رواية ما بعد الرحيل الفصول 1-10





رواية ما بعد الرحيل للكاتبة ياسمين أحمد الفصل الأول

طه كان فى العزبة وقاعد سرحان بيفكر فى كل اللى حصله وخدمته فى المصلحه الحكوميه وفى الاخر اتطرد ظلم فى قضيه هو ملهوش ذنب فيها .

فلاش باك
طه كان رايح الشغل بتاعه زى كل يوم فى مضارب الطحان كان بيشتعل ليل ونهار علشان خاطر اسرته البسيطه وفجأة المدير طلب انه يقابله ضرورى .
واحد من اللى شغالين معاة راح له وهو بينهج .
عبد السميع : عم طه ياعم طه .
طه : خير ياعبد السميع مالك بتنهج ليه كدة ؟

عبد السميع : المدير عاوزك ضرورى .

طه : طيب مش قال لك هو عاوزنى ليه ؟
عبد السميع : علمى علمك بس وشه مايبشرش بالخير ابدا .
طه : يارب استرها جيب العواقب سليمه يارب .
دخل طه مكتب المدير وقدم التحيه له .
طه : امر جنابك قالوالى ان حضرتك عاوزنى تحت امرك .

المدير : لا مش خير ابدا انت حرامى وسرقت من عهدة الشركه 100000الف جنيه بس علشان انت بتخدم فى الشركه دى بقالك اكتر من 20 سنه فانا هاكون رحيم بيك ومش هابلغ فيك البوليس لكن هاكتفى بطردك من الخدمه .

طه : يافندم اكيد فى حاجه غلط انا لايمكن امد ايدى للحرام ابدا .
المدير : للاسف انا وثقت فيك وانت غير امين على مال الشركه اللى بتكسب منها رزقك وكمان فى اكتر من واحد من اللى شغالين فى المضارب دى شافوك وانت بتسرق وبتمد ايدك على حاجه مش بتاعتك اتفضل دة مبلغ بسيط نظير خدمتك فى الشركه وكفايه المبلغ الكبير اللى انت لهفته .
طه : يافندم انا برىء انا مش ممكن اعمل كدة ابدا ازاى يعنى اشتغل طول 20 سنه وفى الاخر اسرق.

المدير : خلاص انا مش هاعيد كلامى تانى انت واحد حرامى ونصاب ولايمكن ابدا اخليك تستمر هنا علشان مش توسخ سمعة الشركه واصاحبك يتعلموا منك السرقه اتفضل برة من غير مطرود.

طه خرج من المصلحه وهو مصدوم ومش مصدق نفسه وسط شماته البعض فيه والبعض الاخر اشفاقا عليه والبعض الاخر حزنا على حاله طلع وهو مش شايف قدامه وفجأة وهو ماشى وسرحان عربيه ظهرت من العدم وخبطته ونزل منها راجل باين عليه انه شيك جدا راح له بخضه وحاول يقومة .

محمد : انت كويس ؟

طه :الحمد لله يابيه .
محمد : لا مش واضح ابدا انك كويس خالص كفايه انى خبطتك بالعربيه تعالى اوديك المستشفى .
طه : مافيش داعى يابيه انا كويس ماتقلقش .
محمد : لاطبعا ازاى ماقلقش تعالى اسندك واوديك المستشفى علشان اطمن بنفسى انك كويس ومش فيك حاجه
محمد ودى طه المستشفى والدكتور بلغه انها مجرد كدمه بسيطه .
محمد : الحمد لله الدكتور طمنا وقال انها مجرد كدمه انا اسف والله مااخدتش بالى انما انت كنت فين ومالك كدة وشك شاحب ليه .
طه بدأ يقص عليه حكايته وان اخرة خدمته فى شركه مضارب الطحان انه اتهم ظلم بالسرقة وانه برىء من التهمه دى .
محمد : تاهت ولقيتها .

طه : هى ايه هى يابيه .

محمد : بص ياعم طه انا عندى عزبة فيها مزرعة كبيرة اوى عاوزك تاخد بالك منها اوى اثناء غيابى وهاتشتغل ونظير شغلك وهتاخد مرتب كويس واحسن بكتير من اللى كنت بتاخدة من الشغل اللى كنت بتشتغل فيه ها قلت ايه .
طه : ايوة بس ازاى واحد زيى متهم بسرقه شركه زى مضارب الطحان تأمنه على نفسك وعزبتك وشغلك مش خايف منى لااسرق من سعادتك حاجه .
محمد بص لملامح طه واتكلم بثقه : لا لانى عندى يقين انك مظلوم مش معقوله بعد كل اللى حكيتهولى عن خدمتك طول السنين دى وتطلع حرامى وتسرق انا واثق ان فى حد دبر لك مكيدة علشان يخلص من وجودك فى الشركه على العموم انسى ياعم طه انت من النهاردة هاتشتغل معايا انا وبس .
طه ووطى على ايد محمد باسها : الله يخليك ياسعادة البيه الله يكرم اصلك الله يعمر بيتك ويبعد عنك ولاد الحرام .
محمد : خلاص ياعم طه انا هاوصلك لحد بيتك ومن بكرة تجي ليا العزبة اتفقنا .

طه : حاضر ياسعادة البيه .

طه رجع بيته وحكى لمراته كل اللى حصل .
فوزية ضربت بايديها على صدرها : يالهوووى ياطه طب وبعدين وانا وولادك هنأكل منين بس .
طه : لاماهو من رحمه ربنا انه بعتلى واحد هاشتغل عنده وهايدينى مرتب اكتر من اللى كنت بأخدة من الشركه اللى كنت شغال فيها .
فوزية : ودة يطلع مين دة ياطه .
طه : واحد بيه خبطنى بالعربيه بتاعته ووادنى المستشفى وطلب منى احكيله كل اللى حصل حكيت له وهو طلع راجل شهم وطلب منى اشتغل عندة فى العزبة بتاعته .
فوزية : واسمه ايه الراجل دة ؟

طه : اسمه محمد المنصورى .

فوزيه باستغراب : مش ممكن تقصد محمد المنصورى اكبر رجل اعمال فى مصر كلها .
طه :ايوة هو كدة بالظبط يافوزية .
فوزية : يامنت كريم يارب تقطع من هنا وتوصل من هنا طب انت هاتشتغل عندة على طول يعنى .
طه : ايوة هو قالى كدة .
فوزية بارتياح : الحمد لله الحمد لله .
وبدأ فعلا طه يروح كل يوم عزبة محمد المنصورى واتعرف على ابنه وبنته وعرف ولادة كمان عليهم .
انتهى الفلاش باك .

محمد جه من ورا طه : سرحت فى ايه ياراجل ياطيب .

طه طلع من شرودة : ها لا ابدا ياسعاده البيه كنت بفكر لولا حضرتك ماظهرتش كان زمانى بشحت انا وولادى .
محمد : ربنا له حكمه فى كدة ياعم طه اوعى تزعل ابدا دة ربنا قال فى كتابه العزيز( بسم الله الرحمن الرحيم ... وعسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لاتعلمون)
طه :ونعم بالله يابيه بس ممكن اطلب من حضرتك طلب .
محمد : طبعا اتفضل اطلب .
طه : انا تعبان ومحتاج انى اروح .
محمد : ماشى روح ياعم طه بس لو سمحت عاوزك من بكره تيجى بدرى شوية علشان ورانا شغل كتير .
طه . حاضر يابيه تحت امرك عن اذنك .
محمد : الامر لله مع السلامه .

ونروح لبطلتنا .

دخلت الشمس بتداعب خصلات شعر مايسه الكستنائى رمشت عينها ببطء وقامت دخلت الحمام وغسلت وشها وصلت ركعتين لله وطلعت علشان تساعد أمها فى تحضير الفطار.
مايسه باست أمها من خدها :صباح الفل يا احلى ماما فى الدنيا .
فوزيه :صباح الفل يا احلى مايسه فى الدنيا كلها .
مايسه :الله أمال فين بابا يعنى مش شايفاه ولا لسه مصحيش.
فوزيه:لا ياحبيبتى صحى وراح مزرعه المنصورى.
مايسه :تانى يا ماما تانى أنا بجد مش عارفه إيه إصراره يروح المزرعة او القصر ده تعرفى يا ماما.
فوزيه:خير يابنتى.

مايسه:أنا مش معترضه ابدا أن بابا يشتغل بعد مااتطرد من وظيفته الحكوميه أنا بس معترضه أنه بيشتغل فى عزبة صاحب القصر ده .

فوزيه :ليه بس يابنتى ده راجل قمه الأدب والاحترام وأولاده ماشاء الله عليهم ولاد ناس ومتربيين
مايسه:يا ماما أولاده دايما بيبصوا للناس كأنهم أحسن منهم ولما بنروح صدفة عندهم بحس أنهم بيبصولنا بكبرياء ليه يعنى هو علشان مااحنا غلابه وعلى قد حالنا مالناش حق نعيش زيهم ليه دايما محسيسنا أنهم اسيادنا وأننا ولا حاجه لا ياماما إحنا برضه بشر وبنحس ده حتى جاسم ابنه ياباى عليه تلاقيه شايف نفسه هو صحيح وسيم أوى والبنات كلهم ملهوفين عليه لكن برضه حاسه أنه متعجرف شوية .
فوزيه:بت أنتى بطلى رغى وجعتى دماغى واسكتى بقى لأن واضح أن ابوكى جه أهو وسمعاة طالع وجاى وبعدين الله الوكيل محمد صاحب القصر ده راجل أمير وسكره وعمرة مابخل ولااتاخر عننا يامايسه يابنتى.

مايسه:والنبى ياماما ماتعصبنيش باماره إيه ها بأمارة لما بياكلو واللى فايض من أكلهم يدهولنا ولابأماره لما الست ندى لما بتدينى هدومها ولا كأنى شحاته بشحت منها .

فوزيه :بقولك إيه اخزى الشيطان كده واقفلى بقى على الموضوع ده قلتلك ابوكى جه ومش عاوزاه يسمع كلام ملهوش لازمه مفهوم.
مايسه اتنهدت وسكتت لأنها عارفه أن الكلام مع أمها مش هايودى ولاهايجيب ففضلت السكوت وخرجت من المطبخ وفتحت الباب لابوها اللى اول مادخل قعد على أقرب كرسى فى الصاله.
مايسه :بابا حبيبى حمدا لله على السلامه.
طه:حبيبه قلب ابوكى الله يسلمك يا قمر.

مايسه :حبيبى والله أنت يا بابا بس لو ترحم نفسك حبيبى من الشغل الكتير ده أنت على طول مقيم فى العزبة بتاعه محمد باشا المنصورى ونادرا لما بنشوفك.

طه:وبعدين معاكى يامايسه يابنتى أنا قلتلك قبل كده أن ده مصدر رزقى وأكل عيشى ليه دايما عاوزة تبعدينى عن شغلى يابنتى إحنا مالناش غيرة أنتى ناسيه أن الشغل فى القطاع العام رفدونى بعد مااتهمونى ظلم أنى سرقت ملفات مهمه تخص الشركة اللى كنت شغال فيها وبعدين بعد كده اتاكدوا أنهم غلطانين وعرفوا ساعتها أنى مليش يد فى السرقه اللى حصلت وبعدها حلفت أنى أطلع معاش مبكر علشان أحافظ على الباقى من كرامتى وخرجت يومها من المصلحه مش دريان بنفسى واغمى عليا الراجل كتر ألف خيره لما عرف منى اللى حصلى مااتاخرش علينا وخلانى أشتغل عندة من بعد ما كل الأبواب اتسددت فى وشى مايسه يابنتى خليكى فاكرة الكلام اللى قلتهولك كويس أوى أنا عارف أنك مش حابه ده بس صدقيني يابنتى أنا بعمل كده لمصلحتك ومصلحه اخوكى وده أفيد لكم أنتو الإتنين .طه سكت شويه وبعدين قال:آمال اخوكى فين.

مايسه:ههههههههههه أنت لسه فاكر تسأل عن هانى يا بابا ده راح الشغل من بدرى حبيبى أنت نسيت أنه كابين طيار.

طه :قوليلى يامايسه من اللى شاف الشغلانه دى لاخوكى مش برضه محمد بيه اللى أنتى معترضه على أنى بشتغل عنده بلاش يابنتى تفضلى تعيدى وتزيدى فى الموضوع ده أنا بعمل كده علشانكم مش علشانى وبكره تعرفى أنى كان معايا حق .يلا بقى سيبك من الكلام ده وحضرى الفطار علشان واقع جدا من الجوع .
مايسه :ثوانى ويكون الفطار جاهز ياسيد الكل وراحت المطبخ وحضرت الفطار هى وأمها وفطروا مع بعض.

فى المطار كان هانى منتظر أصحابه علشان ميعاد الرحله وكان موجود شريف ومجد.

هانى:السلام عليكم ورحمه الله وبركاته معلش اتأخرت عليكم.
شريف ومجد :وعليكم السلام ورحمه الله وبركاته.
شريف بسخريه :نص ساعه تأخير لا كده كتير ياراجل.
هانى بصله ومردش.

مجد:سيبك منه ياهانى ويلا علشان مش نتاخر على ميعاد الطيارة.

شريف بحزن مصطنع:بقى كده ماشى يعنى علشان خايف على مصلحكتم أبقى غلطت.
هانى:وبعدين معاكم فى إيه مالكم شابطين مع بعض كدة ليه.
مجد:اووووف استغفر الله العظيم يارب أنت دايما كده يا شريف على طول بتستظرف.
شريف:مادمت بستظرف فابعد عنى بقى يا خفيف.
هانى:إيه جماعه استهدو بالله كده وبلاش شغل العيال بتاعكم ده ويلا ورانا ميعاد طياره انجزوا.وفعلا فى أقل من ساعه الرحله بدأت بعد ركوب الناس وطلع هانى بالطياره بمساعدة شريف ومجد.

فى قصر المنصورى كان جاسم بيلعب رياضه على اجهزته الرياضية وكان بيلعب ملاكمة محمد وهو طالع من اوضته سمع صوت خبط عنيف فتح الباب وبص على ابنه اللى منهمك فى ممارسة رياضته.

محمد:يابنى أنا مش فاهم إيه حبك فى الألعاب العنيفة دى.
جاسم:بابا حبيبى الألعاب دى بتقوى الأنشطة الدماغية ومنشطه كمان للعضلات بتخلى الواحد جسمه قوى وبعدين حضرتك عارف أنى بحب كده دى هوايتى المفضلة لازم أقوم بيها بعد مابصحى كل يوم من النوم.
محمد:طب خلص وتعالى علشان أنا واختك مستنينك تحت.
جاسم تجاهل أبوه وحتى مابصش له سكت شويه :حاضر يا بابا هاخلص واخد شاور وأنزل .
بعد عشر دقايق كان جاسم خلص فعلا لعبه واخد شاور ولبس ترنج رياضى وسلم على أخته وباسها من خدها وقعد فطر مع ابوة وأخته.
فضل صمت كتييييير لحد ما جاسم كسر حاجز الصمت ده:بابا أنا هاخلص الفطار أن شاء الله واروح النادى علشان عندى ماتش ملاكمه وبعد كده هاتغدى أنا وداليا علشان بس مش تعملوا حسابى على الغدا معاكم.

محمد بحده:والله يابنى ما انا عارف إيه سبب حبك للست داليا دى.

جاسم:بابا الظاهر حضرتك نسيت أنها تبقى خطيبتى وحبيبتى.
محمد:أنا عارف أنها خطبيتك بس للأسف أنا شايف أنها مش من مستوانا يا جاسم.
جاسم:ليه بقى أنا عاوز أفهم إشمعنى حضرتك بتقول أنها مش من مستوانا؟
محمد:أبوها راجل مش مطمن له.

جاسم بإصرار :بس أنا بحبها وهى كمان بتحبنى يبقى فين المشكلة بس بابا حبيبى أرجوك لو بتحبنى ماتقفش فى طريق سعادتى لأنى بحب داليا ومافيش حد فى الكون دة كلة يقدر يمنعني أنى أبعد عنها.

محمد بسخريه:هه وهو اللى بتتكلم عليه تسميه حب لا ده إسمه لعب عيال.
جاسم ببرود :أرجوك يا بابا بلاش كلام فى الموضوع ده أنا بحب داليا ومش ناوى أحب غيرها وعن إذنك بقى علشان عندى ماتش ملاكمة وداليا حبيبتى مستنيانى..... وسابهم ومشى.
محمد بص لندى بنته:عاجبك اللى اخوكى بيعمله ده أنا مش فاهم يعنى الدنيا ضاقت علية ملاقاش غير بنت السويفى ويخطبها.
ندى:بابا حبيبى بالرغم أنى أنا كمان معترضه على اختياره لداليا واللى أنا كمان مش بستريح لها بس جاسم معدش صغير يا بابا بقى عنده 26 سنه يعنى هو مسؤل عن اختياراته.
محمد بضيق:ياندى يابنتى أنا أكتر واحد فى الدنيا دى كلها عارف داليا السويفى كويس أوى وطول عمر أبوها منافس شرس فى السوق بامواله اللى الله اعلم مصدرها إيه ومنين.أنا خايف على اخوكى لتكون السكينة سرقاه بجد أنا خايف عليه.

ندى بضحك:لايابابا من الناحية دى اطمن أنا عارفه جاسم كويس أوى صحيح هو بيحب داليا لكن كمان عارفه أنه شاطر وهايعرف يوزن الأمور صح وأى حد يقف ضده مش هايرحمه متخافش عليه يا بابا.

محمد:ربنا يجيب العواقب سليمة ويحفظكم يارب ويبعد عنكم شياطين الإنس والجن.
ندى: يارب يا بابا.

فى فيلا السويفى داليا كانت بتتمشى بدلال وبعدين قربت من أبوها وباسته من خده .

محمود السويفى :برضه مصره أنك تقابلى اللى إسمه جاسم ده.
داليا:أيوة يا بابا مصرة اللى حضرتك ماتعرفهوش أن جاسم يتاقل دهب ده غير أنه بيحبنى موت وملهوف عليا وأنا بصراحه كده مش هلاقى زيه.
محمود:لو أعرف بس بتفكرى فى إيه.
داليا:اسمعنى بس يا بابا بص ياحبيبى أنت مش حضرتك تبقى منافس قدام شركات ابوة محمد المنصورى.
محمود:أيوة فعلا ده صحيح.

داليا بمكر وخبث:دى بقى مهمتى أنى أساعدك أنك تاخد الشركات اللى خسرتها فى السوق بسببهم وساعتها مش بس هاترجع الشركات اللى خسرتها دى دة أنت كمان هاتاخد منهم شركاتهم بس أنا هاخدهم واحده واحده وبكره تشوف داليا هاتعمل إيه.

محمود حس أن فكره بنته عاجبته :شاطره ياحبيبه ابوكى بصى بقى أنا معتمد عليكى بس اوعى جاسم يشك فيكى لمجرد الشك .
داليا بابتسامة انتصار:متخافش عليا ده أنا بنتك داليا السويفى
محمود :ماشى ياداليا لما نشوف.
داليا :طيب سلام بقى ياحبيبى علشان جاسم مستنينى على نار.
محمود بضحك:ماشى يا بنت ابوكى...وفعلا راحت داليا علشان تقابل جاسم فى النادى.

فى النادى جاسم كان منتظر ماتش الملاكمة دخلت داليا بدلال وقربت منه ولفت ايديها حوالين رقبه جاسم وحضنته بدلع:حبيبى وحشتنى أوى.

جاسم:حبيبه قلبى اتاخرتى ليه.
داليا:معلش حبيبى حقك عليا أنا مقدرش أبدأ على زعلك...وقربت منه تانى وباسته من خده وبعد شويه بدأ الماتش ومع كل ضربه من جاسم اللى قدامه بيضعف وهو بيبقى أقوى كل ماكان بيزيد من حماسه داليا وكانت بتشجعه وهى بتقول فى قرارة نفسها: هههههههه ده كنز مش ممكن يضيع أبدأ من ايدى.
انتهى الماتش بفوز ساحق لجاسم.
جاسم:ها إيه رأيك بعرف ألعب كويس.
داليا:جدا حبيبى جدا بس أنا زعلانه منك وواخده على خاطرى منك.

جاسم:ليه بس ياروحى هو حصل منى حاجه زعلتك.

داليا:بقالك يومين مش بتسال عليا ياوحش.
جاسم مسك ايديها وباسها:حقك عليا يا قلب جاسم بس أعمل أيه أنتى عارفه الشغل كتير معلش ياحبيبتى هاعوضك يلا بينا.
داليا:على فين حبيبى.
جاسم:لا بقى خليها مفاجأه. واخدها جاسم لأقرب محل مجوهرات واشترى لها سلسه حلوة وغاليه جدا.
جاسم:هابقى ياحبيبتى لسه زعلانه.

داليا بدلع:حبيبى أنا بمووووووووت فيك اموووواااااه ياروحى.

جاسم:وأنا كمان بموووووت فيكى ياحبيبتى ....يلا بقى علشان اغديكى فى المطعم اللى يعجبك .
داليا:أوك حبيبى يلا ......وفعلا اتغدوا فى افخم المطاعم ودخل هو وهى .
جاسم : ها ياقلبى اية رايك .
داليا بانبهار : شيك اوى ذوقك حلو اوى حبيبى.
جاسم : وانتى احلى ياقلبى ...... فضلوا مع بعض وبعدين سكت وكمل كلامة : حبيبتى.

داليا : نعم ياروحى .

جاسم : داليا حبيبتى مش عاوز حاجه تأثر علاقتنا.
داليا : حبيبى اية اللى حصل علشان تقول كدة.
جاسم : ابدا حبيبتى بس بلاحظ انك بتزعلى منى على طول ولازم اصالحك بحاجه ياترى دة دلع ولاحب ولاايه؟
داليا : حبيبى تقدر تسمية حب و دلع عليك .
جاسم : ماشى ياقلبى وانا مقدرش انك تزعلى منى ؟
داليا بمسكنة: طيب حبيبى ممكن بقى تروحنى علشان بابى مش يقلق عليا؟
جاسم : ماشى ياروحى يلا.
ورجعها الفيلا بتاعتها ورجع تانى القصر بتاعه وطلع اوضته وهو بيفكر فى حبه الشديد لداليا.

بس يا ترى الأمور هاتفضل ماشيه عادى ولا هايحصل إيه أكيد لسه فى كتير مستنى جاسم وعائلته.
رواية ما بعد الرحيل للكاتبة ياسمين أحمد الفصل الثاني

جاسم رجع القصر بعد ماوصل داليا الفيلا بتاعتها واول مادخل نده علية ابوة

محمد : جاسم تعالى يابنى عاوز اتكلم معاك شويه.
جاسم بنتهيدة: خير يابابا .
محمد : قلتلك تعالى .

جاسم : نعم يابابا لو حضرتك بتنده عليا علشان تقولى ابعد عن داليا واسيبها فانا بقول لحضرتك اسف مش هايحصل مش هاسيبها لانها حبيبتى وبحبها وهى كمان بتحبنى .

محمد : انا عارف انك مش هاتقتنع بكلامى بس علشان تكون عارف ان الهانم داليا دى اللى انت دايب فى هواها رامية نفسها عليك ومش بتحبك.
جاسم بزهق: حبيبى ممكن افهم بس انت رافضها لية ياريت تقولى اسبابك يمكن اقتنع.

محمد : بصراحة مش بستريح لها لله فى لله كفاية انها تبقى بنت السويفى وسبق قبل ماتروح تخطبها من ورانا انى قلتلك ان السويفى راجل مش سهل يلفك على صابعه وبعدها يرميك مش يمكن يابنى يكون هو اللى زققها عليك علشان يعرف عنك كل حاجه شركاتك ومصانعك وقد اية رصيدك فى البنوك.

جاسم : لا طبعا يابابا انا واثق من داليا جدا وواثق من حبها ليا مش لها يعنى اى غرض تانى من اللى بتكلمنى علية ده ثم هى مش صغيرة علشان حد يتحكم فيها او تسمع لكلام حد لا يابابا داليا مش كدة ابدا.
محمد : علشان انت غبى ونظرتك للامور سطحية.
جاسم : بابا لو سمحت انا مش غبى.

محمد : لا غبى وستين غبى كمان يابنى انت ماشى ورا مشاعرك ولاغى عقلك والصراحة البنت حلوة وواكله دماغك بكلامها الحلو المتذوق ومانتاش فاهم حاجه يابنى انا عارف السويفى دة كويس اوى اكتر منك دة راجل دحلاب واكيد هو اللى مسلط بنته علشان تفضل تحبها وتجرى وراها علشان تعرف منك المعلومات عن كل حاجه وعدد العملاء وحجم المصانع وازاى بتشتغل وخصوصا أننا لنا وزننا فى السوق وعلشان ماهو سيادتك دايب فى غرامها مانتاش عارف الناس دى بتفكر ازاى جاسم يابنى انا مش قلتلك ماتحبش لكن كمان بقولك دقق فى اختياراتك وامشى ورا عقلك وقلبك مع بعض فى خط واحد مش تلغى عقلك وتمشى ورا قلبك القلب يابنى ساعات بيبقى نقمة على صاحبة ويبقى احيانا تفكيرة غلط فى غلط علشان مش بيختار صح انا نصحتك وانت حر.


جاسم: بابا حبيبى متخافش عليا انا تربيتك يعنى مش اى حد ماتقلقش حبيبى انا لوحسيت ببذرة شك من ناحية داليا او فى لحظه واحدة بالغدر منها انا ساعتها هفرمها هى وابوها ....... جاسم سكت شويه وبعدين كمل : الله امال فين ندوش محدش يعنى سامع لها صوت ؟

محمد: ندى ياسيدى استاذنت منى ونزلت راحت النادى علشان تقابل الواد الرخم ده اللى اسمة حازم انا عارف مالكم كدة كل اختيارتكم غلط فى غلط سواء انت او اختك ومعرفش انتو ناوين على اية.
جاسم بنرفزة : تانى الزفت اللى اسمة حازم دة انا قلت لها قبل كدة تقطع كل علاقتها بية وبعدين انت ازاى يابابا تسمح لها اوتوافق انها تخرج معاه.

محمد: هى اختك ادتنى فرصة ده انا يدوبك لسة بكلمها وبقول لها الواد دة ماينفعكيش لقيتها باستنى من خدى وبعدين طلعت جرى على النادى.

جاسم : ماشى انا رايح لهم النادى دلوقتى وهاقطم رقبتها ورقبته انا سبق وقلت لها انه كلب فلوس وبيجرى وراها علشان يكسب منها وبس.
محمد بص لابنة باستغراب : ياشيخ اتوكس بلا وكسة ابقى انصح نفسك الاول ماهى الست داليا بتجرى برضة وراك لنفس السبب علشان الفلوس وبس .

جاسم: يابابا لو سمحت متحطش وجه مقارنه بين حبيبتى داليا وبين حتة عيل لاراح ولاجة اية اللى جاب السما من الارض داليا بنت حسب ونسب لكن حازم حتة واد يدوبك لسة متخرج من كام سنه لسة بياخد فلوس من باباه وماماته اللى مسافرين برة وبيبعتولة حبة فلوس يتصرمح بيهم ولما تخلص الفلوس دى يجرى ورا ندى ويتمسح فيها ويقنعها انه بيحبها علشان ياخد منها فلوس دة انا لو طولتة امسكة من رقبته واقتلة وارتاح منه انا هاروح لها بنفسى النادى لما نشوف اخرتها ايه فى الزفت دة.


جاسم طلع من القصر وهو عينه بطق شرار وحلف انه يتصرف مع حازم ويعاقبة على انة بيخدع اخته ركب عربيته وكان بيسوقها بسرعة مخيفه لدرجه انه كسر اشارة المرور اكتر من مرة لحد ماوصل النادى وفضل يدور عليها لحد مالقاها قاعدة معاة وعمالة تهزر وتضحك.


جاسم بعصبية : والله عال ياست ندى سيادتك قاعدة مع البيه دة ولا على بالك مش كدة.

ندى بصدمة: ارجوك ياجاسم اهدى وبعدين احنا قاعدين فى مكان عام محناش بنسرق .
جاسم بحدة: ولكى عين تتكلمى كمان .... وشدها من دراعها بعنف بس حازم رد بعجرفة.
حازم : براحة علينا ياجاسم بية احنا مش قدك.

جاسم بغضب والعرق اللى فى رقبته ظهر وبلغة تحذير: انا بكلم اختى ماتتدخلش فى اللى ملكش فية.

حازم بتريقه : تصدق انى خوفت من صوتك دة انت بتهددنى ياجاسم بية ولاايه وبعدين اختك بتقابلنى بمزاجها مش غصب عنها وعلى العموم يعنى انا مش هاكل منها حته.
جاسم قرب منه وضربه فى وشة بعنف: تصدق انك احقر انسان شوفتة فى حياتى .
حازم : لالا عيب من غير غلط انا بتكلم معاك لحد دلوقتى بادب.
جاسم بقت روحه فى مناخيرة ومش طايق دبان وشة :طب اتفضل أطرق بقى من هنا .
حازم : ولو مش اتطرقت هاتعمل ايه ها .

جاسم مسكه من دراعة ولواة بعنف : هاكسرلك دراعك لو تحب.

ندى بعياط : سيبه ياجاسم ارجوك.
جاسم بحده : انتى بالذات تسكتى خالص ولما نروح لنا كلام تانى .
حازم برغم وجع دراعة الا انه وقف وتحدى جاسم .
حازم : ندى هاتروح معايا.
جاسم : نعم اية؟ يعنى ايه هاتروح معاك ليه هى سايبة ؟
حازم بص لندى وشدها له وجاسم بصله وقرب منه : انما انت قليل الادب اوى ومحتاج اللى يربيك.
حازم وهو لسة مصمم انه يستفز جاسم : اعلى مافى خيلك اركبة.
جاسم : خلاص يبقى انت اللى جنيت على نفسك ........... قرب منه اكتر ولوى دراعة من تانى وكسرها وحازم صرخ من شدة الالم وهو شد ندى من ايدها لحد ماطلعوا من النادى وزقها ودخلها العربيه ورزع الباب بعنف وركب وطول السكة ساكت بس كان جواة بيغلى بسبب تصرفات اختة غير المسؤله.

ندى: ارجوك ياجاسم اسمعنى بس.

جاسم : هشششش مش عاوز اسمع صوتك خالص مش كفاية انك بتخرجى مع واحد مهلوش مستقبل اسكتى ياندى لو سمحتى.
ندى بحدة : ماانت كسرت دراعة وبعدين اشمعنى انت بتخرج مع حبيبه القلب داليا ومحدش بيكلمك ها .
جاسم وقف العربية وداس فراميل بعنف وبص لاخته بصه ارعبتها ومسك دراعها واتكلم بتحذير : انتى عاوزة تقارنى حازم ده بداليا ايش جاب حته عيل حيلة امة وابوة بداليا بصى ياندى انتى تسكتى خالص لحد مانوصل القصر وبعدين لنا كلام تانى لما نوصل ................ جاسم كان بيسوق العربية وهو خلاص فاض بية لحد ماوصلوا للقصر دخلوا ومسك دراعها وزقها قدامه.

ندى بحدة : انا مش هاسمحلك انك تعاملنى بالاسلوب دة انا مش عيلة صغيرة.

جاسم بزعيق : وكمان مش عاجبك ......... وفضل يزعق معاها لحد ماجه ابوهم على صوتهم العالى.
محمد : ماشاء الله على عيالى وعلى صوتهم العالى ايه صوتكم جايب لأخر الدنيا ماتهدوا شوية وتفهمونى إيه حصل.
جاسم :اتفضل يابابا شوف الهانم بنتك مش عاجبها انى اتخانقت مع حازم حيلة امة وشدتها من دراعها ولاكمان زعلانة علشانة حاجه غريبه والله العظيم.
ندى : انت عاملتنى اسوء معاملة قدامه ومش بس كدة دة انت كمان كسرت دراعة .

جاسم : يعنى الحق عليا انى خايف عليكى من الواد التلفان دة .

ندى: انا قلتلك قبل كدة انى مش صغيرة واقدر احمى نفسى كويس اوى سواء كان من حازم اومن غيرة .
جاسم :وانا للمرة الاخيرة بقولهالك ياندى لو شوفتك بتتكلمى مع البنى آدم دة او خرجتى معاة تانى هايبقى حسابك معايا مش حلو وانتى عارفة كويس اوى انا لما بيفيض بيا الكيل بعمل اية والمرة الجاية انا مش هاكسرلة دراعة لا انا هاكسر دماغة كمان دة اللى خايفة علية اوى حتة واد لا راح ولاجه وبعدين مش عيلة المنصورى اللى تناسب اللى بالاشكال دى ...... بص لابوة ولها : عن اذنكم انا طالع اوضتى لانى صدعت .... وسابهم وطلع اوضتة .

ندى : عاجبك كدة ياسى بابا اللى عملة ابنك فيا لاوكمان وصغرنى قدام حازم.

محمد بحدة : طبعا عاجبنى اخوكى بيخاف عليكى وعاوز مصحلتك وانتى مش بتراعى خوفنا عليكى .
ندى : لا انا عارفه مصلحتى كويس اوى واة انا بحب حازم هو بقى مش بيحبة هو حر.
محمد: ندى بقولك اية اسمعى كلام اخوكى لان الكلام مش هايتنى تانى خلاص .
ندى : يابابا ارجوك.
محمد : قولنا خلاص .

ندى : ماشى يابابا بس محدش يبقى يزعل منى بقى لو روحت اتجوزته من وراكم ...... وسابت ابوها وطلعت اوضتها حاولت تتصل بحازم بس محدش بيرد عليها فضلت تعيط لحد مانامت .

اما محمد فحط ايدة على راسة وفضل يستغفر ربة : ياربى انا كنت عملت اية بس فى دنيتى دى علشان عيالى مش بيسمعوا كلامى ربنا يهديكم ياولادى يارب.

فى اوضه جاسم كان بيفرك ايدة بغيظ على عمايل اختة شوية وهدى وطلب داليا اللى اول مارن عليها ابتسمت وردت على طول .

داليا بدلع : حبيبى وحشتنى .
جاسم بضحك : مااحنا كنا لسة مع بعض من شوية لحقت اوحشك ومع ذلك انتى كمان وحشتينى اوى .
داليا حست ان صوت جاسم متغير فسالتة بسرعة مالة .
داليا : مالك حبيبى .
جاسم : ابدا ياقلبى مافيش .
داليا : لا فى صوتك متغير فيك اية
جاسم : ابدا اصلى انا وندى شدينا مع بعض شوية .
داليا : لية بس احكيلى .
جاسم :ابدا بقالها فترة ياستى مواعدة حتة واد كدة اسمة حازم قال اية بتحبة وابوة وامة بيصرفوا علية وهو اساسا واد صايع ومهلوش مستقبل .

داليا : اسمة حازم ؟

جاسم : ايوة انتى تعرفية .
داليا : اظن سمعت الاسم دة قبل كدة يكونش حازم المنفلوطى ؟
جاسم : داليا انتى تعرفية منين؟
داليا : لا معرفهوش اوى بس دايما بسمع عنه من شريف ابن خالتى .
جاسم بغيرة : وشريف يتكلم معاكى عنه بصفتة اية ولية اصلا تكلمى شريف من اساسه .
داليا : جاسم حبيبى اهدى ومش تنسى ان شريف يبقى ابن خالتى .
جاسم : ولو برضه متكلمهوش .
داليا : ماتبقاش حساس بقى يا بيبى .
جاسم بحدة : سمعتينى ياداليا .
داليا بزهق : حاضر حاضر .... سكتت وجاسم حس انه اتعصب اوى عليها .
جاسم : انا اسف ياحبيبتى انى اتعصبت عليكى بس انتى عارفة انى بغير .
داليا بحزن مصطنع: عارفة .

جاسم : تبقى لسة زعلانة صح طب اصالحك ازاى ؟

داليا بانتصار وابتسمت بخبث : بانك تعزمنى بكرة فى نفس المطعم اللى عزمتنى فيه وتجيبلى كمان هدية حلوة .
جاسم سكت ومردش
داليا : سكت لية حبيبى .
جاسم : ها
داليا : اية هو اللى ها .
جاسم حب يتهرب من الكلام معاها: ربنا يسهل ياداليا معلش ياحبيبتى انا مضطر اقفل معاكى لان اليوم كان طويل جدا محتاج انام علشان عندى شغل كتير تصبحى على خير .
داليا بحب مصطنع : وانت من اهل الخير حبيبى امووووووااااااة .
جاسم قفل تليفونة وفضل صاحى شوية وبعدين نام .

فى فيلا السويفى .

داليا : مش قلتلك ان جاسم دة كنز يابابى .
محمود : اشمعنى ؟
داليا : هايعزمنى بكرة فى اكبر واغنى المطاعم وهايجيبلى هدية حلوة كمان.
محمود : داليا بالراحه واحدة واحدة احنا اتفقنا على ايه.
داليا : متخافش ياحبيبى انا هاخدة واحدة واحدة لحد مايبقى تحت طوعى .
محمود : لما نشوف .

تانى يوم فى المطار كان هانى قاعد سرحان فى البنت الجميلة اللى خطفت قلبة من اول يوم شافها فيه.


فلاش باك .


كان هانى فى مرة مع باباة فى عزبة المنصورى لقى بنت فى غاية الرقة والجمال وبتضحك ضحكة خطفت قلبه ووقع فى حبها لكنه مابينش لها مشاعرة .

هانى بهمس لابوة : مين البنت دى يابابا .
طه : دى ياسيدى ندى بنت محمد بية اللى بأشتغل معاة واللى كنت كلمتك عنهم قبل كدة .
هانى : بس دى جميلة اوى يابابا ورقيقة اوى يابخت اللى هاتكون من نصيبة .
طه : هانى ماتبصش فوق يابنى لاتقع على جذور رقبتك احنا فين وهما فين .
هانى : كلنا ولاد حوا وآدم يابابا .
طه : فعلا يابنى بس الناس مقامات ومهما وصلنا مش هانوصل ربعهم بقولك اية بطل غلبة وكتر كلام .
هانى : حاضر سكت اهو ....... فضل هانى متابع ندى لحد مااختفت من قدام عينه واخوها كان ملاحظ دة واكتر من مرة وهما يشدوا مع بعض بسبب نظراته واعجابه بيها.

انتهى الفلاش باك .


مجد راح وطبطب على كتفه .

مجد : امممممممممم اللى واخده عقلك ههههههههه.
هانى انتبه: ها كنت بتقول حاجه يامجد .
مجد بضحك : كنت بقولك اللى واخده عقلك .
هانى : ابدا مافيش .
مجد : عليا انا برضه ده انا صاحبك .
هانى : صدقنى يامجد مافيش بقولك اية احنا كدة خلصنا رحلات النهاردة وعاوز انزل اشوف اهلى واقعد معاهم واطمن عليهم .
مجد : اوك يلا ...... وهما ماشين نده عليهم شريف .
شريف : استنوا هانمشى مع بعض .
مجد بهمس : الله الوكيل ماهى نقصاك .
شريف : بتقول حاجه يامجد .
هانى وضغط على ايد مجد علشان يسكت .
مجد : مابقولش حاجه .
هانى : يلا ياجماعة علشان نروح .
شريف : ماشى يلا .

فى بيت عم طه البحراوى كانت مايسة بتساعد أمها فى تحضير الغدا .

مايسة : مش كنا المفروض نستنى لحد ماهانى يجى علشان نأكل مع بعض ....ولسة هاتكمل امها بصت لها وضحكت : اهو الباب بيخبط اهوة هههههههههه.
مايسه بصت لامها باستغراب : انا نفسى اعرف بس انتى بتبقى عارفة ازاى انه هو اللى بيخبط ها ازاى ها ازاى .
فوزية بضحك : مافيش ام مابتعرفش دة يبقى احساس نابع من جواها ايش فاهمك انتى بصى يابنتى بكرة لما تبقى ام وابنك يبقى بعيد عنك ويرجع بيبقى قلبك حاسس بدة هاتعرفى ساعتها يعنى اية معنى كلمة امومة واتفضلى بقى ياغلاباوية روحى افتحى الباب لاخوكى ولا هاتسيبة ملطوع على الباب كدة كتير .
مايسة باست امها وراحت فتحت الباب واخدت اخوها بالحضن وباستة من خدودة وهى فرحانة
مايسة : حمدا لله على السلامة ياهانى .

هانى بضحك : الله يسلمك ياحبيبتى وبعدين تعالى هنا انتى محسسانى انى بقالى قرن مش يومين وبعدين انتى ناسية انى كابتن طيار يعنى مش حاجه سهلة بس تعرفى ياميوس .

مايسة : خير ياهانى .
هانى : برضة بتوحشنى لمضتك يالمضة .
مايسة : والله وانت اكتر ياهانى ادخل غير هدومك علشان نقعد نتغدى مع بعض .
هانى :فعلا انا جعان جدا اممممممممم الله الله انا شامم ريحة ملوخية ومحشى وحاجات حلوة كتير صح ولاانا متهيألى .
مايسة بضحك : ايوة ياطفس هو كدة بالظبط انت راجع من السفريات همك على بطنك ههههههههه.
هانى وهو بيعاكس اختة : مالكيش دعوة يارخمة اوعى كدة اما اروح اسلم على ست الحبايب ...........دخل المطبخ وسلم على امة وفضل يبوس فى ايديها وهى كمان فضلت تحضن وتبوس فية .
فوزية : ياحبيبى يابنى حمدا لله على سلامتك .

هانى بضحك : اية ياجماعة مالكم ده يدوبك يومين اتنين بس .

فوزية : اليومين اللى بتتكلم عليهم دول كانهم سنتين مش يومين بس الظاهر انك انت واختك مش حاسين بمعنى كلامى غير لما تخلفوا ويبقى عيالكم بعاد عنكم .
هانى وطى على ايد امة وباسها بحب : ربنا يخليكى ياست الكل مانتحرمش من وجودك انتى وبابا .
فوزية بامل :يااااااااارب ياحبيبى.
هانى سكت شوية وبعدين كمل كلامة : الله امال بابا فين يعنى مش شايفه.
فوزية : فى عزبة المنصورى يابنى .
هانى : تانى ياماما عزبة المنصورى .

مايسة : والنبى قولها الكلام دة ياهانى لاحسن هى مش مقتنعة بكلامى .

فوزية : ياولاد ابوكم بيشتغل عند الراجل وهو الله الوكيل مش مقصر معنا فى حاجة وبعدين يابنى انت عارف البير وغطاة ولولا الراجل دة كنا زمنا بنشحت فى الشوارع .
هانى : ياامى ماتحمليش هم انتى وبابا ومايسة انتو على دماغى من فوق .
فوزية : يابنى انت هاتعمل اية ولااية بس مش كفاية انك بتسافر كل شوية فى رحلات علشان تصرف علينا ومش بتتاخر عننا فى شىء الحمل كتر عليك يابنى كتر الف خيرك .
هانى :حبيبتى ياماما خيركم سابق علينا مش كفاية انك انتى وبابا ربتونا انا ومايسة وعلمتونا احسن علام ارجوكى ياامى مش عاوز اسمع منك كدة تانى علشان مزعلش منك .......... وباس راسها : انا رايح العزبة اجيب بابا علشان نتغدى مع بعض .

فوزية برجاء : والنبى يابنى روح بس بلاش علشان خاطرى ملكش دعوة بندى ومش تتخانق مع جاسم زى المرة اللى فاتت دول ناس اغنياء جدا يابنى واحنا مش قدهم ولا من مقامهم .على الاقل اعمل اعتبار لابوك وبعدين انا مش عاوزة الامور تتصعب علينا علشان خاطرى .

هانى بضيق : جاسم دة انسان غريب جدا ياماما احيانا بحس انه انسان معقد اى حد بيبص لاخته بيبقى كأنه عاوز يأكله .
فوزية : يابنى هو معاة حق يعنى انت ترضى على نفسك ان حد يبص لاختك اويعاكسها طبعا لا وعلشان كدة كل اللى بطلبة منك علشان خاطرى روح هات ابوك من هناك ومالكش دعوة بأخت جاسم خليك فى حالك ومش تتاخروا علشان الاكل مايبردش .

هانى حاضر ياماما هاروح واجيب بابا وماليش دعوة بندى ..........هانى راح فعلا عزبة المنصورى وهناك لمح ندى وجاسم وابوهم .

هانى: السلام عليكم ورحمة الله وبركاتة .
الكل : وعليكم السلام ورحمة الله وبركاتة .
محمد : ابن حلال حماتك بتحبك .
هانى بيكلم نفسة : وانا بحب بنتها : شوية وانتبة : خير يامحمد بية .
محمد : لابية اية لا كدة ازعل منك بجد هو انت مش معتبرنى زى ابوك ولااية هانى يابنى بلاش الالقاب دى بية وباشا مش بحب اسمعها .
هانى : مش القصد والله انا بس ماينفعش ماقولش غير كدة .
محمد : ماعلينا اقعد بقى علشان تتغدى معنا .
هانى: لامعلش وقت تانى ان شاء الله ... بص لابوة اللى كان قاعد معاهم : مش يلا احنا يابابا .
طه : يلا يابنى .

محمد : والله ماهايحصل ابدا لازم تقعدوا تتغدوا ......... واصر على انهم يفضلوا قاعدين معاهم .

هانى : ايوة بس اصل يعنى ماما ومايسة .
محمد بص لجاسم : جاسم روح هات الجماعة من البيت ونتغدى كلنا مع بعض .
طه مقاطعا : لا معلش حضرتك اعفينا .
محمد : وانا قلتها كلمة وكلامى مابرجعش فية .... وبعد محايلة من محمد قعد هانى وطه وجاسم ركب عربيتة لحد ماوصل بيت عم طه وهو طالع عمال ينهج : ياااااااه سلم متعب اوى الله يكون فى عونهم .... اخيرا رن الجرس مايسة راحت وفتحت له الباب .
مايسة باستغراب : جاسم ؟

جاسم : ازيك ياانسة مايسة عاملة اية .

مايسة : الحمد لله انا كويسة اتفضل .
جاسم : متشكر .......دخل وقعد على اقرب كرسى وهو عمال باصص باستغراب على الشقة البسيطة المتواصغة وبعدين مايسة استاذنت منة وراحت بلغت امها .
فوزية : هو قاعد برة .
مايسة : ايوة .
فوزية : طيب استنى انا جاية معاكى اهوة .
فوزية طلعت ورحبت اوى بجاسم : اهلا وسهلا يابنى معلش البيت مش على قد المقام اتفضل يابنى .
جاسم : معلش ياطنط اصل بابا طلب منى اجى ابلغ حضرتك انك انتى ومايسة لازم تيجوا معايا علشان عازمنينكم عندنا.

فوزية : ايوة يابنى بس .

جاسم : من غير بس ياطنط اتفضلوا اجهزوا علشان تيجوا معايا .......... وفعلا فى خلال دقايق قليلة جدا كانت فوزية ومايسة جهزوا ونزلوا مع جاسم وركبوا معاة وجاسم طول ماهو سايق العربية عينة مانزلتش من على مايسة وكل شوية يفضل يبصلها من مرايا العربية ومايسة لاحظت كدة بس اتجاهلتة لحد ماوصلوا العزبة وهناك محمد رحب بيهم وشوية وكان الاكل جهز واتغدوا كلهم وهانى كمان عينه منزلتش من على ندى اللى كانت متجاهلة نظراتة لها وبالرغم من تحذيرات امة الا انة مقدرش مايبصلهاش وجاسم لاحظ كده وكان بيبص لهانى بتحذير فى الوقت اللى جاسم نفسة كان بيخطف نفس النظرات لمايسة لحد ماموبايلة رن وكانت داليا استاذن منهم وراح علشان يكلمها .

جاسم : عن اذنكم بس هارد على المكالمة وراجع تانى .

طه : اتفضل يابنى .
جاسم بعد بعيد عنهم علشان يعرف يتكلم براحتة .
محمد : والله منورين ياجماعة النهاردة العزبة منورة بيكم .
طه :النور نوركم ياسعادة البية ربنا يجعلة عامر ومفتوح بحسك ....... فضلوا شوية وبعدين حبوا سياذنوا علشان يمشوا .
طه : معلش ياسعادة البية لازم اروح استريح شوية علشان اقدر اجى الصبح فايق لطلبات حضرتك .
محمد : خلاص بيتوا معنا هنا .
طه : لامعلش انا مش بستريح غير فى بيتى .

محمد : على العموم مش هاغصب عليك فى حاجه بس ياريت تكررها تانى وتيجى انت والمدام والاولاد مرة تانية .

طه : ان شاء استاذن حضرتك بقى يلا ياهانى .
محمد : مع السلامة ياراجل ياطيب ...... مشيوا وكان جاسم خلص كلام مع داليا رجع لقاهم مشيوا .
جاسم : الله هما لحقوا يقعدوا .
محمد بضحك : ههههههههه صح النوم يااستاذ انت بقالك ساعة عمال ترغى وتلك مع الست داليا طبعا مش حاسس بالوقت .
جاسم : هما روحوا فى عربية هانى صح .
محمد :ايوة انما انت بتسأل لية ؟

جاسم : ها ولاحاجه مجرد سوال بس .

محمد : ايوة ياسيدى مشيوا فى عربية هانى ارتحت كدة ...........جاسم كان مشتت حيران مابين داليا الجميلة اللى اخترها بنفسه علشان تكون خطيبته ومابين مايسة اللى ظهرت فجأة فى حياتة اللى اول ماشاف عيونها الخضرا تاه فى جمالهم شاف فيهم سحر غريب جدا وحس بحاجة غريبة حنيتها هو مش فاهم هى اية بالظبط ياترى دة اعجاب بجمالها وخفة دمها ولااية .

خلصت حلقتنا بس ياترى الامور مخبية اية لابطالنا ياترى هاتفضل الامور زى ماهى كدة ولااية اللى هايحصل معاهم ده اللى هانعرفة بعدين.
رواية ما بعد الرحيل للكاتبة ياسمين أحمد الفصل الثالث

طه أخد عيلته ورجعوا بيتهم بعد ماقضوا وقت حلو وجميل فى عزبة المنصورى وكانوا فى قمة السعادة .

طه : ياااااه شوفتى يافوزية النعيم اللى فية محمد المنصورى واولادة اللى عايشين فية بسم الله ماشاء الله عندهم العزبة دى بتساوى الالاف ربنا يبارك لهم .
فوزية بضحك : جرى اية ياراجل انت بتحسدهم ولااية .

طه : لا طبعا يافوزية انا عمرى ما بحسد حد انا بتكلم عامة انهم من عيلة غنية اوى .

فوزية : ربنا يزيدهم كمان وكمان والصراحة الراجل صاحب العزبة دة راجل كريم جدا ومابيبخلش علينا فى حاجه .
مايسة ساكتة ومش بترد وابوها لاحظ سكوتها وشرودها .

طه : مالك يابنتى من ساعة مارجعنا وانتى ساكتة يعنى وماقلتيش رايك فى العزبة وجمالها واستقبال محمد بية وترحيبة بينا .

مايسة : عادى يابابا هاتكلم اقول اية ربنا يسعد الجميع .
طه : امال مالك يابنتى من ساعة مارجعنا وانتى شاكلك مش مظبوط.
مايسة : الصراحة يابابا الراجل صاحب العزبة اكرمنا اخر كرم بس آآآآ .
طه : بس اية يابنتى ماتتكلمى.

مايسة : مش عارفة يابابا ابنة طريقة باصتة ليا مش عاجبتنى كان بيبصلى بطريقة غريبة اوى وكل ماارفع عينى فى وشة الاقية مبتسم ليا ودة فى حد ذاته نرفزنى .

طه : يابنتى انتى مكبرة الموضوع اوى لية ماتقوليش انه بيعتبرك زى اختة انا شايف انك واخدة الامور بحساسية زيادة اوى .
مايسة : مش عارفة يابابا يجوز يكون كلامك صح بس نظراتة ليا ماكنتش مطمنانى حاسة انها نظرات شخص معجب مش نظرات عادية بالمرة.
طه : يابنتى جاسم خاطب بنت زى القمر يبقى هايبصلك ليه بس .

فوزية اتعصبت وحطت ايدها حوالين وسطها واتكلمت بنرفزة : ويعنى بنتك مش قمر دى قمر 14 ونص كمان.

طه : انا مقصدش يافوزية انتى مالك انتى وبنتك كبرتوا الموضوع كدة لية انا بقول انة خاطب واحدة تانية يبقى هايبص لبنتك لية وبعدين تعالى هنا مش بنتك مخطوبه لابن عمتها.
فوزية بحدة : ايوة دة صحيح وحتى لو مش مخطوبه بنتك يتمناها اى حد يا طه .
طه : لاحول ولاقوة الابالله انا قلت حاجه انا برد على كلام بنتك انة بيبصلها بطريقة مش عاجبتها وكل اللى قلتة انه مرتبط يبقى هايعجب بمايسة لية .
مايسة : صدقنى يابابا هو اكتر من مرة باصلى وانا تجاهلتة ومرة تانية وانا وماما رايحين العزبة وكذا مرة واحنا عندهم دة انا كنت حاسة انه هايأكلنى بعينية بس بالرغم من كل دة الا انه وسيم جدا عينة فيهم سحر غريب جدا لهم حق البنات يموتوا علية .

طه : بقولك اية يامايسة يابنتى نصيحة واسمعيها منى بلاش تحلمى بجاسم وارضى بخطيبك وبس اعتبرية مجرد اخ وبس جاسم لايمكن يفكر فيكى اولا لانة خاطب واحدة تانية واكيد بيحبها دة غير انهم ناس اغنية جدا واحنا يدوبك ناس على قد حالنا فبلاش تحلمى باكتر من كدة .

مايسة بتريقة : لاطبعا يابابا انت بتقول اية انا انا ابص لجاسم دة انسان مغرور ومتكبر شايف نفسة انة وسيم ودنجوان عصرة يقدر يعلقنى زى مابيعلق باقى البنات بابا حبيبى متخافش بنتك مش من السهل حد يوقعها فى غرامة بسهولة.

طه : والله ياخوفى يابنتى يجى عليكى يوم وتتعلقى بية وتحبية ولو دة حصل انتى اكتر واحدة هاتتعذب فى حبة لانه هايبقى حب من طرف واحد ارجوك يابنتى اعتبرية موقف وعدى وانسى جاسم تماما .

مايسة : بابا حبيبى اولا جاسم مش هو الراجل اللى يملى عينى اللى يعلق بنات الناس فى حبة ويتخلى عنهم دة مش ممكن ابدا انى افكر فية ثانيا بقى وده الاهم انى بحب وائل ابن عمتى وبحبة جدا كمان ومعنديش اى استعداد انى احب غيرة .

طه : ربنا يكملك بعقلك يابنتى انا عارف انك عاقلة وبتوزنى الامور صح .+


فى الوقت دة كان هانى طالع السلم بينهج ومش قادر ياخد نفسة : اااااااااااة يانى انا تعبت بقى من السلم دة

فوزية : ادى الله وادى حكمتة يابنى هانعمل اية حظنا اننا ساكنين فى اخر دور .
هانى : ماهو لو كانت العمارة دى فيها اسانسير كانت بقت ارحم بدل مابطلع كل مرة لحد مابينقطع نفسى .
طه: معلش يابنى ربنا يفرجها ويتوب علينا من وجع القلب دة .
هانى : بقولك اية يابابا .
طه : قول يابنى .
هانى : انا عندى فكرة حلوة .
طه : خير يارب ايه هى ؟

هانى : انا بفكر اشترى شقة ملك بدل الشقة اللى عاملة زى الخرابة دى وتكون دور تانى او بالكتير تالت وتكون واسعة والواحد ياخد فيها راحتة واهم من دة كلة يبقى فيها اسانسير .

طه :ايوة يابنى بس شقة بالمواصفات دى هاتجيبها منين انت عارف يابنى اننا مانحتكمش على ربع الملبغ دة يبقى ازاى بس .
هانى : يابابا انا عارف ومش ناسى وعلشان كدة انا عملت حسابى كويس ومعايا قرشين كويسين هادفع جزء من الملبغ والجزء التانى هاقسطة .
طه : يابنى انت سقف طموحاتك كبيرة اوى انت عارف اقل شقة دلوقتى تسوى كام مش اقل من ربع او نص مليون وفى شقق بتوصل لميلون تقدر تقولى الملبغ اللى معاك قد اية 100 الف 200 انا مش بقولك الكلام دة بحبطك بس بلاش تحلم بحاجه انت مش قدها حاليا .

هانى بضحك : وان قلتلك انى معايا نص المبلغ دة هاتقول اية .

طه بص لابنة باستغراب : اوعى يابنى تكون مديت ايدك للحرام ولا سرقت .
هانى : يابابا يا حبيبى انت حضرتك ازاى تفكر ان ابنك ممكن يمد ايدة ويسرق لا طبعا انا مش ممكن اعمل كدة انا الحمد لله يابابا بفضل الله بحوش من يوم مااشتغلت كابتن طيار والحمد لله المرتبات هناك كويسة جدا وقدرت ادبر مبلغ كويس يخلينا نسيب البيت اللى عايشين فية دة ونقعد فى شقة كويسة تليق بينا ونعيش زى بقية الخلق.

طه : ربنا يزيدك من نعيمة يابنى بس اهم حاجه انك ماتكونش بتضحك عليا .

فوزية بماقطعة :الشهادة لله هانى مافيش زية ياابو هانى ابنك راجل محترم وعينة مليانة ماتخافش علية .
طه : ربنا يسترها معاك يابنى .......... ولسة هايكمل كلامة جرس الباب رن وهانى قام فتح الباب وكان وائل ابن عمتهم وخطيب مايسة دخل والقى عليهم السلام ؟
وائل : السلام عليكم ورحمة الله وبركاتة .
فوزية وطه : وعليكم السلام ورحمة الله وبركاته اتفضل يابنى .
وائل بسماجة : ازيك ياعمى ازيك يامرات عمى .
فوزية : الحمد لله يابنى كويسين ازى الست والدتك .

وائل : كويسة الحمد لله ........ سكت شوية وبعدين بص لهانى ورد بسماجة: ازيك ياهانى .

هانى وهو بيكلم نفسة : ياريتنا كنا افتكرنا مليون جنية كانوا جم على طول .
وائل قرب منه وبص لة : يعنى مردتش عليا .
هانى بص له بضيق : اه اهلا ياوائل ازيك وازى عمتى .
وائل بتحدى : الحمد لله ياهانى انا كويس وعمتك كمان كويسة انت اللى فينك من زمان محدش يعنى بيشوفك
هانى ببرود : اهو مشاغل بقى عقبالك كدة لما تشتغل وتفلح .
وائل : هايحصل ياهانى وقريب اوى هالعب بالفلوس لعب .
هانى بتريقة : ماشى لما نشوف .
وائل : امال فين مايسة حبيبتى .

هانى بنرفزة : اية يااخينا انت ماتتلم اية حبيبتى دى انت نسيت نفسك ولااية .

وائل : لا ياهانى بس انت اللى نسيت انى ابقى خطيب اختك وبحبها .
هانى بضيق :اللهم طولك ياروح بص ياوائل انت ابن عمتى اه وخطيب اختى لكن بطل رخمتك دى ويارب نفهم انت فى بيت عمك لما تبقى مايسة فى بيتك ابقى قولها ياحبيبتى وياروحى انما دلوقتى لا .
وائل بحزن مصطنع : شوفتى يامرات عمى هانى بيكلمنى ازاى .

فوزية : خلاص ياهانى بطل بقى .

هانى : ياماما ......... وقرب منها وهمس فى ودنها: دة عيل خنيق اوى ياماما .
فوزية بنفس الهمس : عيب ياهانى دة ضيف عندنا وابن عمتك وخطيب اختك على الاقل اعمل احترام ليا انا وابوك .
هانى بقلة حيلة : حاضر ياماما انا سكت اهوة .
مايسة كانت فى اوضتها واول ماسمعت صوت وائل طلعت جرى علشان تقابلة وسلمت علية وهو سلم عليها ومسك ايديها وباسهم وهانى اتنرفز .
هانى : اية حيلك حيلك اية يااخينا انت ماتلم نفسك ولااحنا مش مالين عينك ولااية ماتحترم نفسك وتقعد بادب وسيب ايد اختى .
وائل وهو مصر على استفزازة وقرب من مايسة اكتر علشان يبوسها : لا طبعا ياهانى دة انتو فوق راسى والله بس مايسة حبيبتى ووحشتنى بس ...وقرب منها اكتر علشان يبوسها هانى اتعصب علية وشد اختة بعيد عنه ووقف قدام وائل .

هانى بعصبية : وحشاك وقلنا ماشى لكن تقرب منها علشان تبوسها لا ياشاطر انت مش شاقطها من شارع الهرم اما تبقوا تتجوزوا ابقى اعمل اللى انت عاوزة .

مايسة : خلاص ياهانى خلاص ياوائل فضوها سيرة بقى .
وائل : اعمل اية بس ياحبيبتى اصلك واحشانى اوى ........... بص لهانى وكان بيغيظة ولولا ان هانى كان عامل احترام لابوة وامة كان ضربة لكن مسك نفسة علشان ماينفعلش علية .
هانى بعصبية :وبما انك ملهوف اوى على اختى اوى كدة مش يدوبك تعجل بالجواز ولااية .
وائل بتفكير وحاول يغير من الموضوع : ها اه طبعا طبعا اكيد ان شاء الله فى اقرب فرصة بس لازم اكون نفسى الاول .
طه : كلام اية دة اللى بتقولة يابنى .

هانى بيكلم ابوة وبيبص لوائل بحدة : استنى يابابا دة بيقول لما يكون نفسة الاول ...... قرب من وائل اكتر وكان عينة بطق شرار : ولما انت متنيل على حبة عينك ومستنى لحد ماتكون نفسك كنت بتخطب اختى ليه 3 سنين ها افهم ابقى .

وائل بحزن مصطنع : عاجبك كدة ياعمى شايف هانى بيكلمنى ازاى .
طه : اسكت انت ياهانى انا اللى بتكلم .
هانى : ايوة يابابا بس .

طه : انا قلت خلاص انا اللى اتكلم تبقى تسكت خالص .......... هانى سكت وطه وجه كلامة لوائل.

طه : ماتاخذنيش يابنى هانى معاة حق لما انت لسة ماكونتش نفسك يبقى لية معلق البنت وخاطبها 3 ستنين ومخليها ماترتبطش بحد غيرك .
وائل : ياعمى ارجوك بس افهمنى انت عارف ظروفنا صعبة قد اية يعنى تقريبا زى ظروفكم ويمكن اكتر .
مايسة بحدة : لا بقى انا عازوة افهم يعنى اية معنى كلامك دة انت بتهزر صح .
وائل : لا يامايسة انا مش بهزر انا محتاج فترة علشان اقدر احوش قرشين اتجوزك بيهم .
مايسة : وهو انت مش كنت حكيتلى انك لك ورث من باباك الله يرحمة .

وائل بعدم تبرير : حصل ياحبيبتى بس اصل الورث دة لسة مجاش وانا كنت جاى علشان اقولك تصبرى عليا شوية كمان .

هانى بتريقة : وان شاء الله هاتصبر عليك وتستناك لحد امتى .
وائل بتريقة مماثلة :لحد ماياذن ربنا بقى اسيبكم تفكروا فى كلامى لانى بصراحة شايف ان الكلام مش هايجيب اى نتيجة دلوقتى بالعكس دى الامور هاتتعقد زيادة سلام عليكم ........ مشى ورزع الباب وراة .
مايسة كانت واقفه مصدومة وعمالة تبكى وبعدين بصت لاخوها : بص بقى ياهانى لو وائل مشى ومرجعش مش هاسامحك ابدا فاهم مش هاسامحك ....... وسابتهم ودخلت اوضتها وفضلت تعيط كتير .
طه : لية يابنى كدة تمشى ابن عمتك زعلان منا يابنى انت اكتر واحد عارف ان اختك بتحبة اوى ومتمسكة بية لية تزعلة وتزعلها منك .
هانى : يابابا وائل دة انسان سمج مابينزليش من زور وبصراحة كدة ومن الاخر هو بيلعب بمشاعر اختى ولابيفكر فى جواز ولابتاع انا خايف عليها جدا لانى عارف مايسة عاملة زى حتة البسكوتة رقيقة وحساسة جدا اللى زى وائل دة مايستاهلهاش.

فوزية : ياعينى عليكى وعلى بختك يابنتى .

طه : حظ بنتك زى الفل يافوزية بس الصبر ياجماعة وانت ياهانى ادخل صالح اختك وراضيها بكلمتين .
هانى : حاضر يابابا هاروح اصالحها بس لازم حضرتك تبقى عارف انى انا مش يهمنى فى الاول والاخر غير مصلحة اختى وسعادتها .
طه : ربنا يخليكم لبعض ياولاد .
هانى : ويخليك لنا يابابا ياحبيبى انت وماما يارب ........... ومشى علشان يصالح اخته راح لحد اوضتها خبط ودخل .
هانى : الجميل لسه زعلان صح .
مايسة مسحت دموعها : انا بحب وائل اوى ياهانى .

هانى : انا عارف والله ياقلب اخوكى بس بصراحة الواد ده خنيق ودمة تقيل اوى على قلبى بس علشان خاطرك انتى بس نديلة فرصة تانية .

مايسة : بجد ياهانى .
هانى وباس راسها بحنان : بجد ياحبيبتى مايسة انتى اختى الوحيدة وابقى فرحان لفرحك .
مايسة : طب ادعيلى والبنى ياهانى انا عارفة ان مافيش اطيب من قلبك اللى مافيش زية .
هانى بحنان : ربنا يسهل يامايسة واللى فية الخير ربنا يقدمة .

فى قصر المنصورى

كانت ندى اخدت موبايلها علشان تكلم حازم .اول ماشاف رقمها رد عليها بسرعة .
حازم : ازيك ياندوش ياحبيبتى .
ندى : الحمد لله ياحازم انا كويسة ازيك انت وحشتنى اوى اوى .
حازم : وانتى كمان والله ياقلب حازم .
ندى : طمنى على دراعك عامل اية دلوقتى .
حازم : هاكون عامل ازاى يعنى ياندى اخوك منه لله مفترى كسرلى دراعى وادينى متجبس اهوة .
ندى : معلش ياحازم حقك عليا انا اللى حطتيك فى الموقف دة .
حازم : كله يهون علشان خاطر عيونك ياجميل ...... سكت شوية وبعدين كمل : ندوش عاوز اقولك حاجه .
ندى :قول حبيبى .

حازم : اممممممممم ايه رايك يعنى لو اتجوزنا عرفى .

ندى من صدمتها معرفتش ترد او حتى تتكلم .
حازم : اية يا حبيبتى روحتى فين .
ندى: انت بتتكلم بجد ولا بتهزر يعنى اللى سمعتة منك دلوقتى صحيح انت عاوز تتجوزنى عرفى وتحطنى قدام الامر الواقع طب واهلى .
حازم : ندى انا بحبك وعاوزك جنبى النهاردة قبل بكرة ياترى انتى عندك حل تانى .
ندى : اه طبعا ليا انت ليه ماتجيش وتتطلبنى رسمى من بابا واخويا ونتجوز قدام الناس كلها .

حازم بتفكير : ايوة ياحبيبتى بس اخوكى مش بيطقنى دة حتى لما حبيت اغيظة وحطيت ايدى على كتفك بس كسرلى دراعى فما بالك بقى لو جيت واتقدمت لك رسمى هايعمل فيا اية بصى ياندى مافيش قدامنا غير الحل دة موقتا وساعتها اهلك مش هايقدروا يعملوا اية حاجه غير انهم يوافقوا على جوزانا ساعتها بس هاتجوزك رسمى .

ندى : بس انا بقى معترضة على المبدأ نفسة ياحازم انا مش هاقبل انى احط وشهم فى الارض بسبب قرار جنونى ومتسرع مش هاقبل ان اخويا وبابا يبقوا مطاطين راسهم لازم تبقى كل حاجه فى النور مش فى الضلمة كأننا حرامية بنعمل حاجه واحنا عارفين انها غلط .
حازم بزهق : بقولك اية ياندى اذا لقيتى حل تانى ابقى بلغينى بيه سلام بقى ياقلبى .
قفل معاها التليفون وفضلت ندى تعيط وتبكى طول الليل وخايفة ان حازم يضيع من ايديها .

تانى يوم جاسم نزل من شغلة وقرر فى فترة الراحة دى يقابل اصاحبة فى كفتريا جنب الشغل فجأة لمح داليا ماشية مع واحد ولما شافها جن جنونة ساب اصاحبة وقام بسرعة يلحقها راح لحد عندهم وكان بيبص لداليا نظرات حارقة كفيلة انها تترعب منه وكان بيبص اللى ماشى معاها وهو هياكله بأسنانة وبصوت كلة غضب .

جاسم : مين ده ياداليا ؟
داليا بارتباك : دة دة دة شريف ابن خالتى .
جاسم : اه قولتلى ابن خالتك بس انا بقى مايهمنيش ابن خالتك دة .

شريف بضيق : لابقى سورى لو سمحت حاسب على كلامك وبعدين مين سيادتك علشان تكلمنى باللهجة دى وبالاسلوب دة .

جاسم بتريقة : المفروض انا اللى اسالك السؤال دة وبما انك ابن خالتها فبأى حق تمشى مع واحدة وانت عارف انها مخطوبة وبتحب خطيبها .
شريف بتريقة مماثلة : اه قولتلى انت بقى تبقى خطيب داليا مش كدة بس تصدق انا خوفت منك الصراحة ههههههههههه.
جاسم بعصبية :انت بتضحك على اية ها شايفنى اراجوز قدامك مثلا .

شريف بص لجاسم من فوق لتحت : لاطبعا لاسمح الله ....... سكت شوية وبص لداليا وكمل كلامة : بس الصراحة ياداليا انتى ذوقك وحش اوى بقى بتسيبنى وتروحى لدة ....وشاور بايدة على جاسم فما كان من جاسم غير انه لوى دراع شريف وكان هايكسرها بس افتكر لما حصل نفس الموقف مع حازم وكان شريف بيتوجع اوى من قبضه جاسم على ايدة .

شريف : اه سيب ايدى يامتوحش .
جاسم : ماشى انا مستعد اسيبك فى حالة واحدة بس بانك تبعد عن داليا نهائى ومالكيش دعوة بيها ولو فكرت مجرد التفكير انك تيجى جنبها تانى مش هايحصلك كويس مفهوم.
شريف : بس انا ابقى ابن خالتها .
جاسم : وانا خطبيها وحبيبها واتفضل بقى اتكل على الله من هنا .
شريف : طب سيب ايدى وانا هامشى .

وفعلا جاسم ارخى ايدة من على دراع شريف وسابة ومشى وجاسم التفت لداليا وعينه بطق شرار

جاسم : ممكن افهم بقى ازاى تخرجى مع الواد دة وبعدين تعاليلى هنا شريف دة شغال اية ولا وظيفته اية بالظبط .
داليا : يبقى ياسيدى كابتن طيار وله اصحاب واحد اسمة هانى وواحد اسمة مجد وبعدين حبيبى انت بتغير عليا من ابن خالتى حبيبى شريف بالنسبة ليا ابن خالتى وزى اخويا مش اكتر ولااقل .
جاسم : كان المفروض تستاذنى الاول من باباكى اوحتى منى قبل ماتروحى معاة فى اى حته وبعدين لما هو زى اخوكى ماشية معاة لية .

داليا : ابدا ياقلبى هو كان عندنا من شوية وانا كنت نازلة اعمل شوية شوبنج واجيب لبس وهدوم ليا وهو اصر عليا انه يروح معايا بس ادى كل الحكاية .

جاسم بحدة : بصى بقى ياداليا لو شوفتك بتكلمية تانى او ماشية معاة اعتبرى خطوبتنا مفسوخة تمام .
داليا بخبث : لا طبعا حبيبى وهو انا اقدر برضة على زعلك حقك عليا ....وباستة من خدة وكملت : ها لسه زعلان ؟
جاسم بمكر : يعنى لسة شوية .
داليا قربت ورجعت باستة من شفايفة : اظن كدة اتصالحنا .
جاسم بصلها : ثبتينى انا عارف على العموم خلاص شوفى بقى كنتى عاوزة تيجبى اية وانا اجيبهولك .
داليا بأببتسامة نصر : حبيبى ياجاسم ربنا يخليك ليا............ وركبت معاة العربية واخدها لأكبر مول تجارى وراح جاب لها هدوم كتيرة ودفع حسابهم ورجعها الفيلا بعد مااطمن عليها واول مادخلت كان ابوها فى انتظارها .

محمود بعصبية : مالسة بدرى ياهانم تقدرى تفهمنى كنتى فين لحد دلوقتى ؟

داليا : كنت مع جاسم يابابى .
محمود باستغراب : انتى يابنتى مش كنتى نازلة الصبح مع شريف رجعتى مع جاسم ازاى ؟
داليا : لا دى حكاية طويلة اوى بص ياسيدى ......... وقعدت وحكت لابوها كل اللى حصل وكملت كلامها :شوفت بقى يابابى جاسم جابلى هدوم قد اية مش قلتلك انة اكبر كنز ومش ممكن افرط فية .
محمود : والله لو شاطرة وقدرتى تخلية على الحديدة مافيش مانع .
داليا بخبث : لا من الناحية دى اطمن يابابى انا هافضل وراه لحد ماافلسة واخلية يقول حقى برقبتى علشان مش ينافسك فى السوق تانى بس الصبر .

فى شركة جاسم المنصورى كان جاسم رجع علشان يكمل شغلة بعد الاستراحة دخل مكتبة وبعدها بشوية دخل امجد الشركة وراح على مكتب جاسم .

امجد : ازيك ياجاسم معلش اعذرنى اتاخرت شوية كنت مشغول .
جاسم : ولايهمك ياامجد المهم طمنى مافيش اخبار جديدة ؟
امجد : للاسف ياجاسم فى شركة من اللى بنتعامل معاهم لغت اتفاقها معنا .
جاسم : لية بقى دة احنا لنا وزننا فى السوق لية تلغى اتفاقها معنا واحنا عمرنا مابنقصر مع حد وتحديدا مع الشركة دى .
امجد : اللى سمعتة منهم قال اية ياسيدى اننا مش بنوفى بالتزامتنا معاهم دة غير الطلبية بتاعة اللحوم بيقولوا انها اتاخرت فاضطروا يلغوا الاتفاق الموقع مابين الشركتين شركتنا وشركتهم .
جاسم : طب خد ابعت لهم الفاكس دة حالا .
امجد : فية اية الفاكس دة ياترى؟

جاسم : فية انى بعت لهم اعتذار رسمى لهم وبعت لهم الطلبية اللى كانوا عاوزينها واظن كدة معدش لهم حجة يلا قبل ما ياخدوا اى اجراء ضدنا .

امجد : بس كل دة بسبب الشرط الجزائى اللى هما حطوة .
جاسم : معلش كل شركة ولها شروطها يلا ابعت لهم الفاكس دة حالا .
امجد : طول عمرى اقول انك ذكى وبتعرف تماشى امورك حاضر ياسيدى امرك......وفعلا امجد بعت الفاكس بسرعة وكان رد الشركة المنافسة بانهم تراجعوا عن الغاء القرار الصادر ضد شركة جاسم بسبب تاخر الطلبية ونجح جاسم انه ينقذ مايمكن انقاذة .

امجد : برافووو عليك ياكبير .

جاسم : امجد انا جاسم المنصورى يعنى مش اى كلام ولسة ماتخلقش اللى يقدر يلوى دراعى بالغصب او يقف ضدى .
امجد : ربنا يصلح الحال ويهديك .

خلصت حلقتنا بس ياترى اية اللى مخبياة الايام من ناحية ابطالنا ياترى الامور هاتبقى فى صالحهم ولا هاتبقى ضدهم تابعونى
رواية ما بعد الرحيل للكاتبة ياسمين أحمد الفصل الرابع

فى بيت عم طة رن جرس الباب وكانوا بيفطروا وقامت فوزيه وفتحت الباب وكان خطيب مايسه وائل دخل ورحبوا بية .

طه : اتفضل يابنى ادخل .
وائل بسماجه : اها دة اكيد حماتى بتحبنى بقى.
فوزية ابتسمت : ربنا يخليك يابنى اتفضل اقعد افطر معنا .
وائل : اه اوى اوى ....سكت شوية ......امال مايسة وهانى فين ؟

فوزية : هانى نزل راح شغلة ومايسة ثوانى وجاية .

شوية وكانت مايسة جت فعلا وقعدت جنب خطيبها بس كانت ساكته ومش بتتكلم . وفوزية وطه حبوا يسبوهم على راحتهم .
فوزية : تعالى ياطه عاوزاك شوية .
طه : فى اية يافوزية .
فوزية بهمس : تعالى علشان نسيبهم يتكلموا على راحتهم .
طه : ايوة يافوزية بس ماينفعش يتكلموا مع بعض واحنا بعاد عنهم .

فوزية : ياراجل وهو احنا هانروح بعيد مااحنا موجودين اهوة تعالى بس تعالى نقعد فى الصاله ونسيبهم يتكلموا على راحتهم يمكن النفوس تهدى وتتصافى .

طه : هييييح امرى لله اتفضلى .
فوزية بصت لابنتها وشاورت لها انها تلين من ناحية خطيبها . ومايسة بصت لامها بتاكيد وسابتها هى وابوها علشان مايكونش فى احراج لابنتها او لخطيب بنتها .
مايسة اخدت نفس طويل وبعدين اتكلمت : خير ياوائل ياترى جاى المرة دى لية .
وائل : كدة رد برضه يابنت عمى وانا اللى كنت جاى وبقول انها هاتسامحنى على المرة اللى فاتت .
مايسة بزهق: مش انت طلبت نديك فرصة خلاص خد فرصتك .

وائل قرب منها بشهوة وكان عاوز يبوسها فهى بعدت .

وائل : لا واضح انك فعلا لسة زعلانة منى على العموم وادى راسك ابوسها ........ وقرب منها وباس راسها .
مايسة : ماخلاص بقى ياوائل .
وائل بفرحة : يعنى خلاص صافى يا لبن .
مايسة ابتسمت : حليب ياقشطة .
وائل قرب اكتر وباسها من خدها ومايسة زقتة وبعدته عنها واتكلمت بحدة .

مايسة : وائل سبق وهانى قالك متقربش منى الا لما اكون على ذمتك .

وائل بضيق: مايسة حبيبتى انتى خطبيتى لية بس ماينفعش .
مايسه : هو كدة حتى ولو كنت خطبيتك برضه ماينفعش .
وائل اتضايق : اوك يامايسة انا ماشى .
مايسة بهدوء : وانا مش بكلمك علشان تتقمص زى العيال وتمشى بس الصح صح .

وائل : اسف حقك عليا ماعنتش هاكررها تانى .

مايسة : خلاص حبيبى حصل خير المهم ازى عمتى .
وائل : كويسة وبتسلم عليكم كلكم المهم انتى وحشانى .
مايسة : وانت كمان .
وائل فضل قاعد معاهم طول اليوم وبعدين سابهم وروح .

بتمر الايام على مايسة بطلتنا وفى يوم كانوا بيفطروا كعادتهم وفجاة حسوا بأن البيت بيتهز بيهم وبدأ السقف يقع وصوات وصريخ وزعيق والناس كلهم بيجروا على السلالم وحالة رعب وهرج ومرج فى الشوارع .


مايسة بخوف : بابا ماما يلا بسرعة ننزل من البيت البيت بيقع علينا .

طه ومسك ايد بنتة : فعلا يلا يابنتى المكان بقى خطر علينا .
فوزية : استنوا بس لما ناخد حاجتنا قبل ما نمشى .
طه :مش وقته خالص يافوزية يلا البيت مش مستحمل وهايقع الناس نازلة بتصرخ وتصوت سيبى كل حاجة ويلا بسرعة .
فوزية : استنى بس على الاقل ناخد صورنا وصور الاولاد .

طه بحدة : استغفر الله العظيم يارب بقولك البيت بيقع بينا تقوليلى صور وزفت يلا ياولية يلا يابنتى .نمشى من هنا ........ وفعلا خرجوا من البيت والكل فى حالة هيسترية لحد ما كل اللى فى البيت خرجوا وفجأة البيت انهار ووقع مرة واحدة والناس بتجرى فى كل مكان ومعظهم قعدوا فى الشارع وكان فى حالة بكاء ونواح شاملة الكل اما مايسة واهلها ففضلوا يمشوا لحد ماقعدوا فى حتة بعيد وكانت حالتهم صعبة اوى مايسة بتعيط وتبكى وابوها قاعد جنبهم وهو بيطبطب عليها لانه لاحظ انها خايفة ومرعوبة من اللى حصل.


طه :معلش يابنتى اهدى كدة انا عارف ان البيت دة المكان الوحيد اللى كان بيأوينا وملناش مكان تانى .

مايسة : طب والحل يابابا هانفضل فى الشارع كدة كتير؟
طه : العمل عمل ربنا بقى يابنتى قولى يارب وهو مش هايخيب رجاءنا .
مايسة بدموع : يااااااارب .

فى عزبة المنصورى

كان محمد قاعد خايف وقلقان من تاخر عم طه لان مش من عوايدة انه يتأخر عن مرواح العزبة كان مشغول وسرحان وهو بيفكر ياترى اية اللى حصل منعة من المجىء وانتبة لما لقى جاسم بيتمشى فى المزرعة فندة علية .
محمد : جاسم استنى يابنى عاوزك .
جاسم : ايوة يابابا خير .
محمد : انا قلقان اوى يابنى على عمك طه مش عوايدة انه يتأخر أوى كدة دة بيصلى ومن النجمة بيكون هنا فى العزبة واهوة ادينا داخلين على الضهر ولحد دلوقتى لاحس ولاخبر حتى موبايلة مقفول حاول تطلبة تانى يمكن يرد عليك وربنا يجيب العواقب سليمة .
جاسم : حاضر يابابا هاتصل اهوة ومتخافش ان شاء الله خير .
محمد : يارب يابنى يكون خير.

جاسم فضل يتصل على عم طه علشان يطمن علية وبرضة محدش بيرد او تليفونة مغلق حاول مرة واتنين وثلاثة ومافيش اى رد بص لابوة : مافيش فايدة يابابا برن ومدش بيرد عليا .

محمد : طب والحل يابنى هافضل قاعد قلقان ومشغول كدة ومش عارف اية اللى حصل ؟
جاسم : بسيطة يابابا انا ممكن اوصل بيتهم واعرف منهم هو مجاش النهاردة لية يمكن يكون تعبان ولاحاجة
محمد : الله يفتح عليك يابنى ويجازيك كل خير ازاى فاتتنى الفكرة دى يلا بسرعة يابنى روح وابقى طمنى .
جاسم : حاضر يابابا ماتقلقش هاروح اطمن عليهم وابلغك.......وفعلا جاسم راح بس لقى البيت واقع والناس قاعدين فى الشارع وكلهم عليهم اثار التراب والعياط والصراخ هى لغتهم قلبة انقبض وقرر يروح يسأل على عم طه من اى حد منهم .

جاسم : والنبى ياحج بعد اذنك ماتعرفش فين عم طه ومراتة وبنتة ؟

الراجل : يابنى زى ماانت شايفنا البيت وقع علينا كلنا ومحدش فاضى يدور على التانى .
جاسم بخيبة أمل : طب وبعدين والحل اية دلوقتى .
الراجل: قولى يابنى أنت بتدور على مين؟
جاسم : ماانا لسة قايل لحضرتك انا بدور على عم طه .

الراجل : معلش يابنى استحملنى شوية وبعدين البيت دة فى اتنين اسمهم طه تقصد اى طه فيهم طه عبد النبى ولا طه البحراوى ؟

جاسم : لا انا اقصد عم طه البحراوى .
الراجل : بص يابنى انت هاتمشى شوية كدة بعدينا ببيتين هاتلاقيهم قاعدين فى الشارع زى حالتنا ماهو خلاص البيت وقع واتشردنا والحمد لله .
جاسم بحزن وفضل يبص على الناس وقلبة حزين عليهم وحمد ربنا على النعم اللى هو فيها وبعدين ركب عربيتة وفضل ماشى بيدور بعينة لحد مالقاهم قاعدين على الارض وبيبكوا نزل بسرعة من العربية وراح لهم .

جاسم : عم طه الحمد لله انك كويس ياراجل ياطيب .

طه رفع رأسة وبص لجاسم بحزن : معلش يابنى أنا آسف انى اتاخرت عليكم فى مرواحى للعزبة النهاردة بس اديك شايفنا اهوة بقينا مشردين .
جاسم : وانا مش هأقبل أبدا أنكم تتشردوا اتفضلوا معايا .
طه : نيجى معاك فين بس يابنى .

جاسم : هاتيجوا معايا العزبة طبعا ياعم طه هاتنور بوجودكم ياراجل ياطيب وماتقلقش هانفضى لكم مكان تقعدوا فية انت ومايسة وطنط فوزية وبعدين بابا هو اللى طلب منى انى ادور عليكم واوصلكم لحد عندة.

طه : كتر الف خيرك يابنى ده دين فى رقبتى ربنا يقدرنى وأقدر أوفى معروفكم دة وتعيش أنت والوالد بس معلش يابنى سيبنا على راحتنا .
جاسم : لا طبعا دة مش هايحصل يلا عم طه علشان مزعلش منك ...... قرب من مايسة اللى كانت بتبكى بحرقة والم وكانت دراعتها باينه جاسم قلع جاكت بدلته وحطهاعلى كتفها .
جاسم بغيرة :خدى يامايسة حطى الجاكت دة على كتفك علشان ماينفعش حد يشوفك كدة ........... وبص فى عينها اوى وهو مستغرب نفسة وياترى ليه بيضعف كل ما بيشوفها .
مايسة أخدت منه الجاكت وشكرته : متشكرة اوى مش عارفة اشكرك ازاى .

جاسم بأحراج: لالا لاشكر على واجب انا معلمتش حاجه ........ بص لطه : مش يلا بينا بقى ياجماعة علشان بابا مستنيكم على احر من الجمر .

وبالفعل ركب طه وعيلتة عربية جاسم لحد ماوصلوا العزبة وهناك استقبلهم محمد استقبال حار وطلب من العمال اللى شغالين فى المزرعة انهم يعملوا الاكل وينضفوا مكان يليق بطه وعيلته ويقعدوا ويناموا فية.

محمد : عم سعد .

سعد : نعم ياسعادة الباشا .
محمد : هتلاقى فى الشقة بتاعتنا اللى فى العزبة جنبها شقة صغيرة كدة عاوزك تخلى بنتك تنضفها وتفرش فيها احسن فرش علشان عم طة ماشى .
عم سعد : تحت امرك يابية .
طه باستغراب : هو حضرتك عندك شقة هنا فى العزبة ؟

محمد : ايوة ياعم طه شقة دورين بأجى فيها انا والاولاد بنقضى فيها كام يوم لو الشغل كتير وجنبها شقة صغيرة 3 اوض اوضتين نوم كبار وصالة كبيرة ومطبخ امريكانى وحمام ودى اللى هتقعدوا فيها انت ومدام فوزية والاولاد صحيح هى شقة متواضعة بس يعنى اهو تقضى الغرض .

طه : انا بجد مش عارف أشكر حضرتك ازاى يامحمد بية على وقفتك معنا .
محمد : عيب عليك ياعم طه ماتقولش متشكرين دى مرة تانية دة اقل واجب ممكن اعملة معاكم أنت راجل طيب وبصراحة كنت قلقان وخايف جدا عليكم اوى .
طه : يدوم العز يابية ربنا يجعلة عامر بحسك يارب جمايلك بقت مغرقانى اوى بس احنا لامؤاخذة هانفضل هنا لحد امتى ؟

محمد: هاتفضل منورنا انت والمدام والاولاد لحد ماتلاقوا شقة مناسبة لكم واهو بالمرة تاخد بالك من العزبة أثناء غيابى لانك اكتر واحد بيخاف عليها وبتشوف اية اللى لازمها .

طه : ربنا يسترها معاك دنيا واخرة ياسعادة البية .
محمد : ايوة اهو انا عاوز دعواتك دى اوى ياعم طه .
طه : ربنا يرزقك من نعيمة قادر ياكريم .
محمد : يااااااااااارب.

فى المطار

كان هانى خلص رحلاتة وحب يروح للقائد اللى ماسك المطار يستاذن منه علشان ينزل يشوف عيلتة.
هانى : بعد اذنك يافندم كنت عاوز اخد اجازة يوم اشوف فيها عيلتى .
القائد : ومالة ياهانى بس يوم واحد بس علشان عندنا سفر ورحلات كتير .
هانى: تحت امرك يافندم .
القائد : اه وبالمناسبة فى قرار بترقيتك .
هانى: بجد يافندم .

القائد :طبعا ياهانى انت انسان ملتزم وكمان ملتزم بالرحلات وبمواعيدك .

هانى : متشكر لحضرتك يافندم اقدر امشى امتى .
القائد: من دلوقتى لو حبيت .
هانى : متشكر يافندم بعد اذن حضرتك .
القائد : اتفضل وماتنساش تيجى علشان عاملين حفلة صغيرة كدة بمناسبة ترقيتك انت وكذا واحد .
هانى : حاضر يافندم استاذنك وان شاء الله هاتلاقينى موجود بكرة فى المطار .
القائد : ان شاء الله مع السلامة .

شريف كان بيتابع من بعيد والحقد والنار مالى قلبة.

شريف : هة وهو يعنى هانى دة كان احسن منى فى اية .
مجد من وراة : احسن منك لانة متلزم بمواعيدة وكمان مافيش حد طلب منة خدمة واتاخر علية .
شريف التفت له ومسكة من قميصة وقرب منة الشرر بيتطاير من عينة .
شريف : لاول ولاخر مرة بحذرك يامجد ماتتدخلش فى اللى مالكش فية وبالمناسبة انا مابحبش حد يتلصص او يتجسس عليا مفهوم والا هاضطر اتعامل معاك معاملة مش هاتعجبك .
مجد : وانا ما بتهددش ياشريف بية.
شريف زقة وقعة على الارض بعنف : طب اتقى شرى احسنلك والا ........ انت فاهم انا ممكن اعمل فيك اية سلام يامجد بيه ...... شريف مشى بعصبية وهو بيسب ويلعن اليوم اللى قابل فية هانى ومجد.

بالليل هانى رجع من الرحلة بعد يومين سفر وكان راجع تعبان وهلكان بس لما وصل لقى البيت واقع والناس مشردين فى الشارع قلبة انقبض وراح بلهفة يسال واحد من اللى كانوا قاعدين اية اللى حصل .

هانى: اية اللى حصل ياعم عبد الله انا ماشى من هنا بقالى يومين وكان البيت زى الفل .
عم عبد الله : والله ماانا عارف يابنى النهاردة الصبح كنا نايمين فى امان الله صحيت على صوت الناس بتصرخ بصيت لقيت البيت بيتهز بينا وعينك ماتشوف الا النور بقينا بنجرى ونزق فى بعض علشان ننجى بحياتنا والحمد لله طلعنا كلنا من البيت على خير ومع طلوع اخر واحد فينا البيت وقع مرة واحدة وكل واحد زى ماأنت شايف بيبكى على حالة .
هانى بقلق : طب ..طب وماما وبابا ومايسة راحوا فين ؟

عم عبد الله : والله يابنى انا كنت قاعد وبعدين لقيت واحد كدة شكلة بية زى بهاوات السيما فضل يمشى بعربيتة لحد مالقاهم واخدهم معاة بس ماعرفش اخدهم معاة فين علمى علمك .

هانى بتفكير : امممممممممم طب كان شكلة اية الراجل ده ياعم عبد الله ؟
عم عبد الله : والله يابنى مااخدتش بالى ........ سكت شوية وبعدين كمل كلامه : ايوة افتكرت هو كان شاب شيك جدا وشعرة اسود وناعم كدة وعيونة رمادية وكان لابس بدلة شكلها غالى اوى من الاخر كدة شكلة ابن ناس مش زى الخلق اللى فى الحى الشعبى اللى احنا ساكنين فية دة.

هانى بعد تفكير كتير المواصفات اللى قالها عم عبد الله ماتنطبقش غير على شخص واحد بس هو جاسم المنصورى .

هانى : طيب متشكر ياعم عبد الله ......... هانى ركب عربيتة وساق وهو عارف ومتأكد انه هيلاقى عيلته موجودين فى عزبة المنصورى وفعلا راح على هناك واستقبلة جاسم .
جاسم : حمدا لله على سلامتك ياهانى .

هانى : الله يسلمك ياجاسم بس قبل السلامات والتحيات دى طمنى الاول بابا وماما واختى فين ؟

جاسم بابتسامة : ماتخافش ياهانى هما موجودين اتفضل تعالى معايا هوديك لهم ..........وفعلا راح هانى مع جاسم لحد ماوصلوا للمكان اللى فية عيلتة واول مادخل طه اترمى فى حضن ابنة وفضل يعيط .
طه بدموع : شوفت ياهانى شوفت يابنى اللى حصل لنا ؟
هانى طبطب على ابوة بحنان : معلش يابابا حصل خير والحمد لله ربنا ستر وانتم كويسين .
طه : ايوة يابنى عندك حق احنا كويسين بس جيرانك اية مصيرهم دول بقوا مشردين وقاعدين فى الشارع لا لهم مكان ولامأوى .
جاسم بتفكير : امممممممممم طب انا عندى فكرة .

هانى : اية هى ياجاسم ؟

جاسم : بص ياهانى العزبة دى كبيرة ممكن نجيب جيرانك يشتغلوا هنا فى المزرعة الكبيرة اللى انت شايفها قدامك دى يزرعوا ويحصدوا المحصول وفى اخر الشهر ياخدوا مرتبات لهم نظير شغلهم دة .
هانى : ايوة ياجاسم يعنى آآآآآ طب هايباتوا فين ؟
جاسم : بص ياهانى انا ممكن اكلف مهندس كويس يعمل لهم حاجة تشبة الاستراحة كدة منها يباتوا فيها هما وعيلتهم ومنها كمان يبقوا قدامنا وتحت عينينا ها اية رايك ؟
محمد : والله يابنى عين العقل ازاى فاتتنى حاجه زى دى ربنا يحميك يابنى .... وندة على عم سعد .
محمد : عم سعد .

عم سعد : ايوة ياسعادة البية .

محمد : شوف اية المطلوب وتساعد جاسم فية ماشى .
عم سعد : حاضر ياسعادة البية حضرتك شوف البية الصغير عاوز اية واحنا نعملة .
جاسم : ولاحاجه ياعم سعد انا هاتصل بمهندس يجى يشوف اية المطلوب ينفذة بس انا عاوزك متواجد معايا الفترة الجاية دى .
عم سعد : حاضر يابية تحت امرك .
محمد : خلاص يبقى على بركة الله .

وبالفعل جاسم كلف المهندس وبدا عمل اكتر من استراحة للعمال الغلابة وجيران عم طه علشان يبقى مكان مخصص لهم للراحة وكمان يباتوا فية .

طه : انا بقيت عاجز عن شكرك يامحمد بية انت والبية الصغير ابنك ربنا يحمية......... وجة علشان يوطى على رجلين محمد علشان يبوسها بس محمد منعة .
محمد : استغفر الله العظيم عيب ياعم طه اللى انت بتعملة دة وبعدين انت فى مقام اخويا بالظبط من فضلك ماعنتش تعمل كدة تانى .
طه بدموع : الله يكرم اصلك ربنا يسترها معاك ويبعد عنك ولاد الحرام .
محمد بأمل :يااااااااااارب.

مرت فترة كان كل اجازة هانى ينزل يشوف اهلة ويطمن عليهم ويرجع يستأنف رحلاتة من جديد أما مايسة فكانت كل يوم تتمشى فى العزبة وبعدين تروح تسقى الورد وفى يوم كان جاسم فى الشقة الكبيرة بتاعتهم اللى فى العزبة صحى من النوم وغسل وشة وواقف فى الترأس وشافها وهى بتسقى الورد كان جواه مشاعر كتيرة ومتلخبط مش عارف يفسرها بأية مش قادر يحدد هو عاوز اية كم من المشاعر المتناقضة بس الغريب فى دة كلة انه كان بيحس براحة غريبه كل ما بيشوف مايسة فضل واقف متردد كتير وفى الاخر قرر انة ينزل ويروح لها .


جاسم بحمحمة : احممم بتعملى أية ؟

مايسة شهقت لانها ماكنتش متوقعة انة هايروح لها : جاسم حرام عليك خضتنى بجد .
جاسم بضحك : انا متاسف جدا والله ماكنتش أقصد انى أخضك بس أنا ملاحظ يعنى أنك كل يوم تروحى عند حوض الورد دة وتسقى له المياة ياترى بتحبى الورد اوى كدة ؟
مايسة : انا بحب الزهور اوى وبحب ريحتها تحب اقولك على انواعها واسمائها؟
جاسم بصلها بأعجاب وابتسم وقرب منها : أها طب ياريت تقوليلى على اسمائها .

مايسة اتكسفت اوى ووشها جاب مية لون وبصت فى الارض بخجل هى بتحاول تهرب من عينه اللى كانت فيها سحر غريب بيشدها له.

مايسة بارتباك من غير ماترفع وشها له : عندك دى مثلا أسمها زهرة الاوركيد والزهرة دى بتنبت مرة واحدة فى السنة لها ريحة حلوة ونفاذة تخلى المكان كلة ريحته حلوة ..اما دى اسمها زهرة البنفسج ودى زهرة بتنبت مابين الزهور شكلها جميل جدا وريحها حلوة بس مش بتعيش كتير الا لو حد اهتم بيها .. اما دى زهرة الياسمين ودى زهرة رقيقة وجميلة زى اسمها لما بتتقطف وحد يحطها فى هدومة بتفضل ريحتها موجودة حتى بعد مابتتدبل وتنشف .

جاسم كان معجب جدا بأسلوبها وبطريقة كلامها الرقيق ابتسم لها وقطف وردة واعطاها لها .

وقرب اوى منها وانفاسة السخنه بقت فى وش مايسة وحست برعشة فى جسمها كله وبعدت شوية بس جاسم قرب منها تانى وبص فى عينها اوى .
جاسم : آآآآآآآ دى بقى اسمها مايسة على اسمك ودى اكتر نوع من الزهور اللى بحبها وبحب اشم عبيرها .
مايسة بخجل : ارجوك ياجاسم ابعد لو سمحت ..

جاسم قرب اكتر وهى طلعت تجرى وبتهرب من نظراتة لها خافت تضعف او تسلم له فقررت الانسحاب من قدامة .

جاسم وهو باصص للفراغ اللى هى سابتة وابتسم وكان بيكلم نفسة : قد اية الزهرة دى حلوة وجميلة زيك ........ شوية جة صوت من وراة وكانت داليا .
داليا : من دى اللى جميلة زيها ياجاسم .
جاسم بصلها وارتبك : آآآآآآ أبدا ياحبيبتى دة انا كنت بكلم نفسى بقول ان فى هنا زهرة اسمها داليا فكنت بقول انها جميلة زيك .
داليا بخبث ولفت ايديها حوالين رقبة جاسم واتكلمت بدلع .

داليا : حبيبى ياجاسم وحشتنى اوى سالت عليك فى الشركة قالولى أنك مروحتش النهاردة وأنك موجود فى العزبة فحبيت اجى اعملهالك مفاجأة .

بس جاسم كان سرحان وبيبص على المكان اللى كانت واقفة فية مايسة وماكنش مركز خالص مع داليا
داليا بغيظ : حبيبى انت بتدور على أية ؟
جاسم بانتباة : ها لا ابدا حبيبتى مافيش .
داليا : طيب بقولك أيه رأيك لو تعزمنى على العشا النهاردة ؟
جاسم : معلش ياداليا ممكن تأجليها ليوم تانى .
داليا بلا مبالاة : بس انا عاوزاك تعزمنى النهاردة .

جاسم : حبيبتى أنا مش متأخر والله بس بلاش النهاردة ونأجلها ليوم تانى .

داليا بزعل مصطنع :كدة ماشى ياجاسم على راحتك بقى باى ... وسابته ومشيت وهى متغاظه منه وبعدها اتصلت بشريف ابن خالتها ورد عليها .
داليا بضيق:شريف انت فين دلوقتى .
شريف : انا فى البار ياقلبى لية ؟
داليا : عاوزة اسهر شوية .
شريف :اوك انا جايلك حالا انتى فين .

داليا : انا طالعة من عزبة المنصورى قدامك قد اية .

شريف : يعنى ادينى ساعة واكون عندك .
داليا : اوك باى .
شريف : باى ياقلبى ...... بعد ساعة شريف راح لها وسهروا مع بعض .

فى البار دخل شريف وقعد مع داليا .

شريف وهو بيملس على وشها برقة : مالك يادودو من ساعة ماطلعنا من العزبة وانتى ساكتة .
داليا بغيظ : ابدا ياشريف أأأأأ ..أنا كنت راحة لجاسم العزبة بس من الواضح انه مشغول وفى حاجة شغلاه عنى .
شريف بضيق : يابنت الحلال ماأنا قدامك أهوة واولى بيكى من جاسم دة انا عارف بتحبى فية اية .
داليا : اسمعنى بس ياشريف أنا مش بحب جاسم قد مابحب فلوسة وشركاتة ومصانعة وكمان لانه منافس قوى قدام بابى فهمت يعنى هاتجوزه مصلحة مش أكتر .
شريف : بس انا بحبك ياداليا وانتى عارفة كدة كويس .

داليا : يوووووة ياشريف هو اللى ها أقولة هاعيدة تانى شريف حبيبى دة بيزنس جواز مصلحة يعنى ولك عليا ياسيدى لما استولى على كل حاجة هاسيب جاسم واتجوزك أنت بس علشان خاطرى سيبنى انفذ اللى فى دماغى .

شريف بضيق : وانا ان شاء الله هاصبر لحد أمتى ها فهمينى بقى .
داليا بزهق : يوووووة يا شريف أنا جاية اسهر واغير جو بلييييييز بلاش نكد وتعالى نرقص مع بعض .
شريف بقلة حيلة :ماشى ياستى يلا نرقص ....... شريف وداليا فضلوا يرقصوا فى الديسكو اللى فى البار وبعدين رجعها الفيلا تانى .

فى فيلا السويفى داليا دخلت وكان ابوها منتظرها .فتحت الباب ودخلت .

داليا : أها بابى انت حضرتك رجعت أمتى ؟
محمود بعصبية : كنت فين لحد دلوقتى ياداليا؟
داليا بارتباك : أأأأأأ كنت مع شريف ابن خالتى .
محمود : ولما كنتى مع شريف لية روحتى لجاسم العزبة ؟

داليا :كنت رايحة له على امل انة يعزمنى بس قالى مش وقتة خليها مرة تانية وطبعا كان الوقت بدرى أنى ارجع الفيلا واقعد لوحدى فاضطريت اتصل بشريف علشان كنت محتاجة اغير جو .

محمود بصرامة وحدة : تانى مرة لما تبقى تروحى فى اى حتة تبقى تبلغينى الاول ماشى ياداليا .
داليا بضيق : حاضر يابابى ......... وسابته ومشيت وهى بتبرطم .
محمود : يااااااااااارب صبرنى على بنتى دى .

فى العزبة كانت ندى واخدة جنب بعيد وعمالة تتصل بحازم بس ماكنش بيرد .

ندى بضيق : اوووووووووف وبعدين بقى ماترد .
حازم كان نايم وجنبة واحدة مومس وكان بيدخن بشراهة .
= :حبيبى مش هاترد على اللى بيتصل بيك ؟
حازم : لا مش هارد .

= : على العموم براحتك بس التليفون صوتة مزعج وبيرن بقاله ساعة .

حازم بحدة ومسك البنت اللى نايمة جنبة من شعرها بعنف : ملكيش دعوة انتى هنا علشان خاطر مزاجى وبس فاهمة ولالا .
= : طيب طيب سيب شعرى ايدك جامدة على رأسى .
حازم : ولو فتحتى بوقك بكلمة هأرميكى برة انتى هنا علشان تبسطينى وبس ومتدخليش فى اللى ملكيش فية .
= بغيظ : ماشى حاضر ياحازم بية .
حازم زقها بعيد عنة : ابعدى عن وشى الساعة دى جتك القرف .
شوية وفتح حازم موبايلة ورد .
ندى :ساعة ياحازم على ماأخيرا ردت عليا .

حازم بتمثيل انه كان نايم : معلش ياندوش اصلى كنت نايم خير فى حاجة ؟

ندى بعياط : وحشتنى اوى ياحازم بعادك عنى بيقتلنى .
حازم بخبث : طب بما أنى وحشتك اوى كدة انا عندى فكرة .
ندى بحماس : أية هى ؟
حازم: تيجي تشرفينى فى شقتى واهوة نبقى مع بعض .
ندى بصدمة : انت أتجننت ياحازم انت واعى للى بتقولة دة ؟

حازم ببرود : انا قلت لك على الحل قبل كدة وانتى اللى مش راضية بية .

ندى بغضب : عاوزنى اخالف مبادئى علشان خاطر جنابك ؟
حازم : وانا معنديش حل تانى ياندوش احنا هانتجوز عرفى علشان خاطر اهلك يوافقوا على ارتباطنا رسمى غير كدة حبيبتى مقدرش افيدك .
ندى : تصدق انى غلطانة لانى اتصلت بيك سلام ياحازم ...... ورزعت السكة فى وشة .
حازم بحقد : بكرة ياشاطرة هاخليكى تبوسى الايادى علشان خاطر استر عليكى واتجوزك بس بعد ماأكسر مناخيرك انتى وابوكى واخوكى اللى حاطينها فى السما دى...... وضحك بخبث.

أما جاسم فكان فكرة مشغول بمايسة ورجع تانى للبيت الكبير اللى فى العزبة ووقف وهو سرحان وشارد انتبة على وجودها عند حوض الورد وكان الجو برد نزل تانى وراح لها ووقف جنبها .

جاسم : احم آآآآآانا اسف اوى على تطفلى يامايسة .بس لقيتك واقفة هنا والجو برد .
مايسة بسرحان : ها لا ابدا مافيش مشكله .
جاسم قلع الكوفية اللى كانت حوالين رقبتة ولفها حوالين رقبتها وبص فى عينها الخضرا وسرح فيهم .
جاسم بارتباك : ها لسة بردانة .
مايسة : يعنى شوية متشكرة على اهتمامك دة .

مايسة برغم انها كانت فعلا بردانة لكن جواها مشاعر من بركان ثأئر خايفة تقع فى حب جاسم وكمان خايفة من رد فعل خطيبها وائل .

مايسة : عن اذنك انا لازم امشى........ وكانت فعلا لسة هاتمشى بس جاسم كان أسرع منها وشدها لحضنة وقرب منها ومال عليها وباسها من خدها بوسة رقيقه وفى الاخر بعد عنها وفضل يأنب فى نفسة هو لية عمل كدة .
جاسم بتلعثم : آآآآآآآآآ أنا متاسف اوى يامايسة بجد انا آسف أنا مش عارف أنا عملت كدة أزاى .
مايسة بعصبية وبعدته عنها بحدة: انت ازاى تسمح لنفسك تعمل كدة ها من فضلك أبعد عنى وماتحاولش تيجى جنبى تانى مفهوم ودة هايكون اخر تحذير لك.
جاسم : حاضر أنا ماشى بس قبل ماأمشى عاوزك توعدينى أنك هاتسامحينى وبتاسف لكى كمان مرة .

جاسم سابها ومشى وهو عمال يأنب فى نفسة هو لية عمل كدة لية باس مايسة وهو المفروض انة بيحب داليا كم من المشاعر المتناقضة مسيطرة علية مش قادر يفهم اية اللى بيحصلة بالظبط .

اما مايسة بالرغم انها كانت متضايقة وغضبانة من تصرف جاسم معاها علشان باسها الا انها كانت حاسة بأحساس غريب اوى أول مرة يمكن تحسة عمر الاحساس دة ماحستة مع وائل خطيبها مع العلم انها المفروض انها بتحبة كم من المشاعر المتناقضة هى كمان جواها مش عارفة تفسرها بأية .

خلصت حلقتنا بس ياترى الامور هاتفضل كدة ولاهايحصل اية وهل ممكن يتطور الامر ومايسة تحب جاسم وياترى اية وضع وائل وداليا من كل دة وياترى هايحصل اية لابطالنا هانعرف بعدين تابعونى .
رواية ما بعد الرحيل للكاتبة ياسمين أحمد الفصل الخامس

فاتت ايام كتيرة فى عزبة المنصورى جاسم كل يوم يروح شغلة ويرجع على العزبة كان دايما حابب يشوف ويراقب فى مايسة من بعيد وهى بتسقى حوض الورد اللى كان مليان زهور خايف يقرب منها أكتر بقى حيران مابين داليا اللى بيحاول يرضيها ومابين مايسة اللى ظهرت فجأة فى حياتة هو ماينكرش انة شافها أكتر من مرة بالصدفة بس ماكنش بيدقق فى ملامحها اوى لحد مابقت قدامة ليل ونهار فى العزبة وكان سرحان ومشغول فيها موبايلة فضل يرن كتير وبعدين انتبة لقاها داليا فتح ورد عليها.


جاسم بضيق: أزيك ياداليا عاملة أيه ؟

داليا بدلع : حبيبى وحشتنى مووووت .
جاسم كان متردد أنه يكلمها بس هو كان عاوز يهرب من مايسة ومشاعرة الجديدة اللى سيطرت علية فجأة .
جاسم بتردد : آآآآ احم بقولك ايه ياداليا عندك مانع لو اتعشينا سوا النهاردة ؟
داليا : of course baby why not. أخيرا حنيت عليا أوك ماشى تحب أجى لك أمتى ؟
جاسم بتوتر: ينفع دلوقتى ؟
داليا : شور حبيبى هوا وأكون عندك .
جاسم : تمام وانا مستنيكى ..... وقفل معاها .

محمود أبوها كان بيكلمها: برضة جاسم ؟

داليا بمكر وخبث : شور بابى أصلة عازمنى النهاردة على العشا .
محمود :داليا حبيبة بابى مش هأوصيكى لازم تسحبيه لكى واحدة واحدة على قد ما تقدرى .
داليا بدلع ومكر وهى بتلف أيديها حوالين رقبة أبوها وباستة من خدة .
داليا بخبث افعى: عيب عليك دة أنا بنتك وتربيتك مايكونش عندك اى فكرة أنا داليا السويفى متخافش يابابى أنا هافضل وراه لحد مايبقى زى الخاتم فى صباعى .
محمود : ههههههه بنت أبوكى بصحيح .
داليا بابتسامة صفرا : طب سلام بقى يابابى لأحسن أتاخر على جاسم حبيبى ... بعد نص ساعة كانت داليا راحت العزبة وشافت مايسة وبصتلها بأحتقار : أنتى أنتى اية اللى جابك هنا وبتعملى اية فى العزبة دى؟

مايسة باستغراب: أنتى ؟ مش ممكن مش كفاية اللى عملتية فيا زمان ؟ لا وكمان جاية لحد هنا ؟

داليا بحدة: امشى يابت يافلاحة من هنا غورى من وشى مش على اخر الزمن هاكلم واحدة زيك الظاهر انك نسيتى مقامك انتى يدوبك تشتغلى خدامه هنا ياااااااى بيئة.
مايسة : أنا مش هارد عليكى لانى أحسن منك وانتى عارفة كدة كويس .

داليا بعصبية وبصت لها بقرف : أنا ستك يابت انتى وتاج راسك وضفرى برقبتك سامعة ولالا واه نسيت اقولك أنا هنا لية أنا بقى ياحلوة أبقى صاحبة العزبة دى كلها .... وقربت من مايسة وهمست فى ودانها باستفزاز : وكمان ابقى خطيبة وحبيبة جاسم وقريب اوى هابقى مراتة خلاص ارتاحتى وسعى بقى بلا هم انتى واللى زيك على العموم أنا لازم أطلب من جاسم يطردك برة انتى واهلك برة العزبة .


جاسم جة وكان سامع داليا وهى بتهين مايسة .

جاسم بعصبية وانفعال : لحد هنا وأستوب مالكيش الحق أنك تتدخلى فى اللى مالكيش فية ياداليا وبعدين أنا مش عيل صغير هاخد تعليمات من اى حد وعارف أنا بعمل أية كويس وعارف كمان مين اللى يمشى ومين يفضل .

داليا بدموع التماسيح : بقى كدة ياجاسم أهىء أهىء بقى بتقف ضدى علشان حتة بت خدامة لاراحت ولاجت شغالة عندك ماكنش العشم .

جاسم بانفعال : اولا لما تحبى تتكلمى مع حد يبقى تتكلمى معاة بأحترام أى ان كان هو مين ثانيا بقى هى مش خادمة عند حد تمام وأبوها شغال مع بابا فى المزرعة دى ثالثا بقى وهو دة الاهم مش هاسمحلك تكترى فى الكلام عليها ويلا بينا علشان منتأخرش .

جاسم طلع من العزبة وهو متعصب وعلى اخرة من داليا وأسلوبها وركبت معة العربية وهو طول الطريق متجاهلها تماما .

داليا بحدة : ممكن أفهم بقى أنت لية بتدافع عنها أوى كدة تهمك فى اية ها؟
جاسم بصلها بتحذير : لانى مش هاسمح لاى حد أنة يهين أى مخلوق عندى فى العزبة سواء الشخص دة كان عامل أو حتى بيجرى على لقمة عيشة ومش معنى كلامى دة أنى مش بحترمك لانك خطيبتى لا بس أرجوكى مالكيش دعوة باى حد موجد فى العزبة وبعدين مش أنتى كل اللى يهمك أنا .
داليا بمسكنة : أكيد حبيبى بس أنا بغير عليك .

جاسم : وانا مقلتش متغريش بس بعد كدة مالكيش دعوة لابمايسة ولابغيرها تمام خليكى فى حالك.

داليا بضيق : أوووووف خلاص ياجاسم حقك عليا ممكن بقى حبيبى تسيبك من اى حد وتخليك معايا بلييييييز .
جاسم : ماشى اتفضلى شوفى عاوزة تروحى فين .
داليا : حبيبى أحبك كدة وانت فرفوش .
جاسم راح مع داليا علشان يعزمها على العشا المؤجل .

أما مايسة بعد ماجاسم وداليا مامشيوا بمدة طويلة كانت حزينة ومصدومة ومجروحة من كلام داليا لها وفضلت تعيط وصعب عليها نفسها قد كدة هى فى نظر الكل ولاحاجة ولية الكل بيبصلها بتعالى وهى سرحانة وحزينة لقت أبن عمتها دخل العزبة .


وائل : حبيبتى يامايسة وحشتينى ياعمرى .

مايسة باستغراب: وائل ؟ انت عرفت مكانى منين ؟
وائل : ماهو انا روحت لكم البيت لقيته وقع سالت عليكى قالوالى انكم جيتوا العزبة هنا واعطونى العنوان.1
وقرب منها وكان عاوز يبوسها غصب عنها بس هى دفعتة بعيد عنها قرب منها تانى وحاول اكتر من مرة انه يبوسها وزقها وقعها على الارض وقطع هدومها وكان على وشك انه يغتصبها بس كان جاسم رجع فى الوقت دة وشاف وائل وهو بجسمة كله على مايسة عاوز يغتصبها الدم غلى فى عروقة وراح علشان يبعدة عنها .

جاسم بحدة وعصبية وضربة بالبوكس فى وشة : ابعد عنها ياحيوان لاحسن والله أقتلك فاهم.

وائل : دى خطيبتى وحبيبتى ايش دخلك وبعدين انت مين انت علشان تتدخل فى اللى مالكيش فية.
جاسم : انا بقى هاعرفك انا مين .
جاسم مسكة من دراعة ولواها اوى وزقة وقعة على الارض وعينه بطق شرار له.
جاسم : انت بنى أدم قذر وانا بحذرك اهوة حسك عينك تقرب من مايسة تانى ولو جيت هنا تانى هأقطعلك رقبتك فاهم.
وائل بزعيق: انت ملكش سلطة عليا .

جاسم بحدة : انا لو شوفتك هنا او شوفت خلقتك دى مش هايحصلك كويس .......وندة على عم سعد كبير العاملين فى العزبه.

جاسم : عم سعد ياعم سعد .
عم سعد : أمر جنابك ياسعادة يابية .
جاسم : أطرد الحيوان دة برة مفهوم .
عم سعد : اتفضل قدامى .
وائل : مايسة حبيبتى قولى حاجة .
مايسة بتجاهل له : امشى دلوقتى ياوائل لوسمحت .

وائل :كدة برضة يامايسة بقى بتطردينى اوك ماشى بس لازم تفهمى انى بحبك .

مايسة بدموع : ارجوك امشى دلوقتى علشان معنديش استعداد اسمع منك أى كلام .
وائل : كدة ماشى يامايسة على راحتك انا ماشى .
جاسم بقلق عليها وجسمها اللى كان كله بيرتعش من كتر الخوف قلع جاكت بدلته وغطاها وفضل يطبطب عليها بحنان وسندها علشان مش تقع منه : الواد دة اذاكى عملك حاجه ؟
مايسة : الحمد لله ملحقش بس كان ناوى يعمل لولا انك جيت بسرعة .

جاسم بأرتياح : الحمد لله الحمد لله المهم اوعى تانى مرة اشوف دموعك دى تنزل تانى فاهمة ولالا اللى زى وائل دة ماتبكيش علية لانة مش باقى عليكى .

مايسة : متشكرة على انقاذى منه .
جاسم : انا ماعملتش حاجه علشان تشكرينى عليها المهم انك كويسة ودة الاهم عندى .

بعد مرور الواقعة دى بأسبوع وائل راح لمايسة تانى العزبة .

وائل بارتباك : آآآآآآآآآ عاملة ايه يامايسة .
مايسه : انت ايه اللى جابك هنا مش كفاية اللى عملتة المرة اللى فاتت ولا ناوى تكمل اللى ماقدرتش تاخدة منى المرة اللى فاتت.
وائل : انا اسف ياحبيبتى غصب عنى مقدرتش امسك نفسى قدام جمالك وخفة دمك مايسة انا فعلا بتأسف لك كمان مرة بس فى حاجه مهمة لازم تعرفيها .
مايسه: خير ياوائل انا سامعاك اهو بس اوعى تقولى انك عاوز تأجل جوزانا .
وائل بعدم تبرير : حبيبتى طب اعمل اية بس ماهو مش بأيدى انا طلبت منك ومن اهلك تعطونى فرصة وعلى العموم انا جتلى فرصة عمل برة هأسافر واكون نفسى وبعدين اجى نكتب الكتاب ونتجوز على طول.

مايسه بحدة : انا مابقتش فاهمة هى السفرية دى جت فجاة كدة ولا هى حجة وخلاص علشان تماطل وتهرب من جوازنا وائل احنا بقالنا 3 سنين مخطوبين هاتسافر كمان سنتين ثلاثة يعنى 5 او 6 سنين خطوبة لا كدة كتير بص بقولك اية هات من الاخر كدة ونفضها سيرة .


وائل وكأن كلام مايسة جالة على طبق من دهب : لا طبعا ياحبيبتى هى مجرد سنه واحدة بس وبعدين لما ارجع نبقى نحدد ميعاد نتجوز فية وبعدين نستقر ماشى ياحبى يلا سلام بقى واشوف وشك بخير علشان ألحق امشى و ألحق كمان انام بدرى لان ميعاد طيارتى الصبح ........ ولسه هايمشى بس مايسه ندت علية

مايسة : انت هاتسافر امتى ؟
وائل بتاكيد : على طيارة بكرة الساعة 10 الصبح .
مايسة :طيب انت هاتسافر فين وهاتشتغل اية ؟
وائل : بلاد الله واسعة حبيبتى وعلى العموم انا هاسافر امريكا واشتغل اى شغلانة وخلاص .
مايسه : طب خد بالك من نفسك لااله الاالله .
وائل : محمد رسول الله .

بعد مرور يومين جاسم كان عازم داليا على الغدا فى واحد من اكبر المطاعم .

داليا : ممكن افهم بقى اية علاقتك باللى اسمها مايسة دى ؟
جاسم : تانى ياداليا احنا مش هانخلص من الموال دة بقى .
داليا : ماهو انا عاوزة اعرف انت لية زعلان اوى كدة علشانها وكنت محموق اوى كدة .
جاسم : للمرة الاخيرة بقولك مالكيش دعوة بيها وماتتدخليش فى اللى مالكيش فية ثانيا دى بنت غلبانة جدا وفى حالها انتى مالك بيها وبعدين تعالى هنا هو انت غيرانة منها ولااية .
داليا بتريقة : انا انا اغير من واحدة فلاحة بيئة زى دى لا طبعا قال غيرانة منها قال حبيبى انا عارفاك كويس وعارفة ذوقك وعارفة كمان انك بتحبنى ولايمكن تبص لواحدة غيرى مش كدة .

جاسم كان قاعد مع داليا وفجأة سرح فى مايسة .

فلاش باك
جاسم راح للمكان اللى بيلاقي فيه مايسة وهو حوض الورد اللى بتسقيه بعناية شديدة كل يوم
جاسم من وراها : هههههه انا مش فاهم انتى اية اصرارك الغريب دة انك كل يوم تيجى تسقى حوض الورد بنفسك هييييح يابخت الورد بيكى .
مايسة بضحك : مش ممكن انت بتحسد الورد عليا.
جاسم قرب منها اوى وانفاسة السخنة لمست وشها وبص فى عينيها اوى :الصراحة اه انا بحسد الورد عليكى علشان انتى اجمل وردة شوفتها فى حياتى يعنى ينفع وردة جميلة زيك تسقى ورد زيها .
مايسة : جاسم ارجوك بطل اسلوبك دة وبعدين ماتنساش انى مخطوبة .

جاسم بعصبية : عارف انك مخطوبة للواد الرخم الملزق اللى اسمة وائل دة بس غريبة يعنى لما انتى مخطوبة امال فين دبلتك مش شايفها يعنى فى ايدك.

مايسه بارتباك : ها آة طبعا ماهو اصل خطبنى بدبله بس ويعنى الدبله اضيقت على ايدى فخلعتها بس بجانب إنه ظروفة مش سامحه إنه يجيب شبكه دلوقتى .
جاسم وبصلها بشك: اممممممم مش عارف لية حاسس كدة انك بتكدبى .
مايسة : لاطبعا وبعدين انا هاكدب لية يعنى ؟
جاسم : والله انتى اللى تقوليلى لية بتكدبى .
مايسة بضيق : انت عاوز منى اية دلوقتى ياجاسم ؟

جاسم : ممكن تعتبرنى صديق وتفتحيلى قلبك وتحكيلى كل حاجه دة لو ماعندكيش اى مانع طبعا .

مايسة : ودة طبعا شرف كبير ليا .
جاسم بغيرة مستترة : ممكن افهم اللى عجبك فى سى وائل بتاعك دة حتى انسان رخم وسمج الصراحه مش عارف انتى طايقه ازاى .
مايسة ضحكت ومردتش لانها شافت فى عيون جاسم غيرة وخوف كان بيحاول انة مش يبينها لها لكن ملامحه كلها بتاكد غيرته دى.
جاسم بضيق : ممكن افهم انتى بتضحكى لية ؟
مايسة : اصلى شايفاك متعصب يعنى .
جاسم ارتبك : لانى ..لانى بخاف عليكى طبعا .
مايسة ضيقت عينها وبصت لجاسم : اصلى بحبة بحبة مووووت ....... وسابتة وهو هايولع منها وكان متضايق وعلى اخرة منها .
جاسم وهو بيكلم نفسه : بقى كدة ماشى يارخمة .

انتهى الفلاش باك .

داليا بضيق : جاااااسم انا بقالى ساعة بكلم فيك وانت ولاانت هنا .
جاسم : ها كنتى بتقولى حاجة انا معاكى اهوة .
داليا : لا ماهو واضح فعلا انك معايا اوى بدليل انى عمالة بكلم فيك من الصبح وانت ولاانت هنا ومش بترد عليا.
جاسم بضيق :عاوزة ايه ياداليا ؟
داليا : بقولك هانكتب كتابنا امتى ؟
جاسم وهو بيحاول يغير من الموضوع علشان يهرب من النقاش معاها:ها اه أكيد طبعا قريب بس مش دلوقتى .
داليا بغيظ : أمال امتى ان شاء الله بقى؟
جاسم اتنهد بضيق: مش عارف ياداليا فى شغل كتير اوى ورايا لازم اخلصة الاول وبعدين نبقى نشوف الموضوع دة بعدين .
داليا بنفاد صبر : اوك ياجاسم اللى يريحك ممكن بقى لو سمحت ترجعنى الفيلا لان واضح جدا ان عقلك مشغول ولابرضة مش فاضى .
جاسم : لا طبعا ودى تيجى اتفضلى .......... جاسم وصل داليا ورجع تانى العزبة بس لقى مايسة قاعدة حزينة ومهمومة .

جاسم قعد جنبها وبصلها : مالك يامايسة شكلك مش مظبوط .

مايسة : ها لاابدا مافيش .
جاسم : عليا انا برضة مش احنا اتفقنا اننا هانبقى اصحاب وتحكيلى على كل اللى مضايقك .
مايسة : أبدا مافيش بس اصل وائل هايسافر ويسبنى .
جاسم بضيق لانه كان بيتعصب لما يسمع اسم وائل : مع السلامة المركب اللى تودى .
مايسة باستغراب : انت بتقول اية ياجاسم .
جاسم ببرود : بقولك ريح يامايسة اللى زى وائل دة مايستحقيش انتى تستاهلى واحد احسن منه مية مرة واكيد هتلاقيه بس الصراحه كدة انا مش عارف عاجبك فية اية سى زفت دة .
مايسة باستفزازة : اصلى بحبه .

جاسم بغيظ : طب ممكن تسكتى بقى لانى بصراحة مش طايقه ولا طايق اسمع سيرته كفاية الموقف الزبلة اللى عملة معاكى قبل كدة .

مايسة : انا مش فاهمة انت بتكلمنى كدة لية تكونش فاكر نفسك واصى عليا.
جاسم :علشان بخاف عليكى ويهمنى امرك ..اااااا اقصد يعنى انتى هنا فى العزبة وفى حمانا
مايسة بضيق : بس دة مش مبرر انك تتدخل فى حياتى عن اذنك بقى ........ وسابتة ومشيت وجاسم كان عاوز ساعتها يقوم يضربها بسبب عندها دة بس مسك نفسة وراح شقته اللى فى العزبة وهو متغاظ اوى منها.

مايسة كانت قاعدة بتبكى على حظها وجاسم شايفها من بعيد وقلبة بيتقطع علشانها نفسة لو يضمها او حتى يطبطب عليها بس علشان يطمنها انه موجود معاها وفى صفها وهى كانت بتبعد عنه ودة كان مخلية هايتجنن من كتر خوفة عليها وكمان لما حاول وائل انه يغتصبها كان نفسة لو يأكلة بأسنانة كل دة وهو جواة حرب ومشاعر فقد السيطرة عليها .


جاسم وهو بيكلم نفسة : وانت مالك ومالها بس هى بتحب خطبيها واللى حصل دة مع الوقت هاتنساة وهايرجعوا لبعض لية خايف عليها اوى كدة ولية زعلان علشانها ماهى حرة وبعدين ماانت كمان خاطب داليا ولا هى يعنى مش مالية عينك اووووف وبعدين بقى فى الحيرة اللى انا فيها دى ياربى .


جاسم حاول انه ينام بس معرفش لان مايسة كانت مستحوذة على كل تفكيرة لحد مانام وهى رجعت علشان تنام معرفتش تنام لان جاسم هو كمان بقى مستحوذ على كل تفكرها .


فى العزبة كانت ندى نايمة فى شقتهم وبالتحديد فى اوضتها لقت التليفون بيرن وكان حازم .

ندى بتردد ترد ولالا وبعدين فى الاخر حسمت امرها وردت :افندم بتطلبنى لية ؟
حازم : وحشتينى ياندوش وحشتينى اوى .
ندى : وبعدين ؟
حازم : ارجوكى ياندى تسامحينى على الكلام اللى قلتة لكى المرة اللى فاتت بس انتى ماتعرفيش انا بحبك قد اية .
ندى : والمطلوب اية انى اجى شقتك تستمتع بوقتك وتاخد منى اللى انت عاوزة وبعدين ترمينى مش كدة ؟

حازم : لايا حبيبتى طبعا دة مش هايحصل انا قلت الكلام دة فى لحظه ضعف منى حقك عليا ومايبقاش قلبك اسود .

ندى : انا مقدرش اتجوزك عرفى ياحازم ولازم تفهم دة كويس .
حازم بخبث : حبيبتى انتى عارفة ان راحتى مش هاتبقى موجودة غير وانتى معايا فكرى تانى ياندى انا بحبك وانتى عارفة كدة كويس بس الله يسامحهم بقى ابوكى واخوكى مش قابلنى .
ندى : طب ماتحاول انت ياحازم وتعالى قابل بابا وفاتحة فى موضوع جوازنا فكر كويس ارجوك .
حازم : حاضر ياحبيبتى انا هأجى اقابل ابوكى بس انا عارف من قبل ماآجى ان مصيرى هايكون الرفض منهم بس اهى محاولة ياصابت ياخابت بس قوليلى الاول انتو فين دلوقتى .
ندى : احنا حاليا فى العزبة قاعدين يومين كدة .

حازم : طب وشغل أخوكى ؟

ندى : ماهو جاسم بيروح الشغل كل يوم الصبح وبيرجع بالليل تانى ها بقى ياحبيبى هاتيجى تقابل بابا أمتى؟
حازم بتفكير : أمممم ينفع بكرة ؟
ندى : ماشى بس سيبنى أمهد لهم الاول .
حازم :ماشى حبيبتى وانا مستنى منك اتصال اوك بأى ياحبى .
ندى : باى ......... وقفلت معاه التليفون وراحت لباباها .
ندى بتردد : بابا حبيبى أنا يعنى كنت يعنى أقصد آآآ .
محمد : مالك ياندى عاوزة تقولى اية ومترددة كدة .
ندى: كنت عاوزة اقول حاجه مهمة لحضرتك .

محمد قلع نظارته الطبية وبص لابنتة ودقق فى ملامحها : هاتى من الاخر ياندى عاوزة اية وخلصى .

ندى : الموضوع بخصوص حازم .
محمد : حازم مين ؟ سكت شوية وبعدين انتبة وكمل كلامة : ثوانى انتى تقصدى حازم اللى كان أخوكى أتخانق معاة وكسرله دراعة صح .
ندى : أيوة هو يابابا .
محمد : لا مش موافق .
ندى: لية بس يابابا .

محمد :يعنى أخوكى اتخانق معاة اكتر من مرة وقال انه واد تلفان ومش مظبوط وعاوزانى اوافق علية يبقى لا مش موافق

ندى بضيق : يابابا ياحبيبى حازم بيحبنى والله وبصراحه كدة هو كان طلب منى اننا يعنى نتجوز عرفى بس انا رفضت وقلتله لو عاوز يتجوزنى يجى لحضرتك يطلبنى منك ونتجوز رسمى فى النور والكل يبقى عارف بجوازنا وطبعا طلب منى انا ابلغك بالكلام دة .

محمد : وانا قلت رأيى انا مش موافق ومش هاكرر كلامى تانى ياندى انتهينا خلاص وماتفتحيش كلام فى الموضوع دة تانى .

ندى دبدبت فى الارض برجلها بطريقة طفولية: والله العظيم كدة ظلم اشمعنى لما جاسم خطب داليا من ورا حضرتك وافقت بالخطوبة دى وكمان أنت اشتكيت منها كتير ........ وفضلت تعيط وتشهق .
محمد اتنزفر وكان عاوز يقوم يضربها لكن فى اخر لحظه مسك اعصابة وقرب من بنته وطبطب عليها بحنان :ندى يابنتى انا لو متاكد ان حازم انسان كويس ويستاهلك انا هوافق علية على طول من غير اى نقاش بس انا عارف انة بتاع كلام وبس فعل مافيش يابنتى انا مش يهمنى فى الاول او الاخر غير مصلحتك انتى .

ندى بيأس : يعنى دة آخر كلام عندك يابابا .

محمد : ايوة ومعنديش كلام تانى علشان اقوله لك .
ندى : ماشى يابابا بس حضرتك ماتزعلش منى لو روحت اتجوزتة من وراكم .
جاسم كان صاحى وبيتمشى فى جنينة العزبة وهو راجع سمع الحوار اللى دار بين ندى وابوهم قرب من اخته ومسك دراعها بعنف.
جاسم : لو فكرتى بس مجرد التفكير انك تعملى كدة يبقى تقولى على حبيب القلب دة يارحمن يارحيم سامعانى ياندى ولالا وبعدين يعنى انا وبابا مش ماليين عنيك وعاوزة تكسرى كلامنا.

ندى بوجع : أأأأأأة دراعى ياجاسم من فضلك سيب دراعى .

جاسم ارخى ايدة من على ايد اختة وبتحذير : ماشى ياندى بس خليكى فاكرة انى حذرتك ......... ندى بصت لاخوها وبعدين لابوها وسابتهم ومشيت بعدها محمد اتكلم بقلق .
محمد :انا خايف على اختك اوى ياجاسم .
جاسم : متخافش عليها يابابا أنا هاراقبها بس من بعيد لبعيد ومش هاسمح لجنس مخلوق انة يأذيها .
ندى دخلت اوضتها وكلمت حازم وبلغتة برفض ابوها واخوها له .
حازم : خلاص ياندى مش قدامنا غير الحل اللى قولته لكى قبل كدة طالما انهم مش موافقين على ارتباطنا رسمى ....... سكت شوية وبعدين كمل كلامه بخبث : بس انا كنت عاوز أشوفك الاول .
ندى ببراءة : خلاص تعالى ليا العزبة .

حازم بمكر : ماينفعش حبيبتى العزبة فيها عمال شغاليين ليل ونهار وكمان انتى بتقولى باباكى واخوكى موجودين مافيش قدامك غير انك تجيلى شقتى .

ندى : تانى ياحازم انا قلتلك لا .
حازم لمعت عينة بخبث : خلاص خلاص مش تزعلى انا هاجيلك العزبة سلام ياحبى .
ندى بغيظ : سلام ياحازم ........ وقفلت السكة معاة وجاسم كان رايح لاخته اوضتها وبالصدفه كان سامع الحوار اللى دار بينها وبين حازم خبط عليها وهى اسذنت له بالدخول دخل وقعد جنبها وطبطب عليها بحنان .

جاسم :انا بالصدفه سمعت الحوار الى بينك ومابينه شوفتى بقى انى كان معايا حق ندى حبيبتى انتى اختى الوحيدة ويعز عليا انى اشوفك بتغرقى ومش اساعدك صدقينى حازم بيلعب بمشاعرك ولابتاع جواز ولاغيرة وبيستغلك اسوء استغلال .

ندى عيطت جامد وجاسم طبطب عليها وباس راسها بحنان اخ : حبيبتى اوعى دموعك دى تنزل على حد مايستحقيش
ندى : غصب عنى ياجاسم صدقنى غصب عنى .
جاسم : انسية ياندى وربنا هايبعتلك اللى يستاهلك .
ندى : طب انت ناوى على اية ؟
جاسم بدهاء : لا من ناحية انى هاعمل فانا هاعمل فية كتير لو فكر بس انه يقرب منك او حاول انه ياذيكى فانا ساعتها هاعمل كتير اوى المهم ماتشليش هم ماشى .
ندى : ربنا يخليك يااجدع أخ .
جاسم لعب فى شعر اختة : ويخليكى يااحلى اخت .

عدى يومين بالظبط وهانى ودع اصحابة ورجع على العزبة علشان يطمن على اهلة وراح الشقة اللى قاعدين فيها وسلم عليهم .

هانى: وحشتونى جدا يابابا انت وماما وحشتينى يامايسة يالميضة .
طه وفوزية فضلوا يبوسوا فية واخدوة بالحضن بس لاحظ ان اخته حزينة ومهمومة .
هانى : الجميل زعلان لية .
مايسة : ها لا ابدا ياهانى انا مش زعلانة ولاحاجه .
هانى بص لاخته وسكت : اممممم وائل صح .
مايسة باستغراب : مالة وائل ؟
هانى : سابك وسافر صح ؟
مايسة بذهول : انت عرفت ازاى ؟

هانى : انتى اكيد عارفة انى قبل مابقوم بأى رحلة لازم يكون عندى كشف باسماء الركاب قبل مابطلع بالطيارة علشان حالات الخطف والارهاب اللى ساعات ممكن تحصل وبعدين وانا بفر فى الاسماء دى لقيت اسمه مابين المسافرين والرحلة كانت طالعة لوكسمبورغ وشفتة وهو طالع علشان يركب فيها .

مايسة باستغراب : لوكسمبورغ ؟ غريبة الحكاية دى دة هو قال لى انه مسافر امريكا علشان يشتغل هناك .
هانى : مش عارف والله بس خدى بالك لانى سبق وقلتلك ان ابن عمتنا واد مش مظبوط ومش دوغرى وفوق كدة طلع كداب.
مايسة عيطت كتير وهانى اخدها فى حضنه وطبطب عليها : ماتزعليش يامايسة وعلى العموم احنا هانفضل ورا كلامة للاخر بس لو لعب بديله او اتهرب من جوازكم يبقى ساعتها تنسى تماما انك كنتى مخطوبة لة .

فى التوقيت دة جاسم راح لهم وخبط عليهم وهانى فتح له الباب .

جاسم : ممكن أدخل ؟
طه : انت تنورنا فى اى وقت يابنى الشقة بتاعكم والعزبة ملك لكم واحنا مجرد ضيوف عندكم.
جاسم : عيب عليك ياعم طة الكلام دة دة انتو على راسنا والله والمكان اللى تبقوا موجودين فية يبقى منور بيكم.
طه : ربنا يعزك يابنى.
جاسم بص لمايسة شوية وبعدين بص لهانى .
جاسم : هانى عاوزك فى كلمتين على انفراد.
هانى : اه اوى اوى اتفضل . جاسم اخد هانى فى مكان قريب علشان يتكلم معاة .
هانى : خير ياجاسم .

جاسم : هانى انا عارف انك من فترة ميال لندى اختى ويهمك امرها صح كدة ولا انا غلطان .

هانى : مانكرش دة بس ايه المطلوب منى ؟
جاسم : هانى انا عاوز منك معروف وتأكد انك لو نجحت فى المهمة دى ثق تماما انك هاتعلى فى نظرى وساعتها هاقنع ندى انها توافق عليك وبعدين ابقى اكلم بابا .
هانى : ايوة بس متاخذنيش ياجاسم انتو فين واحنا فين انتوا من اغنى العائلات فى مصر كلها واحنا يدوبك على قد حالنا .
جاسم : مالكيش دعوة لو ندى وافقت عليك انا ساعتها هاقدر اقنع بابا بس لازم تثبتلى انك قادر على النجاح فى اللى هاطلبة منك وساعتها هاوافق مبدئيا عليك .
هانى: مهمة اية دى ياترى ؟

جاسم : عاوزك تراقب اختى بس من غير ماتحس بوجودك.

هانى باستغراب : افندم اراقب اختك ؟ طيب لية ؟
جاسم : باختصار فى واحد اسمة حازم والواد دة واد مش سهل وبيلعب بمشاعر اختى وبيضحك عليها بكلمتين وكمان عاوز يتجوزها غصب عننا وكمان خايف انه يعشمها بحاجة وبعدين يتخلى عنها مهمتك انت بقى انك تحميها لو اتعرض لها بأذى .
هانى : لا من الناحية دى اطمن ماتحملش اى هم انا هاخد بالى منها كويس اوى .
جاسم حط ايدة على كتف هانى : تمام وانا واثق انك هاتنجح انك تحميها من الكلب دة ولانى عارف انك بتحبها وهاتخاف عليها .

هانى : ربنا يسهل ان شاء الله واكون عند حسن ظنك .

جاسم : متشكر ياهانى عن اذنك بقى علشان محدش يحس بحاجه سلام عليكم .
هانى : وعليكم السلام ورحمة الله وبركاتة .
وفعلا بدا هانى ينفذ المطلوب منه فى مراقبة ندى من بعيد لبعيد زى ماجاسم طلب منه .

خلصت حلقتنا بس ياترى حازم ناوى على اية مع ندى وهل فعلا هايقدر يضحك عليها وينول غرضة الدنىء منها وياترى ندى هاتقع فى فخة ولاهانى هايلحقها قبل فوات الاوان وهل موضوع مايسة ووائل مستمر ولا خلاص على كدة اسئلة كتير أكيد محتاجة لأجابة انتظرونى فى الحلقة القادمة تابعونى .
رواية ما بعد الرحيل للكاتبة ياسمين أحمد الفصل السادس

بعد مرور أسبوع جه اتصال من عمة مايسة وسألت على اخوها وعن احواله.ولانها اخته الوحيدة واخوها اتجوز من برة بلدهم فهى ماكنتش حابه مراته وكمان لانها انسانه متسلطه ولسانها طويل ومع ذلك كان طه بيحب اخواته بس بتبقى النفوس مشحونه بسبب العناد والتعنت .

أمينه : أزيك ياطه ياأخوى .
طه : الحمد لله ياأمينه أزيك أنتى وأزى المحروس أبنك .

أمينه مصمصت شفايفها : نحمدة على كل حال ووائل بخير بس متأخذنيش ياطه انا ليا عتاب عليك .

طه : لية بس انا عملت اية .

أمينه : يعنى حتى البيت وقع وماقلتليش وكمان المحروسة بنتك تقول لابنى امشى دلوقتى مش عاوزة اسمع منك اى كلام وتخلى البية الصغير اللى قاعدين عندة يضربة ويطردة من العزبة .

طه : اولا البيت لما وقع احنا مكناش عارفين احنا هانعمل اية أو هانتصرف ازاى اما بخصوص وائل فهو غلط وكان عاوز يغتصب بنتى ولولا البيه الصغير طرده من العزبة كانت بنتى فقدت شرفها وكرامتها على أيد ابنك وانا مش عارف انتى زعلانة لية .

أمينه بضيق : ولازعلانة ولاحاجه المهم نهايته انا عاوزاكم تشرفونى شوية حدانا فى الدوار علشان فى كلام كتير جوى للمحروسة بنتك هاتيجو متى ؟

طه : معرفش اما اسال البيه الكبير اللى بشتغل عندة وبعدين ابقى ارد عليكى .
أمينه : خلاص وانا مستنية منك رد دلوجتى .
طه : حاضر هاشوف هايقول اية وارد عليكى .
طه قفل مع اخته وراح لمحمد .

طه : بعد اذن حضرتك يابية كنت عاوز يعنى لو مافيش مانع انى اخد اجازة النهاردة .

محمد : ليه ياعم طه خير ان شاء الله .
طه : اصل اختى عاوزانا حداها فى الدوار وطبعا يعنى حضرتك مش هتمانع .
محمد : ماشى ياعم طه بس ياريت متتأخروش يدوبك تسافر وتبيت وتانى يوم تكون موجود علشان شغل العزبة كتير وانا بعتمد اعتماد كلى عليك .
طه : مايكونش عند حضرتك فكرة ياسعادة البية هو احنا هانسافر النهاردة ويمكن كمان نرجع على بالليل .
محمد: ماشى ياعم طه خد بالك من نفسك ياراجل ياطيب .
طه : ربنا يخليك يابية ويفتحها فى وشك يارب .

محمد بابتسامه : ربنا يخليك ياعم طه يلا اجهزوا علشان تسافروا ومش تتأخروا عليا.

طه : حاضر ...... شوية راح الشقه اللى قاعد فيها هو عيلته وندة على فوزية ومايسة بنته .
طه : يافوزية ..يامايسة .
فوزية ومايسة : خير ياطه ... خير يابابا .
طه : عمتك امينه طالبة اننا نروح لها فى الدوار النهاردة علشان عاوزة تتكلم معنا فى موضوع يخص وائل
مايسة باستغراب : نسافر ؟طب حضرتك مش سالتها هى عاوزانا ليه .
طه :معرفش يابنتى المهم لازم نسافر النهاردة ونشوف اية اللى حصل وبعدين نرجع على بالليل لان محمد بيه عاوزنى اكون متواجد بكرة علشان عندنا شغل كتير فى العزبة .
وفعلا فوزية ومايسة سافروا علشان يعرفوا ايه الموضوع المهم واللى طلبته امينه من اخوها اما هانى مع جاسم فى العزبة .

بعد شوية جه اتصال من حازم لندى علشان كان عاوز يعرف منها اذا كان جاسم وابوها موجودين فى العزبة ولالا علشان يروح لها .


حازم : ازيك ياحبى وحشتينى من امبارح للنهاردة طمنينى عاملة اية .

ندى : انا كويسة انت اللى عامل اية .
حازم :انا كويس المهم قوليلى اجى ولالا .
ندى : انت هاتيجى بس كمان شوية اوك.
حازم بضيق : ليه بقى هو جاسم وابوكى لسه موجودين .
ندى بمكر انثى وبصوت خافت : ايوة وكمان مش عاوزة حد ياخد باله من حاجه ده غير ان العمال لسه شغالين فى المزرعة اصبر شوية كمان .
حازم بنفاد صبر : هيييييييح امرى لله .

بعد شوية العمال اخدوا راحة من الشغل على وعد بالعودة مرة تانية لمتابعة اعمالهم وجاسم وابوة اتفقوا مع هانى بانهم يخرجوا برة العزبة علشان يراقبوا الموقف من بعيد لبعيد لو راح لها حازم العزبة اوحتى فكر يقرب منها وهانى كان معاهم بعد ماطلعوا كلهم اخدوا جنب بعيد علشان يبقوا على اهبه الاستعداد والفتك بحازم لو مسها باذى.


جاسم: بابا انا قلبى مش مطمن اللى اسمه حازم دة كلب واقسم بربى لو الحيوان دة جيه جنبها او اتعرض لها ماهرحمة انا فاهم وعارف هو بيفكر ازاى هو عاوز يكسر ندى بأى طريقة علشان رفضناة .

محمد : والله احنا مستنيين اهو لما نشوف اخرتها اية .
هانى : ماتخافش ياجاسم هو لو فكر مجرد التفكير انه يجى جنبها او حتى انه يلمسها هاقطع له رقبته .
جاسم : تمام وانا واثق فيك انك هاتلحقها .

شوية وبعدين كان وصل حازم فعلا العزبة علشان يقابل ندى وينفذ مخططه الشرير انه يكسرها ويذلها ويحط اهلها قدام الامر الواقع بعد ماينول غرضة ويرميها وخصوصا بعد رفض ابوها واخوها له كزوج لها وعلشان ينتقم منهم.

هانى : هششش خليكوا جاهزين لان حازم وصل.
جاسم شاف حازم داخل لندى العزبة وكور ايدة بغضب وبعصبية مفرطه : سيبنى ياهانى انا عاوز اشرب من دمه الكلب دة .
هانى : اهدى ياجاسم احنا اتفقنا على اية ريلاكس اهدى وادينا بنتابع اللى بيحصل وصدقنى لو قرب منها ماهرحمه .
جاسم بزهق : ربنا يسترها بقى .

حازم راح لندى وقرب منها : حبيبتى انا عاوزك ليا ياندوش ليا انا لوحدى وبس .

ندى بصت فى عيون حازم وفهمت مخططه بس حبت تجارية .
ندى وهى بتجاريه: اه طبعا حبيبى بس انا قلتلك قبل كدة هابقى لك بس بعد مانتجوز .
حازم بمكر ذئب : ها اه طبعا امال ايه لازم نتجوز طبعا بس حبيبتى انتى وحشتينى اوى اوى وبصراحه كدة ماعنتش قادر على بعدك عنى بصى انا هاخد منك بوسة برئية .
ندى : حازم وبعدين معاك احنا اتفقنا على اية .
حازم بحزن مصطنع : الظاهر انك مابتثقيش فيا ولابتحبينى ياندى .
ندى بمكر انثى : لا طبعا حبيبى انا بحبك طبعا بس لازم تفهم ان الصح صح ولاايه .

حازم بزهق : ماانا قلتلك قولى لابوكى انى عاوز اقابلة وهو رفض ايه المطلوب منى ..... حازم قرب اكتر منها وبصلها بشهوة : حبيبتى انا عاوز بوسة بوسة واحدة بس وهامشى على طول .

ندة بضيق : انا مش فاهمة انت عاوزنى افرط فى نفسى علشان خاطرك لا ياحازم انت اكيد مجنون ......حازم اخدها وشدها بعيد بحيث محدش يشوفة .
جاسم من برة: ابن ال****** راح فين دة انا ماعنتش شايفة لا هو ولاندى .
هانى : اهدى ياجاسم انا هادخل العزبة اهوة
حازم بص لندى بشهوة ذئب جائع : انا مجنون بيكى ياندى وانتى حرمانى منك.

قرب منها اكتر وكتم نفسها حاولت تهرب منه لكن للأسف هو كان أسرع منها وشدها من هدومها وزقها وقعها على الارض وهجم عليها وبدا فى خلع هدومه علشان يغتصبها فندى صرخت باعلى صوتها وجاسم ومحمد جريوا باقصى سرعة علشان يحلقوها وهى بتستنجد باى حد علشان ينقذها من براثن الذئب دة ولان كان حازم وصل لمرحلة انه بقى زى الكلب السعران لغى عقلة وقفل قلبه كان فى اللحظه دى بيفكر ازاى يرضى غرورة ويشبع شهواتة الحيوانية .


حازم بوقاحه : ههههههه حلوة اوى يابنت المنصورى انا هاخد حقى منك سواء كان غصب عنك او برضاكى .

ندى بعياط : ارجوك ياحازم بلاش علشان خاطرى دة انا برضة ندى حبيبتك .
حازم بخبث : وعلشان انتى حبيبتى واهلك رافضنى فأنا هاخد حقى منك ودلوقتى حالا

ولسة حازم هايحاول يغتصبها بس هانى كان اسرع منه وراح هجم علية وفضل يضرب فية بكل قوته وفى امكان حساسه من جسمه وفضل يضربه بكل غل وقوة.

هانى : ابعد عنها واياك تقرب منها تانى انت كلب ولاتسوى وعلاج الكلب السعران اللى زيك انك تنضرب تانى .
هانى كان على وشك يضربه من تانى بس جاسم كان اسرع منه وضربه ضرب مبرح وكان عينه بطق شرار وبيجز على اسنانه بغيظ.
جاسم بص لاخته : شوفتى بقى انى انا كان عندى حق ازاى لما قلتلك انه مايستحقيش .

جاسم غطى اختة اللى كان جسمها كلة بيرتعش من كتر الخوف وبصت لاخوها بحزن لحازم بكراهية وعيطت.

ندى بحزن وعياط : كنت شاكه فى كلامك بس خلاص اتاكدت ......اتحاملت على نفسها وبعدين راحت لحد حازم وبصتله وهى لسه بتعيط : على قد ماحبيتك على قد ماأنا بكرهك ياحازم ايوة بكرهك اخويا قالى انك عاوز تكسرنى بأى طريقة بس للاسف انت طلعت جبان ولحد اخر لحظه كنت مفكراك بنى ادم عندة نخوة وضمير وانك عمرك ماهتاذينى بس خلاص انا اتعلمت منك درس قاسى انى عمرى ماهأثق فيك تانى.

حازم بارتباك : ندى حبيبتى انا ماقصدش انى ااذيكى .

جاسم : لا وكمان بجح حاجه غريبه والله العظيم بص ياحازم انا لو شوفت خلقتك دى تانى مش هايحصلك كويس علشان انت احقر انسان شوفتة فى حياتى اختى ووثقت فيك وانت خنت الثقه دى وانا هارميك للكلاب السعرانه علشان تنهش فى جمسك دة . ............. وندة على عم سعد وكذا واحد .
جاسم : عم سعد ياعم عبد الله تعالوا وضبوا الكلب دة .
عم سعد هو وكذا واحد سمعوا كلام جاسم وفضلوا يضربوا فى حازم وبعدين طردوة من العزبة .
حازم من بره العزبة : اااااه ياجسمى اااه بقى كدة ياندى معلش لسه حسابنا مانتهاش وبكره هأدفعك تمن اللى عملتية انتى واهلك فيا مش حازم المنفلوطى اللى ينهزم بالسهولة دى ااااااااة ......... قام ومشى وهو بيتوعد لهم .

هانى والقلق باين فى عينيه : ندى المجرم دة عملك حاجه اذاكى؟

ندى شاورت براسها بلا .
هانى بارتياح : الحمد لله على العموم متخافيش ابدا طول مااحنا معاكى وموجودين جنبك.
ندى بصت لهانى وجاسم وابوها وماعرفتش ترد فضلت تعيط كتير لحد ماغابت عن وعيها .
هانى سندها علشان مش تقع : ندى ندى ردى عليا ارجوكى .
جاسم بخضه : هانى اتصل بسرعة بالدكتور .

هانى : حاضر ..... هانى اتصل بسرعة بالدكتور ومافيش بعدها بشوية كان الدكتور جه وكشف عليها .

جاسم : طمنى يادكتور اختى مالها ؟
الدكتور : بسيطه هى جالها حاله انهيار عصبى بجانب بعض الكدمات على دراعها بس هى كويسة انا اعطيت لها حقنه مهدئه علشان تنام ولما تصحى هاتبقى تمام .بس اهم حاجه تبعد عن اى حاجه توترها وتريح اعصابها خالص لانها من الواضح انها اتعرضت لازمة نفسيه وصلتها للوضع دة وياريت تبعد عن هنا مؤقتا .
جاسم : متشكر يادكتور الف شكر على تعبك معنا .
الدكتور : لا عيب ماتقولش كدة تعبكم راحة استاذن انا ابقى .
جاسم : مع السلامه يادكتور ...... وفعلا الدكتور مشى وسابوها علشان ترتاح .

هانى برجاء : بعد اذنك يامحمد بيه هو الدكتور طلب مننا اننا نسيبها علشان تستريح بس معلش ممكن يعنى لو مش فيها مشكلة افضل جنبها لحد ماتصحى .

محمد بص لهانى شوية وهو ساكت وبعدين اتكلم : ماشى يلا فعلا لازم كلنا نبقى معاها لان ندى فى امس الحاجه لنا ووجودنا جنبها هايريحها من الصدمه اللى اتعرضت لها.

هانى راح لها هو وابوها واخوها اوضتها اللى كانت نايمه فيها وكل واحد منهم قعد على كرسى وبعدين راحوا فى النوم أما هانى فبعد شويه راح وقعد على الارض جنبها وملس على شعرها بحنان وبالرغم انها واخده المنوم الا ان جسمها كان مشدود ووشها مكشر هانى فضل يطبطب عليها لحد ماهديت خالص وجسمها ارتخى وكان بيبص لها بحب وقلبة حزين علشانها فضل يتأمل ملامحها وقعد جنبها على الارض لحد ماراح هو كمان فى النوم وهو ماسك ايدها بقوة فضلت ندى تحت تاثير الحقنه المهدئه لمدة ساعتين وصحيت لقت هانى ماسك ايدها بقوة ونايم جنبها على الارض فبعدت ايدها وهانى حس بيها صحى وبصلها بحنان جارف وبعد عنها .


هانى : ازيك ياآنسة ندى مش احسن دلوقتى ؟

ندى : اه الحمد لله احسن
جاسم وابوها صحيو على صوتها وقعدوا جنبها وطبطوا عليها واول حاجه عملها ابوها انه اخدها فى حضنه وهى ارتمت فى حضنه وفضلت تعيط .
ندى : انا اسفة اوى يابابا لانى ماسمعتش كلامك انا بجد اسفة .......... وعيطت كتير وابوها فضل يهدى فيها ومسح دموعها .
محمد : شوفتى بنفسك اخرة اللى مابيسمعش الكلام كنتى هاتضعيى نفسك حبيبتى لولا هانى الله يباركله تدخل وانقذك من حازم الكلب بس دة يعتبر درس قاسى واتعلمتى منه .
ندى : عندك حق يابابا .... وبصت لهانى : انا متشكرة اوى على اللى عملته معايا ياكابتن هانى .

هانى بحب ومحمد اخد باله من نظرات هانى لها .

هانى: احممم ابدا ياانسه ندى انا ماعملتش غير انى انقذتك منه وبعدين ماكنش ينفع اسيب الكلب دة يلمسك او يمسك بأذى المهم انك دلوقتى بقيتى كويسة والحمد لله اننا لحقناكى قبل مايعمل فيكى حاجه .
ندى صعبت عليها نفسها وعيطت بحرقة لما افتكرت اللى حصل .
هانى بحزن : لا ارجوكى ياانسة ندى بلاش تعيطى انا مابقدرش استحمل دموعك دى احم اقصد يعنى ان دموعك دى ماتنزلش على واحد معفن وكلب ولايسوى شىء زى حازم دة .
ندى بحزن : انا مش قادرة اصدق نفسى لحد دلوقتى انا كنت بحبه على ايه هه دة كان بينتقم منى وعاوز يكسرنى ويكسر بابا وجاسم علشان رفضوة .
هانى : خلاص يبقى لازم تنسيه وتعتبرى انه مدخلش حياتك من اساسة .

محمد بغيظ : انا ياما حذرتك منه كتير وانتى اللى ماسمعتيش كلامى اه يانارى لو اشوفة تانى مايكفينى غير انى افضل اضربه لحد مااموته فى ايدى .

جاسم : فعلا ديل الكلب عمرة ماينعدل خلاص ياجماعة خلاص ياندى انسى الواد دة وماعنتيش تذكرى اسمه على لسانك ولا لكى دعوة بيه خالص .
ندى : معاكم حق انا اسفة يابابا انا اسفة ياجاسم وعلى العموم خلاص هو انتهى بالنسبالى بس انا عاوزة اعرف انتوا عملتوا فيه اية ساعتها لانى ساعتها كنت فى حاله صدمه وماكنتش مركزة .
هانى بغيظ : طبعا ضربته وبصراحة كنت هاموته فى ايدى ندى خلاص ماتجبيش سيرته تانى المهم انك كويسه ودة الاهم عندنا انتى محتاجه تريحى اعصابك وتبعدى عن جو التوتر دة.
ندى : ربنا يخليك ياهانى ويخليك ليا يابابا انت وجاسم .

محمد طبطب على بنته : بصى بقى ياندى الدكتور اللى كشف عليكى قال انك محتاجه تغيرى جو وتبعدى يومين تلاته بعيد عن هنا......... سكت شوية وبص لهانى وكمل : وانا من رايى انك تروحى انتى وجاسم مع هانى بلدهم....بص لهانى وكمل : ها ايه رايك ياهانى .

هانى بحماس : والله دة اللى كنت لسة بفكر فية دلوقتى وفى الاول والاخر اللى حضرتك تشوفة انا هاعملة انا يهمنى ان الانسه ندى تكون مبسوطة ومرتاحة وانا كدة كدة واخد اجازة يومين من الرحلات واهى فرصة كويسة ان ندى وجاسم يشرفونا عندنا فى بلدنا .
محمد : ها ايه رايك ياجاسم .
جاسم : ايوة يابابا طب والشغل والحاجات الكتيرة اللى ورانا .

محمد : ماتحملش هم انا وامجد صاحبك هناخد بالنا من لحد ماترجعوا بالسلامه .وبعدين دول يومين مش اكتر منها ندى نغير جو وبالمرة تيجب مايسه واهلها معاك ولما ترجع ابقى اشبع بالشغل ياسيدى .

جاسم : يعنى حضرتك شايف كدة ؟
محمد : بصراحه انا مش شايف غير كدة يلا ياندى روحى مع اخوكى وهانى وابقوا بلغوا سلامى لعم طه ومش تتاخروا علشان الشغل محتاجنا كلنا وعلشان كمان العزبة والمزرعة الشغل فيها مش يتعطل اكتر من كدة .جاسم مش هاوصيك تاخد بالك من اختك كويس .
جاسم : حاضر يابابا ماتقلقش ....... سكت شوية وبعدين بص لهانى : مش يلا بينا احنا ياكابتن .
هانى : ماشى يلا ........ جاسم وندى راحوا مع هانى بلد مايسه .

فى بلد مايسه كانت طبيعة الارياف الزرع والخضرة والماء والوجه الحسن .

مايسه وابوها وامها كانوا فى بيت عمتها وشوية ودخلت عمتها ورحبت بيهم لكن بجفاء.
أمينه :ازيك يااخوى وازيك يامرات اخوى ازيك يابنت اخوى........ وبدموع زائفة : بقى كدة ياطه لو ماكنتش اسال متسالش عليا .
طه : معلش ياامينه يااختى ماانتى عارفة ان البيت اللى كنا ساكنين فية وقع ولولا ستر ربنا كنا موتنا وبعدين بعدها انشغلت فى الشغل عند عزبة محمد باشا المنصورى .
امينه باستغراب : محمد باشا المنصورى حته واحدة ودة ازاى وصلت له ياطه ؟

طه : لا دة موضوع كبير اوى يااختى ...... وقعد طه وحكى لها كل حاجه من اول مااطرد من المصلحة لحد ماالبيت وقع وبعدين اشتغل على طول فى العزبة .

امينه بحقد : طب كويس هو على العموم اهوة برضه راجل غنى ومتريش وممكن تاخد منه قرشين حلوين ينفعوك لوقت العوزة برضه واهوة كمان ينشلك من الفقر الدكر اللى انت فيه دة لاحسن فى ناس وشها اعوذ بالله فقر من يومها .......... وبصت لفوزية بحقد ومصمصت شفايفها .
طه بحدة : عيب عليكى اوى تتكلمى بالطريقة دى على مراتى فوزية ياما استحملتنى كتير وصابرة وساكته
فوزيه بحزن وعتاب : كتر خيرك ياام وائل بس زى ماقال اخوكى انا عمرى ماقصرت معاة فى يوم من الايام .
امينه بارتباك ومطت شفايفها : انا طبعا مااقصدش حاجه وعلى العموم دى حاجه ترجع لاخوى مش كدة ياطه .
طه : ملهوش لازمه الكلام دة دلوقتى ياامينه .

امينه وقفت وبعدين راحت قعدت جنب مايسه واعطت لها جواب .

مايسه مسكت الجواب بايد مرتشعة : ايه دة ياعمتى ؟
امينه : دة جواب من وائل ياروح عمتك .
مايسه : فيه ايه الجواب دة ياعمتى ؟
امينه بزهق : بقولك ايه يامايسه
افتحى الجواب وانتى هاتعرفى فية ايه .

مايسه فتحت الجواب وبدات تقرأ الكلام المكتوب فية : حبيبتى مايسه انا عارف ومتأكد ان الكلام اللى فى الجواب دة هايتعبك وهايوجعك بس سامحينى غصب عنى ياحبيبتى انا اسف بجد انا علشان اشتغل ويبقى ليا دخل ثابت وكمان علشان مش القنصلية المصرية ترحلنى وترجعنى مصر تانى وكمان علشان افضل فى نفس الدولة اضطريت اتجوز واحدة من بلاد برة علشان اقدر اخد الجنسيه واقدر اشتغل واحوش قرشين ولما ارجع اقدر اتجوزك واجيب لكى كل اللى نفسك فيه ولو مش عندك استعداد تكملى معايا يبقى احسن لكى انك تنسينى خالص انا اسف كمان مرة ... المخلص للابد وائل ابن عمتك .

مايسه عيطت كتير ودموعها نازلة على خدها من غير حساب مش مصدقه اللى بيحصل دة معقول وائل اتخلى عنها كدة بكل بساطه وبالسهولة دى بعد الحب اللى حبته له .

طه : مالك يابنتى فيه ايه الجواب دة ؟

امينه بابتسامه شماته : فيها ان ابنى اتجوز خلاص واستقر فى حياته ياطة ولاانت عاوز ابنى يفضل قاعد من غير جواز علشان خاطر المحروسة بنتك انا ابنى مش معيوب لاسمح الله .
طه بغضب : وانا كمان بنتى مش معيوبة ياامينه يااختى والف مين يتمناها بس للاسف بتحب ابنك .
امينه مطت شفايفها : خلاص بقى ياطه ماقولنا الواد اتجوز ومش هايطلج مراتة دى حتى مراته فلجة جمر بدر منور على العموم ربنا يصلح حال بنتك وتتجوز هى كمان ولك عليا احضر فرحها وامسك لها فستانها بيدى دول.......وبصت لفوزية : عقبال بنتك يافوزية نجاملكم فى الافراح يامرات اخوى .

فوزية بصت لامينه ومردتش احتراما لجوزها .

طه بحزن على حال بنته : يلا يابنتى من نمشى الجو هنا بقى خنقه .
امينه بتريقه : لا والله لايمكن لازما تفضلوا لحد ماتتغدوا وتاخدوا واجبكم والله لايمكن ولاهى مرتك بتجرف من وكلنا .
طه بنفاد صبر: مالكيش دعوة بفوزية ياامينه مش كل شويه مراتك مالها وكانى ومانى بس على العموم كتر خيرك الواجب بتاعك وصل وبكفاية كمان يلا يافوزية .يلا يامايسه يابنتى .
امينه بقلة حيله : طب هاتروحوا فين بس ياطه .
طه : هانروح عند اسماعيل اخونا وكتر الف خيرك انتى وابنك .......... وطلعوا من بيت امينه وهما على اخرهم ولسه هايركبوا علشان يروحوا على بيت اخوة اسماعيل الا ولقوا عربية جاسم جاية فى الطريق وكان راكب فيها هانى وندى .

جاسم نزل من عربيته وراح لعم طه وسلم عليه : ازيك ياعم طه ايه انتو كنتوا فين كدة ؟

طه : كنت عند اختى علشان بنطمن عليها هى وابنها بس الظاهر ان بنتى ملهاش نصيب وخصوصا بعد مااتخلى عنها وائل ربنا يسامحة بقى .
مايسه : بابا ارجوك كفاية بقى .
جاسم اول ماسمع اسم وائل الدم غلى فى عروقة وافتكر ندالته وموقفة الخسيس مع مايسة ونفس الموقف اللى عملة حازم مع ندى .
جاسم بضيق : طبعا انا مش من حقى انى اتدخل فى حاجه تخصكم بس هو انتوا رايحين على فين .
طه : احنا رايحين على بيت اسماعيل اخويا ويبقى عم مايسة .
جاسم : خلاص يبقى اوصلكم بنفسى واهو بالمرة ندى عاوزة تغير جو .

طه بترحاب : نورتى بلدنا يابنتى .

ندى : منورة بصاحبها ياعم طه .
مايسه حضنت ندى وعينيها مليانه دموع : نورتى ياندى .
ندى لاحظت الدموع فى عين مايسه وقربت منها وحضنتها اوى وهمست فى ودانها : مالك مايسة فيكى اية
مايسه بنفس الهمس :هاقولك بعدين .
ندى بعدت عنها علشان مش تحرجها واتكلمت بصوت واضح : البلد منورة بناسها وباهلها الطيبين ياحبيبتى
جاسم وهو عينه مانزلتش من على مايسة : احم طب اتفضلوا اركبوا معايا علشان اوصلكم المكان اللى انتواعاوزينه ...... وفعلا ركب جاسم عربيته ومايسه واهلها ركبوا معاة لحد ماوصلوا لبيت اسماعيل وكان فى استقابلهم .

اسماعيل : يااهلا بالحبايب ازيك ياطه يااخويا والله لك وحشه كتير جوى .

طه : وانت كمان يااسماعيل بس اعذرنى معلش ظروف الحياة بقى .
اسماعيل : اهلا بالغاليين ولاد الغالى .
هانى ومايسة : وحشتنا والله ياعمى .
اسماعيل حضن ولاد اخوة وبحب : والله وانتوا كمان واهلا بيكم وبضيوفكم ...وقرب من طه وهمس : من دول ياطه ؟
طه : هاقولك بعدين .... سكت شوية وبعدين كمل بضحك : هههههه ايه يااسماعيل يااخويا هو انت بخيل ولااية مش ناوى تغدينا .
اسماعيل : ودى تيجى برضه ثوانى ويكون الوكل جاهز ... وندة على بنته : بت ياهنية انتى يابت .
هنيه : ايوة يابا الحج .
اسماعيل : حضرى لنا الوكل يابتى .
هنيه : حالا يابا ثوانى ويكون الوكل جاهز .

جاسم كان مبسوط اوى من جو الريف جو عمرة ماشافة غير فى الافلام شاف عالم تانى خالص غير عالم الرفاهية اللى عايش فية قد اية حلوة بساطه اهل الريف والناس الطيبين اللى وشوشهم معجونة بسمار الشمس والايد الشقيانه اللى بتشتغل طول الليل والنهار من غير تعب ولاملل .


اسماعيل: اهلا وسهلا بالغاليين ....... اسماعيل قدم واجب الضيافة للكل وطول ماهما بيتغدوا جاسم كان بيسرق النظرات لمايسة كل وقت والتانى وهو سعيد ومايسة لاحظت عينه اللى ماكنتش بتنزل من عليها بعد مااتغدوا جاسم اخد هانى واتمشوا فى الغيط وسط الزرع والخضرة الجميلة ومايسة كمان اخدت ندى علشان توريها جمال بلدها اما طه وفوزية ففضلوا مع اسماعيل ومراتة وعيالة .


جاسم : يااااااه ياهانى تعرف انا من زمان اوى وانا نفسى اغير جو وسط الطبيعة الجميلة دى فى بساطه الناس واهلها من غير تكلف ولاتكبر ولانفسنه صحيح احنا عندنا مزرعة فى العزبة بتاعتنا طويلة عريضة بس تحس ان الكل طمعان فيك وعاوز ياخد منك على قد مايقدر بعكس هنا تلاقى ألفه وحب مش موجودة فى المدن .


هانى بضحك : يعنى كان لازم يحصل اللى حصل لندى علشان تشرفونا بقى .

جاسم : لا ياهانى انا فعلا من زمان وانا نفسى فى الجو دة بس طبعا علشان طبيعة الشغل فى الشركة بتاعتى صعب شوية وكويس ان بابا اعطانى يومين اغير فيها جو بعيد عن الدوشة وكمان علشان ندى تطلع من الجو اللى كانت فية وتنسى الكلب حازم واللى كان هايعملة فيها .
هانى : امممممم جاسم انا عاوز اقول حاجه بس بصراحة خايف ومتردد اوحتى افتحك فى الموضوع دة لانه مش وقته خالص.
جاسم بص لهانى وفهم عاوز يقولة اية : انا سامعاك ياهانى اتفضل قول كل اللى جواك .
هانى بتردد: احم انا كنت عاوز .. اقصد يعنى اللى عاوز اقوله انى بحب اختك من زمان وكنت حابب اتجوزها وماتعتبرش انى اخدت الخطوة دى اشفاقا عليها بعد اللى حصل لا والله بس انا فعلا بحبها اوى فهل انت ترضى بيا زوج لاختك اقصد يعنى انت موافق وطبعا مش دلوقتى براحتها خالص انا بس حبيت اعرفك شعورى من ناحيتها .

جاسم ضحك جامد : اهدى ياهانى مالك متوتر كدة لية على العموم الموضوع دة يرجع لها هى لو عاوزاك بس نصيحة ياهانى زى ماانت لسه قايل ليا بلاش دلوقتى اختى لسة يدوبك طالعة من صدمة شديدة وانا حاليا مقدرش افاتحها فى موضوع زى دة ...... سكت شوية وبعدين بصله بمكروكمل : وبعدين انت بتقولى لية الكلام دة الموضوع لما تحب تسال فية تسال صاحبة الشأن الاول .


هانى : يعنى ممكن لو كلمتها بعدين توافق عليا ؟

جاسم : على حسب انت وحظك بص ياهانى فى حاجه مهمة لازم تعرفها ندى اختى الوحيدة اللى ماليش غيرها ويهمنى سعادتها حتى لو سعادتها هاتبقى معاك عمرى ماهاقف ضد سعادتكم انت انسان محترم وملتزم جدا بعكس حازم كان ابن امه وابوة شاب صايع ومستهتر علشان كدة انا وبابا رافضناه واتاكد ان لو ندى وافقت عليك انا اول واحد هايقف فى صفك بس لازم قبل كل حاجه انك تقرب من اختى واحدة واحدة وتحببها فيك وتتعود عليك وتعوضها حبك دة تخليها تنسى اليوم اللى عرفت فيه الزفت حازم دة خالص وتحبك انت وبعدها نبقى نتكلم فى موضوع الارتباط دة وبعدين الامور مش بتتاخد قفش كدة وبعدين انا وبابا مش هنمانع لسبب .

هانى مقاطعا : اللى هو اية ؟

جاسم : اننا بنثق فيك وانا عن نفسى واثق انك هاتخليها تتجاوز ازمتها .
هانى : ودة شرف عظيم ليا ياجاسم وانا اوعدك انى هأسعد اختك واخليها تنسى كل اللى حصلها بسبب حازم واخليها تحبنى انا .
جاسم : لما نشوف ورينا شطارتك بقى معاها ياكابين .

ندى كانت مع مايسة بتحكى حكايتها وكل اللى حصل لها من اول مااتعرفت على حازم فى احدى النوادى وازاى اتعلقت بيه وحبته بجنون ولحد ماكان عاوز يغتصبها .

مايسه بغيظ : ابن ال....والله اللى زى دة المفروض يتعلق من ال..........
ندى بضحك : ضحكتينى والله يامايسو بس عارفة برغم اللى حصل كان صعب جدا عليا بس ربنا فتح عينى على حاجات كتيرة كانت ممكن تحصلى معاة لو كنت اتجوزته والحمد لله ربنا عرفنى حقيقة الناس من حواليا ومين بيحبنى بجد ومين الاستغلالى والانتهازى .
مايسه : تعرفى ياندى انا كمان حصلى نفس اللى حصلك بالظبط بس الحمد لله اخوكى لحقنى ونفس اللى عملة حازم معاكى عملة وائل ابن عمتى فمتزعليش حبيبتى الدنيا تجارب ولازم الواحد يتعلم من تجاربة .
ندى :عندك حق يامايسو .الحمد لله على كل حال المهم سيبك بقى من حازم ووائل يولعوا على بعض خلينا نتمشى وسط الخضرة الجميلة دى .

ندى ومايسة فضلوا طول اليوم مع بعض وكمان هانى وجاسم طول اليوم مع بعض وقضوا يومين فى بلد مايسة وندى نسيت احزانها ومايسة كمان نسيت احزانها وكانت عاوزة ترجع علشان ماتفتكرش فى اى حاجه تفكرها بوائل وفعلا رجعوا العزبة وكان محمد فى انتظارهم بفارغ الصبر .


محمد :حمدا لله على السلامة ياولاد حمدا لله على سلامتك ياعم طه نورت مكانك ياراجل ياطيب .

طه : العزبة منورة بيك ياسعادة البية .
فوزية : تسلم وتعيش يابية .
محمد وجه كلامه لولادة: ها طمنونى ياولاد انبسطوا هناك ؟
ندى : جدا يابابا الناس هناك طيبين اوى وعمو اسماعيل كان طاير بينا طير ولو كان طايل انه يجيب حته من السما ماكنش اتاخر ربنا يخليهم لبعض .
طه : ويخليكم يارب ياندى يابنتى .

محمد : بص بقى ياعم طه انا فوت المرة دى بس بعد كدة مش هاقبل منك اى اعتذارات تانية لان محدش بياخد بالة من العزبة وبيخاف عليها قدك .

طه : معلش ياسعادة البية هى بس الظروف اللى جدت علينا ربنا يخليلك اولادك البية الصغير والست الصغيرة .
محمد: يارب ويخليلك ولادك هانى ومايسه .
طه : يااااااااارب .

خلصت حلقتنا وانتهى وائل بالنسبة لمايسة بس الاكيد انه ساب جرح عميق فى نفسها وفى قلبها وكذلك الوضع بالنسبة لندى بس ياترى هل ممكن يحل فى قلوب البنتين رجالة يقدروا مشاعرهم ويعوضهم عن جراحهم وهل هانى ياترى هاينجح فعلا فى لم جرح قلب ندى وجاسم وضعة مع داليا هايكون اية وازاى هايكون الحال مع مايسة اكيد لسة فى الكتير والكتير ...
رواية ما بعد الرحيل للكاتبة ياسمين أحمد الفصل السابع

عدت ايام كتير أوى ومايسة كانت بتحب تقضى اوقات فراغها فى مزرعة عزبة المنصورى وكانت معاها ندى وكانوا بيتمشوا فى جنينه الفاكهة وفوجئت مايسه بأن الأشجار ناقصها الإهتمام والمحافظة عليها .


مايسة :تعرفى ياندى المزرعة دى كبيرة وجميلة محتاجه بس اللى يراعيها وياخد بالة منها .

ندى : فعلا يامايسة بس غالبا العمال اللى شغالين فى المزرعة بيبقى اغلب شغلهم فى الرى والمحافظه على الزرع وبس .
مايسة : اه بس خدى بالك فى اشجار هنا دبلانه محتاجه رى واهتمام عن كدة شوية يعنى عندك مثلا شجرة المانجا وشجرة الجوافة لية مافيش عليهم اهتمام مع العلم ان اشجار الفاكهة هنا كلها كويسة والفاكهة فيها حلوة .

ندى بضحك : هههههههه الله دة انتى بقى طلعتى خبيرة فى الرى والاهتمام بالزرع واحنا مش واخدين بالنا

مايسة : لا والله بس انا بتكلم حقيقى لية عمو محمد باباكى مش يطلب من العمال الاهتمام بالزرع دة حتى لو اهتموا باشجار الفاكهة كلها ممكن تنتج محصول كويس ومش بس كدة دة كمان ممكن نحمى الاشجار دى بحاجات تكون حماية لهم زى مثلا انكم ممكن تعملوا غطاء زجاجي للاشجار دى .
محمد كان متابع الحديث اللى بين مايسة وندى وكان معجب بأراءها وراح لهم.

محمد : والله يابنتى فكرة مش بطاله لما يرجع جاسم ان شاء الله من الشغل هاقولة على اقتراحاتك دى ونطلب منه انها تتنفذ على ارض الواقع فكرة زى دى هتفيدنا كتير.

مايسة انتبهت : عمو انا بس كنت بقول يعنى خسارة ان الاشجار دى تدبل وتموت محصولها هاتجيب ايرادات مش بطاله .
محمد : فعلا يابنتى بس احنا مش بنبقى موجودين فى العزبة هنا على طول والعمال مش بيعملوا حاجه الا لما بياخدوا الامر مننا على العموم هى افكار كويسة جدا وسهل تنفيذها وان شاء الله نهتم بالشجرتين دول .

مايسة : ان شاء الله ياعمو ااا عن اذن حضرتك هاروح اشوف لو ماما محتاجه حاجه ولالا .

محمد : اتفضلى يابنتى ......... مايسة مشيت وندى فضلت تبص عليها لحد مابعدت عنهم وكانت باين فى عينيها الحزن حزن على حالها وحال مايسه.
ندى بحزن : عارف يابابا انا ساعات كتيرة بحزن على حال مايسة بنت جميلة ورقيقة زى دى ومتعلمة ومع ذلك حظها فى الحب مش قد كدة هه زى حظى بالظبط .
محمد :ندى ربنا عالم باللى فى قلوبكم يابنتى ربنا يعوض صبركم خير .
ندى بأمل: يارب يابابا يارب.

مايسة راحت لمامتها علشان تساعدها .

فوزية : والله بنت حلال .
مايسة : خير ياماما .
فوزية : انتى كنتى فين .
مايسة : كنت بتمشى انا وندى فى العزبة شوية إشمعنى .
فوزية : لا مافيش تعالى الاول ساعدينى علشان نجهز للجماعة الاكل وبعد كدة ابقى اعملى اللى انتى عاوزاة .
مايسة : حاضر .......... وبدأت مايسة بمساعدة امها فى تحضير الغدا وابوها مشغول ومتابع مع العمال فى المزرعة والشغل من نار.

عند داليا وجاسم

كانت كعادتها بتروح له الشغل علشان تستنى لحد ماجاسم يخلص شغلة وكانت بتستغلة فى صرف فلوسة اسوء استغلال وكانت بتشترى حاجات كتيرة اوى لها وطبعا لانها تبقى خطيبته فكان بيلبى كل طلباتها بنفس راضية لكن لكل انسان طاقة وصبر ومع كل دة كان بيخاف على زعلها .وفى يوم اتصلت بيه وبلغته انها هتروح له الشغل تستناه لحد مايخلص
داليا : حبيبى فاضى النهاردة ولالا .
جاسم : ولو مش فاضى افضى نفسى لكى خير عاوزة حاجه معينه ؟

داليا بدلع : اه حبيبى عاوزة اعمل شوية شوبنج وكدة يعنى اصلى انا شوفت محل عامل تخفيضات كبيرة وخصومات بالهبل .

جاسم : انتى تأمرى وانا عليا التنفيذ بس ممكن نأجلها ليوم تانى اصلى انا ورايا شغل كتير ومش هألحق اخلصة النهاردة .
داليا بضيق ونفخت بزهق : اوك اوك ولايهمك خالص الظاهر انك ماعنتش بتحبنى .......وكملت تمثيلها : أهىء أهىء أهىء .
جاسم حس ان داليا زعلت فحب يلطف الجو : حبيبتى انتى عارفة انى مقدرش على زعلك خلاص ياستى هاحاول اخلص الشغل بدرى وبعدين اجى اخدك تكونى لابسة وجاهزة ولما ارن عليكى تنزلى على طول وانا عينيا لكى ها قلتى اية .

داليا بدلع ومسكنه : حبيب قلبى بمووووووووت فيك اموووااااااة .

جاسم : سلام ياقلبى.
داليا : باى حبى ........ وقفلت السكه وبصت لابوها اللى اتكلم بنرفزة .
محمود : انتى يابنتى مابتزهقيش من الشوبنج دة انتى كل يوم بتجيبى لبس وحاجات كتير دة احنا ممكن نعمل معرض كبير للحاجات اللى بتشتريها كل يوم دى .
داليا : بابى حبيبى انت عارف كويس اوى قد ايه جاسم بيحبنى وبيموت فيا وبصراحه مش بيتاخر عنى فى اى حاجه وبعدين انت امرتنى انى اخلية على الحديدة انت عارف الشوبنج بس دة لواحدة بيتكلف كام فى اليوم مش اقل من 5000 الآف جنيه وبعدين انا يهمنى فى الاول اوالاخر ايه غير انك تهزمة مش انت عاوز تشوفهم هو وباباه مفلسين اهو انا كدة بأخدة واحدة واحدة زى ماطلبت منى بالظبط..

محمود بتريقة : انتى هبلة ياحبيبه بابى انتى عاوزانى اقتنع بالكلام دة اللى انتى قلتيه دة وانك لما تصرفى كل يوم 5000 الاف بالشوبنج بتاعك دة هيخليهم على الحديدة اصلك انتى ماتعرفيش حجم شركات جاسم وابوة فى البورصه والنبوك قد ايه.


داليا بمكر : لا عارفة ان كل الحاجات دى سهلة وبسيطه حاجه كدة مسح زور دة انا حتى بفكر كمان انى اعمل معاة بينزس فى الشركه بتاعته واحاول اوصل لحجم الشركات دى وقد اية ايراداتها فى السنه وماتنساش انى هابقى مراتة يعنى كل حاجه هاتبقى موجودة وتحت ايدى ساعتها ولانى عارفة انه بيحبنى ومايقدرش على بعدى اوعدك انى افضل وراه لحد مايبقاش معاة ولامليم ولاحتى قرش واحد فى جيبه وساعتها بس تقدر ترجع الشركات اللى خسرتها فى السوق بسببهم وتبقى اكبر منافس فى السوق كلها .


محمود بابتسامه خبيثه : آة منك يابنت السويفى لما نشوف هاتقدرى تنجحى فى كلامك ولالا .

داليا بخبث مماثل : شور بابى لا من ناحية انى هأعمل فانا هأعمل كتير بس الصبر حبيبى لازم الاول الاعب جاسم بطريقتى وعلشان ابعد عنه اى شك من ناحيتى .

محمود :ماشى ياحبيبه بابى انا واثق انك هاتقدرى تنفذى المطلوب منك .

داليا بخبث :اطمن يابابى يلا سلام بقى علشان حبيبى جاسم مستنينى .
محمود : سلام ياحبيبه بابى .

ونرجع تانى فى عزبة المنصورى كانت ندى رجعت شقتهم اللى فى العزبة وواقفة فى الترأس حزينه ومهمومه .مايسه شافتها وراحت لها وفتحت لها واحدة من العاملات اللى شغاليين فى العزبة وطلعت اوضتها وخبطت ودخلت لقيتها شاردة وسرحانه .

مايسه : ندى.
ندى فاقت من شرودها وبصت لها : مايسه انتى هنا من امتى؟
مايسه : يعنى بقالى مدة صغيرة كدة لقيتك واقفة فى التراس حزينه وسرحانه قلت اجى اقعد معاكى شوية ندى لوكنتى لسه بتفكرى فى حازم تبقى غلطانه حبيبتى اللى زى حازم دة ملهوش امان مايستحقش دموعك دى ولاحبك دة انتى تستحقى انسان بيحبك بجد ويخاف عليكى ويراعى مشاعرك مش يهينك ويذلك .
ندى بدموع : يعنى انتى كنتى نسيتى اللى عملة وائل معاكى ؟

مايسه ملامحها اتغيرت وبان فى عينيها الجميله الحزن وبان فى عينيها دموع هددت بالانهيار بس تماسكت علشان ندى مش تشوفها مسحت دموعها بسرعه واتكلمت بحزن واضح على كل ملامحها.


مايسه : لا طبعا مش هاقدر هانسى بس هو خلاص اتجوز وبقى ليه حياته الخاصه وبعدين انا لية ابكى على واحد باعنى وكان عاوز يغتصبنى ولما قلت له لا وجاسم طردة سابنى وهرب صحيح اللى حصل هيأخد شويه وقت بس الاكيد انى مع الوقت هانسى ويمكن احب تانى واحد يقدر يعوضنى عن وائل ميه مرة ولازم انتى كمان تنسى ياندوش علشان ترتاحى .


ندى بألم وحزن: ان شاء الله حبيبتى .

مايسه : بقولك ايه تعالى ننزل الجنينه نتمشى شوية .
ندى : ماشى يلا ........مايسه وندى نزلوا اتمشو مع بعض فى الجنينه وفضلوا يضحكوا ويهزروا مع بعض وشويه كان جه هانى وراح لهم والقى عليهم السلام .
هانى : السلام عليكم ورحمة الله وبركاته .
مايسه باستغراب : وعليكم السلام ورحمة الله وبركاته ..هانى ؟ انت وصلت امتى ؟

هانى بارتباك : لسه واصل حالا وحبيت اعملها لكم مفاجأة .... وبص لندى بحب وشوق وكمل : اصلى خلصت الرحلات النهاردة بدرى قلت اجى اقضى يومين فى العزبة اصل جوها جميل اوى ...... وبعدين مد ايدة علشان يسلم على ندى اللى رفضت انها تسلم عليه وفى الاخر حس بالاحراج فبعد ايدة وكمل كلام: ازيك ياانسه ندى ياترى عاملة ايه دلوقتى مش احسن ؟

ندى : الحمد لله ياهانى ومتشكرة اوى على سؤالك واهتمامك دة .
هانى فضل ساكت شوية وبعدين غمز لاخته علشان تسيبه يتكلم مع ندى وهى فهمت فحبت تسيبهم ياخدوا حريتهم فى الكلام ولكن ندى مسكت ايدها علشان مش تسيبها معاه لوحدهم .
ندى بارتباك : رايحه فين يامايسه ؟
مايسه بارتباك : ها اصل ..اصل الظاهر ماما شكلها كدة والله اعلم بتنادى عليا ثوانى هاروح اشوفها عاوزة اية وارجعلك تانى ماشى.........وسابتهم على راحتهم .

هانى بأرتباك : احممممم ااااااا انا اسف لو كنت تطفلت عليكى بس انا شايف الحزن فى عنيكى طب لحد امتى ؟ ندى افتحى قلبك ليا واتكلمى معايا وصدقينى مش هاتندمى ابدا واوعدك انى اكون بير لكل اسرارك .

ندى باستغراب : انا مش فاهمة انت ليه مهتم بيا اوى كدة ؟
هانى اتنهد بضيق : اعتبرينى صديق عاوزك تفضفضى ليا يمكن لما تحكى ترتاحى ونفسيتك تهدى .
ندى : ايوة ياهانى بس آصل يعنى .
هانى : بس ايه ياندى .
ندى : انا معرفكش اوى دة انا يدوبك شوفتك كام مرة بس ايه اللى يخلينى احكى لك على اى حاجه كدة بسهولة .

هانى بحزن : معاك حق بس على الاقل زى ماقلتلك قبل كدة اعتبرينى صديق وتأكدى انك عمرك ماهاتندمى واذا كان وجودى مضايقك فأنا بأعتذرلك مره تانيه انا بحاول اخرجك من الحزن اللى انتى فيه مش اكتر وطالما وجودى مضايقك فعن اذنك .

ندى بأسف : انا اللى اسفة ارجوك ماتزعلش منى بس اللى حصلى ماكنش سهل عليا وفوق مقدرتى .
هانى بصلها بحنان : على اقل من مهلك ياندى وثقى تماما انك وقت ماتحبى تتكلمى معايا هأسمعلك وهاكون فى خدمتك وقت ماتحبى .

ندى بابتسامه جذبت قلب هانى : هانى انت بجد انسان مهذب ومحترم وظريف ومتفهم صدقنى هايجى اليوم اللى هاحكيلك فية كل حاجه من غير خوف .

هانى بأمل وبادلها الابتسامه : ودة شرف عظيم ليا ووقت ماتحتاجينى هتلاقينى معاكى وفى صفك وهاقف جنبك.
ندى : ربنا يخليك ياهانى .
هانى وهو كان بيكلم نفسه : يالهووووووى على هانى وسنينه ياربى بحب قمر والنبى قمر حته بنت زى البسكوته تعالى ياما شوفى ابنك وهو دايب فى هواها هييييييح ويخليكى ليا ياندوش ياحبيبتى .... وسرح فيها وبصلها بسهتنه وندى ضحكتله : ياربى وكمان عليها ضحكه تجنن ياهوووووة ........ وبعدين اتكلم : اااااا طب عن اذنك بقى اروح أطمن على بابا وماما .1

ندى: ماشى اتفضل : ..........وبعد ماهانى مشى فضلت ندى تأنب نفسها هى ليه بتتصرف بجفاء معاة كدة هى خايفة تحبة وتتعلق بيه ويطلع بنفس اخلاق حازم وساعتها قلبها هايتوجع من تانى بس اللى ماتعرفهوش ندى ان هانى مش بس بيحبها دة بيعشقها ومش ممكن ابدا يفكر انه يجرحها ابدا فى يوم من الايام ولاهايجى كمان على حساب نفسه هانى راح الشقة اللى ابوة وامة موجودين فيها خبط وفتحت له امه واخدته بالحضن وفضلت تبوس فيه هى وابوة .


فوزية : اخص عليك ياهانى كدة يابنى اسبوعين مانشوفكش فيهم لا بجد انا زعلانه منك.

هانى : معلش ياماما غصب عنى ياست الكل مش بمزاجى والله وبعدين انتى عارفة اكل العيش مر دة انتى اكتر واحدة عارفة ظروف شغلى .
فوزية بضيق : اوووف بقى هو انا ياواد انت كل ماأكلمك تقولى ظروف الشغل ؟
هانى بص لابوة : ماتقول حاجه ياحج خلى الست دى تخف عنى شويه.
طه : بالراحه على ابنك شوية يافوزية الواد راجع تعبان وعاوز يأكل ويستريح مش كل مايجى تفتحى الموال دة معاة.
هانى : الله عليك ياكبير والله انت اللى فاهمنى .......... ووطى على ايد ابوة وباسها وبعدين بص لامه وكمل كلامه : انا اسف ياامى بس اعمل ايه مش بكيفى .
فوزية حضنه ابنها وطبطبت عليه بحنان جارف ودموعها نزلت : وانا كمان يابنى غصب عنى ماانت بتوحشنى يانور عينيا .
هانى : ربنا يخليكى ياست الكل وماتحرمش من حضنك دة.

ندى كانت بتتمشى فى العزبة ومرت جنب الشقة اللى كانوا قاعدين فيها هانى وعيلته وسمعت بالصدفة الكلام اللى دار بين هانى واهلة حست قد اية هو حنين على ابوة وامة راحت لهم واستاذنت وخبطت عليهم.


ندى : احم ممكن ادخل ؟

فوزية : اتفضلى يابنتى المكان كله بتاعكم اصلا يااهلا وسهلا .
ندى بصت لهانى وابتسمت : علشان خاطرى ياطنط تسامحيه انا بالصدفه سمعت الكلام اللى دار بينكم ارجوكى مش تزعلى من هانى هو انسان كتير محترم اوى وانا احترمته اكتر علشان بيعمل خاطر لزعلك .
هانى بصلها وابتسم وهى كمان ابتسمت له : انتو صحيح عرفتوا تربوا ........ ورجعت بصت لهانى من تانى وكملت : احمممممم لو سمحتى ياطنط ممكن اتكلم مع هانى شوية ؟
فوزية بصتلها وبعدين بصت لابنها وفهمت فابتسمت من سكات وبعدين كملت : اه اوى اوى ياروح طنط هانى شوف ندى عاوزة اية .
هانى : تحت امرك اتفضلى .

ندى : تعالى معايا ......... وفعلا هانى طلع معاها وهما طالعين قابلت ابوها .

محمد : حمدا لله على سلامتك ياهانى .
هانى سلم عليه بحرارة : الله يسلم حضرتك .
ندى بجرأة : معلش يابابا انا عاوزة اتكلم شوية مع هانى لوسمحت ومش هانبعد بعيد .
محمد بغيظ من تصرفات بنته وقرب من هانى واتكلم بلغة تحذير :ماشى بس ماتبعدوش بعيد فاهمنى ياهانى؟
هانى : حاضر مش هانبعد بعيد
هانى وندى اتمشوا مع بعض فى العزبة وفضلت ساكته كتير اضطر هانى يقطع الصمت دة فاتكلم .
هانى : مالك ياندى خير كنتى عاوزانى فى حاجه؟

ندى دموعها نزلت كتير وبصتله وبحزن مالى قلبها : انت اكيد عاوز تعرف ايه اللى كان بينى وبين حازم .

هانى كان بيتغاظ اوى لما يسمع اسم حازم ومع ذلك تمالك نفسه : ندى دى حرية شخصيه وعمرى ماهاتدخل فى حياتك ابدا انا كل اللى طلبته منك انك تفتحيلى قلبك مش اكتر وعلى فكرة انا عارف كويس اوى انك لسه بتحبيه لكن للاسف اختيارك ماكنش مبنى على الصح من الاول .

ندى وهى لسه بتعيط : كان كل شىء فى حياتى قابلنا بعض فى احدى النوادى الترفيهيه حكالى قد ايه ظروفة صعبه وان ابوة وامة سابوة مع جدته بحكم ظروف شغلهم حبيته بجد وفى الاخر كان عاوز يفترسنى

هانى قرب منها ومسح دموعها بايدة وبص فى عينيها واتكلم بعتاب .
هانى :اولا من هنا ورايح مش عاوز اشوف دموعك دى تانى ثانيا ودة الاهم انك لازم تعتبرى ان حازم بقى مجرد ماضى وانتهى كأنك مش عرفتيه من الاساس لان للاسف طلع انسان ندل وجبان وبدل ماتبكى علية لا افرحى ان ربنا كشفة على حقيقته انسيه ياندى او حتى لو مش نسيته الايام كفيله انك تنسيه .

ندى بصتله باستغراب وكلمت نفسها : معقول لسه فى ناس بطيبه هانى كدة

ندى وهانى اتمشوا فى جنينه العزبة وكان اغلب كلامهم مابيخلاش من القاء النكت والهزار من جانب هانى لها كان بيحاول يطلعها من حاله الحزن اللى هى فيها وبعدين قطف لها وردة واعطها لها وشكرته عليها لكن دموعها نزلت من تانى وهو اتنهد بضيق وقفل عينه وحزين علشانها واتمنى لو خباها جوة صدرة بس طبعا ماكنش ينفع لان مافيش اى نوع ارتباط مابينهم اما محمد فكان واقف من بعيد وراح لهم وهو متغاظ من تصرفات بنته واتكلم بحدة.

محمد : والله عال ياهانى ياابن عم طه ازاى تسمح لنفسك تهزر وتضحك مع بنتى بالشكل الله بس العيب مش عليك العيب على بنتى اللى مابتتعلمش ابدا.

ندى انتبهت وحطت وشها فى الارض بخجل واتكلمت بأسف : بابا انا انا اسفة .

محمد بحدة :مش عاوز اى كلام او اى اعتذار انتى قلتى انك عاوزة تتكلمى معاة مش تبقوا بالشكل دة اتفضلى ارجعى الشقه وبعدين لنا كلام تانى مع بعض ....ندى مشيت ومحمد كان بيجز على اسنانه من الغيظ والغضب.

هانى اخد محمد على جنب واتكلم : بص حضرتك من غير لف ولادوران انت عارف كويس اوى انى بحب بنتك من قبل حتى ماتنفصل عن حازم دة اولا ثانيا وهو دة الاهم انا عاوز اخطب بنتك وبطلبها منك رسمى اهوة وانا اوعدك انى هاكون سندها وحبيبها وكل دنيتها .

محمد مسكه من هدومه واتكلم بحدة : عارف انك متنيل بتحبها بس اقسم بالله ياهانى لو عيطت بسببك ودينى ماهرحمك وبعدين انا لسه ماوفقتش مش يمكن ارفضك واقولك لا .

هانى بثقه : خد وقتك ياعمى انا عن نفسى مش مستعجل ..... ضحك وبعدين كمل بخبث : بس انت لازم توافق لانى بصراحه كدة انا خايف ان بنتك تحبنى ولو طلبت منى انها تتجوزنى مش هاتردد وهاتجوزها سواء برضاك او غصب عنك .
محمد بغيظ ومسكه من هدومه بقوة : انت بتتحدانى ياواد انت ؟

هانى : بهزر معاك ياعمى لا طبعا مش تحدى بس حضرتك لازم تفهم انى يهمنى فى المقام الاول والاخر سعادة بنتك وانا متأكد انى هاقدر اسعدها .

محمد كان عارف ومتأكد ان هانى غارق فى حب بنته ندى بس كان بيختبرة .
محمد : وانا موافق مبدئيا بس انا حذرتك اهوة اياك ثم اياك تبكى بنتى بسببك ادينى نبهت عليك .
هانى بابتسامه : ماتقلقش على ندى دى فى عينيا .
محمد بيستفزة : امممم طب سيبنى أفكر .
هانى بابتسامة جانبية : وانا قلت لحضرتك على راحتكم خالص انا مش مستعجل .

ندى كانت واقفة من بعيد بس كانت بتحاول تكتم ضحكتها لانها حست براحه كبيرة من اسلوب هانى فى تعاملة مع ابوها وحست انها مع الوقت ممكن تحبة وتتعلق بيه وتنسى حازم واللى كان عاوز يعملة معها .


فى شركه جاسم .

امجد راح الشركه وكان اول حاجه يعملها انه يروح على مكتب جاسم الاول ولقاة مشغول جدا .
امجد : يلا ياجاسم سيب الاوراق اللى فى ايدك دى الميتنج هايبدأ .
جاسم : ثانية واحدة ياأمجد هابعت الفاكس دة الاول قبل ماندخل الميتنج علشان الشركه المنافسة طلبه طلبية اللحوم ومستعجلين عليها وكمان مش عاوزهم يقوموا يحذرونى تانى بابلاغ الجهات المعنية بقفل الشركه انا مش ناقص اى مشاكل تانى .

امجد : ماشى ........... وفعلا جاسم بعت الفاكس عن الاسعار الخاصة باللحوم وكمية التخزين بانواعها وكان رد الشركة المنافسة بانها على استعداد تام بتوريد وتخزين البضاعة فى اسرع وقت . جاسم اتنهد بارتياح انهم بيقبلوا عروض شركته وبعد شوية هو وامجد راحوا الاجتماع وفضلوا يتشاوروا عن عدد المصانع الخاصه باللحوم وايه هى الامكانية فى توسيع المصانع دى علشان الاسهم فى شركه جاسم تتوسع اكتر واكتر وبعد حوالى تقريبا ساعتين مع التفاوض مابين الشركات وعملائهم خلص الاجتماع على خير ورجعوا المكتب من تانى .


جاسم كان ماسك دماغة : اااااه يانى انا صدعت من كتر رغيهم كان يوم صعب جدا وطويل .

امجد : خلاص اليوم عدى على خير يلا بقى روح القصر او ارجع العزبة ريح يومين وابعد عن دوشه الشغل شوية .
جاسم : ياريت بس ماينفعش اروح القصر دلوقتى ثانيا علشان ارجع العزبة لسه قدامى ساعتين بالعربية ثالثا ودة الاهم انت نسيت انى مواعد داليا انى هاروح لها الفيلا الاول علشان اخدها تعمل شوبنج وتجيب اللى هى عاوزاة .
امجد بضيق : انت عاوز رايى ولالا .
جاسم بزهق : فى اية ياامجد ؟

امجد : بصراحه انا مش فاهم انت ليه خاطب البنت دى هى اينعم جميله وحلوة واى حد يتمناها بس بصراحه مش بطمن لالها ولابوها خدها نصيحه منى كصديق واخ لك خد بالك منها كويس اوى ياجاسم داليا دى مش سهلة ميغركش كلامها الناعم واسلوبها السهل لان اسلوبها مش بيعجبنى واكتر من مرة وهى بيتجى هنا الشركه والاحظ نظراتها الغريبه ليا او لاى راجل هنا وكمان ابوها راجل مش سهل وحويط وماتنساش انه منافس لنا فى السوق .


جاسم بضيق : ايه الكلام الغريب اللى بتقولة دة ياامجد لالا مش ممكن تكون بتعمل كدة ابدا .

امجد بحزن : انا عمرى ماكدبت عليك فى حاجه قبل كدة ياجاسم ؟
جاسم : لا بس انا متأكد ان داليا مش ممكن تكون بتعمل كدة ثم انها بتحبنى ولايمكن ترضى تزعلنى .
امجد اتعصب واتكلم بنرفزة: ها بأمارة اية ها بأمارة لما لقيتها ماشيه مع شريف ابن خالتها ولولا انك شوفتها كانت ممكن تكدب عليك وتقولك محصلش .
جاسم ضرب على سطح مكتبه بحدة : امجد لحد هنا وكفاية انا مش هاسمحلك انك تتكلم عنها بالطريقة دى وماتنساش ان اللى بتتكلم عنها دى تبقى خطيبتى .
امجد بنفس بنرفزة : بص انا حذرتك وخلاص بس ماترجعش تندم وتقول ياريتنى سمعت كلام صاحبى ..... سكت شويه وبعدين كمل كلامه : اه بالمناسبه انت كنت حكيتلى ان فى بنت وعيلتها قاعدين عندكم فى العزبة واعتقد ان اسمها مايسه صح .

جاسم : ايوة فعلا انا كنت حكيتلك عنها بس مش فاهم ايه اللى دخل دى فى دى اقصد يعنى مال مايسه بداليا دلوقتى .

امجد : جاسم ممكن اسالك سؤال وارجوك تجاوبنى علية بكل صراحه .
جاسم بزهق : امجد ادخل فى الموضوع وخلص انا مش فايق لاسئلتك دى وكمان داليا مستنيانى .
امجد : هو فى حاجه بينك ومابين مايسه ؟
جاسم ارتبك وفضل ساكت شوية وبعدين واتكلم: لا طبعا انت مخك راح لبعيد اوى كل اللى بينى وبين مايسه انى بأعتبرها مجرد صديقه مش اكتر .
امجد قرب من جاسم وحط ايدة على المكتب وقرب من صاحبه ضيق عينه : بس ؟

جاسم رفع وشه واتكلم : ايوة طبعا بس وبعدين ماتدخل فى الموضوع على طول انت عاوز تقول ايه ؟

امجد : جاسم انت طول عمرى صاحبى وصديق عمرى ومش بتخبى عليا حاجه صح .
جاسم بنفاد صبر : برضه ماقلتش انت عاوز تقول اية قول ياامجد وخلصنى .
امجد : بلاش تلعب على مشاعر مايسة طالما انت مرتبط بداليا .

جاسم باستغراب : انت غريب اوى النهاردة ياامجد وكلامك اغرب مين قالك انى بأضحك علي مايسه وبلعب على مشاعرها انا لسه قايل لك انها صديقه وبرتاح فى الكلام معاها مش اكتر ومش معنى انى بتكلم معها ابقى بحبها او بلعب على مشاعرها .

امجد بص لصاحبه اللى كانت عينه بتقول عكس اللى بقولة لسانه: امال الحالة اللى انت فيها دى تسميها ايه ها ؟
جاسم بزهق: مال حالى بس ماانا زى الفل قدامك اهوة .
امجد : انت بتضحك على نفسك ياجاسم امال ليه على طول سرحان ومش مركز فى الشغل وكمان لما داليا بتفضل ترن عليك كتير يااما مابتردش يااما قافل موبايلك جاسم انا صاحبك وعاوز مصلحتك بلاش تلعب على الاتنين مادامت مرتبط يبقى لازم تبعد عن مايسه وفورا علشان مش تحبك وتتعلق بيك ومحدش هايتعب ولاهايتعذب فى الاخر قدها وانت اللى هتاخد ذنبها انا نصحتك وخلاص .

جاسم بزهق : استغفر الله العظيم يارب امجد خلاص خلصت كلامك وبعدين ياسيدى انا حر سيبنى بقى علشان انزل للى عمالة تزن من الصبح دى يلا سلام .

امجد بقله حيله : ربنا يهديلك نفسك ياصاحبى .

جاسم نزل من الشركه وركب عربيته وهو بيفكر فى كلام صاحبه جوة حرب والحيرة ملهاش اول من اخر وهل فعلا ممكن يجى يوم على مايسه تحبه وتتعلق بيه وهو اصلا مرتبط بغيرها كل الافكار دى درات فى دماغة سببتله صداع فوق الصداع اللى عندة بسبب الشغل فضل سرحان وبيفكر فى كل كلمه لحد ماوصل للفيلا وداليا ركبت جنبه بدلع وملست على شعرة .


داليا : حبيبى حبيبى حبيبى وحشتنى اوى .

جاسم ضحك : لحقت اوحشك دة انا لسه يدوبك مكلمك من ساعتين بالظبط .
داليا بمسكنه : برضه بتوحشنى وفى كل وقت انا بحبك اوى ياجاسم ... وقربت وباسته من خدة وهو بصلها وسكت .
جاسم : طب شوفى كنتى عاوزة تيجبى ايه .
داليا بحماس : اوك حبيبى يلا .......... جاسم وصلها لسنتر كبير واشترت كل اللى نفسها فيه .

داليا : حبيبى لسه كمان فى شنطه هناك اهى عاجبانى هاروح اشتريها علشان تمشى مع باقى الطقم .

جاسم بضيق : ماكفايه بقى ياداليا دة انتى تقريبا ماسيبتيش حاجه الا لما جيبتها هاتعملى ايه بالحاجات دى كلها .
داليا بحزن مصطنع : اخص عليك مستخسر فيا حاجه عاجبانى انت مابتحبنيش ومستكتر عليا الشنطه دى حتى سعرها مش بطال ب1000 جنيه بس يعنى تمن خروجه كويسه .
جاسم اتنهد : لا خلاص هاتى ياستى اللى يعجبك وكل اللى نفسك فيه .
على ماخلصت داليا شراء حاجات لها جاسم راح للكاشير علشان يحاسبه واتفاجأ من رد الكاشير عليه .
الكاشير : يبقى الحساب الاخير يافندم 10000الاف جنيه .

جاسم بصله ببلاهة وعينه وسعت على اخرها : افندم قلت ايه سمعنى تانى لو سمحت .

الكاشير : بقول لحضرتك الحساب 10000الاف جنيه .
جاسم : ليه دى حاجات بسيطه مش مستاهلة المبلغ دة كله.
الكاشير : هى ممكن فعلا تكون حاجات بسيطه لكن تمنها غالى اوى حضرتك .
جاسم بقله حيله واتنهد بضيق : ماشى اتفضل الحساب اهوة .
جاسم حاسب الكاشير واخد حاجاتها وحطها فى شنطه عربيته وهو متضايق اوى وعلى اخرة منها ووصلها لحد الفيلا وبعدين رجع القصر وطلع على اوضته واخد شاور سريع ورجع علشان ينام بس افتكر كلام صاحبه امجد وتحذيرة من داليا وتصرفاتها غير المسؤله فضل صاحى شويه وبعدين غلبه النوم تانى يوم الصبح داليا عماله ترن عليه وهو صحى على صوت موبايله اللى مابطلش رن وفى الاخر اضطر يرد وهو لسه نايم .

داليا بدلع :صباح الخير حبيبى .

جاسم بصوت نعسان : اهلا صباح النور ازيك ياداليا .هى الساعة كام دلوقتى ؟
داليا : ياسيدى الساعة دلوقتى 12 ونص الضهر .
داليا وهى بتبص لابوها وغمزتله وهى بتكلم جاسم : حبيبى ايه رايك نعمل شوبنج زى بتاع امبارح .
جاسم اتعدل من نومته واتكلم بعصبيه : لا ياداليا وبعدين انا مش فاضى للعب العيال بتاعك دة كل يوم هاتعملى شوبنج وانا اللى بدفع فى الاخر هو حد قالك انى حرامى وبسرق وبعدين انا النهاردة ورايا شغل كتير وهاخلص الشغل وارجع العزبة لانى سايب بابا وندى هناك .

داليا بتلطف الجو : حبيبى اهدى ريلاكس مش كدة انا مقصدش حاجه .... سكتت شويه وبعدين كملت كلامها : خلاص بلاش شوبنج ايه رايك اجى معاك العزبة اهو بالمرة اغير جو .

جاسم وهو بيفرك ايدة بعصبيه : اوك اوك لما اخلص شغل هابقى ارن عليكى سلام بقى .وقفل تليفونه وهو بينفخ
جاسم : اووووووف ياساتر مابتبطلش طلبات .
جاسم قام اخد شاور ولبس هدومة ونزل ركب عربيه وهو مخنوق وزهقان وراح على الشركه ودخل مكتبه وشويه ودخله امجد وشافة وهو على اخرة .
امجد : داليا صح ؟
جاسم بعصبيه: انا زهقت ياامجد كل يوم عاوزة تعمل شوبنج أكنى بسرق مش بجيب الفلوس دى من عرقى وتعبى فى الشغل انا مش فاهم هى بتعمل ايه باللبس والميك آب والشنط دى كلها دى ممكن تفتح بيهم محل وتكسب منهم .
امجد : علشان انت عودتها على كدة .

جاسم : امجد ارجوك نقطنى بسكاتك انا فيا اللى مكفينى وزيادة لو سمحت خلينا نخلص من الشغل ده علشان ارجع العزبة .

جاسم خلص شغلة وطبعا بعد زن والحاح من داليا اضطر يخدها معاة العزبة واول مادخل عينه لمحت مايسه وهى قاعدة جنب حوض الورد بس المرة دى كانت قاعدة على كرسى صغير وكانت بترسم لوحة حلوة وداليا لاحظت قد ايه نظراته لمايسه وانه مهتم بيها وبالرغم ان مايسه نفسها كانت مشغولة ومش عارفة ان جاسم وصل العزبة الا ان داليا اتغاظت منهم واتكلمت بحدة .
داليا بحقد: اووووف بت بيئه اوى.
جاسم بغضب : قلتلك ميت مرة مالكيش دعوة بيها ماتسيبها فى حالها هى يعنى كانت عملتلك ايه ها .
داليا حطت ايديها فى خصرها وزعقت علشان تسمع مايسه : وكمان بتدافع عنها ؟
مايسه سمعت الكلام اللى بتقوله داليا عليها راحت لها وقربت منها واتكلمت بكل تحدى .

مايسه : انا لو مش عاملة اعتبار لوجود محمد بيه وابنه اللى خيرهم مغرقنا واللى اكرمونا عندهم انا كان بقى ليا تصرف تانى معاكى وصدقينى مش هايعجبك بس انا عامله احترام للناس المحترمة دى .

داليا بحدة : انت ازاى تكلمينى بالطريقه دى يابت انتى يافلاحه ها وبعدين ورينى كده هاتعملى اية لو شاطرة.
مايسه كانت بتحاول تكتم فى نفسها علشان الامور ماتتصاعدش اكتر من كدة بس للاسف مقدرتش على اهانه داليا لها .
مايسه: كنت عرفتك مين هى مايسه البحراوى لو كنتى نسيتى ...... وبصت لها بقرف وسابتها ومشيت .
داليا وهى بتبص لجاسم : عجبك اللى قلته البت دى عليا دة بدل ماتضربها .

جاسم بحدة : واضربها ليه هو حد كان قالك انى بلطجى مثلا علشان امد ايدى على واحدة موجودة عندنا فى العزبة وفى حمانا وبعدين الصراحه هى معها حق .

داليا بحقد : معاها حق تانى بتدافع عنها ياجاسم ؟
جاسم : انتى اللى جيبته لنفسك وسبق وقلتلك قبل مانوصل العزبة خليكى فى حالك ومتجيش جنبها وبعدين انا مش شايف انها غلطت فى حاجه واحدة وبتدافع عن اهنتك لها فطبيعى ان يكون دة ردها عليكى انا اسف انى بكلمك كدة بس انتى اللى بدأتى وغلطتى فيها مش هى و يلا اتفضلى بقى علشان بابا مستنينى .
داليا بتوعد لمايسه وبتكلم نفسها : ماشى يازفته الطين انتى ياللى اسمك مايسه انا وراكى والزمن طويل ان ماكنتش اخليكى تقولى حقى برقبتى مابقاش انا داليا ومش داليا السويفى اللى تنكسر و حته بت زيك لا راحت ولاجت يتعمل لها حساب وبكرة هاتشوفى اللى عمرك ماشوفتيه .

خلصت حلقتنا وفى نار قايدة مابين مايسه وداليا اللى جبروتها وشخصيتها المستفزة واستغلالها لجاسم ومابين مايسه اللى بتدور على راحتها وراحه اهلها وحيرة جاسم مابين داليا المتسلطه وهدوء وادب واحترام مايسه اللى يجبر اى حد انه يحترمها ويقدرها بس ياترى ايه اللى مخبياه الايام بالنسبه لابطالنا ..
رواية ما بعد الرحيل للكاتبة ياسمين أحمد الفصل الثامن

الكل كان موجود فى عزبة المنصورى جاسم وندى وابوهم وداليا وطبعا اللى كان بيشرف على تقديم الطلبات كلها من اكل وشرب كانت مايسه وامها وطبعا كانت بأوامر من ابوها اللى طلب منهم كدة وبعدين راح علشان يتابع الشغل فى المزرعة .


فوزية : يلا يابنتى ايدك معايا نعمل الاكل لمحمد بيه واولادة علشان عازمين داليا خطيبه ابنه جاسم .


مايسه بضيق وعصبيه : ماما ارجوكى انتى عارفانى كويس انا مابحبش اشتغل بالطريقة دى ولو كنا بنعمل كدة فأحنا بنعمل كدة لما بابا طلب منا كدة وكمان لازم نعملة بطيب خاطر مش فرض علينا ومش معنى ان بابا بيشتغل فى عزبة محمد باشا اننا كمان نشتغل عندهم ليه يعنى ملناش كرامة وبعدين انا مش اقل من ندى ولا من الست داليا خطيبه جاسم اللى على رجلها نقش الحنه وحاطه مناخيرها فى السما على ايه انا مش فاهمة دى حتى تقيله على قلبى اوى.

فوزية : وبعدين معاكى يامايسة يابنتى انتى على طول تعبه قلبى معاكى كدة الراجل واولادة كويسين معانا واظن ان تعاملهم معنا زى الفل ليه كل شوية تتكلمى بالطريقة دى عليهم .

مايسه: حبيبتى انا اسفة مقصدتش انك تزعلى منى بس انا بقولك اللى المفروض يحصل .

فوزية :طب على الاقل اعملى احترام ليا او حتى للراجل اللى فاتح لنا دراعاته وسكنا عندة فى الشقة دى واللى بيكرمنا وقال لنا اقعدوا براحتكم ومحدش هايمشيكم من هنا مايسة يابنتى ماتخلنيش ازعل منك فكرى كويس فى الكلام اللى قلتهولك وبعدين انتى شايفة بنفسك لاالراجل ولااولادة حد بيعاملوكى وحش يبقى تسمعى الكلام علشان خاطر امك حبيبتك .

مايسه بقله حيله : حاضر ياماما امرى لله .

فوزية :ايوة كدة خليكى انتى الاحسن ماشى ياحبيبتى .
مايسه بنتهيدة : حاضر ياماما .
فوزية : يلا تعالى معايا علشان نجهز لهم الاكل .

وبدات مايسه فعلا تعمل الاكل هى وامها وبعد فترة كبيرة كان الاكل تقريبا خلص وبدات مايسه ترص الاطباق والشوك بطريقة احترافية ومنمقه فى الوقت دة كانت داليا لسه صاحيه من النوم وشافتها وهى بترص الاطباق وهى عمالة تغنى وتدندن .راحت لها وحبت تغيظها .


داليا بتريقة : اها انتى صحيح صدقتى نفسك ولاايه عاملة نفسك فنانه فى تحضير السفرة ...... وقربت منها وهمست فى ودنها بغل : اوعى تنسى نفسك يابت انتى ..... وبعدين علت صوتها علشان تحرجها : انتى يدوبك حته خادمه هنا لارحتى ولاجيتى انتى بتشتغلى هنا انتى وعيلتك فاهمه ولالا .


مايسه بتحدى وعند : اولا دى عزبة محمد باشا ثانيا انا مش خادمه عند حد ثالثا الحمد لله انا بعرف اعمل كل حاجه بايدى ومش مستعدة حد يعدل عليا ويقولى اعملى ايه وماتعمليش ايه مش زيك طول الوقت على الفاضى والمليان تفضلى تحطى مناكير وبدى كير وتصحى العصر وتفضلى تأمرى وتنهى فى خلق الله .


داليا قربت منها وشدتها من شعرها بكل عنف واتكلمت بحدة وغيظ وزعقت فيها : بت انتى المرة دى انا هاعديها لكى بمزاجى لكن لو قليتى ادبك عليا المرة الجايه اقسم بالله هاقلع اللى فى رجلى واضربك بيه اه ماتنسيش نفسك واعرفى انك بتكلمى اسيادك .


مايسه بالم : اااااه سيبى شعرى يامفترية وبعدين ايه اللى ممكن تعمليه ها انتى متقدريش تعملى اى حاجه .

داليا بغيظ وهى لسه ماسكها من شعرها وبتتكلم بعصبيه : لا انا ممكن أعمل فيكى كتير لو فضلتى تعاندى معايا........ ولسه هاتكمل زعيقها بس كان جاسم جه على صوتها العالى وراح ناحيتهم واستغرب حدتها وعصبيتها الغير مبررة.

جاسم : فى ايه ياداليا مالك كدة بتخانقى فى دبان وشك كدة ليه على المسا .دة حتى صوتك جايب اخر الدنيا

داليا بدموع مزيفة : اهىء اهىء اهىء شايف ياجاسم البت دى بتقل ادبها عليا أزاى .

جاسم بصلها وفهم هى بتفكر ازاى بص لمايسه وبعدين رجع بصلها :سيبى مايسه فى حالها وخليكى فى حالك انا بصراحه مستغرب جدا منك لحد دلوقتى ومش فاهم انتى بتعامليها كدة لية ؟


داليا بتأفف :وانت على طول بتدافع عنها ليه دة بدل ماتطردها هى وعيلتها بره العزبة بتلومنى دى حتى بت مستفزة عاوزة تعمل نفسها هانم عليا وهى حته بنت فلاحه شغاله هى وعيلتها عندكم .


جاسم نفخ واتكلم بعصبيه : وانا للمرة المليون بقولك مالكيش دعوة بيها يارب نفهم .


جاسم قرب من داليا ومسك ايدها وفلت ايدها من شعر مايسه وبص لمايسه واتكلم بمنتهى الاسف والادب : روحى انتى دلوقتى يامايسه ومعلش انا بتاسف لكى جدا .


مايسه بتحدى وهى بتبص لداليا : مش المفروض انك انت اللى تعتذرلى اللى غلط فى حقى هو اللى يعتذر .

داليا وهى بتبص لمايسه بحقد وغل : غورى يابت من وشى الساعة دى لان عفاريت الدنيا بتتنطت قدامى لا حسن والله ماهرحمك وهاشدك من شعرك تانى بس المرة الجايه هاخلعة فى ايدى انتى فاهمة ولالا .

مايسه بعند :لوكنتى شاطرة ورينى هاتعملى كدة ازاى .

جاسم بغضب واتنرفز عليهم : بس كفايه ايه شغل العيال بتاعكم دة انتم حتى مش عاملين اى احترام لحد ابدا
مايسه بضيق وهى بصه لداليا بقرف وبعدين بصتله واتكلمت باسف : انا اسفة ياجاسم بيه وعن اذنك انا فعلا لازم امشى احتراما لك وعلشان عامله خاطر لك انت بس لكن لو عليا كنت عرفت اخد حقى كويس من الهانم خطيبتك . وسابتهم ومشيت وهى متعصبه وعلى اخرها .
جاسم بص لداليا واتكلم بضيق : عاجبك اسلوبك دة داليا للمرة الاخيرة بقولك ايه اللى بينك وبين مايسه بالظبط علشان تعامليها بالاسلوب دة ومن غير كدب ؟

داليا بكبرياء وغرور : وهايكون فى ايه بس جاسم .

جاسم قرب منها وبصلها بحدة: والله انتى اللى تقوليلى .
داليا بعدم تبرير :ابدا والله ياحبيبى كل مافى الامر انى مابحباش وخلاص .
جاسم : على كيفك بس خدى بالك طول ماانتى بتتعاملى بالطريقة دى مع الناس هاتبعدينى عنك من غير ماتاخدى بالك .
داليا لفت ايدها حوالين رقبه جاسم واتكلمت بمسكنه: لا حبيبى اوعى دة انا داليا حبيبتك مش كدة ولاايه .
جاسم : اذا كنتى فعلا بتحبينى يبقى لازم تحترمى الناس اللى موجودين هنا سواء كان صغير او كبير .
داليا بنتهيدة : ماشى اوك حاضر بس خد بالك انا مش هاقدر استحملها كتير .

جاسم ونفخ بضيق : يعنى برضه مافيش فايدة فيكى ولاكأنى قلت لسه قايل حاجه .......... وجه علشان يسيبها بس هى شدته من دراعة وقربت منه اوى .

داليا : حبيبى رايح فين ؟
جاسم بزهق : هاروح اشم شوية هوا ولا فى دى كمان عندك اعتراض .
داليا : استنى انا جايه معاك .
جاسم بضيق: سيبنى دلوقتى لو سمحتى ياداليا .
داليا بزهق : ماشى حبيبى هاسيبك براحتك .

مايسه كانت واقفة فى المزرعة حزينه وبتعيط وندى شافتها من بعيد قربت عليها وطبطبت عليها .

ندى : مالك يامايسو بتعيطتى ليه ؟
مايسه انتبهت ومسحت دموعها :ابدا ياندى مافيش حاجه .
ندى قربت وبصت فى عينيها : مش عارفة ليه مش مصدقاكى .
مايسه : مافيش حاجه والله ماتقلقيش وبعدين انتى كنت فين ؟
ندى : كنت بتمشى شوية اممم داليا اللى زعلتك صح .
مايسه بصتلها باستغراب : انتى عرفتى ازاى ؟

ندى : كنت بتمشى وسمعتها بالصدفة وهى عمالة تزعقلك وسمعت كمان اهانتها لكى معلش حبيبتى اصل دة طبعها حاطه مناخيرها فى السما ودايما بتعامل الناس بدنياوية كبيرة معلش حقك عليا وخليكى انتى اكرم واحسن منها .

مايسه بنتهيدة: حاضر ياندى علشان خاطركم انتو بس .
ندى حضنت مايسه بقوة وحنان : يسلم خاطرك ياقمر انتى بصى يامايسه هاقولك على حاجه مهمة جدا داليا بالرغم من جمالها اللى يسحر اى قلب بس صدقينى من هنا مش حلوة ....... وشاورت بايدها ناحيه القلب .

مايسه ضحكت ومردتش وبعدين بعد شويه اتكلمت: غريبه مع انها واكله عقل جاسم وبعدين الصراحه مش عارفه هو بيحبها على ايه ؟

ندى : واكله عقله زى ماقلتى .
مايسه : على العموم كل دة مايهمنيش انا كل اللى يهمنى ان محدش مهما كان انه يقلل من كرامتى .
ندى : خلاص حبيبتى حقك عليا انا بالنيابه عنها .
مايسه : مافيش داعى للاعتذار ياندى اللى غلطت فى حقى تعتذرلى هى .

جاسم كان بيتمشى وهو متضايق من تصرفات داليا مع الناس وتعاليها عليهم وبيسال نفسه ياترى هايفضل يستحملها لحد امتى وهو ماشى وبالصدفه سمع الحوار اللى دار بين ندى ومايسه قرب منهم من غير مامايسه تاخد بالها غمز لاخته بس هى عملت نفسها مش فاهمة جز على اسنانه وبصلها بتحذير وشاور لها تمشى وفى الاخر استسلمت.


ندى : ااااا طب عن اذنك يامايسه اصل فى مكالمه مهمة جدا ولازم ارد عليها هارجعلك تانى.

مايسه : اتفضلى حبيبتى على راحتك خالص .... وسابتها ومشيت وجاسم جه من وراها قرب منها اوى .
جاسم بصوت كله حنان ودفىء :ارجوكى يامايسه مش تزعلى حقك عليا انا.
مايسه حست بدفىء وجودة ووحست برعشه وقلبها كان بيدق بعنف بسبب قربه منها واتكلمت من غير ماتلتفت له : حصل خير وبعدين مافيش داعى انك تعتذر طالما انت ماغلطتش فيا.
جاسم التفت لها وبصلها بحنان ورفع وشها له وبعد خصله من شعرها ورا ودنها : لابقى ماحصلش خير ولكى عليا هاجيبلك داليا لحد هنا وتعتذرلك بنفسها وقدامنا كلنا
مايسه بعدت ايدة عنها وكملت: لالالالا بلاش لو سمحت .
جاسم : اللى يغلط لازم يتحمل نتيجه غلطه ويعتذر واللى بيغلط فى اى حد هنا أكنه غلط فيا بالظبط .

سكت شوية وبص للوحه اللى كانت بترسمها وراح وقرب وكشف القماش اللى على اللوحه وكانت شكلها حلوة اوى وعاجبته : وااااااااو جميله بجد انتى فنانه هايله انتى فعلا موهوبة ورسمك حلو اوى

مايسه : بجد عاجبتك اللوحه .
جاسم : عاجبتنى جدا وعلى فكرة انا مش بجامل انا بتكلم بجد لوحه تحفه جدا انتى ليه مش بتستغلى ابداعك فى الرسم دة .
مايسه : ياريت بس ازاى ؟
جاسم : اللى اعرفة انك خريجه كليه فنون جميله ليه ماتعمليش معرض لكى وتعرضى فيها لوحاتك ؟

مايسه : ان شاء الله هأفكر فى الموضوع دة عن اذنك بقى علشان اكمل باقى الاكل .

جاسم التفت لها وقرب منها اوى وبص فى عينيها باعجاب شديد وبعدين اتكلم : مايسه لو طلبت منك طلب هاتنفذيه ؟
مايسه : والله لو بأستطاعتى مش هتأخر .
جاسم بصلها بحنان : عاوزك ترسمينى .
مايسه ببلاهه : افندم ارسمك ؟
جاسم بضحك : مالك انا قلت حاجه غلط انا بقولك عاوزك ترسميلى صورة وتكبريها علشان ابقى ابروزها واحطها فى اوضه نومى لما ارجع القصر.
مايسه : زى ماتحب وقت ماتعوزنى ارسمك انا تحت امرك .عن اذنك بقى علشان ماما بتندة عليا .

وسابته ومشيت وهو مبتسم وبيفكر بينه ومابين نفسه قد ايه مايسه رقيقه وجميله وهاديه وفوق كدة بتعرف تتعامل مع الكل بآدب واحترام رجع تانى شقته اللى فى العزبة وهو سرحان وشارد ومش مركز مع حد ولاحتى مع داليا اللى كانت بتكلمه وهو فى دنيا تانيه خالص .

اما فوزيه فكانت خلصت الاكل وندهت على بنتها علشان يجهزوا السفرة لجاسم وعليته وخطيبته .

فوزية : بت يا مايسه .

مايسه بارتباك: حاضر ياماما انا جيت اهوة نعم ؟
فوزية : بقالى ساعة بندة عليكى كنتى فين ؟
مايسه : كنت بكلم جاسم خير فى حاجه ؟
فوزية : جهزى السفرة علشان نحطلهم الاكل .
مايسه : انا جهزتها فعلا من زمان ونلت من الاهانه جانب .
فوزية : خير الاهانه من مين المره دى ياترى ؟

مايسه : من الست داليا خطيبه جاسم .

فوزية : يابنتى سيبيها فى حالها مالكيش دعوة بيها .
مايسه : وهو انا كنت عملت لها ايه بس دى هى اللى بتقول شكل للبيع .مش عارفة حاطه نقرها من نقرى ليه ولاكأنى مرات ابوها .
فوزية : بقولك ايه يابنتى خلينا فى حالنا وملناش دعوة باى حد هنا خلاص ولااقول كمان .
مايسه : طيب .
فوزية :يلا حطى الاكل وبلاش غلبة وكتر كلام وسيبيهم على راحتهم وتعالى علشان نحضر لنا احنا كمان لقمه علشان ابوكى زمانه على وصول .
مايسه : حاضر ......... بدات مايسة تحط الاكل فى الاطباق وكانت داليا بتراقبها من بعيد ومتحفزة لها لحد ماانتهت وجاسم ومحمد وندى قعدوا علشان يأكلوا وعاجبهم.
جاسم : امممممم الله الله تسلم ايدك يامايسه نفسك فى الاكل تحفه بجد .
مايسه : بالف هنا وشفا .

محمد : فعلا يابنتى تسلم ايدك انتى ومامتك .

ندى : تسلم ايدك ياطنط انتى ومايسه الاكل جميل .
فوزية : تسلمى وتعيشى يابنتى ربنا يخليكى عن اذنكم بقى علشان تاخدوا راحتكم يلا يامايسه .... ولسه هايمشوا بس داليا اتكلمت بكل الغل والحقد اللى جواها .
داليا : يع الاكل وحش اوى دة غير ان الملح كتير اوى فيه دة حتى اقل من العادى انا مش شايفة فية اى جديد يعنى .
جاسم ساب من ايدة المعلقة وبصلها بتحذير واتكلم بعصبيه : وبعدين معاكى يعنى كلامى مش بيحوق فيكى ابدا .

داليا وهو بتتكلم بمسكنه : هو انا قلت ايه بس انا قلت رايى بصراحه .

مايسه بعند : طالما الاكل مش عاجبك يبقى ماتكليش منه .
داليا بحزن مصطنع : عاجبك كدة ياعمى شايف البت وقله ادبها .
محمد : الصراحه انتى اللى بتجيبى لنفسك الكلام وبعدين انا شايف الاكل طعمه حلو ويفتح النفس .
مايسه : انا مش هارد عليكى علشان عاملة احترام لمحمد بيه وغير كده كلامك مش مستاهل انى ارد بيه عليكى اما بقى فانا مش قليله الادب وعارفة حدودى كويس اوى .
فوزية : مايسه وبعدين ؟ ..... وبصت لابنتها علشان تسكت .

فوزية : على العموم كتر خيرك يابنتى وعلى العموم متشكرين اوى على الاهانه دى عن اذنكم ......... ولسه هايشموا بس محمد نده عليهم .

محمد : استنى بس ياست فوزية انا عن نفسى بأعتذرلك لكى ولابنتك .
فوزية : خلاص حصل خير يابيه ....... وسابوهم ومشيوا وجاسم فضل يبص لداليا بغضب .
جاسم : ماشى يعنى كلامى ملهوش اى اعتبار عندك على فكرة انتى كل شوية بتعملى فجوة بينى وبينك .... وقام مرة واحدة وساب الاكل كمل كلامه : انا بقى مش عاوز اكل لانك سديتى نفسى .
داليا بمسكنه : استنى بس رايح فين .

جاسم بنرفزة : رايح فى داهيه ارتحتى كدة ........ وساب لهم السفرة وطلع من تانى يتمشى فى العزبة .

محمد بصلها واتكلم بعتاب : ليه بس كدة يابنتى دة حتى الناس دول اخر احترام وذوق ليه تحرجيهم ومحساسهم انهم اقل مننا .
داليا بغل: علشان هما فعلا كدة ياعمى .
محمد بحدة وخبط بايدة على الترابيزة خلتها تخاف وتترعب .
محمد : لاياداليا مش اقل مننا ولاحاجه وعيب اوى الاهانه اللى اهانتيها للست فوزية وبنتها وواجب عليكى تعتذريلهم .
داليا بعند : لامش هاعتذر لحد انا لانى ماغلطتش فيهم اوى كدة عن اذنكم لانى تعبانه وعاوزة اطلع ارتاح فوق ..... وسابتهم ومشيت واول ماطلعت كلمت شريف .

داليا : ازيك ياشريف عامل ايه ؟

شريف : داليا حبيبتى اخبارك ايه ياعسل .
داليا بغل : زى الزفت .
شريف : طب اهدى كدة واحكيلى مالك .
داليا بدات تحكيله عن مايسه من ساعة وصولها العزبة ولحد مااتخانقوا .
داليا : انا كل مابشوفها ببقى عاوزة اخنقها بايدى .
شريف بضحك : اللى يشوفك وانتى بتتكلمى كدة يقول انك بتحبى جاسم بجد وغيرانه عليه وخايفة واحدة تانيه تنافسك فيه .
داليا : لا مش مساله منافسة بس انت عارفنى كويس الحب دة اخر اهتماماتى .
شريف : اومال ايه ياترى هى اهتماماتك دى.
داليا : ان جاسم يعجل بجوازنا علشان بابى ياخد منه كل حاجه ويقدر يرجع شركاته ويقف على رجله من تانى ويبقى له وزن فى السوق .
شريف : داليا هاتى من الاخر عاوزة توصلى ايه !

داليا : عاوزاك تقف معايا وفى صفى .

شريف : انتى عاوزة تخلصى من مايسه ولامن جاسم .
داليا بمكر : من الاتنين قولى الاول بتعرف تركب خيل.
شريف : دة انا استاذ فى ركوب الخيل بس برضه مش فاهم منك حاجه ممكن توضحيلى اكتر ؟
داليا : عاوزاك تيجى العزبة .
شريف بذهول : العزبة ؟ عزبة مين تقصدى عزبة المنصورى انتى الظاهر نسيتى جاسم عمل فيا ايه اخر مرة لما كنت ماشى معاكى .
داليا : لافاكرة كويس ومانستش .
شريف : داليا خشى فى الموضوع على طول ايه المطلوب منى ؟

داليا : انا عرفت ان جاسم عامل مسابقة خيل فى العزبة وخصص للمسابقة دى مكان عاوزاك تبقى منافس قدامه وكمان عاوزاك تهزمة .

شريف : انتى واعيه للكلام اللى بتقوليه دة ؟ كلامك دة اشبه بالانتحار .
داليا: اهى مجازفة وبعدين انت مش هاتخسر حاجه انت هاتدخل سباق الحصنه زيك زى اى واحد داخل المسابقة دى .
شريف : وياترى عاوزانى اهزمة ازاى ؟
داليا بخبث : انا اقولك بص ياسيدى ........
شريف : يابنت اللذين انتى شيطان ايوة بس ااااا .
داليا : انت مش بتكرة جاسم ؟

شريف : ايوة بتصور العمى ولااتصورهوش بس اللى انت بتطلبيه منى دة صعب وفى الاخر هايجى فوق دماغنا .

داليا بخبث : متخافش نفذ بس اللى طلبته منك
شريف : والله انا خايف لتكون نهايتى على ايدك .
داليا :لا متخافش خالص يلا بقى سلام دلوقتى وبعدين فى بينا مكالمات اوك .
شريف : اوك سلام يااحلى داليا ........ وقفل موبايله وشويه ورن تانى وكان المتصل حازم فتح ورد .
شريف بضيق : نعم عاوز ايه انت كمان.

حازم : ايه هو دة هو انا بشحت منك دة انا صاحبك من ايام الطفولة ولانسيت

شريف : حازم هات من الاخر وادخل فى الموضوع .
حازم : عندك مانع نسهر النهاردة ؟
شريف : لامعنديش مانع تحب اجى لك فين ؟
حازم : فى البار اللى بنسهر فية كل مرة .
شريف : اوك هاعدى عليك بعد نص ساعة سلام .

فى العزبة كانت مايسه بتاكل مع ابوها وامها وهى حزينه ومهمومة بسبب داليا واهانتها لها بشكل مبالغ فيه وغير مقبول .

فوزية طبطبت على بنتها بحب : معلش يابنتى انا عارفة انك زعلانه بسبب تجريح داليا لكى بس اديكى عارفة ملناش مكان تانى .
مايسه بحزن : تعرفى ياماما انا صعبان عليا نفسى اوى لانى مابحبش حد يهينى اويقلل من كرامتى بالشكل دة وخصوصا لما يبقى فى ناس موجودة زى محمد بيه وابنه .
فوزية : معلش ياحبيبتى مش تزعلى واعرفى حاجه مهمة اوى ربنا مابيرضاش بالظلم واللى يظلمك ربنا هايظلمه وبعدين روقى كدة مش هاتفضلى متضايقة كدة اقولك اطلعى اقعدى فى جنينه العزبة وارسمى وخرجى نفسك من الجو دة .

مايسه : حاضر ياماما ........... طلعت مايسه علشان تكمل رسمها بس لقت جاسم واقف وسرحان فى اللوحه اللى رسماها ومعجب جدا برسمها.

جاسم : ها يامايسه مش ناوية ترسمى ليا صورة بقى؟
مايسه : انا تحت امرك اتفضل اقعد .
جاسم قعد قدامها وبيبتسم لها وبدأت فعلا ترسمة .
مايسه بضيق : مش هاينفع كدة والله ارسمك ازاى وانت مبتسم وعمال تبصلى كدة .
جاسم وهو بيلاعب حواجبه وضحك : هههههههههه امال ازاى ؟
مايسه : وبعدين معاك بقى .
جاسم قرب منها ومسك ايديها وباسهم : ينفع كدة ؟

مايسه شهقت وبصتله بحدة : جاسم من فضلك بطل اسلوبك دة مايصحش اللى انت بتعملة دة .

جاسم وهو بيتأملها : هو انا عملت ايه بس .
مايسه :لو سمحت ابعد وارجع مكانك واقعد علشان ارسمك زى ماانت عاوز وبطل الحركات اللى بتعملها دى انت مش عيل صغير .
جاسم بجديه : انا اسف لكى انا كنت بهزر معاكى علشان اطلعك من المود اللى انتى فيه دة
مايسه: اوك انا كويسه اتفضل بقى اقعد عدل علشان اللوحه تطلع حلوة .

جاسم بحنان : عيونى لكى ......... وقعد مكانه وكان طول ماهى بترسمه كان مبتسم لها وداليا كانت واقفة فى التراس وهى بتجز على اسنانها من غيظها منهم .

داليا : ماشى ياجاسم اما خليتها ماتسواش بصله مابقاش انا داليا .
مايسه فضلت وقت كتير ترسم لجاسم صورته لحد ماخلصت رسم .
مايسه :ااااااه الحمد لله خلصت هابقى قولى ايه رايك .
جاسم بص للصورة وتنح : مش ممكن مش قادر اصدق بجد دى أكنى انا وباصص لنفسى فى المراية تسلم ايدك بجد .
مايسه : بجد عجبتك .

جاسم : عجبتنى بس دى تحفه ماحصلتش ......... وقرب منها اوى وبصلها باعجاب : واللى رسمتها تجنن اكتر.

مايسه : هااااا احنا اتقفنا على ايه .
جاسم بحزن مصطنع: هو انا عملت حاجه ماانا مؤدب اهوة .
مايسه : عن اذنك تصبح على خير .
جاسم شدها من دراعها لحد مابقت قريبه منه اوى وفضل يتأمل ملامحها باعجاب شديد وعينه مانزلتش من على شفايفها وبعدين قرب وانفاسه السخنه لفحت وشها وكان على وشك ان يبوسها بس هى كانت اسرع منه وراحت صفعاة على وشه واتكلمت بحدة.
مايسه : لتانى مرة بقولك اهوة بلاش اسلوبك دة.

جاسم بعد واتكلم بأسف: انا متاسف جدا صدقينى معرفش ايه اللى بيحصلى كل ما ببصلك عينكى فيهم سحر غريب مابقدرش اقاومة انا اسف وبعتذرلك كمان مرة .

مايسه بنفس الحدة: دة مش مبرر انك تقرب منى بالشكل دة عن اذنك .
جاسم بحزن: مش قبل ماتسامحينى انا مش عاوزك تمشى وانتى زعلانه منى ارجوكى.
مايسه : متكررهاش تانى علشان ماازعلش منك عن اذنك بقى تصبح على خير .
جاسم بابتسامه : وانتى من اهل الخير .

داليا بغيظ : ماشى ماشى .

الكل نام وداليا فضلت صاحيه طلعت جنينه العزبة لحد مالقت صورة جاسم والغيظ والغل مالى قلبها وراحت مزقتها كلها وضحكت بشر.
داليا : انا ستك وتاج راسك يافلاحه انتى ............ وطلعت نامت من تانى .

شريف راح البار لقى حازم عمال يشرب لحد مابقى سكران من كتر الشرب هز راسه بيأس وراح قعد جنبه واتكلم بزهق وضيق.

شريف : كفايه ياحازم دة تالت كأس تشربه مالك .
حازم : جوايا نار قايدة ياشريف مش راضيه تتطفى.
شريف : من ايه ؟
حازم : من بنت المنصورى طارت من ايدى .
شريف : ندى ؟
حازم : ايوة بس بعد مااخدت علقة موت من ابوها واخوها وواحد كمان كان بيدافع عنها .
شريف : احكيلى ازاى دة حصل ؟

حازم بدا يحكيله كل اللى حصل من يوم ماتعرف على ندى لحد ماانقذوها منه من محاولة اغتصابها .

شريف : امممممم بص ياحازم انا جتلى حته فكرة انما ايه جنان .
حازم : قول بسرعة وحياه ابوك .
وبدا شريف يقول له على الخطه اللى هاينفذها كويس .
حازم : يابن الشياطين تصدق فكرة ساعات دماغك دى بتعجبنى اوى .
شريف : ولسه كتير هاعملة فيهم بس الاول نخلص من الخطه دى وبعدين نفكر ننفذ الباقى ازاى وفضلوا هما الاتنين يفكروا بخبث ودهاء الشياطين .

فى العزبة النهار طلع ومايسه كعادتها فطرت وافتكرت الصورة اللى رسمتها لجاسم وراحت لها واتسعت عينيها بذهول لما لقت الصورة متمزقه ومرمية فى الارض فضلت تعيط كتير لان تعبها راح على الفاضى وجاسم راح لها وشافها وهى قاعدة على الارض بتعيط وحزن علشانها واتعصب لان اللوحه باظت.


جاسم بعصبيه : مين اللى عمل كدة ؟

داليا من وراه وبغيظ : انا اللى مزقتها .
جاسم بصلها بغضب : انتى اكيد اتجننتى انتى ليه عملتى كدة ها انطقى.
داليا بحدة : انا عملت كدة علشان محدش يخدك منى .
جاسم : وانتى فاكرة انك لما تعملى كدة هاتخلينى ماابعدش عنك ؟ انت كل مرة بتكسرى كلامى ولاهمك حد وبعدين هى ذنبها ايه علشان تبوظى تعبها بجد انا ماعنتش فاهمك ولا فاهم انتى بتفكرى ازاى
داليا : انا خايفة تأخدك منى .
جاسم : داليا بلاش شغل الجنان بتاعك دة .

داليا : علشان بحبك وخايفة واحدة تانيه تاخدك منى ابقى مجنونه .

جاسم بنفاد صبر : ايوة مجنونه ومش بس مجنونه انتى متخلفه علشان ضيعتى تعبها يلا اعتذرى لها حالا على اللى عملتيه امبارح لها واهانتك لها ولمامتها ودلوقتى علشان مزقتى الصورة وضيعتى تعبها .
داليا بعند وتحدى : مش هاعتذر ياجاسم لوحدة زى دى .
مايسه باصرار : وانا مش عاوزة اعتذارك دة لانك ماتهمنيش فى اى شىء عن اذنكم ........ وسابتهم وجاسم هيولع من داليا ومن تصرفاتها بالليل الجو بدأ يبرد ومع ذلك مايسه اصرت من جواها انها تعمل صورة جديدة له عن طريق صورة شخصيه كان هو اعطاها لها لحد ماخلصت الصورة وكانت جميله جدا وتشبهه فى الحقيقه وبعد ماطلع النهار قطفت وردة وحطتها جنب الصورة ورساله منها له .

جاسم صحى وشاف الصورة بتاعته وعجبته اوى وفتح الرساله وقرأها .وكان مضمونها .

جاسم بيه اامل ان تكون الصورة عاجبتك بدل اللى مزقتها داليا خطيبتك امضاء مايسه البحراوى ..........جاسم اخد الرساله وطواها وحطها فى جيبه واخد الوردة وشمها وباسها برقه لان الوردة اسمها مايسه على اسمها اما داليا صحيت ووقفت وراه وكانت بتكلمه بس هو ماكنش مركز معها خالص وسرحان ولما ملاقتش منه فايدة طلعت الاوضه اللى كانت فيها ونامت تانى.+

خلصت حلقتنا بس الاكيد ان قصتنا لسه فيها الكتير ومفاجات كتيرة اوى فى انتظار جاسم ومايسه ياترى ايه اخرة كيد داليا وايه اللى ناوية وتخطط له وعاوزة تعملة .
رواية ما بعد الرحيل للكاتبة ياسمين أحمد الفصل التاسع

تانى يوم جاسم اخد اللوحه وراح بروزها وحطها فى شنطه عربيته لحد مايبقى يرجع القصر كان ماشى فى العزبة سرحان وشارد والكل فى التوقيت دة كان نايم ماعدا مايسه اللى لمحها وهو بيتمشى واقفه ناحيه اسطبل الحصنه وبتأكل الحصان بتاعه قطع سكر وبتملس على شعرة بحنان وهى بتكلم نفسها وشاردة وسرحانه.


مايسه وهى شارده : ياترى صاحبك حنين زيك ولالا ... وكل دة وهى مش واخدة بالها ان جاسم موجود وواقف وراها .

جاسم بهدوء : واضح انك بتحبى الخيل .
مايسه شهقت : حرام عليك والله كل مرة كدة.
جاسم ضحك : هههههههه اه قولتيلى بقى دة انتى طلعتى خوافة وبتخافى من ظلك .
مايسه بصلته : دة مش صحيح انا مش خوافة خالص .
جاسم قرب منها وبص فى عينيها بشوق: امال اتخضيتى ليه لما كلمتك .

مايسه بغيظ : لانى ماكنتش اعرف ان سيادتك هنا ارتحت .

جاسم قرب منها اكتر وبص لشفايفها برغبه قوية ولكن بعد عنها بسرعة وكمل كلامه .
جاسم : ها مقلتليش بقى بتحبى الخيل ولالا ؟
مايسه بجديه : جدا تعرف ياجاسم ساعات بحس ان الحيوانات فيهم رحمه ووفاء مش موجودة فى البنى آدمين تحس كدة انهم عالم بيور مافيهوش كدب ولا لوع ولاخداع ولانفاق .
جاسم : عندك حق بس هو انتى بتعملى ايه ؟
مايسه : بأكلهم سكر اشمعنى ؟

جاسم بضحك :عارفة انتى غريبه اوى الصراحه .

مايسه : اشمعنى غريبه علشان بأكل الحصان سكر ليه دول مهما كانوا كائنات بتحس زينا بالظبط.
جاسم : انتى عارفة ان السكر غالى يعنى احنا اولى بيه من الحصنه مش كدة ولاايه.
مايسه بثقه : ولو الحصان وهو مش بيحس وبيعرف باللى يخاف عليه ويحضتنه زي البنى آدم بالظبط وبيفرح وبيحزن كمان .

جاسم اعجب بطريقه مايسه وكلامها وفضل يقرب منها بشويش لحد مابقوا قدام بعض عينيهم اتقابلت فى نظرة طويله فضلوا باصين لبعض ولان لغة العيون كانت ابلغ من اى كلام تانى جاسم حاول يقرب منها علشان يبوسها بس هى كانت اسرع منه وحطت ايدها على شفايفه .2


مايسه : لا ياجاسم ارجوك صدقنى ماينفعش........ جاسم تدارك موقفة فبعد عنها بسرعة لكن فضل يبصلها ويملى عينه منها وبيبقى فرحان فى وجودة معاها.

جاسم بنتهيدة : عارفة يامايسه عينكى فيهم شقاوة وفيهم سحر غريب جدا تعرفى انا عرفت ستات كتيرة اوى بس مش عارف بجد ليه كل ماببص فى عينكى بيشدونى زى المغناطيس وجمال عيونك الخضراء عاملين زى الزرع الاخضر اللى لسه نابت حلوين اوى .

مايسه اتكسفت اوى ومعرفتش ترد بصت فى الارض بخجل وجاسم رفع وشها بايدة وفضل يبصلها تانى واتقابلت عيونهم من جديد هى كمان ماتنكرش انها معجبه بيه وبوسامته وجاذبيته التى لاتقاوم .


جاسم بحمحمه : احممممم بقولك ايه انتى عمرك ركبتى خيل ؟

مايسه : تؤتؤ لانى بخاف اوى منهم دة غير انى معرفش حتى بتتركب ازاى .
جاسم باستغراب : غريبه مع ان لما كنا فى بلدكم اغلب الناس بيركبوا خيل فأزاى ماتعرفيش بتتركب ازاى؟
مايسه : كلامك صح بس لان بابا وماما اتجوزوا فى المدنيه فماكنتش بروح البلد كتير الا لو للضرورة القصوى .
جاسم : طيب تعالى وانا اقولك بتتركب ازاى .......... وفجأة وبدون مقدمات جاسم شالها من خصرها وراح رافعها على ظهر الحصان .
مايسه صرخت : لالالالا ابوس ايدك ياجاسم نزلنى انا خايفه موووووت .
جاسم بضحك : خلاص خدى بوسى ايدى .
مايسه بغيظ : ماتبقاش رخم بقى ونزلنى .

جاسم : تؤتؤ .......... وفجأه ركب الحصان معاها وهو قدامها وركبها وراه وطلب منها انها تتمسك بيه بقوة وبدأ يجرى بالحصان وهو فرحان ومبسوط اوى ان مايسه معاة وقريبه منه صحيح كانت خايفه ومرعوبة الا ان وجود جاسم معاها طمنها شوية كانت مكسوفه اوى بس كانت حاسه انها فى عالم تانى ودنيا تانيه خالص وخصوصا انها متمسكه بيه بقوة من خصرة لانها خايفه انها تقع وكانها فى الجنه فى دنيا جميله وبعد شويه خوفها دة قل لان وجود جاسم عمل لها نوع من الهدوء النسبى لكن وجودة فى حد ذاته وقريب اوى منها بالشكل دة اربكها وخلاها تتنفس بقوة وصوت ضربات قلبها بتصدر صوت عالى ويمكن جاسم نفسه كان سامع صوت قلبها وفى نفس الوقت كانت حاسه انها زى الطير الحر فى السما مش عليه اى قيود وهى محوطاة علشان مش تقع من على الحصان .


جاسم بصوت هادى جدا ووالتفت لها وبصلها باعجاب : هايامايسه لسه خايفه ؟

مايسه ابتسمت : لا خلاص انا بقيت كويسه خالص .
جاسم بمكر : يعنى مستعدة ؟
مايسه باستغراب : مستعدة لاايه مش فاهمة ؟
جاسم بمكر وضيق عينه واتكلم بخبث : بصى بقى انا لفيت بيكى العزبة شويه صغيره انما دلوقتى انا مصمم انى الف بيكى العزبة كلها وبسرعة كمان قلتى ايه ؟
مايسه : لاياجاسم ارجوك بلاش انا كدة هادوخ .انت مجنون.

جاسم بضحك : هههههه ولسه هاتشوفى الجنان اللى بجد ....... فجأة انطلق بالحصان بسرعة كبيرة وفضل يجرى بالحصان ومايسه خايفه وبتصرخ وتضحك بس كانت برغم دة كله الا انها كانت سعيدة جدا والسعادة ماليه وشها وملامحها وهو بيجرى بيها على الحصان فى العزبة كلها كانت حاسه بأحساس وشعور غريب وجديد من نوعة عمرها ماحست بيه ناحيه خطيبها الاولانى بالرغم انها كانت بتحبه الا ان العلاقة كانت ما بينهم باردة جدا كانت فعلا خلاص كأنها ملكت الدنيا وهى بين ايد جاسم وفضلوا مع بعض وهو بيدور بيها لحد ماالنهار طلع عليهم هدى شويه ووقف بالحصان ونزل ومسكها من خصرها ونزلها بالراحه .


جاسم بابتسامه : تعرفى اول مرة اشوفك سعيده ومبسوطه كدة .

مايسه بارتباك : اااااااا انا مش عارفة مالى ايه اللى بيحصل لى ...... سكتت شويه وبعدين كملت كلامها جاسم ممكن اطلب منك طلب وارجوك تنفذة ليا ؟
جاسم بجديه : اكيد طبعا اتفضلى .
مايسه : ارجوك ابعد عنى بلاش تقرب منى اكتر من كدة .
جاسم بصدمه : انتى خايفة منى يامايسه ؟
مايسه بضيق : الصراحه اه ماخبيش عليك خايفه اقرب منك اوى فى يوم احبك وتكون بتلعب بمشاعرى .
جاسم صعق من كلامها معقول تكون فكرتها عنه كده .

جاسم بضيق وعدم تبرير علشان يخرج نفسه من الموقف دة : مايسه انتى لازم تعرفى حاجه مهمة اوى انا بعتبرك مجرد صديقه مش اكتر .

مايسه ظهر فى عينيها الحزن لكن استجمعت نفسها لانها مش بتحب تظهر ضعفها قدام اى حد مهما كان .
مايسه : عارفة وعلشان كدة بقولك بلاش تخلينى احبك ارجوك انا مش مستعدة قلبى ينجرح من تانى .
جاسم بأحاسيس مرتبكه : على فكرة انتى واخده عنى فكرة غلط خالص انا صحيح عرفت بنات كتيرة اوى بعدد شعر راسى لكن اوكد لك ان مافى واحده منهم ملت عينى .
مايسه باستغراب : مش ممكن طب وداليا ؟

جاسم بضيق لما ذكرت اسم داليا : صدقينى لحد دلوقتى انا نفسى مش عارف احساسى ايه من ناحيتها انا ساعات كتير بحس انها بتحبنى وساعات تانيه اشوفها انانيه ومش بيهمها غير مصلحتها وبس المهم سيبك منها...... سكت شويه وبعدين كمل كلامه : اه بالحق فى حاجه مهمة كنت عاوز اقولك عليها .

مايسه : اة اوى اتفضل قول .
جاسم : بعد يومين ان شاء الله هانعمل مسابقه خيل هنا فى العزبة وهانخصص لها مكان معين اية رايك لو تكونى موجودة وتشجعينى .
مايسه : طبعا اكيد هابقى موجودة .....سكتت شويه وبعدين كملت: اممممم طب وشغلك مش هاتروحه .
جاسم : لا طبعا اكيد هاروح الشغل اليومين دول قبل ميعاد المسابقة .

مايسه : ماتقلقش ان شاء الله هأكون موجودة هى المسابقة هاتبدأ الساعة كام ؟

جاسم : يعنى على الساعه 4 العصر .
مايسه : ربنا معاك وبالتوفيق ان شاء الله .
جاسم : ياااااااارب دعواتك بقى اه بالمناسبه انا نسيت اشكرك على الصورة وعلى الوردة الجميله كمان وبتمنى انك تسمعى كلامى وتفتحى معرض باسمك انا عاوزك ناجحه وسعيدة فى حياتك .
مايسه بسعادة : ان شاء الله عن اذنك بقى لان زمان بابا وماما صحيوا وعلشان اجهز لهم الفطار ..... وسابته ومشيت وهو متلخبط والحيرة اللى شغلت قلبة .

داليا كانت صحيت وشافتهم وهما بيتكلموا وكانت بتجز على اسنانها لكن الحمد لله انها ماشافتهمش وهما راكبين مع بعض الحصان والا كانت الامور اتعقدت اكتر عدى النهار كله كانت مايسه فى الشقه اللى فيها هى واهلها وكانت بتتجنب انها تشوفه اوحتى تلمحه ولو شافته كانت بتتجاهل تبصله كانت عاوزة تهرب من المشاعر اللى سيطرت عليها عاوزة تقتل قلبها قبل ماتحبه وتتعلق بيه وهانى جه فجأة وكأنه طوق نجاة علشان مش تشوفه قدامها .


هانى : وحشتينى ياماما وحشتنى يابابا وحشتينى يابت يامايسو .

مايسه كانت بتحاول تبان قوية علشان محدش يلاحظ ارتباكها .
مايسه : وانت اكتر ياهانى وحشتنى اوى .
هانى : وانتوا اكتر ياحبيبتى ..... وقعد معاهم شوية وبعدين سأل عن ندى .
هانى : امال فين ندى ماشوفتهاش من ساعة ماجيت .

مايسه: مش عارفة ممكن تلاقيها واقفه عند حوض الورد .

هانى : احمممم طب عن اذنكم اروح اطمن عليها وارجع ... وسابهم ومشى وراح لندى
جاسم كان واقف قريب من الشقه اللى فيها مايسه نفسه يشوفها وهى اللى كانت بتحاول تهرب منه بأى طريقة ممكنه حتى لما عملت لهم الاكل بعتته مع واحدة من العاملات اللى فى العزبة ومرضيتش تروح بنفسها ودة فى حد ذاته جننه وبقى قلقان عليها .

داليا جت وراه : حبيبى مالك قلقان ليه انت بتدور على حاجه هنا ؟

جاسم انتبه : ها لا ابدا ياداليا مافيش .
داليا بخبث : عليا انا برضه دة انا داليا حبيبتك بتخبى عليا قولى بقى ارجوك مالك سرحان وقلقان ليه .
جاسم بحدة : قلتلك مافيش حاجه ياداليا .
داليا : حبيبى اهدى طب ايه رايك تيجى نتمشى انا وانت فى العزبة شوية .

جاسم بزهق : طيب ماشى اتفضلى ......... جاسم سرح وفكر فى الكلام اللى قلته مايسه له الصبح انها خايفه تقرب منه وتحبه فيلعب بمشاعرها او يكسرها قد ايه كره الفكرة دى انها بتبصله انه ممكن يكون زى خطيبها السابق وائل كل دى اسئله محيراه وملخبطاة بس الاكيد انه كان مبسوط وسعيد جدا الفترة اللى قضاها وهى معاة على الحصان قبل ماحد يصحى ويشوفهم مع بعض لحد ماداليا خرجته من شرودة دة .


داليا : حبيبى انت مش معايا خالص

جاسم بضيق : عاوزة ايه ياداليا ؟
داليا : حبيبى انت معايا ومع ذلك مش حاسه بوجودك .
جاسم : ماانا معاكى اهوة عاوزة ايه تانى .
داليا بغل : لا انت مش معايا خالص بدليل انى عماله بكلم فيك من الصبح وبرضه مابتردش عليا ودى مش اول مره قد كدة امرها يهمك اوى ؟
جاسم : ها مين دى اصلا انا مش فاهم الصراحه .

داليا بغيظ : انت هاتستعبط انت عارف وفاهم كويس اوى انا بتكلم عن مين .

جاسم بتنهيدة وزهق : بقولك ايه ياداليا خليكى دوغرى ومن غير لالف ولادوران تقصدى مين بكلامك دة .
داليا بكره وحقد : اقصد اللى ماتتسماش اللى اسمها مايسه .
جاسم بحده وغضب : تانى وتالت وعاشر انا بسالك فى ايه بينك ومابينها ليه مش بتحبيها ليه كميه الكرة والغل اللى جواكى دة لها انا لازم افهم الاسباب ومش هامشى من هنا غير لما اعرف كل حاجه .

داليا بتتصنع الكدب : اوك هاحكيلك كل حاجه بص ياسيدى من واحنا صغيرين كان الكل بيحبها وبيقرب منها وبينبذونى مع العلم انى مش اقل منها فى حاجه بالعكس انا احلى منها بكتير المهم فضلنا مع بعض لحد الثانويه .........سكتت شويه وبعدين عيطت بدموع التماسيح وبكدب : اهىء اهىء كان فى واحد فى مدرسه البنين اللى جنبنا كان بيحبنى وهى طلعت خطافة وخطفته منى وبعدها مش شوفتها غير فى العزبة هنا عرفت حبيبى ليه بعاملها كده لانى خايفه لاتخطفك منى .


جاسم ببرود : اطمنى هى بالنسبه ليا مش اكتر من صديقه وبس .

داليا بنتهيدة : بتمنى ان يكون اهتمامك فعلا مجرد صداقه وبس .
جاسم : طيب عن اذنك بقى ياداليا .
داليا ومسكته من دراعه : استنى بس رايح فين .
جاسم : راجع الشركه علشان ورايا شغل كتير لازم اخلصه قبل ماتبدأ المسابقه .

داليا : اوك حبيبى بس مش تتأخر لانك بتوحشنى .


وقربت منه وباسته من خدة وهو بعدها عنه ومشى وهو مش قادر يبطل تفكير فى مايسه اللى ظهرت فى حياته وشقلبت كيانه وهل فعلا كلام داليا صحيح من انها كانت بتحب واحد قبل خطيبها ولا الكلام دة كله كدب وهل فعلا زى ماقالت داليا ان امرها يهمه طب ازاى وهو بيقول انها مجرد صديقه اللخبطه اللى جواة مش عارف لها اول من اخر ومش عارف مين فيهم الصح ومين فيهم الغلط مين الصادق ومين الكداب ركب عربيته وطلع على القصر الاول لحد ماوصل اوضته وحط الصورة اللى رسمتها مايسه له وفضل يتأملها شويه وبعدين نزل مره تانيه وطلع على الشركه علشان يتابع الشغل .


ونروح عند هانى وندى .

هانى : ازيك ياندى عامله ايه دلوقتى احسن .
ندى التفت له وهانى مد ايدة علشان يسلم عليها لكنها اترددت كتير تسلم ولالا وبعدين يدوب مدت ايدها وسلمت بسرعه وبعدين بعدت ايدها : حمدا لله على السلامه ياهانى انت جيت امتى؟
هانى : لسه واصل من شوية المهم طمنينى عليكى .
ندى : الحمد لله تمام طمنى اخبار شغلك ايه والرحلات عامله ايه معاك .
هانى بضحك : طالع عينى وعين اللى خلفونى بس الحمد لله اهوة كويس ..... سكت شويه وبعدها اتكلم: ندى .
ندى : نعم .

هانى : لو قلتلك انك وحشتينى هاتصدقينى .

ندى بمشاعرها الجديدة اللى حستها من ناحيه هانى وبصت للارض بخجل واتكلمت بكسوف : وانت كمان ياهانى .
هانى بحب : ندى انا انا انا بحبك اوى ومن زمان بس كنت متردد انى اقولك كدة لانك ساعتها كنتى مرتبطه بحازم
ندى : انت بجد انسان طيب جدا ياهانى ويمكن اسلوبك وتعاملك مع اهلك خلانى اثق فيك واحترمك بس انا عاتبه عليك .
هانى : لسه بس انا عملت ايه ؟

ندى بعتاب : يعنى لو كنت وحشتك بجد كنت سألت عنى طول الاسبوع اللى فات دة .

هانى بضحك :معلش حقك عليا بس انا مقدرش على زعلك .
ندى : لااوعى انا مخصماك .
هانى بضحك : مش ممكن يعنى ياربى يوم مااحب احب طفله.
ندى بغيظ : طالما انت شايفنى طفله خلاص ماتكلمنيش .

هانى شدها من دراعها وبصلها بحب : لااوعى انا بزعل على زعلك ..... سكت شويه واتنهد : انتى وحشتينى اوى ياندى

ندى : هانى سيب دراعى وبطل هزار بقى علشان محدش يشوفنا .
هانى بمكر وبص فى عينيها وقرب منها اوى : ايوة انتى معاكى حق بس اعمل ايه بحبك .
ندى بكسوف ووشها فى الارض : وانا كمان .
هانى بسعادة : الله اكبر قالتها لا قوليها تانى ياندى الله يخليكى .
ندى : بحبك .

هانى بصوت عالى : اسمعوا يابشر حبيبتى قالتلى بحبك .

ندى : وطى صوتك ياهانى واعقل يامجنون .
هانى بهمس : بعشقك ياندوشتى .
ندى : اسكت بقى لانى عارفة انك مش هاتجيبها البر غير وانت متعلق فى ايد جاسم وبابا .
هانى بضيق : ليه بس بتفكرينى اللهم اخذيك ياشوشو .
ندى بضحك : مجنون.
هانى : طب تعالى بقى ياقلب المجنون علشان عاوز اقولك كلمه فى بقك اقصد كلمه فى ودنك .

فضل هانى وندى يضحكوا مع بعض ويهزروا بس كانت داليا قريبه منهم وسمعت ضحكهم وهزارهم وطبعا مكدبتش خبر وراحت تبلغ محمد .


داليا بمكر ومسكنه : عاجبك كدة ياعمى .

محمد بضيق : نعم فى ايه يابنت السويفى .
داليا : يرضيك اللى بتعمله ندى هى والواد اللى شغال هو وعيلته فى العزبة .
محمد : واد مين دة ؟
داليا : الواد اللى اسمه هانى وتقريبا له اخت اسمها ايه ياربى اسمها ايوة افتكرت اسمها مايسه صح .
محمد : مالهم يابنتى اظن انا عارف تربيه ندى بنتى ومربيها صح .
داليا مطت شفايفها واتكلمت بكدب: لا ياعمى ده كان مقرب منها وكان عاوز يعنى استغفر الله العظيم يبوسها وكدة دول بستغفلوك ياعمى وانت مش دريان .
محمد بحدة : اولا لسه مااتخلقش اللى يستغفلنى يابنت السويفى وتانى مرة ماتدخليش فى اللى ملكيش فيه وبعدين ايه بيستغفلونى دى لو سمحتى اعملى احترام للمكان اللى انتى موجودة فيه ولو المكان مش عاجبك ممكن ابعتلك السواق يرجعك الفيلا لو عاوزة .
داليا بتصنع الحزن : بقى دى جزاتى ياعمى انى بوعيك وخايفه على ندى دى حتى زى اختى بالظبط ويعنى مش عاوزاها تعمل حاجه كدة ولاكدة لاقدر الله .1

محمد بحدة وضيق : خلاص خلصتى كلامك بس فى حاجه مهمه اوى بقى علشان نبقى واضحين اولا ندى بنتى متربيه على الخلق والدين والالتزام ثانيا بقى مش هأسمح لجنس مخلوق انه يتكلم عنها ربع كلمه ثالثا وهو دة الاهم لو بنتى غلطت فأنا اللى اعاقبها واظن لحد كدة والكلام خلص واتفضلى ارجعى مكان ماكنتى وانا هاتصرف بنفسى معاها .


داليا بمسكنه : انا اسفه والله ياعمى ماقصدش طبعا انى اشوة سمعتها بس زى ماقلتلك انى خايفه عليها مش اكتر ومش حابه حد يلسن عليها بالكلام وبعتذر لحضرتك كمان مرة عن اذنك بقى ......... وسابته وبعدت بعيد علشان تعرف تتكلم مع شريف .


محمد راح لحد المكان اللى كانت ندى وهانى قاعدين فيه وعمالين يضحكوا ويهزروا مع بعض .

محمد بغضب : الله الله بقى هو دة اللى اتفقنا عليه ياندى بتكسرى كلامى وبتعيدى نفس غلطتك القديمه .
هانى : لو سمحت ياعمى اسمعنى بس .
محمد بحدة : انت بالذات تخرس خالص ومش عاوز اسمع نفسك .
هانى : ياعمى حضرتك فاهم غلط .
محمد : قلتلك مش عاوز اسمع نفسك مش كفايه جاى وشايفكم عمالين تضحكوا وتهزروا ولا على بالكم ....... قرب من هانى ومسك هدومة واتكلم بحدة : هانى يابن عم طه غور من وشى الساعه دى لانى مش طايقك ولاطايق ابص فى خلقتك .

ندى : يابابا ارجوك اهدى واسمعنى انا وهانى كنا قاعدين بمنتهى الادب وماتجاوزش حدودة معايا وبعدين انا بحب هانى .

محمد : عارف بس مافيش ارتباط رسمى مابينكم واللى انتوا عملتوة دة غلط وسبق وقلتلك قبل كدة مالكش دعوة ببنتى وكمان مش عاملين اى احترام لوجودى.
هانى : خلاص ياعمى يبقى نعمل ارتباط رسمى واخطبها من حضرتك رسمى ارجوك ياعمى اسمعنى بس
محمد : مش عاوز اسمع حاجه خلاص وبص بقى يابن عم طه هى كلمه ومش هاكررها تانى مالكش دعوة ببنتى نهائى لحد ماتبقى جاد فى كلامك وتجى انت وابوك تخطوبها منى رسمى غير كدة ملكش كلام معايا .

ندى بضيق : انا عرفت مين اللى سخنك علينا بس وربنا ماهاسكت ولااعديها لها ماشى يازفته الطين ياللى اسمك داليا وربنا ماهرحمك .

محمد : مش كتر خيرها انها حذرتنى من القرف اللى بتعملوة دة.
هانى : على العموم ياعمى انت سمعت من طرف واحد منها هى وسبق وقلتلك انى بحب بنتك وعمرى ماهاضحك عليها وبنتك اهى قدامك والاكيد انها هى كمان بتحبنى حضرتك بقى ليه تسمع كلام من واحدة منفسنه زيها وبعدين هى ملهاش حق انها تتدخل فى اللى ملهاش فيه وبأى صفه تتدخل اصلا.

محمد : بصفه انها تبقى خطيبه ابنى وخايفه علينا .

هانى بضيق : مع احترامى الكامل لحضرتك بس برضه ملهاش انها تتدخل فى حاجه ماتخصهاش وعلى العموم انا بتأسف لك واوعدك انى مش هاضايقك ولاهاضايق بنتك وكلامك على عينى وراسى وهانفذة ولو على رقبتى ...... بص لندى بحزن : عن اذنكم ارجع مكان ماكنت ........ وجه علشان يمشى وبعدين وقف ولف ورجع تانى كمل كلامه : طب ممكن ياعمى ابقى اطمن على بنتك حتى ولو مكالمه .

محمد بزهق : لا مش موافق يلا بقى اتكل على الله شوف كنت رايح فين .

هانى : ماشى ..... هانى ودع اهله ورجع تانى لمكان اقامته لحد مايستأنف رحلاته من جديد ..
ندى بعد مامشى هانى كانت قاعدة وحيدة وبتعيط وحزينه ومهمومة شافتها مايسه وراحت لها .
مايسه : مالك ياندوش بتعيطى ليه حبيبتى .
ندى بغل وغضب : الزفته اللى اسمها داليا تصورى وقعت بينى وبين بابا وهانى ووصلت له كلام مش مظبوط عننا واخد موقف من هانى واخوكى مشى زعلان .
مايسه بمكر : امممممم قولتلى بقى هى الحكايه كدة طب الجميل زعلان على كلامها ولازعلانه على زعل هانى .
ندى : اصلى اصلى انا انا اصلى بحبه اوى يامايسه انا نفسى مش عارفة حبيته امتى وازاى وليه بس باختصار اخوكى انسان مهذب ومحترم بعكس حازم خالص .

مايسه : انا واثقه من حبك له حبيبتى وعارفة انه هو كمان بيحبك بس فى ملحوظه هانى غلط علشان قعد معاكى لوحدكم كان ممكن يقعد معاكى مثلا وانتى عندنا وقدام بابا وماما وساعتها عمو محمد ماكنش هيمانع بس زى ماقلتلك اللى عمله هانى غلط علشان كدة شافته داليا ووصلت لعمو كلام مغلوط انتو حتى مش مخطوبين وحطيتوا نفسكم فى موضع شبهه معلش حبيبتى باباكى معاة حق على العموم شوية والامور هاتهدى وتصفى .

ندى بتريقه : هاتصفى هه ماظنش ان ممكن الامور تصفى طول ما الزفته دى موجودة هنا .
مايسه : اد كدة بتكرهيها ؟
ندى : انا احب العمى ولااتصورهاش .
مايسه فى قرارة نفسها : ومين سمعك ...شويه واتكلمت : معلش ياندوش ربنا يعدلها من عندة يلا قومى امسحى دموعك دى وتعالى معايا نتمشى شوية ......... فضلت مايسه تهون عن ندى بس يفضل الكرة والغل مابين مايسه وداليا فى القلوب .

فى شقه محمد منصورى اللى فى العزبة كانت داليا قافله على نفسها باب الاوضه وبتكلم شريف .

داليا بهمس : الا قولى ياشريف انت بتكره هانى البحراوى اللى شغال معاك فى المطار
شريف : اسكتى دة انسان غتييت ورخم صحيح هو اعلى منى رتبه بس انا مابطقهوش .
داليا بحقد وغل : امممم . ويبقى اخو مايسه
شريف : بتفكرى فى ايه يادودو .ومين مايسه دى ممكن توضحيلى .
داليا : باختصار ياسيدى مايسه دى تبقى غريمتى من واحنا صغيرين وكمان شايفاها اليومين دول بتقرب من جاسم وهو كمان بيتقرب لها ودة فى حد ذاته معصبنى جدا .
شريف : طب ايه المطلوب منى ؟

داليا : تخلص منهم هما الاتنين هى واخوها .

شريف : وبعدين ؟طب انتى هاتستفادى من دة بأيه ؟
داليا بمكر وخبث : لامن ناحيه انى هاستفاد فاهستفاد كتير اوى منها اخلص من مايسه ومنها اعمل فركشه مابين ولاد المنصورى .
شريف : برضه مش فاهم انتى عاوزة توصلى لاايه بالظبط يادودو .

داليا : عاوزاك تدخل المسابقه زى ماقلتلك قبل كدة وتبقى خصم لجاسم وتهزمة وبعدها تفضل تقرب من مايسه وتحاول تبعدها عنه بأى طريقه ولو حليت فى عينك يبقى احسن برضه وفى الحاله دى كمان ممكن تخلص من هانى بما انه غريمك انت كمان وبأى طريقه تعجبك او مثلا تلبسه مصيبه المهم تخلص منهم وتسيبلى انا بقى جاسم اسويه على نار هاديه .


شريف بمكر : دة انتى طلعتى داهيه ياخربيت شيطانك .

داليا بضحك وخبث : تلميذتك يااستاذ .......... وضحكوا بشر.

عدى يومين بالظبط والوضع مستتب جاسم خلص الشغل اللى كان وراه ورجع العزبة من تانى علشان يستعد ويهيىء نفسه للمسابقه وهيأ الجزء اللى هايتعمل عليه السباق المتفق عليه وكان شريف راح فى التوقيت دة العزبة وجاسم اول ماشافه قبض على ايدة بقوة لدرجه ان عروق ايدة بانت والدم غلى فى عروقة وراح ناحيته وبص له والشرر بيطق من عينه .


جاسم بحده وغضب : ولك عين كمان تيجى هنا كمان اما انت انسان بجح بصحيح .

شريف : اهدى ياجاسم بيه حيلك عليا شوية مش كدة وبطل اسلوبك المتعجرف دة معايا علشان مزعلكش منى وبعدين انا هنا علشان المسابقة بتاعه الخيل واكيد طبعا المسابقه متاحه للجميع فارجوك بلاش اهانه ليا وبطل التعالى اللى انت فيه دة .
جاسم بحده : وهو انت لسه شوفت حاجه ده انا هاربيك ياشريف....... داليا راحت ناحتيهم .
داليا :حبيبى اهدى كدة امال ريلاكس خلى اسلوبك متحضر .
جاسم بغضب وجاب اخره : الله الله وكمان لكى عين تدافعى عنه .

داليا بسرعه : لا طبعا حبيبى الموضوع مش كدة اطلاقا بس المسابقة فعلا متاحه للكل بليييييز خليك جنتل مان وبطل اسلوبك دة .

جاسم بصلهم هما الاتنين والشرر بيتطاير من عينه : كدة ماشى ياداليا اشبعى بيه ... وسابهم ومشى وهو على اخرة منهم
داليا : استنى بس ياحبيبى اسمعنى بس .
شريف شدها لحد مابقت فى حضنه : سيبك منه خليكى معايا .
داليا بضيق : مش وقته خالص ياشريف ....... وسابته هى كمان ومشيت .
شريف بتوعد : كدة ماشى ياداليا بكره هاتيجى تبوسى الايادى بعد مايرميكى سى جاسم دة رميه الكلاب.

بالليل بدا كل فارس يستعد لركوب حصانه علشان يبقى فى مواجهه التانى وكل فارس معاة رمح للمبارزة ومع اشارة البدأ بدات المسابقة وكان جاسم وشريف فى مواجهه بعض وداليا كانت بترسل اشارة بعينيها لشريف علشان يهزمة جاسم ركب حصانه وبدأ يجرى بالراحه فى الاول كان الحصان ماشى بهدوء وبطريقه احترافيه بعدها بشويه بقى فى حاله هياج من الحصان وبيجرى وبينط بطريقه غريبه جدا وفجأة الحصان بدأ يصدر صوت صهيله وبينط لحد ماجاسم فقد السيطرة عليه ووقع من على ضهر الحصان واتشقلب كذا مرة ووقع على وشه وبقى فى حاله ذهول سيطرت على الكل اضطروا بعدها يوقفوا المسابقة مؤقتا على مايحاولوا يسيطروا على هياج الحصان لكن للاسف الحصان كان فى حاله غير طبيعيه بالمرة ومحدش قادر يمسكه .مايسه لما شافت جاسم وقع فى الارض شقهت ونزلت جرى عليه راحت لحلبه السابق علشان تشوفه جرى له ايه لقت وشه كله دم .


مايسه : جاسم جاسم انت كويس رد عليا ارجوك ......... وجابت منديل وفضلت تمسح الدم من على وشه .

جاسم فتح عينه بصعوبة ولقى مايسه بتبصله وتبكى .
جاسم مسك ايدها وابتسم : انا كويس يامايسه متخافيش عليا ... وقام وسند عليها .
مايسه برجاء : علشان خاطرى بلاش تجازف وتكمل المسابقة دى انا خايفه عليك .1

جاسم : قلتلك متخافيش .

واصر انه يركب الحصان كمان مرة وبالرغم من تحذير مايسه له لكن للاسف ماسمعش كلامها وركب الحصان وهو لسه فى حاله الهياج دى ودى كانت فرصه لشريف انتهزها وطلع بحصانه بسرعة وهجم عليه ووقع الحصان برمحه ووقع جاسم للمرة التانيه والحصان طلع جرى برة الحلبه ومايسه للمرة التانيه بتحاول تروح له تفوق فيه لكن المرة دى جاسم غاب عن وعيه بعد ماتعب وطبعا علشان داليا محدش يشك فيها راحت له وعملت نفسها مخضوضه عليه وبتمثل الزعل والحزن علشانه.

داليا بحزن مصطنع: جاسم حبيبى رد عليا مالك .

مايسه بصتلها باحتقار وبتحذير : عارفة ياداليا لوحسيت او شكيت مجرد الشك انك لكى يد فى اللى حصل لجاسم النهاردة صدقينى محدش هايعتقك من ايدى .
داليا بارتباك : انا لا طبعا وهو انا هأذى حبيبى ليه دة جاسم حبيبى ونور عينيا .
مايسه : مش عارفة ليه حاسه انك كدابه على العموم لما نشوف الدكتور هايقول ايه ويطمنا عليه الاول وبعدين نبقى نتحاسب .
وفعلا محمد وطه اخدوا جاسم وطلعوا بيه على اكبر المستشفيات والكل راح وهما قلقانين عليه واكتر اللى كانوا قلقانين عليه هو طه وبنته ومحمد ابوة اما داليا وشريف فكأن الامر بالنسبه لهم عادى ومش فى بالهم لحد ماطلع الدكتور من عندة .
محمد بلهفه : طمنى يادكتور ابنى عامل ايه دلوقتى .

الدكتور : الحمد لله جت سليمه هو حاليا عندة كسر فى ايدة اليمين وكسر فى رجله الشمال وعندة ارتجاج بسيط فى المخ يومين وهايبقى كويس وهو هايفضل مشرفنا يومين فى المستشفى وبعدها لازم يأخد راحه تامه علشان الكسر يلم بسرعة بس اللى اناعاوز اعرفة هو حصل ايه بالظبط علشان لو الموضوع فيه تعمد انه يتاذى بالشكل دة فأنا مضطر ابلغ البوليس .


مايسه اتكلمت بسرعه : كان داخل فى مسابقة لركوب الخيل فى عزبة باباة وكان فى مواجهه بينه وبين شريف الحصان بتاع جاسم فضل فترة ماشى وبيلف كويس وفجأة الحصان هاج ونطرة وقعه على الارض ووشه جاب دم حذرته انه يركب الحصان لكن للاسف اصر انه يركبه تانى ويكمل المسابقة دخل عليه شريف بالرمح وخبط الحصان وقعه ووقع جاسم للمرة التانيه لكن بعدها فقد وعيه .


شريف بتريقه : انتى عاوزة تتهمينى بأى اتهام وخلاص انى السبب فى اللى حصله اكيد لا طبعا لان كل فارس خيل لما بيدخل المسابقة بيبقى معاه رمح كنوع من المواجهه فما تتهمنيش بحاجه غير صحيحه وكلام مرسل .

الدكتور بشك : والله اللى انا شايفه انها كانت محاولة قتل وزى ماقلت لازم ابلغ الشرطه بس فى حاجه مهمة اوى لازم تعرفيها ياانسه لما جاسم وقع مرتين ماكنش بسبب الرمح اللى كان فى ايد شريف الحصان كانت فى حاله هياج لان فى حد حطله منشطات فى الاكل بتاعه وعلشان كدة كان هايج ومش على طبيعته ونفس الكلام دة هايقوله الدكتور البيطرى لما يكشف على حصان جاسم بيه بس سؤالى بقى مين اللى بياخد باله من الحصنه كل يوم وبيشرف عليها .

طه رد بسرعه : انا يادكتور وكام واحد معايا بس اقسم بالله ماجيت جنب الحصان بتاع جاسم بقالى اكتر من اسبوع .

الدكتور : الحصان اتحط له المنشطات النهاردة بس قبل المسابقة بيجى ساعتين كدة بس لازم نعرف مين اللى له مصلحه انه يحاول يخلص من جاسم لانى كطبيب لايمكن اسكت عن اللى حصل بسهولة .

شريف كان مرتبك مابيتكلمش خالص وداليا وقفت جنبه وهمست فى ودنه .

داليا بهمس :انا قلتلك اهزمة مش تخلص عليه .
شريف بضيق : مش وقته الكلام دة ياداليا .

جاسم كان بدأ يفوق ومسك ايد الدكتور وبنبرة تعب : انا مش بتهم حد يادكتور .

الدكتور : ايوة ياجاسم بس انا متأكد من كلامى وكان فى حد عاوز يقتلك ويخلص منك بس ستر ربنا ان ده محصلش .
جاسم بص لداليا وشريف نظرات ناريه وبعدين بص للدكتور وكمل : بس انا معنديش الاثبات دة انا مش بتهم حد من العزبة صدقنى يادكتور انا فعلا مابأتهمش حد .
الدكتور : بالرغم من اعتراضى على كلامك دة بس زى ماتحب على العموم حمدا لله على سلامتك والف سلامه عليك .
جاسم : الله يسلمك يادكتور ......... الدكتور استاذن منهم ومشى علشان يتابع باقيه مرضاة .
جاسم بص للكل :لو سمحتوا الكل يتفضل يطلع برة ومش عاوز حد معايا غير بابا .......... الكل فعلا اصر الصمت وسمعوا كلامه وخرجوا كلهم وفضل محمد جنب ابنه .
محمد : حمدا لله على سلامتك يابنى .
جاسم بتعب : الله يسلمك يابابا .

محمد : جاسم خليك صريح معايا يابنى انت خرجت الكل علشان نتكلم انا وانت مع بعض قولى انت تعرف مين اللى عمل فيك كدة صح ؟

جاسم : الصراحه يابابا مش متاكد هو أنا بشك فى أكتر من شخص بس طبعا لانى تعبان ومكسور فمش هاقدر اتعقب اللى عمل كدة وإيه مصلحته من انه يخلص منى.
محمد بخوف : اوعى يابنى يكون اللى فى بالى صح .
جاسم بتريقه : تقصد يعنى عم طه او مايسه مثلا لاطبعا يابابا دول بعاد اوى عن اللى حصل .
محمد عينه اتسعت على اخرها : تقصد يعنى .......... طب ليه ؟
جاسم : ماانا لسه قايل لحضرتك انى مش متأكد من احساسى لكن اطمن يابابا لازم اعرفة على العموم دة مجرد تخمين مش اكتر ولازم اتأكد بنفسى علشان مظلمش حد .
محمد : طيب هاتعرف ازاى ؟
جاسم : حاليا معرفش ازاى بس ان شاء هحاول وافضحه كمان .
محمد : خد بالك من نفسك يابنى انا مش مستعد اخسرك .
جاسم : ربنا يسترها بقى يابابا .

خلصت حلقتنا وفى ناس ياما الغل والحقد مالى قلوبهم ومستعدين يبيعوا نفسهم علشان خاطر الفلوس والجاة وممكن يقتلوا كمان والنفس الامارة بالسوء .... بس ياترى جاسم عرف فعلا مين اللى عمل فيه كدة ولا زى ماقال انه مجرد تخمين بس الاكيد ان لسه فى الكتير والكتير منتظر ابطالنا وبالتحديد منتظر لجاسم وعيلته ومايسه وعيلتها ..
رواية ما بعد الرحيل للكاتبة ياسمين أحمد الفصل العاشر

جاسم فضل فى المستشفى يومين تحت اشراف الدكتور وبعدها كلهم رجعوا على القصر بمساعدة صديقه امجد نزل من العربيه وصاحبه مسندة على كتفه وهو تعبان ونازل بالعافيه وكانت معاهم مايسه وداليا اللى الغل والحقد مالى قلبها وندى وابوة محمد .

مايسه جريت عليه علشان تسندة : تعالى ياجاسم اسند عليا .
جاسم بصلها وابتسم : متشكر يامايسه امجد هايسندنى لحد اوضتى .
مايسه ببراءة واتكلمت بسرعة بس ندمت انها اتكلمت : لا طبعا تعالى اسند عليا.... وكملت بارتباك : اقصد يعنى انك تعبان ومحتاج حد يسندك.
جاسم ابتسم لها وحاول يحط دراعة على كتفها بس صرخ وهى ساعدته على قد ماتقدر.

مايسه اخدت دراعة وحططها على كتفها من ناحيه وامجد من الناحيه التانيه واخدوة طلعوة لحد اوضه نومة ودخلوة وامجد فضل معاه لحد ماقعدة على السرير بس جاسم صرخ من شدة الالم .

جاسم بالم : اااااااه حاسب ياامجد .
امجد بأسف : معلش حبيبى ماقصدش والله .
جاسم : ولايهمك ياصاحبى انا اصلا جسمى كله مكسر .

امجد بص لداليا وبعدين رجع بص لجاسم : الف سلامه عليك ياصاحبى وربنا يجازى ولاد الحرام اللى كانوا عاوزين يخلصوا منك .

جاسم بمكر :ماانا مسيرى هأعرفة وبعدين احطه تحت جزمتى ........ وبص لشريف بنظرات ناريه واللى كان واقف جنب داليا بارتباك.
شريف بارتباك : طب آآآآآآآآآ استاذن انا بقى .
داليا بارتباك هى كمان وبصت لشريف وبعدين قعدت جنب جاسم وملست على وشه وتمثل الزعل علشانه : حبيبى الف سلامه عليك.
جاسم بصلها بصه طويله لكن رعبتها وبعدين اتكلم : الله يسلمك ياداليا .
داليا وهى لسه على حاله الارتباك : طب عن اذنك اصلى افتكرت مشوار مهم لازم اعمله .

جاسم بصلها ببرود وجمود: روحى ياداليا مشوارك اهم طبعا .

داليا بمسكنه وقربت منه وباسته من خدة : على العموم انا هارجع تانى علشان اطمن عليك سلام مؤقتا ياقلبى .
جاسم من غير مايبص لها : مع السلامه .
داليا طلعت من اوضته واتنهدت بأرتياح وراحت ورا شريف .
داليا : استنى ياشريف عاوزاك .استنى بس رايح فين ؟

شريف : بصات جاسم ليا ولكى ماكنتش مريحانى ياداليا انا لازم اختفى شوية .

داليا : انا محتاجلك ياشريف مش معقولة تسيبنى وانا لسه مخلصتش اللى انا عاوزة اعملة.دة غير انى عاوزة اخلص من مايسه
شريف : اوك ماتقلقيش انا هاخلص لك عليها بس مش دلوقتى المهم ارجعى دلوقتى علشان جاسم مش يشك فيكى اكتر لانى برضه ملاحظ انه كان بيرد عليك بطريقه مش تمام أكنه شاكك فيكى يلا روحى علشان محدش يمسك علينا ذله .

داليا : فعلا عندك حق .

شريف : اشوفك بعدين سلام ياقمر .
داليا : اوك مع السلامه .

فى اوضه جاسم كان امجد قاعد جنبه ورغم الالم اللى كان فى كل مكان من جسم جاسم فيه الا ان كان الشك مالى قلبه من ناحيه خطبيته فضل ساكت كتير وبعدين اتكلم .

جاسم : امجد ممكن اطلب منك طلب ؟
امجد : عيونى حبيبى انت تأمر .
جاسم : انا شاكك فى اتنين بس لحد دلوقتى مش قادر اتاكد من ظنونى دى .
امجد : وانا كمان شاكك فيهم .
جاسم : طب والعمل ؟ مش هاقدر اثبت عليهم اى حاجه ؟
امجد فاضل ساكت فترة كبيرة وبعدين اتكلم .

امجد : بس لقيتها؟

جاسم بحماس : قولى الله يخليك .
امجد : عم سعد اللى فى العزبة هو اللى يقدر بالظبط يقول لنا مين اللى عمل كدة وليه ؟ خلاص سيبنى انا اتصرف.
جاسم : انا معتمد عليك عليك ياامجد وياريت تقدر توصل لحاجه .
امجد : ماتشيلش هم على بكرة الصبح هتأكد بنفسى ان كانت ظنونا فى محلها ولالا .
جاسم : طب اسكت بقى لان الظاهر داليا راجعه تانى .

شويه وداليا رجعت تانى ودخلت على جاسم واتكلمت بمسكنه: حبيبى انا خلاص لغيت المشوار اللى كنت راحه له علشان خاطرك .

جاسم بصلها بشك : ليه ياداليا عادى انك تسيبى خطيبك مكسور وتروحى مشوارك روحى روحى مشوراك علشان متتاخريش .
داليا بارتباك : اصل يعنى هو مش مشوار ضرورى........ سكت شويه وبعدين عيطت بدموع التماسيح :بس منه لله اللى كان السبب فى اللى حصلك ولازم نعرف هو مين وليه كان عاوز يخلص منك حبيبى ........ وحطت ايدها على وشه وبتمثل الزعل والحزن .

جاسم بعد ايدها عنه وبصلها وببرود : لا ماانا اكيد هاعرفة وقريب اوى وياويله منى .

داليا بتوتر : طب انا هاروح اشوف الدادة بتعمل ايه واساعدها تحب اعملك حاجه معينه بايدى ياحبيبى .
جاسم بنفس البرود : متشكر لو كنت محتاج حاجه كنت قلتلك ..... سكت شويه وبعدين بص لاامجد واتكلم : امجد لو سمحت وصل داليا لحد الفيلا .
داليا : طب تحب اجيلك بكرة ؟
جاسم بصلها ودقق فى ملامحها المرتبكه : لا مش ضرورى البركه فى مايسه هى هاتشوف انا عاوز ايه وهاتعملة وبعدين هاتبقى ترجع العزبة .دة غير انى تعبان وعاوز انام .
داليا بمسكنه : اوك حبيبى على راحتك .

امجد بضيق : انسه داليا اتفضلى لما ارجعك الفيلا ولما حاله جاسم تتحسن ابقى تعالى شوفيه .

داليا رجعت تانى وباسته من خدة وراحت لامجد علشان يرجعها فيلاتها ..
محمد دخل لابنه: جاسم عامل ايه دلوقتى يابنى طمنى عليك .
جاسم بتعب : الحمد لله يابابا صدقنى انا بقيت احسن شوية الحمد لله .

محمد : طيب يابنى انا غصب عنى مضطر اسيبك وارجع تانى علشان فى شغل كتير فى العزبة والمزرعة تحب اسيب ندى اختك معاك .

جاسم : لا يابابا لو انت محتاج ندى خدها معاك .
محمد :ايوة يابنى طب مين اللى هياخد باله منك بس .
جاسم : مايسه ودادة ام ايمن موجودين معايا ماتشغلش بالك.
محمد بضيق : ايوة يابنى بس ماينفعش وجود مايسه معاك هنا فى القصر لوحدكم .

جاسم : ماهى دادة ام ايمن هاتفضل موجودة لحد مااقدر على الاقل امشى على رجلى اما بالنسبه لمايسه فأنا على بالليل هاتصل بالسواق يرجعها العزبة متخافش عليها منى يابابا مايسه بنت ولازم اخاف عليها قبل مااخاف على نفسى اطمن انا ابنك وتربيتك وبفهم فى الاصول كويس.

محمد : ربنا يكملك بعقلك يابنى امشى انا بقى......وقبل مايمشى رجع لجاسم تانى
محمد :الا قولى يابنى انت متأكد من احساسك دة ؟
جاسم : والله يابابا انا لحد دلوقتى مش متأكد بالظبط بس لازم اتاكد بنفسى ودة مقدرش اعرفة طول ماانا مكسور ومتجبس بس انا كلفت امجد هو اللى ها يعرفنى .
محمد باستغراب : طب امجد ايه اللى ممكن يعملة ؟

جاسم : مش امجد اللى هايعمل يابابا امجد مجرد مرسال بس لكن عم سعد هو اللى يقدر يعرف بالظبط وعلى بكرة بالكتير هاعرف اذا كانت ظنونا فى محلها ولالا.

محمد : ربنا ينتقم منهم يابنى بحق اللى عمله فيك .
جاسم ضحك : دعواتك هاتكون مستجابه ياحج .
محمد ضحك هو كمان وقرب من ابنه وباسه من راسه وبعدين مشى علشان يرجع العزبة هو وندى شويه ورجعت داليا تانى ودخلت .
جاسم بصلها ببرود وجمود : خير رجعتى تانى ليه ؟
داليا : اصلى نسيت مفاتيح الفيلا فجيت اخدهم .
جاسم بجمود: اتفضلى اهم عندك .

داليا قعدت جنبه وملست على وشه بمسكنه : حبيبى انت زعلان منى ليه .

جاسم ببرود : لا طبعا وانا هازعل منك ليه عادى انا كويس.
داليا : اوك حبيبى طالما مش عاوز تقول مالك انت حر بس تخلينى افضل معاك شوية
جاسم بنفس البرود: لا انا بقول تروحى مشوراك احسن.
داليا : لاحبيبى هافضل جنبك طبعا .

اما مايسه فكانت واقفه مع الدادة بتعملة الاكل علشان ياخد دواه وخلصت بسرعة ودخلت اوضته وحطت الاكل قدامها وقعدت قصاد جاسم بس لاحظت ان داليا رجعت تانى لانها نسيت مفاتيح فيلاتها على الكومدينو اللى فى الاوضه وبغل اخدت منها صنيه الاكل .


داليا بغل : مش خلاص عملتى الاكل اتفضلى بقى طرأينا .

مايسه بزهق : انا مش خدامه عندك ياداليا علشان تفضلى تأمرى وتنهى فيا انا جيت القصر دة مخصوص علشان اساعد جاسم وعملتله الاكل علشان ياخد الدوا بتاعة ويعرف ينام ويرتاح فبلاش اسلوبك المستفز دة معايا ..... سكتت شويه وحست انها اتكلمت بانفعال وبصت لجاسم .
مايسه : انا اسفة انى اتكلمت بالطريقه دى مع خطيبتك وعلى العموم الف سلامه عليك عن اذنك .

جاسم بضيق من داليا وبص لمايسه وابتسم : انا مش زعلان نهائى ياانسه مايسه ومحدش يقدر يقول انك خدامه دة انتى ست البنات كمان واللى مش عاجبه يتفلق وبعدين محدش يقدر يزعلك طول ماانا موجود .


داليا بغيظ : اوف لا بقى كدة كتير اوى انت على طول بتدافع عنها ومش عامل ليا اى اعتبار خالص .

جاسم انفعل واتعصب عليها : علشان مايسه بنت محترمه وانا متأكد من دة واظن انها من يوم ماجت العزبة وهى عمرها ماغلطت فى حد الدور والباقى عليكى اللى على طول بتلقحى عليها بالكلام وبعدين انتى مش كنتى ماشيه قاعدة ليه ؟.

امجد كان لسه موجود وبصله : امجد من فضلك لو سمحت انا تعبان ومحتاج ارتاح وصل داليا الفيلا واة وصل كمان مايسه فى سكتك للعزبة واتاكد انها دخلت قدام عينيك .

امجد: اتفضلى ياانسه داليا اتفضلى ياانسه مايسه .
جاسم بص لمايسه : لو سمحتى يامايسه عاوزك تيجى بكرة بدرى شويه .
مايسه ببلاهة : افندم ؟
داليا بكره : ليه بقى ان شاء الله هى كانت من باقيه عليتنا .
جاسم بضيق واتكلم بانفعال : وبعدين معاكى .

داليا : لا بجد كدة انا مش هاستحمل انت زودتها اوى ولا عامل ليا اى احترام ولاكأنى خطيبتك وحبيبتك .

جاسم تجاهل كلامها واصر على كلامه : زى ماقلتلك ياانسه مايسه تيجيلى بكرة لوسمحتى بدرى .
داليا : بقى كدة ياجاسم ماشى ابقى اشبع بيها انا ماشيه .
جاسم ببرود : استنى امجد هايوصلك .
داليا بصت لمايسه بكره ورجعت بصت لجاسم بغيظ وغضب : لا وعلى ايه انا هاخد اى مواصله ترجعنى الفيلا واهوة اسيبلكم القرف اللى انتو فيه .......... وسابتهم ومشيت وهى هتولع منهم .
بعد مامشيت داليا جاسم بص لمايسه واتكلم بمنتهى الادب : معلش يامايسه ماتزعليش حقك عليا انا.
مايسه : على العموم حصل خير بس مش من الادب انها كل ماتشوفنى تهنى.
جاسم : انا بتاسف لكى بالنيابه عنها ها بقى توعدينى انك تيجيلى بكرة الصبح .
مايسه : حاضر ان شاء هاجى لك بكره الصبح .

جاسم ابتسم : متشكر اوى يلا اتفضلى بقى من غير مطرود ..... بص لصاحبه : امجد زى ماقلتلك وصلها لحد باب العزبة واطمن انها دخلت علشان ابقى مطمن لانى بخاف عليها .

امجد : ماتقلقش ياصاحبى هاوصلها واتاكد بنفسى انها دخلت وبقيت فى امان .
جاسم بص لمايسه وكمل: ابقى سمليلى على باباكى ومامتك .
مايسه : حاضر يوصل ان شاء الله عن اذنك .
جاسم : مع السلامه .......... امجد اخد مايسه وطلعوا من القصر ورجعها العزبة وجاسم اكل واخد الدوا ونام .
امجد : خلاص وصلنا حمدا لله على سلامتك وعلشان خاطرى ياانسه مايسه مش تزعلى من كلام داليا لان دة طبعها وياريت كمان علشان خاطرى تروحى لجاسم زى ماقالك .
مايسه : اكيد ان شاء الله هاروح له بس احتمال اتاخر شوية على مابابا يصحى واستاذن منه وياريت تبلغ جاسم بدة علشان مايقلقش .

امجد : طيب ثوانى اكلمه دلوقتى وابلغه ......... امجد فضل يرن على جاسم كتير بس محدش رد عليه .

امجد : الظاهر انه اكل واخد الدوا ونام على العموم مش تشغلى بالك ولما امورك تسمح ابقى رنى عليا وانا اجى اخدك ووصلك لحد القصر .
مايسه : حاضر ان شاء الله ........... مايسه دخلت العزبة وكان ابوها قلقان عليها .
طه بلهفه وضيق : اتاخرتى ليه كدة يابنتى قلقتينى عليكى .
مايسه : معلش يابابا ماهو اصل يعنى على ماعملت لجاسم الأكل واطمنت انه اخد الدوا ونام وجيت على طول اهوة .
طه : يابنتى الوقت متأخر ودة مايصحش انتى مهما كنتى بنت وفى بيت واحد اعزب
مايسه : حبيبى يابابا ليه كل الخوف والقلق دة بس .

طه : ويعنى لو ماكنتش هاقلق عليكى هاقلق على مين يابنتى انا بقولك ان الوضع كله على بعضه مش تمام.

مايسه بزهق : يابابا انا مش صغيرة ولاعيله علشان تخاف عليا وبعدين جاسم محتاجنى اوى الايام دى انى اكون جنبه لحد مايخف ويقدر يقف على رجليه من تانى .
طه بحدة : لا انتى كدة اتجننتى رسمى .
مايسه : انا مش فاهمه ايه وجه اعتراضك بس جاسم محتاج اللى يقف جنبه على الاقل لحد مايروق عن اذنك بقى انا لازم انام بدرى علشان اصحى بدرى لانه طلب منى انى اروحله بكرة .
طه بغضب : مش هايحصل فاهمه مش هايحصل .
فوزية : بالراحه على بنتك ياطه بنتك انت مربيها كويس والواد مكسور ومتجبس ومحتاج رعايه وبعدين ماانت لسه شايف بنفسك محمد بيه وبنته ندى رجعوا العزبة علشان الشغل المتعطل دة وابنه اصر انهم يرجعوا متخافش ياطه الواد يعنى مش هأيكل بنتك .

طه بعند : برضه قلت لا .

مايسه بدلع : علشان خاطرى يابابا والنبى .
طه :لااله الاالله يابنتى ماينفعش جاسم شاب عازب ازاى بس عاوزانى اسيبك مع واحد عازب لوحدكم .
مايسه بضحك : متخافش يابابا لك عليا لو قرب منى هاضربه فى رجله المكسورة تصبح على خير بقى ياحبيبى .
طه بخوف : ربنا يجيب العواقب سليمه .

تانى يوم مايسه استاذنت من ابوها وامها بعد الحاح شديد منها وركبت معاة العربيه وهى مشغولة فى التفكير لكل اللى حصل وقد ايه هى حزينه فعلا علشان اصابه جاسم الشديدة امجد وصلها القصر وطلعت معاة لحد اوضه جاسم خبطوا وهو اذن للطارق بالدخول بس قبل ماتدخل مايسه قفل عليه وعلى صاحبه الباب2


جاسم : ها ياامجد طمنى وصلت لحاجه ؟

امجد بأسف : للاسف انا سالت عم سعد وقال انه مش شاف غير مثلم واحد داخل الاسطبل بتاع الحصنه ولما حاول يمنعة انه يدخل الاسطبل هددة بالسكينه على رقبته
جاسم وشه احمر من كتر الغضب وقبض على ايدة لحد مامفاصل ايدة ابيضت من كتر الضغط عليها .
جاسم بعصبيه وانفعال : طب وبعدين كدة برضه لسه مش قادر اكدد ظنونى
امجد : طيب وبعدين هاتعمل ايه دلوقتى ؟
جاسم اتنهد بزهق: مش عارف ياامجد صدقنى مش عارف انا لسه شاكك فيهم وبرضه مش هقادر اواجههم لازم تكون فى اى ادله كافيه ضدهم وايدك شايفنى مقدرش حتى اتحرك .
امجد بحذر : دة بالك ياجاسم دول تعابين .
جاسم : ماتقلقش عليا المهم سيبك من الكلام دة وخلى مايسه تدخل .

امجد : ماشى ..........امجد فتح باب الاوضه ومايسه دخلت قلبها كان بيألمها وهى شايفه جاسم وهو راقد على السرير وتعبان كانت بتتمنى لو تداوى تعبه لكن كان فى الف سبب وسبب يمنعها قربت وقعدت جنب جاسم ووشها للارض وبعدين رفعت راسها واتكلمت .


مايسه : ازيك دلوقتى ياجاسم من احسن ؟

جاسم بتعب : يااااااه كنت خايف اوى انك ماتجيش انا كويس دلوقتى .
مايسه :انت طلبت انى اجى وادينى جيت اهوة .
جاسم غمز لاامجد وهو فهم .
امجد بارتباك : اااااااا طيب عن اذنكم انا هارجع الشركه علشان ورايا شغل كتير .
جاسم بص لاامجد : امجد مش هاوصيك تاخد بالك من الشغل كويس .
امجد : حاضر ماتقلقش ....... وسابهم ومشى .
جاسم بحمحمه : احم ممكن يعنى تساعدينى وترفعيلى المخدة اصل حاسس ان نومه امبارح تعبتنى .

مايسه ساعدته لكن بالرغم من الالم اللى كان فى جسمه الا انه كان قريب منها اوى وشم عبيرها وقرب بشفايفة اللى لمست شعرها الكستنائى الناعم وهى لاحظت دة فبعدت عنه وجاسم رجع شدها من دراعها بايدة السليمه لحد مابقت فى حضنه وقرب بشفايفه من شفايفها وباسها برقه وبالرغم من تحذيرات ابوها بأن كدة ماينفعش الا انها دابت من قربه دة بس بعدت عنه وهربت بسرعة وخرجت من اوضته ووشها جاب ميه لون راحت المطبخ وحطت ايديها على قلبها وهى بتحاول تهدى ضربات قلبها اللى كان بيدق بعنف وانشغلت بتحضير الاكل له ودخلت تانى وحطته قدامه وهى بعيد.


جاسم بمكر : تعالى اقعدى جنبى يامايسه انتى خايفه منى ولاايه ؟


مايسه بتوتر وحدة : بص بقى بقولك ايه ياابن الناس لو كنت فاكرنى من البنات اياهم من اللى بتعرفهم كل يوم وبتعمل معاهم الحركات اللى مش ولابد دى فتبقى ساعتها غلطان لانى ببساطه ممكن اضربك فى ايدك المكسورة دى او اكسرلك ايدك التانيه علشان متكررهاش تانى ها قلت ايه .


جاسم ضحك : خلاص خلاص اهدى انتى عنيفه اوى على العموم مش هاقرب منك تانى بس ارجوكى خليكى جنبى.... وبمكر وخبث : اااااااه .

مايسه بقلق : ايه فى ايه مالك فى حاجه وجعاك .
جاسم بصلها لقى القلق مالى عينيها : ابدا اصلا جسمى وجعنى اوى .
مايسه قربت منه : فين مكان الالم ؟
جاسم مسك ايديها وحطها على قلبه : الوجع هنا .
مايسه سحبت ايديها بالراحه وبصتلة بغيظ :ماشى ياجاسم اما وريتك ........ وحدفته بالمخدة فى وشه .
جاسم بضحك : هههههههه يابنت المجانين .
مايسه بغيظ : احسن والله انت تستاهل يتعمل فيك اكتر من كدة .

جاسم بزعل مصطنع : كدة طب انا كدة زعلان وواخد على خاطرى منك .

مايسه بتغيظه : احسن اتفلق .
جاسم بجديه : استنى خلاص والله هابطل بس فعلا محتاج حد يأكلنى انتى عارفة ان ايدى اليمين متجبسه ومابعرفش استعمل ايدى الشمال لو سمحتى ممكن بس تاكلينى بنفسك .
مايسه : هو انت كنت عملت ايه امبارح لما سيبتلك الاكل .
جاسم : هاعمل ايه يعنى اضطريت استخدم ايدى الشمال ومعرفتش اكل بيها خالص .
مايسه : ماشى بس لو عملت حركه كدة ولاكدة مش هايحصلك طيب .
جاسم : لا الطيب احسن برضه .

مايسه قعدت قدامه وبدأت فعلا تأكله بايديها وكان بيأكل كل لقمه من ايديها بتلذذ ومشاعر غريبه سيطرت عليه عمرة ماحسها مع داليا لانه ماكنش بيشوف منها الرقه والطيبه دى ولما كان بيبوسها ماكنتش بتمانع اوحتى تصده وفضل يحط وجه مقارنه بينها ومابين مايسه وهو ساكت خالص .


جاسم : الحمد لله شبعت بجد تسلم ايديكى اكلك جميل اوى يامايسه .

مايسه : تؤتؤ لسه فاضل شوية كمان .
جاسم : صدقينى والله انا بجد شبعت .
مايسه : طب علشان خاطرى اللقمه دى وبس .
جاسم : حاضر ......... اخد منها اللقمه وحطها فى بقة غمض عينه وفتحها تانى وبص فى عينيها اوى .
مايسه بعدت ايديها وضحكت : مالك بتبصلى كدة ليه ؟
جاسم : ماانا قلتلك قبل كدة عينيكى فيهم سحر غريب وشقاوة مابقدرش اقاومة .

مايسه بتحذير : وبعدين معاك .

جاسم بحيرة واتنهد : انا اسف اوى والله بس غصب عنى انا بجد مش عارف ايه اللى بيحصلى كل ماببصلك .
مايسه قامت من جنبه وبعدت : اظن انك خلصت الاكل عن اذنك بقى انا لازم امشى علشان بابا مش يقلق عليا .
جاسم : ممكن قبل ماتمشى اسالك سؤال .
مايسه : اه طبعا اتفضل اسال .
جاسم : هاتجوبينى بصراحه .
مايسه : اكيد هجاوبك بكل صراحه لانى مابحبش اكدب .
جاسم : انتى ايه اللى بينك وبين داليا لانى ملاحظ انكم مش بتستظرفوا بعض وغالبا عاملين زى ناقر ونقير زى القط والفار .ياترى ممكن اعرف ايه الاسباب ؟
مايسه : اهى عندك اتصل بيها واسالها .

جاسم : انا فعلا سالتها وقالت انكم كنتوا اصدقاء لحد الثانويه وان كان فى واحد بيحبها من مدرسه البنين اللى كانت جنب مدرستكم وانه كان ناوى يخطبها لما تخلصوا دراساتكم خالص وبعدين يتجوزها بس قالت انك انتى اللى خطفتيه منها وحبك انتى وسابها فهل فعلا الكلام دة صحيح .


مايسه بضحك وتريقه : اه هى بقى فهمتك انى خاطفه رجاله مش كدة على العموم طالما صدقتها فانت حر عن اذنك .

جاسم بعصبيه : مش من باب الذوق لما اكلمك تسيبنى وتمشى فاهمة ولااقول كمان
مايسه بعصبيه مماثله : وانا مش هاسمحلك انك تكلمنى بالطريقه دى انا مش الخدامه اللى جابهالك باباك .
جاسم حس انه اتسرع وانه اتعصب عليها واتكلم بأسف : انا اسف وبعتذر انى اتعصبت عليكى بس انتى عارفة انى تعبان ومش حمل منهدة انا سالتك سؤال وانتى ماجوبتنيش على العموم انتى حرة دى حاجه ترجعلك فى الاول والاخر .
مايسه اتنهدت وقعدت جنبه وبدأت تحكي له كل حاجه حصلت مابينها ومابين داليا زمان وكانت بتحكى بمنتهى الصدق والامانه وخصوصا بعد ماداليا قلبت الحقائق كلها .

فلاش باك .


مايسه كانت فى مدرسه فاطمه الزهراء الثانويه بنات كانت بنت فى حالها كانت ولازالت محبوبة من جميع زملاتها واساتذتها بعكس داليا اللى كانت منبوذة بسبب سلاطه لسانها وعدم مراعاة مشاعر اصدقائها بجانب انها كانت مشاغبه وبتعمل مقالب فى اساتذتها وكمان فى اصحابها ماعدا صديقه واحدة كانت اسمها هند هى الوحيدة اللى كانت معاها على طول ماكان ماتروح وكانت من نفس عينه داليا بالظبط وبعد ماانتهى اليوم الدراسى هند وداليا كانوا بيتكلموا مع بعض.


هند : بقولك ايه ياداليا ماتيجى نزوغ من المدرسه بكرة دة حتى فى حته واد مز من مدرسه الولاد اللى جنبنا اسمه ممدوح واللى اعرفة انه عينه مليانه وابوة راجل غنى وكدة ومقتدر والغريبه انى بشوفة كتير واقف مع البت صاحبتك دى اللى اسمها مايسه .

داليا بغيظ وتكبر : بس متقوليش عليها صاحبتى انا لو اطول كنت اشفى غليلى منها دة حتى البنات والاستاذة بيحبوها الا انا اشمعنى يعنى تفرق ايه عنى دة انا حتى اجمل منها .
هند بمكر : دة انتى قمر 14 تقولى للقمر قوم وانا اقعد مطرحك بصى يادودو احسن حل انك تخطفى الواد ممدوح ده منها وخليه يحبك انتى اه وبكره هاتدعيلى وتقولى هند قالت .
داليا بخبث : والله فكرة يابت ياهند .........وبدأت داليا تنسج خيوط انوثتها زى خيوط العنكبوت حوالين ممدوح لدرجه ان ممدوح اقتنع بيها وفى يوم راح وكلم مايسه واخدها على جنب فى الوقت اللى كانت مايسه حبته فيه من كل قلبها .

ممدوح راح مدرسه البنات وفضل يدور على داليا بس مايسه كانت الاقرب له وراحت له بلفهه.

مايسه بسعادة : ممدوح حبيبى وحشتنى .
ممدوح بارتباك :مايسه بنت حلال جيتى فى وقتك لانى محتاج اتكلم معاكى شويه .
مايسه بحب : قول حبيبى وانا سامعاك .
ممدوح : بصى فى حاجه مهمة اوى اوى لازم تعرفيها .
مايسه : مالك ياممدوح فى ايه قلقتنى .

ممدوح بنفس حاله الارتباك : انا اقصد يعنى ان كل شىء قسمه ونصيب وبتمنى لكى السعادة من كل قلبى .

مايسه بصدمه : مش ممكن انا مش قادرة اصدق نفسى طب ليه انا كنت عملت ايه علشان تعمل فيا كدة دة انا حبيتك هو دة جزاتى يعنى .
ممدوح : انا اسف بس بجد ماحستش انى بحبك .
مايسه : ليه ياممدوح دة احنا من فترة صغيرة اوى كنت بتقولى انك بتحبنى وعاوز تيجى تطلبنى من بابا وتخطبنى ويبقى فى ربط كلام على مانخلص الثانويه والجامعة جاى دلوقتى وبكل بساطه تقولى انا مابتحبنيش .
ممدوح : اصل بصراحه انا .. انا ... انا بحب واحدة تانيه .

مايسه بذهول : بتحب واحدة تانيه هى مين وبنت مين ارجوك اتكلم.

ممدوح سكت وسكوته ضايقها اوى جت داليا عليهم وكانت عينه عليها مايسه بصت وراها لقيتها بتشاور لممدوح وبترسله بوسه فى الهوا .
مايسه بعصبيه وزعقت : بقى بتسيبنى علشان خاطر دى .
ممدوح : من فضلك يامايسه احترميها لانها هاتبقى خطيبتى .
داليا راحت لهم وكانت سامعة الحوار .
مايسه : سؤال هأسالهولك دى احسن منى فى ايه علشان هاتخطبها ها .

داليا بغل وحقد : فيها انى ستك وتاج راسك يابت انتى.

مايسه بتريقه وبصت لهم هما الاتنين : تصدقوا انتو الاتنين لايقين على بعض كتير اتلم المتعوس على خايب الرجا على العموم هى كلمه هاقولها لك قبل ماامشى ياخسارة حبى لك وانا مايشرفنيش انى احب واحد رمرام زيك بيسيب الدهب الاصلى وبيمشى ورا القشرة المزيفه سلام يابنت السويفى ......... وسابتهم وهى دموعها على خدها .

انتهى الفلاش باك .


مايسه : بس هو دة كل اللى حصل مابينا بس انت عرفتها ازاى .

جاسم :كانت زميله ليا فى نفس الكليه وانا اكبر منها 4 سنين كنت فى اخر سنه فى الكليه وهى كانت لسه فى سنه اولى وطبعا فضلت تتقرب منى لحد ماحبتها وخطبتها رسمى من ابوها لكن قوليلى لما هى اخدت منك ممدوح طب ليه ماكملتيش معاة واتخطبت له .
مايسه : لانه جالى تانى بعد ماسابنى واعتذر ليا وقالى انه كان غلطان فى اختيارة لها .........شوية وسرحت وافتكرت اخر لقاء بينها وبين ممدوح .
ممدوح كان خلص الثانوية ومايسه التحقت بكليه الفنون الجميله وهو التحق بكليه التجارة وشاف بنفسه لما داليا سابته وبدأت تهتم بجاسم بس المرة دى كانت مايسه كبرت سنه و بقت اجمل واحلى واشيك بكتير من المرحله الثانوية وبقت اعقل راح وندة عليها .

ممدوح : ازيك يامايسه .

مايسه باستغراب : ممدوح ؟ خير يارب فى حاجه ولاايه .
ممدوح باسف : انا اسف يامايسه حقك عليا انا ظلمتك كتير .
مايسه ببرود : مش فاهمه انت تقصد ايه .
ممدوح : داليا طلعت خاينه وبتخونى واحنا لسه مخطوبين وفسخت خطوبتها بيا علشان تدور على غيرى .
مايسه بتريقه : طب وانا مالى ماتفسخ خطوبتها بيك اولا دى حاجه تخصك مش تخصنى .
ممدوح بارتباك : لا طبعا يهمك انتى مش بتحبينى .

مايسه بضيق : لالا بالراحه عليا شوية انت بجد مصدق نفسك حب وكلام فاضى زى دة لا معلش معطلكش لانى حاليا مخطوبة لوائل ابن عمتى وادى دبلته اهى عن اذنك بقى علشان زمان خطيبى على وصول ومش عاوزاة يجى ويشوفك وانت بتكلمنى كدة .......... وسابته ومشيت وهو بيعض على شفايفه من الندم .

شوية ولقت جاسم بيهز فيها .
جاسم : ايه يابنتى انتى روحتى فين .
مايسه : ها لا ابدا مافيش اصلى افتكرت ازاى داليا قدرت تضحك على ممدوح لحد مابعدته عنى وبعد كدة هى كمان سابته وجريت وراك .
جاسم : انا مش فاهم حاجه يعنى ايه معنى كلامك دة ؟

مايسه بدأت تحكيله كل اللى حصل .

جاسم والغيرة ظهرت فى عينيه : معنى كلامك دة انك كنتى مخطوبه فعلا لوائل بعد مادخلتى الجامعة على طول .
مايسه : بالظبط كدة وفضلنا نحب بعض لحد ماخلصنا الجامعة لانه ساعتها كان اتخرج من كليه التجارة انتساب وانا اتخرجت من الكليه بتاعتى وبعدها بابا اصر انه يعجل بالجواز علشان كانت الخطوبة طولت كان مصيرى ان وائل عاوزة يغتصبنى واتخلى عنى زى مااتخلى ممدوح عنى اكتر اتنين حبتهم من كل قلبى جرحونى ...... وفضلت تعيط بحرقه .

جاسم : معلش مش تعطيتى لسه نصيبك مجاش بس يمكن يكون نصيبك فى الجاى احلى .

مايسه رفعت وشها ودموعها نازلة على خدها وبصتله وهو كمان فضل يبصلها وهو مبتسم .
جاسم : انا بجد مبسوط اوى انى سمعت عنك كل حاجه .
مايسه : انا اسفه اوى ياجاسم صدعتك .
جاسم : لا عيب عليكى اوى تقولى كدة تانى علشان ماازعلش منك انتى غاليه عندى اوى وربنا يعلم .
مايسه : متشكرة ربنا يخليك استاذن انا ابقى علشان بابا مايقلقش عليا .

جاسم : استنى هابعتلك السواق يوصلك بنفسه لحد باب العزبة وآة اول ماتوصلى رنى عليا طمنينى انك وصلتى بالسلامه .

مايسه : ان شاء الله .
جاسم : هاشوفك تانى .
مايسه بمشاكسه : هاتشوفنى تالت ورابع وعاشر لحد ماتزهق منى وتخف وتقوم بالسلامه .
جاسم كان جواة مشاعر كتيرة جديدة عليه عمرة ماحسها مع اى واحدة من اللى كان بيعرفهم زى ماحسها مع مايسه كان متلخبط ومش عارف يسيطر على أحاسيسه دى.

ونسيب جاسم شوية ونروح لداليا اللى رجعت الفيلا والحقد والكرة مالى قلبها .

داليا بحقد : ماشى يازفته الطين ياللى اسمك مايسه دة انا هاوريكى النجوم فى عز الضهر ياكلبه نجوم السما اقربلك من انك تاخدى منى جاسم مش هاسمحلك بدة ابدا .
محمود : ايه يابت انتى انتى بتكلمى نفسك انتى اتجننتى ولاايه .
داليا بغيظ : من فضلك يابابى سيبنى دلوقتى لو سمحت .
محمود : ماهو انا مش هاسيبك غير لما اعرف مالك وشكلك ماتغير ليه كدة ايه اللى حصل .

داليا : فاكر يابابى البت اللى كنت حكيتلك عنها قبل كدة اسمها مايسه البحراوى .

محمود بتفكير : مايسه البحراوى الاسم دة مش غريب عليا استنى استنى مش هى دى البت اللى كانت صاحبتك من صغركم لحد ماكنتوا فى الثانوى .
داليا بغل : هى اصلا عمرها ماكانت صاحبتى وايوة هى بس تصور يابابى شايفها دلوقتى بترسم على جاسم
محمود : بقولك ايه ياداليا حاولى تمنعى البت دى وابعديها عن طريق جاسم مش عاوزين خططنا تبوظ او تفشل بسبب البت دى والا هاخلص عليها بنفسى .
داليا بكيد : قولى يابابى اتصرف معاها ازاى انا لو اطول كنت خنقتها وارتحت منها بس فى الحاله دى هابقى بنيت حاجز بينى وبين جاسم ومش بعيد ساعتها هايكرهنى ويقرب منها أكتر ويبعد عنى مش عارفه اعمل ايه او اتصرف ازاى .

محمود : قوليلى الاول هو شك فيكى يوم المسابقة ؟

داليا : معرفش وبعدين لو شاكك فيا كان زمانه سابنى .
محمود : يبقى لازم تخلصى منها وبسرعة .
داليا : ازاى بس يابابى نفسى والله نفسى اخلص منها وارتاح بس قولى ازاى .
محمود بخبث :انا هاقولك ياروح بابى بس قوليلى الاول شريف اخبارة ايه .
داليا : من ساعة مارجع جاسم القصر وشريف اختفى تماما واغلب الظن انه رجع الرحلات من تانى وكمان شك جاسم فيه مخليه بعيد شوية انما حضرتك بتسأل ليه ؟
محمود بمكر : مش انتى عاوزة تخلصى منها .

داليا : طبعا عاوزة اخلص منها قبل ماجاسم مايحبها ويتعلق بيها اكتر واكتر وساعتها هى هاتكوش على كله ومش هانقدر نسيطر عليه وبعدين انا عاوزاة يبقى زى الخاتم فى صباعى لحد ماتقدر تاخد منه اللى انت عاوزة ونكسره هو وابوة .

محمود : تعجبينى يابنت السويفى هههه ........ وفضل محمود وبنته يضحكوا ويخططوا مع بعض ازاى هايقضوا على مايسه عن طريقها هى وشريف .

خلص الفصل والشر مالى قلوبهم بس ياترى هاينجحوا فعلا فى دة ولالا ....

iklan banner

Abdulrhman Sayed
كاتب المقالة
كاتب ومحرر اخبار اعمل في موقع قصص وروايات .

جديد قسم :