رواية ملكت قلبي للكاتبة نجوى مصطفى

الفصل الأول


فى نادى الشرطةوبالتحديد فى صاله الجيم

فتاة جميلة ذو عيون زرقاء وشعرها طويل وجذابة وجسدها ممشوق وبشرتها خمرية وترتدى ملابس رياضية
المدرب كفايه كده يانور انتى انهاردة تعبتى اوووى

....يوسف مدرب للضباط الشرطة وجسمة رياضى جدآ وعضلات حاجه كده زى البودى جارد وبشرتة سمرآ وعيونه بنى وشعره اسود

نور :لا انا من انهاردة هزود التدريب اكتر لانى كمان اسبوع هطلع مهمه كبيرة ولازم ابقا فى كامل لياقتى البدنيه

يوسف :برافوو عليكى يعنى هتستغنى عن تدريبى ليكى

نور: يايوسف من امتا انابعتبرك مدرب وبس انت اكتر من اخ وانا مش بستغنا ولاحاجه
يوسف :طبعآ يانور انتى اختى
نور:اناخلاص قررت انت ال هتقف قدامى انهاردة فى تدريب الملاكمة
يوسف: انتى قدى يانور ههههه
نور:هحاول

فى صاله الملاكمة مجتمعين بعض الضباط ال بيتمرنو

ودخل يوسف وبمجرد مادخل الكل وقف طبعآ ده من هيبة يوسف
يوسف :صباح الخير انهاردة مفيش تمرين بس فيه اقتراح من حضرت الظابط نور عايزه انهاردة يكون فى جوله ملاكمة ال يحب يواجهنى يتفضل بعد نور
الكل توتر واندهش من ثقة نور فى نفسها
يوسف اتفضلى يانور
والجو لسه متوتر جدآ

لبست نور ادوات الملاكمة ووصعدت على الحلبه وبدات الجوله

يوسف بقا يضرب نور ونور تتفداه واخدت نص الجوله من غير حتى ماتوجه ضربة واحده وغير بتصد بس اللكمات
وبدات نور تلاكم يوسف وبدات تصد الهجامات بلياقه بدنيه ممتازة والكل اعجب بنور جدآ
ويوسف فرح بنور جدآ على الرغم من انه متسهالش معاها ابدآ وبقيت نور هى المسيطرة على الجولة ولكن فى اخر دقيقه يوسف وجه ضربه لنور مقدرتش تتفادها وسقطت على الارض وعندما نهضت كانت الجوله خلصت بفوز يوسف

يوسف :نور انتى بقيتى هايله وعلى فكرة لو زودتلك التمرينات كل يوم هتبقى رقم واحد بعدى

نور :شكرآ ياكابتن يوسف
وذهبت نور ولكنها فخوره بنفسها جدآ لانها واجهت الكابتن يوسف ال كل زمايله بيخافو منه
ذهبت نور لتغير ملابسها وذهب الى البيت
بيت نور فله صغيرة
وصلت نور وركنت العربيه ودخلت البيت كانت فى سيدة تبلغ من العمر 53سنة تشاهد التلفزيون
هند:انتى فين يانور برن عليكى من الصبح
نور:طيب صباح الخير الاول ياست الكل

هند:صباح النور ياحبيبتى ليه مش بتردى عليا رنيت عليكى كتير اووى

نور:معلش ياماما كنت فى التمرين والموبايل صامت فى حاجه ياحبيبتى
هند :ايوه فيه مفاجاءه
نور:مفاجاءه ايه
هند:سيف
نور بخوف :مالو سيف ياماما اتكلمى
هند:راجع من السفر والطيارة زمانها وصلت

نور بفرحه :ايه بجد بجد انامش مصدقه ده يدوب اغير هدومى واجيلك بسرعه نفسى اشوفه وجريت على اوضتها ودخلت تاخد شور وتلبس احلى حاجه عندها

سيف ده ابن خالة نور وكان مسافر بيعمل الدكتوراه واتخصص فى الجراحه وده ال نور فتحت عنيها على حبه هو ده حبها الاول
نور خلصت ونزلت عامله شعرها ضفيرة على الجنب وشعرها تحفه ولابسه بلوزة نبيتى وبنطلون ابيض وشوز نبيتى ولم تضع اى مساحيق تجميل لانها جميلة بدون شى
واتصلت على سيف
نور :ماماقالتلى زمانك وصلت المطار
سيف :انتى فين بقا بقالى ربع ساعه مستنيكى يلا بسرعه اخلصى ليكى عندى مفاجاءة
نور :عشر دقايق بالظبط وهكون عندك باى
قفلت نور وجريت على عربيتها وبتسوق بسرعه لانها نفسها تشوفه بقالها سنتين مشفتهوش
نور بتفكر انها لازم تعترف بحبها لسيف وانها مش هتقدر تعيش من غيرة لانها متاكده انه بيحبها بس هو مااعترفش بده بس اكيد هيعترف لما يعرف انها بتعشقه
نور وصلت المطار وداخله واول مالمحت سيف جريت عليه واخدها فى حضنه وهى فرحانه اوووى
سيف :كبرتى يانور وبقيتى قمر ربنايحفظك ياحبيبتى

نور:ياسلام على اساس انك لماسفرت اناكنت صغيرة صح

سيف :لسه زى ماانتى لمضه عمومآ ياستى انتى طول عمرك قمر
نور:سيف اناعايزه اقولك على حاجه مهمه اووى
سيف :اتفضلى ياحضرت الظابط قولى
نور::انا انا من زمان واناعايزه اقولك انى انا ..........
واتاهم صوت من الخلف سيف سيف انت سبتنى ليه ياحبيبى
وكانت هذة سلمى التى تعرف عليها سيف اثناء سفرة وهى دكتورة برضو فى نفس مجال سيف وبيحبو بعض
سيف:اناهنا مع نور بنت خالتى تعالى ياحياتى
نور انصدمت مما سمعت ورات ومقدرتش تتكلم وبعد ماحاولات من اخراج صوتها وبهدوء
نور:مين دى ياسيف

سيف :هى دى المفاجاءة ال كلمتك عليها دى سلمى دكتوارة جراحه وبنحب بعض وحبيت انك اول واحده تعرفى لانك اقرب واحده ليا وعلشان يهمنى انك تشهدى على حبنا انابحبها اوووى يانور وبتمنى اليوم ال تكون فيه مراتى

نزلت هذة الكلمات زى الصاعقه على نور التى حاولت ان تتمالك نفسها وسلمت على سلمى واخذتهم ووصلتهم على بيت خالتها
سيف :يلا ياسلمى انزلى ده بيت اهلى تعالى اعرفك عليهم دول هيفرحو اووى وانتى كمان يانور فى كلام كتير نفسى احكيهولك يلا
نور :معلش انارايحه مبنى الشرطة لان اللواء كلمنى وانا نسيت لما عرفت انك جاى.

سيف:بس توعدينى انك هتيجى تانى

نور :حاضر اكيد جيالكم تانى يلاسلام
ونزل سيف وسلمى ومشيت نور بعربيتها
ووقفت فجاء وفضلت تتنفس بصعوبه كانها كانت بتتخنق وفضلت تبكى وتبكى على جرح قلبها ورجعت على النادى وفضلت تتمرن وتتمرن لحد مافقدت الوعى
ياترى ايه ال هيحصل ل نور ؟
رواية ملكت قلبي للكاتبة نجوى مصطفى

الفصل الثاني


رجعت على النادى وفضلت تتمرن لحد مافقدت الوعى

وكانت فى عيون مرقباها من بعيد واول وماسقطت من على جهاز الجرى ال كانت بتتمرن عليه جرى عليها واخدها وطلع على عيادة دكتور النادى
وطبعآ ده المدرب يوسف
واقف قدام العياده متوتر وقلقان على نور ...خرج الدكتور ويوسف بيساله على حاله نوى
يوسف :خير يادكتور مالها
الدكتور :متقلقش هى مراهقه لانها تحملت على نفسها جدآ وعملت مجهود كبير ودى نتيجة طبيعه هى فاقت تقدر تدخلها
يوسف:شكرآ يادكتور

ووقف مكانه علشان متردد يدخلها وهو كده قلقان ول لا

وبعد ماهدى خبط على باب الاوضه وفضل لحد ماسمع صوتها بتقول ادخل
يوسف :حمدلله على سلامتك ايه ال حصل
نور:بتجمد الله يسلمك مفيش


يوسف لاحظ انها مش عايزه تتكلم ومرضيش يضغط عليها

يوسف :الدكتور قال انك مرهقه والمفروض ترتاحى ومتاجيش بكرة التمرين انتى تقدرى تروحى ترتاحى بعد ازنك
نور:اناهاجى التمرين بكره انا برتاح فى التمرين
يوسف:انتى مرهقه ولامش واخده بالك
نور باانفعال:انا قولت جايه ياكابتن
يوسف :براحتك بعدازنك

فضلت نور شويه بعد ماخرج يوسف

وبيرن فى ودنها كلام سيف ال وجع قلبها ولو كسر القلوب بيتسمع كان كسرت قلب نور سمعت الكون كله
فى بيت سيف
سيف :ماما ماما
نهى :سيف حبيبى وحشتنى اوووى
سيف:وانتى كمان ياماما وحشتينى اوووى اوووى
نهى اخدت ابنها فى حضنها بلهفه وشوق ودموع اخيرآ حققت حلمك ياحبيبى
سيف:اهدى ياحبيبتى بقا فى مفاجاة
نهى :مفاجاة ايه
سيف :فين بس الاول البت رودى

رودى اخت سيف الوحيده وفى كليه اعلام فى اخر سنه

رودى :سيف حبيبى انا هنا ونازلت تجرى وحضنته
سيف:حبيبة قلبى انتى ياقمر وحشتينى اوووى
رودى :زعلانه منك ليه مكلمتنيش استناك فى المطار
سيف :كنت عايز اعملهالكم مفاجاة
رودى :على فكرة نور هتموت وتشوفك
سيف:نور هى ال استقبلتنى فى المطار ووصلتنى هنا
رودى :طيب هى ليه مادخلتش
سيف :قالت وراها شغل المهم فاكرين البنت ال حكتلكم عليها
نهى :اه ياحبيبى سلمى مالها
رودى تعرف ان نور تحبه جدآ
رودى :انت لسه بتفكر فيها اناقولت انهم كانو كلمتين عن اعجابك بيه وبس
سيف:لا طبعآ يارودى انابحبها وعلى فكرة هى جات معايا
نهى :فينها ياابنى
سيف:سلمى سلمى

سلمى فتاه جميلة وعيونها بنى وشعرها اصفر مجعد وبشرتها بيضاء ولكنها منفتحه فى ملابسها ولاتخجل عندما تلبس ملابس الدول الاروبيه

دخلت عليهم سلمى وابتسمت ونهى ورودى فضلو متنحين اوووى وبيبصولها من فوق لتحت
سلمى :ازيك ياطنط سيف حكالى عنك كتير بس شكلك كده احلى من بكتير مماتخيلت
نهى :ربنا يخليكى يابنتى انتى كمان قمر زى سيف ماوصفك
سلمى :ميرسى ياطنط
رودى سلمت عليها وهى مدايقه اووى ان ده زؤق اخوها واستاذنت انها وراها مذاكرة وطلعت اوضتها
اماسيف فضل يتكلم مع مامته عن سلمى وهو مبسووط اووى اعتقد انها عجبتهم
سيف :ياماما اناهموت من الجوع يلا بقا فين الاكل
نهى :حاضر ياحبيبى دقايق والسفرة تكون جاهزه

وخرجت تتمتم هى دى ياسيف ال انت اخترتها ليه مانور بنت خالتك مؤدبه ومحترمة وبتحبك من صغركم ودخلت قالت للخدم يجهزو السفرة

سيف مع سلمى وبيتكلم وبيضحك اوووى وقطع ضحكته صوت يعرفه ومشتاق اليه جدآ
الدكتور سيف هنا وميعديش عليا لا كده اناازعل
سيف :انامقدرش على زعلك يابابا انت وحشتنى اوووى اوووى
محمد:واضح واضح

راح سيف ل باباه وحضنه وبيضحك.

سيف :يابابامتزعلش انا والله لسه واصل وكنت هرن عليك دلوقتى كمان
محمد وقد نظر الى سلمى بااعجاب مين دى ياسيف
سيف :دى سلمى زميلتى يابابا ودكتورة فى نفس مجالى
محمد:اهلا اهلا يابنتى حمدلله على السلامه
سلمى :الله يسلمك يااونكل حضرتك اصغر بكتير من انك تكون والد سيف
محمد:شكرآ لزؤقك هى نهى فين
سيف:بيحضرو العشاء يابابا
محمد:طيب اناهطلع اغير هدومى وهنزل نتعشاء مع بعض

عند نور اخذها التفكير والحزن ولم تدرك ان الليل سدل ستائره ال عندما دخلت عليها الممرضه

حضرتك الدكتور كتبلك على خروج
نور بتوهان :ماشى انا ماشيه
خرجت نور من الغرفه التى احتجزت فيها فى مشفى النادى
وركبت عربيتها وهى لاتعرف الى اين تتجه وفجاءة توقفت ونزلت من العربيه فى مكان فاضى ومظلم ولاينيره سواء ضوء القمر وجلست على الارض وظلت تنظر الى السماء وبصوت عالى

نور :يارب اناعمرى مااعترضت على حاجه حصلت معايا بس اناموجوعه موجوعه اوووى وانت ال عالم بيا انا حاسه كل حاجه اتكسرت جوايا حاسه انى بموت بالبطئ ليه ليييييييه بس انا مكنتش بتمنا من الدنيا كلها غير سيف هو الوحيد ال حبيبته وهو ال فتحت عنيا عليه انامن يوم وفاة ابويا مليش غيرك انت يارب وكنت فاكرة انك هتعوضنى بيه


اناكنت بتمناه يرجع علشان اشوفه واعترفله انى بحبه ولكن انا دلوقتى بقول

نور بصوت عالى
ياريتك مارجعت ياسيف ياريتك مارجعت
راجع تكسرنى ليه هااا ليييييييه بعد مابقيت نور خالد البنهاوى احسن ضابط شرطه فى مكافحه المخدرات ال تقدر تجيب حق الناس الغلابه من ال بيدمرو حياتهم بس انا خلاص مش هنفع ارجع زى الاول تانى
يااااااااارب قوينى ياااااااارب انا تعبانه اوووى اووووى وفضلت تعيط وهى قاعده مكانه



فى بيت سيف


سيف قاعد مع سلمى فى الجنينه بتاعت الفله وال مبسوووووط جدآ بوجودها

سيف:انا بحبك اووووى ياسلمى من اول مرة شوفتك فيه
سلمى :اه واناكمان بس مش غريبه حاسه باباك ومامتك واختك مش مبسوطين بوجودى
سيف:لاياحبيبتى مين قال كده بس بابا كان راجع من الشغل تعبان وماما سابتنا لوحدنا علشان ناخد راحتنا
سلمى :ورودى هى كمان مش مبسوطة بوجودى
سيف:لا لا رودى دى اطيب بنت فى الدنيا كلهاوبعدين ياحبيبتى هى بتذاكر علشان امتحانتها
...سلمى مش مقتنعه بااسبابه نهائيآ
نور فضلت تبكى على جرحها ال من حب العمر ومش واخده باله انها داخله على نص الليل لحد ماتليفونها رن وكانت هند مامتها
نور تماسكت علشان محدش يعرف حاجه وردت
هند:نور انتى فين

نور ادركت انها متعرفش هى فين اصلآ ودموعها نزلت على حالها ال وصلتله

هند:نور انتى فيكى ايه ياحبيبتى قلبى وجعنى عليكى اوووى حاسه انك تعبانه
نور بصوت مخنوق :مفيش ياماما اناجايه حالآ
هند:خلى بالك من نفسك هستناكى ياحبيبتى متتاخريش
وقفلت نور مع امها ووقفت وراحه تركب العربيه شافت فى عربيات وقفو قدامها واتفاجاءت من ال حصل
ونزلو تلاته شباب من العربيه شكلهم سكرانين
وهى ضحكت ضحكة باهته وقفلت باب العربيه ونزلت
رواية ملكت قلبي للكاتبة نجوى مصطفى

الفصل الثالث


نزلو ثلاث شباب شكلهم سكرانين وضحكت نور ضحكة باهته ونزلت وقفلت باب العربيه

الشباب:ايه الحلاوة دى وايه الحته المقطوعه ال قاعده فيها دى انتى مستنينا
وبدوا الشباب يضحكو وهى بتتفرج عليهم بهدوء وهما بيتمايلو
الشاب1:شكلك قمر تعالى معايا واناهسهرك سهرة عمرك فى حياتك ماحلمتى بيها اصلآ يلا ياقمر ورايح ناحيه نور
الشاب 2:لا هتيجى معايا انا ليه انت انا اصلآ ال بصرف عليكم وانا ال معايا كل ال هى عايزه وشده من ناحيه نور
الشاب 3:كان واقف بيتفرج وبعدين فتح مطوة وراح ناحيه الشباب وقال خلى دكر بس منكم يقربلها وانتو هتشوفو هعمل فيه ايه وبعدو الاتنين وراح ده ماسك نور من دراعها.

نور :سيب دراعى لخليك تندم

الشاب3:هههههههههههه اناعايز اندم يلا يابت
وفجاء بدون مقدمات كان على الارض وبيتوجع من ضربة نور
ونور بتبصله ايه هتمشى ولالا
الشباب :ده انتى لو مجتيش بمزاجك هتيجى غصب عنك فاهمه ولااقول تانى
نور:اناممكن احبسكم كلكم اناضابط شرطه
الشاب 1:لو فى حضنك موافقين ههههههه
وظلو يسخرون منها حتى نفذ صبر نور وتوجهت اليهم
وكانها مكافاء من القدر لكى تفرغ كل مافى داخلها فى ضربهم وبسرعه هائله كانو كلهم على الارض ومن شدت الضرب لم يستطيعو القيام من الارض لكى يهرب اى منهم

نور:على فكرة جيتو فى وقتكم علشان اتمرن عليكم ههههههه

ركبت نور عربيتها وبداخلها ابتسامة انتصار انها ليست ضعيفه كما اعتقدت بعد صدمتها فى سيف
وصلت نور منزلها وجدت امها فى انتظارها هند:اتاخرتى ليه يانور قلقتينى عليكى
نور:اناكويسه ياامى كويسه جدآ متقلقيش
هند :شكلك تعبانه يانور

نور:ده بس مجهود التمرين عايزة حاجه ياحبيبتى

هند:لاياحبيبتى اتعشيتى ولا احضرلك اكل
نور:مليش نفس بس ممكن فنجان قهوه
هند:حاضر ياحبيبتى هقوم اعملهولك
نور :لاخليكى خلى حد من الخدم عايزاكى فى موضوع مهم
هند:حاضر
هند:ساميه ساميه
ساميه:نعم ياهانم
هند:اعملى فنجان قهوه ل نور
ساميه :حاضر ياهانم

........هند:قوليلى يانور موضوع ايه المهم

نور :ماما انا عايزة اروح المعسكر
هند:ليه يابنتى حصل ايه مش لسه المهمه بتاعتك
نور: انامحتاجه اروح معسكر ياامى لانى ببقا مرتاحه اناعارفه انك بتزعلى منى بس ده شغلى بعد ازنك مترفضيش
هند:هيفرق معاكى لو قولت متروحيش
نور:طبعآ بس انتى دايمآ يهمك انى اكون مرتاحه ولاايه
هند:هو سيف قالك حاجه زعلتك قوليلى اصل مش دى نور ال كانت خارجه من البيت الابتسامه منورة وشها
نور وهى تحاول ان تخبى ماحدث ومن صدمتها من عدم احساس سيف بمشعرها وانها مجرد اخت
نور:لاياحبيبتى ابدآ سيف ده اخويا وشربت القهوه نور وطلعت اخدت شاور ولكن لاينام الليل الا من خلى باله من التفكير
نور ظلت فى فراشها تبكى وعندما سمعت اذان الفجر توقفت عن البكاء ووعدت نفسها ان تكون اقوى واقوى ولايهزها شئ بعد الان ومن كثرة تعبها استكانت فى فراشها ونامت.



عند يوسف

يوسف ظل مستيقظ طوال الليل وهو يفكر انه اول مرة يرى نور بهذه الحالة من وقت وفاة ابيها نعم هو يعلم انها متمرده حتى على اوجاعها.......................
فى الصباح
فى بيت نور استيقظت نور وقامت بااعداد شنطة هدومها وكل مايلزمها اثناء الفتره ال ستغيبها وارتدت ملابسها وقامت بلم شعرها وكان ماترتديه كله اسود لان فى حالتها لاتستطيع تستوعب سواء الاسود
ونزلت لكى تفطر مع امها
نور:صباح الخير ياامى

هند:صباح النور ياحبيبتى تعالى نفطر واوعى تقولى مليش نفس لانى هزعل منك

نور وهى لاتريد ان مامتها تزعل :لاياحبيبتى انا اصلآ جعانه
وجلسو على السفرة ونور تظاهرت انها تاكل
هند:نور مبتكليش ليه ياحبيبتى
نور :باكل اهوو ياقلبى
هند:على فكرة سيف اتصل امبارح بيا وكلمنى وكان عايز يشوفك وانا قولتله انك رايحه المعسكر وهتقعدى فيه لحد ماتسافرى علشان كده هو زمانه جاى علشان يقعد معاكى شويه قبل ماتخرجى
نور:ايه ليه بس يتعب نفسه وفى نفسها(يووووه ياماما يارتنى ماكنت قولتلك امبارح انا اصلآ هربانه منه)
هند:مفيش تعب ياحبيبتى وبعدين هو وحشنى وانا مشفهوش
واتها صوت من خلفها

سيف :واناهموت واشوفك اصلآ

هند:حبيبى وحشتنى وحشتنى اوووى ياواد ياسيف كده تيجى من امبارح ولاتعبرنى
سيف :كنت مستنى حبيبتى لما ترتاح شويه علشان اجبهالك اعرفك عليها
وهنا دخلت سلمى وكانت ترتدى فستان قصير ابيض
وعندما نظرت نور اليهم لعن نفسها انها استنت تفطر مع امها علشان متزعلش منها
سيف :بت يانور روحتى فين كده من امبارح تعالى عايزك
نور:ازيك ياسلمى نورتى البيت ياحبيبتى
سلمى :ده من زؤقه

وهند وسلمى اتعرفو على بعض وقعدو يتكلمو

وسيف اخد نور وطلع الجنينه برا وقعدها وقعد قدمها
نور:فى ايه ياسيف
سيف:انتى فيه ايه معاكى
نور بتوتر :مفيش انت ال عايزنى اتكلم براحتك اناسمعاك
سيف:ماشى ياستى هحكيلك على كل حاجه
عارفه يانور لماتكونى فى مكان مليان ناس بس تحسى انك قاعده لوحدك على الرغم انهم كلهم حوليكى
بتحسى انك ضايعه بجد اناكنت كده يانور كنت ضايع ومكنتش مركز فى الدراسه اصلآ ولا المجاستير كنت بس عايز افهم ال حواليا وليه اناحاسس نفسى كانى مختلف عنهم خالص

لحد مافيوم قابلت سلمى واتعرفت عليا وبقيت تكلمنى ونذاكر مع بعض مسبتنيش ابدآ انابجد حبيتها اوووى

عارفه يانور حبيت جنانها حبيت حنيتها وجبروتها فى نفس الوقت حبيت كل حاجه كنت بفرح اوووى لمااشوفها جيالى وفى عنيها نظرت الحب والخوف ال كنت مفتقدها انابحبها اوووى يانوووور اووووى
نور وهى دموعها تهدد بالنزول:ربنا يسعدكم لو خلصت كلام ممكن استاذن لانى اتاخرت اوووى
سيف:بس انالسه عايز منك خدمه
نور :اتفضل

سيف :عايزك تساعدينى اقنع ماما انى اتجوز سلمى

نور :حاضر بعد اذنك ولفت نور علشان تمشى شدها سيف اتخبطت فى صدرة واتمنت لو تفضل فى حضنه العمر كله وهو حس انه مطمن جدآ وهى فى حضنه
نور حست انها ممكن كل الحصون ال عملتها لنفسها علشان متنهارش خلاص بتنهار
فبعدت عنه واعتذرت واخدت شنطتها وبعدت عن الفله تمامآ


فى نادى الشرطة

قاعد يوسف وعيونه على الباب مستنى نور تيجى
وقاعد بيفكر فيها انه لازم يعرف ماله.......

نور فى عربيتها بتفكر هتروح فين كده واخيرآ استقرت تروح على النادى وشغلت كاست العربيه وخلت صوته عالى علشان متسمعش صوت تفكيرها ولانزيف قلبها

ولقيت اغنيه شغاله بتقول

انا عشت معاك حكايات عايشه فى خيالى ولابنساها وبانس سنين عايش بحلم بيها

حكايات عشرة عمرى وحبيبى غالى عليا ونصيبى انا افضل كتير احكيها عالله تشوفنى مرة ومتجيش جو حضنى وتشتكى همك وفرحك يتحكى من غير ماسال تقول وامانه عليا اشيك فى عنيا وقلبى ومهما جد تفضل فى عينى احلى حد
قولتها وهقول اناعشت معاك حكايات
حكايات عايشه فى خيالى

ودى كانت سبب اخر حصن جوها تنهار

ووقفت بالعربيه قريب من النادى وفضلت تبكى وتعلو شهاقتها...
يوسف تعب من الانتظار وطلع بعربيته لانه فقد الامل انها تيجى خلاص
وفجاءة شاف عربيه نور برا النادى وهى جوها ومسنودى على الدركسيون وبتبكى
راح نحيتها بسرعه ووقف عربيتة ونزل راح ركب جنب نور فى عربيتها
يوسف:مالك يانور
نور:...

يوسف:نور فيه ايه انااول مرة اشوفك كده ايه ال حصل يانور

نور بدات دموعها تنزل بغزاره وشهقاتها تعلى اوووى
قرب يوسف منها واخدها فى حضنه جامد وفضل يحضنها جامد كانه عايز يدخلها جواه ويحسسها بالامان
يوسف وهو بيحاول يطمنها وهى استكانت فى حضنه خالص كانها مصدقت لقته
وهو حب اللحظة دى اوووى واتمنى طول العمر فى حضنه وأستغرب احساسه اووى
يوسف :نور مفيش حاجه فى الدنيا كلها تستاهل دمعه واحده بس من عيونك على الرغم ان شكلك حلو وانتى بتبكى نور ضربته فى صدره وحاولت تسيب حضنه لكن هو كانه خلاص حبسها مدى الحياه
نور: يوسف خلاص
يوسف بلامبلاه:خلاص ايه
نور :سيبنى اناهديت

يوسف :لاخليكى شويه كمان يمكن تفكرى تعيطى تانى

نور:ههههههههههه يوسف خلاص بقا بدل ماازعلك
يوسف :ايه ده اتحولتى ليه
نور:شكرآ يايوسف اناكنت محتاجه وقفتك جمبى
يوسف:هتعملى مؤدبه وقفتى ولا حضنى هههههه
نور:كده طيب انزل من العربيه يلا
يوسف بجديه:اناعايز اتكلم معاكى فى موضوع مهم ممكن
نور:مع انه مش وقته بس اتفضل
يوسف:..........
رواية ملكت قلبي للكاتبة نجوى مصطفى

الفصل الرابع


يوسف :أنا عايز اعرفك اكتر اعرف حياتك عايز اعرف أيه ال ممكن يوجع نور للدرجة دى

نور:معلش مش عايزه اتكلم وبعدين انت اصلآ عارف عنى كل حاجه ايه ال اختلف
يوسف :انتى بجد مش عارفه ايه ال اختلف ال اختلف ان نور مكسورة جوها ومش عايزه تحكيلى ليه يانور
نور بعصبيه :لان مفيش حاجه مفيش مفيش
يوسف:أهدى اهدى براحتك يانور
سابها ونازل من العربيه فمسكت نور ايده
نور :متزعلش انامش قصدى اتعصب عليك

يوسف:...

نور:والله ماقصدى متزعلش اناعايزه اطلب منك طلب ممكن
يوسف :اتفضلى اكيد وانامش زعلان
نور:اناعايزه مااجيش التمرين تانى وعايزك تحولنى على معسكر
يوسف :ليه يانور
نور:عايزه ابعد عايزه ابقى لوحدى وانت الوحيد ال هتساعدنى
يوسف :........

نور :يوسف هتساعدنى

يوسف :حاضر بس ممكن طلب
نور بااستغراب:اتفضل
يوسف:تطمنينى عليكى لانك دلوقتى مش نور ال انا اعرفها
نور:حاضر بس يلاندخل النادى تكلملى سيادة اللواء
يوسف :بالسرعه دى حاضر يانور
نور:يلا
وفعلآ دخلو النادى ويوسف كلم اللواء ووافق ان نور تدخل معسكر لحد المهمه ماتبدا
ونور خارجه من النادى
يوسف ::نور يا نور

نور سمعت يوسف ورجعت

يوسف: انا ممكن ابقا اكلمك اطمن عليكى لانى بجد اول مرة اقلق عليكى كده
نور حسة بوجع فى قلبها
نور:ممكن بس ممكن انت كمان تبقا تطمن على مامتى لانى معرفش اذا كانت المهمه هتستمر كام يوم
يوسف :طبعآ هى اصلآ زعلانه لانى ليا فترة مكلمتهاش
نور:ميرسى ياجو
ومشيت نور وحاسه ان يوسف عايز يوصلها حاجه بس طردت الافكار دى من تفكيرة
وطلعت على المديريه وعرفت انها المعسكر ال هتكون فيه فى طنطا وكل فريق هيتحرك 5 الفجر
وسابت الحاجات فى العربيه وفضلت تتمرن وتجرى وتحاول تجهد نفسها علشان تحس بالالم الجسدى مش المعنوى وبعد ماخلصت
لقت يوسف بيرن عليها

نور:الووو

يوسف :انتى فين يانور
نور:فى العربيه واقفه على النيل ليه
يوسف:اناعرفت ان الفريق ال هتكونى فيه لسه هيتحرك بكرة 5 الفجر ليه مروحتيش
نوربعصبيه:انت هتحاسبنى ولا ايه لا كده مش هينفع
يوسف :انااسف يانور مكنتش اقصد سلام وقفل يوسف
نور :راحت عند مكان المقابر وجلست امام مقبرة

نور:بابا عايزك دايمآ تبقا فخور ببنتك اناعمرى ماهسيب نفسى للحزن يتملكنى يمكن انااكون تعبانه دلوقتى بس اوعدك بعدين هكون كويسه

انت عارف اكتر حاجه نفسى فيها حضنك نفسى يابابا اسمع منك اسمى لما كنت تقولى انتى حياتى يا نور بس انت ضحكت عليا انت قولتلى انك مش هتتخلى عنى ابدآ وسبتنى يابابا سبتنى ليه للدنيا لوحدى انا وامى انت الوحيد ال كنت بتفهمنى من نظرة عنيا بس اناهسمع كلامك لما قولتلى خليكى دايمآ فاكرة انك نور خالد البنهاوى ومتضعفيش.

وحشتنى وحشتنى اوووى ولماقامت تمشى لقت حد واقف وراها وسمعها وفجاءة تماسكت علشان تعرف من امتا وهى مخادتش بالها من ال واقف وراها..........

فى المديريه
حازم صديق نور وزميله ال هيطلع معاها المهمه
بيدرس الورق كويس وعرف ان الشحنه ال جايه فيها المواد المخدرة هتكون الساعه 12 بالليل فى ميناء الاسكندريه
خرج من مكتبه وتوجه الى اللواء بكر
خبط على الباب ودخل ياباشا فى معلومات مهمه لازم حضرتك تعرفها
اللواء بكر:ايه هى

حازم:ياباشا المهمه ال هطلعها انا ونور ال كانت المفروض توصل كمان اسبوع هتوصل انهاردة ميناء الاسكندريه 12 بالليل

اللواء :كلم نور قبل ماتتوجه للمعسكر وجهزو القوة فى سريه تامه فاهمين
حازم :فاهم يافندم بعد ازنك
يوسف كان مضايق اوووى من طريقه نور لانه كان عايز يعرف السبب الى مخليها زعلانه كده فى شغلها ولا فى الحياة الشخصية

نور لفت تشوف مين لكن ارتاحت لماعرفت انها مامتها

نور:ماما انتى هنا من امتا
هند:لسه يدوب واصله قوليلى ياحبيبتى مروحتيش المعسكر ليه
نور:المفروض نتحرك الساعه 5 الفجر
هند قرأت الفاتحه على روح جوزها وحبيب عمرها
نور:اناهمشى ياامى عايزه حاجه
هند:هتروحى فين لسه المعسكر بدرى عليه تعالى نروح عايزاكى
نور:حاضر

وصلت نور وامها البيت وذهبت نور ال غرفتها ودخلت اخدت شاور وطلعت لقيت امها قاعده على السرير

نور بااستغراب :فى حاجه ياماما
هند:لاياحبيبتى انا بس حاسه انك منمتيش كويس وفى حاجه مزعلاكى ممكن اعرفها
نور:مفيش ياماما متقلقيش ياحبيبتى بس يمكن محتاجه انام فى حضنك
هند:تعالى ياحبيبتى واخدتها فى حضنها ولحظت ان بنتها بتترعش كانها خايفه من حاجه وبتستمد الامان من حضنها
هند جابت المصحف وبدات تتلو بعض ايات القران الكريم لكى تستريح نفس ابنتها وراحت نور فى ثبات عميق
حازم فضل يرن على نور وهند شافت تليفون نور وعملته صامت علشان بنتها تنام ونزلت وكانت الساعه 3 عصرآ ...



فى بيت سيف

سيف :ياماما مش معقول كده انك رفضها علشان لبسها
نهى :يابنى انت حر بس انامش موافقه
سيف : انابحبها ياامى بحبها اووى

نهى :طيب فين اهلها تقدر تقولى فين وليه سايبنها قاعده معاك فى بيت واحد

سيف :ماما اهلها عايشين برا وهي رجعت علشانى انا وعلشان نتجوز لو سمحتى متوقفيش فى طريق سعادتى
نهى:انا ياابنى بوقف فى طريق سعادتك
سيف :مش قصدى سورى يامامى
نهى:انت ياحبيبى بقيت راجل وتقدر تتجوز ال انت عايزها بس انا مش هدخل فى موضوع جوازك
سيف:وانامش هتجوز من غير رضاكى بعد ازنك ياامى وسابها وخرج

حازم رن كتير على نور ومخنوق اوووى منها ازاى متردش الساعه 9 وبقاله 6 ساعات بيرن عليها وكده هيا هتتعاقب فى شغلها وهتبقا بمثابة النطة السودة فى ملفها


نور بتفتح عنيها لقيت التليفون بتاعها بينور ويطفئ

قامت بسرعه واخدت التليفون ولقيت حازم مكلمها كتير اوووى
فاقت بسرعه وكلمته ورد عليها
حازم :اهلا اهلا حمدلله على السلامه
نور:الله يسلمك فيه ايه وايه الرنات دى كلها
حازم:معلش ازعجنا حضرتك بس فيه كارثه
نور:كارثه كارثه ايه

حازم :شحنة المخدرات على الساعه 12 هتخرج من المينا قدامك نص ساعه تكونى عندى علشان نتحرك بالقوات

نور:حاضر واقل من نص ساعه سلام
قامت نور بسرعه ولبست واقى للرصاص ولبست هدوم المهمه ونزلت جرى وامها قابلها
هند:فيه ايه ياحبيبتى

نور:مفيش شوية شغل وراجعه ياست الكل خلى بالك من نفسك وباست ايديها وخرجت

ركبت العربيه وساقت بااقصى سرعه ووصلت عند حازم واتحركو على اسكندريه
بس لما وصلو كانت المصيبه الاكبر ال لسه هتواجهم بس نور عرفت تنقذ الموقف
لانهم اتسربت ليهم معلومات ان الشحنه خرجت بس من ميناء بورسعيد وكانت من احد رجال المينا لاكن نور حاسة ان الراجل ده بيكدب من طريقه كلامه وامرت القوات يتحفظو على الرجل ده
حازم:ايه ده يانور احنا لازم نلحق الشحنه قبل ماتتوزع يلا بينا وسيبى الراجل
نور :لا الشحنه هنا ده بيكدب وانالاحظت ده
حازم :ده تهريج حضرتك احنا لازم نتحرك
نور :محدش هيتحرك من هنا غير علشان نحاصر المكان مش نغادرة

حازم :نور

نور:انت هتشوف بنفسك تعالى
واخدته نور واخدت الراجل بتاع الميناء ال كدب عليهم وخلتو يقولهم المعلومات اكتر من مره لحد ماغلط وفعلآ حازم عرف ان نور صح
فجاء الراجل جرى بس نور لحقته برصاصه فى رجله
وحازم اتفاجى من سرعه ردت فعلها
وهما واقفين لاحظو ان الساعه قربت على 12 ونور توترت جامد وحازم مجهز القوات بس نور لمحت حاجه من بعيد
رواية ملكت قلبي للكاتبة نجوى مصطفى

الفصل الخامس


وهما واقفين لاحظو ان الساعه قربت على 12 ونور توترت جامد وحازم مجهز القوات بس نور لمحت حاجه من بعيد

كانت فيه عربية نقل كبيرة بعيدة عنهم بس الحركة بتاعتهم كانت بحرص شديد وكانو لبسين اقنعه وفيه بعض الصناديق بيحملوها وبيقفلو فى العربيات نور استوعبت بسرعه ان الشحنه وصلت واتحملت كمان والميعاد كان مجرد تشويش عليهم وخروجهم من بوابه الميناء الخلفيه
نور:حازم باشا يلا نتحرك فى الاتجاه اليمين
حازم اخد باله من العربيه النقل

حازم:بس احنا جاين علشان الشحنه وهى لسه موصلتش المعلومات ال جاتلنا كانت كده ودى عربيه عاديه

نور:هى دى الشحنه انا شوفت الصناديق يلا بسرعه قبل مايطلعو بيها
حازم بيتكلم فى جهاز الارسال:كل القوات تتحرك بحرص شديد وبسرعه على بوابه الميناء الخلفيه
...اتحركت القوات كلها وانقسمت جزء مع نور وجزء مع حازم
نور مع القوه ........

نور:عايزين الناس دى حيا ونطلع بااقل الخسائر فاهمين وعرفتهم هيتعاملو معاهم ازاى واتحركو.

بدات نور بااطلاق النار
واشتعل المكان بالرصاص من العصابه والبوليس
نور اتحركت بالقوات وسيطرت على الطريق الرئيسى للميناء

نور للمجرمين نزلو سلاحكم بهدوء ولو اتحركتو حركه واحده عكس كلامى انتم ال هتندمو

اتنين نزلو اسلحتهم والتالت ضرب النار على نور ال اتفادتها بوقوعها على الارض وضربتهم بطلقه فى صدره
نور:حازم باشا خلاص كده انتهو ايه رايك
حازم :ممتازة يانور اجمعى القوات واناهطلع بالعربيه وبالبضاعه وانتى امنينى تمام
نور :حاضر ياباشا
حازم ركب العربيه النقل ونور وراه بعربية المديريه
ووصلت على قسم البوليس
فى مكتب نور

حازم :الصفقه بتاعت انهاردة لولاكى كانت زمانها اتوزعت

نور:انامعملتش حاجه يافندم ده شغلى
حازم:اناهروح احقق معاهم وانتى سيادة اللواء عايزك
نور:فى حاجه حصلت
حازم:معرفش اناحكتله على ال حصل وهو طلب منى ابلغك تتفضلى عنده
نور :حاضر هخلص الاوراق دى وهروحله شكرآ يافندم
حازم :تمام سلام...... نور
نور:نعم
حازم:خلى بالك من نفسك لان رئيس العصابه مش هيسيب الموضوع ده يعدى على خير
نور :خليها على الله
وخرج حازم من المكتب ونور خلصت الاوراق وتوجهت على مكتب اللواء

اللواء:اهلا اهلا يانور

نور:تمام يافندم
اللواء :اتفضلى يانور اقعدى يابنتى
قعدت نور وهى حاسه انه فيه موضوع مهم
نور:فيه حاجه يافندم
اللواء :مش هينفع تروحى المعسكر يانور
نور :علشان التاخير يعنى يافندم هما اتحركو الساعه 5 ودلوقتى الساعه 8 بس انا ممكن الحقهم بعربيتى وحضرتك ممكن تكلملى اللواء هناك وتقولى انى يدوب خلصت المهمه

اللواء:نور مش هينفع روحى وخلى بالك من نفسك الناس دى مبتهزرش ممكن ينتقمو منك فاهمه

نور:احناقبضنا عليهم خلاص معتقدش ان هيكون لسه فى خطر
اللواء :لاطبعآ والخطر اكبر لانهم سلسله كبيرة اوى مش مجرد شحنه مواد مخدرة
نور:يعنى ايه ممكن يكون فيه انتقام انامعنديش حاجه اخاف عليها
اللواء :مامتك يانور عندك مامتك مش هتخافى عليها

نور:بس هى

قاطعه اللواء :مبسش خلى بالك منها اتفضلى على مكتبك
نور:بعد ازنك يافندم
وخرجت نور من مكتب اللواء فى اتجاه منزلها

فى بيت سيف ......

رودى :صباح الخير ياماما
نهى :صباح الجمال ياروحى صاحيه بدرى ليه
رودى :عندى محاضرة
نهى :طيب افطرى الاول
رودى :ياماما هتاخر باى انا خارجه عاوزة حاجه ياحبيبتى
نهى :ربنا يحفظك ياحبيبتى باى باى

فى بيت نور .....

دخلت نور لقيت مامتها نايمه وطلعت اوضتها اخدت شاور وحاولت تنام بس معرفتش
ونزلت قعدت فى الجنينة وسرحت فى ذكرياتها

فى مصنع مهجور يجلس رجل يبلغ من السن حولى 55 سنه


...يعنى ايه حتة بنت تخسرنا شحنة بملايين

مسعد:ياباشا احنا كنا ماشين صح بس هى ال قلبت الموازين خالص
...قلبت الموازين ايه وزفت ايه اناعايزك تخلصنى من البنت دى
مسعد:ياباشا لو قتلنها الداخليه كلها هتتقلب
...أسمع يازفت انت انا ال اقوله يتنفذالشحنة تمن حياة البنت دى فاهم
مسعد:عولم وينفذ ياكينج



فى بيت سيف

سلمى :صباح الخير ياحبيبى
سيف:صباح الرقه والجمال ياقلبى
سلمى :هههههههههههههه ايه ده انت رايق اوووى ومزاجك حلو
سيف:اناطالما شوفتك لازم ابقا رايق ياروحى
سلمى: يلا نخرج ياسيف اناعايزه نفطر فى الجنينه
سيف:طيب تعالى اوريكى حاجه الاول هتعجبك اوووى
سيف اخد سلمى عند حوض ورد بلدى احمر فى الجنينه
سلمى :او ما جاد ايه الجمال ده

سيف :اناعارف انك بتحبى الورد

سلمى :وبحبك انت اكتر
سيف:ايه بتقولى ايه عايز اسمعها
سلمى بكسوف:بقول بحبك
سيف:وانابعشقك
قربها منه اوى ولف ايديه حوالين وسطها وشدها عليها
وسلمى حطت ايدها على كتفه وقربو من بعض لحد مااختلطت انافسهم وكل واحد حاسس احساس غريب اووى وسيف قرب منها يبوسها
بس قطعت عليهم اللحظه دى صوت مامت سيف

نهى :سيف ياحبيبى الفطار جاهز فى الجنينه ليك انت وسلمى يلا ياحبيبى

سيف :حاضر ياماما
سلمى :يلا ياسيف
سيف :يلا تتعوض بقا هههههههههه
سلمى:انت قليل الادب
سيف:اناسافل اصلآ
وضحكو الاتنين وراحو يفطرو

نور كانت قاعدة سرحانه وفجاء سمعت صوت الخدامه بتصرخ

ساميه الخدامه:ست هند فوقى ياست هند
الحقونى ست هند ردى عليا
قامت نور تجرى وفجاء وقفت بخوف
رواية ملكت قلبي للكاتبة نجوى مصطفى

الفصل السادس


نور كانت قاعدة سرحانه وفجاء سمعت صوت الخدامه بتصرخ

ساميه الخدامه:ست هند فوقى ياست هند
الحقونى ست هند ردى عليا
قامت نور تجرى وفجاء وقفت بخوف
نور :ماما مالك ياحبيبتى حصلك ايه اناهطلب الاسعاف حالآ
نقلت الاسعاف هند على المستشفى ونور هتموت من القلق ورنت على خالته نهى
نور :الوو

نهى :ازيك يانور اخباركم ايه

نور:ماما تعبانه اووى وانانقلتها المستشفى
نهى :يالهوووى الدكتور قال ايه
نور: لسه الدكتور عندها لو سمحتى ممكن تيجى
نهى :اناجيالك ياحبيبتى ربنا يطمنا عليها
نور:يارب سلام
قفلت نور وجريت على الدكتور ال خرج من اوضته مامتها
نور:خير يادكتور ماما مالها

الدكتور:اطمنى هى بس كانت عندها غيبوبة سكر وضغطها واطى واحنا عملنا اللازم

نور:شكرآ يادكتور ممكن ادخلها
الدكتور :طبعآ اتفضلى
نور دخلت عند مامتها لقيتها فاقت ومبتسمه
نور:الف سلامه عليكى ياحبيبتى
هند:الله يسلمك ياحبيبتى متخافيش عليا
نور :انا مليش غيرك لازم اخاف عليكى
هند:ربنايخليكى ليا يارب

نور:يلاقومى بقا انتى هتدلعى ولا ايه ياجميل انت

هند:ههههههههه بس يانور عيب ادلع ايه بس
الباب خبط وكانت نهى ودخلت حضنت هند
نهى بخوف:الف سلامه عليكى ياحبيبتى
هند:الله يسلمك متقلقيش اناكويسه
نهى :الحمدلله يارب دايمآ تكونى بخير مقولكيش اناعلى اعصابى من وقت ماكلمتنى نور وقالتلى ماما تعبانه
هند:هى اتخضت عليا بس
نهى وهى تنظر لنور:الدكتور قالك ايه يانور
نور:الضغط واطى وغيبوبه سكر

نهى :الحمدلله على كل حال بس انتى لازم تاخدى بالك من نفسك ياهند علشان خاطر نور متخوفهاش عليكى كل شويه كده

هند:اناباخد العلاج فى وقته بس الصبح كنت صاحيه دايخه واول مانزلت ماحستش بالدنيا غير واناهنا
نور:حصل خير ياماما المهم اننا اطمنا عليكى
هند:اناعايزه اروح بيتى يانور
نهى :لا انتى هتروحى معايا بدل ماتقعدى لوحدك ونور فى شغلها
هند :ونور هسيبها لوحدها

نهى :بعد ماتخلص شغل تعدى علينا وتروحو مع بعض ولاايه يانور

نور:براحتك ياخالتو لو ماما وافقت اتفضلى اوصلكم
نهى :لاياحبيبتى روحى شوفى شغلك معايا السواق تحت هيوصلنا
نور باست ايد امها :الف مليووون سلامه عليكى ياامى استاذن انا
نهى وهند مع بعض :ربنا معاكى ياحبيبتى
نزلت نور وبعدين نزلت هند ونهى ومشيو

سيف:سلمى ياسلمى

سلمى يتوهان:هاا قولت حاجه
قرب منها سيف :الجميل مش معايا ولاايه
سلمى بضيق :سرحت شويه معلش
سيف:مالك ياسلمى
سلمى:اناعايزه اسافر
سيف:ليه ياسلمى احنا اتفقنا انا باباكى ومامتك هما ال هيجو علشان الخطوبه
سلمى:على اساس ايه
سيف:مش فاهم

سلمى :مامتك مش متقبلانى اصلآ هتخلينا نتجوز كمان

سيف:ماما دى حنينه اوووى واوعدك انها هى كمان ال هتطلب منك توافقى عليا
سلمى :بجد ياسيف
سيف:بجد ياروح سيف انتى
سلمى :يلا نخرج نتغدى برا ونعمل شوبينج
سيف:اتفضلى ياروحى الى انتى عايزه يتنفذ
سلمى شدتو من ايده وخرجو

يوسف كان بداء التمرين وكل الضباط شباب وبنات بيتمرنو

دخلت نور واستقلت احد الاجهزة وبدات التمرين وبتزود السرعه اوووى لجهاز الجرى وحاطه الهندفرى وبتسمع اغانى
يوسف بيمرنهم وسرحان فى ومستنيها تخلص وتكلمه وتبدا معاه الكلام
فاق على صوت
الضابط ندى :كابتن يوسف ياكابتن حضرتك وقفت التمرين ليه
يوسف بااحراج: كفايه كده انهاردة ياندى ووقف التمرين
ندى : اشمعنا ياكابتن كل يوم احنا بنبقا بنموت ومبتوقفش التمرين
يوسف بضيق:تعبان شويه
ندى:سلامتك ياكابتن بعد ازنك
يوسف:الله يسلمك اتفضلى

رودى فى الجامعه مع صحبتها المقربة سارة

رودى:بقولك اناعندى فكرة تحفه
سارة:قولى ياعم خرجينا من الجو الكئيب ده
رودى :تيجى نطلع اسبوع اسكندريه
سارة:انتى مبتفهميش يابت انتى لسه الدكتور مصدعنا بااهمية الحضور علشان الغياب وانتى تقوليلى اسبوع اسكندريه
رودى :اه اسبوع اسكندريه ياام الذكاء علشان لما هنعمل تغير هنعرف نذاكر كويس
سارة:عندك حق بس امتا وبكرة فى ميد ترم

رودى : بعد مانخلص وهما 6ساعات بس فى الطريق انا هكلم ماما واقنعها تقنع بابا واكلمك ونتفق

سارة:طيب انا ماما وبابا مش هيرفضو لانهم بيزنو عليا اغير جو
رودى بضحكة:اتفقنا ياصرصورى
سارة بغضب: متقوليش صرصور
رودى بضحك:حاضر ياصرصورى قصدى ياسارة

نور :ازيك ياجو

يوسف:كويس
نور :لسه زعلان يايوسف
يوسف:مش زعلان من حقك انا ال غلطان ال اتدخلت فى خصوصياتك ولا ايه
نور:معلش بقا ميبقاش قلبك اسود
يوسف :مروحتيش المعسكر ليه
نور بضيق:اللواء رفض

يوسف:ليه مش المهمه الاسبوع الجاى

نور:اسبوع ايه المهمه خلصت اصلآ
يوسف بعدم فهم :ازاى خلصت امتا
نور:امبارح بالليل
يوسف:وحصل ايه قبضتو عليهم
نور:عيب تسآلنى السوال ده انت مش عارف واقف مع مين
يوسف :لا عارف

نور وقفت الجهاز ونزلت :يوسف تيجى تمرنى

يوسف:لاكفايه عليكى انهاردة ومهمه امبارح
نور:خايف اهزمك ولا ايه اجمد بقا
يوسف:تهزمى مين يابت انتى متعرفيش مين يوسف ولا ايه
نور بضحك:هنشوف
وتوجهو الى صاله القتال وبعد وقت طويل من القتال
نور:ايه رايك ياكابتن

يوسف:لا كده انتى هتمرنى مكانى

نور:لا ونقطع عيشك ليه
يوسف بضحك :تقطعى عيشى لا اقطعيه
نور:ميرسى يايوسف انت بجد اخ ميتعوضش
يوسف بعصبيه:انامش اخوكى يانور
نور بعدم فهم:عارفه انا ال اختك
يوسف بهدوء :لاحبيبتى يانور انا بحبك
نور...
رواية ملكت قلبي للكاتبة نجوى مصطفى

الفصل السابع


نور:ميرسى يايوسف انت بجد اخ ميتعوضش

يوسف بعصبيه:انامش اخوكى يانور
نور بعدم فهم:عارفه انا ال اختك
يوسف بهدوء:لاحبيبتى يانور انا بحبك
نور بصدمه:ايه

يوسف:بحبك يانور بحبك وعمرى ماعرفت اعاملك على اساس اخ واخته كل مابتكلم معاكى ببقا نفسى تفضلى قدام عنيا ومش عايزك تبعدى ولما كنتى بتعيطى واخدتك فى حضنى حسيت انى مش عايزك تبعدى عنى ابدآ اناقلبى دايمآ بيفرح لمابحس بس بوجودك انا عمرى ال عيشته كان مزيف وعمرى ماحسيت انى عايش غير لما شوفتك يانور يمكن انتى مشوفتيش الحب ده بس كان واضح قدامك اوووى حبى ليكى اكبر من انك متحسهوش لا ساعات كتير اووى كنت بحس انك عارفه انى بحبك

نور وهى حابسه دموعها ومخنوقه: انت اخويا يايوسف يعنى كل ده ملهوش لازمة ياريت تحافظ على مكانتك كااخ ليا وبس.

وخارجه نور من الصاله بس يوسف مسك ايدها

يوسف:ليه يانور انا فيا ايه مش عاجبك متسبنيش كده وتمشى ارجوكى لان يمكن الى هقوله دلوقتى مش هقدر اقوله تانى
نور:يوسف انت اخويه الى كان دايمآ فى ضهرى عمرى ماخطر فى بالى انك تكون بتحبنى
يوسف:خلينا نقرب بس وسعتها قررى ادينى فرصه فرصه واحده يانور
نور:مش عارفه يايوسف مش عايز تفهمنى ليه انا مش متخيلاك حبيبى فاهمنى انت مليون بنت تتمناك وانا هفضل دايمآ اختك
يوسف وقربها منه اوووى
يوسف بهدوء:عايزك حبيبتى ودنيتى كلها عايزك نورحياتى عايز ابعد عنك اى حزن عايزك دايمآ قويه فاهمه قويه يانور
نور بعدت عنه وبتاخد نفسها

يوسف :فكرى واوعدك مش هتندمى

نور بصتله كتير وخرجت وراحت على كافيه على النيل
الجرسون:تطلبى حاجه يافندم
نور:قهوة مظبوطه لو سمحت
الجرسون:امرك يافندم
نور فضلت سرحانه كتير اوووى
نور فى نفسها
لايايوسف مستحيل ده انت الوحيد ال انا بطمن من وجودك لانك وقفت جمبى كتير بس مش هقدر ابقا حبيبتك ولاهقدر اكسر قلبك لانك بعد التجربة ال مريت بيها ممكن انا اكون صدمة عمرك وبتفكر نور من 3 سنوات.

فلاش بااااك ............

يوسف قاعد لوحده فى الصاله ونور دخلت وشافت الحزن فى عنيه
نور:يوسف فى حاجه حصلت معاك
يوسف مردش عليها
نور:يوسف مالك شكلك بيقول فى حاجه كبيرة اووى حصلت اتكلم واناهسمعك للاخر اتكلم مينفعش تسكت كده
يوسف بصلها وسكت

نور:واضح انك مش واثق فيا بعد ازنك انا هامشى

وفعلآ نور مشيت ووصلت عند الباب ووقفت لما سمعت يوسف
يوسف:استنى انامحتاج اتكلم معاكى بس توعدينى الاول
نور:اوعدك على ايه
يوسف :ان الكلام ده محدش يعرفه ابدآ مهما حصل يانور فاهمه مهما حصل
نور:اوعدك
يوسف بدا يحكى لنور
يوسف:اناخسرت شغلى يانور بسبب اسماء كبيرة فى البلد كان لازم انسحب علشان مخسرش اهلى
نور:مين دول

يوسف:عصابه كبيرة كنت طالع ماموريه والهدف منها القبض على تجار الاعضاء ولما جمعت عنهم معلومات تدخلهم السجن وتجيب رجلهم من اكبر واحد ل اصغر واحد لكن هما عرفو وبعتو رجاله ضربونى وسرقو الملفات وكمان هددونى انى لومقدمتش استقالتى هينتقمو منى اشد انتقام بس مقدرتش وعملت كل جهدى وقدرت ادور وراهم بس قبل مااوجهلهم الضربة كانت ضربتهم هما اسرع وحرمونى من احلى حاجه فى حياتى وسكت يوسف ودموعه نزلت

نور:كمل يايوسف ايه ال حرموك منه

يوسف:خطيبتى وحب عمرى كان فاضل على فرحنا اسبوع وضربوها بالنار

وبدا يبكى بهستريا :انا بحبها يانور هى لسه عايشه جوايا كل ال حواليا حياتهم بتمشى الا انا واقفه من 8شهور عدو واناكل يوم بحس انه يوم الحادثه وساعات كتيرة بحس انى بحلم لا ده مش حلم ده ابشع كابوس وال صعبها عليا اكتر انى معرفتش اجيب حقها والتجار دول اختفو تمامآ
نور:اسمها ايه
يوسف:مى

نور:اجمد يايوسف انت لازم تجيب حقها وهحط ايدى فى ايدك واحنا هنقضى عليهم تمامآ بس انت لازم تساعدنى

يوسف:هساعدك ازاى اناقدمت استقالتى وبشتغل مدرب هنا ليكم يعنى خلاص يانور
نور:انا ال هكون على مستو عالى فى المهارة وده طبعآ بمساعدتك واجمعلى كل المعلومات ال عندك وانا لو مسكت قضية وطلعت تبع تجار الاعضاء هقولك وتشتغل معايا فى سريه تامه لحد ماتجيب حق مى
يوسف :انامش عارف اقولك ايه
نور:قول موافق وبس واعتبرنى اختك الصغيرة
يوسف:طبعآ
نور:يلاقوم بقا علشان نبدا تمرين

بااااااااااااك

قطع تفكير نور الجرسون ال جاب القهوة
نور فى نفسها اعمل ايه بس ياربى اعمل ايه
شربت نور القهوة وطلعت على المديريه

رودى :ماما ياماما

نهى :سلمى على خالتو الاول
رودى:ازيك ياخالتو وحشتينى اوووى
هند:الحمدلله ياحبيبتى وانتى كمان وحشتينى
رودى:قلبى انتى امووواه
نهى:شكلك عايزه حاجه
رودى ببرائه:انا ابدآ
نهى:قولى متخفيش واضح انك عايزه حاجه كبيرة كمان
رودى بضحك:حبيبتى انتى وفهمانى بصى اناعايزه اطلب منك طلب بس وحياة عيالك لتوافقى
نهى :ايه الاسلوب ده انتى فى جامعه واعلام كمان

رودى :اطلعلك الكارنيه علشان تصدقى

هند:قولى ياحبيبتى عايزه ايه واناهخليها توافق
رودى:حبيبتى والله ياهند ياعسل انتى انا بس كنت عايزه اسافر اسبوع اسكندريه انا وسارة علشان نغير جو
نهى:انتى داخله على امتحانات المفروض تذاكرى
رودى:هذاكر بس بجد انازهقت من المذاكرة وهموت واغير جو علشان خاطرى وافقى بقا وحياتى عندك ماترفضيش انا مصدقت انى خلصت مذاكرة واتفقت مع اصحابى
نهى:لو انا وافقت ابوكى مش هيوافق ابدآ
هند:خليها تخرج طالما هى بتذاكر وهو اسبوع واحد بس وجوزك انتى اقنعيه
رودى :حبيبتى ياخالتو

هند:هتسافرى امتا ياحبيبتى

رودى: بكرة على الساعه 12 الضهر كده
هند:روحى جهزى شنطتك ياحبيبتى
رودى فرحت اوووى وباست خالتها وطلعت على اوضتها تجرى تكلم سارة
رودى:سارة
سارة:عايزه ايه يابنت انتى انالسه كنت معاكى
رودى :ايه الرخامه دى انتى تطولى تكلمينى اصلآ
سارة:اطول اطول من كده كمان
رودى:ياسلام
سارة بضحك:عايزه ايه بس اخلصى
رودى:ماما وافقت

سارة :واناكمان ماما وافقت

رودى:اشطا اجهز الشنطة وانتى كمان جهزى شنطتك
سارة:ذاكرى الاول للميد ترم
رودى :هذاكر طبعآ بس الشنطة وحياتك تجهزيها علشان هنسافر بعربيتى
سارة:لا بعربيتى انا
رودى:احناهنتخانق خلاص عربيتك انتى بس عدى عليا الصبح تمام
سارة :حاضر يلا سلام علشان اناجعانه اووى
رودى:سلام يامفجوعه روحى كلى بس عالله تشبعى
سارة :مش هشبع ههههههه
قفلت رودى مع سارة وبدات تذاكر

بالليل خلصت نور شغلها فى المديريه وعدت على مامتها عند خالتها نهى ودعوه واحده كانت بترددها جوها انها ماتشوفش سيف

وفرحت انها اخدت مامتها وروحت ومقابلتش سيف

تانى يوم الصبح نور طلبت تقابل يوسف برا النادى

ووصلت نور الكافيه واستنته
يوسف :صباح الخير
نور:صباح النور
يوسف:كنت متاكد انك هتفكرى تقابلينى
نوربتوتر:اشمعنا
يوسف:لان ال جوايا ليكى يستاهل انك تفكرى تانى وتدينى فرصه
نور:فعلآ انافكرت وطلبت اقابلك علشان اقولك وصلت ل ايه
يوسف:وانامتفائل جدآ
نور:مش لدرجة التفائل كده
يوسف :نور اتكلمى بعد ازنك
نور:انا قررت...
رواية ملكت قلبي للكاتبة نجوى مصطفى

الفصل الثامن


نور:فعلآ انافكرت وطلبت اقابلك علشان اقولك وصلت ل ايه

يوسف:وانامتفائل جدآ
نور:مش لدرجة التفائل كده
يوسف :نور اتكلمى بعد ازنك
نور:اناقررت انك تستاهل فرصه
يوسف:بجد يااحلى نور
نور:بس بشرط
يوسف :شرط ايه

نور:انك متسالنيش امتا هحبك واننا نجيب حقك وحق مى الاول وانت ال هتساعدنى فاهمنى يايوسف

يوسف:طبعآ فاهمك بس مستغرب
نور :من ايه
يوسف:فى حاجه ظهرت تدل على العصابه ال حكيتلك عليها
نور:تقريبآ حاسه ان مهمة امبارح ليها علاقة كبيرة بالى حصلك
يوسف:ازاى فهمينى
نور :مهمة المواد المخدرة اللواء بكر قالى انها بداية الخطر وانهم ممكن يكون بيفكرو فى انتقام منى انا وانا فعلآ استغربت من كده بس ال استغربت منه اكتر انه قالى انها ممكن تكون سلسلة من الاجرام مش مجرد تجارة مخدرات بس
يوسف:فعلآ انتى كده ماشية صح

نور:طالما انت رايك كده يبقا طريقنا واحد

يوسف:انامش عارف اقولك ايه انتى جدعه اووى يانور
نور:المهم انك تكون بتابع معايا اول بأول كل جديد فى القضية دى
يوسف:اكيد بس انتى لازم تكون فى حراسه عليكى
نور:لاكده ممكن احساسهم يوصلهم انى خايفه وانامش عايزه كده
يوسف:اناخايف عليكى
نور :متخافش يلا نفطر انت مش جعان
يوسف:يلا انا هموووت من الجوع اصلآ
فطرو مع بعض

يوسف:هتيجى التمرين ولا هتروحى المديريه

نور:المديريه لانى اتفقت مع حازم يخلصلى الاوراق بتاعت قضية المخدرات واخر التحقيقات
يوسف:تمام واي حاجه تحتاجيها اناتحت امرك
نور:طيب همشى انا بقا
يوسف: طيب مع السلامه
نور:سلام
مشيت نور ويوسف بعد شويه راح النادى يبدا تمرينات



عند سيف

سلمى :صباح الخير ياطنط
نهى:صباح النور ياحبيبتى
سلمى:ممكن نتكلم شويه
نهى بغضب:نتكلم فى ايه معتقدش ان فيه كلام مابينا
سلمى:لا فيه بعد ازنك اناعايزه اتكلم معاكى

نهى قلبها اتغلب عليها وحاسه ان سلمى كويسه وانها هى الى فهمها غلط

نهى:اتفضلى يابنتى
سلمى بحب:انتى فعلآ ممكن تعتبرينى بنتك
نهى:هو ده الموضوع ال عايزانى فيه
سلمى:لا بس كنت عايزه اعرف حضرتك رافضه انى انا وسيف نرتبط ببعض ليه
نهى:لانى مش مقتنعه لا بالعلاقه بينكم ولاحتى بالخطوبه
سلمى :ليه حضرتك شوفتى منى ايه معجبكيش

نهى :يابنتى اهلك فين وازاى سابوكى تقعدى فى بيت ناس غريبه عليكى

سلمى :تصدقينى لو قولتلك انى من وقت مادخلت البيت ده وانا حسيتكم اهلى وعرفت معنى العيله والحب والدفئ
نهى:ليه وباباكى ومامتك
سلمى :منفصلين وعايشين فى لندن كل واحد فى حياته وعمرهم ماكان فى اهتمام بيا ماما اتجوزت وعاشت حياتها مع صحابها والسهر وجوزها ..وبابا مشغول دايمآ واهم حاجه عنده البيزنس وانا مليش وجود غير انى باخد الى اناعايزه
نهى بحزن :ياحبيبتى يابنتى وانتى عملتى ايه

سلمى:قررت اعيش حياتى لنفسى زيهم كنت بسهر واشرب ومكنش ليا اصدقاء كان نفسى ماما تحس بيا او تخودنى فى حضنها حتى بابا عمره ماسالنى رايحه فين ولا مين صحابك ولابتعملى ايه ولا حد زعلك ولا اي حاجه لحد ماقبلت سيف وحبيته بجد وكان نفسى حضرتك تتقبلينى فى حياتكم واكون جزء وتعوضينى عن كل ال اتحرمت منه

وبدات سلمى فى البكاء بهستريا.
ونهى صعبت عليها جدآ واخدتها فى حضنها...

نور:صباح الخير ياحازم باشا

حازم :صباح النور اتفضلى يانور
حازم بيتكلم فى التليفون ....
حازم:حاضر ياماما
حازم:ماشى هكون موجود على الغداء متقلقيش
مع السلامه
قفل حازم وبدا يتكلم مع نور
حازم :هااا يانور فيه حاجه
نور:اناطلبت منك ملف القضيه
حازم:وانا خلصتها بس فى حاجه محيرانى
نور:ايه هى

حازم:كل ال حققت معاهم ميعرفوش اصلآ مين الزعيم بتاعهم

نور:طيب الاوامر كانت بتوصلهم ازاى
حازم :عن طريق واحد اسمه مسعد
نور:طيب المفروض ان مسعد بيقولهم على ايه حاجه يعنى كتعريف للراجل الكبير
حازم :فعلآ قالولى انه اسمه الكينج
نور:ايه بتقول ايه
حازم:الكينج انتى سمعتى الاسم ده قبل كده
نور بتوتر :لا ابدآ
حازم:متاكده
نور:متاكده

نهى وهى واخده سلمى فى حضنها

نهى :اهدى يابنتى متوجعيش قلبى عليكى
سلمى بتعيط اووى ومصدقت اترمت فى حضن نهى واتمنت انها تحبها ومتتخلاش عنها
نهى:اهدى يابنتى وسمحينى انى زعلتك

سلمى :حضرتك معذورة وعندك حق الناس كلها بتفهمنى غلط من مكياجى وطريقه لبسى بس هو ده الى انا اتربيت عليه والى اتعودت عليه انا نفسى اتغير

نهى :بجد ياحبيبتى
سلمى :بجد انا ممكن اطلب منك طلب
نهى :اومرى ياحبيبتى
سلمى :ممكن اقولك ياماما
نهى :طبعآ ياحبيبتى قولى الى انتى عايزه
سلمى :ربنا يخليكى ليا يارب
وفجأة سمعوا صوت سيف

سيف :ايه ده انتو ايه الى قعدكم مع بعض قومى ياسلمى وانتى ياماما شوفى نفسك وراكى ايه

نهى:بس ياواد انت عيب
سلمى:ميرسى ياسيف انك عرفتى بمامتك
سيف:ايه اللهجة الغريبه دى معناها ايه
نهى :معناها انك تروح الشركه لباباك وتتفق امتا هتكون الخطوبه
وبصت لسلمى
نهى :وانتى كمان كلمى باباكى ومامتك وقوليلهم اننا عايزين نطلب ايدك منهم
سلمى وسيف بفرحه:ثوانى وكل حاجه تكون جاهزه ربنا يخليكى لينا يارب

رودى فى الجامعه:يلا ياسارة نروح نتغدى وبعدين نسافر لانى همووت من الجوع

سارة:واناكمان جعانه اليوم كان ممل
رودى:الميد ترم ده كان حلو وكلو تمام وانتى
سارة:واناكمان كل الحاجات الى ذاكرتها لقيتها الحمدلله
رودى :يلابقا علشان نلحق
سارة:رودى احنا كان المفروض نحجز فى اوتيل
رودى:حجزت فى اوتيل تحفه اسمة صن رايز
سارة:اشطا يلابينا
وانطلقت سارة ورودى للغداء ثم السفر

نور بعده ما خلصت كلامها مع حازم كانت فيه حلقه مفقودة ولازم تعرفها علشان كده راحت النادى وقابلت يوسف

يوسف:انتى مش قولتى وراكى شغل مهم
نور:فى حاجه حصلت مينفعش تستنا
يوسف :ايه هيا
نور:الى كنت حاسه بيه طلع ..........
رواية ملكت قلبي للكاتبة نجوى مصطفى

الفصل التاسع


وبعد ما خلصت كلامها مع حازم كانت فيه حلقه مفقودة ولازم تعرفها علشان كده راحت النادى وقابلت يوسف

يوسف:انتى مش قولتى وراكى شغل مهم
نور:فى حاجه حصلت مينفعش تستنا
يوسف :ايه هيا
نور:الى كنت حاسه بيه طلع بجد
يوسف:ايه الى طلع بجد اتكلمى
نور :انت قولتلى صاحب تجارة الاعضاء كان اسمه ايه
يوسف :الكينج

نور:التحقيقات بتقول ان صاحب شحنة المواد المخدرة هو الكينج

يوسف:ومحدش عرف اي تفاصيل عنه اكتر من كده
نور:للاسف عامل كل الاحتيطات ان ان محدش يقدر يوصلو
يوسف:طيب عرفتى ازاى انه الكينج
نور:الى كان بيوجه الاوامر اسمه مسعد وكان بيقول للرجاله بتاعته انها من الكينج
يوسف بغضب :ياابن ال.......انالازم اوصلهم

نور:وانا المقابلة دى علشان كده علشان نوصلهم بس بهدوء

يوسف:احنا المفروض دلوقتى ندور على الاداله الى ممكن توصلنا ليه
نور:فعلآ احنا لازم نخطط بسرعه بحيث اى حاجه تحصل نقدر نتخطاها بسرعه ومفيش حاجه تعوق طريقنا تمام
يوسف:خلاص سيبى الموضوع ده عليا وانا هبقا ارد عليكى
نور:انا عايزاك تحدد مستويا علشان نكثف التمرين اكتر
يوسف :فعلآ بس ميكونش فيه مجهود كبير عليكى
نور:اتفقنا

رودى وسارة وصلوا اسكندريه وداخلين اوتيل صن رايز وارهاق السفر واضح عليهم وداخلين الاوضه وكل واحده فيه اترمت على سرير

رودى:اه اناتعبت اوووى
سارة :واناكمان يلا ننام وننزل بالليل
رودى :احنا جاين ننام
سارة:اناهنام لانى بجد تعبانه اليوم كان صعب انهارده

رودى :لاياسو اناعايزه اشوف منظر البحر وغروب الشمس متبقيش رخمه ويلا ننزل

سارة:عايزه تنزلى اتفضلى لكن انا هنام يعنى هنام
رودى :يرضيكى انزل لوحدى
سارة:اه يرضينى
رودى:خلاص نامى واناهكلم ماما اطمنها اننا وصلنا وبعدين هنزل اتمشى
ورنت رودى على مامتها
رودى:الوو

نهى:ازيك ياحبيبتى

رودى:الحمدلله وانتى عامله ايه
نهى:كويسه ياحبيبتى وصلتى
رودى:اه ياحبيبتى اطمنى
نهى:خلى بالك من نفسك ياحبيبتى
رودى:حاضر
نهى:لو احتاجتى حاجه كلمينى ياحبيبتى
رودى :حاضر ياماما
نهى :باى ياروح ماما
رودى:باى ياقلبى

قفلت رودى وواخدت شاور ولبست فستان ابيض طويل واسكرف مووف وفردت شعرها وبقيت ذى القمر ونزلت تتمشى شويه على البحر

رودى:الله ايه الجمال ده وطلعت الكاميرا وفضلت تصور منظر الغروب وشكل الصخور الصغيرة الى على الشط وهى مبسوطه وحاطه الهند فرى بتسمع اغانى
لقيت شاب جاى نحيتها ووقفت الاغانى علشان تعرف عايز ايه.
.....ممكن نتعرف
رودى :لا

ماشى شكرآ انا طارق محاسب وعندى 25سنه

رودى ضحكت :انت غبى قولتلك لا مش عايزه اتعرف
طارق:ليه
رودى:انامبحبش اتكلم مع شباب ولااتعرف عليهم
طارق بااعجاب:جربى هتخسرى ايه
رودى:مش عايزه شكرآ
رودى قامت مشيت وراحت الاوتيل طلبت العشاء يطلعلهم الاوضه وتصحى سارة

سيف وسلمى بيتعشو فى مكان رومانسى

سيف:انامبسوط اووى
سلمى :علشان بنتعشا مع بعض
سيف:علشان ماما بقيت بتحبك وفهمت انى بحبك
سلمى:وانا حبتها اوى هى طيبة وانااعتبرتها امى
سيف:الحمدلله ياسلمى
سلمى:انت كلمت باباك على الخطوبه
سيف بااستعباط:خطوبة ايه
سلمى :خطوبتنا
سيف:انامش عايز اخطب مين قالك كده
سلمى بدموع:قصدك ايه

سيف:خلينا نعرف بعض اكتر يمكن اغير رايي

سلمى بعياط:تغير رايك ليه انا زعلتك فى ايه
سيف بضحك :انابهزر معاكى
سلمى بتعيط بهسيريا:اوعى تسيبنى ياسيف
سيف اخدها فى حضنه
سيف:حبيبتى انااسف بس انا كان قصدى اننا نتجوز علطول بدل ماباباكى وماماتك يرجعوا من السفر علشان الخطوبه يبقا فرح احسن
سلمى :بجد ياسيف يعنى انت مش هتسيبنى مهما حصل
سيف :مهما حصل
سلمى:توعدنى

سيف:اوعدك ياسلمى انى مش هسيبك مهما حصل ياحبيبتى انا بتمنا اليوم الى نكون فيه مع بعض انامقدرش اعيش من غيرك

سلمى:انابحبك اووى ياسيف انا عمرى ماهزعلك ابدآ
سيف:واناعمرى ماهزعل منك ابدآ يااجمل بنت فى الكووون كله بعشقك....

محمد:رودى فين يانهى مشوفتهاش انهارده

نهى:اناكلمتك كتير انهاردة علشان اقولك انها هتسافر اسبوع هى وسارة صحبتها تغير جو
محمد :مقولتيش يعنى امبارح
نهى :احنا ماتكلمناش امبارح انت جيت متاخر وطلعت الصبح قبل ماانا اصحى
محمد :معلش ياحبيبتى كان عندى شغل مهم امبارح وانهاردة كان عندى ميتنج مهم
نهى:ربنا يعينك ياابو سيف

محمد :طالما قولتى ياابوسيف يبقا عايزه حاجه

نهى:كده تزعلنى ده انت حبيبى وابو ولادى
محمد:وانامقدرش على زعلك اومرى
نهى:سيف عايز يخطب سلمى
محمد:والله البنت كويسه بس مش غريبه يعنى
نهى:ايه الغريب
محمد:انتى قولتى مش مرتحالها

نهى:الاول بس بعد مااتكلمت معاها حبتها اووى وحسيت قد ايه البنت دى بتحب سيف وهتسعده

محمد:خلاص الى تشوفيه
نهى :ربنا يخليك لينا يارب
محمد:ويخليكم ليا ايه مفيش عشاء انهاردة ولا ايه
نهى:هنزل واخليهم يحضرو السفرة وانت حصلنى
محمد:هو سيف فين
نهى :هيتعشا بره هو وسلمى
محمد:طيب انا هنزل وراكى هعمل مكالمه بس
نهى :براحتك ياحبيبى

مسعد:نعم ياباشا

الكينج:ايوه يازفت لسه معملتش حاجه مع البنت دى
مسعد:تحت المراقبه ياباشا
الكينج :خلص يازفت عايزه اسمع خبرها بسرعه
مسعد:اوامرك ياباشا
الكينج:بقولك يازفت
مسعد:ايوه ياباشا

الكينج:كلم السواح قولو يخف شويه الريحة قربت تطلع

مسعد:ياباشا الشغل شغال تمام نخف ليه بس
الكينج:يازفت الحكومه لو فتشت ورانا هنتكشف اسمع ونفذ
مسعد:اوامرك ياباشا هما جابولى كل الفلوس بتاعت العمليات ال فاتت للاعضاء بس لسه السلاح
الكينج:بلغو ان فلوس السلاح لو موصلتش قبل 72ساعه يقولو على نفسهم يارحمن يارحيم فاهم
مسعد:فاهم

تانى يوم نور رايحه المديريه بس شايفه عربيه بتراقبها

من وقت خروجها من البيت وقلقت جدآ على مامتها وغيرت طريقها وراحت النادى قابلت يوسف
نور:صباح الخير يايوسف
يوسف:صباح النور
نور:فى عربيه مرقبانى من وقت ماخرجت من البيت
يوسف:يبقا انتى فى خطر لازم تاخدى بالك
نور بخوف :انا مش مهم المهم امى
يوسف:خلى مامتك فى مكان امان

نور:اناممكن اكلم رودى تاخد ماما عندهم فى البيت لحد الجو مايهدى

يوسف :طيب ماتروحى انتى وتاخديها اسرع وتفهميها بدل ماتقلق عليكى
نور:عندك حق لانها ممكن ترفض تروح مع رودى
يوسف :خلاص وانا هروح معاكى ثوانى هغير هدومى واروح معاكى
غير يوسف هدومه وطالع هو نور من النادى ولكن قبل ماحد فيهم يركب العربيه
فى حد ضرب رصاصه على نور ...
رواية ملكت قلبي للكاتبة نجوى مصطفى

الفصل العاشر


قبل ماحد فيهم يركب العربيه

فى حد ضرب رصاصه على نور
فى عربية كانت سريعه جدآ وواحد ماسك سلاح من شباك العربية وضرب رصاص على نور
ويوسف سحب نور بسرعه بس الرصاصه استقرت فى دراع يوسف
نورطلعت السلاح بتاعها وضربت على العربيه نار بس العربية اختفت بسرعه ونور جريت على يوسف الى اتصاب فى دراعه ونادت على زميلها اللى بسرعه طلعوا من صوت ضرب النار وداخلين بيه على دكتور النادى ويوسف بيطمن نور.

نور:يوسف عملت كده ليه بس

يوسف:متخفيش يانور الجرح سطحى
نور:يوسف ادخل معايا النادى بسرعه خلى الدكتور يشوفك
دخل يوسف عند الدكتور الى اتصرف بسرعه مع الجرح وخرج الرصاصه ويوسف تحت تآثير البنج وبيقول كلام مش مفهوم
الدكتور خارج ونور جريت عليه

نور: دكتور يوسف حالتو ايه

الدكتورحمدى:هوحاليآ تحت تآثير البنج بس الحمدلله الجرح سطحى
نور:يعنى هو كويس ولاننقله مستشفى احسن علشان الرعايه
الدكتورحمدى:لا هنا افضل لانه هيسخن شويه وانا هوصى عليه وهيلاقى كل الاهتمام والرعايه اللى ممكن يحتاجها علشان الرصاصه قطعت بعض الخلايا
نور:يعنى هيقعد كتير هنا
الدكتورحمدى:على الاقل اسبوع
نور:ان شاء الله خير انا ممكن ادخله
الدكتور حمدى :اتفضلى
نور دخلت عند يوسف

فى بيت سيف

سلمى بتتكلم فى التليفون مع مامتها
سلمى:مامى لوسمحتى انتى لازم تحضرى خطوبتى
نادين: ياحبيبتى انا مش فاضية خلى باباكى يحضر معاكى
سلمى:هتسبينى لوحدى يامامى فيوم ذى ده
نادين:سورى ياحبيبتى مش هقدر
سلمى:.........
نادين:مبروك ياروح مامى
سلمى:الله يبارك فيكى يامامى
نادين:باى باى
سلمى بدموع :ولو قولتلك محتجالك

نادين بغضب :حبيبتى انتى مش صغيرة باى باى

سلمى قفلت وفضلت تعيط وبعدين فضلت تقلب فى الارقام واستقرت على رقم واعادة الاتصال مرة واتنين وتلاته لحد مارد عليها
عاصم :فيه ايه ياسلمى انا مش فاضى ياحبيبتى
سلمى :بابى وحشتنى اووى
عاصم باابتسامه :وانتى كمان ياسلمى
سلمى:انازعلانه منك اووى يابابى
عاصم:ايه انتى زعلانه وانا اقول ايه الى بنتى سابتنى لوحدى
سلمى:حضرتك اصلآ مكنتش فاضيلى

عاصم:حبيبتى أنا بشتغل علشان أمنلك مستقبلك

سلمى:يهمك مستقبلى
عاصم:طبعآ انتى بنتى الوحيده
سلمى:هتحضر خطوبتى
عاصم:بس ياحبيبتى
قاطعته سلمى:مابسش يابابى انامحتجالك بجد مش هقدر استحمل انى اكون لوحدى كفايه عمرى كله كنت لوحدى
عاصم:وأنا كنت هعمل ايه يعنى ياسلمى انا كنت بشتغل علشان اوفرلك كل احتياجاتك

سلمى بأنهيار:أنا اسفه لانى كلمتك وأسفه انى طلبت منك تحضر خطوبة بنتك الوحيدة وتشوف الراجل اللى هتعيش عمرها كله معاه وفى بيته واللى المفروض انت اللى تسلمها لعريسها باايدك وتقولو دى اغلى حاجه فى حياتى تحافظ عليها وتشيلها فى عيونك لان هى دى ثروتى الحقيقة أه انا ثروتك الحقيقة مش الشركات والمشاريع والصفقات بنتك اللى مقدرتش تكون معاها يوم بيوم وهى بتكبر خليك معاها على الاقل يوم خطوبتها وفرحها

عاصم يلوم نفسه لانه عارف ان بنته عندها حق فى كل كلمة وحزن شديد جواه انه مقدرش يحتويها
عاصم بدموع: أنا اسف ياحبيبتى انامليش غيرك ياسلمى متزعليش يابنتى دموعك غالية عليا

سلمى:............

عاصم:خطوبتك امتا
سلمى بفرحه وسط دموعها:بجد هتحضر يابابا
عاصم :معنديش اغلى منك
سلمى :سيف وانكل محمد فى انتظار حضرتك علشان طلب الجواز يبقا رسمى
عاصم :قوليهم بابى بكرة الصبح هيحدد معاكم ميعاد
سلمى:بابى انت مش هتيجى بيت سيف

عاصم:هما اللى هيتفضلوا فى بيتك علشان الخطوبة لازم تبقا فى بيت العروسه

سلمى :انت معاك بيت هنا يابابى انا اول مرة اعرف
عاصم :أنا اشترتهولك هدية جوازك ومش اى بيت دى أحلى فلة لحبيبة قلبى
سلمى بفرحة:ربنا يخليك ليا يا أحلى بابى فى الدنيا كلها
عاصم :اناهقفل معاكى ياحبيبتى علشان لازم اخلص اللى ورايا علشان اقدر اكون عندك بكرة
سلمى:باى باى ياقلبى
سلمى جريت على سيف

سلمى بفرحه وبتتنطط :سيف سيف بابا وافق وبكرة هيرجع من السفر

سيف:بشويش ياحبيبتى أنا اول مرة اشوفك مبسووووطة اوى كده
سلمى:مبسووووطة اووى اووى لانى كنت خايفه اكون لوحدى فى اليوم ده
سيف:أنا معاكى وعمرك ماهتكونى لوحدك ياقمرى انا
سلمى:انت احلى حاجة فى دنيتى ياسيف
سيف قرب من سلمى اوووى واخدها فى حضنة اووى كانه عايز يدخلها جواه
سيف: وانتى روح وقلب وعقل سيف
سلمى :أناعايزة افضل فى حضنك العمر كله

سيف بعد شوية عن سلمى وقرب من شفايفها اووى وباسها مرة ومرة ومرة بلهفة وشوق وحب وانتقام انها مش من حقة وفضل سيف محاوطها بدراعه ومش عايز يسيبها ابدآ بس بعد عنها علشان تتنفس وهو كمان وفضلت نظرة الحب اللى مابينها هى اللى مسيطرة على الموقف

لحد ما ابو سيف بعت الخدامه تناديه علشان عايز يتكلم معاه
سيف:حبيبتى انا هشوف بابا عايز ايه وراجعلك استنينى
سلمى كان ردها عليه ابتسامة فقط

نور دخلت اوضته يوسف اللى كان مغمض عنيه ووقفت كتير بصالة

يوسف:واقفة ليه عندك تعالى
نور استغربت:انا كنت فاكراك نايم
يوسف:انتى كويسة
نور:كان المفروض انا اللى اسالك
يوسف:طول ماانتى كويسة انا بتنفس
نور بكسوف:أنت اتعرفت على حد
يوسف :كان لابس قناع ملحقتش
نور:تفتكر هما

يوسف:مفيش غيرهم

نور:طيب المفروض نشتغل ازاى
يوسف:المهم دلوقتى تروحى البيت بسرعه تاخدى مامتك وتخليها تقعد عند خالتك هناك امان اكتر
نور:بس هما مش هيفكرو يذوها لانهم خلاص كده انا الهدف
يوسف:أسمعى الكلام اقطعى عليهم اى طريق ممكن يدخلوا منه فاهمه
نور:تمام انا هروح دلوقتى وهرجعلك بالليل بااخر الاخبار
يوسف:مع السلامة خلى بالك من نفسك

خرجت نور وراحت البيت واخدت وقت طويل علشان تقنع مامتها انها معاها مامورية صعبة وهتغيب كتير عن البيت وانها مش هتتطمن عليها غير عند بيت خالتها واخيرآ اقتنعت وراحت عند خالتها ..............

رودى وسارة لسة نايمين
الباب بيخبط وقامت سارة بالعافيه تفتح
العامل : الورد ده فى حد بعتهولكم يافندم
سارة:مين يعنى
العامل:شوفى الكرت يافندم بعد ازنك
سارة:اتفضل

قفلت الباب سارة وطلعت الكرت من بوكية الورد واتفاجاءت

سارة بعصبية:رودى يارودى اصحى بقا
رودى:يوووه فى حد يصحى حد كده الله
سارة :قومى عايزاكى
رودى بكسل:اوووف قومت عايزة ايه
سارة:شوفى ده
رودى بعصبية:يعنى اقوم اضربك مصحيانى بالاسلوب ده علشان جيبالى ورد مش عايزه امشى من قدامى
سارة:يابنى ادامه شوفى الكرت ورد ايه اللى انا اجبهولك
رودى:هاتى الزفت

سارة:اتفضلى يازفته

رودى مسكت الكرت وعينها وسعت وفتحت بوقها ايه ده
سارة:انا اللى بسال
رودى:ده مكتوب
"صباح الورد لاجمل وردة فى الكون رودى❤"روميو
سارة:مين ده
رودى:معرفش

حازم داخل مكتب نور بعصبية

حازم:مصيبة يانور مصيبة
نور:مصيبة ايه تانى
حازم:...

iklan banner

Abdulrhman Sayed
كاتب المقالة
كاتب ومحرر اخبار اعمل في موقع قصص وروايات .

جديد قسم :