الفصل الاول

فى احدى القرى الريفيه
تجلس بنوته على مع اصدقاءها

ملك: اوف بقى انا زهقت اوى يلا نلعب لعبه تانيه
مى:هنلعب ايه يعنى
ملك: اى حاجه



منة: طيب طيب يلا نلعب استغمايه
ملك: ماشى . مين اللى هينزل فيها
مى,منه,سارة : احم احم انتى
ملك: ليه بقى ان شاء الله
ساره: مش انتى اللى قولتى نغير اللعبه
ملك:طب يلا
خلاويص
البنات: لسه
ملك: اجيب البوليس
البنات:لسه
ملك:انا جااااااااااى
البنات :تعاااااااااااالىىىىىىىى
<<نسيت اعرفكم ملك بطله قصتنا دى طفله فى منتهى البراءة بتحب تلعب وتتنطط مع اصحابها . هى اصغر واحده فى اخواتها يعنى اخر العنقود زى ما بيقولوا . ملك كان سعرها اسود ناعم وعيونها سود وبشرتها بيضه >>
مى,منه وساره دول صحاب ملك وجيران
نسيبهم بقى يلعبوا مع بعض ونروح مكان تانى
..................................................
فى بيت ملك

كانت الام فى المطبخ لما سمعت الفون بيرن
الام(ثريه):الوو
الاب(سامى): الوو ... اذيك يا ثريه وازى الولاد عاملين ايه
ثريه: الحمد لله بخير
سامى : امال ملك فين , متعود ديما هى اللى ترد عليا
ثريه: بتلعب مع صحابها برا
سامى : خلى بالكوا من نفسكوا .....سلام
ثريه:حاضر....سلام
تقفل الام وتروح تكمل الاكل فى المطبخ
........................................
فى المدرسة
يجلس مجموعة ولاد
على :ايه يابنى مش هتيجى معانا النهارده نلعب الماتش ولا ايه
طه : متخافش هاجى بس هو الساعه كام
على : يعنى على بعد العصر كدا
طه:تمام هاجى
على : اوعى تنسى هستناك
طه: اوكشنن
.............................................
فى مكان تانى عند مريم وسلوى
مريم: يلا بقى يابنتى مش هنتاخر والله
سلوى : لا يا ستى ماما هتزعق
مريم : يعنى انتى لوحدك ما انا معاكى اهو
سلوى: مش هنتاخر اكيد
مريم: اكيد .زيلا بقى
.......................................
فى مكان بعيد شويه وتحديدا فى فيلا احد رجال الاعمال الكبار فى القاهره
......: ها عملت ايه ...................... يعنى ايه كدا كتير اوى ............ طيب سلام

الفصل الثاني

عند ملك
خلصت لعب مع صحابها وكل واحده فيهمدخلت بيتها
دخلت ملك المطبخ لمامتها
ملك:ماما انا جعانه
ثريه: مش هتستنى بابا
ملك:هاكل دلوقتى وهاكلمعاه لما يجى
ثريه :ماشى يايختى ..روحى الصاله وانا هجبلك الاكل واجى
ملك بطفوله:ماشى
تاكل ملك وتقعد تتفرج على الكارتون وثريه تدخل الاوضه عشان ترتاح شويه
ملك بتكلم نفسها :الله سبونج بوب ... وتقعد تتفرج عليه
..
بعدها بشويه يجى طه
طه:جعااااااااااااااااااان جعاان جعان جعاان
ملك:ببراءه مشتقول سلام عليكوا الاول ايه الواد الطفس دا
طه:ههههه ماشى سلام عليكوا جعااااااااااااان
ملك تسيبه وترجع تتفرج على الكارتون وتقوله ماما جوا روح قولها
طلع ثريه من الاوضه و..........
ثريه: انا جيت اهو هو الواحد ميعرفش يرتاح فى البيت دا ياربى

يدخل طه يغير هدومه ويطلع يلاقى الاكل محطوط على الطبليه
وياكل وبعدين يدخل يعمل شاى ويخدل الاوضه
(بيت ملك عباره عن لبيت كبييييير 3 غرف وصاله وغرفه للضيوف وحمام ومطبخ )
تفضل ملك تتفرج على الكارتون فى الصاله .... وفجأة

الفصل الثالث

تفضل ملك تتفرج على الكارتون فى الصاله وفجأة
تسمع صوت الباب بينفتح فتقوم بسرعه وتجرى على بباها وتنط عليه تحضنه وتبوسه ...(دى كانت عادة ملك كل يوم وبكل براءة اول ما تشوف بباها راجع من الشغل وبيدخل البيت تجرى عليه تحضنه وتبوسه وسامى يقعد يضحك على شكلها وهى بتجرى )
سامى :اهلا اهلا ملوكه حبييبتى ازيك
ملك:الحمد لله
ثريه: ماهى زى القرده قدامك اهى ...... احط الاكل ولا هتصلى الاول
سامى :حطى لسه العصر مأذنش
يحرج طه من اوضته يسلم على بباه
طه بمرح:اهلا اااااان ياحجوج نورت
سامى بابتسامه:اهلا يا يعم طه .....تعالى يلا عشان تاكل معايا
طه :بالهنا يا والدى انا خارج
ثريه:رايح فين يا موكوس
طه :رايح العب ماتش فى النادى
سامى:طيب متتاخرش
طه :عونويا يا حج .... سلام
سامى يتغدى وبعدين يتوضى ويروح يصلى العصر فى الجامع
ويرجع البيت ينام شويه (فهو مثل اى موظف حكومى )
..
صحاب ملك فى الشارع يجوا ينادوا عليها عشان يلعبوا سوا
جرس الباب يضرب
ثريه : شوفى مين يا ملك
ملك:حاضر
تطلع ملك تشوف مين على الباب
ملك:مين
منه:انا منه يا ملك
تفتح ملك لمنه
منه:يلا عشان نعلب
ملك:هجيب الشبشب واجى
منه: ماشى مستنياكى
ملك تقول لمامتها وتطلع تلعب مع اصحابها وتلاقى منه وساره ومى والاء (اصغر من ملك وصحابها بسنه)وساجد (اكبر من ملك وصحبها بسنه)
واقفين يتفقوا يلعبوا ايه
تطلع ملك وتسلم عليهم
ملك:ازيكوا يا عيال
ساجد:تمام يا ملك
ملك:ها بقى هنلعب ايه
قعدوا يشرحوا لملك اللعبه (اللعبه باختصار اب واب وابناء )
الاب ساجد , والام ملك , والابناء منه ومى , وصحابهم الاء وساره

ويروح كل واحد فيهم يجيب لعبه من بيته والحجات اللى بيقعدوا عليها فى الشارع زى السجاده كدا بس اصغر شويه . ويبدوا لعب
( مش هقولكوا بقى فى اللعبه دى كانوا بيالفوا تاليفات فظيعه يعنى انتى كداافتكرى ايام طفولتك زمان وهتعرفوا ايه هى التاليفات دى )

قعدوا يلعبوا لحد الساعه 9 باليل وبعد كدا كل واحد راح بيته

الفصل الرابع

تمر الايام بنفس الروتين مفيش فيها اختلاف الا فى حجات بسيطه
..
وفى يوم ملك كانت بتلعب مع ساجد ومى ومنه الصبح كدا , ومامتها نادت عليها بس هى مش سمعتها لانها كانت بتلعب
طلعت ثريه تنادى عليها
ثريه بنبره حاده:ملك
ملك:نعم يا ماما
ثريه:انا مش بنادى عليكى مردتيش ليه
ملك:مش سمعت والله اسفه
ثريه بغضب :مسمعتيش .. طب تعالى بقى
مسكت ثريه ايد ملك وراحت على المطبخ ..شغلت البتوجاز .ومسكت اديها جامد عشان متهربش منها و...........
ثريه بشر:مش قولتلك متلعبيش مع ولاد تانى
ملك بدموع:يا ماما ....ولسه هتكمل كلامها ااااااااااااااااااااااااااااااااااااااااااااااااااااااااااااااااه
حطت ثريه المعلقه السخنه على ايد ملك الطفله
ملك بعياط:خلاص خلاص مش هعمل كدا تااااانى
شالت ثريه المعلقه من على اديها ....ومش فكرت حتى تعالج اللى عملته فى بنتها بالعكس سابتوا معاها علامه فى اديها طول حياتها
(طبعا الموقف دا اتحفظ فى عقل ملك للابد)
طبعا ثريه مقالتش لسامى انها عملت كدا ... وهو كمان مش لاحظ حاجه عليها
ملك كانت خايفه من ثريه عشان كدا مش قالت لسامى
طبعا اخوتها عرفوا وسلوى (اختها الكبيره) حاولت تهديها بانها تجبلها شوكولاتا وشيبسى وتحكيلها قصص عشان تنسى اللى حصل
......
بمرور الايام ملك نسيت والام كمان نسيت ..لكن ملك كل ما تشوف الحرق اللى فى اديها تفتكر الموقف اكنوا حصل فى اللحظه دى وتخاف من ثريه اوى
........................................
فى يوم تروح ملك مع اهلها بيتهم الجديد اللى لسه بيبنوه
كانت ملك بتحول طوبه طوبه وتديها لبباها
ملك لنفسها : يييييييي ايه دا كلو دول كتير اوى
وترجع تكمل تانى مع بباها (تشيل طوبه وتديها لبباها وترجع تشيل تانى وهكذا)
..
عند سلوى وطه(اخوات ملك)
كانت سلوى بتحول الرمل لطه وهو يحطوا فوق
سلوى:خد فاضل كمان شويه صغيرين ونكون خلصنا
طه:اخييييييييرا ايه دا
سلوى : اخيرا ايه يا عم انت دا انت يادوب بتاخد منى بس . مش بتطلع السلم بيه وتنزل تانى
طه:احم احم ايه الاحراج دا بقى
انا قصدى انك اخيرا هتخلصى وترتاحى
سلوى:ههههههه لا والله .. ماشى يالمض يلا بقى عشان نخلصهم
طه:ماشى ياكبير

ويكملو كلهم الشغل اللى موجود ويرجعوا البيت ياخدوا دوش ويناموا
...
فى اليوم التالى بالليل
يرن جرس الباب .... تفتح ملك وتلاقى بباها وشخص تانى معاه
الاب(سامى): اتفضل اتفضل ياحج سليم نورت والله
سليم:يزيد فضلك .بنورك انت واهل البيت
ملك تدخل جرى لمامتها عشان تقولها ان فى حد مع بباها
ملك:ماما ماما
ثريه فى ايه يا زفته
ملك:فى حد مع بابا برا
ثريه:مين دا ؟!
ملك:مش عارفه
ثريه:طيب انا هروح اشوف مين



الفصل الخامس

عند سليم وسامى
سامى:اتفضل اتفضل تحب تقعد فين
سليم:اى حته
سامى:طب اتفضل ............. شاى يا ام سلوى
ثريه من جوا:حاضر
سامى :خير ياحج سليم موضوع ايه اللى كنت عايزنى فيه
سليم:بصراحه كدا من غير لف ولا دوران انا جاى اطلب ايد بنتك سلوى لعماد ابنى
سامى:بينتى سلوى
سليم :ايوا
سامى باستغراب :وهو شافها فين دى مشش بتطلع برا خالص
سليم:انا هحكيلك
flash back
كانت سلوى بتحول الرمل لطه وهو يحطوا فوق
سلوى:خد فاضل كمان شويه صغيرين ونكون خلصنا
طه:اخييييييييرا ايه دا
سلوى : اخيرا ايه يا عم انت دا انت يادوب بتاخد منى بس . مش بتطلع السلم بيه وتنزل تانى
طه:احم احم ايه الاحراج دا بقى
انا قصدى انك اخيرا هتخلصى وترتاحى
سلوى:ههههههه لا والله .. ماشى يالمض يلا بقى عشان نخلصهم
طه:ماشى ياكبير

فى الوقت دا عماد كان راجع من الشغل لبيته وشاف سلوى وعجبته
عماد فى نفسه: مين البنت دى انا اول مره اشوفها .شكلها محترمه وطيبه كمان . هو دا اللى انا عايزه
الله مش دا بيت الحج سامى .اكيد دى بنته انا هروح اقول لبابا وهو هيعرف لو بنته فعلا هخطبها منوا
..
يدخل عماد البيت
الفت (الام): حمدلا على سلامه يا بنى احضرلك الغدا
عماد:لا يا ماما شكرا . هو فين بابا
الفت:جوا فى الاوضه
عماد:طيب انا هدخله
الفت: ماشى
..
عند سليم فى الوضه
الباب يخبط
سليم:ادخل
عماد: مساء الخير يا ولدى
سليم:مساء النور يا عماد تعالى
يدخل عماد ويقفل الباب وراه
سليم : شكلك مبسوط خير فى ايه
عماد: خير ان شاء الله يا حج . عارف عمى سامى سلمان
سليم:ايوا اعرفه ماله فى ايه
عماد: بصراحه كدا يعنى
سليم: متقول يابنى فى ايه قلقتنى
عماد: بصراحه كدا عايز اتجوز
سليم:الف مبروك ياحبيبى . بس ايه اللى جاب عمك سامى فى الموضوع
عماد بمرح:متركز معايا شويه يا بابا . ما هو دا اللى هيبقى حمايا
يعنى عايز اتجوز بنته
سليم:الف الف مبروك ياحبيبى بجد زين ما اخترت الحج سامى راجل طيب وسمعته الطيبه سبقاه واكيد بنته هتبقى زيه
تنهد عماد بسعاده :ان شاء الله . بص انت تقول لابوها ولو فى قبول ان شاءء الله اجى معاك
سيلم بضحكه خفيفه:ما انت موضب كل حاجه اهو شكلك مستعجل اوى
عماد: ربنا يخليك لينا يا ولدى
تانى يوم قابل سليم سامى فى الجامع وبعد الصلاه
سليم: تقبل الله يا حج سامى
سامى : منا ونكم يارب
سليم : كنت عايزك فى موضوع كدا يا حج
سامى:خير ياحج
سليم:خير ان شاء الله بس مش هينفع هنا
سامى: ممم . طب تعالى معايا البيت وتتكلم براحتك
سليم:ماشى
back
سامى :يعنى ابنك شاف بتنى امبارح فى البيت
سليم:بالظبط كدا
سامى:والله يا سليم الرأى رأى سلوى مش انا فى الموضوع دا لازم اشاور اهل البيت
سليم:خد وقتك . وبلغنى لما تتفقوا
سامى:ان شاء الله
سليم:استاذن انا بقى
سامى:ما انت قاعد شويه
سليم:معلش بقى اسيبكم تفكروا براحتكوا
سامى : مع الف سلامه نورت .. ووصلوا للباب
(ملك طبعا كانت قاعده معاهم وسمعه كل الحوار)

يقول الاب لثريه وثريه تاخد رأى بنتها سلوى
سلوى بكسوف: اللى تشوفه حضرتك يابابا
سامى:على بركه الله . ان شاء الله هبلغ سليم عشان يجيب ابنه معاه وتقعدوا مع بعض ولو فى قبول يبقى خير
..
وبعد 3 ايام
ملكلسلوى ومريم :وصلوا وصلوا
مريم(اخت ملك الاكبر بعدسلوى): مين
ملك:العريس وبباه
سلوى وشها احمر
مريم:ايوا ياعم مفيش حد قدك
سلوى:بس بقى بطلى
تخرج ملك تتفرج عليهم .......... وسلوى تكمل تجهيز نفسها وطبعا انتو عارفين الباقى بقى 0قعدوا مع بعض وحصل بينهم قبول )
المهم سلوى وافقت على عماد واتخطبوا وطول فترة الخطوبه مفيش خروجه برا البيت الا وملك تبقى معاهم فيها وطبعا معظم الخروجات كانت بتبوظ فى الاخر بسبب ملك
لفصل السادس

بعد 6 شهور اتجوزت سلوى وعماد بعد حب جميل اتولد فى فتره الخطوبه
ملكيوم فرح سلوى كانت فرحانه ومبسوطه اوى باختها
اما بقى فى اخر الفرح قعدت تعيط مش كانت عايزه تسيب سلوى
ملك بدموع:سلوىىىىىىىىىىىى يييييييييييييي
ثريه:سلوى خلاص ياحبيبتى اتجوزت
ملك بعيون حمرا:مش هشوفها تانى
مريم:لا طبعا هتشوفيها . دا احنا هنجلها بكرا كماان
ملك بفرح طفولى:بجد
مريم:هههههه ايوا طبعا . يلا بقى عشان نروح
ملك: ماشى

وتمر الايام سريعا وفى يوم ذهبت سلوى بصحبت زوجها وحبيبها عماد الى بيت اهلها
.....
عند ملك جرس الباب يدق فتحت سلوى
ملك بفرحه:ساااااااااااااااااااااااااااااااالوىىىىىىىىىىى نطت عليها وحضنتها جامد وحشتينى اوووووووووووووى
سلوى بابتسامه:وانتى كمان يا لوكا يا حبيبتى وحشتينى اوى اوى اوى
سلمت ملك على عماد ودخلو ودخلو البيت ( وبعد السلامات والتراحيب الكبيره من اهلها بها وبعماد) جلست سلوى بجانب عماد و..................
سلوى فى حخل لعماد : هتتكلم انت ولا اتكلم انا
عماد:لا اتكلمى انتى
سلوى وهى تنظر لوالدها فى خجل : هتبقى جدو بعد 9شهور
سامى بفرحه : الف الف مبروك يا حبيبتى
ثريه وقد احتضنت بنتها : حبيبتى ربنا يقومك بالسلامه يا قلب ماما
مريم: واخيرا هبقى خالتو
طه بمرح:لالالالا رجعى اللى فى بطنك دا . دا كدا هيكبرنى
يضحكوا الجميع ويقضوا مع بعض وقت جميل مليئ بالفرحه
....
تصحى ملك الصبح وتروح الحضانه اللى فيها صحابها اللى بتلعب معاهم ديما
&كان معاها فى الحضانه ساجد ومنه ومى و(هاجر جارتهم فى الشارع اللى بعدهم على طول ) و (حمزه دا ولد عسول كدا ملك كانت بتحبه او بمعنى ادق بتحب تتكلم معاه ) و ايمان و حنان &
دا غير بقيت الفصل
كانت ملك بتحب مس شرين جدا وبتحب حصتها اوى
.............................
فى الحضانه
تدخل ملك الفصل وتقعد جمب اصحابها فى الدسك
وتدخل مس شرين ويقوموا يقفوا احترام ليها
(مس شرين مدرسه الانجليزى طويله ورفيعه ولبسها شيك جدا وفى نفس الوقت محترم ز. محجبه وهى اصلا عسوله كدا)
مس شرين :صباح الخير يا حلوين
الاطفال:صباح النور يا مس
مس شرين :اتفضلوا اقعدوا
تكتب مس شرين حرفA على السبوره وتقول بطريقه مرحه جدا وطفوليه عشان سنهم
انا هقول Aبصوت واطى وانتو تقولوا بصوت عالى ماشى
الاطفال بصوت عالى :مااااااااااااااااااااااااااااااااشى
شرين:لالا مش دلوقتى . هعد 123 واقول وانتو تقولوا ورايا
1,2,3, A
الاطفال بصوت عالى جدا: AAAAAAAAAAAAAAAAAAAAAAAAAAAAAAA
تحط مس شرين اديها فى ودنها وتغمض عنيهاوتجرى بطريقه مرحه
الاطفال:يقعدوا يضحكوا ويعلوا صوتهم اكتر فى الحروف اللى بعدها وتكرر نفس الحركات المرحه
تخلص الحصه وتمشى مس شرين وتيجى بعدها حصه الكومبيوتر
كانوا يدخلو الاوضه اللى فيها الكمبيوتر والمس تشغلهم الكارتون وبعد ما يخلص تحكلهم حكايات او تقولهم اناشيد يغنوها وكدا
.
بعدها بقى تيجى حصه الالعاب وكانت ملك بتحب الحصه دى اوى
مس1:يلا يا ولاد روحوا على الجنينه
الاطفال:هيييييييييييييييييييه ويجروا على الجنينه ويفضلوا يلعبوا
تركب ملك المورجيحه وتقعد تلعب
بعدها بشويه
مس1: يلا يا اطفال الحصه خلصت
ملك وهى بتنزل تتخبط فى المورجحه ودماغها يتعور تجرى عليها المس وصحابها بما فيهم ساجد وحمزه
ملك:اااااااااااااااااااااااااااه
مس : ملك حاسبى وتجرى عليها
المس تطهر الجرح لملك وتربطوا و.......................
المس : ها يا لوكا حاسه بايه دلوقتى
ملك: دماغى بتوجعنى اوى
مس1: معلش يا حبيبتى شويه كدا وهتخف على طول
ملك: ماشى.... مس انا عايزه انام
مس1: حاضر تعالى يا حبيبتى
تاخد المس ملك على الوضه اللى بينام فيها الاطفال وتحطها على السرير وتغطيها وتنام ملك

 السابع

نوصل لنهايه اليوم الدراسى فى الحضانه وملك تكون لسه نايمه , تدخل المس تصحيها عشان تروح
المس:ملك يلا اصحى مريم جت اهى
ملك: ممممم حاضر
مريم: ايه دا مين اللى عمل فيكى كدا يا حبيبتى
المس: هى بس اتخبطت فى المورجيجه , والخبطه بسيطه متقلقيش
مريم: طب شطرا يا مس .. يلا يا ملك
ملك:حاضر
تمشى ملك مع مريم ويروحوا البيت
.....
فى البيت
ثريه بخضه : ايه اللى عمل فيكى كدا
مريم تحكلها على اللى حصل
ثريه: ادى اخرة شقاوتك
ملك: طب انا جعانه
ثريه : مريم هاتى لاختك تاكل
مريم: حاضر
.....................................................
فى مكان تانى عند سامى فى البنك
المدير: ابعتلى سامى على مكتبى حالا
السكرتير: حاضر يا فندم
....
عند سامىفى مكتبه الفون يرن
سامى: الو..........حاضر حاضر جاى حالا
يغلق سامى الفون ويروح للمدير
سامى فى نفسه :استرها يارب
..
يخبط سامى على باب المدير
المدير: ادخل
سامى: صباح الخير يا فندم
المدير: صباح النور تعالى يا سامى
سامى : خير يا فندم حضرتك كنت عايزنى فى حاجه
المدير: ايوا يا سيدى الادارة وافقت على طلب القرض اللى انت كنت عايزه
سامى بفرحه : بجد بجد يا فندم ربنا يخليك يارب يافندم منتحرمش منك ابدا
المدير: انت تستاهل كل خير يا سامى
سامى : بجد انا مش عارف اقول لحضرتك ايه
المدير: متقولش حاجه واتفضل بقى على مكتبك
سامى : حاضر بعد اذنك المدير : اتفضل
يرح سامى على مكتبه ويكمل شغله
.....................
عند ملك فى البيت
يرجع بباها من الشغل يتغدى وينام
ثريه:سامى انا ومريم وملك هنروح نزور سوسن عشان تعبانه شويه
سامى: ماشى وانا هريح شويه على ما تيجى
ثريه: ماشى تصبح على خير
سامى : استنى امال فين طه
ثريه: فى الدرس
سامى: ربنا معاه
..
تروح ملك وثريه ومريم عند سوسن و................
جرس الباب يرن يتفح احمد (ابن اخت سوسن) الباب
ثريه:مساء الخير يابنى
احمد:مساء النور
ثريه: انا صاحبه سوسن . هى موجوده
احمد:اه موجوده اتفضلى
ثريه:يزيد فضلك
تدخل ثريه ومعاها بناتها لاوضه سوسن تلاقى .امال اختها موجوده
امل:اهلا وسهلا اتفضلوا , عاش من شافك يا ثريه ايه مبقتيش تسالى خالص كدا
ثريه: اهلا حبيبتى ازيك. والله مشاغل بقى وانتى عارفه العيال وكدا .
ازيك يا سوسن عامله ايه دلوقتى
سوسن وباين على وشها التعب : الحمدلله احسن
ثريه: تستاهلى الحمد يا حبيبتى
امال: مين القطاقيط دول يا ثريه
ثريه: دول بناتى مريم ودى ملك اخر العنقود
امال: ماشاء الله ربنا يخلى
ثريه: تسلمى
امال: ازيك يا مريم يا حبيبتى
مريم بابتسامه : الحمد لله يا طنط
تقعد ثريه مع سوسن شويه وامال تروح تجيب ليهم عصير
.............
فى المطبخ
امال: واد يا احمد انت يا واد تعالى هنا عيزاك
احمد:نعم يا ماما
امال: شايف مريم اللى قاعده جوا دى
احمدبحنين :هى اسمها مريم
امال: ايوا يا عين امك . قولى ايه رايك فيها
احمد: ها رائى ازاى يعنى
امال: يعنى عجباك اخطبهالك
احمد: نشوف الموضوع دا بعدين يا ماما انا ماشى دلوقتى عشان الشغل وهرجع باليل سلام
امال: ماشى يا احمد سلام
تروح امال عند ثريه ومعاها العصير
امال: اتفضلوا
ثريه: لزوموا ايه التعب دا بس يا امال هو احنا غرب
امال:يختى لاتعب ولا حاجه .حتى مش انا اللى عملاه دا احمد ابنى
ثريه: ربنا يخلى
امال: الله يخليكى
بعدها بشويه استاذنت ثريه عشان تمشى , وطلبت منها امال انها تسيب مريم معاها عشان تساعدها فى شويه حجات وبعدين احمد يجيبها بالليل وبعد محايلات كتير وافقه ثريه انها تسيب مريم معاها بس سابت ملك كمان عشان مريم مترجعش لوحدها
ثريه وهى بتفتح باب الشقه: متتاخريش يا مريم عشان بابا
مريم:حاضر يا ماما

عند سلوى وعماد فى بيتهم
عماد: ايه يا سلوى يا حبيبتى مالك زعلانه ليه كدا فى حاجه
سلوى بدموع: تعبانه اوى يا عماد خلاص مش بقيت قادره استحمل اكتر من كدا انا ساكته بس عشان خطرك انت
عماد: اهدى كدا وقوليلى مالك انتى تعبانه من الحمل مثلا اوديكى للدكتور
سلوى:لا
عماد: طب فى ايه احكيلى
سلوى بدموع وعيون حمرا: مامتك واختك
عماد: مالهم
flash back
تنزل الفت لسلوى بعد ما عماد يروح الشغل وتخبط عليها
سلوى من ورا الباب :مين
انا الفت يا سلوى افتحى
سلوى: اهلا يا طنط اتفضلى
الفت بتافف: انتى لسه نايمع لغايه دلوقتى
سلوى :الساعه لسه 7:30 يا طنط
الفت ضيق :ما انا عارفه
سلوى : خير يا طنط فى حاجه
الفت:البسى يلا عشان تيجى معايا المزرعه
سلوى:ليه
الفت بنفاذ صبر : ليه ايه عشان تساعدينى هناك
سلوى: طب هو ينفع احى المزرعه وانا حامل
الفت: وايه يعنى ما احناكنا حوامل وكنا بنعمل كل حاجه ولا انتى غيرنا
سلوى: حاضر يا طنط هلبس واحصل حضرتك
الفت وهى طالعه : بسرعه عشان منتاخرش
تلبس سلوى وتروح معاها المزرعه وتخليهاتشيل حجات كتير تقيله وهى حامل ويستمر لحد الساعه 2 الظهر
الفت : كفايه كدا النهارده ونكمل بكرا
سلوى :هو لسه في بكرا كمان
الفت بلا مبالاه: وبعدو وبعدوا ويلا بقى عشان تلحقى تعملى الاكل لجوزك ولا عيزاه يجى ميلاقيش اكل فى البيت
سلوى بتعب : حاضر يا طنط
استمر حال سلوى على كدا لمده شهر كل يوم تروح معاها وترجع البيت تطبخ لعماد وتنضف البيت
back
سلوى بدموع: انا اسفه انى قولتلك بس والله خلاص انا مبقتش قادره
قعدت سلوى تكلم عماد وهى بتعيط فى حضنوا لحد ما نامت
عماد فى نفسه: بقى كدا يا ماما هى دى الامانه اللى امنتك عليها واسالك تقوليلى دى مش طيقانا خالص وبتعامنا وحش يارب خليكمعايا ومع مراتى يارب


الفصل الثامن

عند امال فى الشقه
مريم: ها يا طنط حضرتك عيزانى اسعدك فى ايه
امال: اهكنت عيزاكى تساعدينى فى ترويق الاوضه دى عايزه اغير نظامها
مريم:مممممم طب حضرتك عيزاها ازاى
امال: بصى الاوضه قدامك اهى وضبيها زى ما تحبى على حسب ذوقك بقى وانا هساعدك
ملك متدخله فى الحوار : وانا اعمل ايه ؟!
امال بابتسامه: انتى تقعدى مع طنط سوسن جوا ولو احتاجت حاجه نادى عليا
ملك: حاضر
امال: علفكره فى تليفزيون جوا شغلى الكارتون براحتك
ملك بابتسامه فرحه: ماشى . هروح بسرعه اقعد معاها
امال ومريم:ههههههههه
مريم: اوعى تكسرى حاجه يا ملك
ملك: حاضر حاضر
تدخل ملك عند سوسن وتقعد جمبها , اما امال ومريم فيروحوا الاوضه عشان يظبطوها
مريم: هنحط دى هنا يا طنط هتبقى احلى كتير ودى هنا هتكون اشيك , اما دى هنحطاها مكان دى
امال: اعملى اللى انتى عيزاه
مريم: حاضر
........ وهما بينظفوا
امال: انتى مخطوبه يا مريم
مريم بمرح: جيبالى عريس ولا ايه يا طنط
امال: هههههه قولى بس
مريم: لا مش مخطوبه
امال:ممم خلصتى دراستك
مريم: ايوا لسه مخلصه السنه دى طازه
امال: هههههه ماشى ربنا معاكى
........................
عند ملك وسوسن
ملك: ممكن ادخل
سوسن بابتسامه: تعالى اتفضلى
ملك بطفوله: طنط امال قالتلى اقعد عاكى هنا واتفرج على الكارتون
سوسن بابتسامه: هى طنط امال فين
ملك بعفويه: بتروق الاوضه مع مريم
سوسن : طب تعالى ادخلى يا ملوكه
تدخل ملك وتقفل البا وتقعد جمبها على السرير
ملك ببراءه: هو انتى تعبانه بقالك كتير
سوسن: يعنى بقالى شهر كدا
ملك بدهشه: ومش بتخرجى من هنا بقالك شهر
سوسن:ههههه شوفتى بقى
ملك: ممم طب ممكن افتح الكارتون
سوسن: ايوا طبعا
تفتح ملك الكارتون وتتفرج عليه هى وسوسن
...................................................
فى البيت عندثريه وسامى
سامى: فين البنات
:انيرة :مال كانت عايزه مريم تساعدها فى شويه حجات كدا فوافقت وسبت ملك معاها عشان متبقاش لوحدها
سامى: ليه بس سبتى البنات يا ثريه
ثريه :يعنى هيجرى ليهم ايه يعنى مهو البيت جمب البيت اهو
سامى : والله
ثريه: احم احم , خلاص بقى يا ابو سلوى مش هيحصل حاجه
سامى: ماشى .... طه جه وراح يلعب مع صحابه
ثريه : الواد دا مش بيشبع لعب
سامى: ربنا يهديه
ثريه : اعملك شاى
سامى: لا انا هروح الجامع
ثريه: خلى بالك من نفسك
............................................................
فى المساء
عند ملك فى اوضه سوسن
ملك: انا زهقت من الكارتون
سوسن: طب غيرى
ملك: لا انا هقفلوا خالص
قفلت ملك التليفزيون وفضلت ساكته شويه وبعدين
ملك: انتى ساكته ليه
سوسن: هقول ايه؟!
ملك طفوله: احكيلك حدوته
سوسن بابتسامه: ماشى
ملك: كان يا ماكان يا سعديا اكرام مايحلى الكلام الا بذكر النبى عليه الصلاة والسلام
بدات ملك تحكى الحدوته لسوسن لحد ما سوسن راحت فى النوم . راحت ملك مغطياها وطلعت وقفلت الباب بشويش خالص عشان متصحيش سوسن
.....
عند امال ومريم
ملك: مريم مريم
مريم:نعم
ملك بصوت واطى فى اذن مريم:انا جعانه اوى
مريم:طب استنى شويه يا لوكا فاضل شويه صغيرين ونروح
ملك:عااااااا انا جعانااااا
مريم: بس بس اسكتى
امال تيجى عليهم : ايه يا لوكا انتى مش قاعده مع طنط سوسن ليه
ملك بزعل: طنط سوسن نامت
امال: نامت ازاى
ملك: حكيت ليها حدوته ونامت
امال: ههههههههه مش معقول انتى عسل يا ملك
ملك بتكشيره طفوليه شكرا
امال: ايه مالك يا ملك
ملك: مفيش ... وراحت قعدت على الكرسى
امال: ملك ملها يا مريم زعلانه ليه
مريم: احم اصلها بصراحه جعانه
امال: يا خبر كدا يا مريم ومش عايزه تقوليلى
تعالى يا لوكا يا حبيبتى عايزه تاكلى ايه
ملك: مش عايزه
امال: لا بس متزعليش انا هعملك ساندوتش مربى وبعدها بشويه نتعشى سوا
ملك: ماشى
امال: ها يا مريم خلصتى
مريم:اه يا طنط فاضل اللمسات الاخيره بس
امال: طيب يا حبيبتى انا وملك هنروح المطبخ على ما تخلصى
مريم: اوكى

تاسع

كانت ملك وامال فى المطبخ بيحضروا الاكل . اما سوسن كانت لسه نايمه
ومريم فى الاوضه بتضع اللمساس الاخيره فيها
يصل احمد من الشغل وبيده اكياس بها عصائر وشوكولاتات وشبسيات
احمد: ماما امى اموله انتى فين
امال: ايوا يا حبيبى تعالى انا فى المطبخ
احمد يدخل المطبخ ويبوس ايد امال
احمد: ازيك يا امى
امال: الحمد لله يا حبيبى
احمد: ايه دا مين البنوته دى
امال بابتسامه: دى ملك اخت مريم بنت طنط ثريه
احمد:اها وبابتسامه ازيك يا ملك
ملك: الحمد لله
امال: جبت الحاجه اللى طلبتها منك
احمد:ايوا اتفضلى
امال: اديها لملك
احمد: اتفضلى يا ست ملك
ملك: ميرسى شكرا مش عايزه
امال: خديها يا ملك يا حبيبتى
احمد:خديها بقى يا لوكا عشان مزعلش منك
ملك: شكرا يا اونكل احمد
احمد: قوليلى احمدبس
ملك: حاضر
امال:احمد
احمد:نعم
امال: ادخل الاوضه كدا وقولى ايه رايك فيها
احمد: اوضه مين
امال: بتاعتك
احمد: مالها
امال: ادخل شوفها وشوف شكلها الجديد
احمد: حاضر مع انى مش فاهم حاجه
يدخل احمد الاوضه يلاقى مريم بتحط الفاظ على الترابيزه
مريم لنفسها: هييييييييييح اخيرا خلصت واكملت بصوت عالى شويه طنط امال انا خلصت
ولسه بتلف تلاقى احمد قدمها ترجع لورا فتخبط فى الترابيزه بس تعدل نفسها بسرعه
احمد: خلى بالك
مريم بتلجلج: ح حصل خيير
احمد: انتى مربم مش كدا
مريم بتوتر: ايوا انا
احمد: اهلا يا مريم وانا احمد
مريم هى باصه فى الارض تشرفنا .... بعد اذنك
احمد: استنى بس راحه فين
مريم: عند طنط امال
احمد: طب اتفضلى
عند اما ل فى المطبخ
مريم: انا خلصت يا طنط بعد اذنك انا هاخد ملك ونروح
امال: لا تروحوا فين لازم تتعشوا معانا الاول
مريم: لا شكرا مش هينفع احنا اتاخرنا اوى
امال: يعنى ينفع تكونوا قاعدين دا كله معانا ومنكلش عيشوملح مع بعض
مريم : معلش يا طنط خليها وقت تانى ان شاء الله ... يلا يا ملك
ملك: اوكى
امال: طب استنى احمد يوصلك
مريم: شكرا يا طنط مفيش داعى والله
امال: لا ازاى لازم اوصلك
احمد يا احمد
احمد: نعم يا ماما
امال: تعالا يا احمد وصل مريم وملك البيت عشان ميمشوش لوحدهم فى الوقت دا
احمد: حاضر . .
يخرج احمد مع مريم وملك عشان يوصلهم البيت
وفى الطريق
احمد: مريم
مريم: نعم
احمد :هو انتى اللى وضبتى الاوضه بالنظام دا
مريم باحراج: احم ايوا انا
احمد: شكرا بجد الاوضه بقت شكلها احلى بكتيير
مريم: العفو
...........................
فى مكان تانى بعييييد وتحديدا فى القاهره
.......:الو

الموظف: ايوا يا فندم

.......: جهزت اللى قولتلك عليه

الموظف: ايوا يا فندم كل حاجه تمام , والتذاكر هتكون عند عند حضرتك فى البيت خلال ربع ساعه

........: ماشى يلا سلام

الموظف:مع السلامه
......................................................
توصل ملك ومريم البيت ويسلم احمد على ثريه ويمشى
وهما يدخلوا يغيروا هدومهم ويعشوا ويناموا


الفصل العاشر

عند سلوى فى بيتها

سلوى : عماد عماد اصحى يلا عشان تفطر معايا وتروح الشغل
عماد: مممممم حاضر يا حبيبتى انا صاحى اهو ... هو النهارده ايه فى ايام ربنا
سلوى : ههههههه السبت يا حبيبى
عماد : السبت ! طب ومصحيانى بدرى ليه مهو اجازه اهو
سلوى : قوم بقى بلاش كسل انا هروح اشترى شويه طلبات من برا وجايه تانى تكون صحيت وعملت الفطار
عماد : ههههههه كمان دا انتى داخله على طمع بقى
سلوى :ههههههههههه ايوا
عماد : ماااشى
تخرج سلوى تشترى شويه حجات للمطبخ وهى راجعه تقابل الفت حمتها
سلوى بابتسامه : اهلا يا ماما ازيك
الفت بلا مبالاه : خدى شيلى دول اخسن انا مش قادره
سلوى: يا ماما بس انا مش هعرف دول تقال اوى وانا معايا اكياس
ألفت بوجه منزعج : يعنى اجيب حد من برا يشيل الشنط
سلوى : حاضر يا ماما
تشيل سلوى الشنط كلها لوحدها وتوصلها البيت . وتدخل بيتها تعبانه جدا ومش قادره
سلوى بتعب : عمااد عمااد الحقنى

iklan banner

Abdulrhman Sayed
كاتب المقالة
كاتب ومحرر اخبار اعمل في موقع قصص وروايات .

جديد قسم :