبته بس هو لازم هيساعدنى فى شركته هو ليه فيها زى بالظبط وهو هيستلم دعايه واعلان الشركه حضرتك

احمد :هنفكر ونرد عليكوا
عمر :مستنين رد حضرتك ونتمنى الموافقه هو بيحبها وهيشلها فى عيونه
احمد :اللى فيه الخير يقدموا ربنا
عمر:بعد اذنك
حكاية كل بنت رواية للكاتبة مروة حجازي الفصل الرابع عشر والأخير

(فى بيت نجمه)

احمد :نجمه حبيبتى تعالى عايزك
نجمه :نعم يابابا
احمد: فى واحد متقدملك وعايزك وانا شايفه مناسب وكويس
نجمه :نعم .....اقصد .....انا لسه صغيره د

احمد:طب مش تعرفى مين ؟،انتى تعرفيه على فكره

نجمه:اعرفه .....مين دا
احمد:معاكى فى الجامعه اسمه مصطفى
نجمه وهى بتحاول تدارى فرحتها :هاااا....مصطفى .....
احمد بفرحه:ايه ارغض او مش عايزه
نجمه :ها لا .....اه ....اقصد اللى تشوفه يابابا
ااحمد :هههههه ماشى يبقا اتصل بيهم وابلغهم يجوا يوم الخميس الجاى انا سألت عليهم وهما كويسين وخدت رأى مامتك وموافقه برضوا

نجمه: اللى تشوفه حضرتكم

احمد : على خيرت الله

نجمه : انت فاتحت بابا ومقولتليش ليه

مصطفى :حبيت افاجئك ايه رايك بقا ؟؟
نجمه : احلى مفاجأه طبعا
مصطفى : طيب باباكى قال ايه وافق
نجمه : لا مش عارفه

مصطفى : ايه طب لما سألك انتى قولتى ايه

نحمه وهى بتحاول تدارى ضحكتها :قولتله اللى تشوفه يابابا انا لسه صغيره ومش عارفه حاجه
مصطفى وهو متغاظ : بجد طيب يالا عشان انا هتصل اشوف قال ايه لعمر
نجمه وهى بتمثل الحزن : ماشى يارب يوافق
مصطفى : يالا سلام

عمر: كلمنى ووافق وقال نيجى الخميس

مصطفى : بجد ياعمر
عمر: اه والله بجد
مصطفى : ربنا يخليك ليا يارب
عمر: ربنا يفرحك يارب

مصطفى : يعنى انتى كنتى عارفه

نجمه : ههههههه اه كنت عارفه
مصطفى : ومقولتليش ليه لما سالتك
نجمه : ههههههع حبيت افاجئك زى مافاجئتنى
مصطفى : بقا كدا طب ماشى
نجمه :هههههع انت اللى ابتديت بقا
مصطفى :ماشى يا خطيبتى

نجمه:ههههههه تقولها يوم الخميس مش دلوقتى

مصطفى :خطيبتى غصب عن الكل
نجمه :ههههه طب ماشى يالا هشوف بابا بينادينى مصطفى :اكيد هيبلغك بالتطورات
نجمه:طب يالا بقا اروح اشوفه يالا سلام
مصطفى :سلام



(يوم الخميس)


مصطفى : نقرا الفاااااااااتحه

احمد :هههههه مستعجل يالا نقرا
الجميع :امييييييين
اميره :لووووووووووولى مبروك يا حبيبتى مبروك يا مصطفى
نجمه وهى مكسوفه ؛الله يبارك فيكى يا ماما
مصطفى :الله يبارك فيكى يا حماتى

فى الهاااااتف

ندى: والله لولا مسافره مكنتش سبتك خالص
نجمه : عارفه والله يا حبيبتى
ندى :الف مبرووووووووووك
نجمه ؛الله يبارك فيكى عقبالك قريب
ندى :انشاء الله اول رابعه هيتقدم
نجمه :باذن الله يارب يفرحك
ندى :يارب انا وانتى
نجمه :يوم الخطوبه هتكونى جيتى اكيد
ندى :اه طبعا مش هسيبك
نجمه :ربنا يخليكى ليا هى هتكون فى البيت
ندى :ربنا يتمملك بخير يا حبيبتى
نجمه :يارررب يالا اشوفك قريب
ندى :انشاء الله ،سلام اعروستنا
نجمه :ههههههه سلام

وتفوت الايام ومفيش جديد وتتم الخطوبه وتعتدى الايام وتخلص الجامعه وتتخطب كريم وندى وساره وشريف ومحمد ربنا هداه وخطب احلام اللى فضلت تحبه .


قبل الفرح بيومين


..........:الو انتى نجمه

نجمه :اه انا مين معايا
.........:انا فاعل خير وعايز يفوقك خطيبك كمان ساعه هيكون معايا فى شقه رقم ........
نجمه :الو ......الو ......مين بيتكلم .......
..........:سلام يا عروسه مضحوك عليها
نجمه :...ااااا....الو ......

نجمه تطلع تجرى فى الشارع وتروح عالمكان بالظبط فى الوقت اللى اتحدد وتلاقى محمد فعلا طالع الشقه وتطلع وراه تلاقى الباب مفتوح وتدخل تلاقى سحر ومحمد وسحر حضناه


نجمه :انت انسان زباله هو دا اللى كانت بتلعب عليك مرات اخوك جايلها برجلك وفى حضناه

مصطفى :انتى فاهمه غلط والله يا نجمه انا بحبك انتى
نجمه تسيبه وتمشى وهى ماشيه وبتعدى الشارع وهوووووووب خبطتها عربيه
مصطفى :نجمه حاااااااااسبى
وتخبط نجمه العربيه ويشيلها مصطفى ويوديها المستشفى
مصطفى :هايادكتور عامله ايه
الدكتور :متقلقوش يا جماعه مجرد خبط بسيط وكدمات فى الجسم
احمد :هى كوبسه نقدر نشوفها
الدكتور :اه اتفضلوا ...

مصطفى :نجمه حبيبتى عامله ايه

نجمه وهى تلتفت بعيدا عنه:اطلع براااااااا
احمد :نجمه عيب فى ايه
نجمه :اطلع براااااا
الدكتور :لو سمحتوا مينفعش كدا سيبوها ترتاح وتقدروا تاخدوا بكرا
اميره :شكرا يادكتور
نجمه :مسمعتش يابنى ادم انت اطلع براااا
مصطفى :حاضر ...حح...حاضر هطلع
احمد :فى ايه يا مصطفى
مصطفى :تعالى نطلع بكرا واحكيلك ياعمى بعد اذنك
احمد :اتفضل يابنى

ويطلع مصطفى ويحكى لاحمد كل حاجه واحمد يرجعلهم ويحكى لاميره واميره تقترح ان مصطفى يبعد شويه وهى هتتصرف


مصطفى :لا ياعمر انت متروحش ولا تحكى حاجه هى لازم تكون مصدقانى وواثقه فيا

عمر:هى غصب عنها يا مصطفى برضوا
مصطفى :...........
عمر :خلاص اللى يريحك ياخويا
مصطفى فى سره:زى ماوقفت جمبى وصلحتلى حياتى انا كمان هقف جمبك

فى بيت نجمه ..........

عمر :والله يانجمه على ايدى انا مصطفى كان رايح لها دى كانت عايزه تاذيكى وبتهدد مصطفى لو مرحلهاش وسمع هى عايزه ايه هتاذيكى ومصطفى مش بيستحمل عليكى حاجه وحشه وهى كانت مدبره بقا انها تجيبك وتشوفك ،انا كنت جمب مصطفى وهى بتكلمه
نجمه:بجد يا عمر انت مش بتضحك عليا
عمر :والله العزيم ورحمه ابويا مصطفى بيحبك قومى بابا دى ماما بنفسها جايه تشوفك.

نجمه:ياخبر مش كنت تقولى

عمر :مانا قولت افهمك الاول يالا نطلع نشوفها بقا
نجمه :ماشى يالا وبعدها خدنى عند مصطفى
عمر :تأمرينى يا مرات اخويا
نجمه :انا هبقا مرات اخوك بشرط واحد
عمر :اتشرطى براحتك
نجمه :تجوز معانا ومتقولش لأ
عمر :اممممم عندك عروسه ليا

نجمه :انت قول اه وملكش دعوه

عمر :طب اه بس ايه رايك بسنت صاحبتكم توافق بيا
نجمه :ها اخيراااااااا حسيت بالبنت ياخى
عمر :قصدك انها .....بت .بتحبنى
نجمه :اه ومن يوم خطوبتى انا ومصطفى
عمر :يبقا على بركه الله

والده مصطفى :يالف نهار ابيض يالف نهار مبروك

عمر :نروح النهاردا ......قصدى معاد ماتحبى يا ماما نخطبها
الجميع :هههههههههه انتوا كلكوا بتبقوا كدا مستعجلين

نجمه :يالا خدنى

عمر :يالا ،بعد اذنكوا يا جماعه



عمر :كلم يا مصطفى كريم عايزك برا

مصطفى :طب ماتخليه يدخل
عمر :اخلص بقا هو مستنيك
مصطفى :طيب
عمر :البس حاجه بدل البرمودا دا
مصطفى :ليه متذوقله بالمره
عمر:اخلص انت هتنكت مستنيك برا

مصطفى :نجمه .........!

نجمه :اه نجمه ......وحشتنى
مصطفى :هو عمر قالك
نجمه :اه وفهمنى كل حاجه
مصطفى :كنت نفسى تفهمى من نفسك وتثقى فيا نجمه :انا بثق فيك يا مصطفى بس غصب عنى بغير عليك ياخى
مصطفى :لا والله

نجمه :انا اسفه بقا فرحنا بعد بكره مش هتجوزنى ولا ايه

مصطفى :لا انا غيرت راى
نجمه وهى تصربه على صدره :متقدرش
مصطفى :بالراحه يا جزمه
نجمه :لسانك طول عليا
مصطفى :واضربك بالجزمه كمان ،انت مراتى
نجمه :لسه بعد بكرا

مصطفى :مراتى ها مراتى واسمعى الكلام يا شاطره

نجمه :ههههههع مجنون بس بحبك ........
مصطفى وهو يقبل جبينها :وانا بحبك والله ومتزعليش منى ان فى يوم اتجرحتى منى من غير ماقصد
نجمه :انا عمرى مازعل منك
عمر :صافى يالبن .......
نحمه ومصطفى فى صوت واحد: ملكش دعوه هههههههه
عمر :هههههه انا اللى استاهل كنت سبتكوا متخاصمين

فى يوم الفرح كانت نجمه زى القمر لابسه فستانها الابيض المنفوش والمقسم وفيونكه اخر الضهر وفصوص ولمعه ماليا الفستان دا غير الفرحه اللى مزوداه جمال


مصطفى :الف مبروك يا مراتى

نجمه بخجل :الله يبارك فيك يا ج....جوزى
مصطفى :ايوا بقا بحبك يا نجمه يا مراتى يا عسل

ودخلوا وجبلوهم عصير فراوله كان هو موصى عليه وشربوه وخلص الفرح وروحوا على بيتهم بكل فرحه


وبكدا خلصت حكايتى بحواز نجمه من حبيبها وخطوبه بسنت وعمر وساره وشريف وندى وكريم واحلام ومحمد


مفيش احلى من الحب ولما تاخد اللى بتحبه

الزواج عن الحب مش بينوله غير راجل يوفى بوعده وبنت تصبر وتستحمل

iklan banner

Abdulrhman Sayed
كاتب المقالة
كاتب ومحرر اخبار اعمل في موقع قصص وروايات .

جديد قسم :